|
|
 Re: انهيار سعر الدولار (Re: محمد الامين محمد)
|
| Quote: اربعه ونص ولسع نازل |
صدقني لو إنهار سعر الدولار بفعل فاعل لأقل من 4000 حيرتد ويخترق سقف 5200 ويمكن 6000 تاني ما تثبتو
وحيظل إنهيار الجنيه مقابل الدولار هو الحقيقة المرة حتى لو ظللنا نهرب من الواقع والبوستات في كل صباح
دي اسمها فجة الموت - والجنيه بقى ما عندو أي ركب يقيف عليها وكل المنشطات بقت ما بتجيب نتيجة
البترول وراح علي الكانو مستفيدين منو ولحق الصمغ والقطن والثروة الحيوانية والغابية وأمات طه - وقدر المصانع الكانت بتنتج انهارت من وقع سياط الضرائب والرسوم وعدم الإنتماء للمؤتمر الوطني، والخصخصة للخاسر والرابح
والقوى العاملة جلها أصبحت مغتربة داخل أو خارج الوطن واصبحت مطرودة ومعزولة من المساهمة في إدارة عجلة الإنتاج
وخط الإنتاج الوحيد الشغال بقى إسمو مؤتمر وطني (إعلامي) وده لو نط ما بيغطي نقطة التعادل حتى لو مسكوهو مازدا
دحين لغة السياسة وهي لله والخج والرد بالسد دي ما بتوكل عيش مع ناس الإقتصاد والمال والجدوى والميزة الإقتصادية
ولو المجلس الأربعيني أقنع تجار الحزب يفكو الدولار العنهدم - تاني يشمو قدحة
| |
  
|
|
|
|
محمد الامين محمد
Elawad Eltayeb
فيس بوك
تويتر
انستقرام
يوتيوب
بنتيريست