مرتضي سلامات تعرف نجوم الغد دي لي منها زمن جيت الليله داخل لقيت الود ده عايز اغني,ياخ اطربني وولدي عمرو اربع سنين هجج في الغنيه فزول اطرب الاطفال ده قطع شك جضيم
02-16-2012, 10:46 PM
صلاح غريبة صلاح غريبة
تاريخ التسجيل: 04-25-2010
مجموع المشاركات: 7663
التجاني حاج موسى صوتو جميل .. مرة في بداياتو سألو فنان كبير عن رايو في التجاني ؟! الفنان قال ليهم والله التجاني صوتو جميل وطروب بس عندو مشكلة في الغلاف ..!!
أها زولك دا نفس الشي ..!!
02-29-2012, 11:58 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: التجاني حاج موسى صوتو جميل .. مرة في بداياتو سألو فنان كبير عن رايو في التجاني ؟! الفنان قال ليهم والله التجاني صوتو جميل وطروب بس عندو مشكلة في الغلاف ..!!
حبيبنا ناذر
تصدق امس حكاها لينا بي نفسو
اليومين ديل حل ضيفا كريما علينا في الرياض
شكرا ناذر
02-29-2012, 05:51 PM
البحيراوي البحيراوي
تاريخ التسجيل: 08-17-2002
مجموع المشاركات: 5763
Quote: اديني واحد في السودان غلافو جمييييل كدا نحلف بي حياتو
غايتو ناس نجوم الغد ديل أكتريتم بيظهروا في الشاشة مسبسبين ومجلطين بالجل وباقي البتاعات والرقاشات والهنايات .. وبناطلين الجنس الضيقة والتي شيرتات النازلة كبس .. دا من خلال الناس الظهروا أو اتخرجو من البرنامج ..
يعني محمد خير دا (الإصطايل) بتاعو ما نجوم غد .. غايتو ما تخسر حليفتك ساي .. !!
02-29-2012, 06:33 PM
مرتضى احمد عبد القادر مرتضى احمد عبد القادر
تاريخ التسجيل: 12-30-2009
مجموع المشاركات: 2484
Quote: خلينا من غلافو كدي ولا جلادو نحنا قلنا صوتو سمح...
أها أنا أديك رايي الاشتر من باب حب الناس مذاهب ..
انا بالنسبة لي صوت محمد خير دا عادي جدا وما من نوعية الأصوات البتطربني أبدا مع اني بحس إنو بيطرب ناس تانين لكن أنا لا .. صوتو من نوعية الاصوات الما بترتاح ليها أضاني .. زيو وزي شبارقة وزي سامي المغربي ...
لكن اكيد بيضرب اضان تانية غير اضاني ..!!
02-29-2012, 06:38 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: يا ناذر الود دا جضم وضاحة تحديدا جضيم شديد ولا كلمة لو الغلاف ما عجبك دي حاجة تانية بس ما تأكل الود حقو
وضاحة غناها ما مرتاح الزول دا .. استهلك فيها لفتين من حبالوا الصوتية عشان يدي الاغنية حقها .. وبعد دا الاغنية طلعت مشوهة .. لا حظ للطلعات العالية .. الزول دا بيتعب كيف وصوتو بيهتز ويقرب يفرق سلم !!
هو الغنا شنو لو ما المغني كان مرتاح في غناو عشان المستمعين ما يتشنجوا معاهو ؟!
انا ما عارف لكن لو غنى وضاحة بالطريقة دي في بداية وصلة غنائية حاسي انو بعديها ما حا يقدر يغني أو يقول أي حاجة ..!!
وقبل شوية كمان سمعت يا ضابط السجن .. معقولة يا خي ؟!!
أنا لو محل ضابط السجن دا . ادخلو جوة السجن شهرين وأديهو مع الشهرين 120 سوط في حنجرتو ..!!
تسلم ..
02-29-2012, 06:50 PM
فاروق عثمان فاروق عثمان
تاريخ التسجيل: 10-22-2010
مجموع المشاركات: 2017
ناذر سلام اي ده بس الدايرنو منك رؤيتك في صوتو لكن كلام الغلاف والبتاع ده بخلينا ندخل في حتات تاني وحا نحرف البوست ده انا مادارس موسيقي ولا عندي فكره فيها,لكن زي ما قلت في بداية البوست انو الود ده اطربني جدا وما قاعد اهتم بالاشكال اطلاقا لانو زي ماقلت حب الناس مذاهب,والسبسبه والتسحسح قاعد اشوفو استلاب ما اكثر لانو نحنا كشعب سوداني معظمنا شعرنا ما مسبسب ولا لونها ابيض,وانا متصالح مع الشئ ده جدا ومفتخر بيه.
02-29-2012, 07:56 PM
عزيز عزيز
تاريخ التسجيل: 04-12-2002
مجموع المشاركات: 3290
الود محمد خير فعلاً صوت جميل وأداء قوي وينتظره مستقبل واعد إذا ما صقل موهبته بالدراسة والثقافة الموسيقية.. أكرمني الحظ في إجازاتي في النصف الثاني من يناير والنصف الأول من فبراير بدعوة كريمة من استاذ بابكر صديق لحضور بروفة لهؤلاء الشباب أذهلني فعلاً محمد خير بأدائه و صوته كما أعجبتنى شذى عبدالله وبعض من الشباب من نجوم الغد.. وملأني الفخر بأن بالسودان هذا الرجل الخلاق الخلوق بابكر صديق وكيف يتعامل مع هؤلاء الموهوبين وكيف يرعاهم ويكسبهم الثقة في انفسهم تمنيت ان اجد إخوتي واصدقائى واساتذتي محمد سيف ودرديري في البروفة لكي اتعرف على كيفية توجيههم لهؤلاء الشباب ودعمهم بمعرفتهم ومعينهم في مجال الموسيقى والغناء ولكني لم أجدهم في البروفة.. صناعة النجوم وتربية المواهب ورعايتها يحتاج الى مؤسسات كبيرة تهتم بهذه البرامج .. يجب أن يوفر لهم سكن يجمعهم من بعد إختيارهم مباشرة وتتوفر لهم الرعاية الموسيقية والتدريب العلمي الممنهج للصوت وطريقة الأداء والأختيار السليم للأغاني التى تتناسب وصوت كل منهم ومداه الصوتي كما يجب الأهتمام بالمظهر العام حتي لا يأتي اخونا ناذر وينتقد الغلاف!! هؤلاء الشباب يقدمون إجتهادهم الشخصي بعناية ورعاية استاذ بابكر صديق والفرقة الموسيقية .. وأنا أجزم بأن تقييمهم من قبل اللجنة فيه كثير من الظلم عليهم لأنهم لم يجدوا المناخ المناسب الذي تطرقت لجزئية صغيرة جداً منه في سياق مداخلتي هذه..
صديقى الجميل ناذر .. لنقدم دعمنا لهؤلاء الشباب فهم مازالوا يتلمسوا الطريق وعندهم الموهبة التي إذا ما وجدت الرعاية والتوجيه السليم سيكونوا فعلاً نجوماً للغد..
تأسفت حقاً لأنني دعيت لحضور أحد حفلاتهم الجماهيرية ولكنني كنت حينها في رحلة لبورتسودان وفاتني ذلك الحفل الذي منيت به النفس..
سيفوز محمد خير بهذه الدورة لا محال وستليه شذى عبدالله وسيكون لهما شأن في قادم الأيام في مجال الغناء إذا ما فطنا الى موهبتهما وتعاملا معها بما يليق من ثقافة وعلم وفهم ورؤية ..
لكم كامل الود والتقدير عبدالعزيز خطاب أكاديمي موسيقي
انا شخصيا تعجبني في محمد خير ثقته في قدراته، والتي تتجلى في اختياراته والتي تصل لدرجة المجازفة، ويتجلى ذلك في اختياره لأداء احدى أغنيات الفنان صاحب الأداء الصعب والمعقد الفنان شاويش، ويا ريت أن يأتي بها أحد الأخوان الى هنا....
02-29-2012, 09:15 PM
فاروق عثمان فاروق عثمان
تاريخ التسجيل: 10-22-2010
مجموع المشاركات: 2017
المقدر عزيز الموسيقي في تقديري انسان مرهف الدواخل عذب الاحاسيس,فالموسيقي تشذب النفس من ادرانها وتنقي الروح من شوائب السلوك السئ, والاستعلاء الاجوف ,وتهذب الروح بطيب الكلم ورقي المشاعر. محمد خير شاب مكافح ومثابر وفوق ذلك يمتلك صوت قوي واداء واثق وانيق,والموسيقين الحقيقين امثالك هم من يقفون معهم بحسن التوجيه والصقل والرعايه والنقد البناء في صميم فعلهم واداءهم الموسيقي ,دون تجريح او اساءه,ودون ان يجرحو لشعورهم او يخدشو مشاعرهم بالنقد السطحي والرؤي الشكليه,والتي حتما ستاثر علي اداءهم وتهز ثقتهم بانفسهم وفوق ذلك تدمي انسانيتهم. اسعدتني رؤيتك العميقه وتهذيبك الجم افرحني وانت تنصف هذا الشاب الموهوب. فائق تقديري وعميق امتناني استاذي الفاضل.
بالجد محمد خير فنان مدهش لكن انت ظلمتو كتيير لان الفيديو النزلتو اول كان من اضعف الفديهوهات العرضتها ليهو وكان واضح ان مهندس الصوت ما ظبط شغلو كويس لذلك ظهر بصوت مخنوق وضعيف حتى اشفقت عليهو وقلت كيسو فاضي..لكن فقط تعليقات الناس شجعتني اسمع باقي الفديوهات فبانت لي يادوب الحقيقة ان هذا الفنان سيكون له شأن عظيم..ولو داير تخدم البوست والشاب ده يا ريت تقوم بإنزال فديو جدي الريل في اول مداخلة ليك فوق لي ضابط السجن بالجد ضابط السجن ما بتديهو حقو..
شخصيا اعتقد انو بيمتلك صوت طرووب جدا جدا جدا وفي طبقات الصوت قريب من الفنان المظلوم نميري حسن والفنان الكبير سيف الجامعة لكن لابد يجتهد للخروج من العبايتين ديل..
Quote: التجاني حاج موسى صوتو جميل .. مرة في بداياتو سألو فنان كبير عن رايو في التجاني ؟! الفنان قال ليهم والله التجاني صوتو جميل وطروب بس عندو مشكلة في الغلاف ..!!
أها زولك دا نفس الشي ..!!
ناذر الخليفةاوع تكون مشكلة الغلاف دي هي الطفشتك من الوسط الفني ؟ لان محمد خير ده لو زاد ليهو كم كيلو كده بينكم ملامح مشتركه..
03-01-2012, 02:44 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10340
محمد خير منتظرو مستقبل كويس فى المجال دا بس محتاج شغل كثير
اكثر حاجه لفتت انتباهى الموسيقى , لعبو ليهو موسيقى صاح رغم الفرق بين الفرقتين
ممكن يكون ظلموا مهندس الصوت شويه
هاك سيدا ابو مصعب
فى اغنية عبد الرحمن فى الدقيقه اربعه حصل دروب فى واحد من الخطوط الثلاثه بتاعة كهربة الاستديو عشان كده الالات الموصله بالخط دا وقعت لكن شوف كيف عبد الرحمن اتجاوز الحته دى كانو ماحصل شى
03-01-2012, 03:18 PM
فاروق عثمان فاروق عثمان
تاريخ التسجيل: 10-22-2010
مجموع المشاركات: 2017
Quote: دون تجريح او اساءه,ودون ان يجرحو لشعورهم او يخدشو مشاعرهم بالنقد السطحي والرؤي الشكليه,والتي حتما ستاثر علي اداءهم وتهز ثقتهم بانفسهم وفوق ذلك تدمي انسانيتهم.
قريت البوست الكتبو جني قبل تلاتة يوم عن الفنان عقيد الخيل ؟!
الفنان عقيد الخيل بيغني بالطمبور قدام الاذاعة وهو صوتو ما جميل لكن كل الفنانين البيجوا داخلين الاذاعة بيكذبوا عليهوا ويقولوا ليهو انت صوتك جميل جدا (مراعاة لي حالتو النفسية) ، لدرجة انو واحد من الفنانين الكبار قال ليهو : انت لو سجلت في الاذاعة دي أنحن كلنا حا نبقى عاطلين ..!
المهم الزول خاتمتو كانت مروعة لأنو كل الفنانين شكروهو وهو ما قدر يسجل في الاذاعة وبعد داك للأسف انتحر بشنق نفسو في شدرة ..!
لكن في واحد من الفنانين ما جاملوا .. محمد وردي ..
المرحوم محمد وردي بعد ما سمعوا وطلبوا رايو عاين لي عقيد الخيل وقال ليهو إنت يدينك قويات وجسمك قوي .. ليه ما تشيل شوالات بصل وفحم ؟!
فأنا يا حبيب قلت فوق جبيل رايي الدغري ولولا اختلاف الاراء لبارت السلع ..
بعدين حكاية الرؤى الشكلية دي مهمة جدا .. عشان كدة جابوا الأستاذ محمد سليمان في تحكيم نجوم الغد .. محمد سليمان قبل فترة جات بت لابسة توب وغناية جدا .. لمن جا دور محمد سليمان يقول ملاحيظو عاين لي كراع البت وقال ليها (بس التوب ما بيلبسوا معاهو كبك) ..
ولا شنو ؟!
03-01-2012, 06:37 PM
فاروق عثمان فاروق عثمان
تاريخ التسجيل: 10-22-2010
مجموع المشاركات: 2017
ناذر ازيك تاني....تعرف يا ناذر انا معاك انو وردي رايو واضح ودوغري جداً وما بجامل في مسالة الأصوات دي،لكن بنتقدك وبفستفك في صوتك وغناك ولو الغنا شكليات في فنانين كتااار ما كان آكلو عيش
03-08-2012, 08:50 PM
فاروق عثمان فاروق عثمان
تاريخ التسجيل: 10-22-2010
مجموع المشاركات: 2017
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فاروق عثمان
مرتضى احمد عبد القادر
صلاح غريبة
Shawgi Sulaiman
ناذر محمد الخليفة
الصادق صديق سلمان
البحيراوي
عزيز
nadus2000
mohmed khalail
خضر الطيب
إبراهيم عبد الحليم
فيس بوك
تويتر
انستقرام
يوتيوب
بنتيريست