|
|
 يا سلام يا(طارق ابو شوك)اتاريك انت من صناع هذا العرس الديمقراطي بقطر!
|
لمحنا طرف الشمار هنا:
Re: القوى الوطنية الديمقراطية تكتسح انتخابات الجالية السودانية بدولة
يا سلام....يا سلام.....يا طارق ابو شوك
اتاريك لسه صامد وصلب كعهدنا بك!
حقيقة سامحني نسيت انا شخصيا انك لازلت بتلك البقاع....
فمبروك عليكم....يا اهل قطر نسائم هاملتون المعبقه بارث الطلاب المحايدين
والمتشبعه بالديمقراطيه الكنديه...و المستمده اصلتها من قنتي الصامده
ومجالس العمده ابو شوك.
ويا ناس قطر نحن بصدد زفاف فارس ديمقراطي آخر في طريقه اليكم
بجوازه الكندي وتراثنا العامر.....في الديمقراطيه.....لن نفصح...
لكنه يا طارق قريب بشير اسماعيل!ولك ان تتخيل روعة المعدن!
غايتو الزول ده لو ما لاقيتوا بجاليه ديمقراطيه
كان الله قال بقولكم!
مبروك غايتو يا ناس قطر
بعد ان قطعنا فيكم العشم
بان امثال عزام يترشحون!!
لكن طالما امثال ود العمده ابوشوك بينكم
وكل الرفاق الامجاد....نعلم بانكم لن تفرطوا...واعذرونا في انحيازنا الهامتلوني
ولكن هذا الفارس عرفناهو... وخبرنا صلابته في مصادمة هذا النظام.
ويا طارق حقيقي فخورين ب(كنديتك) المشرفه
حسب علمنا هنالك (امريكان) كثر(سودانين)
لم يفعلوا ربع ما فعلت فشكرا لك ان رفعت راسنا!
و بحمد الله هاملتون لا زالت عصيه على التطبيع مع السفاره!
ونردد من على البعد كندا وووووووييييييييييي!!
|
|
  
|
|
|
|
|
|
|
|
Re: يا سلام يا(طارق ابو شوك)اتاريك انت من صناع هذا العرس الديمقراطي بق (Re: احمد التجانى احمد)
|
هلا تراجي
وحبابك ود التجاني
ومرحبتين بتوم وجيري بكان ما قبلو لووووووول
------------
طارق ابو شوك ما ياهو طارق دفعتنا بتاع زراعية
طارق ده قدامنا بسنة ولكن في كلية الاقتصاد
ومن القيادات التاريخية لحركة المحايدين ولو فرفرت البوست الجابتو تراجي ده وشفت صورته حتتذكروا بالتاكيد..
طارق ابو شوك موغل في الجمال والنبل والدقة
ومنذ ايامات الجامعات نشهد بان اي انتخابات يكون ابو شوك هو احد دعائمها فهذا يعني سقوط الكيزان سقوط شنيع
وشوف عبني ثلاثة انتخابات
بتاعة اتحاد المحايدين السيك الشهير
ودورتين انتخابية في جالية قطر الانتخابات الحالية والدورة القبل الفاتت
| |
|
|
|
|
|
|
|
|
|
Re: يا سلام يا(طارق ابو شوك)اتاريك انت من صناع هذا العرس الديمقراطي بق (Re: Tragie Mustafa)
|
بركه يا كيكي الجبته النجضيه
انها طارقنا المعنيس ليس طارق ود التجاني ده:
Quote: طارق ابو شوك ما ياهو طارق دفعتنا بتاع زراعية
طارق ده قدامنا بسنة ولكن في كلية الاقتصاد |
يا ود التجاني انت طارق ابو شوك ده لو اتيح لك تستمع له نصف يوم بس ما كان ده حالك؟!
عارف ليه؟!
لا مدعي بانه منظر ولا كتاب ولا سياسي
لكنه يجمعهم كلهم معا!
طارق ابو شوك يمثل رجل الشمال البسيط النقيء الاصيل
في افضل صوره.....لا يعرف خلق غير:
(ؤيثرون على انفسهم ولو كان بهم خصاصه)
عادل اذا حكم!
امين اذا اؤتمن!
فصيح اذا تحدث!
شامل لا يعرف للاقصاء معنى!
مهذب يوقر الكبير ويحترم الصغير!
يا سلام عليه زينة شباب هاملتون...بل وكل اونتاريو.
ربنا يغطي عليه....ويدينا قيادات دوما مثله.
اكثر ما يكون زهدا في المناصب....وللاسف هو الاكثر تاهيلا لها!
| |
|
|
|
|
|
|
|
|
 Re: يا سلام يا(طارق ابو شوك)اتاريك انت من صناع هذا العرس الديمقراطي بق (Re: Tragie Mustafa)
|
انه هو قد عرفته طارق ابو شوك الفتى الاصفر الطويل والنحيف
اينما حل وضع بصمة وحيثما رحل ترك اثرا
شهدت له جولة من جولاته التي لاتنسى حينما كنا نعمل معا في البنك الاسلامي السوداني
كانت الانفاذ في قمة عنفوانها الامني وكان المرحوم عبد المجيد منصور نائب مدير البنك
وصاحب السطوة االمتسلطة حينئذ ترتعد له كل اوصال البنك رهبة ورعبا
في ذلك الظرف العصيب والرهيب استطاع طارق ابوشوك
وهو على راس النقابة القيام باول وانجح اضراب في تاريخ البنك وجرجر ادارة البنك مرغمة
للتفاوض والاستجابة لحقوق ومطالب العاملين
انه رجل حق ...رجل مواقف....رجل عدل
ورجل موفق
له مني الف تحية
| |
|
|
|
|
|
|
|
|
|
Re: يا سلام يا(طارق ابو شوك)اتاريك انت من صناع هذا العرس الديمقراطي بق (Re: عبدالكريم الامين احمد)
|
يا سلام يا كيكي ياهو فعلا طارق ابو شوك
Quote:
طارق ابو شوك موغل في الجمال والنبل والدقة
ومنذ ايامات الجامعات نشهد بان اي انتخابات يكون
ابو شوك هو احد دعائمها فهذا يعني سقوط الكيزان سقوط شنيع
وشوف عيني ثلاثة انتخاباتبتاعة اتحاد المحايدين السيك الشهير
ودورتين انتخابية في جالية قطر الانتخابات الحالية
والدورة القبل الفاتت |
يا سلام.....ياهو فعلا طارق ابو شوك...حيث ما حل
رحل الكيزان.....الزول ده ما تقنعه يجينا في (كاودا)
يمين الله يكرب لك العالم دي كلها كربه تحير!
و بعيدن يا كيكي انت لما غالبين المؤتمر الوطني لكم سنتين ساكيتن ليه
ما تفرحونا معاكم!!(ههههههههههه)
اها نحن قايلنها دي اول دوره لكم!
| |
|
|
|
|
|
|
|
|
|
Re: يا سلام يا(طارق ابو شوك)اتاريك انت من صناع هذا العرس الديمقراطي بق (Re: احمد التجانى احمد)
|
بعيداً عن السياسة والكيزان والمحايدين ...
وفوق كل شيئ الزول ده راجل ...!
راجل الرجالة الوااااحدة ديك البقولوها في المواقف البتظهر معادن ( الرجال ) ...
وما طارق بحالة شاذة ولا رجالته ولا ظرفه ولا معدنه الأصيل ولا حلاوة معشره ولا أي من ذلك بمسلكٍ عارض..
إنما هي تربية العمد كما ظل دوماً يؤكدلي وينبهني الصديق الصدوق علي سند كلما( جات سيرة ) أحد من هؤلاء ...
فإني لأشهد بأن كل من عاشرت ممن ينتهي إسمه بأبي شوك يبتدئ منه وينتهي إليه أي معني للرجالة الشهامة .... والأصالة ...
التحية للصديق الأصيل طارق أبي شوك وإخوته ....
| |
|
|
|
|
|
|
|
|
|
Re: يا سلام يا(طارق ابو شوك)اتاريك انت من صناع هذا العرس الديمقراطي بق (Re: Abdlaziz Eisa)
|
دغيس:
فإني لأشهد بأن كل من عاشرت ممن ينتهي إسمه بأبي شوك يبتدئ منه وينتهي إليه أي معني للرجالة الشهامة .... والأصالة ...
التحية للصديق الأصيل طارق أبي شوك وإخوته ....
---------------------------------------------------------------------------------------------------------
نثني ونعضد الشهادة اعلاه والتحية لطارق
والتحية موصولة للأستاذ محمد إبراهيم ابوشوك
| |
|
|
|
|
|
|
|
|
|
Re: يا سلام يا(طارق ابو شوك)اتاريك انت من صناع هذا العرس الديمقراطي بق (Re: Abdlaziz Eisa)
|
Quote: اها نحن قايلنها دي اول دوره لكم!
|
الله يا تراجي ده كلام شنووو.؟؟؟
الكيتة بتاعة (ابو تفة) الكنتي بتدقي معانا فيها ديك كانت شنوووووو...؟؟؟
فالقوي الديمقراطية فزنا في اول دورة بتاعة جالية ديمقراطية قبل اربعة سنوات
وكان رئيس الجالية عبد المنعم ابو تفة...
وفيها ايضا فزنا نحن كمهندسين ونجضنا الموتمر الوطني نجاض قبورة...والان عدنا الكرة ودقيناهم دق العيش في وبفرق كبير جدا جدا
-------------------------
جالية قطر بالنظام الجديد لحدي حسسع ثلاثة دورات
-الدورة الاولي قوي ديمقراطية
- الدورة الثانية كيزان ومعاهم انصار سنة ومعاهم الصوفية في تحالف (سمك لبن تمر هندي)
- الدورة الحالية التي انتهت الاسبوع الفات قوي ديمقراطية wayeeeeeeee
فديري بالك ما تدقسي يقوم ابو صلعة ده يشبكك (بسوس ) (بسوس) اقوم انا ككاودست اعضيهو ليك في صلعتو دي سااكت (لووووووول)
ورحم الله مجدي الشيخ ياااخي وانا لله وانا اليه راجعون
| |
|
|
|
|
|
|
|
|
|
Re: يا سلام يا(طارق ابو شوك)اتاريك انت من صناع هذا العرس الديمقراطي بق (Re: عبدالكريم الامين احمد)
|
طارق أبوشوك ,,, محمد أبوشوك ,,, وثالثهم شيخهم العالم الجليل البروفيسر أحمد أبوشوك ,,
شباب كالورد أينما تضعهم يزهرون .
شكرا تراجى ومشتاقين ,,
| |
|
|
|
|
|
|
| |
Tragie Mustafa
احمد التجانى احمد
عبدالكريم الامين احمد
Abdlaziz Eisa
أبو ساندرا
كمال سالم
nadus2000
محمد فرح
فيس بوك
تويتر
انستقرام
يوتيوب
بنتيريست