طـــــــــــــــــــز فيكو، وطــــــــــــــــــــــــــز فيّا (فيديو)

Quote: اعتذر عن العنوان غير المهذب ولكنه جاء مطابقاً تماماً لوصف الحال [/QUOTE سلامات يا سلمي! ليه (الط.زط.زة) دي كلها؟ مُش كفاية في النظام، جهاز الأمن والديناصورات؟ لا فينا ولا فيك ولا في السوداني المغلوب علي أمرو! أنا شفت الفيديو لكن بصراحة عندنا فيديوهات أكتر حُزنآ منو وبتعبر عن (واقعنا) وحاجاتنا بشكل أكبر! شكلو كدا جذبك الكلام الأنا ما عرفتو شِعر ولا نثر؟ صاحبنا دا كان بكرر في الكلمة دي كتير ومن حقو يفش غبينتو طبعآ طالما حال بلدو عاملة كدة وهو حاسي بالغضب والعجز! لكن يا سلمي أسمحي لي أنبهك لحاجة صغنونة كدا إنو كلمة (طُظ) في مصر حاجة عادية جدآ ذي ما برضو ممكن تسمعي كلمة يا إبن ال........ وفي أي مكان حسب ثقافتم طبعآ! لكن (طُز) السودانية بتاعتنا دي مُش ما مهذبة وبس لكن بصراحة حااااارة شوية لأنو معانيها ودلالاتا بتختلف من المصرية! غايتو إتمني إنك تكوني ما عارفة معناها شنو بالظبط كدا وإستخدمتيها علي الأساس دا!! بالجد مغبونين وزهجانين ووصلنا حد القرف عدييييل يا سلمي لكن ياريت ما نجاري الناس في بعض الحاجات وياريت نرتفع ونرتقي بمستوي خطابنا بالذات السياسي... خالص محبتي وتقديري رضوان داؤد