الحمدلله آهو الناس بقت تعرس...

Quote: التشكيل الفي اسمك دا...بعدين بذكرهم بالتياب المطرزة ودي أغلي شي في الشيلة...دحين طالما ماك ناوي... خلي اسمك سادة

Quote: - مرحب بيك يا ولدي ... - يا حاج انا جاي اتقدم طالب القرب منكم ... وطالب بنتكم فلانة. - يا ولدي مرحب بيك ، إنت ود ناس منو ، وشغال وين ، وقريت شنو ، وووووو - حقيقة يا حاج ........................................... - شوف يا ولدي نحن نشاور ونرد عليك ومايحصل إلا كل خير. ----------------------- - يا ولدي نحن وافقنا ، وما دايرين منك حاجة إلا الحاجة اللي اتعارف عليها الناس ، 150 مليون مهر، 900 مليون دهب ، بيتين وعربية ، ووو. - طيب يا حاج انا برضو عايز اشاور وارد عليك. - يجلس الشاب حزيناً في طرف الحلة ... يأتيه صاحبه ... ماذا تريد ؟ ياخ أنا مشيت لفلان عايز فلانة قال لي عايز ..... - أها بسيطة .... دي مشكلتك ؟ - عايز فلانة ؟ - جيب 60 جنيه وموضوعك مقضي. ------------ بعد يومين .... - اها كيف ؟ - بهجة وطرب ، بلا عرس بلا لمّة، كنت حأدقس دقسة عمري ، ياخ شكراً ليك أنقذتنا ، بالله ؟ دايرين يدفعوني فيها مليار وهي راسمالها 30 جنيه ؟

(عدل بواسطة Hani Arabi Mohamed on 02-08-2012, 02:52 PM)

(عدل بواسطة مُحَمَّدٍ عِوَضٌ احْمَدُ on 02-08-2012, 06:23 PM)

Quote: الموضوع اساساً غير جاد..ماعارف ليه طوالى جريت لى اخوك على سورة النور؟

Quote: التشكيل يا ابو حميد ... التشكيل الفي اسمك دا ياخي انا كل ما أقرا اسمك في بوست بتخيل الموضوع ح يكون عن الفقه و السيرة و التفسير

(عدل بواسطة مُحَمَّدٍ عِوَضٌ احْمَدُ on 02-08-2012, 06:20 PM)

Quote: اسمك الانت مسجل بيه هنا دا فعلاً بيدي إحساس سورة النور :) غير كدا متين شفتني قاعد استشهد بسورة أو بآية أو بحديث أو حتى بقول صالح أو طالح ؟ ما ياني تراني طوالي عكس التيار الجاني .

والله ياهانى ما حصل شفتك ...لكن شنو العفو لو ضايقك تعليقى الأول بالجد
ما كنت قاصد الا الدعابة وبس

Quote: هسي الزمن دا العرس ما مشكلة... الا المشكلة في الوابل...ال...( ياهو يا بيت ابوي) حضر وابلك وتوابلك من هسي...عشان كمان شيلتك ما يقسموها بالحلة

Quote: ياخي مسالت الشروط دي ياها البتحكي حركة المجتمع وتطور الافكار فيهوا زمأأأأأأأأأأأأأأأأأن غنو الشروط دي : جيب لي معاك عريس شرطا يكون لبيس من هئية التدريس *يعني كان الاناقة والمعلمين هم الـ top لما غنو الغنية دي في ستينات القرن الفات مشت الامور بين شّد وجذب لحدي ما وصلنا مرحلة تعال بالعندك أبوي بسندك هسه رست على شنو اعذرنا لعدم المتابعة لكين هل في مشكلة زواج في السودان !!!! ولا المشكلة في تكاليفوا !!! ولا في رز الوابل !!! ده الموضوع الما حاقد أفتي ليك فيهوا لانو شهر ما عندي فيهوا نفقة ومن زمان ختينا شعار (( زوجة وأحدة ..........تكفي )) لكين من خبرة قديمة أي كان وضعك ضروري الزولة المرتبط بيها تحسسك انها قدمت تنازلات كتيره عشانك !!!! وما عارف الحكاية دي لى هسه ولا على إيامنا وخلاص ....

Quote: سلامات يا عبدالناصر.. طبعا فى الوقت الحالى مافى فرق كبير بين المعلم والعتالى..وهسه مافى مشكلة فى العرس بالعكس فى معجزات عديل بخصوصو... معجزات... لم يصنعها الحب..بل الظروف...التى يفهمها الآن كل طرف جيداً.. تخلصت البنت من تعقيدات العلاقة والنظرة القديمة فى انتظار رجل من نظرة يخليها ترجف..ويقوم جارى يخطفها فى حصان ابيض...يمكنها ايضاً القيام بهذه المهمة بلا حرج..تشوف اى راجل ان شاء الله ميت وتكفنو..وتخلى منو بنى آدم..,,,منذ الاف السنين كانت دائماً فى وضع المطاردة..والفريسه الثمينة..التى يجرى ورائها الف فارس ويحصل عليها فى الاخر رجل واحد فقط...الوضع مختلف جداً ...وعلى قولك العندو واحدة يكنكش فيها قوى..ويحمد ربو..ومافى داعى يطير عيونو يمين وشمال..'

Quote: إنت أظنك قاعد تتابع النيل الازرق FM الصباح...والله تنتكل علي الكلام دا وتمشي لي ناس تخطب بتهم...ومستند علي الخلفية الانت كاتبا دي...علا تشوف( جك قزازهم الفيه الموية لمبة ام سويط...والموية جاز ابياااض) تمشي تخطب...يدخلوك الصالون وتجيك 13 عمة وبرة الصالون يكون في زي ستين مركوب...نمر وأصلة وثعبان...وكديس زاتو دا غير قطع الفاشر...(طبعا انت بتكون واثق...ما خلفيتك يا هو دي الفوق دي) أها يا ولدنا...البت انت بتعرفا؟؟ من وين؟؟؟ إنت هول ناس منو؟؟؟ وفي الوكت دا يكون في زول ببركن في مركوب مقاسو 52 ...ويقطع حوار الخطوبة بالسلام...ويقعد ركن... ويطلّع حقتو...وفي الحتة دي (انت كان واثق جد تطلع علبة سجايرك) أها...وأبوك ليشي.. نو ما جاء معاك؟؟ دا سؤال بجيك من زول أصلا ما مشارك في السمع زاتو...وانت براك بتعرف الباقي يمين الله تمرق منهم عرقان وقرفان من العرس زاتو...دحين ما تنتكل علي ناس النيل الازرق اف ام...خليك في الوابل وبس