مليان شقا وشرقان ضنا يابختك انت هناك سعيد متهنى بالعام الجديد كلك فرح ودايب غنا وتسالنى كيف راس السنه حليل بلدنا وياحليل كل الجميلات والفرح وبلدنا بى رغم الظروف القاسيه والهم الطفح ما فيش بلادآ تشبها ولا غير سماها كنار صدح كل حاجه ليها طعم هناك حتى الحزن زى المرح وحناننا ما زى كل حنان ولا ناسنا زى الناس هنا وتسالنى كيف راس السنه انا لى زمن ما حضرت عيد فى وطننا وله فرحته يوم يوماتى شايلنى الاسى ويدينى بعدو كمان هموم الليل يمر زى حول هنا القاهو من اصحى واقوم وكتير ليالى تعدى بى من دون عيونى يجيها نوم واهو ديه حال كل زول غريب الرجعه ليهو تكون منى وتسالنى كيف راس السنه هنا لا فرح ولا عيد بيجى ولا بنعرف مروا كيف كل الاماسى زى الصباح وحتى الربيع زى كل صيف من عمرنا بيمضى الزمن وايامنا ماشه على خريف وعيوننا جافاها النظر وحتى القليب قرب يقيف والشوق خلاص كمل دموعنا واقدارنا مابيه تلمنا وتسالنى كيف راس السنه بالله كيف ناسنا الهناك طبعآ سعيدين فى الوطن الفرحه ما فرحة فلوس الفرحه احساس بالزمن وزى ما بيقاسوا من الظروف اهو نحنا حاضنانا المحن ومحنه فى بلدى العزيز فى الدنيا معدومة تمن وظروفنا بكره بتتعدل ومن تانى بيزورنا الهنا وتسالنى كيف راس السنه كل يوم يمر يابلدى فيك انشالله تقفزى للامام وربوعك الخضره الجميله بالخير يغطيها الغمام والناس تعود زى ناس قبيل لا فتنه لا جفا لا خصام وتعودى زى ماكنت اول عش للعصافير والحمام ونجيهو سوداننا الزمان وعليهو مانشيل همنا وتسالنى كيف راس السنه
[/B]
02-08-2012, 07:35 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
شكرا على على هذه النفحه الجميله عن قريبك الشاعر ذو الاحاسيس الرقيقه والجميله وصدقنى اكاد لا امل وانا اردد هذه الاغنيه المعبره والتى اجاد فيها الراحل المقيم هاشم ميرغنى
حان الزفاف وأنا حالي كيفن بوصفو يا ريت هواك لي ما انقسم ولا قلبي ريدك نذفو قالوا البعيش الدنيا ياما تشوفو تشقيهو بي فرقة عزيز وبالحسره ريقو تنشفو وإن شاء الله ما يحصل فراق لقلوب بعد ءاتولفو بس قولي لي أنساك كيف وأنا قلبي ريدك محنو أبحر سنين في كون هواك والليله فاقد مأمنو وأنا من زمان عارف البيكون وقليبى كنت بيقنو والليله يوم حان الزفاف أنا حالي مين ما حننو ولو ده الحصاد من كل ريد ناس قيس صحيح اتجننو جوني الصحاب وأنا قالوا لي شافوها في توب الزفاف شافوا الدموع واتحسروا والشوق غمام في عيونها طاف ومش عاد حرام ساكن الضفاف ينشره في عمرو الجفاف طول عمري بزرع في الورود وحصادي شوك آخر المطاف
02-09-2012, 08:50 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
ده ما سلامك ... تغنى مجذوب اونسة كما لم يتغني بغيرها ... شكرا عزمي على كل هذا الجمال ... وقريبا تتفتح الابواب كيما يحتويك الوطن من جديد ... شكرا فيصل محمد خليل شكرا ....
02-10-2012, 08:37 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
الاخ العزيز محمد الحارث شكرن كتيرن لمشاركتك والمشاعر الطيبة
عزمي أحمد خليل
سيرة ذاتية
· عزمى أحمد خليل
· من مواطنى وادى حلفا – دغيم
· ترعرع في الشرق فامتزجت عراقة النوبة بعنفوان أهل بورتسودان وكسلا واروما.
· درس الأبتدائي والمتوسط في اروما وبورتسودان والثانوي في حلفا الجديدة.
· درس الفلسفة والمنطق وعلم النفس بجامعة القاهرة فرع الخرطوم.
· عمل معلماً بمديرية كسلا.
· عمل ضابطاً بالخطوط الجوية السودانية بمطار الخرطوم
· عمل صحفياً بجريدتي الخليج والوحدة بدولة الامارات العربية المتحدة.
· عمل مشرفاً إجتماعيا بجامعة الملك سعود بالرياض
· سكرتير رابطة شعراء الغناء بالمهجر.
تغنى له العديد من الفنانين مثل العاقب محمد حسن – العطبراوي – عثمات مصطفى –هاشم ميرغني- حمد الريح –عبد العزيز المبارك –خوجلي عثمان-يوسف الموصلي-محمود علي الحاج –الهادي حامد-ابوعبيدة حسن-عبدالله البعيو-سيف الجامعه –مجذوب اونسة –محمد سلام- الرشيد كسلا-بشير عبد العال
الاخ فيصل ، تحياتى وأشكرك على هذا البوست الجميل، والتحية موصولة للصديق العزيز عزمى أحمد خليل، والذى أفتقده كثيراً، أخر عهدى به لما كان فى المنطقة الشرقية وكنا نتتواصل، اطيب الامنيات له ولاسرته الكريمة، ومناى ان يكون سعيدا ومرتاح البال، مودتى.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيصل محمد خليل
شمس الدين ساتى
mohmed khalail
هاشم محمد الحسن عبدالله
فيس بوك
تويتر
انستقرام
يوتيوب
بنتيريست