|
كتب الكاتب الفاتح جبرا المتوفرة بمعرض الدوحة
|
|
 Re: عندما تجهش فى قلبى الاناشيد الحزينة .. سأغنى (Re: حبيب نورة)
|
وبطرف إعجاب خفى ..
كنا نرامق ما يفعله ثوار الزنتان ..
وقلوبنا معلقه صوب الخرطوم ..
الخرطوم !
الزنتان !!
إذن ..
لماذا ليس كاودا ؟!
إنها مركزية احلام التغيير يا حبيب نورة يا صديقى ..
مازلنا أسري لذلك النمط الثورى الذى كان فى اكتوبر وفى أبريل ..
عاوزين انتفاضة مترفة تشبع غرورنا الوطنى ومركزية أحلامنا.. كأفندية
وتتيح لنا وقتا حميما للعناق الثورى وحتى منتهى النشوة الوطنية الزائفة ..
إنها مركزية أحلام التغيير يا يس يا عزيزي !!!
مركزية أحلام التغيير ليس الا ؟!!!
| |
  
|
|
|
|
|
|
|
|
Re: عندما تجهش فى قلبى الاناشيد الحزينة .. سأغنى (Re: محمد حيدر المشرف)
|
وهو لو فى حاجة يشجعوها فى معارضة المركز ..
كان نقول معليش ولكن ..
لا يمكن أن تكون غائبا تماما من المشهد الوطنى الا من بعض المشجعين والهتيفة ..
ففى هذا المنعرج الوطنى ..
المنعرج الوطنى !!!!
يا زول قول الهاوية الوطنية!!..
الكارثة الوطنية !!..
القيامة الوطنية !!..
شيء من هذا القبيل ولكن ..
القيامة الوطنية تبدو تعبيرا مناسبا جدا ..
وسأعود لذلك سابقا ..
وفى البال بعض التفاصيل المترفة التى بالبال ..
المهم ..
ففى مثل هذه القيامة الوطنية ..
لا يجوز أن تمارس الغياب أو تكب الزوغه أو تعمل فيها ميت ..
هذا الكلام ما ببقى ولا يجوز ..
بس ياهو الحاصل بالتحديد !!
والله صحى !!
| |
|
|
|
|
|
|
|
|
|
Re: عندما تجهش فى قلبى الاناشيد الحزينة .. سأغنى (Re: محمد حيدر المشرف)
|
وحتى ما تكون الأشياء فى نصابها الصحيح ..
وحتى لا نصيب قوما بجهالة ..
دعونى أطرح السؤال التالى ..
ما..
وأين ..
وكيف هو ..
المشروع السياسي المركزى المعارض ؟!!
وهذا من ناحية ..
وفى الناحية الثانية و بدرجة مهمة ولكنها أقل الحاحا
ماهى محاذير العمل المعارض والمسلح الحالى بصيغة تحالف كاودا الموجودة على الأرض ؟!!
| |
|
|
|
|
|
|
|
|
|
Re: عندما تجهش فى قلبى الاناشيد الحزينة .. سأغنى (Re: كمال مبارك)
|
هى الأسئلة يا كمال يا عزيزي ..
وجوب طرح الأسئلة بصورة مباشرة وعشان عمليات الخم الجارية ..
والسؤال الأول كان ..
ما ..
أين ..
وكيف هى المشاريع السياسية المركزية للعمل المعارض ؟!!!!!
ثم وإقتران ذلك بالاجابة المباشرة على السؤال الثانى حول محاذير العمل العسكرى لحركات الهامش المسلح والتى تبلورت رؤاها فى تحالف كاودا ..
الاسئلة يا عزيزي تتيح لنا مقاربات أكثر منهجية صوب الوطن ..
والاجابات تجعلنا نتخير أنجع الدروب التى يجب أن نسير عليها صوب ما نريد ..
نحن وكأفندية مركز ..
مسكنا زمام المسيرة الوطنية ومنذ 56 وحتى الآن ..
وربما قبل ذلك ..
وفشلنا كثيرا فى فرض رؤانا على المجتمع السودانى ..
ولا أتحدث هنا عن النتائج التى لم ندركها ..
أتحدث عن إمتلاك قدرة التأثير على الجماهير ابتداءً ..
والتأريخ يشهد لنا بذلك ..
كما ويشهد للثورة المهدية القادمة من عمق الهامش الكبير بتحقيق الانجاز الوطنى الأعظم والذى حققناه كشعب فى مجمل تاريخنا المعاصر !!..
أليس فى الأمر دلالات مهمة يجب الالتفات اليها يا سعادة الامام الصادق المهدى ؟!
وهكذا ..
مودتى
| |
|
|
|
|
|
|
|
|
|
Re: عندما تجهش فى قلبى الاناشيد الحزينة .. سأغنى (Re: أبو ساندرا)
|
معتصم الطاهر جدا ..
أن تزال الغشاوة من العيون ..
وقبل ذلك أن نجلو الرؤي جيدا كيما تكون واضحة للناظرين ..
فهناك غشاوة على العيون ..
وهناك غباش عالق فى الرؤي ..
وأما غباش الرؤي ..
فذلك ما سنمضى صوبه هنا ..
فى محاولة لازالته عن وجه الرؤي الحقيقية والفاعلة والموجوده أصلا وواقعا حيا على الأرض و .. دماء
| |
|
|
|
|
|
|
|
|
|
Re: عندما تجهش فى قلبى الاناشيد الحزينة .. سأغنى (Re: محمد حيدر المشرف)
|
"انتهت منو عدمتو التكتح !
ما فضل فيهو اللضى أو اللضه لا أعلم ..
أذكر النساء كبيرات السن يقلنها وهن يحجزن ضفرا بطرف السن الامامية ثم يطلقنه كناية عن العدم المطلق ..
ما فضل فيهو اللضى أو اللضه أو اللضا والله أعلم ..
وآه يا ولد !
بقيت على متل هذا الكلام النىء !!"
سلامات يا مشرف وتحايا
والف مرحب بى انا سهام المجمر فى الكلام النى
عليه اقول نياًان "اللضه" كلمة مصرية قحة
نحن حقتنا الفوق ليها دى التكتح
وهكذا النى للنار...
دعنى اذيع عليك سراًاننى احب ان أقرا لك بارك الله فيك
وفى كيبوردك
مركزية المعارضة دى خلقناها نحن وزودناها بالوقود
لتظل باقية لنبقى نحن المركز اسياد الوطن
يا مشرف بحكم وجودى فى المركز لاتسمع اخبار كاودا
فى ونسة الشارع ولا فى الدكان ولا تطقش اضانك
وانت مارى والشباب يجلسون على نواصى الشوارع
او فى "اماكن العضة" المنتشرة تروى لك حكايا لا فى
السما لا فى الواطه
اين لنا من اخبار كاودا من يغطيها؟
من يركز الاضواء عليها؟
من صور القتلى فى الدمازين؟
وفى كادوقلى؟
من صور لنا حقيقة الوضع فى دارفور؟
ماياهى اخبار تتوفر فقط فى قنوات للمهتمين بالشان السياسى
وقليلا منهم من يفعل شيئا
ولا تجد طريقها للقنوات (بمختلف انواعها) التى يمكن ان تصل للعامة
أين نحن من الزنتان يا مشرف؟؟؟؟
| |
|
|
|
|
|
|
|
|
|
Re: عندما تجهش فى قلبى الاناشيد الحزينة .. سأغنى (Re: Siham Elmugammar)
|
يا باسط ..
لمعتصم الطاهر القدرة على إختزان مشاهد عديدة داخل كلمة واحدة ..
زول غريب جدا معتصم الطاهر ده ..
" نحن منتظرين شنو ؟!"
فى البداية سمعتو بقولها لى وأنا بحكى تفاصيل المشهد الاول ..
تفاصيل الأفندى فينا وهو يقلب بين كفيه كل الاحتمالات الخاسرة فى عجز مطلق...
على عثمان
ورواتب فبراير ..
والدولار لو حصل عشرة الف ..
تانى سمعتو بقولها لى وقد تبينت طريقا آخر يفضى نحو التى هى أجمل ..
شباب وطنى ناهض نحو ثورة ممكنة ..
"نحن منتظرين شنو ؟!"
نحن منتظرين شنو يا باسط ؟! ..
| |
|
|
|
|
|
|
|
|
|
Re: عندما تجهش فى قلبى الاناشيد الحزينة .. سأغنى (Re: محمد حيدر المشرف)
|
Quote: يا باسط ..
لمعتصم الطاهر القدرة على إختزان مشاهد عديدة داخل كلمة واحدة ..
زول غريب جدا معتصم الطاهر ده ..
" نحن منتظرين شنو ؟!"
فى البداية سمعتو بقولها لى وأنا بحكى تفاصيل المشهد الاول ..
تفاصيل الأفندى فينا وهو يقلب بين كفيه كل الاحتمالات الخاسرة فى عجز مطلق...
على عثمان
ورواتب فبراير ..
والدولار لو حصل عشرة الف ..
تانى سمعتو بقولها لى وقد تبينت طريقا آخر يفضى نحو التى هى أجمل ..
شباب وطنى ناهض نحو ثورة ممكنة ..
"نحن منتظرين شنو ؟!"
نحن منتظرين شنو يا باسط ؟! .. |
ااااااااااااااااخ يامحمد فتحت جرح
كبير نفخناالنار وكان العويش سنين عمرنا
نكرتنا البيوت والشوارع وحتي ملح الارض
ومداخن مصانع بحري واطراف المدن النشيد ضاااااع
في زحمة اصوات المتسلقين ونافخي ابواق السلطان
بحت اصوات الشعراء ورحل من رحل من المغنين وانزوي في كومة كوابيس
اههازيجهم من انزوي
معتصم الطاهر اتلاقينا قبل تلاتة شهور زول نادر
وطاعم المجلس يحسسك كانو الدنيا لسة بخير
الحبيب محمد
مافي ثورةبدون دم والا تكون ا ماني عقيمة مولدة وهي ميتة
كل التحيات الطيبات لك عبر ليل كثيف الهواجس والحنين
عكر صفاءه لماشفت خريطة السودان في احد القنوات
وهي مبتورة يعلم الله اشتهيت
كلمة هنا امدرمان اذاعة جمهورية السودان الديمقراطية
الحصل شنو يامحمد
كابوس ليله طويل
| |
|
|
|
|
|
|
|
|
|
Re: عندما تجهش فى قلبى الاناشيد الحزينة .. سأغنى (Re: هيثم طه)
|
شكراً يا صاحبي المحزون
غني وترنّم
الوطن يعلم صدق الأناشيد الحزينة،
الوطن ملّ الأناشيد الكذب
كل شيء تمام!
الوطن بخير،
بعد الإنفصال صار أجمل
والكباري والسدود
وطن الجدود
نفديهو بالأرواح نجود!
ولا جود ولا جديد ولا جدود..
___
غني الأناشيد الحزينة يا صاحبي
وأعلم أن الوطن حينما تعود عافيته،
لن تنبت في تربته بذور المتأسلمين
وسينتهون كما بشرنا الأستاذ المحمود
| |
|
|
|
|
|
|
|
|
|
Re: عندما تجهش فى قلبى الاناشيد الحزينة .. سأغنى (Re: Yassir Tayfour)
|
للكتابة هنا سكك غير مطروقة يا هيثم ..
وفجأة وإنت ماشى توقفك تفاصيل ليست بالحسبان زى بتاعت سهام المجمر ..
تخليك وببساطة شديدة تعمل تقييم موقف جديد ..
اول معلم فى طريق البوست ده كان كمال المبارك ..
وكان لا يري حتى تلك الحوجة لنقاش المحاذير فى هذا البوست ..
وإن جائت تلك الحوجة كأولوية ثانية وكما إقترحتها هنا
وأشدد على أن مجال البوست هو مجال القياس ..
ولأكن أكثر وضوحا أن ما أسعى إليه هو الدفع باتجاه فكرة المقاومة المسلحة ..
دفع الناس لهذا الاتجاه .. ودفع فعالياتنا السياسية نحو ذلك ..
وأرى أهمية قصوى لذلك لا تنتهى عند تغيير نظام ..
بل وتمتد نحو تشكل إجماع وطنى جديد ..
الأمر الذى لن يتحقق أبدا الا بتنازل المركز عن دوره المفترض عند دفة الوطن ..
وهو الدور الذى فشل فيه فشلا مريعا يا هيثم ..
ولا مبرر للاستمرار فيه فى ظل الشروخ الوطنية الكبيرة التى نحن فيها ..
مداخلة سهام المجمر جعلتنى أعيد تقييم الفكرة ..
ليس كل الفكرة ولكن ونحو تحقيق إجماع وطنى جديد يتبع أو يتبعه بزوغ شمس الثورة السودانية ...
نحتاج لعمل توعوى كبير داخل المجتمع السودانى أو ..
تهيئة الجبهة الداخلية ان استعرنا تعبيرات العسكر المحترفين ..
أود أن أقول أن ..
التقاء المصالح الاستراتيجية للشعب السودانى ووعى الناس بها أهم خطوة فى طريق التغيير ..
يقرأ ذلك فى سياق الثورة الشاملة وبآلية المقاومة المسلحة وبالتنسيق الكامل مع الجبهة الثورية الم يكن تحت قيادتها ..
ولنبحث عن الطريق نحو ذلك ..
وهذا هو الغناء الذى يجب أن يكون ..
الغناء لوطن قد الامكان حتى الآن وممكن جدا يا هيثم ..
| |
|
|
|
|
|
|
|
|
|
Re: عندما تجهش فى قلبى الاناشيد الحزينة .. سأغنى (Re: محمد حيدر المشرف)
|
| Quote: مداخلة سهام المجمر جعلتنى أعيد تقييم الفكرة .. |
أكان كدة غفرت ليك !
عارف ليه ؟
لانو سهام دي تيرموميتر حقيقي للوطن !
و ان تمسكت بذئبقها فلن تضل بعده ابد
--
بالمناسبة يا سهام -ياخي قدر ما الناس بتقول اسافير الله دي واسعة و ألم فيكي في شوارع
المنبر الكتيرة عشان اقول ليك مشاقين ما لاقيكي !
و لو اتلاقينا خايفك تقولي لي : دو اي نو يو !
ياخي دي عبارة حقّارة خلاص !
المهم خليت لي سلامي مع غادة كدودة !
اقول ليك حاجة لا مشتاقين ولا حاجة !
---
نرجع لموضوعك الاساسي
غناء الحزن ضد الحزن
| |
|
|
|
|
|
|
|
|
|
Re: عندما تجهش فى قلبى الاناشيد الحزينة .. سأغنى (Re: هيثم طه)
|
سلام يا محمد حيدر Quote: بدل تفتح ليك بوست فى المنبر العام كتعب بلا صالح !!
ما تدعم فكرة المعارضة المسلحة آ زول ؟!
لماذا لا ؟! |
لانو الداير صالح البلد ما ممكن يساهم في خرابها حتي لو كانت الغاية ذهاب الانقاذ .... و لانو ما عايزين بعد خمسة سنين نجي نفتح بوست عن دعم المعارضة المسلحة للقضاء علي تحالف كاودا الحاكم !!
--------
بلد ضيقة يا هيثم .. بالله بتعرف غادة كدودة ؟
السلام أمانة في رقبتك الغليده دي !!
| |
|
|
|
|
|
|
|
|
|
Re: عندما تجهش فى قلبى الاناشيد الحزينة .. سأغنى (Re: أمين محمد سليمان)
|
سهام المجمر يا خيتى وخيت الكل ..
السودان ده بالفعل عدموه التكتح ..
ما فضلش فيه اللضى !!
فإن كانت اللضى دى مصرية قحة ..
فأعلمى أنه الاستلاب الخدييوي ليس الا ..
لان حبوباتنا فى زقاق الصابرين بحى البوسته..
كن يقلنها بطلاقة نظيراتهن فى "الحلمية" وأحلى !!
تعرفى يا سهام ..
مركزية الفكر المعارض دى فكرة تكونت عندى كمقابل منطقى للاستقطاب الجهوى ..
وهى فكرة تعود بأشكال الصراع الى ساحاته السياسية والاقتصادية والمعافاة ذات الاسس الواضحة التى تخاطب الشعب الشعب السودانى وتنشده كأمة واحدة تلتقى مصالحها الاستراتيجية فى مواجهة التحديات ..
هذه المركزية لها أسباب كما لها تداعيات عديدة ..
وأعتقد أن من تداعياتها مداخلة بروف أمين أعلاه والتى سأعود إليها بالتفصيل ..
وسأعود للتفاصيل المتعلقة بالسند الاخلاقى والوطنى للمقاومة المسلحة كآلية تغير فى الوضع السودانى الراهن ..
وكما ذكرت لباسط وكمال ..
هى فرصة للنقاش وطرح الأسئلة أمام الناس ..
وهكذا يبدأ تفاعل المواطن العادى كحالى مع معطيات الوطن ..
وأتمنى أن تنداح دائرة النقاش داخل مجتمع الداخل المركزى أو الخرطومى ..
ليتشارك السودانيون هم السودان ..
وبالتأكيد كان يمكن للاحزاب لعب هذه الادوار المهمة ولكنها لم تفعل ..
حتى أنها وفى أحيان كثيرة لم تكن حاضرة أصلا لتفعل !
وبحيث أصبح الاعلام المجير الى حد بعيد لصالح الشمولية الاداة الوحيدة الفاعلة نحو ربط المواطن بقضايا الوطن ..
ولكن للوعى سطوته وآلياته ودروبة الخاصة والتى يسير عليها ونحو الناس ..
وحتما سيصل فى نهاية المطاف لمحطاته يا سهام .. محطة الثورة ضد الظلم وللحرية والعدل والمساواة ..
شكرا سهام ..
| |
|
|
|
|
|
|
|
|
|
Re: عندما تجهش فى قلبى الاناشيد الحزينة .. سأغنى (Re: محمد حيدر المشرف)
|
سلامات يا هيثم
يعنى والله دى حتة ضيقة جد
وانا بفتكر انو سؤال عرفتينى او عرفتنى
ده مجحف شديد جدا فى حق اى زول سودانى
قول لى ليه؟؟؟ اها اقول ليك
لانو ببساطه العلينا ماهين بتاتا
اهاااااا
دو اي نو يو؟؟؟؟؟ !:):)
بس وقت القصة فيها غادة وصلت تب
بكرة ان شاء الله نحقق معاهافى أمرك :)
_________________________________________
يا بروف امين رغم انك ما طلبت منى
لكن برضو يصل سلامك لغادة كدودة
يا بروف معقولة تكتب عن غادة مجبتى وجائزتها
وما عارف انها مسميه عليها و حقا هى ام اولادى التانية
لو حضرت الاحتفال بالجائزة 2012 فى اليوتيوب بتلقى محمد مجتبى
قدمها على انها Our second mother
_____________________________________
العزيز المشرف تحياتى ياخ والله وما طالبنى حليفة
انتشيت بتوصيفك لى باخيت الكل ثم قلقت من فكرة يا ربى انا
قدر الكلام ده...ثم استرجعت و تحوقلت قلت يعنى
يا ربى ما تخلينى استمتع بالفكرة شوييييه كدى
يا محمد يا أخوى مداخلتك عاوزة مخ يشتغل
وانا مخى هسه قافل عديل كده
ادينى خاطرك وربنا لو مد فى الاعمار
نشوف قصة"مركزية الفكر المعارض دى فكرة تكونت عندى كمقابل منطقى للاستقطاب الجهوى .."
بس قبل ما امشى انت يا ود المشرف
كلامك ده ما دايرلو عكسه تستعدلو تاريخيا كدى
يعنى مثلا
الاستقطاب الجهوى كفكرة مقابلة لمركزية المعارضة:)
فى حاجة ماواقعة لى فى كلامك
يمكن قراءة اخرى فى وقت افضل تساعد
صباحات الله بيض :)
| |
|
|
|
|
|
|
|
|
|
Re: عندما تجهش فى قلبى الاناشيد الحزينة .. سأغنى (Re: Siham Elmugammar)
|
| Quote: وسأعود للتفاصيل المتعلقة بالسند الاخلاقى والوطنى للمقاومة المسلحة كآلية تغير فى الوضع السودانى الراهن .. |
شوف يا صاحب ! ما دام انت ما داير تغني- خليني اونسك !
دائما في المواضيع الصعبة الزي دي قاعد ألجا لونسات اللساتك ! عشان الزول يتحرر من عباءة المنبر و المنطق ذاتو !
عموما كلامك دا علي المستوي النظري شئ و ما يمثله في ارض الواقع و تحقيقو شئ اخر
واذا البروف رافض (مبدئيا) طريق الحل العسكري لانو هو بفتكر انو ممكن تاني الناس تصارع مع كاودا لو جات الحكم
انا ضد الحل دا في مرحلة (قبل المبدئي) ذاتو !
اولا كممكن سياسي و اجرائي شايفو اصلا ما ح يسقط النظام ! و الوحيد المتضرر من الحرب دي هو الهامش نفسو و حاسي بمسؤولية تجاه الانسان في الهامش ! مش
لاني هامش بس و انما كمواطن سوداني !
و دا رأيي انا مسؤول منو تماما و ما مهزوم نفسيا عشان اسكت لو اتقال لي دا كلام محبط - ! ياخ انا زاتي ممكن اقول ليهو انت ما بتعرف حرب يعني شنو !
الحرب دي ما دام حرب مطالب ما للانفصال -يبقي اي زول يموت مسؤول منو اطراف الحرب بغض النظر عن صاحب الحق
يعني الحرب دي ممكن تستنزف الهامش لدرجة انو كاودا لامن تصل عشان تسقط النظام - يقوم الهامش في عظمو اصلا-في تقديري- بكون اتمحي من الوجود !
و الموضوع دا موضوع وطن و حرب - يعني في ناس قاعدة تموت و تتشرد و اي زول عندو حق يقول رأيو بقوة
يعني المائة الف نازح و قتيل بتاع حرب الحلو مع النظام -ديل -بالنسبة لي- في المقام الاول مسؤولية الحلو ! لانو هو الاقرب لي من النظام !! و حليف تكتيكي لي !
يلا الحنك بتاع انو النظام هو السبب دا شايفو حنك ضارب ساي و تهرب من المسؤلية التاريخية -لانو اصلا النظام دا سبب الكوارث كلها -
و ببساطة لو الحلو كان فاز في انتخابات الولاية -كمية البشر دي ما كانت اتشردت و لا ماتت و لو الحلو زاتو وصل الخرطوم برضو المائة الف ديل
ح يظلو مشردين وما في زول ح يجيب خبرهم يا قول البروف ! شفت كيف
يلا الحنك بتاع (تحرير السودان) لانو النظام زور انتخابات الولاية و الحلو خسر المعركة - دا بالنسبة لي جست بولتيكس !
لانو الحلو ما ممكن يقول تحرير منصب الولاية !- و نفس الكلام ممكن يتقال عن عقار - و هو كان والي لسنين طويلة و ما كان عندومشكلة كبيرة مع النظام -ولامن النظام خلعو -طوالي اصبح شعار تحرير السودان هو الشعار الانسب لاسترداد منصب الولاية - يعني لامن كان والي كان مهتم بالدرجة الاولي عن ما يليه في الدمازين
و ما شفتو بصارع مثلا ضد قيام سدود كجبار في الشمالية الا بقدر البولتيكس !-و هو والي كان عادي ممكن الشمالية كلها كانت تغرق !
طبعا البولتيكس ما بالبساطة دي ! عارف ياخ !
يلا بنفس القدر ما عندي حق اسلب الاخرين في طريقة رؤيتهم لاسقاط الحكومة لكن بقول رأيي
ياخي اذا زول ما بستحمل رأي اخر ممكن يكون مشرع سودان جديد كيف !
| |
|
|
|
|
|
|
| |
محمد حيدر المشرف
عمر صديق
حبيب نورة
كمال مبارك
معتصم الطاهر
أبو ساندرا
باسط المكي
Siham Elmugammar
هيثم طه
Yassir Tayfour
أمين محمد سليمان
فيس بوك
تويتر
انستقرام
يوتيوب
بنتيريست