|
تعريب الفتاة السودانية وتنعيم شعرها و أثره فى إقتصادنا
|
بعد أن أكملت حكومة الإنقاذ ، مشروعها فى تعريب العلوم و الجامعات ، و مواصلة فى مشروعها الحضارى - خاطف لونين لما هو عربى أو إسلامى - كان لا بد لذلك المشروع أن يعكس ظلاله على الناس و بخاصة إخواتنا و بناتنا ..
الكثيرون من نساء السودان - رغم سواد بشرتهن - خيرات و لكن آلة المشروع الإنقاذى الإعلامية و بخاصة ، قناة النيل الأزرق ، خضعتهم لكى يواكبو ثورة التصفيير و تعريب الملامح و تنعيم الشعر الإفريقى .
|
|
|
|
|
|
|
|
Re: تعريب الفتاة السودانية وتنعيم شعرها و أثره فى إقتصادنا (Re: متوكل الحسين)
|
أخوي متوكل
سلام
أنا ما شغال لا بالحكومة ولا بالمعارضة ولكن أتفق معك في الهدر الإقتصادي من أجل التصفير والتنعيم ، حيث هذا الهدر لازم الفتاة السمراء والخدراء منذ أمد بعيد حتى وصولها لكريم ديانا وما جاورها من كريمات التبييض والتصفير و(التحمير والتقلية كمان) .
بس الجديد في العصر الراهن أنو ما في خمج ( قدر ظروفك) وكريمات بالملعقة .
| |
|
|
|
|
|
|
Re: تعريب الفتاة السودانية وتنعيم شعرها و أثره فى إقتصادنا (Re: متوكل الحسين)
|
سلاام وتحايا يا متوكل عام جديد وسعيد حقيقى موضوع فى غايه الاهمية خاصه وبنات التبخ ( المانيكانات) فى قناة النيل الازرق هن الراعى الرسمى لعمليه ( القلبنه والشقلبه ) والتمحول من والى (لون مايكل جاكسون ) وكما تعلم خطورة الصورة ( المشاهده ) وقوة تاثيرها على ( ناس لونى بقى فاتح) وقبل التاثير الاقتصادى جراء العمليه الاستيرادية للمساحق ( الدقيق ) يفترض ايجاد المعالجة طالما تم تشخيص الحالة ايضا يفترض تنوير شامل وعلمى حول المضار الصحية التى تنتج جراء الاستخدام الكثيف ( للدقيق ) المساحيق من بدرة واشياء اخرى ولا كـــــيف ؟؟؟
قاسم المهداوى هامش مانيكانات جمع مانيكان الدمية التى تعرض عليها الموضة فى الفاترينات بالاسواق التجارية
| |
|
|
|
|
|
|
Re: تعريب الفتاة السودانية وتنعيم شعرها و أثره فى إقتصادنا (Re: Haju Muktar)
|
Quote: أنا ما شغال لا بالحكومة ولا بالمعارضة ولكن أتفق معك في الهدر الإقتصادي من أجل التصفير والتنعيم ، حيث هذا الهدر لازم الفتاة السمراء والخدراء منذ أمد بعيد حتى وصولها لكريم ديانا وما جاورها من كريمات التبييض والتصفير و(التحمير والتقلية كمان) . |
يا أخى ولياب أضحكتنى
بالله عليك أرجوك أن تتحرى عن عدد صوالين النازية العربية في العاصمة والأموال المهدرة و أيضا عن المهندسين الزراعيين فى مجال التربة و أبحاثهم التى لا تجد تمويلا .
لك شكرى
| |
|
|
|
|
|
|
Re: تعريب الفتاة السودانية وتنعيم شعرها و أثره فى إقتصادنا (Re: متوكل الحسين)
|
بالنسبه لتنعيم الشعر فالقصد منو سهولة التصفيف والتسريح ..كل نساء العالم من الأصول الزنجيه بعملو كده يعني الحكايه ما عروبه وكره ذات ..
بالنسبه لتغيير لون البشره فما عندهم حق والله ...لكن حسب معلوماتي القد تكون قديمه معظم الرجال السودانيين فتاة أحلامهم صفراء فاقع لونها وشعرها طويل وناعم
يعني انتو السبب !!!
| |
|
|
|
|
|
|
Re: تعريب الفتاة السودانية وتنعيم شعرها و أثره فى إقتصادنا (Re: سارة عيسى أحمد)
|
سلاام يا سارة
Quote: معظم الرجال السودانيين فتاة أحلامهم صفراء فاقع لونها وشعرها طويل وناعم |
الكلام دا غير صحيح لان المسالة ليست لون اصفر أو برتقالى او شعر طويل الموضوع عقدة لون لدى الانثى فى المقام الاول وعدم رضاء واقتناع بما هو عليه وكثير من الرجال السودانيين يمقتون حتى ( الجلبطة ) المكياج مهما كان كثيفا اوقليلا بل وكثر هم من يرتاحون للانثى وهى على طبيعتها ( مالو زيت السمسم ) جد ما خستكة ولا هبسكة
Quote: يعني انتو السبب !!! |
لا ايضا غير صحيح , نحن ما السبب فتشى عن السبب الحقيقى ومقولة السمار نصف الجمال جعلت البعض منكن يعتقدن ان النصف الاخر المتبقى يكمن فى صفار البشرة وانفتاح او تفتح لونها ولا كـــــــــــــيف ؟؟؟
قاسم المهداوى
| |
|
|
|
|
|
|
Re: تعريب الفتاة السودانية وتنعيم شعرها و أثره فى إقتصادنا (Re: متوكل الحسين)
|
Quote: بالله عليك أرجوك أن تتحرى عن عدد صوالين النازية العربية في العاصمة والأموال المهدرة و أيضا عن المهندسين الزراعيين فى مجال التربة و أبحاثهم التى لا تجد تمويلا . |
أضحكك الله دائماً يا متوكل
وبمناسبة الضحك أقول لكم هذه الطرفة : أيام الثانوية العامة ( المتوسطة) في حلفا الجديدة سأل استاذ اللغة الانجليزية أحد الطلبة
وقال ليهو : What makes people laugh
وأجاب الطالب : Kelikeli does
والـ Kelikeli بالنوبية يعني الكلكلة .
نحن نرفض الهدر على المستوى الشخصي وعلى مستوى البلد لأنه ضرب من ضروب الفساد .
| |
|
|
|
|
|
|
Re: تعريب الفتاة السودانية وتنعيم شعرها و أثره فى إقتصادنا (Re: ولياب)
|
الله يرضي عليك يا سارة في ما قلتيه أدناه -------- بالنسبه لتغيير لون البشره فما عندهم حق والله ...لكن حسب معلوماتي القد تكون قديمه معظم الرجال السودانيين فتاة أحلامهم صفراء فاقع لونها وشعرها طويل وناعم
يعني انتو السبب !!! ------- في عرض وطلب في سوق الزواج في السودان وطالما الطلب عاوز بت بيضاء زي القمر فالعرض لازم يستجيب
الازمة ما عقول البنات بس الأزمة في عقول الأمة كلها أمه تخجل من لونها وشعرها ولغاتها وثقافاتها أمة مستلبة تتحدث بما يرضي سيدها القابع في أعماقها (عبيد إستبطنوا القهر)
| |
|
|
|
|
|
|
Re: تعريب الفتاة السودانية وتنعيم شعرها و أثره فى إقتصادنا (Re: Kostawi)
|
الأخت سارة عيسى لك سلامى و تقديرى
يقال أن وراء كل عظيم إمرأة .. طيب ورا إهدار الأموال من قبل الإسلاميين منو؟؟ أنا ما عندى مشكلة البت تحول روحها ملاك . بس بقروش منو؟؟ يا سارة عيسى هل شاهدت فتيات الشرق ، الغرب ، و أطفال المحارق و الحروب من أهلنا فى جنوب السودان؟؟؟. يا سارة فى السودان بعرفو عن هيفاء وهبى و سوريا أكثر من جبال النوبة. نسوان الشمال صمتو كما صمت رجالهم .
شكرا إخوتى قاسم ، و هجو، أمير و كوستاوى و نادر . أنا داير نشوف كلنا وين كان مصير ما يزيد على مئة بليون دولار .. صحيح أن أغلبها مسروق ، لكن ، بى سرقتها دى مشت وين .
تصور يا كوستاوى تلك الفنانة السودانية ، قبل أن تخضع نفسها للجملكة و الصنفرة ، كانت أبهى و أجمل و كانت إنسان متميز وكانت نفسها. ما عارف رجيع اللون تانى بكم .. الشمارات قالت أنو حراميات الإنقاذ صار كل منهمو ينادى دولاري دولارى .
| |
|
|
|
|
|
|
Re: تعريب الفتاة السودانية وتنعيم شعرها و أثره فى إقتصادنا (Re: Kostawi)
|
يا قاسم ..
أنا معاك في إنو تغيير لون البشره سببو الأول عدم الثقه في النفس وعدم العقل في أحيان كتيره ..لانو الكريمات البتعمل المعجزات دي تسبب أمراض عديده غير التشوهات الخلقيه ..
لكن ده ما بمنع إنو الموضوع -بالنسبه لبعضهم- زي ما قال ناصر محاوله مجاراة السوق البتحكم فيه الرجل ....
| |
|
|
|
|
|
|
Re: تعريب الفتاة السودانية وتنعيم شعرها و أثره فى إقتصادنا (Re: سارة عيسى أحمد)
|
الأخت سارة عيسى لك سلامى و تقديرى
يقال أن وراء كل عظيم إمرأة .. طيب ورا إهدار الأموال من قبل الإسلاميين منو؟؟ أنا ما عندى مشكلة البت تحول روحها ملاك . بس بقروش منو؟؟ يا سارة عيسى هل شاهدت فتيات الشرق ، الغرب ، و أطفال المحارق و الحروب من أهلنا فى جنوب السودان؟؟؟. يا سارة فى السودان بعرفو عن هيفاء وهبى و سوريا أكثر من جبال النوبة. نسوان الشمال صمتو كما صمت رجالهم .
شكرا إخوتى قاسم ، و هجو، أمير و كوستاوى و نادر . أنا داير نشوف كلنا وين كان مصير ما يزيد على مئة بليون دولار .. صحيح أن أغلبها مسروق ، لكن ، بى سرقتها دى مشت وين .
تصور يا كوستاوى تلك الفنانة السودانية ، قبل أن تخضع نفسها للجملكة و الصنفرة ، كانت أبهى و أجمل و كانت إنسان متميز وكانت نفسها. ما عارف رجيع اللون تانى بكم .. الشمارات قالت أنو حراميات الإنقاذ صار كل منهمو ينادى دولاري دولارى .
| |
|
|
|
|
|
|
Re: تعريب الفتاة السودانية وتنعيم شعرها و أثره فى إقتصادنا (Re: متوكل الحسين)
|
يا متوكل ...
سرقة الانقاذيين وليس الاسلاميين -لانو الاسلام بريء منهم زي ما كلنا عارفين - لاموال الشعب ما بختلفو فيها اتنين واوجه صرف الأموال المسروقه دي كتيره ..
قد يكون من ضمنها تبييض وسلخ جلود نسائهم ..
لكن ليه التنميط ده لنساء شمال السودان !!الفيهم الكثير من المناضلات من أجل حقوقهن و حقوق اخواتهم في مناطق السودان المختلفه
والمرأه السودانيه أكثر المتضررات من سرقه الكيزان البتشوفها كل يوم قداما في حلة الملاح البتنقص كل يوم عنصر من عناصرها إذا وجدت الحله من الأساس
| |
|
|
|
|
|
|
Re: تعريب الفتاة السودانية وتنعيم شعرها و أثره فى إقتصادنا (Re: سارة عيسى أحمد)
|
شكرا يا سارة قلت معظم ما أريد قوله. فعلا محاولة بعض الفتيات لتغيير ألوانهن تدل على قلة الثقة في النفس و قلة عقل زي ما قالت الأخت سارة خصوصا مع معرفة الأضرار البتثبها هذا الأشياء. لكن هل المسألة تعريب فعلا؟ طيب كيف نفسر محاولة الأخريات ممن لا يدعين انتماءً عربيا في السودان و غيره لتنعيم شعورهن. الموضوع أعقد من هذا بكثير و تم تناوله سياسيا و اجتماعيا في كثير من البحوث و الكتب... حتى طريقة ميشيل أوباما في تنعيم شعرها لقيت كثيرا من النقاش وسط النساء الأمريكيات السود (تحديدا الواعيات منهن) و من ضمن التعليقات البليغة تعليق ساخر مضمونه (يا بنات لن يوجد مشاط... شعر مجعد... شعر أفرو في البيت الأبيض. على الأقل ليس بعد). فإذا كانت زوجة الرجل الذي يحكم أكبر دولة في العالم تلجأ لتنعيم شرها فعلى الأقل نحتاج تناول الموضوع عندنا بعمق أكبر و بدون قفز على الحقائق.
| |
|
|
|
|
|
|
Re: تعريب الفتاة السودانية وتنعيم شعرها و أثره فى إقتصادنا (Re: عمران حسن صالح)
|
Quote: لكن هل المسألة تعريب فعلا؟ طيب كيف نفسر محاولة الأخريات ممن لا يدعين انتماءً عربيا في السودان و غيره لتنعيم شعورهن. الموضوع أعقد من هذا بكثير و تم تناوله سياسيا و اجتماعيا في كثير من البحوث و الكتب... حتى طريقة ميشيل أوباما في تنعيم شعرها لقيت كثيرا من النقاش وسط النساء الأمريكيات السود (تحديدا الواعيات منهن) و من ضمن التعليقات البليغة تعليق ساخر مضمونه (يا بنات لن يوجد مشاط... شعر مجعد... شعر أفرو في البيت الأبيض. على الأقل ليس بعد). فإذا كانت زوجة الرجل الذي يحكم أكبر دولة في العالم تلجأ لتنعيم شرها فعلى الأقل نحتاج تناول الموضوع عندنا بعمق أكبر و بدون قفز على الحقائق |
نعم هو تعريب . أنظر الى قناة النيل الأزرق . بس تعريب سورى و لبنانى . زوجة أوباما لها ، إن أرادت أن تنعم شعرها حتى يصير مثل شعر الوليد ، إذا كانت تدفع ثمن ذلك من مال أسرتها . و أنت تعلم حتى فى تحركاتها المالية هى مراقبة من جهازين فى أمريكا ما عندهم هزار .
يا العوض لماذا تغافلت عن موضوع المال ؟؟؟
من أين أتت هذه الثروات ؟؟؟
أنا أزعم أنها أموال منهوبة من أطفال جنوب السودان . أرجو أن تحدثنى من أين بنى نظام الإنقاذ هذه القصور ؟؟؟
قبل أن ترد حساب السودان معروف ..
أنا ذكرت أن نظام الإنقاذ مع دول الكفر و الإلحاد - كما يسميها القطاع الروحى للإنقاذ - أخذا ما يقارب المئة بليون من الدولارات .
نظام الإنقاذ سرق نفط أطفال الجنوبيين و أهدرها فى القصور و الحروب و فى الترضيات و التسجيلات سواء للعيبة كرة القدم أو لسياسى دولة و الخيبة ..
بذرت الدولة ما سرقت على نظام إقتصادى طفولى و كنزت ما كنزت لأهلها .
يا ريت السرقو دا ختوهو فى الزراعة . كان ممكن نقول حرامية و عندهم شوية عقل .
| |
|
|
|
|
|
|
Re: تعريب الفتاة السودانية وتنعيم شعرها و أثره فى إقتصادنا (Re: عمران حسن صالح)
|
ده موضوع كويس لكن إنتو دايرين الحق واللا الجمبو؟ شوفوا العالم ده من سنة أسكت بسعي بخطيً حثيثة نحو التغيير للأفضل وإبن آدم ده أول ما قام في الدنيا دي كان حفيان وعريان في البداية سوّاها لي جلود وأكياس لغاية ما وصلنا للشكل الحالي ده وكذلكم البيوت من المغارات وضل الشدر لغاية ما هسه في ناس مفكرين يسكنوا في المريخ شدّة الله ما أداهم والنجيضة عزيزتي المرأة السودانية الله ما قسم ليها السماحة
وبعدين الشي ده ما بخص النسوان بس؛ فيما يبدو أن للمشكلة أبعاد أخري ( كعب الفحل ) أها يقعدن يرجن الفحل ده يحسن أحوالو الجينية عشان يجيب ليها بضاعة نضيفة واللا يتصرفن براهن؟ عاد ده كلام؟ انا هسه بعرف واحدة جارتنا شينة بعشوم بس وراجلا تدقو بلا مغسة وتقول ليه أديني حق الدقة آخر مرة شفت عيالهم قبل عشرة لا أقول ليكم حداشر سنة هسه تبارك الله لمن شفت البنات سمحاااااااااااات ونضيفااااااااااااااات يشبهن الزينة والرتنية يعني البنات ديل عرفن موضع الخلل وين وعالجنو؛ ما قعدن وأتمحنن لغاية ما البورة تطقهن
شفتوا كيييييييييييييييف وأثبتت دراسة سرية إنو علي المستوي المحيط فقط تمنية وتسعين في المية من إناث البورد ده بس مظبطات أوضاعن وفي أمانة الله النجييييييضة شديدات ولضيضات أنا شخصياً جنس الجلبطة والبشتنة ما بدورا؛ لكن برضو الواحد تسويلا خلقة تقابل بيها الناس ما تقعد تتكوّم وتقول دي قسمتي ونصيبي؛ قسمة شنو والبوتيكات دي فتحوها لي منو أساساً ؟ وبعدين ما براكن وحاة الله حريم الخواجات بقطعن تذاكر وبركبن طيارات عشان يجن يقعدن في شمش الله والرسول دي عشان لونن يبقي أسمر وكمان معاها كريمات تظليل وحاة الله الواحدة بعد خمسطاشر يوم تلقاها زي ماريا كيري
| |
|
|
|
|
|
|
|