|
يا ناس الأراضي والله والله حرام عليكم ...!
|
الناس دي والله ما بيخافوا الله في الناس الغلابى والمساكين .... يعني كأنهم ما عايشين في السودان وما عارفين ضعف معدل دخل الفرد ولا إنو الناس تكابد عشان لقمة العيش الحاااااف
|
|
|
|
|
|
|
|
Re: يا ناس الأراضي والله والله حرام عليكم ...! (Re: عثمان دغيس)
|
المهم إننا رضخنا للأمر الواقع .. وقلنا ليهم طيب ما عندنا مانع كسروا وخططوا وورونا الباقي من بيتنا وأدونا شهادات بحث .. قالوا نحن المفروض نكسر برانا ونجيهم نقول ليهم كسرنا بيوتنا بأيدينا ... عشان ندفع للمهندس ونجيبوا ونمسح ليهوا شنبوا عشان يعمل تقرير بعد المعاينة إننا نفذنا الكسير ... قلنا ليهم ماااشي ... قلنا للمهندس ورينا إحداثيات بيتنا بعد الكسير بيكون كيف قالوا تدفعوا شنو وشنو وشنو كده أخوي مشى ودفع كل المطلوب وحددوا ليهو موعد مع المهندس أبو مسحة ... وجاء وحدد إحداثياتو ودق أوتادو وقال تمشوا تراجعوا التخطيط عشان يحددوا ليكم الرسوم المطلوبة لفرق التحسين وخلافو ومشى راجعهم وبعد أمشي وتعال كم شهر ده قالوا ليهم تدفع عن بيتك مبلغ وقدره 16000000 جنيه وعن بيت أخوك مبلغ وقدره 12000000 جنيه وذلك للفرق في المساحات على أن يكون السداد قبل تاريخ 19/1/2012 وقمت أنا بإرسال ما يليني وتم سداده .. وما أزال منتظراً شهادة البحث لما تبقى من بيتي أما أخي فطلب منهم تقسيط المبلغ وقالوا ليهو أدفع لينا نص المبلغ وقدم طلب لتقسيط الباقي ... وبالفعل عمل كده فوجئ بالأمس القريب عند مراجعتهم لمعرفة الموافقة على التخفيض والتقسيط بأنهم ذكروا لهم أنهم غير موافقين .. بل وحددوا له أن ما عليه دفعه هو مبلغ 72000000 جنيه !!!!! ليييييه وكيف ومن وين جاء المبلغ ده ...؟ NO BODY KNOWS
| |
|
|
|
|
|
|
Re: يا ناس الأراضي والله والله حرام عليكم ...! (Re: jini)
|
Quote: يمكن ظهرت بشائر وشواهد بترولية فى ارض اخوك موش اسمها هجليجة! |
جني ايها الصديق حبابك 72000000 بالقديم كمان أها قصرت معاك ...؟ حتى ولو كلامك ده صح ما كان يتفاهموا معاهو على تقسيم الغلة ... يقوموا (يقهموهو) كده ويقطعوا قلبو ؟؟؟ ورونا الزول ده هسي يسوي شنو يعني !!؟
| |
|
|
|
|
|
|
Re: يا ناس الأراضي والله والله حرام عليكم ...! (Re: عمار عبدالله عبدالرحمن)
|
Quote: أنها دولة الجبايات والقلع عبيني عينك يا عثمان , |
ما قلنا حاجة لكن بالغباء والهمجية دي ؟؟؟ الشيئ الما مفهوم إنو المبلغ ده والرقم ده جاء من ويين ؟؟؟؟! يعني يقولوا للزول لو سددت قبل تاريخ 19/1 تدفع 50% وهي مبلغ وقدره 16000000 جنيه ولما يفشل في السداد يقولوا ليهو عليك 72000000 جنيه !!!! ده طبعاً لو غضينا الطرف عن إنهم قالوا ليهو ممكن تدفع نص المبلغ ده وتقدم طلب لتقسيط الباقي ... ولما عنمل كده ومر التاريخ ( المضروب ) قالوا ليهو الطلب مرفوض وتدفع المبلغ الما مفهوم جاء من وين لحدي هسي !!!
شكرا يا عمار يا أخوي
| |
|
|
|
|
|
|
Re: يا ناس الأراضي والله والله حرام عليكم ...! (Re: عثمان دغيس)
|
Quote: ليييييه وكيف ومن وين جاء المبلغ ده ...؟ NO BODY KNOWS |
القال ليك منو ما في زول عارف...؟
أنا ده غايتو عارف
كان دايرني أوريك المسألة ما دايرة ليها درس عصر ولا شطارة
دي السرقة والنهب في شكل رسوم وجبايات يا عثمان يا أخوي....
ومن الأول ما كان ترضخ للأمر الواقع وما كان تمسح شنب أي زول فيهم...
| |
|
|
|
|
|
|
Re: يا ناس الأراضي والله والله حرام عليكم ...! (Re: Nasr)
|
قبل حكومة الانقاذ كانت مؤسسة الاراضي تقيم الارض قبل التخطيط تقيم منطقي
لكن حاليا يتم التقيم بقيمة ما بعد التخطيط واضعين في الاعتبار المخططات المجاورة وسعر التجار وبعد ذلك يضيفو ما يمكنهم باسم ضريبة ايه ودمغة ايه وحق المساح والمهندس ووو
طبعا هذا كله بعد سعر العملة ومزاجيات مؤسسة الاراضي
الله يكون في عونك ودعواتنا الصادقة
| |
|
|
|
|
|
|
Re: يا ناس الأراضي والله والله حرام عليكم ...! (Re: Tarig Sidahmed)
|
Quote: لكن حاليا يتم التقيم بقيمة ما بعد التخطيط واضعين في الاعتبار المخططات المجاورة وسعر التجار وبعد ذلك يضيفو ما يمكنهم باسم ضريبة ايه ودمغة ايه وحق المساح والمهندس ووو |
أخوي طارق تقصد حق الممسوح ...؟!!!
والله يا طارق أنا إحترم الحرامي العندو منطق أكتر من الزول المستقيم لكنو أشتر ...! وقع ليك ؟؟؟؟ يعني ما عندنا مانع يقيموا زي ماهم عايزين وما عندنا مانع يستنكحونا ويسرقونا .... لأنو لو عندنا مانع ولا ما عندنا هم سارقننا سارقننا ... لكن بس يكون عندهم تبرير للحاجات ما ممكن تقول لي لو ما دفعت قبل التاريخ الفلاني ح تدفع دبل ولما ما أدفع تطالبني بي مية دبل ....!
| |
|
|
|
|
|
|
Re: يا ناس الأراضي والله والله حرام عليكم ...! (Re: Azhari Nurelhuda)
|
Quote: كان دايرني أوريك المسألة ما دايرة ليها درس عصر ولا شطارة
دي السرقة والنهب في شكل رسوم وجبايات يا عثمان يا أخوي....
ومن الأول ما كان ترضخ للأمر الواقع وما كان تمسح شنب أي زول فيهم... |
أستاذنا الغالي أبو الزهور تقول لي ما كان تمسح شنب أي زول فيهم ؟؟! إنت بي صحك آ زول ؟؟؟ هو بعد ( مسح الشنب ) عملوا العملة دي إنت يكون قصدك ما نمسح الشنب بس ... نمسح الزول كلو ...! ولا يمسحوا بينا الواطة .... الله يكون في العون غايتو
| |
|
|
|
|
|
|
|