|
|
|
 Re: صقور الجديان تتجاوز مطب الخيول وتحلق في ربع النهائي (Re: طلحة عبدالله)
|
موقف فرق المجموعة قبل مباريات الليلة كالتالي :
ساحل العاج في الصدارة برصيد 6 نقاط بعد فوزه على السودان (1-0)
وبوركينا فاسو (2-0) وقد تأهل دون النظر لنتيجة مباراته اليوم.
انغولا في المركز الثاني برصيد 4 نقاط بعد فوزه على بوركينا فاسو
وتعادله مع السودان ويكفيه التعادل ليرافق كوت يفوار (ساحل العاج).
السودان في المركز الثالث برصيد نقطة واحدة بعد خسارته أمام ساحل
العاج وتعادل مع انغولا ولا مفر له سوي الفوز على بوركينا فاسو شريطة
خسارة انغولا أمام ساحل العاج ليتأهل إلى ربع النهائي.
بوركينا فاسو خرج نهائيا من سباق التأهل بخسارتين أمام ساحل العاج
وانغولا ويؤدي مباراته الليلة أمام السودان للواجب فقط .
| |
 
|
|
|
|
|
|
|
|
Re: صقور الجديان تتجاوز مطب الخيول وتحلق في ربع النهائي (Re: محمد قسم الله محمد)
|
Quote: قبل أن يعود ويرفع
رصيده إلى أربع نقاط بالفوز على أنغولا ليرافق منتخب الأفيال إلى الدور ربع
النهائي بفارق الأهداف عن المنتخب الأنغولي .
|
طيب انت عدلت شنو؟؟
الحلم زاتو غالبكم تحلمو صاح وعايزين تغلبوا؟؟؟
أنغولا لاعبة مع ساحل العاج
والسودان مع بوركينا فاسو
والمتأهلين...ساحل العاج وأنغولا ...أسوة بنتائج مباريات أمس
الليبيين جروا جري الوحوش وغير رزقهم ما حاشوا
| |
|
|
|
|
|
|
|
|
|
Re: صقور الجديان تتجاوز مطب الخيول وتحلق في ربع النهائي (Re: طلحة عبدالله)
|
ود الصايم يا حبيب جرجير قال شنو ؟
يا عبد العزيز يا حبيب هي تمنيات أرجو أن تصدق ولا استبعدها لأنو بوركينا فاسو مش
على قدر كدا كما أن ساحل العاج يمكن ان تغلب انغولا .
تاج السر العزيز تحياتي وربنا يحقق الأماني .
نزار حسين يا قلب ( الفوز على انغولا ) داخل في الحلم يعدلوها لشنو دي كمان ؟
عبد اللطيف حسن سلامات .. ياخ دا حلم معقول جدا مش زي حلم رمضان أحمد السيد لأنو
السودان ممكن يغلب بوركينا فاسو وساحل العاج ممكن برضو تغلب انغولا وبالتالي يتأهل
صقور الجديان .. الحلم عادي جدا يازول.
أبو الخل يا قلب تحياتي وربنا يحقق الفي المراد
بدر الدين خلف الله ما ليهو حق يعذبك ياخ .
عبدالله السفاح ليك التحية فوز السودان بدون تأهل برضك ما بطال ويعتبر انجاز
خاصة وأنو السودان حتي لو تأهل ما ح يعمل حاجة في دور الثمانية.
تحياتي للجميع .
| |
|
|
|
|
|
|
|
|
|
Re: صقور الجديان تتجاوز مطب الخيول وتحلق في ربع النهائي (Re: عبدالعزيز الفاضلابى)
|
Quote: بهدفين نظيفين جاءا على مدار شوطي المباراة تجاوز المنتخب السوداني
الملقب ب( صقور الجديان) نظيره منتخب بوركينا فاسو الملقب ب( الخيول)
ليتأهل إلى ربع نهائي كأس الأمم الأفريقية المقامة في غينيا الإستوائية
والجابون .
وإستفاد منتخب صقور الجديان من خسارة منافسه الأنغولي 0-2 أمام الأفيال في
المباراة التى جرت في نفس الأمسية لحساب المجموعة الثانية ليتأهل إلى
ربع نهائي البطولة الأفريقية الكبيرة بعد أكثر من ثلاثة عقود من الزمان .
وكان منتخب السودان فك صيامه بعد 36 عاما من التسجيل في شباك المنتخب
الانغولي بعدما أحرز له محمد أحمد (بشة) هدفين في مرمي الأخير في المباراة
التى إنتهت بالتعادل 2-2 في الجولة الثانية لمباريات المجموعة ليحصد النقطة
الاولي بعد خسارته في الجولة الأولي أمام ساحل العاج، قبل أن يعود ويرفع
رصيده إلى أربع نقاط بالفوز على أنغولا ليرافق منتخب الأفيال إلى الدور ربع
النهائي بفارق الأهداف عن المنتخب الأنغولي . |
غايتو يا طلحة لو قلت لي زارني الشيخ المكاشفي عليه الرحمة لصدقتك برضو
| |
|
|
|
|
|
|
|
|
Re: صقور الجديان تتجاوز مطب الخيول وتحلق في ربع النهائي (Re: نصرالدين صلاح)
|
شكرا الاخ طلحة على هذا البوست الذي يفوح بالحاسة السادسة المقرونة بالمتابعة والتحليل والقراءة الجيدة لمجريات الاحداث الرياضية كما تشهد بذلك كتابات وتحليلات في المنبر .
مليااااااااااار مبروووووك جماهير الرياضة السودانية ولكل شعب السودان هذا الانتصار الجميل في زمان الحزن الدائم
التمنيات بمزيدا من التوفيق والتقدم للكرة السودانية ونسال الله ان يخرج السودان سياسيا من كبواته وازماته التي تحدق به من كل حدب وصوب
مرة اخرى لك التحية والاحترام الاخ طلحة واتمنى ان تكون بالف خير
| |
|
|
|
|
|
|
|
|
|
Re: صقور الجديان تتجاوز مطب الخيول وتحلق في ربع النهائي (Re: طلحة عبدالله)
|
الحبيب السوندا شكرا لحسن ظنك الماخاب طبعا(بتاعت اسبانيا كانت ترشيح عديل)
الحبيب الفاضلابي العبرة بالنهايات ..
الحبيب عادل فضل المولي ياخ أنا جدي أرباب العقائد لكن بصراحة الموضوع دا احساس
ولا علاقة له بالشيوخ .
جرجير إتا لسة ما شفت ليك بلد؟ مستني الري يعني ؟ شوف ليك بلدا ما أعرفا .
سلامات يا مجدي الشيخ مبروك وعقبال دور الأربعة .
نايف قول ماشاء الله ياخ .. هههههههه
ماجد حسون يا حبيب مسيدي في الخاص أو الإيميل .. بالنسبة لتوصيل البياص فبنتفق ..
شكرا الحبيب عمران ودامت الأفراح ياخ .
الحبيب نصر الدين صلاح مشكور يا حبيب وربنا يحقق أمانيك ياخ ..
الحبيب عمر فضل المولي ليك كل الحب والتقدير يا ملك معزتك عندي عظيمة يا زول .
دكتور ياسر مشكور للمرور والله يديك الفي مرادك .. ههههههههه
شهاب الفاتح مبروك ليك والعاقبة فرحان بالمريخ .
يا تامبا بوستاتي أصلا مرفوعة في القمة رغم حقد الكائدين الذين ترفع بوستاتم المهببة بالغلط .
الحبيب عباس محمود مشكور وربنا يجيبك بالسلامة ..
الحبيب حمد عبد الغفار أطمئن لأنو ما أظنو يكون في دور أربعة بالنسبة لمنتخبنا وأتمني ذلك ياخ .
| |
|
|
|
|
|
|
|
|
|
Re: صقور الجديان تتجاوز مطب الخيول وتحلق في ربع النهائي (Re: طلحة عبدالله)
|
شيخ طلحة تنجدني وتلحقني
بالله عاوزة اكتب لي زول (الفي بالي بالك)
والله لما ابو حسين قبيل بقرا في البوست ده قلت ليو خلاص مغلوبين مغلوبين
اولادي قالوا لي يا امي قلت ليهم لانو زول منحوس ومريخابي وريالي
قالوا لي لا حولاااااااااااا كان كده السودان في الباي باي
بس سبحان الله المرة دي جات معاك وبالمقاس كمان
الف مبروك للسودان وإنشاء الله يمشوا لي قدام
| |
|
|
|
|
|
|
|
|
|
Re: صقور الجديان تتجاوز مطب الخيول وتحلق في ربع النهائي (Re: ساميه حامد)
|
سلامات يا سامية والتحية لأولادك والحبيب أبو حسين
مريخابي وريا لابي أفتخر بذلك كثيرا لكن أظن منحوس دي قطعتيها من رأسك ساي
أو حلمت بيها لانو ما حصل في البورد دا اتوقعت أو رشحت أو اتمنيت حاجة في الكورة
وما حصلت وعندك الأرشيف وقوقل ممكن تتأكدي ..
ياخ الله يسامحك عايزا تخربي لينا السوق .. هههههههههه
احتراماتي وتقديري .
| |
|
|
|
|
|
|
|
|
|
Re: صقور الجديان تتجاوز مطب الخيول وتحلق في ربع النهائي (Re: طلحة عبدالله)
|
Quote: لانو ما حصل في البورد دا اتوقعت أو رشحت أو اتمنيت حاجة في الكورة
وما حصلت وعندك الأرشيف وقوقل ممكن تتأكدي .. |
ياطلحة كيفك عساك بخير
غايتو ان كان غرور ان كان حقيقة ..
بى حقك والله يا طلحة
ولاعزاء لناس ود البشرى ومن لف لفهم 
غايتو مافى شى بقعد ود البشرى فى البلد دى الا بوست كارب بعنوان مازدا يرد على طلحة + عقد احتراف لسيف مساوى ان شاءالله فى سيون السويسرى :)
مبروك للمنتخب ومبروك لطلحة
ثم
لابد من اضافة لقب خبير للاخ طلحة
| |
|
|
|
|
|
|
|
|
|
Re: صقور الجديان تتجاوز مطب الخيول وتحلق في ربع النهائي (Re: عاصم حسين)
|
تسلم أخى طلحة عبدالله.
بوست مقروء بالجانبين قبل المباراة وبعد المباراة.فلك التحية وهذا إن دل إنما يدل على درايتك ومتابعتك الجيدة وبعد نظرك.
جميل أن تقرأ توقعات بعض الناس قبل المباراة....شىء جميل أن نتفاءل لأنه حق مشروع فلا نضيع حقوقنا ونستسلم للفشل.
والف مبروك للسودان وأكرم الهادى سليم أكرمنا وكان كريم وهادى وسليم مئة بالمئة..
| |
|
|
|
|
|
|
|
|
|
Re: صقور الجديان تتجاوز مطب الخيول وتحلق في ربع النهائي (Re: عاصم حسين)
|
أحمد الامين إدريس سلامات .. والموضوع أبدا ما فيهو غرور ياخ لكنها الحقيقة مقابل
المزاعم بتاعت إتا منحوس واتا ما عارف شنو ..
مشكور يا معاوية حسين على المرور والإضافة الثرة
يا فاضلابي ليك علي جرجير دا يقعد يسكني كدا أخليهو يلهث الليل والنهار،الزول دا أنصحوهو ياخ
مشكور يا الصادق وبصراحة كدا جرجير دا إشتهر على حسابي ..
جرجير غتا لسه حايم تتضرع في البلد دي ؟ 
يا عبدالله كع كدا خلينا هسه نفرح شوية مع اولاد مازدا وبعدين نشوف دور التمانية
يا حسام عبد الرحيم مشكلة السياسة أنو العوك عاك والتنظير والكواريك فيها كتيرة
البعرف والما بعرف جائي يفتي ويرمي ودعو فيها .
عصام حسين دامت الأفراح والمسرات ياخ
الحبيب تاج السر محمد سلامات ومشكور ومقدر من جانبي جدا والله .
| |
|
|
|
|
|
|
|
|
|
Re: صقور الجديان تتجاوز مطب الخيول وتحلق في ربع النهائي (Re: طارق أحمد خالد)
|
Quote: يا طلحة يا حبيب
مشتاقين ياخ
رجعتني للبورد بعد سنة ونصف
غايتو إختار واحدة يا خبير كروي ضليع نوديك قناة الجزيرة الرياضية يا شيخ نزور فوقك
تلحقني وتنجدني :) |
أنا أرجح وأفضل وأحبذ الثانية يا طارق..
مدد مدد مدد.. شيخي وسيدي وحبيبي طلحة ود البشاقرة.. يلحقنا وينجدنا ويغرقنا..
يا أخطبوط أخرست كل الشمات وقطعت كل لسان طويل وبلغت شأواً عظيماً ومكاناً عالياً لا يُطال..
| |
|
|
|
|
|
|
|
|
|
Re: صقور الجديان تتجاوز مطب الخيول وتحلق في ربع النهائي (Re: أيمن دياب)
|
Quote: أنا أرجح وأفضل وأحبذ الثانية يا طارق..
مدد مدد مدد.. شيخي وسيدي وحبيبي طلحة ود البشاقرة.. يلحقنا وينجدنا ويغرقنا..
يا أخطبوط أخرست كل الشمات وقطعت كل لسان طويل وبلغت شأواً عظيماً ومكاناً عالياً لا يُطال..
|
أيمن يا حبيب مشكور والله لكن مالك عايز تقوم فيني انصار السنة
أمس بعدك طوالي اتصل الخبير شداد وقال لي كلمت مازدا بالموضوع بتاعك
فقام مازدا قال ليهو ياخ طلحة دا من زمن كان في السودان شيخي ههههههههههه
تحياتي يا حبوب وربنا يديك الفي مرادك ياخ .
| |
|
|
|
|
|
|
|
|
|
Re: صقور الجديان تتجاوز مطب الخيول وتحلق في ربع النهائي (Re: طارق أحمد خالد)
|
طلحة يا استاذي انت بالذات اطلع منها
يعني عندك حق كسوداني تتفاجأ وتفرح معانا، لكن كمان تقوم تحلل لينا ما راضين.
انت مش ضحكت في مازدا لمن قال الدورة الجاية دايرين محترفين؟
يعني هسي كاريكا ولدنا دا كان جا راجع بعقد احترافي موقفك شنو؟
يا حبيب مبروك للسودان ياخ. البلد الوحيد اللمن تكون قنعان منو نهائي يفاجأك. ولمن تكون راجي منو حاجة برضو بفاجأك باحباطك!
الفريق السوداني والفريق الانجليزي الاتنين لعيبتهم محليين
| |
|
|
|
|
|
|
|
|
|
Re: صقور الجديان تتجاوز مطب الخيول وتحلق في ربع النهائي (Re: keiga2000)
|
نايف يا حبيب مشكور وما تشوف شر .
يا keiga2000 يا حبيب إتو كمريخاب فاهمني غلط في البورد دا أو متأثرين بمؤثرات
خارجية عشان كدا بوستاتي شايفا في الغالب ما قاعدة تجد القبول من طرفكم رغم
أنو دائما ما تكون هي الحقيقة في النهاية ..
ع العموم صدقني لو تابعتوني ما ح تندموا أبدا ..
| |
|
|
|
|
|
|
|
|
|
Re: صقور الجديان تتجاوز مطب الخيول وتحلق في ربع النهائي (Re: طلحة عبدالله)
|
Quote: مازدا يسكت منتقديه
أسكت المدرب محمد عبدالله الشهير بمازدا منتقديه وقاد منتخب بلاده السودان الى خانة الكبار والى الماضي المجيد بانجاز تاريخي تحقق للمرة الاولى منذ 42 عاما وتحديدا عام 1970 عندما توج باللقب القاري الاول والاخير له حتى الان.
وقاد مهاجم الهلال مدثر الطيب منتخب بلاده السودان الى فوز وتأهل تاريخيين عندما سجل له ثنائية الانتصار على نظيره البوركينابي 2-1 اول من أمس في باتا في الجولة الثالثة الاخيرة من منافسات المجموعة الثانية ضمن كأس الامم الافريقية 2012 لكرة القدم التي تستضيفها غينيا الاستوائية مشاركة مع الغابون حتى 12 فبراير.
وسجل الطيب (33 و80) هدفي السودان، وايسياكا ويدراوغو (90+5) هدف بوركينا فاسو.
ودخل مازدا التاريخ من اوسع ابوابه باعتباره اول مدرب وطني يقود "صقور الجديان" او "تماسيح النيل"، وهما لقبا المنتخب السوداني، الى الدور ربع النهائي من كأس امم افريقيا، لانه عندما حل وصيفا عامي 1959 و1963 وثالثا عام 1957 شهدت البطولة مشاركة 4 منتخبات عام 1957 و3 منتخبات عام 1959 و6 منتخبات عام 1963، كما ان الدور ربع النهائي لم يكن موجودا في نسخة 1970 حيث شاركت 8 منتخبات فقط وزعت على مجموعتين تأهل اول وثاني كل منها الى دور الاربعة.
أول فوز
كما بات مازدا اول مدرب يقود السودان الى فوزه الاول في النهائيات منذ تغلبه على غانا 1-صفر في 16 فبراير في المباراة النهائية للنسخة التي استضافها عام 1970.
واكد مازدا، الذي يدين له السودان بتواجده في نسختي 2008 و2012: "انا سعيد جدا، نستحق التواجد في الدور ربع النهائي. لعبنا جيدا، ولدينا منتخب بين المنتخبات الشابة في هذه البطولة بمعدل اعمار 24 عاما. هذا الجيل حقق انجازا تاريخيا للسودان".
وأضاف "أثبتنا قدرتنا على مواجهة المنتخبات الكبيرة بمنتخب من لاعبين محليين. فريقي تطور تدريجيا في هذه البطولة، خسرنا المباراة الاولى، وتعادلنا في الثانية، وفزنا في الثالثة. مباراة اليوم (أمس امام بوركينا فاسو) هي بين افضل مبارياتنا.
قلت للاعبين بانها ستكون الاكثر صعوبة، واننا لسنا بحاجة سوى الى الفوز. انها المرة الاولى التي نفوز فيها منذ عام 1970. ضد انغولا سجلنا هدفين هما الاولان منذ 1976، انها انجازات رائعة وخالدة".
وتابع "جميع اللاعبين يلعبون في الدوري المحلي واثبتوا ان بامكانهم المنافسة في المستوى العالي للبطولة القارية. ما نحتاجه هو الاموال لاعداد المنتخب الوطني، سنرى ما ستفعله الحكومة" التي ناشدها مازدا قبل انطلاق البطولة بتقديم الدعم لضمان استعداد جيد لصقور الجديان حتى يتفادى مصير النسخ الثلاث الاخيرة التي خاضها في العرس القاري وودعها من الدور الاول، آخرها في غانا عام 2008 عندما مني بثلاث هزائم متتالية وبنتيجة واحدة صفر-3 امام منتخبات زامبيا ومصر والكاميرون.
وتحسن اداء السودان كثيرا في العامين الاخيرين من خلال تألق لاعبي قطبيه المريخ والهلال، والفضل يعود بطبيعة الحال الى مازدا الذي اعاد الاتحاد المحلي الثقة في مؤهلاته عام 2010 بعد ان كان استغنى عنه عقب الفشل الذريع عام 2008.
نجاح مازدا
ويمكن القول بان مازدا الذي نجح في تشكيل منتخب شاب هو الوحيد الذي ينافس في البطولة القارية بلاعبين محليين، حقق الهدف المتوخى من النسخة الحالية وهو بلوغ الدور ربع النهائي، فهو وحده كان يؤمن في قدرة لاعبيه على تخطي الدور الاول في الوقت الذي انهالت الانتقادات عليه خلال فترة التحضيرات للكأس القارية بعد الخسارة وديا امام تونس والسنغال، وعقب مباراتيه الاوليين فيها امام ساحل العاج (صفر-1) وانغولا (2-2).
وأوضح مازدا "أنه لا يكثرت للانتقادات التي تطاله ولاعبيه الشباب ولا يلتفت اليها ويركز على عمله فقط" مشيرا الى ان من ينتقدونه "ينطلقون من منطلقات ذاتية ضيقة وليس من منطلقات وطنية".
أهداف السودان
وكان مازدا اعلن قبل انطلاق العرس القاري "لدينا هدفان من هذه المشاركة: الاول تخطي الدور الاول من المنافسة، والثاني ان نقدم عددا من اللاعبين السودانيين للاحتراف لاننا نشارك بدون لاعبين محترفين خارج البلاد ووجود لاعبين محترفين له اهمية كبيرة بالنسبة الى الكرة السودانية".
واعترف مازدا بان السودان "لا يزال بعيدا عن ثقافة اللعب مع المنتخبات الكبيرة وهمنا التواجد في النهائيات الافريقية 5 مرات اخرى حتى نستطيع مواكبة هذه المنتخبات".
وتابع "اوقعتنا القرعة في مجموعة صعبة، ونحن صنفنا في المستوى الرابع، لكن كرة القدم حافلة بالمفاجآت وكنت واثقا باننا سنتخطى الدور الاول"، مضيفا "كل شيء ممكن والدليل فشل المنتخبات القوية مثل الكاميرون ومصر ونيجيريا في التأهل الى النهائيات، والخروج المفاجئ للسنغال والمغرب، وبالتالي ليس بامكاننا التنبوء بما سيحصل".
وكأن مازدا كان يعرف سيناريو مشوار منتخب بلاده في النسخة الحالية، فعقب المباراة الاولى امام الفيلة دافع عن رجاله قائلا "الخسارة صفر-1 امام ساحل العاج ليست نهاية العالم والمشوار"، واعتبرها نتيجة جيدة خاصة أنها كانت امام منتخب مرشح لإحراز اللقب ويضم العديد من النجوم".
وقاد مازدا السودان الى تعادل ثمين امام انغولا بثنائية لمحمد احمد بشير هي باكورة اهدافه الدولية، واكد ان النقطة ستزيد حماس اللاعبين امام بوركينا فاسو وهو ما تحقق بالفعل ونجح منتخب بلاده في تحقيق فوز وتأهل تاريخيين بفضل ثنائية جديدة لمهاجم الهلال مدثر الطيب الشهير ب"كاريكا"، وبات ثاني منتخب عربي يبلغ الدور ربع النهائي في النسخة الحالية بعد تونس.
تحدٍ جديد
مازدا الذي اكد ان منتخب بلاده كسب احترام جميع المنتخبات، يقف على مشارف تكرار الانجاز الذي حققه مع منتخب بلاده في بطولة افريقيا للاعبين المحليين عندما قاده الى دور الاربعة، وذلك عندما يلاقي زامبيا السبت المقبل، في مباراة ثأرية لصقور الجديان على اعتبار الخسارة المذلة التي منيوا بها امام زامبيا صفر-3 في اولى مباريات نسخة 2008، لكن شتان بين مستوى سودان 2008 والمنتخب الحالي الذي اعرب مازدا عن امله في ان يواصل "روح الانتصارات" والذهاب ابعد حد ممكن في النسخة الحالية.
يذكر ان مازدا هو احد ابرز نجوم كرة القدم السودانية ونادي المريخ، عمل مساعدا لمدرب المريخ الالماني هوريست في العام 1989 وحاز معه على لقب كاس الكؤوس الافريقية في العام ذاته، ثم عاد وعمل مساعدا لمدرب المريخ الالماني الاخر اتو بفيستر ووصل معه إلى نهائي كاس الاتحاد الافريقي ثم تولى تدريب المريخ عام 2009 ثم بعد رحيل الاخير عام 2007، وعمل أيضا مساعدا للمدرب الالماني مايكل كروغر
أف ب |
| |
|
|
|
|
|
|
| |
طلحة عبدالله
محمد عبد الماجد الصايم
Abdlaziz Eisa
فايزودالقاضي
محمد قسم الله محمد
تاج السر محمد حامد
عبداللطيف حسن علي
khaleel
بدر الدين محمد
عبدالله السفاح
Al Sunda
محمد البشرى الخضر
عبدالعزيز الفاضلابى
عادل فضل المولى
Magdi Ahmed Elsheikh
نايف محمد حامد
عمران حسن صالح
نصرالدين صلاح
عمر عبد الله فضل المولى
شهاب الفاتح عثمان
tmbis
عباس محمود
حمد عبد الغفار عمر
ساميه حامد
احمد الأمين على إدريس
Maawya Hussein
الصادق اسماعيل
عبدالله كع
حسام عبد الرحيم
ismeil abbas
طارق أحمد خالد
عبدالله الشقليني
محمد يوسف الزين
keiga2000
Nasruddin Al Basheer
Mohamad Shamseldin
عبدالكريم الامين احمد
فيس بوك
تويتر
انستقرام
يوتيوب
بنتيريست