|
|
|
 Re: القنوات الفضائية العربية ستعاني في حالة اندلاع انتفاضة في السودان (Re: khaleel)
|
خلي سلامات
نبدأ قبل الثورة القادمة بالعودة للاسماء الحقيقية
وهي اما انجليزية معربة او فصحى معبر عنها بالدارجي
بورتبيل port Bill
حجر الطير Bird stone
حجر العسل honey stone
ام الطيور birds mother
ام دقرسي نيو جيرسي
الحيصاحيصا حسن عيسى
او نقل الثورة لاحياء ومدن لا مشكلة في اسماءها
فارس والدوحة الطائف المهندسين المجاهدين الازهري
ولا اظن ان هناك مشكلة في اسماء الشوارع فقد حجزت الدولة كل الاسماء للصحابة رضوان الله عليهم
| |
  
|
|
|
|
|
|
|
 Re: القنوات الفضائية العربية ستعاني في حالة اندلاع انتفاضة في السودان (Re: ود الباوقة)
|
هلا يا خلي
والخبر الاكيد هو ان الثورة قادمة قادمة وشايفها بعيوني البياكلها الدود ديل
فاما الاعراب فديل حكايتنا معاهم حتكون حكاية..
ناس جون قرنك ديل (قرنك دي كان بقولها واحد عراقي هنا لجون قرنق)..
والناس ديل فعلا جزالين جزلنة شديدة في الحتات السودانية
ومن حسسع احسن للجزيرة تخش دورة في المدن والفيافي السودانية لانو القصة دي قررررررررررررربت
| |
|
|
|
|
|
|
|
|
|
Re: القنوات الفضائية العربية ستعاني في حالة اندلاع انتفاضة في السودان (Re: عبدالكريم الامين احمد)
|
Quote: هلا يا خلي
والخبر الاكيد هو ان الثورة قادمة قادمة وشايفها بعيوني البياكلها الدود ديل
فاما الاعراب فديل حكايتنا معاهم حتكون حكاية..
ناس جون قرنك ديل (قرنك دي كان بقولها واحد عراقي هنا لجون قرنق)..
والناس ديل فعلا جزالين جزلنة شديدة في الحتات السودانية
ومن حسسع احسن للجزيرة تخش دورة في المدن والفيافي السودانية لانو القصة دي قررررررررررررربت |
ايوة يا كيكي
لازم يعرفو بنزقة وود النيل وجلقني وشبونا هاشم
| |
|
|
|
|
|
|
|
|
|
Re: القنوات الفضائية العربية ستعاني في حالة اندلاع انتفاضة في السودان (Re: محمد أبوالعزائم أبوالريش)
|
Quote: هل اسماء المدن السودانية صعبة
ام الاعراب ديل (جزالين ) ساكت |
خليل ............ لا هذا ولا ذاك
هسه انت شخصيا بتعرف أسماء قري في الصين !!!
الحته نسبة وتناسب الناس ديل برضوا شهر ما عندهم فيو نفقه ........... ما عادين اياموا
وما في اسماء الاماكن وبس لو تابعته أي تقرير إخباري عن السودان _ خصوصا عن جيرنا الاقرب المصريين _
حتندهش لكم الاخطاء في المسميات والتواريخ ........ لا أسمائنا صعبة ولا الاعراب جزلانين كل الحته (( إهتمامات ))
ومفروض نتقبل إننا في قاع الاهتمامات دي .................. في (( الهامش )) ياحبيب
_________________________________
حكمة اليوم :
البهمشك .............همشوا
وحقوق الطبع محفوظة لبلير
تحياتي ,,,
| |
|
|
|
|
|
|
|
|
|
Re: القنوات الفضائية العربية ستعاني في حالة اندلاع انتفاضة في السودان (Re: khaleel)
|
سلامات يا هندسة ..
مصداقا لقولك ..
ذهبت في احدى العطلات لقريتا في الشمال بعد غياب ونحن سكان جزر ..
رأيت جزيرة وسط مجرى النهر ..
كانت في الماضي تبدو ككتلة رملية بدأت في الظهور وأخدت موقعها بين الجزر..
وبدأ الناس يتنافسون على حيازتها ..
ضحكت كثيرا عندما سمعتهم يسمونها جزيرة حنيش.
هلا وغلا بالملك الملك
مش البركة الما سموها
مزارع شبعا
كانو جابو ليكم اسرائيل في حتتكم
هههههههههههههههه
| |
|
|
|
|
|
|
|
|
|
Re: القنوات الفضائية العربية ستعاني في حالة اندلاع انتفاضة في السودان (Re: khaleel)
|
الاخ خليل
بس خليها تقوم انشالله ينطقوا كاب الجداد الكيب تاون
حل وسط يتم تدريبهم على نطق ميدان عقرب او ابو جنزير ، رغم انه احنا في السودان المظاهرات بتقوم في شوارع الاحياء والحيجهجهم جهجه شديدة
في واحد مصري بعد ثورة 25 يناير قال ( والله انتوا السودانيين حتتعبوا اوي في الثورة بتعتكم مع الحر ، الا تعملوا نوافير ترش المية عليكو) لووول
المشكلة الشعب السوداني بيعرف اكتر من الللازم في الجغرافيا( جبال الابلاش يوجد بها الفحم الحجري مثلا) وباقي الشعوب ممكن ما يعرفوا الخرطوم وين
| |
|
|
|
|
|
|
|
|
|
Re: القنوات الفضائية العربية ستعاني في حالة اندلاع انتفاضة في السودان (Re: حسن محمود)
|
Quote: خليل
حكاية الخطأ في نطق بعض اسماء المدن والمناطق في السودان نحن ذاتنا كسودانيين بنعاني منها
.. اذكر كانت هناك احدث في غرب كردفان ..في مناطق الدِبب و فِشيق وضيلم ..تم نطقها بطريقة غير
صحيحة لم تعجب اهلها مثلا الدِبب .. بالكسر ( جمع المكان العالي) وهي الان في طريقها لتكون محلية
تم نطقها الدُبب اقرب الى جمع دُب..
|
صباح الخير يا حسن
ياخي ما سمعت اسم الفريق الدابي في القنوات العربية
جهجه باكات كل مذيعي الاعراب
حالتو اسم الدابي لو كان اسمو
ود ام بعلو ما كان عارف عملو شنو
صراحة عندنا اسماء سودانية زي ما قلت محتاجة اعادة نظر
| |
|
|
|
|
|
|
|
|
|
Re: القنوات الفضائية العربية ستعاني في حالة اندلاع انتفاضة في السودان (Re: tmbis)
|
Quote: يا خليل ..
في الشمالية .. في منطقة اسمها (البرســا) ..
المسالة دي عادية جدا. واي حاجة عندنا بي نظام .. لكن الناس ديل ما عايزين يختونا في الصورة ..
حسع كان قمته حفرته شوية كدا .. احتمال ميسي تكون حبوبتو من اندنـا ..
..
|
وكمان كاكا طلع من جبال النوبة في بوست حبيب نورة يعني بالعربي كده نوبة الشمال لو طلعوا اهل نوبة الجبال ممكن تشيلوا كاس العالم للاندية عديل كده لوووووولز
تحياتي
زاتوووو
| |
|
|
|
|
|
|
|
|
|
Re: القنوات الفضائية العربية ستعاني في حالة اندلاع انتفاضة في السودان (Re: ALZOLZATOO)
|
الاخ خليل
مذيعين القنوات الفضائية شوية عندهم حبة دلع وما عاوزين يجتهدوا
وطوالي مما يدخل اسم السودان في خبر حركات الدلع في نطق الاسم بتزيد، في حين ممكن جدا ينطقوا اسم في اقصى جنوب الصين او صعيد اليابان بسلاسة
مثلا في الدول العربية كفر مصيلحي ممكن ينطقوهو عادي ، لكن مدني ممكن تعشرق بيهم لدقايق
لانهم ما عاوزين يجتهدوا
الناس دي معظهمهم عندهم مشكلة في نطق اي اسم عنده علاقة بافريقيا لانهم جايين بفهم مسبق انه دي مجاهل افريقيا فما في مشكلة ينطقوهو باي طريقة
| |
|
|
|
|
|
|
|
|
|
Re: القنوات الفضائية العربية ستعاني في حالة اندلاع انتفاضة في السودان (Re: khaleel)
|
ادين وأشجب هذا البوست
وإنى لأراه غارق فى العنصرية ضد اهلنا الأعراب
فنحن منهم ولو رفضوا انضمامنا لجامعة الدول العر بية
نحن منهم حتى و لو صرنا عندهم بمنزلة الصعايدة عند القاهريين
وبعدين ينطقوا اسماءنا واسماء مدننا واسماء حوارينا
بالطريقة التعجبهم من انت يا ياخليل حتى تحاكمهم
فهم اصحاب الجلد والراس...
حاجة غريبة كيف يفوت هذا البوست على دعاة العروبة
والله صحى
_________________________________
ياقرود يا دفعة والله وماطالبنى حليفة لما كنت فى
القاهرة واحدة زميلتنا و صاحبتنا بعد شهور وشهور من الونسه سألت:
بت يا طيييبة (واحده اسمها طيبة) هو انتو بتمشو ازاى
وسط الافيال والقرود؟
طبعا طيبة اصيبت بهاء السكت ..لكزتنا انا وندى يا بنات
الزوله دى سألتنى ردو عليها انتو
قلت ليها والله سؤالها ده انا كنت بسمعو نكتة!!!!!!
| |
|
|
|
|
|
|
|
|
|
Re: القنوات الفضائية العربية ستعاني في حالة اندلاع انتفاضة في السودان (Re: Siham Elmugammar)
|
ياقرود يا دفعة والله وماطالبنى حليفة لما كنت فى
القاهرة واحدة زميلتنا و صاحبتنا بعد شهور وشهور من الونسه سألت:
بت يا طيييبة (واحده اسمها طيبة) هو انتو بتمشو ازاى
وسط الافيال والقرود؟
طبعا طيبة اصيبت بهاء السكت ..لكزتنا انا وندى يا بنات
الزوله دى سألتنى ردو عليها انتو
قلت ليها والله سؤالها ده انا كنت بسمعو نكتة!!!!!!
غايتو يا سهام المجمر
الاعراب ديل يا ناس كدة
يا ناس كدة
ههههههههههههههههه
| |
|
|
|
|
|
|
|
|
|
Re: القنوات الفضائية العربية ستعاني في حالة اندلاع انتفاضة في السودان (Re: khaleel)
|
الاخ خليل
ما بجيبوا اغنية سودانية ولا فيديو كليب عشان بفتكرونا شينين وسود للاسف
يعني بفهمهم ( ما بتجيب ليهم دخل)
لكن في نقطة للامانة ، في مشكلة في لهجتنا النطقها سريع غير انه مابنعرف نعكس روحنا بشكل جيداذا احنا في بعضنا عندنا النظرة للون الابيض كقيمة سائدة مهمة
بمناسبة كلام سهام عن الشعب السوداني العايش مع القرود
في دكتور عراقي مرة سمعته بيسأل ( اذا في السودان في شوارع ظلط)!!
غايتو يا اما احنا شينين فعلا يا اما هم بره الشبكة
لوووول
| |
|
|
|
|
|
|
|
|
|
Re: القنوات الفضائية العربية ستعاني في حالة اندلاع انتفاضة في السودان (Re: maia)
|
بمناسبة كلام سهام عن الشعب السوداني العايش مع القرود
في دكتور عراقي مرة سمعته بيسأل ( اذا في السودان في شوارع ظلط)!!
غايتو يا اما احنا شينين فعلا يا اما هم بره الشبكة
لوووول
يا مايا
والله العظيم الليلة الضهر الساعة اتناشر وربع
في قناة الجزيرة المذيعة قالت الخبر الاتي
المناصير المتاثرين بسد (مروة) يواصلون اضرابهم
مروة مروة انتي ياخ
ما بتعرفي مروي اقدم حضارة في التاريخ
| |
|
|
|
|
|
|
|
|
|
Re: القنوات الفضائية العربية ستعاني في حالة اندلاع انتفاضة في السودان (Re: بلدى يا حبوب)
|
لقد قالها محجوب
متفائل بيك وبحلم
محجوب شريف
أرفع راسك
زلزل أسرك
أصلك شعباً صعباً كسرك
وحد بأسك
انت المجد مقاسو مقاسك
والقهروك زوالم شمسك
كل الأيدي وكت تتماسك
تكتب نصرك
تهزم ليلك وظلمة حبسك
حرر نفسك بي إيديك
عندك زودك وحمرة عينك
ودخري الحوبة شبابك زينك
علي هتافك
أدي شراع الهنا مجدافك
خلي الخوف يخشاك ويخافك
ويبقى رماد البينو وبينك
كل الدنيا بتسأل عنك
يا مبدع ثوراتك وينك؟
انت الزيّك ما بتذل
كم من ظالم ظلمك وولى
أنا متفائل بيك وبحلم
بل متأكد ما بتتخلى
ما بتتفرج تفضل ساكت
وحفنة تقبقب في خلق الله
أنا متفائل بيك وعارف
إنك يوماُ ما بتتخلى
تبقى حديث العالم كلو
إذاعة .. إذاعة …. جريدة ..جريدة
مجلة مجلة
يملا الشاشة ثباتك
وضو عافيتك
وعلمك وقلمك وجلابيتك
وقدلة ولدك وجدلة بتك
ونيلاً قلدك جنب طابيتك
ما من بيتك يا الحبيتك
كل من ظلمك ولا تربيتك
قدرتك إنت وإمكانيتك
شامخ تبني ديمقراطيتك
وعزة بلدك ورفعة شانك
يا متعدد وواحد ابداً
تحيا العشرة البين أديانك
وسلم حقيقي يزيدك عددا
ويبقى عنان السما عنوانك
| |
|
|
|
|
|
|
| |
khaleel
فايزودالقاضي
ود الخليفه
عبدالكريم الامين احمد
Faisal Al Zubeir
أحمد ابن عوف
محمد أبوالعزائم أبوالريش
محمد على طه الملك
Elawad Eltayeb
حسن محمود
tmbis
ALZOLZATOO
Siham Elmugammar
محمد عبد الماجد الصايم
بلدى يا حبوب
Elbagir Osman
الفاتح شلبي
فيس بوك
تويتر
انستقرام
يوتيوب
بنتيريست