( اقابلك ) واحدة من الأغنيات المجيدة التي جادت بها عبقرية وردي اللحنية تلك العبقرية التي تفتقت منذ مطالع الستينات وأنتجت فيما انتجت الطير المهاجر ، صدفة ، الهوى الأول ، جميلة ومستحيلة ، المنفى ، الحزن القديم وغيرها من الروائع
01-25-2012, 10:22 AM
قيقراوي
قيقراوي
تاريخ التسجيل: 02-22-2008
مجموع المشاركات: 10380
Quote: ( اقابلك ) واحدة من الأغنيات المجيدة التي جادت بها عبقرية وردي اللحنية تلك العبقرية التي تفتقت منذ مطالع الستينات وأنتجت فيما انتجت الطير المهاجر ، صدفة ، الهوى الأول ، جميلة ومستحيلة ، المنفى ، الحزن القديم وغيرها من الروائع
تعرف انا فترة تابعت د. عوض الزول، و خدر حسين فأضّلوني عن سواء السبيل جدفنا في حق وردي بما يستلزم الاستغفار و الكفارة عدييييل كدا!
-----
ياخ الزوول قال وردي مفروض يعتزل الغنا عديييل كدا! و تبعته بغير احسان انا الغبيان!!
01-25-2012, 10:33 AM
أبو ساندرا
أبو ساندرا
تاريخ التسجيل: 02-26-2003
مجموع المشاركات: 15493
قيقا: ياخ الزوول قال وردي مفروض يعتزل الغنا عديييل كدا! و تبعته بغير احسان انا الغبيان -------------------------------------------------- وردي سره باتع فيما يتعلق بالغناء فلا تتبع ظن أي زول فيه لكن لو عايزين يتكلموا في وردي السياسي فشوت معاهم ولا تبالي تعرف في عيد الأضحى عزمتني صديقة لحفل وردي في نادي الضباط مشيت وانا تحت الدعاية المضادة ، وفي ظن ان وردي سيحرجنا فإذا بصوته يجلجل وحضوره طاغي وخرج الحضور جميعهم بدون إستثناء وهو في تمام الرضا والمتعة تحيات عطرات وامنيات طيبات
اها عمك نيرودا دا البقنعو منو!؟ قال اخير ما تجي كلو كلو!
Quote: لكن اين وردي اليوم من إستحقاق جائزة أي زول غير نقد ناس خدر ديل . . . و جائزة شعبه النوبي ؟ سؤال مشروع و مصل ضد الموات في سيرة الدم الحاصل دا . . . ما دمنا في حضرة نيرودا . . . لعل الأخير دا الآن يتململ في قبره وشعرة جلدة مكلّبة ، و جسمو منمل عديل كدا من موقف ( مواقف ) وردي الاخيرة و رجع عكس ليهو نصه :
Quote: طالما كان الشاعر التشيلي بابلو نيرودا يردد: "خير إلا يحدث أبدا من ان يحدث متأخراً" ، معاكساً الحكمة المشهورة
و رجّعها لصيغتها الاثيرة و كأنك يا نيرودا لا غزيت و لا شفت الغزو بعينك . . . شنو الداعي يا فنانا العظيم لمواقف هزيلة في العمر دا ؟ يا ريت اللجرى ما كانش ابداً خصوصاً انو جا متأخر جداً برضو!!
كلامي الفوق بالعو تب .. و ناكرو ذاتو!!
-------
اها دا خضر حسين ..
جاييك يا الزوول .. جاييك اركز بس!
01-25-2012, 11:33 PM
قيقراوي
قيقراوي
تاريخ التسجيل: 02-22-2008
مجموع المشاركات: 10380
Quote: وردي سره باتع فيما يتعلق بالغناء فلا تتبع ظن أي زول فيه لكن لو عايزين يتكلموا في وردي السياسي فشوت معاهم ولا تبالي تعرف في عيد الأضحى عزمتني صديقة لحفل وردي في نادي الضباط مشيت وانا تحت الدعاية المضادة ، وفي ظن ان وردي سيحرجنا فإذا بصوته يجلجل وحضوره طاغي وخرج الحضور جميعهم بدون إستثناء وهو في تمام الرضا والمتعة تحيات عطرات وامنيات طيبات
للامانة خضر حسين كان مركز على نقد مواقفو السياسية .. مع تثبيت الاحترام اللائق لمكانتو كموسيقار عظيم .. لكن (الزوول) مجدف كبير
-------
انا ارتكبت الكبيرتين!!
01-26-2012, 03:03 AM
عوض عبدالله طه
عوض عبدالله طه
تاريخ التسجيل: 08-14-2010
مجموع المشاركات: 603
تتراكم الاعوام ، تزدحم معدلات الروح باعلى ارتفاعاتها منذ ما يزيد على الخمسين عاما وانت تصهل بين جنبات الحياة كنيل تتحدر من هضابك الى وديان ارواحنا كل يوم تتم فيه دوزنتك لنا فى اعواد الحياة والغناء باوتار جديدة كانها لم تلامس سوى يدك ولم يمسها احد ظللت منذ ان بدات الشجو (ياطير يا طاير ) تحلق فى تلك اللحظة التاريخية من العام 1957لاول مرة فى استديوهات امدرمان ، تلك لحظة بشرت بحبك للحياة من فؤادى احمل الشوق يا حمام والفؤاد لدنك ملئ على غير العادة بالوان الطيف اجمعها الاحمر كان اولها لكنك لم تشأ الا ان تفرد لالوان اخرى ان تنسجم وسيرورتك وتظلل جوانحك ، فباتت كل الالوان تشكل مزاجك وهو مزاج امتزج منذ بواكير الايام الفنية عندك بالكثير من المحطات شعريا على الاقل (واقول لك حتى اكون واضحة )لا اعرف اين كانت البداية لكنى اعرف العديد من الاوجه الشعرية التى لازمت مسيرك ليس اولهم صادق عبد الكافى بطبيعة الحال ، او صلاح احمد ابراهيم ، ثم كجراى ، والحلنقى ، واسماعيل حسن ، عمر الدوش ، محجوب شريف ، الفيتورى ، محمد الحسن دكتور، محمد المكى ابراهيم ، على عبد القيوم، التجانى سعيد،ابو امنه حامد و........ قائمة ساعود اليها كلما اسعفتنى الذاكرة التى استعين بها اقف الان على صوتك وهو يشدو فاذا عبر بلادى ما تثنى طرب النيل لديها وتثنى فارو يا تاريخ للاجيال ان تتثنى المفردة لدنك ولدن الشاعر صالح مرسى ان لم تخطئ الذاكرة ، تتعرج فى وديان الروح وتنسكب دنا على القلب داعية الى شمل واحد ليس فى شرعتنا عبد مولى هودجها الجمع النغمى المنظوم بوحى ان الامة كيان واحد وراحلتها صوتك الباذخ باتجاه الجميع نحن ابناء ملوك فى الزمان حين تصهل بالغناء يا سيدى تتفتح مسام المسامع ، تلامس كهرباء الوجدان فتغدو الروح (مكهربة ) بفنك وغنائك الا ما اجمل ذلك منذ بداية مشوارك وانت مصدر من مصادر الاثارة والجدل لدى مستمعيك جيلا بعد جيل فهاانت تغنى( لسبعتاشر نوفمبر) نعلم انك كنت لم تتيقن بعد من ملامح تلك (الثورة ) التى كانت تحيط عالمنا السياسى ولعمرى ما تزال تلك الملامح هى نفسها كأن العالم لم يتقدم خطوةلدنها ، فهى مسيجة بغموض غريب وفكرة لا تتغير رغم مرور الاعوام ؟؟!! لكنك مع ذلك جازفت وكنت (ربما وجدنا لك العذر انك غض بعد) وقلت حينها فى سبعتاشر نوفمبر هب الشعب طرد جلادو فى حين ان ذلكم كان احد جلادى الشعب لكنك لم تفوت الفرصة حين واتتك وغنيت لحظة ان مضى (سبعتاشر نوفمبر ) الى حيث تبدا انت اصبح الصبح ولا السجن ولا السجان باق وما ترددت ان تكشف عن لين تلك الفترة وقسوتها معا الستة سنين الحالكة فى تاريخك ما بتجدد عهد فساد واستبداد الله لاعادو يهدم فرح الوادى الاسمر لكنها سرعان ما تجددت وكنت بين تجددها وانصرام الاخرى واقفا على خط الحياة والامل مع الانسان الذى يشعل جذوة الغناءلديك فكانت تلك الاكتوبريات الخالدة ، لكنك ومرة اخرى ودون صبر او بصبر نافذ دلقت ماؤك على رهاب النظام الديكتاتورى الثانى وهو رهاب لم تستبنه فى اول الامر فكانت يا حارسنا وفارسنا يا بيتنا ومدارسنا كنا زمن نفتش ليك وجيتنا الليلة كايسنا يا حارسنا وكانت انت يا مايو الخلاص ياجدارا من رصاص لكن الرصاص انقلب الى الرفاق الذين حصدهم غدرا فكانت وقفتك التالية الى صدر الديكتاتور اكتوبر ديناميتنا وحين كنت سجينا للراى فى زنازين النميرى خرجت وانت اعلى قامة واشمخ صوتا صحبتك هذه المرة التجانى سعيد ورائعته قلت ارحل ولم تقف عند هذا الحد فتجاسرت مغنيا لعمر الطيب الدوش بناديها وبعزم كل زول يرتاح على ضحكةعيون فيها او كما اسماها الراحل عمر الحاج موسى (الالياذة ) هكذا اسريت لى ذات يوم وكنا فى حديث عن تلك الفترة وكانت الحزن القديم ، وجميلة ومستحيلة كانك كنت تعوضناعن توقفك المفتعل من جانب الاذاعة والتلفزيون حينها رغم كل ما حدث لك فى مايو لم تنكره بل اعتبرته تاريخا هو مسؤوليتك وتحملتها باقتدار متجاوزا كل الساسة الذين ما زالوا يتمرغون فى (تراب الميرى ) الى اليوم انت توليفة غريبة وعجيبة كفنان ، لكنا مع ذلك احببناك بلا تردد وغنينا معك بلا توقف بعد زوال (ان كانت قد زالت)الستةعشر عاما حلمنا معك حيث كنت احد روافد الحلم واحد عناصر تغذيته انت وشعراء وقفوا معك صفا لا ينحنى (وضلا ) ما زاد لا اعرف ماذا اقول لك يا سيدى ؟ فانت واحد من اهرامات الغناء لدنا انت واحتنا ونافذتنا المطلة على افريقيا لمحت ذلك من خلال اشرطة فيديو خلبت فيها الباب كل صومالى واثيوبى وارتيرى ، وامتدت اواصر الغناء لدنك الى معظم اقطار افريقيا حدثنى رحالة سودانى يعيش فى شرق وغرب افريقيا متنقلا بين تنزانيا وكينيا ، ويعبر كثيرا الى نيجيريا ، كيف ان الناس يشترون اجهزة الراديو خاصة فى الجابون ويردون تلك الاجهزة الى (دكانها ) لانها (ما بتجيب امدرمان ولا بنسمع وردى ) هالك ، اقترن اسمك بالاذاعة وغناؤك بهؤلاء الناس رغم جهل معظمهم باللغة العربية او حتى لغتك المحلية ، لكنهم مرهونون لصوتك ، وصوتك يا لصوتك حين يغزو الاذن ، يغسل الروح ، فتطير بين افق لا حدود له كتبت هذه الرسالة كيما اقول لك لكم انى احبك يا شامخا كطود وجبل لاتهزه الرياح ، فكن ما عودتنا ، دائما الى جانبنا نحن الذين نتمسح بالحياة لاجل اغنية منك ترد روح الغربة التى تاصلت فينا ، اقول لك رغم كل شئ كن ما عودتنا ، وابقى ما كنته ، لا تدع الحياة الطويلة التى عشتها الا عكازا تتوكا به باتجاهنا لاننا نحبك
01-27-2012, 07:03 AM
عوض عبدالله طه
عوض عبدالله طه
تاريخ التسجيل: 08-14-2010
مجموع المشاركات: 603
يفصل بين منطقتنا وبين امدرمان صحراء قاحلة معظمها رمال متحركة تغوص فيها العربات بكل سهولة وتأخذ وقتاً طويلاً لتخرج منها ولكن أخطر الأماكن هو ما كان يسمى ب (قوز أبو ضلوع) حوالي كيلومتر من الرمال المتحركة التي لا يمكن الفرار منها أبداً السائق البطل هو من يفلت بأقل الخسائر ويستحق أن يخلده الشعراء تسعة للأستارتر نقر *** وجر كوزو النيسان شخر فى المواعيد ما تأخر *** وكل راكب زهى وإفتخر السموم يافيصل الحر *** أمنعن لو كان بتقدر ومن تعاشيقك بس أحذر*** وإيدك التلمس بتخدر شقّق القوز فجا ودفر *** لا مساعد جرى لا حفر ... أو في مديح ود أب زيد السواقة وراثة ودراسة مو جربنديِّ وعواسة رزانة وحكمة وفراسة ودي ود ابزيد كان اساسا ... يحرص الناس على عدم الدخول فيه إلا بعد الاستعداد التام ثم بعد افلاتهم منه والخروج لبر الأمان بالجانب الآخر يأخذون قسطاً من الراحة وهم يراقبون من يستميتون للخروج مع صوت الكوز المركب للسفنجات والنيسانات تسمع سيمفونيات الألم والمعاناة التي تصدرها الماكينات ويبدأ الناجون في الدعاء المخلص متجاوبون مع الصوت الحزين المشروخ لمعاناة العربات مع الرمال يا الله سلامي ... يا الله سلامي يا رب ألطف .. يا ربي تمرقا ..يا ربي ما توحل ... تعرف ... د. محمد وردي (حقكم) ده ... لما (بالصدفة) القاهو بيغني وهو يجابد في الغناء ... شيتاً يقدرو وكثير يصعب عليه فيستعين عليه بصراخ وترنيم مصطنع يمثل هروباً أكثر منه تطريباً أو يستنجد بجيش الكورس ليساعدوه في ذلك الحمل الثقيل ولا اجد للريموت سبيلاً بدخل في حالة شبيهة بالناس القاعدين يتفرجوا في اللواري وهي تقنِتْ وتولول محاولة الافلات من رمال قوز أبو ضلوع وأقعد بدلاً من الطرب ... أدعو يا ربي تمرق الجملة من خشمو يا ربي تستروا يا ربي تعدي الكوبليه ده على خير إحساس بالشفقة ... يحزنني ويكدر علي باقي يومي ....
01-27-2012, 07:41 AM
عوض عبدالله طه
عوض عبدالله طه
تاريخ التسجيل: 08-14-2010
مجموع المشاركات: 603
أنت كائن نوستالجي يا قيقا ومعظمنا (السودانيون) كذلك حينما نسمعد.محمد وردي ... نتوهم أننا نسمع الفنان محمد وردي وما أبعد الفارق بينهما وما أبعد المسافة بين الصوت المشروخ الضعيف المصطنع للدكتور محمد وردي والصوت الجميل العذب القوي الفنانمحمد وردي يعجبني في وردي صراحته في حكمه على الآخرين ، ولا أعرف أين ذهبت هذه الصراحة حينما يواجه نفسه عندما رجع وردي في أوائل الألفية ، أظن أنه كان يتهيب الغناء خوفاً من مقارنة صوته بصوته السابق ويبدو أنه لما وجد أنهم لا يفرقون ، استمرأ الأمر أحيانا كثيرة وبحكم معرفتي بصدق الانسان محمد وردي يخيل إلي أنه يهزأ من هؤلاء الذين يحرصون على حضور حفلاته و يسخر منهم في نفسه ويتعجب كيف رضوا أن يستمعوا إلى هذا الصوت المشروخ الضعيف ويبدو أنه وصل لقناعة أنهم وبحكم النوستالجيا المسيطرة عليهم يستمعون بذاكرتهم وليس بآذانهم .... هامش:
نوستالجيا من ويكيبيديا، الموسوعة الحرة أبابة (Nostalgia) هو مصطلح يستخدم لوصف الحنين إلي الماضي، أصل الكلمة يرجع إلي اللغة اليونانية إذ تشير إلي الألم الذي يعانيه المريض إثر حنينه للعودة لبيته وخوفه من عدم تمكنه من ذلك للأبد.تم وصفها علي انها حالة مرضية أو شكل من اشكال الاكتئاب في بدايات الحقبة الحديثة ثم أصبحت بعد ذلك موضوعا ذا اهمية بالغة في فترة الرومانتيكيه. في الغالب النوستالجيا هي حب شديد للعصور الماضية بشخصياتها واحداثها. romanticism[1]
Quote: أنت كائن نوستالجي يا قيقا ومعظمنا (السودانيون) كذلك حينما نسمعد.محمد وردي ... نتوهم أننا نسمع الفنان محمد وردي وما أبعد الفارق بينهما وما أبعد المسافة بين الصوت المشروخ الضعيف المصطنع للدكتور محمد وردي والصوت الجميل العذب القوي الفنانمحمد وردي يعجبني في وردي صراحته في حكمه على الآخرين ، ولا أعرف أين ذهبت هذه الصراحة حينما يواجه نفسه عندما رجع وردي في أوائل الألفية ، أظن أنه كان يتهيب الغناء خوفاً من مقارنة صوته بصوته السابق ويبدو أنه لما وجد أنهم لا يفرقون ، استمرأ الأمر أحيانا كثيرة وبحكم معرفتي بصدق الانسان محمد وردي يخيل إلي أنه يهزأ من هؤلاء الذين يحرصون على حضور حفلاته و يسخر منهم في نفسه ويتعجب كيف رضوا أن يستمعوا إلى هذا الصوت المشروخ الضعيف ويبدو أنه وصل لقناعة أنهم وبحكم النوستالجيا المسيطرة عليهم يستمعون بذاكرتهم وليس بآذانهم
قبلك و قبالك يا عوض ملحد!!
يا كيف تاتيك العبارة ... بل كيف تجروء!!؟
لو ركزت على نقد مواقف وردي .. لتبعناك .. لأنو صراحة مواقف وردي قبل بعد العودة مختلفة .. البعد ليست وردية خالص!
زول يقول انو (النظام) دا جثة .. و قبل ما يصن صدى صوتو في اضانا، نلقاهو جا رفعا و دخل تحتا!!
دا موقف قابل للنقد .. تماماً
لكن تتكلم في صوتوا عديييل دا تجديف!!
--------
عن النستولجيا ..
في التسعينات .. كنت مقيم في الديم عزابياً .. اهل العوض شد بلدو زي ما بقولوا الخلايجة .. ما يعادل (كرت كرتونة) بالمحلي مرة مرضت و لازمت السرير الابيض .. خلال الايام ديك آمنت بوردي .. و ناس الديم و دي النستولجيا زي ما جات في الكتاب بس خايف اسرح و اقوم اشرح
01-27-2012, 10:31 AM
قيقراوي
قيقراوي
تاريخ التسجيل: 02-22-2008
مجموع المشاركات: 10380
Quote: لكنك ومرة اخرى ودون صبر او بصبر نافذ دلقت ماؤك على رهاب النظام الديكتاتورى الثانى وهو رهاب لم تستبنه فى اول الامر فكانت يا حارسنا وفارسنا يا بيتنا ومدارسنا كنا زمن نفتش ليك وجيتنا الليلة كايسنا يا حارسنا وكانت انت يا مايو الخلاص ياجدارا من رصاص لكن الرصاص انقلب الى الرفاق الذين حصدهم غدرا فكانت وقفتك التالية الى صدر الديكتاتور اكتوبر ديناميتنا وحين كنت سجينا للراى فى زنازين النميرى خرجت وانت اعلى قامة واشمخ صوتا صحبتك هذه المرة التجانى سعيد ورائعته قلت ارحل ولم تقف عند هذا الحد فتجاسرت مغنيا لعمر الطيب الدوش بناديها وبعزم كل زول يرتاح على ضحكةعيون فيها او كما اسماها الراحل عمر الحاج موسى (الالياذة ) هكذا اسريت لى ذات يوم وكنا فى حديث عن تلك الفترة
ما دا الجهجه باكاتنا ذاتو .. و خالينا ما قارين لينا على قرار .. نبقى على احساسنا السمح دا تجاه العظيم وردي .. ام نتبع الضالين المضلين ناس د.عوض ديل!؟
هل اكتفى!؟ لأ
بل غنى لـ(سودان جديد)
(أغنية غير منشورة للامبراطور) .. العهدة على (الناشر في اليتيوب) .. حسب زعمهم اعلاه!
غايتو لم يوجد .. و لن يوجد من يقدر يسوط باكاتنا زي العظيم وردي!!
---------
يا عوض انت لسة في الحادك دا!؟ اللهم نبرأ مما يدعون و يقولون
النسألك انت سمبتيك ما نزل تسجيل لحفلة راس السنة 2012 كدي جيبا و تعال نتفاهم في النستالوجيا ... ياخي صورة وردي و محجوب شريف -بتظهر في الفيديو الاخير - و هم ملوحين بعلامة النصر V و اعتقد انها في بداية السبعينات .. بعد خروجهم من الاعتقال .. الصورة دي عليك دين ما بتثير كل الشجون!؟ .. تأمل في مآلات طرفي الصورة .. دا وين .. و دااااااااك وين!؟ حولتن!!
لكن يظل السؤال قائم و موهط ظن .. و الحال كذلك .. او كما صورته ريشة الفنانة سلمى :
Quote: كتبت هذه الرسالة كيما اقول لك لكم انى احبك يا شامخا كطود وجبل لاتهزه الرياح ، فكن ما عودتنا ، دائما الى جانبنا نحن الذين نتمسح بالحياة لاجل اغنية منك ترد روح الغربة التى تاصلت فينا ، اقول لك رغم كل شئ كن ما عودتنا ، وابقى ما كنته ، لا تدع الحياة الطويلة التى عشتها الا عكازا تتوكا به باتجاهنا لاننا نحبك
هل يجوز لمن شكل .. و قيل جمل وجداننا ان يكون غير ما كان!؟
اصالتن عن رواد البوست .. و نيابة عن شخصي السمين .. نقول ليك يا سلمى نحن نحبك ايضاً خليك زي ما انت .. انت انت خليك كدا .. و مافي اجمل من كدا
01-27-2012, 11:34 AM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
ينصر دينك يا أخوى يا قيقراوى على البوست السَنَد دا . ياخى أنا شدة ما أنا وحلان فى الإعجاب بغناوى بلدياتى وردى دا بتغلبنى الكتابه فيه عديل كدى . لا أحد غيره شّكل وجداننا نحن معشر النوبيين ومعه أحسسنا أننا هزمنا ذلك الإحساس الذى بذل البعض غزونا به بنعتنا طوراَ بالبرابره وطوراً بالسخرية من عربيتنا الكسّره . وايم الله لم نفكر يوماً بغير هويتنا السودانيويه ( كما فى النشيد ) وحتى الدعوات الأخيرة بالركوب على موجة الجهوية نحن ضدها ولكن أن تنجب أرض النوبة مثل وردى ونحس بأنه أكبر من أن تسعه أرض النوبه فقط ونتركه مشاعة بين السودانيين والعالم لهو مما يثلج صدورنا . ربما تكون شهادتنا فى وردى غير مكتملة الأركان ولكن الحق يقال أنه أمبراطور الأغنية والطرب فى السودان دون منازع . شكراً على الوصلات الرائعة .
01-27-2012, 05:10 PM
omer osman
omer osman
تاريخ التسجيل: 06-09-2007
مجموع المشاركات: 15218
Quote: ياخى أنا شدة ما أنا وحلان فى الإعجاب بغناوى بلدياتى وردى دا بتغلبنى الكتابه فيه عديل كدى .
و الحال كذلك
نهدي ليك دي:
المافي شنو هو!؟
---------
برضو تقول لي نستالوجيا يا العوض؟ اها بما اني لا اتحدث النوبية .. و لا فارز و لا كلمة من اعلاه .. لكن حاسي اني فاهم .. هل دا صدفة!؟ ام انو الساحر وردي اعادني لكوشيتي - الاف السنوات مما تعدون - الهربوا من مرايتها الاجداد بطمس هويتها!؟
حكى لي دعوسي من اصول افريقية، انو ما عارف بلدو .. لانو جدهم ضيع اوراقو الثبوتية - لاسباب دينية- كان عاوز ذريتو يبقوا اهل دين .. و من اهل مكة .. طوالي يردد صاحبنا : لا صرنا اهل دين .. لا عرفنا بلادنا!؟
هو واقعنا بالضبط يا العوض .. للاسف ثقافتين اقل من واحدة!!
هاك النستالوجيا دي!!
01-27-2012, 04:57 PM
عوض عبدالله طه
عوض عبدالله طه
تاريخ التسجيل: 08-14-2010
مجموع المشاركات: 603
Quote: هسة عليك الله أغنية كجراي مافي داعي تقولي مافي دي موش ممكن تسمعها 24/7
.... اتحداك يا حمد ومعاك قيقا الراوي وكل أزلام النستولوجيا كان ما جبت لينا تسجلين لغنية كجراي دي زاتا القلتها واحدة للفنان محمد وردي والتانية (لزولكم) الدكتور محمد وردي وبعدين نشيف ....
01-27-2012, 05:28 PM
قيقراوي
قيقراوي
تاريخ التسجيل: 02-22-2008
مجموع المشاركات: 10380
Quote: اتحداك يا حمد ومعاك قيقا الراوي وكل أزلام النستولوجيا كان ما جبت لينا تسجلين لغنية كجراي دي زاتا القلتها واحدة للفنان محمد وردي والتانية (لزولكم) الدكتور محمد وردي
آخر تسجيل ليهاالأنا بسمع فيهو لحدي هسة كان 2000/2001 وهي متجددة مما كانت عليه
ودا سر وردي الباتع متجدد دائماأداء وموسيقى يعني الأغنية نفسها بتسمعهابأكثر من نسخة
وبعدين الغناء الجميل دا نسمعو لايف من منو؟
أنا شخصيا أفضل لي اسمع غناء وردي من وردي ولو بجودة 80 % أحسن مما اسمع لي غناء معولق
لأنو بضمن سماع مخارج حروف واضحة وجُملة لحنية تسوق الجُملة الشعرية لآخرهابتداخل ما يقدر عليهو إلا وردي
نتمنى لوردي مديد العمر ليسمعنا أكثر
01-27-2012, 10:54 PM
قيقراوي
قيقراوي
تاريخ التسجيل: 02-22-2008
مجموع المشاركات: 10380
Quote: اتحداك يا حمد ومعاك قيقا الراوي وكل أزلام النستولوجيا كان ما جبت لينا تسجلين لغنية كجراي دي زاتا القلتها واحدة للفنان محمد وردي والتانية (لزولكم) الدكتور محمد وردي وبعدين نشيف
كدي حدد لينا تاريخ الدكترة بالضبط .. عشان نفرز العارفو ان انو وردي (استاذ) لغة عربية
---------
و دا بوضح سبب دقة و ضبط مخارج حروفو كما لم يسبقه أحد و لن يأتي بعده!
01-29-2012, 10:37 PM
لؤى
لؤى
تاريخ التسجيل: 06-01-2003
مجموع المشاركات: 14343
الحبيب قيقا وضيوفه الكرام تقبلوا صادق العزاء والمواساة في الراحل المقيم وردي وعزاء خاص للصديق العزيز د. عوض عبدالله (الزوول) اللهم اسكنه مع الذين انعمت عليهم من النبيين والصديقين والشهداء والصالحين . اللهم اغفر له وارحمه والحقه بالرفيق الأعلى . اللهم ألهم أسرته وأهله ومحبي فنه الصبر والسلوان وحسن العزاء . ( إنا لله وإنا إليه راجعون )
أخي الحبيب عبدالعزيز حسين نعم ، الموت حق لكن الحزن على فقد وردي يفوق الوصف ونسال الله أن يتغمده بواسع رحمته ويسكنه الفردوس الأعلى مع الذين انعم عليهم من النبيين والصديقين والشهداء والصالحين .
انا لله و انا اليه راجعون و لا حول ولا قوة الا بالله العلي العظيم اللهم أرحمه وأسكنه فسيح جنّاتك اللهم باعد بينه وبين خطاياه كما باعدت بين المشرق والمغرب اللهم نقّه من الخطايا والذّنوب كما يُنَقّىَ الثّوب الأبيض من الدّنس اللهم أغسله بالثلج والماء والبرد اللهم أبدله داراً خيراً من داره وأهلاً خيراً من أهله اللهم أجمعنا وإيّاه في مستقرّ رحمتك اللهم إنّا نسألك بإسمك الأعظم أن توسّع مدخله اللهم آنس في القبر وحشته اللهم ثبّته عند السُّؤال اللهم لقّنه حجّته اللهم باعد القبر عن جنباته اللهم أكفه فتنة القبر اللهم أكفه ضمّة القبر اللهم أجعل قبره روضةً من رياض الجّنّة ولا تجعله حفرة من حفر النار اللهم إن كانت محسناً فزد في إحسانه ، وإن كانت مسيئاً فتجاوز عن سيّئاته اللهم ألحقه بالشُّهداء اللهم أفتح عليه نافذة من الجّنّة وأجعل قبره روضةً من رياضه إنّا لله وإنّا إليه راجعون عزاءنا للجميع فانه حبيب الكل و ربنا يكرم الجميع بالصبر و حسن العزاء
02-19-2012, 12:37 PM
قيقراوي
قيقراوي
تاريخ التسجيل: 02-22-2008
مجموع المشاركات: 10380
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة