|
منو القال ليك .....**
|
مودات في صقيعة الله و ( صقطة) هذا
تحفز في دواخلك اشياء عفا علية الزمن ( و اتغبرت )
هناك شخص ما بمنفضة يتربص بك .. فتربص بنفسك ... ستنجو و تظفر بمودة
ان تري الموده نفسها علي قدمين تحمل احلي عينين و ابتسامة فاشرع دواخلك
للمنفضة و هيئها ...
فقد ربح البيع
|
|
|
|
|
|
|
|
Re: منو القال ليك .....** (Re: نصرالدين صلاح)
|
منو القال ليك
(منو القال ليك بنقدر بنتحمل فراق عينيك ) و للبعرف طعم عينيك كل ثواني تمر
بيشتاق ليك ....
حلاة عينيك يا غالي بتدي الضوء مناجم لون
يشيل من نورهن يديك
عسل ممزوج بحنية .... شبه لونك وذي طيبتك و . وجنة حبيبة في خديك ..
| |
|
|
|
|
|
|
Re: منو القال ليك .....** (Re: نصرالدين صلاح)
|
هو ما قال ليك
عشان شفتك بقت دنياي مختلفة
تغرد فيها طيورا بي الفه
الاقي الناس و احكيّهم جمال صوتك
وحلاة روحك ... تمرايامي معاكي منشرحة
لو ما عيونك اجيب من وين عمر
افتش بيهو لي ريدك بلا..... كلفة
وكل الشافني فيك ..يدّربك ...و يتوّدر
عشان عينيك بقت مالياني بالفرحة
...........
| |
|
|
|
|
|
|
Re: منو القال ليك .....** (Re: نصرالدين صلاح)
|
هو ما قال ليك
بريدك يا حضن دافي يشيلك في سحائب خير يصفيها
و لي قبلة شفاة عطشانة بي ريدنا الكتير بنرويها
تشيل كل الهموم من كتف انسان حياتو من غيرك.... غرق فيها
..........
هو ما قال ليك
انا العايش عشان ريدك و متحكرر
براي انهل من عسل عينيك... كمان
.. أسكر
افرش ليك عيوني بساط معاهو قليّبي
لو اقدر
تعيشي الملكة و اسعد بيك كمان
يا ستيّ بالاكتر...
نتوج ريدنا و اشواقنا تتكمل
و اشوفك
هانية تتبختر ....
يجيك كل الفرح مختال
كمان لو قلتي بيّ
( ّقّّّسمة ) بيكون أجمل ......:)
نصرالدين صلاح نيويورك-24-يناير شتاء-2012
| |
|
|
|
|
|
|
Re: منو القال ليك .....** (Re: نصرالدين صلاح)
|
منو القال ليك
(منو القال ليك بنقدر بنتحمل فراق عينيك ) و للبعرف طعم عينيك كل ثواني تمر
بيشتاق ليك ....
حلاة عينيك يا غالي بتدي الضوء مناجم لون
يشيل من نورهن يديك
عسل ممزوج بحنية .... شبه لونك وذي طيبتك و . وجنة حبيبة في خديك
هو ما قال ليك
عشان شفتك بقت دنياي مختلفة
تغرد فيها طيورا بي الفه
الاقي الناس و احكيّهم جمال صوتك
وحلاة روحك ... تمرايامي معاكي منشرحة
لو ما عيونك اجيب من وين عمر
افتش بيهو لي ريدك بلا..... كلفة
وكل الشافني فيك ..يدّربك ...و يتوّدر
عشان عينيك بقت مالياني بالفرحة
...........
هو ما قال ليك
بريدك يا حضن دافي يشيلك في سحائب خير يصفيها
و لي قبلة شفاة عطشانة بي ريدنا الكتير بنرويها
تشيل كل الهموم من كتف انسان حياتو من غيرك.... غرق فيها
..........
هو ما قال ليك
انا العايش عشان ريدك و متحكرر
براي انهل من عسل عينيك... كمان
.. أسكر
افرش ليك عيوني بساط معاهو قليّبي
لو اقدر
تعيشي الملكة و اسعد بيك كمان
يا ستيّ بالاكتر...
نتوج ريدنا و اشواقنا تتكمل و اشوفك
هانية تتبختر ....
يجيك كل الفرح مختال كمان لو قلتي بيّ
( ّقّّّسمة ) بيكون أجمل ......:)
نصرالدين صلاح نيويورك-24-يناير-2012
| |
|
|
|
|
|
|
Re: منو القال ليك .....** (Re: نصرالدين صلاح)
|
الحب ذلك اللا مكترث للذين يمرون دون الانتباة الية
ستجدة حتما في مكانة الاذلي ينتظر من يبحث عنة
عندها سيعمل فيك ما تفعل ( ديزني لاند ) بطفل ذا سبعه يافعات
( حا تنطط )
و تبتسم لوحدك كالمجنون
عندها ستسمع صوت قلبك ( شححححح )
ستفرح و تزعل لاتفة الاشياء من حبيبك
كأن ( بتعايني لي الزول داك ليية )
و تفرحك ببسمة( كالاهبل)
تسهر من غير ارق
و تنام مل جفونك ببوسة علي خدك
تعمل كالحصان لتسعدة/ها
و يصيبك خوار ( و موات حيل ) ان زعل/ت منك/ي
عندها ستعرف ان ما مر بك اجمل مما يمكن ان
يصيب ادامي
| |
|
|
|
|
|
|
Re: منو القال ليك .....** (Re: خدر)
|
Quote: شكرا على هذه النهارية الجميلة وربنا يجعل ايامكم كلها شتاءات...
لك أكيد التحايا |
عمدة
شوقنا شديد ياخ في هذا الشتاء الرحيم
بعد مشيت البرد زاتو قل
كملت شتائتنا
----
تسلم سيدي
و التحايا لك و الاولاد
| |
|
|
|
|
|
|
Re: منو القال ليك .....** (Re: نصرالدين صلاح)
|
رايوة
Quote: كنت هاانزل ليك رابح صقر (في منتهى الرقة)....
|
...
يا رايوة
انتي طارق ابوعبيدة دة ما عاجبك و لا شنو ؟؟؟
غايتو اتلومتي مع صناعاتنا الوطنية !
Quote: .الكلام دا كتبتو براك ولا (منقول) |
و هنا اتلومتي معاي انتي ما بتثقي فيني ليية ياخ :):)
انا كان بعرف انقل مداخلاتي في 6 سنوات هنا كانت بقت اكتر من كدة :):)
يا ستي الكلام دة قطع اخدر
انشاء اللة يكون عجبك
-------------------
تتهني انتي و عقبال بيك نفرح يا زينة
تحياتي لك و للوالدة
| |
|
|
|
|
|
|
Re: منو القال ليك .....** (Re: نصرالدين صلاح)
|
سيد الروح عندما يضيف مولانا طبقة ذهبية من الصوت
ابدا لن تزحزح ( مجاهدات ) البنا و سيد الشي ذاتا ( بادي )
عشقت من خلالها تعبير انا يكون لروحك سيد
تتمني ان يحن
دون شرح و الحوجة لرمي ( بلاويك علية )
حنية تتصرف فيك ( كيفما اتفق )
و دون نظرة ابعد من كلمة ( بحبك )
و احساسك ان ارتبط بشروط فا ( اقنع )
..........
| |
|
|
|
|
|
|
Re: منو القال ليك .....** (Re: سيف الدولة كامل)
|
الاخ صبري الشريف
Quote: نقرا عقبال سمع وشوف
تحية لك ول خدر |
السمع و الشوف جاري التحضير لة
تبقي ان نجد فسحة في زحمة ما تعج بة نيويورك من اكتيفيتي
انت قايل خيانات راس السنة بتوقفنا من دعوتكم و لا شنو :)
will keep you posted
تشكرات
| |
|
|
|
|
|
|
Re: منو القال ليك .....** (Re: نصرالدين صلاح)
|
سلطان اهل الهوي
انت و حظك - الحب توفيق من الله
يرميك في سلطان جائر تبتدي في الهذيان _( انشاء الله اجن و ازيد في الجن )
و لكن لا _ جن _
تموت عشرة مرات في اليوم و لا _ جن _ د و تسأل لم لم يحبني او كيف _ سوريي _
قد اسمعت اذ ناديت
مالم تعلمة ان الحب ما بيجي ( بالتحانيس )
عند مرحلة ( خلاص يا قلبي سيبو و انساة المدلل اووع تكون حبيبو )
لا تلوم نفسك فقد احببت و عملت العليك
الا التوفيق من الله
ل------
ليس اقسي من ان تحب و تفشل
الاجمل انة هناك يمنحك فرصا غير محدودة
لان تحب.....و تحب....و تحب....
(مادام عرق العشق حي)
----------------
حلفتك يا قلبي حلفتك بربي خليهو الغرام إتنكر لحبك وريهو الخصام ليه تِتهان يا غالي ليه و الذُّل حرام *** تتعذب لوحدك ليل و الناس نيام إن جاك يوم يصالحك قول ليهو الكلام أوعى يعود حنينك و ترُد السلام *** أوعى يا قلبي تنسى في لحظة الوصية أنا عارفك حِنَيِّن بِتشَمِّت عليّا *** حلفتك يا قلبي الخانك تخونو و الفايت غرامك أوعك يوم تصونو زي ما أبكى عيني سهِّر لي عيونو أوعى تقولي تاني ما بنعيش بدونو إيه في الحُب لقينا غير همو و شجونو *** حلفتك يا قلبي حملتك أمانة الخانت عهودك ما تبكي عشانها حلفتك تقول لي إيه آخرة بُكانا الدنيا الجميلة و الحُزن الحدانا الطير في غصونو الساجعات في حنانها كُلَّ الناس تغني ليه نِحنا الهَم طَوانا لية...لية يا قلبي ليه قول لي بأمانة *** أوعى يا قلبي تنسى في لحظة الوصية أنا عارفك حِنَيِّن بتشمِت عليّا...
| |
|
|
|
|
|
|
|