|
|
 سرقوا الفلنكات فانقلب القطار .. حدث امس ببحري (صور)
|
انقلب قطار قادم من مدينة عطبرة امس عند وصوله الى منطقة الخوجلاب ببحري ونجا سائقه ومساعده وعزا سائق القطار الحادث الى تباعد القضبان نسبة لسرقة الفلنكات وهي الاخشاب الموجودة تحت قضيب القطار والمصنوعة من الخشب القوي والذي يستخدم لصناعة الاثاث لمتانته .. القطار القدم من عطبرة كان يحمل اسمنت وملح في 20 عربة كان يجرها وانقلب بعضها ...الصور في الطريق
|
|
  
|
|
|
|
|
|
|
|
Re: سرقوا الفلنكات فانقلب القطار .. حدث امس ببحري (صور) (Re: معتصم محمد صالح)
|
الحادث يدل على قمة اللامبالاة من كل من هيئة السكك الحديدية واللص ،
المنطقة ليست بعيدة عن العاصمة ، وواجب هيئة السكك الحديدية التأكد من سلامة طرقها ومساراتها ومراقبتها ،
أما اللص فلا ندري ماذا نقول بشأنه ، لأن ما فعله كان من الممكن أن يتسبب في وفاة ألف شخص من أجل بعض الملاليم التي سيكسبها من بيع الحديد باالكيلو .
| |
|
|
|
|
|
|
|
|
|
Re: سرقوا الفلنكات فانقلب القطار .. حدث امس ببحري (صور) (Re: محمد الطيب يوسف)
|
الحرامى دا عجيب طالما عايز يسرق متل دا لوجاب لوارى ممكن املاها من الخط بيين سنار لحدى كسلا ومن كسلا لهيا مهجور وفى بعض المناطق واللة اعمدة التلفون والتلغراف المابيعرفوة اولاد الزمن دا لسع معلق فى الاعمدة ودى شفتها فى شهر سبتمبر الفات ما بعيد لازالت هنالك كثير من اعمدة التلغراف والتلفون الموازية للسكك الحديد فى امكانها وبكل اسلاكها بين عطبرة وهيا .الحرامى دا مايمشى هناك لاضرر ولاضرار سلك واعمدة وحديد خردة بالهبل ومال سائب ولا احد متضرر.
| |
|
|
|
|
|
|
|
|
 Re: سرقوا الفلنكات فانقلب القطار .. حدث امس ببحري (صور) (Re: معتصم محمد صالح)
|
سلامات يا معتصم..
خبر مؤسف وربنا قدر ولطف انو ما كان في ركاب في القطر والا كانت المصيبة حتكون فادحة..
..........
بعيدا من موضوع البوست كنت عاوزة ارسل ليك ماسنجر لطلب بعض النصايح بخصوص
مواد البناء والتشطيب في السودان بس لقيت بكري عامل تحديد عجيب كدا لعدد الحروف
..لو عندك فرصة انت او نازر الخليفة يا ري تتفتحوا لينا بوست عن اسعار الحاجات دي
وهل احسن الواحد يشتريها من السعودية مثلا ولاالسودان احسن.
.بقصد الابواب والشبابيك والادوات الكهربائية(التمديدات المفاتيح الخ)
ومواد السباكة والحمامات..وكان في فكرة عن جماركها تكونوا جبتوا لينا التايهة..
شكرا مقدما وربنا يديكم العافية
| |
|
|
|
|
|
|
| |
معتصم محمد صالح
Hani Arabi Mohamed
Mohammed Ahmed Saeed
رشا سالم
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست