|
|
|
 Re: يا Kabar ترجم لينا! لو ظروفك سمحت..Thanks (Re: Kostawi)
|
الخردة
الكلام دا ما عايز له ترجمه واضح، مفردات واضحة .. بعدين، الفنانة واضح عليها شايقية .. من القصيدة التى قالت اللي تى.
محاولة جيدة لتقليد تراث البقارة.
------------------------------------------
لو ما عندك حاجة تسويها قوم أمسح البلاط للكوستاوية .. وكمان بالمرة سوى ليها حلة الملاح.
بريمة
| |
  
|
|
|
|
|
|
|
|
Re: يا Kabar ترجم لينا! لو ظروفك سمحت..Thanks (Re: بريمة محمد)
|
النص:
اب سبيبه شبيه الغرينيق عند اماه واحد فريد
خشيما لبن حليب
ده المسافر تومي نور الفريق..
يا ربي تعدل الطريق
المسافر تومي نور الفريق..
يا ربي تعدل الطريق
امي..تعالي شوفي العلي..
الليد تمير الني..
ودعني و ساب الحي..
النصيب كواني كي..
عمري شقي..
مالا جازاني حي..
النصيب كواني كي..
عمري شقي..
مالا جازاني حي..
عمتى تعالي..
ماني طيبين..
رحلتي ريه التين..
خـلّى الفريق حزين..
النصيب كواني..كي
عمر شقي..
مالا جازاني حي..
| |
|
|
|
|
|
|
|
|
|
Re: يا Kabar ترجم لينا! لو ظروفك سمحت..Thanks (Re: Kabar)
|
Quote:
بعدين، الفنانة واضح عليها شايقية .. من القصيدة التى قالت اللي تى.
محاولة جيدة لتقليد تراث البقارة.
|
ول ابا..ماك طيب
كو يا ولد ابوك..و انت يتخيل لي اضانك تقلت شديد..
اسمع مخارج المفردة (عند اماه) ، (خشيما) ، (الليـّـد) ، (عمتي)..(ماني طيبين)..!
غايتو الزولاية دي اجتهدت شديد..تكون بت بندر احتمال وارد..تكون شايقية علمي علمك..و كلو كويس..!
ياخي شايقية الخلا ديلاك يا بريمة..لمن يتكلموا الإ كن يجوا (البقارة يترجموا ليكم)..!
نو اوفنيس يا جماهير هوي..!
التحية للفنانة شادن محمد حسين..و بالجد تجربتها فيها حاجات كتيرة مختلفة..
كبر
| |
|
|
|
|
|
|
|
|
|
Re: يا Kabar ترجم لينا! لو ظروفك سمحت..Thanks (Re: Kabar)
|
ول أبا كبر
سلام ..
كو .. الفنانه .. تلحن بصورة كبيرة فى المفردات البقارية .. مما يعنى أنها تعلمتها وسمعت نطقها لكن لم تستطع أداءها كما هى تنطق هناك عند البقارة ..
كلمة الليد .. التى تطلق للولد لا يستعملها البقارة بكثرة إلا فى مواضع .. حينما يهرب البقارى أو يجعر حينما يطعن بالسكين .. يقولوا له: خيت الليد. بينما الكلمة هى كلمة كردفانية وتجرى على ألسن أهلنا الحمر فى كل شيئ يراد به الولد. أيضاً البقارة لا يعرفون فريع التين .. فرع شجرة التين، يبدو هنا حشر أو تغول ثقافى خارج إطار البيئة. بينما كلمة: عند أماه، أيضاً لم تقع لى بالصورة البقارية .. الكلمة ا لتى جاءت سليمة هى عمتى وكأنى سمعت كلمة أمى (أم ميى) وهى نطق بقارى سليم.
مجمل النص والأداء لا بأس به .. وقارب مفردات البيئة.
بريمة
| |
|
|
|
|
|
|
| |
Kostawi
بريمة محمد
Kabar
فيس بوك
تويتر
انستقرام
يوتيوب
بنتيريست