|
Re: يا جماعة (عِمّة) موسي هلال صغيرة كدا ليه؟ (Re: Ahmed musa)
|
والله يا طه جعفر سؤال وجيه !!
بس البيعة دي سيدها ندمان !! وتشوف كلامي يروح ويجي !!! وكلام القصير ما بنسمع !!
ولعل الأسئلة سوف تتوالى عن الدافع لذلك !!!!
وعامل السن مهم جدأً بغض النظر عن رئيس ولا غفير !!
وعامل المال سيظل أكثر أهميةً !!!! ذلك لأن القروش ما بشرن ليهم زول !! حيث كتيرها رايح وقليلها رايح
صباح الله الجديد يوم بكرة تشرق الشمس والعين تشوف العين
بحيراوي
| |
|
|
|
|
|
|
Re: يا جماعة (عِمّة) موسي هلال صغيرة كدا ليه؟ (Re: البحيراوي)
|
.
أستاذنا طه جعفر
عمّة موسي هلال هي العمة السودانية في وضعها الطبيعي وراجع عمّة قوات دفاع السودان الشهيرة ذات الريش وراجع عمم أهل شرق افريقيا
والذين قد نكون في عممنا البيضاء كنا اميل لهم اكثر من عمم غرب افريقيا متعددة الالوان والاكبر حجما من العمه السودانية عن الظروف التي كبرت فيها عمامتنا وتضخمة وتحولت ............تبقي رهينة بفترة زمنية غير بعيدة و في بعض المناسبات تقابلني عمم غير مفهومه لاهي بالعمة ولا هي بالغتره وبعض العمم متدفقة للخلف او الجنب زي عمه أخونا البحيراوي أعلاه
في كل الاحوال عمامه الرجل أن لم تشابه نسائبه أهل غرب أفريقيا الذين أصبحنا نراها كثيرا لدي الدارفوريين أعتقد إن العمامه الاقرب لما يرتدي العمامه المصرية والتي كان يرتديها مشائخ وطلاب الازهر
تعليقي فقط لمجرد التوضيح العمامه الكبيرة ليست الاصل في العمامه الملبوسة في السودان أنما تطور لاحق
وتحياتي لك ولمتداخليك الاكارم
| |
|
|
|
|
|
|
Re: يا جماعة (عِمّة) موسي هلال صغيرة كدا ليه؟ (Re: البحيراوي)
|
Quote: وعامل المال سيظل أكثر أهميةً !!!! ذلك لأن القروش ما بشرن ليهم زول !! حيث كتيرها رايح وقليلها رايح
|
العزيز الاستاذ بحيراوي
كلام مليان!
مع انتشار الفقر و الادقاع الذي فرضته سياسات الانقاذ علي الغالبية العظمي من الشعب السوداني اصبح المال و المظهر من اهم ما يفكر فيه الناس اذكر مرة كنت في سيوبرماركت في بري و كنت ارتدي سروال و عراقي بلدي من الدمورية و هو ما البسه عادة غير ملابس العمل من البنطلون و القميص الالزامي! واضع علي رأسي طاقية اما سوداء او بنية من نسيج يدوي من النوع الذي يباع في فراشات السوق ، الطواقي التي تصنعها تلك الايادي الفنانة لنساء بلادي الجميلات اشتريت اغراضي و مضيت نحو سيارتي، تمت مطارتي من قبل عمال مركز التسوق انتبهت لهم و لم اتكلم عندما اكتشفوا انني ماض نحو سيارتي توقفوا بعد ازدجار احد موظفي السيوبرماركت لهم فقط اكتفيت بالقول "مظهري اعطاكم احساس بأنني لص و اللص الحقيقي هو الحزب السياسي الذي يمتلك هذا السيوبرماركت و يسخركم للعمل فيه بأجر زهيد" كما تعلمون فأن الانفال هو احد المتاجر المملوكة للمؤتمر الوطني
طه جعفر
| |
|
|
|
|
|
|
Re: يا جماعة (عِمّة) موسي هلال صغيرة كدا ليه؟ (Re: Al-Shaygi)
|
جعفر طه سلام
هناك بعض المعاصرين يرتدون عمما فى حجم عمامة هلال و ربما اصغر حجما مثل مبارك الفاضل و الصادق الهادى مستشار الرئاسة و قديما كانت عمامة الامام الراحل الهادى المهدى بهذا القصر و على العموم عمائم اهل السودان اقرب للمتوسطة و الصغيرة و بخلاف كدمول اهل الصحراء الغرب افريقية و المنتشرة فى شمال و غرب دارفور فان العمم الكتق سايز لم بعرفها اهل السودان الا تقليعة عند كمال ترباس و ود الجبل و حسين خوجلى و القلع عبد الحفيظ و احيانا المذيع المخضرم محمد سليمان (جراب الحاوى)
مع مودتى
| |
|
|
|
|
|
|
Re: يا جماعة (عِمّة) موسي هلال صغيرة كدا ليه؟ (Re: البحيراوي)
|
Quote: يا جماعة (عِمّة) موسي هلال صغيرة كدا ليه؟
هل يعود ذلك لصغر في رأسه لصغار في شأنه ام لقلة عقله حكمة غريبة! أغرب ابو عروس ! |
لوووووووووووولز مبالغة يا طه ضحكتني رغم وجعي والله الليلة ذكرتني ناس حلتنا في القضارف عندهم جنس محنك دي ، ناس ناجي ( نجو ) وقزقاز وكبيرهم العلمهم سرعة البديهة استاذ درويش عثمان كريم الله يرحمه سلام عبرك للعقاب
| |
|
|
|
|
|
|
Re: يا جماعة (عِمّة) موسي هلال صغيرة كدا ليه؟ (Re: اسماء الجنيد)
|
Quote: لوووووووووووولز مبالغة يا طه ضحكتني رغم وجعي والله الليلة ذكرتني ناس حلتنا في القضارف عندهم جنس محنك دي ، ناس ناجي ( نجو ) وقزقاز وكبيرهم العلمهم سرعة البديهة استاذ درويش عثمان كريم الله يرحمه سلام عبرك للعقاب |
الاخت اسماء تحية الي الاولاد و الفاتح و سلام اليكم من القلب و شوق شديد
و نتذكر معهم
عبد الوهاب حاكم( عليه الرحمة) بوليسي و عبود العوض و الاخ الغالي قليم و الصديق الحبيب عبدالله الجمل و استاذنا صلا الطيب و الاخير عندو قصة مدهشة عندما كنا نعمل في القضارف الهام و انا في مدرستي السلمابي و القضارف الجديدة تأخرت مواهي الممدرسين فتجمعنا في مكاتب ادارة التعليم و كان وقتها وزير التعليم اسمه ( تورين) الوزير اتخارج لتجنب مقابلة المعلمين الغاضبين بعد استلام مذكرة و تهديد باضراب سأل الاستاذ صلاح الطيب الامين السكرتيرة بصورة جادة جدا قائلأ " وين سعادة الوزير يا استاذة " ردت اسكرتيرة بكل ادب بالقول الاستاذ (تورين) طلع و من المحتمل الا يرجع اليوم فقال استاذ صلاح الطيب يعني هسا يا استاذة و لا تور واحد مافي!
طه جعفر
| |
|
|
|
|
|
|
Re: يا جماعة (عِمّة) موسي هلال صغيرة كدا ليه؟ (Re: عبدالكريم الامين احمد)
|
الاعزاء عبد الماجد عبد لماجد عبد الكريم الامين
ابوضفيرة كان واحدة من ظواهر البركس المدهشة لم اكن افوت له ركنا لانه كان نوع من مسرح الرجل الواحد المدهش و كنت استغرب مع الاصدقاء حول ان الرجل كان له اتباع من طلاب الجامعة اتذكر احد اصدقائي الاعزاء مر جوار ركن ابوضفيرة في البركس عاريا تماما ميطي لاننا أخذنا ملابسه و بشكيره من باب الحمام في احد حمامات داخلية ( شنو والله نسيتا) الداحلية التي تقع في اقصي شمال البركس علي شارع النيل الجدير بالذكر أن بكري ابوبكر صاحب الموقع كان له كرسي علي سطحها يملح منه افلام سينما النيل الازرق المهم صاحبنا مر علي الركن عاريا ابو ضفيرة اعتبر صاحبنا صورة للشيطان و كلم حضور ركنه بذلك و دعاهم للتعوذ منه
طه جعفر
| |
|
|
|
|
|
|
Re: يا جماعة (عِمّة) موسي هلال صغيرة كدا ليه؟ (Re: عوض محمد احمد)
|
Quote: هناك بعض المعاصرين يرتدون عمما فى حجم عمامة هلال و ربما اصغر حجما مثل مبارك الفاضل و الصادق الهادى مستشار الرئاسة
|
السادة ديل لبسوا عمة صغيرة او كبيرة هم سادة! شاركوا في الحكومة ظلوا في المعارضة هم سادة! قعدوا في المعارضة زي الهم برا منها هم سادة! شاركوا في الحكومة تمامة عدد ساي هم سادة! شن جيب احمد لي حاج احمد!!؟ يا استاذ عوض محمد احمد كمان؟
طه جعفر
| |
|
|
|
|
|
|
Re: يا جماعة (عِمّة) موسي هلال صغيرة كدا ليه؟ (Re: سيف النصر محي الدين)
|
Quote: و كلم حضور ركنه بذلك و دعاهم للتعوذ منه |
بالجد ابو ضفيرة كان ظاهرة اسطورية وما اعتقد باني فوتة ليهو ركن وبعد مرات عندو برضو محاضرات في 102 بتاعة اقتصاد ملانة وشحمانة بالتخريمات....
مرة في ركن من اركانه في النشاط فجاة كده قال للحضور كم انتم..؟؟ المهم عداهم ولقاهم 13 وقال ليهم كم هي حروف القصر الجمهوري... عدوها ولقوها 13 فقال ابو ضفيرة وهو يرنو بنظره بعيدا اذن علينا الان التحرك في مظاهرة الي القصر الجمهوري فهو لنا الجماعة قالو ليهو طيب يااااخ حنخش القصر الجمهوري كيف فرد ابو ضفيرة بطريقته المميزة انتو بس ارحكم معاي ولمن نقرب من سور القصر الجمهوري شيلوني فووووووووق واجدعوني جوووه
-------------- بالمناسبة من احرف الناس الشفتهم بلعبو كورة وهم مرتدين سروال طويل هو ابو ضفيرة ذات عصرية في الميدان الغربي حررررررريف ياااخ
| |
|
|
|
|
|
|
Re: يا جماعة (عِمّة) موسي هلال صغيرة كدا ليه؟ (Re: mohmed khalail)
|
Quote: سلام صاحب البوست..
اعتقد موسى هلال انصاري او تيجاني بحكم انه من المحاميد..واعتقد ايضا ان معظم الانصار ميالون الي تصغير العمائم ولا ادري لماذا.. الرجاء ممن يملكون معلومه اثراء البوست |
تعرف يا استاذمحمد خليل احسن تسأل الصاوي لو ما جاهو صداع من تكريب العمة
| |
|
|
|
|
|
|
Re: يا جماعة (عِمّة) موسي هلال صغيرة كدا ليه؟ (Re: عبدالكريم الامين احمد)
|
الاستاذ عبد الكريم
ابوضفيرة زارنا في البيت في القضارف و لقد اكل في بيتنا طعام الافطار تكلمت معه كثيرا عن فكرة الاعجاز الرقمي للقرأن و كا بيزعل لمن اقول ال digital الرجل علي اطلاع غريب باداب اللغة الفرنسية وله تجربة غنية بين الصوفية في المغرب مجرد الونسة معاهو ممتعة و تشع جنونا نوع غريب من الجنون
| |
|
|
|
|
|
|
Re: يا جماعة (عِمّة) موسي هلال صغيرة كدا ليه؟ (Re: طه جعفر)
|
Quote: هل يعود ذلك لصغر في رأسه لصغار في شأنه ام لقلة عقله |
أول مرة أعرف ان العقل وعظمة او صغار الشأن تقاس بطول العمة. .. كان كدة كمال ترباس وحسين خوجلي مفروض ياخدوا جائزة العقل الكامل ويتوجوا باعتبارهم اعظم السودانيين شأناً..
| |
|
|
|
|
|
|
|