|
Re: لماذا لا يرحمنا معاوية مادبو فقد كرهنا الراديو .. يوجد فقع مراره (Re: Faisal Elrasheed)
|
والله يافيصل نفس الشعور.. ومن الصباح عايز اكتب بوست بنفس المعني يا اخي والله الزول كرهنا الرابعة على اف أم مية واربعة على الرياضية ذاتو كلما افتح اذاعة القاهو قدامي .. وكمان عامل فيها شامي ولا خليجي ماعارف وبيقول في آخر الاعلان (في أمان الله)
شكلو الزول دا عايز يقلد مدير عام شركة ام تي بس داك نشر مكالمة مسجلة وتم اتصال عادي بكل مشتركي ام تي ان هنّأ فيها جميع السودانيين بعيد الاستقلال وبعد داك قال ليهم مبروك عددمشتركي لاشبكة وصل تمانية مليون شفت كيف.. مش زي دعاية الكافينول كلما تفتح الرادي يجي ينط ليك
الكلام دا ذكرني كلام زينكو عن سوار الدهب شوية كدا واحكيها ليك
| |
|
|
|
|
|
|
Re: لماذا لا يرحمنا معاوية مادبو فقد كرهنا الراديو .. يوجد فقع مراره (Re: على ميرغني)
|
Quote: الكلام دا ذكرني كلام زينكو عن سوار الدهب شوية كدا واحكيها ليك |
يا علي يا اخوي بصراحه دعايات الاتصالات كلها بيض وممله جدا ما عدا ام تي ان شويه كده بتتهضم وممكن الواحد يستحمله واضيف ليها دعايات شركة دال فيها ذوق وابداع .. اما هذا المعاويه مادبو فوالله لولا اخاف الكضب اقول في واحد من الجماعه مورد ليه باخره بتاعت حبوب مراره وعاوز يبيعه سريع ..فسلط علينا هذا المخلوق...
ــــــــــــــــــــــــــ كدي تعال ورينا قصة زينكو دي بالله
| |
|
|
|
|
|
|
Re: لماذا لا يرحمنا معاوية مادبو فقد كرهنا الراديو .. يوجد فقع مراره (Re: أمين محمد سليمان)
|
Quote: فيصل يا بتاع الأمن ... يا صاحب وهبه بتاع الأمن ...سلام ياخي .. |
امين يا نوته .. يا غواصة الجهاز نواحي امريكا الشماليه والكاريبي
سلامات ومشتاقون ياخي ... معاويه مادبو ده يا امين حسب الدعايه هو مدير التسويق في شركة زين .. متسلط فينا الليل والنهار .. ماشين الشغل الراديو في الحافله شغال وردي الحزن القديم يقطعوها يجيبو لينا معاويه مادبو .. جايين من الشغل الخالدي شغال سلمه يا ظالمه ..فاذا بمعاويه مادبو يتلب علينا لمن الواحد يفكر يتلب ينتحر من الحافله .. بالليل تجي تفتح اف ام 100 عشان تسمع اغاني من ذهب .. يدوك واحد معاويه مادبو بين كل غنيه وغنيه ..
... اها وريني نسوي شنو
| |
|
|
|
|
|
|
Re: لماذا لا يرحمنا معاوية مادبو فقد كرهنا الراديو .. يوجد فقع مراره (Re: احمد الأمين على إدريس)
|
Quote: وبما انو مادبو دا صاحب البروف امين حاولنا نطلعوا من القصة لكن مالقينا فرقة خالص حيث انو مدير التسويق شخصياً غايتو احتمال يكون عاصرو الفاتح عروة :) |
والله ما طالبني حليفه انا الخال الامريكي ده عشانو حاولته اخارج الشغلانه يمين شمال .. لكن المشكله مادبو ده مقرشه في خطرات القندراني وعلي التعترو ناس المويه عندهم ماسوره اتكسرت بي ورااهو .. والشارع ضيق ..
... بصراحه كده الموضوع طلع من يدي
| |
|
|
|
|
|
|
Re: لماذا لا يرحمنا معاوية مادبو فقد كرهنا الراديو .. يوجد فقع مراره (Re: Faisal Elrasheed)
|
سلام يا حلوين ... أعرف معاويه مادبو من أكتر من خمسة و عشرين سنة و شهادتي فيهو مجروحة لمن ميته : الرجل من أعمق الناس في سوداننا الشقيق ... زول عديل و شاطر جدا و وظيفتو في زين دي جابها بعلمو و خبرتو ... الأعلان ده ما سمعتو و ما كان شغال لحدي ما جيت من السودان قبل أقل من تلاته شهور ... عموما الغالبية الغالبة من الأعلانات في السودان الشقيق تعيسه و أقل من المطلوب بالذات لشركات ضخمة زي شركات الاتصالات و ده ممكن يكون مفهوم لحداثة التسويق و مفهومو في السودان ... قد يكون الأعلان فعلا تعيس و قد يكون تكرارو في قنوات كتيرة و بصورة دائمة هو الادي لذبح الناس ... لكن معاوية في عضمو ما فيهو كلام ....
--------- يا اخوانا لو في امكانيه زول يجيب لينا الأعلان هنا ... نكن له من الشاكرين
| |
|
|
|
|
|
|
Re: لماذا لا يرحمنا معاوية مادبو فقد كرهنا الراديو .. يوجد فقع مراره (Re: أمين محمد سليمان)
|
الاخ اي ام اس (امين محمد سليمان) تحيات طيبات
Quote: يا اخوانا لو في امكانيه زول يجيب لينا الأعلان هنا ... نكن له من الشاكرين |
طريقة صوت مافي لكين... نديك النص (انا كواحد من اعضاء الاسرة الكبيرة المكونة من 13 مليون مشترك في شبكة زين جاي الليلة علشان اطلع باقي زيتكم الفضل... هو المحليات ولا الحكومة احسن مننا ولا اقوى مننا) وكلام طويل زي دا الراجل صوتو جميل ... واحسن من بعض المذيعيين لكن المشكلة في الموضوع الطارحو.. كلو مختصر في حاجتين..وصول عدد المشتركين الى 13 مليون... وحكاية ادخال رقم سادس لقائمة الاقرباء واخيرا انا معاوية مادبو مدير التسويق بشبكة زين وفي أمان الله
| |
|
|
|
|
|
|
Re: لماذا لا يرحمنا معاوية مادبو فقد كرهنا الراديو .. يوجد فقع مراره (Re: خالد العطا)
|
!!!!!
Quote: أعرف معاويه مادبو من أكتر من خمسة و عشرين سنة و شهادتي فيهو مجروحة لمن ميته : الرجل من أعمق الناس في سوداننا الشقيق ... زول عديل و شاطر جدا و وظيفتو في زين دي جابها بعلمو و خبرتو |
مفهوم يا أمين مفهوم .. صحبك وشاطر وبيجي الاول في دفعتو وكل حاجة ..
بس عليك الله انصحوا الإعلان دا يزح إسمو منو أو يغيروا الإعلان من الاساس ..
يا فيصل كامل التضامن ..
سوق الكاسيت خستك وبقينا نعتمد على الإذاعات في الاغاني لكن مادببو دا يا رجعنا للكاسيت تاني يا بطلنا الشغلانية دي مرة واحدة ..
معاوية مادبو .. أرحمنا يرحمك من في السماء ..
| |
|
|
|
|
|
|
Re: لماذا لا يرحمنا معاوية مادبو فقد كرهنا الراديو .. يوجد فقع مراره (Re: Faisal Elrasheed)
|
سلام يا علي و شكرا علي النص .....Quote: واخيرا انا معاوية مادبو مدير التسويق بشبكة زين
|
قصة إنو الناس بتسلف باسويرداتها دي أنا عارفها من زمان لكن ما كنت قايلها للدرجة دي !! ----------- حسين يا حبيبنا ... كلامي ما متناقض : كونو معاوية مؤهل لوظيفتو لا تعني إصلاح حال التسويق في البلد ... ----------- سلام يا ناذر Quote: مفهوم يا أمين مفهوم .. صحبك وشاطر وبيجي الاول في دفعتو وكل حاجة ..
بس عليك الله انصحوا الإعلان دا يزح إسمو منو أو يغيروا الإعلان من الاساس ..
|
ياخي جيبو لينا الأعلان نسمعو كلو بعدين بننصحو .... يا اخوانا مافي زول يكسب فينا ثواب يسجل الأعلان و بعدين ينزلو لينا هنا ؟
| |
|
|
|
|
|
|
Re: لماذا لا يرحمنا معاوية مادبو فقد كرهنا الراديو .. يوجد فقع مراره (Re: ناذر محمد الخليفة)
|
سلام يا ناذر ... ما عارف ليه مديني إحساس انك ماخد الأمر شخصي ... أنا و خليل جينا قلنا كلام طيب في حق معاوية عن معرفة... و واضح إنو ما فينا زول سمع الاعلان... و واضح جدا إنو الاعلان تعيس و مارض ناس كتار بدليل إنو كل الناس العلقت تعليقها كان سلبي جدا ...... قصة ( مفهوم ... مفهوم كان صحبك و شاطر و بتعرفو ليك الف سنة ) القلتها لي و لخليل ما ظريفة لانو فيها تسفيه لكلامنا و بصورة مستفزة جدا ... كلامي كان عن معاوية ما عن الاعلان ... يحمل معني مبطن إنو الاعلان قد يكون بيض ... لكن معاوية مادبو ما زول بيض أبدا ... و قصة 25 سنة القلتها أنا و جيت إنت اتهكمت بيها علي خليل لا ايدو لا كراعو دي قلتها أنا عشان أدلل إنو الزول ده بعرفو كويس جدا و من قبل دخولو الجامعة... يعني ما كلام منتديات ساي ... في بوست ملاسي ... إنت جيت شهدت لسيف الجامعة بالتواضع لما حسبو قال إنو الزول ده مطنقع و ده حاجة جميلة منك لانك بتعرف الزول ده ... تعليقك لي و لخليل هنا زي أجي أقول ليك ( مفهوم ... مفهوم ... سيف الجامعه صحبك و زول متواضع و أي حاجه ... بس خليه يتصالح مع هيئتو ) ...كان ببقي كلام مستفز و غير لطيف . فيا ناذر يا عزيزي ... قد يكون الاعلان ذبحك .. لكن ده ما مبرر لذبح كل من يقول كلمة حق في شأن صاحب الاعلان ....
| |
|
|
|
|
|
|
Re: لماذا لا يرحمنا معاوية مادبو فقد كرهنا الراديو .. يوجد فقع مراره (Re: أمين محمد سليمان)
|
والله يا أمين إنت يا حساس زيادة عن اللازم يا إما داير ليك شكلة معاي ساكت ..!!
عارف يا امين من اكبر اشكاليات منبرنا دا هو شخصنة الأمور والمواضيع ..
الكلام دا اتكلمنا فيهو في بوست كتبو نزار يوسف عن حماية المستهلك وعن د ياسر ميرغني الكان قائد حملة الغالي متروك لمقاطعة اللحوم ..
البوست عن جدوى الحملة أتخيل حصل شنو ؟!
بقى اي زول يدخل يعلق يكتب إنو بيعرف دكتور ياسر وانو زاملو في الجامعة وهو زول نضيف ووووووو ...مع انو الموضوع أساسا ما مشخصن عن ياسر لأنو الموضوع كان عن الحملة ..
انا دخلت البوست وبقيت اسأل اي متداخل : إنت بتعرف د ياسر ؟ على سبيل أنبه الناس إنو ما يشخصنوا الموضوع .. والشي الطريف والمتأكد منو أنو صاحب البوست بيعرف ياسر تماما لكن هو الوحيد الما كتب إنو بيعرف د ياسر . وفي مداخلة قلت ليهو : يا نزار إنت ليه ما كتبت إنك بتعرف ياسر ميرغني ؟ حتين أنتبه والناس انتبهوا لي شخصنة الموضوع ..!
فدحن يا أمين أنا بي مداخلاتي ديل داير أنبه بس انو معاوية ما دبو بي شخصو ما هو المقصود هنا .. المقصود الاعلان العملوا دا . يعني زيو وزي الإعلان بتاع (دايرين بامية زي بتاعت امبارح) .. الناس انتقدت الاعلان وصاحب البامية زاتو عضو معانا هنا واتقبل الموضوع ..
تيك إت ايزي يا مان الموضوع ما شخصي وانا معاوية ما دبو لو شفتو قدامي ما بعرفو .. كدي أسألو لو كان بيعرفني ؟!
مزمل خيري ..
Quote: الاعلان دة كان فترة محددة فى الصحف والاذاعات وهسع وقفت ياناذر |
الحمد لله وشكرا للبشارة لأني بطلت اسمع اذاعات بسبب اعلان ما دبو دا .. كدا الواحد يرجع يسمع تاني بي مزاج لأنو بي صراحة اذاعة سوا دي بايخة بوخ ما طبيعي .. طين بس ..!
| |
|
|
|
|
|
|
Re: لماذا لا يرحمنا معاوية مادبو فقد كرهنا الراديو .. يوجد فقع مراره (Re: Faisal Elrasheed)
|
من منطلق انو خيري زول اخونا وزميل بورد لاحظت في الفترة الأخيرة انو الناس بقت تتجه الى شبكة ام تي ان صراحة خدمتهم ارخص كتير .. وزي انهم شغالين بقوة علشان يرفعوا عدد مشتركيهم شخصيا عندي شريحة زين، لكن اسع عملت شريحة أم تي ان بستخدم زين لاستقبال المكالمات لكن عادة بشحن ام تي ان لمن اكون عاوز اتصل بزول طبعا زين معتمدة على انها الشبكة الأولى من حيث النشاءة في السودان، زي ما نحن بنقول اننا كونا الاتحاد الافريقي لكرة القدم بس في الحقيقة بقية الدول فاتننا ونحن لسع في كنا وكنا بالجد ياخيري معظم الناس ماشة في نفس المنهج.. زين للاستقبال وام تي ان للاتصال ودا ناتج من انو الناس معتمدة على انو ارقامهم على زين معروفة لمن يهمه الأمر بس بكرة ارقامهم في ام تي ان حتبقى برضها معروفة للجميع وصدقني زين بداءت تفقد مشتركيها وكدا اعملوا احصائية عن مبيعات الاسكراتشات في الفترة الاخيرة يعني كل اسبوع شوفو الوضع كيف
| |
|
|
|
|
|
|
Re: لماذا لا يرحمنا معاوية مادبو فقد كرهنا الراديو .. يوجد فقع مراره (Re: tmbis)
|
Quote: والله يا فيصل الرشيد إنتو نوعيتكم دي ما يقدره إلا الله .. ومعاوية مادبو دا .. |
والله يا تمبس وقسما بالله انا بقيت اخاف افتح الراديو .. في البيت عندنا مزاج جماعي في سماع مسلسلات الراديو فأذا بصاحبنا معاويه مادبو يقطعه لينا فوق راسنا ... عندي قريبنا جايي من البلد بخيارين خيار محلي ( ما بتاع المناصير) وانه يلقي شغل في الخرطوم .. وخيار خارجي انه يمشي السعوديه .. وعليك يا الله يتوكل ويشق الناس ..
اديتو اقتراح انه يفتش معاويه مادبو ده ويقنعو انه اعلانه شديد شدة الحرامي .. عسي انه يشغله ويضمه الي 13 مليون مشترك .. وكده .. وزي ما قال المثل : كل تلجه وليها كساره ..
ـــــــــــــــــــــــــــــــــــــــ المخيف في الموضوع انه يصل الموضوع اذاعة القران الكريم .. ويعملوهو لينا فاصل بين الايات والاجزاء .. بعد ان انتشر في امدرمان واف ام 100 والرياضيه والطبيه واذاعة القوات المسلحه ...
الشغلانه ما قروش انت قايل شنو ؟؟ اذا ده حصل الواحد ممكن يبيع الراديو ويشتري بدلو ان شا الله كيس تسالي وربع صعوط ..
| |
|
|
|
|
|
|
Re: لماذا لا يرحمنا معاوية مادبو فقد كرهنا الراديو .. يوجد فقع مراره (Re: Faisal Elrasheed)
|
يا ناذر ياخي ... الناس البستاهلو الشكل ما قاعدين نشاكلهم .. خليك إنت ...القصة و ما فيها إنو أنا و خليل ختينا خط بين فقع الأعلان للمرارة و معاوية في عضمو ... إنت جيت سفهت كلامنا و بصورة مستفزة أو هكذا بدا لي ... ده كل الموضوع ... و لو ردي ليك كان فيهو شوية سغالة مني... لك العتبي حتي تستغيث ! ---------- سمعت الاعلان الجابو مزمل و وقع لي تماما كمية البل الاتبلاهو الشعب السوداني الشقيق ... أولا الأعلان طويل و الكلام كتير ... و حسب كلام فيصل البتاع ده مدور في كل القنوات صباح مساء ... و لك أن تتخيل غنيتك المفضلة بجيبوها كل نص ساعة و في كل القنوات بعد يومين تلاته حا تفقع ليك الأكعب من المرارة ... دي لو غنيتك المفضلة، ناهيك عن إعلان كلو كلام في كلام ... حقيقة الناس ديل ما إتوفقو في الاعلان ده و كتر خيرهم السحبو ..
| |
|
|
|
|
|
|
|