|
|
|
 Re: مطلـــوب عاجــــلا ... هذا الدواء (Re: Mahmoud Mustafa Mahmoud)
|
الغريب انى الصباح كنت عايزه انزل بوست ان عندى فائض من دوا النيومركزول حقى
اختى الله يديها العافيه جابت لى كميه كبيره وحاليا الحمدلله صحتى اتحسنت وبقيت ببلع حبه واحد من كانوا تسع حبايات فى اقل من 4 شهور
وكنت شايله هم العلب الكتيره العندى عشان بتنتهى السنه الجايه
انااتصلت بالاخ على ووعدنى ان شاء الله يمر عليه فى البيت يشيلها
لو فى اى توصيات اخرى حبابكم بقيت خبيرة غده :))))) ودكتورى زول فاهم جدا بوصى اى زول مصاب بيها يواصل معاه فى مستشفى الجوده فى الصحافه اسمه دكتور هشام محمد
| |
 
|
|
|
|
|
|
|
|
Re: مطلـــوب عاجــــلا ... هذا الدواء (Re: رانيه محمد الشيخ)
|
غايتو الدوا دا بقى زى المخدرات
حتى فى السعوديه مرات بيقطع من السوق وعندى ود اهلى بيشترى من السوق السوده بسعر مضاعف
لمن اكتشفت انى عندى نشاطه فى الغده حفيييييييييييييييييييييييييييييييييت عليه فى الصيدليات وفى اى مستشفى ما لقيته
قالوا الشركه حقتوا وقفت الهى وكلاء يعتبروا لتوزيعه فى السودان
ودا من شهر سبعه الفات ولحسى برضو المشكله ما اتحليت
غايتو بتذكر كوركت زيك يا بكرى وجاتنى معونات خارجيه بالكوم لمن بقى حسى عندى فايض خصوصا بعد ما غدتى كتر خيرها استجابة للعلاج بطريقه محفزه وتم تقليل الجرعه لى
المفروض يكون فى حل جذرى للمشكله دى
لان الدوا دا ضرورى جددددددددددددددددددددددا وما ممكن لو خلص الزول يوقفه عشان كده بيخرب العلاج حقه وبيرجع لصفر
بتمنى نناشد المسئولين يشوفوا لينا حل يا يورونا سبب لوضع دا
:(
| |
|
|
|
|
|
|
|
|
|
Re: مطلـــوب عاجــــلا ... هذا الدواء (Re: بكري عباس علي)
|
شكري الجزيل لكل من اتصل او مر من هنا
وشكري الخاص للاخ بدر السنوسي علي نصائحه القيمة بخصوص استعمال الدواء
اخت رانية لدي سؤال من خلال تجربتك ( هل هناك محاذير من استعمال الدواء مع ادوية تحتوي علي اليود ) في نفس الوقت
كما افادني احد الاخوة وحتي تعم الفائدة
اخ محمود شكرا علي جهودك
| |
|
|
|
|
|
|
|
|
|
Re: مطلـــوب عاجــــلا ... هذا الدواء (Re: بكري عباس علي)
|
اخى بكرى
انا استعملت الدوا ومعاه كان دوا تنظيم دقات القلب لانه كان شغال هبابه
و بعد الشهر الاول عمل لى النيومركزول مشاكل رهييييييييييييييييبه فى مفاصلى ولا العضلات ما متأكده
وصلت مرحله ما قدرت أقوم على رجلينى من السرير
الركب بعيد عنك لصقت وغلبنى زاتو اقيف واصلى
وقبال الركب اليدين اتجمدوا وما بقيت بقدر ارفعهم لفوق عشان اكبر لصلاه
ولمن راجعت دكتورى قال لى طبيعى دا من العلاج عشان الجرعه كبيره كانت تسع حبات وباخدها دفعه وحده
كنت بس بستعمل مرهم مووووووف فعلا مريح ونصحنى بيه الدكتور عشان ما تتيبس المفاصل غايتو ما فهمت الدوا بينشف ولا شنو قدر دا
بعد الشهر التانى استعدلت الحمدلله ووقفت دوا تنظيم القلب وتحاليل الغده شبه بديت تبقى طبيعيه واعراضها اختفيت كليا
لكن الدكتور قال لى علاجها ليسه عايز له صبر ووقت يعنى ما اول ما القى التحليل فى معدلاته الطبيعيه كده يعنى خلاص انتهينا
غايتو ليسه ماشيه فى العلاج والمتابعه والله يهونها علينا
انصحك ما تسمع كتير
لان كل انسان له طبيعه مختلفه لتقبل الدوا اهم شى الدكتور تكون واثق من خبرته ومجاله وتتبع نصايحه
يعنى انا استشرت دكاتره كتيره وكل دكتور كان له رأى مختلف
لكن فعليا انا دكتورى نصايحه مشيت معاى كويسه والدليل صحتى حاليا بقيت تمام
حالتى جيته بالجد منتهيه وكان نشاط غدتى شى مرعب لدرجه ناس التحاليل افتكروا انهم غلطوا فى التحليل وعادوا تانى براهم من شدة الدهشه من النتيجه
فشنو بتمنى زولك المريض ربنا يوالى بالعافيه وتحاولوا تخففوا عنه ما تزيدوا توتره بالقلق والخوف لان العامل النفسى اهم شى فى المرض دا
ونجاحه يعنى وفروا له محيط مبهج وساعدوا يروق ويهدى لان براها الغده بتخلى الزول زى المجنون وعايز يقتل له زول واخلاقه بتبقى طينه بعيد عنك
يعنى انا ناس بيتنا الله يديهم العافيه كان صدرهم واسع جدا معاى وخلونى اتجنن بمزاجى ومافى زول هاج فينى
انا لو ضبانه كان عديت قدامى مرتين بكون بقيت بطق شرار
كترت ليك النقه معليش
ولو فى اى استفسار تليفونى مع على وحبابكم فى اى شى
| |
|
|
|
|
|
|
| |
بكري عباس علي
مزمل خيرى
Mahmoud Mustafa Mahmoud
فيس بوك
تويتر
انستقرام
يوتيوب
بنتيريست