|
|
 هكذا كانت تصلى حبوبة فى البلد
|
ياربى انا سخلايتك وغنمايتك ولمن تمسكنى من اضانى بقول باع هكذا كانت تصلى حبوبة فى البلد باللغه النوبيه وتقراء نشيدها بدل الايات والسور ووسط مغالطات من يصلحوها
|
|
 
|
|
|
|
|
|
|
|
Re: هكذا كانت تصلى حبوبة فى البلد (Re: مناهل ابراهيم)
|
مناهل ازيك
قلنا ننتظر شوية نشوف اتجاه البوست عشان ما نعك
حبوبتك بتقول انها مستسلمة استسلام كامل لارادة الله وقدرته ومؤمنة بالقدر خيره وشره
بالرغم من انها درجة ايمانية عالية، الا انها لا تعفي من حولها بضرورة تعليمها اصول التعبد
اسلام اهلنا الاوائل اسلام سمح بالرغم من الجهل
| |
|
|
|
|
|
|
|
|
|
Re: هكذا كانت تصلى حبوبة فى البلد (Re: الشفيع وراق عبد الرحمن)
|
| Quote: ياربى انا سخلايتك وغنمايتك ولمن تمسكنى من اضانى بقول باع هكذا كانت تصلى حبوبة فى البلد باللغه النوبيه وتقراء نشيدها بدل الايات والسور ووسط مغالطات من يصلحوها |
اقد انا مل فقر انا مل سوكا قوجكن باااع agud inna mul fugr inna mul sokka gojkun baaaaa
الظاهر حبوبتك دفعة حبوبتي يا مناهل, تقبل الله صلواتهن
| |
|
|
|
|
|
|
|
|
|
Re: هكذا كانت تصلى حبوبة فى البلد (Re: مناهل ابراهيم)
|
الاخت مناهل
احييك على العفوية الطيبة
وعلى نفس المساق موضوعك ذكرني قصة
قالوا في واحد من المشايخ عندو احد المريدات تعمل على خدمتو
بعدين مر جنبها الشيخ وهي تكبر للصلاة اكثر من عشر مرات
قام قال ليها:- ها الغبيانة دي التكبيرة مرة واحدة بس
وكان ردها:-
يا شيخنا انا عاد زيكم ( انا كان ما كبرت عشرة مرات ما قاعدة اشوف الكعبة )
اتخلع شيخنا وقال ليها هو انت بتشوفي الكعبة؟ ( كان كدة عفيت منك لله والرسول )
تقبل الله منك ومنها
لك مودتي
| |
|
|
|
|
|
|
|
|
|
Re: هكذا كانت تصلى حبوبة فى البلد (Re: اسامة كمال الخولي)
|
مناهل
مسكاقمي
بالاضافة للكلام ده حبوبتي كانت لآمة كل الاديان في حياتها...
كانت بتبني القسيبة ( حاجة كده ذي البرميل يصنع من الطين ويحفظ فيها البلح او القمح او اي نوع من الحبوب)للناس الما عارفين
القوسي... كانت بتني او تصنع القسيبة وفي الاعلي مع الفتحية كانت بتشكل صليب + وكنا بنسالها انتي ليه عملتي زايد فوق
كانت بتقول عشان ربنا يحفظ ويبارك اي حاجة نحفظو هنا.
وكانت بتراقب ظهور الهلال كل شهر وعندها كانت بتشيل ليها موية في اناء وتقيف اكثر من نصف ساعة وهي ترش وتتمتم بكلام بالنوبي
اظنها كانت دعوات وكانها بتعبد القمر وبعد ما تنتهي كانت بتغسل وجها بباقي الموية...
وكانت تقدس النيل بزيارات لظروف مختلفة والحاجات دي كانت عند كل الناس الكبار في مناطقنا وللان الناس محافظين علي جزء منها..
| |
|
|
|
|
|
|
| |
الشفيع وراق عبد الرحمن
الفاتح شلبي
اسامة كمال الخولي
Medhat Osman
محمد الامين احمد
خالد العبيد
فيس بوك
تويتر
انستقرام
يوتيوب
بنتيريست