|
قصتي مع السمبرية
|
انا اسكن في قرية، وفي بيتنا شدرة مهوقني كبيرة السمبرية اختارتها عشان تبني عشها ولحدي هنا مافي مشكلة وسنوات طويلة انا والأسرة محتفيين بجارتنا السمبرية ولمن تجي في بداية الخريف الوليدات من الصباح بيجو فرحانين بيها ولمن ترجع محل ما جات بيزعلو عديل كدا بس المشكلة كانت بينها وبين السيدة حرمنا المصون والسبب طبعا السمبرية ماقاعدة تهتم بالبيئة وكمان مابتعرف ثقافة البامبرس او الصرف الصحي
|
|
|
|
|
|
|
|
Re: قصتي مع السمبرية (Re: فيصل محمد خليل)
|
ياها ذاتها المهم السمبرية ظلت جارة عزيزة رغم بعض الحركات الشوية مزعجة يعني بعد يومين تلاتة من جيتها وكانهم في شهر عسل يقومو بحركات غزل عينك عينك خاصة قبل المغربية بشوية لمن نكون قاعدين انا والعيال وامهم جنب شدرة المهوقني الشفع خاصة الصغار وبقدر فهم بيلقو تفسير لحكاية المنقرة المشتركة والمداعبة بالجنحات لمن يتمنقروا .. الشفع بيقولو انو بيأكل فيها في قدوما او يقول دقاها بجنحاتو ولحدي هنا مافي مشكلة
| |
|
|
|
|
|
|
Re: قصتي مع السمبرية (Re: على ميرغني)
|
المشكلة ظهرت لمن الموضوع دخل اللحم الحي وبقى صعب اقناع الشفع بحكاية الطلوع في الطهر وحاجات تانية حامياني المهم الايام الصعبة دي عدت باجابات كدا وكدا
| |
|
|
|
|
|
|
Re: قصتي مع السمبرية (Re: على ميرغني)
|
السمبرية البيضاء (Ciconia ciconia) السمبرية السوداء (Ciconia nigra) السمبرية ذات المنقار االاسود (Ciconia boyciana) السمبرية ذات الرقبة القطنية (Ciconia episcopus) السمبرية ذو النظارة (Ciconia stormi) السمبرية ابديم (Ciconia abdimii) سمبرية الغابة Mycteria americana) السمبرية ذات السرج (Ephippiorhynchus senegalensis) حجمها كبير
مات تجيب لينا الهواء
| |
|
|
|
|
|
|
Re: قصتي مع السمبرية (Re: فيصل محمد خليل)
|
المهم.. انتهى شهر العسل وبدأت مرحلة ابني عشك يا سنابر عود عود والشفع يراقبوا العملية دي يومياً ولمن ارجع من الشغل يرفعو لي تمام سير العمل في عش السمبرية طبعا اصلو هو عش قديم بس ل سنة بتعمل ليهو مرمات وطلية جديدة وبتغير الفرش لمن يقرب مياعد وضع البيض في الوقت داك كانت الامور المالية بالتيار شوية مكركربة وشهر في وشهرين مافي المهم
| |
|
|
|
|
|
|
Re: قصتي مع السمبرية (Re: على ميرغني)
|
نحن منتظرين السمبرية وفيسل وبريمة يردوا لينا في الصور!! إنتو الصور دي ما بتجيبوها في البوستات التانية لييييه؟
القصة يا عمكـ علي .. القصة ياخ!!
| |
|
|
|
|
|
|
Re: قصتي مع السمبرية (Re: فيصل نوبي)
|
سي حس.. عشان تعرف اننا بعترف بالاخطاء علشان نصلحها.. المهم حكاية المرتبات دي جابت نقص في الجزم والبناطلين والشرابات واهم حاجة حكاية الشرابات دي عادة الزول مابهتم كتير بشرا الشرابات... ود الصائم انا بقصد الشرابات حقيقة وما مجاز المهم في يوم ماشي الشغل لكن ما لقيت الشراب وقعدت افتش عنو في كل حتة الولية قالت انها غسلتو امس باليل وشرتو في الحوش لقيت فردة وما ليقت التانية و يعني يا ابو زيد كأنك ما غزيت المهم بعد تفتيش كتير جات اصغر واحدة في البنيات.. عمرها اربع سنوات وسالتني عن الشئ البفتش عنو
| |
|
|
|
|
|
|
Re: قصتي مع السمبرية (Re: على ميرغني)
|
لمن قلت ليها اني بفتش عن الشرآ ماخلتني أتم الكلمة وقالت لي (السمبرية شالت شرابك وختتو في عشها) يعني الشمبرية دي من دون كل الهدوم المشرورة ما تختار الا فردة شرابي الوحيد طيب كان تشيل واحدة من الفنايل لانو في غيرها.. بس الشراب دا واحد او كان تشيل الفردتنين بدل تخلي فردة واحدة الشفع ذاتو خلو يلعبو بكرة الشراب.. المهم بعد تفكير توصلت الى حل أن أذهب الى المكتب بجزمة خالي شراب واعمل فيها انو دا تقليعة جديدة يعني التقليعات دي لازم تجي من ناس الخرطوم
| |
|
|
|
|
|
|
Re: قصتي مع السمبرية (Re: على ميرغني)
|
Quote: واعمل فيها انو دا تقليعة جديدة يعني التقليعات دي لازم تجي من ناس الخرطوم |
أول مرة انتبه إنو تقليعة جايه من قلع! قلع الشراب فأصبحت تقليعة .. فتأمل
| |
|
|
|
|
|
|
Re: قصتي مع السمبرية (Re: Hussein Mallasi)
|
سي حس بالجد سعيد بوجودك
Quote: قلع الشراب فأصبحت تقليعة .. فتأمل |
مقتبس من لسان العرب باب تقليعة التقليعة عبارة يتداولها أهل القرى والفرقان في السودان وهي تعني كل شئ او عادة جديدة وعادة تكون في السلوك او طريقة اللبس او حتى طريقة المشية وتعادل كلمة تقليعة في عصرنا هذا نيو لوك
| |
|
|
|
|
|
|
|