|
|
 لو كنت داخل السودان - أجب بصراحة
|
ح أطلب منكم 4 طلبات بس لو كنت داخل السودان أما اذا كنت برة فما تجاوب
الطلبات :
1- ما تقرأ جريدة رأى الشعب
2- ما تقرأ جريدة الميدان
والطلبين الفوق ديل واحد طبعا لكن لدواعى ما سأقولها لاحقا جعلتهم طلبين
3- ما تدخل النت
4- ما تمشى دار حزب الأمة لحضورة ندوة
الكلام دا لمدة 3 أيام فقط (تلاتة ايام على التوالى)
يا ريت نخمن ح نقدر نسمع بمعارضة أو تغيير ؟؟؟
وسأعود لتوضيح الغرض من البوست لاحقا
سؤال على الهامش كدا .. ما هو القيد الذى لا بد أن ينكسر ؟؟
|
|
 
|
|
|
|
|
|
|
|
Re: لو كنت داخل السودان - أجب بصراحة (Re: محمد البشرى الخضر)
|
Quote: يا ريت نخمن ح نقدر نسمع بمعارضة أو تغيير ؟؟؟
|
عموما المسألة ما محتاجة 3 يوم يا عزيزى محمد
لو بتقدر تخمن خمن من هسى ويا ريت تكون فى السودان
71 شخص قرأوا البوست ويبدو انهم كلهم من خارج السودان أو ليس لهم يوسر فى هذا البورد
يبدو اننى لم اوضح وجهة نظرى كويس ما قصدته من البوست هوأننى أشك فى أن كل المعنيين بالتغيير مؤطرين فى إطار كبير يتكون فقط من هذه النقاط الاربعة المذكورة .. اذا استسنينا بعض (الطفرات) ابتداء بلبنى وانتهاء ببوشى .. هناك اناس خارج الدائرة .. أكثر معارضة منا نحن معنيين بالوصول اليهم ومع ذلك لم نصلهم وأقول (نحن) بإعتبارى ضمن من يعرف بالناشطين ..
دعنا نتناقش أولها ما هو القيد اذا اتفقنا عليه ثم نبدأ بكسره .. ومن هنا خلينا نتناقش كيف نخلق التغيير اذا كنا فعلا نهتم بالتغيير
شكرا على المداخلة وارجو أن تخمن .. شخصيا جربت أغيب عن النت وما اهتميت بقراية الجريدتين المذكورتين .. فوصلت للإجابة ولكن هذا لا يعنى
أن كل من سيجرب الغياب عن النت وعدم قراية الميدان أو رأى الشعب أو يتغيب عن ندوات (دار) حزب الأمة سيصل الى نفس النتيجة
داير رايك بصراحة .. ممكن تسمع بمعارضة خارج هذا اطار الدائرة؟؟
شكرا
| |
|
|
|
|
|
|
|
|
|
Re: لو كنت داخل السودان - أجب بصراحة (Re: علاء الدين يوسف علي محمد)
|
Quote: الحاجات القُلتها دي كُلللللللها بعملوها ناس نِسبتهم لن تصِل لنسبة 1% من المُتواجدين في السُودان
عدا الإنترنت قد يزيد قليلا
|
اتفق معاك أخ علاء رغم انى غير ملم بالنسبة التى اتيت بها
Quote: فلو معوِّل عليها في شيئ
واطاتك أصبحت
|
هى عموما وسائل مساعدة لحصول التغيير الذى أعول عليه
ود الصايم ما قلت النتيجة شنو ؟؟ بإعتبارك مجرب
رانية برضو رأيك ضرورى
| |
|
|
|
|
|
|
|
|
|
Re: لو كنت داخل السودان - أجب بصراحة (Re: ناذر محمد الخليفة)
|
ناذر ، سلام
بخصوص رأى الشعب يا هو حال جرائد المعارضة بتتوقف ثم تعود .. يعنى السؤال قائم
| Quote: جريدة الانتباهة كيف ؟! تنفع بدلا ؟! |
دى بالتحديد انا ما بتحملها ابدا
لكن ما قلت لى تخمينك .. الحيحصل شنو لما تتقطع من الاربعة حاجات الفوق دى بعد عودة رأى الشعب طبعا
| |
|
|
|
|
|
|
|
|
|
Re: لو كنت داخل السودان - أجب بصراحة (Re: ود العجمى)
|
Quote: ود العجمي كلامو ببساطة انو المعارضة ما عندها صوت في الشارع السوداني الا عبر المنافذ التلاتة الضيقة دي
وهو بدعو لكسر القيد الاعلامي بتوسيع الدائرة عبر فتخ منافذ اخري اوسع واكبر زي قناة تلفزيونية مثلا
|
شكرا عزيزى محمد الطيب
وأضف الى ذلك عبر الوصول للشارع عن طريق عمل لاعنفى (لأنه الخيار الذى انحاز اليه) متواصل زى ببساطة كدا
وقفات احتجاجية - تظاهرات فى الاحياء - أو على اضعف الايمان ندوات داخل دور الاحزاب فى الحارات وال(زنقات) بعيدا عن دار حزب الامة او الشيوعى المركز العام (دا حصرنا الموضوع فى العاصمة) بعيدا عن الولايات الاخرى - وطبعا انا بتكلم عن خيار اللاعنف .. أما الحركات المسلحة فهى تعمل أصلا
خارج ما أعنيه.. فى ناس ما متاح ليها النت وما بتشترى جرايد لأنه ببساطة ما بيقدر يوفر جنيه كل يوم عشان يقرأ جريدة .. ديل لو سألتهم عن التغيير ح يتكلم ليك عن تونس وليبيا ومصر واليمن وسوريا لأنه شايف قدام عيونو انو فى ناس فى الشارع وفى ميدان تحرير .. أما علاقته بعملية التغيير فى بلدو فهى علاقة سماعية فقط .. فى الوقت الانو هو عاوز يشوف زول قدامو طلع وبيطلع كل يوم يطالب عشان ينكسر قيد الخوف والحذر والتوجس وينخرط هو فى عملية التغيير الأصلا هو المفروض يكون جزء أصيلها منها
يا ريت فكرتى تكون وصلت .. عشان نبدأ البوست
| |
|
|
|
|
|
|
|
|
|
Re: لو كنت داخل السودان - أجب بصراحة (Re: فتحي البحيري)
|
Quote: ما تقرأ جريدة رأى الشعب
2- ما تقرأ جريدة الميدان
والطلبين الفوق ديل واحد طبعا لكن لدواعى ما سأقولها لاحقا جعلتهم طلبين
3- ما تدخل النت
4- ما تمشى دار حزب الأمة لحضورة ندوة
الكلام دا لمدة 3 أيام فقط (تلاتة ايام على التوالى)
يا ريت نخمن ح نقدر نسمع بمعارضة أو تغيير ؟؟؟
|
ونحن بعد نقرأ الجرايد المذكورة ونفتح النت ونمشى دار حزب الامة وازيدك كمان هناك ندوات وحوارات ومنتديات للمعارضة فى السودان وصحف اخرى ودور احزاب اخرى وبرضو ما شايفين معارضة حقيقية ومسئولة فى اغلب الاحيان باستثناء القليل، وبعدين معارضة النت والكيبورد فى اغلبها ملاسنات وشتيمة وذم وتعرض لعلاقات اجتماعية وجهوية وقبلية وعنصرية وازيدك كمان اختزال القضايا السودانية فى شخوص وشخصنة الحوار و و و و الخ .
وازيدك كمان كل معارض يسعى للسلطة ولا يسعى لحل القضايا التى تهم المواطن ولا برامج بديلة ولا رؤية سياسية واضحة .
البرنامج الوحيد لكل معارض واحد مما يلى
- تقلد منصب رئيس الجمهورية أو
- نائب رئيس جمهورية أو
- مساعد رئيس جمهورية أو
- وزير وزارة سيادية أو
- وزير وزارة اتحادية عادية أو
- والى ولاية أو
- وزير ولائى
الى اخر المناصب الدستورية
ما سمعنا معارض واحد يقول والله الحكومة نجحت فى كذا ولا بد من دعم هذا النجاح ، وفشلت فى كذا ولا بد من النضال من اجل النجاح وحمل الحكومة لتبنى الرأى الآخر، أو تطوير حزب لتبنى مثل هذا المنهج ويكون بديلا جاهزا فى حالة فوزه فى الإنتخابات .
| |
|
|
|
|
|
|
|
|
|
Re: لو كنت داخل السودان - أجب بصراحة (Re: صلاح الدين نزلاوى)
|
تحياتي ود العجمي
لا تزال المعارضة في أبراجها العاجية (مستنيرين، مثقفاتية، مرتادي منتديات، ومعارضي كيبوردات وخلافه)
البحير أمر طلاب الجامعات في الخرطوم
ديل بقوا ما بخشوا الغابة عشان تغيير النظام
ديل بخشوها عشان حاجات تانية
الثورات في المنطقة وقنوات الجزيرة والاعتزاز بالبوعزيزي
المعاناة وغلاء الأسعار
الفساد
الحريات (وإن كانت في رأيي لا تشكل دافعاً حقيقياً للمواطن البسيط)
البطالة
الفقر
وغيرها من مسببات ثورة
كل ما ذكرت لم تدفع المواطن للخروج للشارع
أو الوقوف خلف دعوات التغيير
هم في عليائهم يفاوضون من أجل السلطة
أبناؤهم الآن في السلطة
طيب نغير عشان شنو؟
عشان نجيب الأبناء ديل للسلطة
ما هم في السلطة
ينوبهم ويصيبهم ما سيصيب من يحكمون الآن
قريت الخطوط العريضة عن "هالة تصلح بين الإمام الصادق والشيخ الترابي"؟
هالة مجردة كدا
بكرة لو حصل تغيير
موقع هالة من السلطة شنو؟
تحياتي
| |
|
|
|
|
|
|
|
|
|
Re: لو كنت داخل السودان - أجب بصراحة (Re: ahmed abdelati)
|
ود العجمي ازيك
انا كنت في السودان قبل اسبوعين
وازيدك
ليس المعارضة فقط
لا يوجد حديث او نقاش او اي كلام في السياسة
80% من البشر لا يعلموا حقيقة ما يجري في دارفور وكردفان والنيل الازرق
الناس بقت مشغولة بالمعايش، وما فضل من وقت يخصص للكورة
الرابعة كانت اكتر منطقة نشطة
كدي أبدأوا لينا بيها، وأنعشوا لينا نادي الحارة الرابعة وفكونا من كشاتين ناس عثمان حمد وشلتهم
ندوتين تلاتة حاراات كده زي ايام زمان
تحياتي
| |
|
|
|
|
|
|
|
|
|
Re: لو كنت داخل السودان - أجب بصراحة (Re: الشفيع وراق عبد الرحمن)
|
Quote: لا يوجد حديث او نقاش او اي كلام في السياسة
80% من البشر لا يعلموا حقيقة ما يجري في دارفور وكردفان والنيل الازرق
الناس بقت مشغولة بالمعايش، وما فضل من وقت يخصص للكورة
|
الشفيع كيف الاحوال وسعيد بطلتك
فى ما عدا الاقتباس اعلاه اتفق معاك 100%
الحديث فى السياسة موجود فى كل مكان ولكن ليس على نسق (النخب) السياسية .. كل الناس واعية جدا بأنه لازم يحصل تغيير
وجاهزةلذلك لكن رايح ليها الدرب بس
وطبعا اباطرة التغيير مشغولين عن الذين يريدون التغيير لأجلهم.. تصور فى زول فى سوق ليبيا فتح ليهو محل سماهو (زنقة زنقة) وجاب متحدثين من الشمال والجنوب والغرب والشرق فى افتتاح المحل .. وكان فى حضور كبير جدا
الكلام دا قبل سقوط القذافى.. فى رأى انو الزول دا وصل رسالة أقوى من ندوة دار حزب الامة ..
بجيكم راجع بس افضى شوية العجلة حاصلة
| |
|
|
|
|
|
|
|
|
|
Re: لو كنت داخل السودان - أجب بصراحة (Re: ود العجمى)
|
ودالعجمي وضيوفه
سلامات
الناس مشغووولة جدا جدا جدا بقفة الملاح
وفقها السياسي كلو متركز على هذه الجزئية
والسؤال الاهم كيف تتمكن الاسر من تدبير قفة الملاح ومن تعليم الاولاد ومن حل مشكلة السكن
وكل شيء اخر غير ذلك يُعد في اخر الاولويات
بإختصار إن اهم اشراط الثورة في السودان هو عدم تمكن الناس من توفير الحد الادنى من الحياة الكريمة
ومعادلة الحياة الكريمة هي:
الحياة الكريمة = قفة الملاح + التعليم +السكن+الحد الادنى من الرعاية الصحية
وللأسف الحصول على هذه المعادلة صعب جدا جدا جدا لعامة الشعب وعندما يترقى هذا الصعب الى درجة المستحيل عندها سوف تقوم ثورة لا تُبقي ولا تذر
ويبدو ان هذا الاحتقان سوف ينفجر في يوم من الايام
.....
| |
|
|
|
|
|
|
|
|
|
Re: لو كنت داخل السودان - أجب بصراحة (Re: ود العجمى)
|
| Quote: لو كنت داخل السودان - أجب بصراحة |
Quote: الطلبات :
1- ما تقرأ جريدة رأى الشعب
2- ما تقرأ جريدة الميدان
والطلبين الفوق ديل واحد طبعا لكن لدواعى ما سأقولها لاحقا جعلتهم طلبين
3- ما تدخل النت
4- ما تمشى دار حزب الأمة لحضورة ندوة |
ود العجمي.
أكيد أنك تقصد الخرطوم وليس السودان ككل.
لأنو في مناطق في السودان توجد بها معارضة مسلحة تخوض حرب شرسة مع نظام الجبهة الإسلامية.
| |
|
|
|
|
|
|
|
|
Re: لو كنت داخل السودان - أجب بصراحة (Re: Deng)
|
Quote: (دا حصرنا الموضوع فى العاصمة) بعيدا عن الولايات الاخرى - وطبعا انا بتكلم عن خيار اللاعنف .. أما الحركات المسلحة فهى تعمل أصلا
خارج ما أعنيه |
عزيزى دينق
اوردت اعلاه فى مداخلة سابقة
معليش يا جماعة انا بجيكم بالقطارة لأنى عين فى الشغل وعين فى البورد
| |
|
|
|
|
|
|
|
|
|
Re: لو كنت داخل السودان - أجب بصراحة (Re: ود العجمى)
|
Quote: أكيد أنك تقصد الخرطوم وليس السودان ككل.
لانوفي مناطق في السودان توجد بها معارضة مسلحة تخوض حرب شرسة مع نظام الجبهة الإسلامية. |
لو كنت داخل السودان وكان كلامك دة منشور فى الفيس بوك كنت بعمل (لايك) لمداخلة الاخ دينق
لانه حديثك فعلا محصور فى الخرطوم
ولا يشمل البحصل فى النيل الازرق او جبال النوبة او دارفور ...الخ
اللعب كله هناك وما الخرطوم سوى مرآة عاكسة
بس عاوزة شوية تلميع
| |
|
|
|
|
|
|
|
|
|
Re: لو كنت داخل السودان - أجب بصراحة (Re: الشفيع وراق عبد الرحمن)
|
ماطال الشوارع فِي
فى ولاد بعرفو القومة
اولاد الحلال راقديين
اولاد اسمها المايقوما
ديل اولاد شريعة قوش
المستضعفين فى الارض
يبنو ويهدو عروش
لا الكل بخون البعض
لابتشتريها قروش
فى كل حتة وراك
تمرق تلاقى جيوش
اصدق لسان الحال
من نضمك المهبوش
نفس الولاد جايين
من طين حضاره كوش
حافظين شعر حميد
فاهمين قصايد الدوش
ماتمشى يامحجوب
عاوزين نظبط بوش
ياداااب عرفنا الصاح
دخل الكلام الحوش
| |
|
|
|
|
|
|
| |
ود العجمى
محمد البشرى الخضر
محمد عبد الماجد الصايم
علاء الدين يوسف علي محمد
ناذر محمد الخليفة
فتحي البحيري
صلاح الدين نزلاوى
الشفيع وراق عبد الرحمن
حذيفه ابراهيم الكباشي
Deng
عاطف محمد أحمد زكريا
ابو يسرا
فيس بوك
تويتر
انستقرام
يوتيوب
بنتيريست