كتب الكاتب الفاتح جبرا المتوفرة بمعرض الدوحة
|
|
 دولة لا تقبل عملتها .!! موظفوا جمارك السودان لا يقبلون العملة السوداني
|
لي عشرة ايام في الامارات اجازتي السنوية .. وعادة عندما اتي الامارات انزل من اصدقائي .. صديقاً لي تصادف انه سيذهب الى السودان لاسباب خاصة لفترة يومين .. كعادة السودانيين حملته ما يستطيع حمله وما لا يستطيع .. واخبرت اخي ان يستقبله في المطار مرحبا .. وان يحضر معه اموال تحسبا للجمارك ..
وفعلا تمت جمركته وتحديد مبلغ 200 درهم اماراتي قيمة للجمارك .. ذهب صديقي الى اخي واخذ من المال السوداني واتي الى موظف الجمارك ودار الحوار :
صديقي : قلت لي القروش كم ؟
موظف الجمارك : 200 درهم
صديقي : يعني بالسوداني كم ؟
موظف الجمارك : هنا ما بنقبل سوداني ... ريال، درهم، دولار ..بس
ذهل صديقي من الرد .. ثم قال للموظف : ده مطار وين ؟ يعني كيف في السودان ما يقبلوا الجنيه السوداني ؟!!
الموظف : يا زول قلت ليك هنا بنقبل دولار ريال درهم .. لو ما عندك خليها تمشي المخزن وهناك بقبلوا منك سوداني ..
ضحك صديقي ودفع الـ 200 درهم وهو محتار
انتهى الحوار >>>>
|
|
  
|
|
|
|
|
|
|
|
Re: دولة لا تقبل عملتها .!! موظفوا جمارك السودان لا يقبلون العملة السو (Re: وليد محمد المبارك)
|
عملة البلد المعينة احدى راكائز هويتها مثلها مثل نشيدها الوطني ، شعارها ( صقر الجديان) ، جوازها ،جنسيتها ، الخ
كيف لدولة محترمة في اراضيها لا تقبل التعامل مع مواطنيها في امر المال والدفع وباراء الزمم بعملتها
ثم هل هذا الامر قرار من الحكومة فوق
ولا ناس الجمارك قطعوه من راسهم
ولا ده كمان الموظف لوحده
؟؟؟؟؟؟؟
!!!!!!!
مع العلم فرق سعر الدرهم بين الرسمى والسوق الموازي يكاد يكون الضعف
| |
|
|
|
|
|
|
|
|
|
Re: دولة لا تقبل عملتها .!! موظفوا جمارك السودان لا يقبلون العملة السو (Re: وليد محمد المبارك)
|
وليد كيف حالك ...سلام
اضحكتنى فى هذا الصباح الباكر اضحك الله سنك..
تراكم ماعارفين معاناة المغتربين الزمن ده كلو؟ الا تشوفو فى روحكم
ياخى نحن كل سنه نجى السودان جهاز المغتربين اللعين ده بطالبنا ندفع بالعمله الصعبه..
وشوف البجاحه حقتهم. تقول ليه ماعندى عمله صعبه يوجهك للبنوك جوار مبنى الجهاز..
تقول ليه انت ما تقبض منى بالعمله المحلية وتذهب تحولها لى عمله صعبه يقول ليك انا لا اقبض
الا بالعمله الصعبه فقط، تذهب مكرهاً لموظف البنك وتطلب منه عمله صعبه يقول ليك:
والله العمله الصعبه الادانا ليها البنك المركزى لليوم خلصت لانو الرش كان تقيل..
لكن اقطع الشارع فى مواجهة المبنى نفسه هنالك شركة مهاجر بتبيع عمله صعبة وهى شركة تابعة للجهاز نفسه..
تذهب لهم ويبيعوا ليك العمله الصعبة بسعر الشراء فى السوق الاسود وتجيبها تدفعها للجهاز..
ولو حاججت الموظف ان سعر الشراء حسب افادة البنك كذا يقول ليك اذهب الى البنك، قصدك
انا حرامى واللا حا ادخلهم فى جيبى ده السعر الادونا ليه اليوم..
ولو عايز الف ايصال تثبت انهم باعوك بسعر السوق الاسود يدوك ليهم شفت كيف على عينك يا تاجر..
وماتقدر تقول ولا كلمه لانك لن تحصل على تاشيرة الخروج ان لم تدفع بالعمله الصعبة..
انت قايل دى جديده يازول الانقاذ دى كل يوم توريك جديد ماكان على بال
ادفع دفعك،،،
| |
|
|
|
|
|
|
|
|
|
Re: دولة لا تقبل عملتها .!! موظفوا جمارك السودان لا يقبلون العملة السو (Re: صديق الموج)
|
Quote: انت قايل دى جديده يازول الانقاذ دى كل يوم توريك جديد ماكان على بال
ادفع دفعك،،، |
النبي !!!
بالله الكلام ده قديم
انا لسع ما رجعت يالموج .. لكن عارف حا اعمل شنو .. وانا راجع حا اشيل حاجة بتتجمرك ..عشان يقلوا لي افع بالعملة الصعبة
حا اقول ليه ما عندي الا سوداني .. وحا اشيل حاجة بتبوظ عشان تبوظ
ولو ما قبل سوداني حا امشي افتح بلاغ في الجمارك .. اقول انهم غير معترفين بالعملة السودانية في الاراضي السودانية
| |
|
|
|
|
|
|
|
|
|
Re: دولة لا تقبل عملتها .!! موظفوا جمارك السودان لا يقبلون العملة السو (Re: وليد محمد المبارك)
|
Quote: ياخى نحن كل سنه نجى السودان جهاز المغتربين اللعين ده بطالبنا ندفع بالعمله الصعبه..
وشوف البجاحه حقتهم. تقول ليه ماعندى عمله صعبه يوجهك للبنوك جوار مبنى الجهاز..
تقول ليه انت ما تقبض منى بالعمله المحلية وتذهب تحولها لى عمله صعبه يقول ليك انا لا اقبض
الا بالعمله الصعبه فقط، تذهب مكرهاً لموظف البنك وتطلب منه عمله صعبه يقول ليك:
والله العمله الصعبه الادانا ليها البنك المركزى لليوم خلصت لانو الرش كان تقيل..
لكن اقطع الشارع فى مواجهة المبنى نفسه هنالك شركة مهاجر بتبيع عمله صعبة وهى شركة تابعة للجهاز نفسه..
|
فقط في هذة النقطة:- جهاز المغتربين يعطيك الخيار لتدفع بالسوداني ..
تدفع سوداني مايعادل ريال او دولار بالسعر الرسمي للريال وهو 773 بدلا للسوق الاسود 1200..
| |
|
|
|
|
|
|
|
|
|
Re: دولة لا تقبل عملتها .!! موظفوا جمارك السودان لا يقبلون العملة السو (Re: Mohd Ibrahim)
|
وليد ســلامات..
سبحان الله أنا سالتك في بوست تاني وقلتا ليك وين حايم بره البلد.
عموماً يا سيدي بسيطة (على قول العراقي صاحبي) والجاتك في دراهمك سامحتك!
بس إنتا ما عارف إنو ناس الجمارك ديل مما حفروا البحر بيشيلو مننا بالعملات الصعبة؟
وأحمد الله إنو صاحبك ما خلى الشنطة تمشي المخزن عشان ما يدفع بالجنيه السوداني.
تعرف لو مشت المخزن كان فعلاً دفع بالسوداني على شنطة فاضية.. ده لو لقاها.
نتمنى إنك لمن تدخل البرلمان (إن شاء الله) تهتم بالموضوع ده بالله؟
ويا سيدي رحلة سعيدة وعودة حميدة...
| |
|
|
|
|
|
|
|
|
|
Re: دولة لا تقبل عملتها .!! موظفوا جمارك السودان لا يقبلون العملة السو (Re: abubakr salih)
|
فعلاً حاجه غريبه جداً ياوليد
في حالة إنعدام عملة أجنبيه بحجزوا الحاجات في المخزن وتضاف إليها رسوم مخزن ورسوم أخرى مما يضاعف رسوم الجمارك
أتمنى إنو تتعالج المسأله دي وكمان في حاجه تانيه لاحظتها قبل كده في إحدى سفرياتي كان كل ضباط الجمارك مابعرفوا يتكلموا إنجليزي مما أعجز إحدى المسافرات عن التعامل معهم وكان الضابط يكرر لها (هنا ارابيك اونلي) الأمر الذي أزعجني للغايه ده غير إنو طريقة التعامل مع القادمين يغلب عليها غلظه غريبه ..
بأغلب مطارات العالم يتم الترحيب بالقادم ويتمنون له إقامه طيبه .
ياريت وزارة الداخليه تنتبه لمسألة الجمارك دي لأنو الكلام عنها كتر شديد ده بالإضافه لإنو سمعت قصص كتيره عن ناس فقدوا بعض مقتنياتهم في المطار
شكراً للبوست المهم ده ياوليد وياريت كلنا نتضافر لتصعيد هذا الموضوع
مؤونة عام من الود
| |
|
|
|
|
|
|
|
|
|
Re: دولة لا تقبل عملتها .!! موظفوا جمارك السودان لا يقبلون العملة السو (Re: محمد فرح)
|
Quote: بالله الكلام ده قديم
|
والله يا وليد إنت لزيز خلاص ....
نحن زمنا ده كلو بنقول في شنو؟
يعني عايزو يشيل منك جنيه سوداني، عشان قبل ما يصبح الصباح تبقى قيمتو نص جنيه؟ ..... حلاة دقدق.
الناس ديل عارفين رقبتهم بيطبعوا في ورق تواليت.
حوالي سنة 1991 مشيت أعمل تأشيرة خروج .. إكتشفت إنو علي متبقي ضرائب عن فترة إغتراب ماضية (شوية دولارات .. ما حاجة كتيرة)، قلت للموظّف ياخ أنا لي عدد من السنين قاعد في البلد، أصر إنو ده دين علي ولازم أدفعو <وبالدولار> ..... وقتها كان حيازة عملة صعبة جريمة تصل عقوبتها الإعدام ((رحم الله مجدي وجرجس)) ... لما إحتجيت قال لي: يا زول أمشي إتصرف وجيب لينا دولارات. قلت ليهو: ياخ إنت مفروض لو لقيت عندي دولار تسألني جبتو من وين وأنا مقيم في البلد. عاين لي بي قعر عينو وقال لي: (يا زول فرتق ... كلامك ده أنا ما سمعتو).
سلام يا وليد وترجع بالسلامة.
| |
|
|
|
|
|
|
|
|
|
Re: دولة لا تقبل عملتها .!! موظفوا جمارك السودان لا يقبلون العملة السو (Re: محمد فرح)
|
إجراءات تخليص الركاب وأمتعتهم :-
4- عند إحضار أشياء خاضعة للرسوم الجمركية عبر الصالات علي المواطن القــادم
سداد الرسوم بالعملة الحرة إن أمكن ذلك أو تسليمها مقابل اورنيك جمارك (59)
مختوماً ومعتمداوتكمل الإجراءات لاحقاً .
المصدر : http://www.customs.gov.sd/taarifa1.htm
تحصيل رسـوم الاستيراد علـى البضائع المصحوبة مع أمتعة المسافرين :
53ـ (1) يجوز للمدير أن يطبق رسماً موحداً حسبما تقرره اللوائح على البضائع المستوردة ذات الطابع غير
التجاري المصحوبة مع أمتعة المسافرين.
(2) لأغراض البند (1) يجوز للمدير أن يسمح بدفع الرسوم الجمركية بالنقد الأجنبي وفقاً للأسعار
التي يحددها من وقت لآخر للبضائع.
المصدر :http://customs.gov.sd/chap3-1.htm
العملة
وحدة العملة
1.وحدة العملة في السودان هي الجنيه السوداني.
2.يقسم الجنيه السوداني إلى مائة وحدة متساوية تسمى كل منها قرشاً.
3.يقوم البنك بالإعلان عن العملة الجديدة وبداية تاريخ التعامل بها في الجريدة الرسمية
4.يستمر التعامل في السودان بالدينار السوداني الى حين انتهاء المدة التي يحدده البنك لسحب وتبديل العملة القديمة ، وفقا للاجراءات والاعلان الرسمي الذي يصدره البنك عملا باحكام المادة 25 (3)
5.يسمح بالتعامل بالعملات المتداولة حاليا في جنوب السودان الى حين انتهاء الفترة التي يحددها البنك بعد اصدار العملة الجديدة.
سعر الصرف
يحدد المجلس بناء على توصية المحافظ بالتشاور مع الوزير سياسات سعر صرف الجنيه.
حق البنك دون سواه في إصدار العملة
21- للبنك دون سواه الحق في إصدار العملة ولا يجوز لأي شخص أن يصدر أوراق عملة أو أوراق نقد أو نقود معدنية أو أي مستندات يرى البنك إمكان تداولها كعملة قانونية. 22- (1) على البنك أن: (أ) يتخذ التدابير اللازمة لطبع أوراق النقد وضرب النقود المعدنية وتأمين حفظها وسلامتها. (ب) يصدر أوراق النقد والنقود المعدنية في مكاتبه وفى الوكالات التي ينشئها أو يعينها من وقت لآخر، كما يجوز له أن يعيد إصدارها واستبدالها في تلكم المواقع. (ج) يتخذ التدابير لإلغاء وإعدام أوراق النقد أو لقص أو كسر أو إعدام النقود المعدنية مما يكون مسحوباً من التداول بموجب أحكام المادة 25-(3) أو تلك التي يجدها البنك غير صالحة للاستعمال. (2) تؤول للبنك أي عملة أجنبية يتم ضبطها داخل السودان ويصدر بشأنها حكم قضائي أو تصالح وفقاً للقوانين السارية.
فئات وأشكال أوراق النقد والنقود المعدنية وتركيبها
يقوم البنك بإصدار أوراق النقد والعملات المعدنية بالفئات والأشكال والتصميمات والشعارات التي تعكس التنوع الثقافي في السودان وتعتمدها رئاسة الجمهورية بتوصية من المحافظ، ويتم الإعلان عنها في الجريدة الرسمية.
الوزن القياسي للنقود المعدنية
يكون الوزن القياسي للنقود المعدنية وتركيبها ومقدار العجز والتغيير فيها حسبما توافق عليها رئاسة الجمهورية بناء على توصية المحافظ ويعلن عن ذلك في الجريدة الرسمية.
العملة القانونية
1.تكون أوراق النقد التي يصدرها البنك أو يعيد إصدارها عمله قانونية مبرئه للذمة في جمهورية السودان.
2.تكون النقود المعدنية التي يصدرها البنك عمله قانونية في جمهورية السودان بالقدر الذي يحدده المحافظ من وقت لآخر ما لم تكن قد تعرضت لاستعمال غير مشروع وفقا لأحكام المادة 26(1) ، على انه يجوز للبنك بعد موافقة رئاسة الجمهورية أن يصدر نقوداً معدنية و/ أو ورقية لأغراض خاصة وتكون تلك النقود عملة قانونية لأي مبلغ يحدده البنك.
3.على الرغم من أحكام البندين (1)و(2) تكون للبنك السلطة بعد الإعلان في الجريدة الرسمية أن يسحب من التداول أيا من الأوراق النقدية أو النقود المعدنية مقابل دفع قيمتها الاسمية وأي أوراق نقد أو نقود معدنية صدر بشأنها ذلك الإعلان يبطل اعتبارها عمله قانونية عند انقضاء مدة ذلك الإعلان.
النقود التي تعرضت للاستعمال غير مشروع
1.تعتبر النقود المعدنية أنها تعرضت لاستعمال غير مشروع إذا لحقها التلف أو أصبحت اصغر حجما أو أخف وزنا بسبب غير الاستهلاك العادي أو إذا شوهت.
2.يجوز للبنك أن يسحب أي نقود معدنية تعرضت لاستعمال غير مشروع وان يقصها أو يكسرها أو يعدمها.
استرداد العملة المفقودة أو المشوهة أو المعيبة
لا يحق لأي شخص أن يسترد من البنك أي أوراق نقد مفقودة أو مسروقة أو مشوهة أو معيبة، وللبنك الحق المطلق في أن يقرر الظروف التي يجوز بموجبها استرداد قيمة أوراق النقد المعيبة أو المشوهة وذلك حسب الشروط وفى الحدود المقررة في اللوائح.
احتياطي الذهب والأصول الخارجية
1.يجوز للبنك أن يحتفظ باحتياطي من الذهب والأصول الخارجية المقومة بعملات يحددها المجلس من وقت لآخر وتشمل كلاً أو أياً من الأنواع الآتية:
1.النقد الأجنبي.
2.الكمبيالات والصكوك المقومة بعملة أجنبية وقابلة للصرف في أي مكان خارج جمهورية السودان.
3.الصكوك المالية أو ودائع الاستثمار التي يحددها المجلس من وقت لآخر والصادرة من حكومات أجنبية.
4.الصكوك التي يحددها المجلس من وقت لآخر والتي تصدرها أو تضمنها الحكومات الأجنبية أو المؤسسات الدولية.
2.يحتفظ البنك باحتياطي يحدده المجلس من وقت لآخر، وفق أحكام البند(1).
المصدر : http://www.cbos.gov.sd/node/277
بسم الله الرحمن الرحيم
إعلان رسمي
بنك السودان المركزي
طرح العملة الوطنية الجديدة
تنفيذا لاتفاقية السلام الشامل و عملا بأحكام المادة (19) من قانون بنك السودان المركزي تعديل سنة 2006 بهذا يعلن بنك السودان المركزي الآتي:
أولا: وحدة العملة الجديدة في السودان هي الجنيه السوداني.
ثانيا: الفئات الورقية للجنيه السوداني ستة و كل فئة تعبر عن مضمون معين على النحو التالي:
1- فئة الواحد جنيه وتعبر عن رؤية السلام
2- فئة الاثنين جنيه وتعبر عن الخلفية الحضارية للسودان
3- فئة الخمسة جنيه وتعبر عن رؤية المستقبل
4- فئة العشرة جنيه وتعبر عن الوحدة في التنوع
5- فئة العشرين جنيه وتعبر عن التقدم الصناعي
6- فئة الخمسين جنيه وتعبر عن الموارد الطبيعية المتنوعة للبلاد
ثالثا: يقسم الجنيه السوداني إلي مائة وحدة متساوية تسمى كل منها قرشا و هنالك خمس فئات معدنية تمثل أجزاء الجنيه الواحد وهي:
1- فئة الواحد قرش
2- فئة الخمسة قروش
3- فئة العشرة قروش
4- فئة العشرين قرشا
5- فئة الخمسين قرشا
رابعا: واحد جنيه سوداني يعادل مائة دينار سوداني ( أي ألف جنيه قديم).
و الواحد قرش يعادل واحد دينار سوداني ( أي عشرة جنيه قديم).
خامسا: المواصفات الأساسية للفئات الورقية:
أ- اللون الغالب و المميز للفئة الورقية:
1- فئة الواحد جنيه البني
2- فئة الاثنين جنيه الأزرق ( اللبني)
3- فئة الخمسة جنيه البمبي
4- فئة العشرة جنيه البنفسجي
5- فئة العشرين جنيه الأحمر الكبدي
6- فئة الخمسين جنيه الأصفر
ب- أبعاد الفئات الورقية:
1- فئة الواحد جنيه يساوي 139ملم*64ملم
2- فئة الاثنين جنيه يساوي 144ملم*64ملم
3- فئة الخمسة جنيه يساوي 150ملم*69ملم
4- فئة العشرة جنيه يساوي 155ملم*69ملم
5- فئة العشرين جنيه يساوي 160ملم*74ملم
6- فئة الخمسين جنيه يساوي 165ملم*74ملم
ج- العلامات التأمينية المحسوسة و المرئية بالعين المجردة للفئات الورقية:
1- العلامات المائية ( صقر الجديان في ف فئات الخمسين و العشرين و العشرة جنيهات، و الحمامة في فئات الخمسة و الاثنين و الواحد جنيه)
2- الفئة رقما تحت العلامة المائية
3- الطباعة البارزة ( يتم تحسسها باللمس برأس الإصبع).
4- الخيط المعدني المتقطع.
5- النظائر المتطابقة.
6- الشريط الهولوغرافي في فئات الخمسين و العشرين جنيها.
7- الشريط المتغير الألوان في فئات الخمسة و الاثنين و الواحد جنيه.
8- الشكل المخفي و هو عبارة عن مختصر اسم بنك السودان المركزي
سابعا: طرح وتداول العملة الجديدة:
1- يبدأ طرح الجنيه في يوم 10/1/ 2007 في شمال و جنوب السودان في وقت واحد و ذلك بثلاث فئات ورقية هي الواحد جنيه والعشرة جنيه والخمسين جنيه وسيتبع في وقت لاحق طرح بقية الفئات الورقية والمعدنية خلال فترة التداول المزدوج.
2- سيتم تداول الجنيه جنباً إلي جنب مع الدينار كعملتين قانونيتين لفترة تبدأ من يوم 10/1/2007 وتنتهي في 30/6/2007 و بعدها سينتهي التعامل بالدينار كعملة قانونية و يكون الجنيه السوداني ابتداء من يوم 1/7/2007 هو العملة القانونية الوحيدة بالسودان.
3- يجب على كافة المصارف والمواطنين ورجال الأعمال في القطاع الخاص والمؤسسات والمصالح الحكومية التعامل بالجنيه والدينار بكافة فئاتهما الورقية والمعدنية خلال فترة التداول المزدوج و التي تنتهي في 30/6/2007 سواءً في دفع الالتزامات أو استلام الحقوق أو الإيداع في الحسابات أو السحب منها.
4- سيتم طرح الجنيه بكافة فئاته الورقية والمعدنية بشكل تدريجي عن طريق الجهاز المصرفي وذلك بطرحه عبر السحوبات النقدية التي تقوم بها المصارف من حساباتها لدى فروع بنك السودان المركزي وفى المقابل يجب على المصارف طرح الجنيه بكل فئاته الورقية والمعدنية عن طريق دفعه للجمهور ضمن السحوبات النقدية العادية التي تقوم بها للجمهور عبر الكاونتر في فروع المصارف المختلفة بشكل يومي.
5- يجوز للمصارف خلال فترة التداول المزدوج للجنيه والدينار, تنفيذ الدفعيات النقدية للجمهور سواءً بالجنيه أو بالدينار أو بالعملتين معاً في الدفعية الواحدة و ذلك حسبما يراه المصرف المعني و وفق ما يتوفر لديه من فئات الجنيه و الدينار.
6- سيتم سحب الدينار من التداول تدريجياً عبر التوريدات النقدية التي تقوم بها المصارف و الجهات الأخرى لبنك السودان المركزي.
7- الالتزامات القائمة بالدينار سواء كانت التزامات أفراد أو شركات أو شراكات أو أسماء أعمال أو مؤسسات أو مصالح حكومية ملزمة قانونا و يجوز الوفاء بها سواء بالدينار أو الجنيه خلال فترة التداول المزدوج و تعتبر مقومة تلقائيا بالجنيه في يوم 1/7/2007 كما لو تمت قسمتها على مائة و يتم الوفاء بها في أو بعد 1/7/2007 بالجنيه فقط.
8- على كافة الجهات مراعاة ان تكون الشيكات المصدرة من قبلهم والتي تستحق الدفع خلال الفترة حتى 30/6/2007م صادرة بالدينار فقط ولا يجوز إصدار شيكات تستحق خلال هذه الفترة بالجنيه.
9- على كافة الأفراد والجهات التي بطرفها شيكات بالدينار آجلة تستحق السداد بعد يوم 30/6/2007م مراعاة ان يتم الترتيب مع الجهات أو الأفراد المصدرين لهذه الشيكات لاستبدالها بشيكات بالجنيه قبل وقت كاف من تاريخ استحقاقها.
10- على الرغم مما ورد في( 9) أعلاه على المصارف قبول الشيكات المصدرة بالدينار وتقديمها للمقاصة خلال فترة تنتهي في 31/12/2007م .
11- على المصارف بعد يوم 31/12/2007م قبول الشيكات المقدمة لها والمصدرة بالدينار والتأشير عليها بما يفيد بالرجوع للساحب مع توضيح سبب الرجوع .
12- بما أن هنالك عملات لدول أفريقية مجاورة والجنيه السوداني القديم والتي سمح بموجب اتفاقية السلام الشامل بالتعامل بها بشكل مؤقت في جنوب السودان ،فقد تقرر إنشاء نقاط استبدال بجنوب السودان خلال شهري يناير وفبراير 2007م لتمكين المواطنين من استبدال هذه العملات الأفريقية والجنيه السوداني القديم خلال فترة سيقوم بنك السودان المركزي وبنك جنوب السودان بتحديدها لاحقا .وعند تحديد نهاية فترة استبدال هذه العملات تصبح عملات غير قانونية وغير مبرئة للذمة ويجوز حيازتها كعملات أجنبية فقط.
13- بما أن طرح الجنيه السوداني سيتم بشكل تدريجي عبر المصارف وبما أن سحب الدينار السوداني كذلك سيتم بشكل تدريجي عبر المصارف خلال فترة التداول المزدوج للجنيه والدينار ،على كافة المواطنين والشركات والمؤسسات والمصالح الحكومية مراعاة أن ما لديهم من عملة الدينار ستختفي تلقائيا من أيديهم وبذلك ليس هنالك حاجة للذهاب إلى المصارف بغرض الاستبدال . وبالرغم من ذلك ونسبة لان هنالك بعض المناطق لا تتوفر فيها فروع للمصارف أو بعض الأفراد الذين لم يتعودوا للتعامل مع المصارف فقد قرر بنك السودان المركزي بان يتم في خلال الشهر الأخير لفترة التداول المزدوج أي خلال الفترة من 1/6/2007م إلى 30/6/2007م إنشاء نقاط استبدال بكافة أنحاء السودان لاستبدال المتبقي من الدينار طرف الجمهور .
صابر محمد حسن
محافظ بنك السودان المركزي
http://www.bankofsudan.org/
مصدر :إعلان رسمي - محافظ بنك السودان المركزي - صابر محمد...لة السودانية الجديدة
| |
|
|
|
|
|
|
|
|
|
Re: دولة لا تقبل عملتها .!! موظفوا جمارك السودان لا يقبلون العملة السو (Re: وليد محمد المبارك)
|
Quote: فقط في هذة النقطة:- جهاز المغتربين يعطيك الخيار لتدفع بالسوداني ..
تدفع سوداني مايعادل ريال او دولار بالسعر الرسمي للريال وهو 773 بدلا للسوق الاسود 1200.. |
يازول والله ده الكان بحصل مع المغتربين حتى اخر عودة لى فى 2005 ومابراى راجع
مداخلة ابو الريش...
جهاز المغتربين كان لا يقبل الا عمله صعبه وبنفس الطريقة الذكرتها ليك فى مداخلتى
الاولى، كان الموظف يرسلك للبنك مقابل جهاز المغتربين وكان بنك العمال كمان،،
| |
|
|
|
|
|
|
|
|
|
Re: دولة لا تقبل عملتها .!! موظفوا جمارك السودان لا يقبلون العملة السو (Re: صديق الموج)
|
Quote: يازول والله ده الكان بحصل مع المغتربين حتى اخر عودة لى فى 2005 ومابراى راجع
مداخلة ابو الريش...
جهاز المغتربين كان لا يقبل الا عمله صعبه وبنفس الطريقة الذكرتها ليك فى مداخلتى
الاولى، كان الموظف يرسلك للبنك مقابل جهاز المغتربين وكان بنك العمال كمان،، |
فعلا زمان كان كدا بس دا الحصل معاي قبل شهر بالظبط..يمكن دي خوفة الربيع العربي..
.ممكن لو رسلنا كلنا نغير موضوع الجمارك كمان
| |
|
|
|
|
|
|
|
|
|
Re: دولة لا تقبل عملتها .!! موظفوا جمارك السودان لا يقبلون العملة السو (Re: وليد محمد المبارك)
|
Quote:
لي عشرة ايام في الامارات اجازتي السنوية ..
|
واشريري إجازتك السنوية عشره يوم بس؟؟؟
ولا لسه فيها باقي ودي مدة الرواية الحالية؟؟؟
والله يا ناس الداخل أيامكم في تحسين،،، لا حسد والله وما شاء الله،، والله يزيدكم كمان وكمان في شان ما ترجعوا لينا تاني في أواخر عمرنا....
تقضوا إجازاتكم بره بالدولار واليورو والدرهم والريال....
حليل المغتربين الشالوا البلد عقود،،، وبقوا بالسنين يغلهم النزول.....
بس لكن يا شفت داير تقضي إجازتك بالدرهم وتدفع تجارتك بالجنيه السجمان البقى ما ليه تمن؟؟؟؟
إت قايل روحك شفت براك؟؟؟
علي بالطلاق ناس الإنغاز ديل حيرو الشفتنة (الغين والزين ما غلطة مطبعية، عشان ما تعمل لي ضبان ضكر).....
والله ديل ينغزوك لامن تنط وتقول أحيييييييييي..
بالله خلينا من حيكومة ولا دويلة ما عارف شنو داك....
طولت ما أتونست معاك...
الله يرجعك بالسلامة...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: دولة لا تقبل عملتها .!! موظفوا جمارك السودان لا يقبلون العملة السو (Re: محمد المسلمي)
|
تحياتي يا وليد
رد الله غربتكم بالسلامة ..
مؤكد أنهم يستفيدون من فرق سعر الصرف نهاية الوردية حيث تعمل الوردية كفريق متناغم تماما في التحصيل بالأجنبي .. هل يتم التوريد لصالح الحكومة بالأجنبي ؟ عموما هي فوضى سياسات عمومية إدارية ومحاسبية فاسدة تأصلت وترسخت وتوسعت واصبحت عرفا ملزما لمنسوبي الحكومة في الإتيان به دون حرج أو ملل ، وليس ملزما للمواطن البتة إلا أنهم يستغلون الظرف الزماني والمكاني والنفسي لإجبارهم على الخضوع وإرتكاب هذه الجرائم مكرها أخاك يا وليد ...
تحياتي
الشفيع
| |
|
|
|
|
|
|
|
|
|
Re: دولة لا تقبل عملتها .!! موظفوا جمارك السودان لا يقبلون العملة السو (Re: Mohd Ibrahim)
|
إجراءات تخليص الركاب وأمتعتهم :-
4- عند إحضار أشياء خاضعة للرسوم الجمركية عبر الصالات علي المواطن القــادم
سداد الرسوم بالعملة الحرة إن أمكن ذلك أو تسليمها مقابل اورنيك جمارك (59)
مختوماً ومعتمداوتكمل الإجراءات لاحقاً .
قال تكمل الاجراءت لاحقا
أحسن ليك تدفع بالعمله الصعبه مليون مره
لان كلمة لاحقا لازم تعطي الاوراق لمخلص
وهاك يا جرجره دمغة الشهيد والجريح
وأتعاب المكتب وأشباء كثيره
بجانب ضياع الوقت
ربي يكون في العون
| |
|
|
|
|
|
|
| |
وليد محمد المبارك
صديق الموج
Mohd Ibrahim
معتصم محمد صالح
عبدالله ود البوش
Mohamed Yassin Khalifa
abubakr salih
محمد فرح
محمد أبوالعزائم أبوالريش
Al-Shaygi
محمد المسلمي
عبدالرحيم أبراهيم العبيد
فيس بوك
تويتر
انستقرام
يوتيوب
بنتيريست