|
Re: عملتها تخينة يا خضر حسين (Re: حبيب العبيد)
|
زمن يا خضر . العيد الكبير فات وعيد الشكر بتاع هادي الولايات برضو فات . وعرس البنية كرداشي فات وجات ال NEW YEAR . السنة الفاتت كانت عجيبة . السنة الفاتت طلع فيها كتاب عمك عبدالله التعزي ( الحفائر تتنفس ) الكتاب أفتكرتو حيجيبك . حيجرك جر . .. ياخ تعال . في شنو يا مك ؟
| |
|
|
|
|
|
|
Re: عملتها تخينة يا خضر حسين (Re: حبيب العبيد)
|
عزيزنا حبيب العبيد سلامات كنت يا ود العبيد قايل ( الحفائر تتنفس ) حيجيبو وحيتكلم عن القبر الكبير الذي يحتوي علي ألوف القبور . قايلو حيتكلم عن كلام عبدالله التعزي وعن الشارع وعن البيوت والرواشين . يا خضر كفاك
| |
|
|
|
|
|
|
Re: عملتها تخينة يا خضر حسين (Re: باسط المكي)
|
عزيزنا باسط سلامات زولنا والله أفتكرتو حيرجع للمنبر ويكتب بعد خروج مكتبة بوردار من السوق ودخول البضاعة الصينية والويكة المعلبة . و حتي في أيام ظهور الموتر سايكل والجيتار بتاعين شاكيرا برضو عمل نايم . يا باسط القصة تخينة ياخ .
| |
|
|
|
|
|
|
Re: عملتها تخينة يا خضر حسين (Re: فيصل محمد خليل)
|
عزيزنا فيصل سلامات المنبر يا فيصل السنة الفاتت كان مليات حاجات قمة في الجمال وقمة في الحزن . موت وأعراس وفلس متاجر ومسرحيات جديدة وأفلام وكتب . زولك ما ظهر في نقاشات كتاب المبدع حبيب نورة . وكنت قايلو حيجي يكتب عن كتاب دكتور صلاح الزين وعن الكلام البعجبو في حتات صقيع تورنتو وطنين الحنين والرغبة القديمة في كتابة الأسطورة . .. يا فيصل لو عندك خلاف رقمو المقطوع كلمو يرجع ضروري
| |
|
|
|
|
|
|
Re: عملتها تخينة يا خضر حسين (Re: طارق جبريل)
|
عزيزنا طارق جبريل سلامات وعام سعيد تدوم فيه العافية علي الوالد العزيز وعليك وعزيزنا طلحة . عليك الله يا طارق تحاول تتبن زولك خضر حسين الزميل والكاتب العديل . شوفو يرجع .
| |
|
|
|
|
|
|
Re: عملتها تخينة يا خضر حسين (Re: Osman Musa)
|
عزيزنا أحمد عبدالله سلامات أنت يا أحمد من زمن عد حسين ياخ زولك في زول شافو في لندن . الزول في لندن وقاطع سلك الماسنجر وماسح الشاشة بي تقلية تقيلة . عليك الله لو عندك ليه طريق شوفو .
| |
|
|
|
|
|
|
Re: عملتها تخينة يا خضر حسين (Re: Osman Musa)
|
زولنا والله أفتكرتو حيرجع للمنبر ويكتب بعد خروج مكتبة بوردار من السوق ودخول البضاعة الصينية والويكة المعلبة . و حتي في أيام ظهور الموتر سايكل والجيتار بتاعين شاكيرا برضو عمل نايم . يا باسط القصة تخينة ياخ .
| |
|
|
|
|
|
|
Re: عملتها تخينة يا خضر حسين (Re: باسط المكي)
|
عزيزنا عبدالمجيد سلامات وهاك مرة أخري شربات كلامو الطاعم . تابعو . ..
Quote: سأحكي قصتها كما حكت لي (مريم) عصر هذا اليوم :
بأنفاس لاهثة جاءت وبحياء منقطع النظير لم أألفه في المتسولين والمتسولات الذين يجوبون دروب هذه العاصمة سألتني شيئاً لله ـ ربما ما كان يميزها عن أؤلئك تقاطيع وجهها المتعب ، وجه أرهقه الترحال والسؤالات والجري والبشاتن ـ وجه يكاد أن يسقط من وجهه ، وجه يفضح عصرنا المستدير ، هذا العصر اللولبي الذي يتساقط فيه البسطاء صرعي للمرض والعوز والفقر . كنت لحظتها أهم بالخروج من أجواء العمل لأعود لأسرتي التي غادرتها بعد صياح الديكة بلحظات شأني شأن الآلاف من أبناء وبنات هذا الوطن .
جاءت مريم تحمل ما تحمل من هموم إذن ! سألتني بأدب جم حتي إنها لم تكلف نفسها تقديم الاوراق التي تحملها في يمناها ، وأظنها كانت علي يقين إنها لن تخرج مني في أفضل الأحوال سوي بالعبارة الشهيرة التي يطلقها القوم هنا (فايتنك بالصبر) حتي دون أن يكلفوا أنفسهم عناء الحاصل شنو يا زول ؟ وقد يكون الكثيرون محقون في عبارتهم تلك ، فما يصادفوه أكثر من أن يتحمله إنسان في كوكب الأرض وما عليك .
فالي مريم وقصتها !
| |
|
|
|
|
|
|
Re: عملتها تخينة يا خضر حسين (Re: khatab)
|
عزيزنا خطاب سلامات ياخ معقول خضر الزول الهميم تكون درشتو وشغلتو الحياة للدرجة التمنعو يتابع خبر ندوة شوقي بزيع . دا كيف ؟؟؟ يا خطاب عليك الله صاحبك كلمو . مهما كان سعر الطماطم والمواصلات . برضو دا ما هو سبب يخليه يبعد . .. كل عام والبلد في صحة وعافية يا خطاب
| |
|
|
|
|
|
|
|