|
|
 محمود ع العزيز..مشهد مؤثر جدا فى حفلة دار الرياضة
|
...فى نهار 1/1/2012 كنت حاضر لحفلة محمد عبد العزيز فى دار الرياضة بأمدرمان
واخر حفلة حضرتها لى محمود عبد العزيز قبل كم سنة يتخيل لى فى المسرح القومى...ومن اليوم
داك قررت ما احضر اى حفلة (للحوت) لانو زول ما بحترم الزمن...المهم فى (الفاتح )من هذا العام...
مشيت دار الرياضة امدرمان بعد أن سمعتا إنو( الحوت) عندو حفلة نهارية هناك فى الدار(مكتوب فى البوستر بتاع الحفلة
أنو الحفلة نهارية وتحديدا الساعة اربعه ونص)...المهم لمن محمود يعمل حفلة فى دار الرياضة أمدرمان...ده معانهو قيامة وقامت
بالاضافة للمتعة بتاعه محمود فى حاجات تانية منها،،إنك كمشاهد ممكن تمتع نظرك وتسترق النظر (لحسناوت) بانت (وسمروات) الموردةو(خلاسيات )العباسية
وأثناء (الاستراقات) دى ، بتكون بتسمع فى محمود عبد العزيز....اها فى ظنى إنو مافى متعة اكتر من كده....المهم....موش قلت ليكم مكتوب فى البوستر إنو الحفلة نهارية
وتحديدآ الساعه اربعه ونص....الزول ده جانا الساعة سبعه ونص مساءآ....والطريف إثناء دخول محمد المسرح صاح فيه أحد المعجبين: (والله يا حوتا النهاريات عندك تقولوا
اربعه ونص يجى سبعه ونص إنعل ابو غرنتش زاتو)...فضحك الجميع....فى هذه الحفلة( النهارية ههههه) إلتقطت عدستى منظر يؤكد الشعبية الجارفة التى يتمتع بها محمود عبد العزيز
|
|
  
|
|
|
|
خالد خليل محمد بحر
عمران حسن صالح
فيس بوك
تويتر
انستقرام
يوتيوب
بنتيريست