كتب الكاتب الفاتح جبرا المتوفرة بمعرض الدوحة
|
|
 آآآآآآآآآآآآآآآآآآخ طــه سليمـــــان لا........
|
عبر قناة النيل الازرق ليلة راسس
السنة يطل طه سليمان عبر ليالي
دبي اطلالة هزت دواخلي وتمنيت
ان لا يري احد من غير السودانيين
تلك الوصلة الغنائية التي يحفظها
كل العرب بالخليج من صوت الفنان
القامه المرحوم سيد خليفة صاحب
الصوت الذي يطرب الحجر .
ولكن طه سليمان كان مهزلة حينما
حاول ان يغني تلك الاغنية بطريقة
اوبرتيه ومياعة تفوق مياعة
هيفاء وهبي ومعه ثلاثة من الفتيات
يرقصن رقص عربي بالرغم من سودانيتهن
ويتمايلن يمنة ويسرة ويلتحمن بكتف طـه
وهو ممسك بنصفه يتمايل .
ذكرني باغنية تردده ابنتي الصغيرة
(اميل كده اكب العسل
واميل كدة اقع انكسر )
منظر يبكي كل سوداني يخشي
علي سمعة وطنه .
رحم الله الفنان سيد خليفة
لو علم ان طه سيغني له
بهذه الطريقة لما دخل
مجال الفن .
|
|
  
|
|
|
|
|
|
|
 Re: آآآآآآآآآآآآآآآآآآخ طــه سليمـــــان لا........ (Re: يوسف السماني يوسف)
|
الاخ يوسف السماني
تحياتي
ياخي انا قبل السهرة دي بكم يوم شوفت الدعاية والاعلان عنها على احدى القنوات لا ادري ان كانت الشروق ام النيل الازرق
لمن شفت لقطة او جزء من الاغنية البتراقص فيها طه ومعاهو كم بت قرربت اقع من الكرسي القاعد فيهو
الواطة دي ما مرات سلامة زاتو
لن ننكر ان اي قبيلة في السودان عندما تدق الدلوكة او النقارة او الطنبور الا ونسائنا يشاركن برقيصهم
ان كان رقبة عند الشايقيات او .... الخ
لكن هو حقنا نستمتع به وتسعد به نسائناعند مشاركة المجتمع بافراحه ان كانت زفافا او حصادا او نصرا عسكريا
هو حقنا، الدغمسة الكان بسوي فيها طه سليمان والبنوت المعاهو دي بالغو فيها
يعني العالمية دي (عالمية دي اقصد بها محيطنا العربي) الا نغزوها بالحانهم وفي تجربة منشورة هنا للاستاذ عاصم البنا
كمان جابت ليها نرقص رقيصهم؟؟
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: أحمد ابن عوف)
|
الاخ العزيز / احمد ابن عوف
تحياتي
Quote: هو حقنا، الدغمسة الكان بسوي فيها طه سليمان والبنوت المعاهو دي بالغو فيها
يعني العالمية دي (عالمية دي اقصد بها محيطنا العربي) الا نغزوها بالحانهم وفي تجربة منشورة هنا للاستاذ عاصم البنا
كمان جابت ليها نرقص رقيصهم؟؟ |
والله شئ مؤسف هو تقليد اعمي للعرب .
لا يشبه موروثاتنا ولا قيمنا .
نحن لسنا ضد العالمية ولكن
الوصول اليها يتم بفهم ودراسة .
ولكن التقليد الاعمي لارضاء العرب هذا ما نرفضه .
طه سليمان يكمن ان يتراقص كيفما شاء
ولكن باغانيه الخاصة . ليس باغاني
الغير .
للاسف قناة النيل الازرق تسهم في
هذا الاسفاف بنقلها الحفل والدعاية
لها بالمقطع المشين الذي يقدمه
طه وصويحباته .
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: تبارك شيخ الدين جبريل)
|
| Quote: الجهجهت باكاتكم دي بتكون غنية جميلة .... |
مرحبا تبارك شيخ الدين الاغنية جميلة ان غناها كما
ينبغي . والاغنية غناها سيد خليفة باداء رائع وصوت جميل
وهي اغنية ازيكم . بعدين لو سمحت افرغ عقلك من التفكير الجمعي
لتستمع باذن واعية ونتحوار دون مخلفات العقل الباطن .
| Quote: مسألة كراهيتنا لذواتنا وهويتنا وعداءنا للجمال دي بقت مسألة ثابتة ما عايزة ليها غلات زاتو ... |
لا يا تبارك علي المستوي الشخصي اعتز بهويتي انتماء السوداني الممزوج بين الافركانية والعروبة اينما حللت
اما الجمال فالكل يعشقة ولكن مقايييس الجمال ومعاييره تختلف من عين لاخري ومن بيئة لاخري .
اما الهوية فالجدل حولها طويل ولم تتحدد هويتنا منذ الاستقلال وحتي اليوم .
اما مايميزنا من ثقافيا من موروثات عن شعوب العالم فيجب ان نحافظ علية.
شكرا لمساهمتك في البوست
ياتبارك شيخ الدين .
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: يوسف السماني يوسف)
|
شاهدت السهرة بالأمس، واثارت حنفي واستيائي ليس فقرة الرقص، ولكن ما اثار استيائي هو وجود عدد من رجال الحماية ( Body Guards) حول المغني
طه سليمان.، كان عددهم اكثر من عدد العازفين ، وبدأ المغني مزهوا وسطهم، والغريب انهم لا يظهرون الا في فقرة طه سليمان ويغيبون تماماً في الفقرات الاخرى
ويحيطون بالمغني طه بطريقة لن تلاحظها حتى عند اكثر ديكتاتور مكروه من شعبه....
يا طه يااااخ كان ما حمتك محبة معجبيك فلن تحميك اقوى جيوش العالم....
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: nadus2000)
|
الاخ العزيز
nadus2000
تحياتي
| Quote: طه يااااخ كان ما حمتك محبة معجبيك فلن تحميك اقوى جيوش العالم |
استفزني منظر الحراس من حوله ولكن عذبني تغير اغنية سيد خليفة اكثر .
المبدعين لا يحتاجون لحماية من جماهيرهم هل شاهدت مع عركي او مصطفي او وردي
او ود الامين حراس كما فعل طه سليمان الذي لايمكن مقارنته .
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: mohmed khalail)
|
الاخ العزيز محمد خليل
تحياتي
| Quote: بس ملحوظة صغيرة طه لا يلام وحده ولكن الجهة المنظمة بالطبع يجب ان تتحمل ما يليها من مسؤلية فما طه لهؤلاء الا غاية لجني ما تيسر من جيوب المغتربين |
شكرا علي رفع الاغنية الاستعراضية التي تهدم
هوية شعب .
المسئولية يتحملها المنظمون ولكن اعتقد انهم
تجار لا تهمهم المافظة علي الموروث بقدر يهمهم
جمع الاموال.
المسئولية تقع علي القناة التي بثت الحفل
ثم اعادت بثه للمرة الثانية .
دون ان تحس بغيرة علي قيمنا .
واظن من سجل الحفل وبثه
هم من طراز طه سليمان وشاكلته .
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: يوسف السماني يوسف)
|
Quote: حاول ان يغني تلك الاغنية بطريقة
اوبرتيه ومياعة تفوق مياعة
هيفاء وهبي ومعه ثلاثة من الفتيات
يرقصن رقص عربي بالرغم من سودانيتهن
ويتمايلن يمنة ويسرة ويلتحمن بكتف طـه
وهو ممسك بنصفه يتمايل .
|
اخي يوسف
مع احترامي لوجهة نظرك فاني اختلف معك
في اني لم ار اي التحام من الفتيات علي كتف طه سليمان في الفيدو الذي انزله الاستاذ محمد خليل
ولم الحظ اي ميوعه في اداءه
ولم ار اي عروبه في الرقص الذي تم
اما ان كان لك ملاحظة علي ادائه لاغنية سيد خليفه فهذا شان اخر
ولك ودي
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: طارق ميرغني)
|
الفكرة تماما ... وأحيي السلطان طه سليمان عليها ...
كان محتاج ليهو لي Art Producer و Chareographer متخصصين ... عشان يكسروا للشباب ديل حاجز الرهبة بتاعة المسرح ...
واضح انو الحكاية دي بى مجهودات هواة وليس محترفين ... لاكين فكرة جميلة خالص ...
في بدايتها .... اغتمّيت من عدم تنسيق أيّ حاجة ... في برود في العرض وجمود في الحركة وواضح انو كل الشباب ديل مهمومين بى احتمالات فشل التجربة ...
لاكين في النهاية ...
يا سلاااام ... بعد فكّوا اللعب ودوروا هجيج وإيقاع راقص ... يخلّو الواحد يتمنّى لو كان بدوا الشغل بى الروح دي ...
ولو كان كل الغنا السوداني بيتقدّم بالطريقة دي ...
(ما قلت ليكم الجهجهت باكاتكم دي بتكون شديدة ... طلعت شديدة لامن غلط)
... المهم .....
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: تبارك شيخ الدين جبريل)
|
شكرا تبارك , قلت العايزه أقوله بالضبط .
وين العيب في الأغنيه دي؟ او المياعه التمّ اتهام طه بيها؟ انا لقيت نفسي بتفرج على شغل مسرحي بحت
البنات حاولن يتحركن بسلاسه وفي النهايه اسمو رقص زي أي رقص قائم على حركات الجسم بهارموني مع الموسيقى
في شكل أداء جماعي ماشفت فيهو نشاز ! كان مظهرهم مهذب وراعوا تماما للبس المايجيب ليهم نوع هذا الانتقاد اللاذع
بدون داعي وبرضو جاهم , طه من وجهة نظري فنان شاب كويس ومجتهد وعارف يمشي على وين , بيختالف لكن بيطلع
شغل يطربك , ماضروري نحارب اي اختلاف ونقيف قصاد اي شكل مغايير عن الاتعودنا عليه بالعدوانيه دي ! لانو الفن السوداني
الماشي على نغمه وااااااحده ده لولا الشباب المختلفين الزي طه ديل ماحيفارق الخط الوحيد ده مهما اتقدم بيهو العمر وحيمسخ ..
الأصل يفضل أجمل من الصوره لكن مالو كمان لو بقت الصوره دي ملونه ومبتهجه ومنفتحه على كل الحضارات؟؟ رغم انو ماكان
في الفيديو اي تقليد للرقص العربي أو الشرقي مثلا ! داك شكلو مختلف , أداءو مختلف و أدواتو كلها مختلفه ..
الشباب ديل محتاجين منافذ ابداع وفروها ليهم من فضلكم , من حقهم يمارسوا فرصهم دون نقدكم اللاذع المحبط طالما ما أذوكم بحاجه؟؟
هسا الأغنيه دي أذت منو؟؟
تحيات وافرات للجميع وكل سنه والكل أفضل والغُنى أطعم والحياه أجمل ..
المهم :-)
- تبارك في ثوب جديد - :-)
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: د.نبراس)
|
تحياتي أخي يوسف وجميل أنك أثرت هذه الملاحظة ، ولكن دعنا نستغلها
لمصلحة أن يكون أداء أغنياتنا على هذه الشاكلة الإبداعية الراقصة،،
فعلاً لم يكن في الأغنية أي ملمح لميوعة أو سفور، بل بالعكس جاء الأداء
رائعاً وعلى ما أظن أن الأغنية مسجلة مسبقاً وتم التدريب جيداً على
الحركات المصاحبة،،
الأداء الراقص هو الذي خلق شعبية وجماهيرية سيد خليفة وأنا من
أنصار هذا النمط، الطروب وليس كما تفعل كل من سميرة دنيا
وعابدة الشيخ،، اصواتهن جميلة وتجويدهن عالي للغناء ولكن طريقتهن
المتجهمة تلغي أي علاقة بينهن والجمهور،،
حاول طه الاستفادة من شعبية الاغنية في منطقة الخليج لتقديم نفسه
وقد نجح بشكل كبير ،،
تحياتي ابو رامي،،
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: عبد اللطيف بكري أحمد)
|
الاخ عبدالطيف بكري
تحياتي
Quote: الأداء الراقص هو الذي خلق شعبية وجماهيرية سيد خليفة وأنا من
أنصار هذا النمط، الطروب |
اخي بكري اداء سيد خليفة الراقص له خصوصيته التي يؤدي بها
ولكن تجربة طه سليمان التي بنيت علي تجربه سابقة بدلت
كثير من ملامح الاغنية , لا نختلف ان الاغاني الراقصة هي
اكثر الاغاني تطريبا وتحريكا للمشاعر , ولكن طه سليمان
ان اراد تقديم تجربه جديدة عليها الاعتماد علي اغنياته الخاصة ,
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: تبارك شيخ الدين جبريل)
|
| Quote: ولو كان كل الغنا السوداني بيتقدّم بالطريقة دي ... |
ياتبارك شيخ الدين ايقاعات السودان كلها راقصه ولكن طريقة كل رقص تعبر عن
مورثات وقيم شعب , لو تعرفت علي ايقات السودان في الغرب تجدها ايقاعات راقصة وسلم موسيقي
مختلف عن بقية مناطق السودان . الجنوب قبل ما يفصلوها جماعتك ايقاعاته متميزة وراقصة وكذلك
الشرق , كل رقص يعبر عن موروثات شعب .
ولكن رقص صاحبك طه يا تبارك لا يعبر عن قيم سودانية ولكنه يعبر عن طراز هيفاء وهبي ,
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: طارق ميرغني)
|
الاخ طارق ميرغني
تحياتي
| Quote: اما ان كان لك ملاحظة علي ادائه لاغنية سيد خليفه فهذا شان اخر |
احترم وجهة نظرك ولكن الطريقة الراقصة
التي تقلد ولاتضيف للاغنية شئ بل اصبحت مسخاً مشهوه
سيد خليفةاداء هذة الاغنية بطرية راقصة جملية
وليس تقليدا للاداء الخليجي
اما الرقص الاوبريتي لا يوجد بينه وبين
اداء الاغنية اي تناسق او ترابط مابين
الاداء الموسيقي واللحن الاصلي للاغنية
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: يوسف السماني يوسف)
|
Quote: الجهجهت باكاتكم دي بتكون غنية جميلة ....
مسألة كراهيتنا لذواتنا وهويتنا وعداءنا للجمال دي بقت مسألة ثابتة ما عايزة ليها غلات زاتو ...
يا ناس حرام ... حرام ... حرام ...
انا ما غريب ... انا منّكم ...
|
تبارك المهم وين ياراجل وكل سنة وانت طيب
انا عايز اقول ياجماعة هي الاغنية زاتها لاتعني اي شيء في خارطة الغناء السوداني
من ناحية قيمة كلمات ولكن استطاع الفنان الراحل سيد خليفه ان يميز بها الشعب السوداني
وان تكون هي من ضمن الاغاني القليلة التي تعرفها باقي الشعوب عن الاغاني السودانية
هسة بجينا دخل مدير لبناني بسلم علينا بطريقة الزيكم كيفنكم ما لانه معجب بالفنان الراحل سيد خليفة
بل لسهولة التعبير وحلاوته وفي محله ..
دائما الفنان طة سليمان لاينظر للقيمة المادية اكثر من نجاح العمل بدليل جاب فرقة راقصة تشاركة العمل
كان ممكن يكتفي بنفسة ويخرت العداد كلة في جيبو مالو ومال الهم البمبي
على قول اخونا الفنان طارق ميرغني( ابو الفن ) لايوجد في العمل مياعة ولو انه لم يعجبني
بل هذا مجهود من الشاب ويقدر علية ولكن ممكن ننقد طريقة الحرس التي يتحرك معه في اي مكان
غايتو عن نفسي العمل دا ماعجبني شديد لكن فكرتة حسب التطور الحاصل حولنا مجهود جميل
طبعا نحنا وناس طارق ميرغني ديل الواحد لو ما غنى لينا بكبريتة وكباية او مثلت ما بطربنا ذاتو
ياجماعة يجب ان ندع الشباب يقدم ماعنده اما نجح اما فشل ما نقعد نقيف ليهم في حلقهم في اي شيء
يوسف السماني ياولدنا لازم الغناء يكون فيهو شوية حركة وعمل رقصات جماعية مركبة
وكل سنة وجميع ضيوفك طيبين
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: سفيان بشير نابرى)
|
العزيز سفيان باشري
تحياتي
| Quote: انا شايف عكس كلامك دا تمام |
هذا طبيعي ياصديقي اختلاف الاذواق هو الاصل وما عداه فروع .
Quote: شايف انك بتحاسب و تحاكم طه
و عايزوا يعيش في زمن حقك انت
و تصادر منو زمنو و حاجاتو . |
عزيزي سفيان انا لا احاكم طه بل احاكم ادائه لاغنية
لفنان اخر وضع بصمته عليها .
اما الزمن الذي تعنيه فانا اعيش في ايقاع الزمن الحاضر
مع محافظتي علي الموروث الذي اعتز به كثير .
بعدين ياسفيان انا وانت اولاد زمن واحد ولكن تختلف
مشاربنا وزمن طه مازلنا نعيش فبها بعقولنا وفكرنا
وان تجاوزناه عمراً.
Quote: الخارجيه و دا بظهر في لبسوا
و شكلوا لانو هو عارف تمام انو
بعبر عن منو . |
للاسف اني اري عكس ذلك تمام.
من خلال البس الشفتو في الحفل
الزول داء بنقصو الكثير ليبني
لنفسه مجد او تجربة متميزة اول حاجة يعملها
يبعد البودي قارد ديل لان محبة الجمهور لا تحتاج لحماية .
تخريمة
ياسفيان حبك ل طه خلاك تنسي ترد التحية .
الحفل دا
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: وليد عبد اللطيف)
|
الاخ / وليد عبدالطيف
تحياتي
Quote: غايتو عن نفسي العمل دا ماعجبني شديد لكن فكرتة حسب التطور الحاصل حولنا مجهود جميل
طبعا نحنا وناس طارق ميرغني ديل الواحد لو ما غنى لينا بكبريتة وكباية او مثلت ما بطربنا ذاتو |
الايقاعات الراقصة هي اكثر الايقاعات تطريبا في الوقت الحالي واتفق معك ان لكل تجربة جديدة
يجب ان تبني علي عمل جديد لم يسمعه المتلقي من قبل حتي لا يقارن بين الاداءين .
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: يوسف السماني يوسف)
|
لا حولا
تعليقي الاول بنيتو على لقطة صغيرروووووووووووونة بتاعت دعاية
لكن نشكر اخونا الجاب الفيديو، ليييه كده ياخي
قلنا الطمبجة ليييه؟؟ لييه نمشي ننجر لينا رقصة عشان لسه محتاجين نظبطها وشوية مين كده قرافي اصحاب تبارك
يجو يظبطو الشغل؟؟
ما احنا قاعدين نرقص لينا 7 الف سنة ومظبطينو وحافظنو وبنجيده وماشي مع مزيكتنا وبعبر عن مضمون غنانا
يعني لمن يغني الشوايقة ويجيبو سيرة الحمام والوزين وتجي الشايقية من هناك مدليه يديها ومادا سدرها ليييي قدام
وتدي الرقبة تنيه بالرحكة البطيئة، ما خلاص، تاني في شنو، اللوحة اكتملت، صوت وصورة وموسيقى ورقص تعبيري
قدر ما حاولت القى حركة في الرقصات تعبر عن كلمة "ازيكم" ما لقيت، الا نكون احنا يابانيين، لانهم بنحنو لمن يسلمو على
زول
وجات حركة تانية لمن يمدو يدهم لقدام قالبين باطين اليد لاعلى واليد ذاتا مرتفعة وكانه ما بسلم على ناس ويقول ليهم ازيكم
بعد شوية في جماعة رقصوا بريك دانس لمن الشغل سخن، وفجأة بعد البريك دانس بتاع الاولاد البنات قلبو رقيص شرقي بالهب بتاعهم
اذانا اذية
لكن نقول شنو، هو حر، يعمل الدايرو، وانا حر انكرو لو زول قال لي دا رقيص "سوداني"
اضف الى ذلك ملاحظة اخرى، اين كان تفاعل الجمهور "كانهم خشب مسندة" دا ما براهو تقييم لايف ولا يكذب
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: أحمد ابن عوف)
|
أذاكم؟؟ لا كان كدي يعتذر طوالي على ما أصابكم من أذى :-) أصلو الحكاية ذوق وتذوق والمتلقي له كامل الحق
يعحبو او لا , أي واحد له رؤيته وانا عن نفسي ماشفت بشاعه او نشاز , وده مابمنع عدم استساغة متلقي آخر
لكن كمان مايحبروهم يايرقصوا رقبه
يامايرقصو !! انا عن نفسي مع كامل احترامي للتراث رقص الرقبه ده بشوفو شين شناه وعوير عواره !
وفي ظني دي من أسباب انغلاق الأغنيه السودانيه ومحدوديتا وعدم قدرة الآخرين لقبولا , لأنها مامفهومه ,
ومرات أتقل من اللازم واذا صاحبها رقص بيكون أتقل من المعقول زاتو !
الأثيوبيين مثلا عندهم أجمل رقص وحتى رقص الرقبه ده عندهم فيه ديناميكيه غريبه وخفه ورشاقه تخليك تتابع
التحركات حركه بحركه ورغم ان كلمات الأغنيه بتكون غير مفهومه لكن مابكون في ملل في تكرار سماع
أغنيه ورا اغنيه وحبذا لو كان مصاحب للأغنيه فيديو عشان تتفرج على الرقص .. الهنود نفس الشي عندهم
خفه شديده في الرقص وهكذا , حضارات كتيره لقت قبول اكتر عشان طريقة التوصيل كانت أذكى وأطعم وبالتالي
أكثر استساغه ..
عموما شكرا على اتاحة الفرصه لابداء وجهة نظر تتحمل الخطأ والصواب , وعلى فكرة يا أستاذ يوسف
أنا أخت بالمناسبة :-) ومع ذلك تحياتي .. تبارك , دي ذكرتني بالملكة المتوجة بتاعتك ديك :-)
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: د.نبراس)
|
د. نبراس
تحياتي
دللللللللل
| Quote: انا عن نفسي مع كامل احترامي للتراث رقص الرقبه ده بشوفو شين شناه وعوير عواره ! |
تراث وفلكلور اتبنى عبر مئات السنين وبعد ده كله يطلع عوارة؟؟ يحول لعناية ود جبرين
| Quote: أذاكم؟؟ لا كان كدي يعتذر طوالي على ما أصابكم من أذى :-) |
لا لا لا، يعتذر لييه، ومنو القال هو غلطان؟؟ غلطانيين احنا الخلينا فنان زي يتمدد في الساحة كيفما يشاء
| Quote: ومرات أتقل من اللازم واذا صاحبها رقص بيكون أتقل من المعقول زاتو ! |
ما مشكلة، نجيب الاستاذ عبدالقادر سالم والتيم بتاعه ولوخشبة المسرح ما مؤمن عليها احنا ما مسئولين
مما قد يصيبها جراء الخفة والرزعي للواطة
| Quote: وفي ظني دي من أسباب انغلاق الأغنيه السودانيه ومحدوديتا وعدم قدرة الآخرين لقبولا |
اييييهههه من سيرة البحر
يا دكتورة، انا فصلت بالتحديد الما عجبني في الاغنية دي شنو
قولي لي ياخي انت غلطان وما عندك نظر، كيف تقول ما لقيت حركة تعبر عن كلمة "ازيكم" في كل الوهمة السووها دي؟؟
قولي لي ياخي انت غلطان، كيف تقول الناس كانهم خشب مسندة؟؟ ماك شايف الهجيج والناس ما عرفت تقعد في كراسيها
قولي البريك دانس بتاع الاولاد وشغل الواحدة ونص (ان صحت التسمية) بتاع البنات كان متناسق تماما مع المزيكة واهم حاجة
متناسق مع "كيفنكم"
تحياتي
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: أحمد ابن عوف)
|
Quote: ما احنا قاعدين نرقص لينا 7 الف سنة ومظبطينو وحافظنو وبنجيده وماشي مع مزيكتنا وبعبر عن مضمون غنانا
يعني لمن يغني الشوايقة ويجيبو سيرة الحمام والوزين وتجي الشايقية من هناك مدليه يديها ومادا سدرها ليييي قدام
وتدي الرقبة تنيه بالرحكة البطيئة، ما خلاص، تاني في شنو، اللوحة اكتملت، صوت وصورة وموسيقى ورقص تعبيري |
والله البيقرا الكلام دا يقول انتو مقطّعين نفسكم في حماية ونشر وتطوير الفلكلور بتاعكم ... وانتو من الرحط وصلتوا مرحلة الحجاب التحت التوب ... ومن المخلوف وصلتو مرحلة الجلابية باب الحمام والعباية والبدلة الإشتراكية ... ومن الاعراس البتدوّر اسبوع وعشرة يوم بقيتو بتفرتقوا الحفلة الساعة حداشر ... هريتونا في التلفزيون وشردتوا لى محطات الديجيتال التانية ... هريتونا بالثقافة المركزية والسجم رماد والعروبة والإسلام ... ياخي في راجل بيفتي انو يوقفوا برنامج اغاني واغاني في رمضان ... جايين تعملوا فيها بترقصوا ليكم سبعة ألف سنة؟
تاريخياً أي نعم كنتوا بترقصوا ليكم سبعة ألف سنة ... لاكين اعتزلتو الرقيص وطلعتوا على المعاش وبقى الرقيص بالنسبة ليكم مصنّف قلة ادب ليكم سبعمية سنة ...
البشير لامن رقص في ناس قالوا لا يليق برئيس يرقص بالطريقة دي ... وفي ناس مؤيدين البشير عشان الشريعة ... وناس مؤيدين الشريعة لى درجة شايفين الرئيس بتاع رقيص ساكت ... وكلهم يقولوا دايرين دولة مواطنة مدنية تحترم التعدد وابقى راجل جيب سيرة العلمانية قدامهم ... هسى جنهم قابل طه سليمان ... والله النصيحة بتتقال:
الغنية سيد خليفة عملها بفكرة جسر ثقافي مع شعوب تانية ... ومصممة أصلاً للخلط بين ايقاعات سودانية وعشرة بلدي (وهسى توزيع طه سليمان فيهو إيقاع تالت وسيط) وما فيها حاجة لو فيها رقيص ما سوداني ... فكرة شغل طه سليمان بتاعة تلاتة راقصين (التويا) وتلاتة راقصات في المسرح فكرة جميلة ... التوتر والإرتباك هو البوظ الشغل في الأول ... لاكين الشغل دا في نهايتو شغل فريد ما مرّ على الغنا السوداني من زمن احمد المصطفى بيغني مع الشحرورة صباح ... انتو بتهظروا ولاّ شنو ... قصة انو السوداني يكون عندو عداء مع الجمال دي قصة عادية وما عندي أي مشكلة معاها ... لاكين كتّر خير طه سليمان التعبان معاكم جمالياً عشان يخرجكم من انحطاط فرفور وعبدالحي يوسف ...
... المهم ....
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: تبارك شيخ الدين جبريل)
|
اها يا دكتورة نبراس
شوفت تبارك وسيرة البحر لوووول
وبه المستعان
| Quote: هريتونا بالثقافة المركزية والسجم رماد والعروبة والإسلام ... ياخي في راجل بيفتي انو يوقفوا برنامج اغاني واغاني في رمضان ... جايين تعملوا فيها بترقصوا ليكم سبعة ألف سنة؟ |
رويدك يا تبارك وانظرنا نخبرك اليقينا
كدي اولا لو حصل صادفت لقيت ناس العروبواسلامية ديل في اي ملف ناديني بالله عشان نتصرف معاهم، باقي عندي معاهم حساب تقيل
انا ما عرافك هنا قاصد منو يا تبارك
| Quote: تاريخياً أي نعم كنتوا بترقصوا ليكم سبعة ألف سنة ... لاكين اعتزلتو الرقيص وطلعتوا على المعاش وبقى الرقيص بالنسبة ليكم مصنّف قلة ادب ليكم سبعمية سنة ... |
لكن على المستوى الشخصي، عندي حت داير احتو مع الغرابة واشيل صفارة وتيييت تييت تيييت وادك الواطة دي لمن دستوري ينزل
ان شاء الله في الخرطوم تلاتة
| Quote: لاكين كتّر خير طه سليمان التعبان معاكم جمالياً عشان يخرجكم من انحطاط فرفور وعبدالحي يوسف ... |
طيب احنا من الصباح بنقول في اييه، مااا طه سليمان دا زااتو انا مصنفو جزء من الجوقة العجيبة
تحياتي
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: أحمد ابن عوف)
|
| Quote: هريتونا بالثقافة المركزية والسجم رماد والعروبة والإسلام ... ياخي في راجل بيفتي انو يوقفوا برنامج اغاني واغاني في رمضان ... جايين تعملوا فيها بترقصوا ليكم سبعة ألف سنة؟ |
تبارك شيخ الدين نحن من يكافح سيادة ثقافة المركز والاعتراف بالتنوع الثقافي الذي يميز
السودان عن بقية شعوب العالم . اما المؤتمر الوطني والانقاذيين هم يرسخون لسيادة العروبة ولاسلاموية ,
والغريب في الامر ان تبارك شيخ الدين اكثر المدافعين عن المشروع الحضاري الانقاذ , سبحان الله الراجل دا مهكر شكله .
| Quote: تاريخياً أي نعم كنتوا بترقصوا ليكم سبعة ألف سنة ... لاكين اعتزلتو الرقيص وطلعتوا على المعاش وبقى الرقيص بالنسبة ليكم مصنّف قلة ادب ليكم سبعمية سنة . |
مازلنا نرقص وسنرقص حتي بزوغ فجر الخلاص من الاسلامويين الذين تساندهم بكتاباتك وارشيف المنبر شاهد
علي تناقضات مداخلتك هذة وما كتبته بارشيف المنبر . وتذكر مناشدات تماضر لك بالكف عن مساندة
الانقاذيين .
| Quote: لاكين كتّر خير طه سليمان التعبان معاكم جمالياً عشان يخرجكم من انحطاط فرفور وعبدالحي يوسف |
تبارك شيخ الدين هل مداخلتك هذه هي ارتداد عن مساندة الانقاذيين ودعوة لتغيير النظام الذي
نعارضه منذ 23 عاما.
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: أحمد ابن عوف)
|
مرحبا أستاذ أحمد ,
المسألة مسألة تذوق زي ما اتفقنا وزي ما شنفت لينا ولدنا أها انا كمان قلت رأيي :-)
لما ترقص امرأة سودانية رقبه وأعاين ليها من قريب بلاقي وشها جامد ومصطنع كأنها لابسه قناع لأن المجتمع بطالبا بكده
انها تتحفظ وما تبدي مشاعرا زي ماهي وان كانت طربانه, المجتمع عايز يطلع امرأه بالشكل ده لأنو بيفتكر
انو ده هو الصاح, غير كده بيبقى عيب , السودانية لو رقصت في عرسها بتغمض ! ودي بعلموها ليها عشان عيب تعاين
في الحضور , دي ثقافة مجتمع كامل .. لكن ده مابيعني انو أي ثقافة غيرها هي معيبه !! وكتير جدا من ثقافاتنا قدرنا نعرف
أخطاءها واتوقفنا عن ممارستا , انا مابقول النساء يبطلوا يرقصوا رقبه , انا بقول العايز يرقص بطريقه تانيه يرقص :-)
في الفيديو -المظلوم ده- البنات كانوا بيفتحوا ايديهم بما يعني أهلا , وده كان منظر جميل بيشبه كلمات الأغنيه وبيقول للناس ازيكم يبقى وين النقص؟
انا شفت أكتر من تلتين شخص طربان , من طفل لشاب لشابه لسيده لرجل , فيهم المبنهج المبتسم البيصفق وحتى البيتمايل ويرقص من مكانو يبقى
كيف الجمهور ما اتفاعل؟؟
بعدبن حقيقة انا مابعتبر انو طه سليمان او اي فنان بيأدي لطريقتو حصل على اذن عشان يتمدد في ساحة الغنا , انا بشوف انوقبول الناس ليهو
هو السبب وده دليل نجاح :-)
وأخيرا يا أستاذي الكريم العفو منك والسماح , كيف أقول ليك انت ماعندك نظر ؟؟ يا أستاذي حضرتك كلك نظر ورأيك مكان احترام وتقدير
وفوق الراس كمان , لكن نحن هنا بنتحاور وبنسمع بعض :-)
لك من التحيات الأوفر ..
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: د.نبراس)
|
نبروسة ... قريت كلامك قلت ما شاء الله ... مشيت البروفايل - ونادراً ما امشي انبش ليّ بروفايل زول - قلت أجي!
أها النوريك زيادة ... الوش الجامد بتاع الرقيص وعيون العروس البغمّدوها ... كان في يوم الوش ضاحك وبشوش والعروس بترقص بفخار مش انكسار ..
الحاجات دي اهلنا الحبش لسة محافظين عليها ... لاكين امة لا اله الا الله دي .... بالغت ...
الاماراتيين الغنّى ليهم طه سليمان ديل ما هينين ...
بس ياهو الشعب الياباني الفضل (شعب الياباني) دا الممكن يشنّف اخلاق الدبيب لأنو ما بيمشي عديل ...
... المهم ...
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: تبارك شيخ الدين جبريل)
|
احبابي واخوتي
عامكم سعيد وايامكم اعياد
كل سنة والجميع بالف خير
الرقص من الفنون الادائية الراقية والاصيلة وهو لغة عالمية
لكل حركة دلالة ومعنى وتاثير على المشاركين والمشاهدين
والرقص في السودان دوره تفاعلي بمعنى ان الرقصة في اي زمان ومكان كانت لاتنفصل عن مشاركة الجميع فيها
الا ان انفصلت الحركات التعبيرية من مصادرها واصبح الفنون متخصصة لكل فن مؤدين متخصصين ومشاهدين له ..
الفنان الواعد طه سليمان وبعض الفنانيين الذين سيطرون على ساحة الغناء اليوم لهم مشروعهم الخاص في تطوير الغناء السوداني وطه سليمان له تجارب في الاغنية المصورة وقدم من خلالها صورة مغايرة وبهيجة حتى ولو اختلفنا في كلمات الاغاني وده موضوع شائك ومعقد حكاية شعر الاغاني والحانها وموسيقاها والتي لاينكر مكابر ان اليوم هناك فرق موسيقية ساعدت هولاء الفنانيين الشباب في صعودهم بتوزيع اغانيهم وتمرينهم على طرق اداء جديدة وبالتالي لابد من طرق عرض جديدة وطه سليمان حاول الدخول لممسرح من خلال اغنية مشهورة والغريبة اداها بصورة محافظة كثيرا على الميلودي الوضعو فنان الشعب سيد خليفة ودون مياعة والمتابع لاغاني طه وكلماتها بتأكد ان المياعة لايمكن ان تجد طريقها اليه . ثيحمد للفنان طه تقديمه نفسه بهذه الصورة الراقصة والتي تجعلنا نقف لمؤسس هذه الفرقة والتي قدمت العديد من الفقرات والتابلوهات تم ذكر اسمه اول السهرة ولم تتذكره احلام وهبي لنحيه التحية المقدرة له لجهده الخلاق في ان يؤسس لفرقة تقدم الرقص بانواعه حديث وقديم تراثي ومعاصر ..
المهم في الموضوع ان فكرة تقديم رقص مصاحب للأغاني قديمة وليست جديدة فمنذ ظهور الاغنية الحديثة في السودان وظهرت الفرق المصاحبة للفنانين تقدم رقصات تعبيرية واشهر راقصيها سابو وافريكانو وحيدر مدني والفرق الاثيوبية ونجد مثال في الاغاني المصورة لفنانيين حسن عطية وعثمان حسين ولابد من ذكر ان اول الاغاني المصورة ـ فيديو كليب تمت في السودان في الخمسينات وكان تصويرها بكاميرا سينمائية ..
نرجع لموضوعنا الأغنية قدمها طه بصورة جميلة وبسيطة واعتقد ان الكيوغرافي مصم الرقصة واتمنى من اهل دبي مدنا باسمه ـ اعتمد على حركات اساسية غير معقدة اقرب للحركات الرياضية وهي حركات سهلة تأديتها لفريق الرقص المدرب حديثا
وبدأ الأغنية بالحركة السودانية البحتة والتي يطلقوا عليها ( حركة الايادي الفرعونية )وهي حركة كوشية نوبية وبما ان الحضارة السودانية سابقة لغيرها من الحركات تكون هذه الحركة حركة سودانية بحتة
الحركات اعتمدت تفاصيلها من الايقاع ـ المصري واحده ونص الذي اتلحنت عليهو الاغنية لكن بالرغم من هذا لم ياتي المصمم بحركة واحدة مصرية في رقصته وانما اعتمد على الحركات التعبيرية التي تظهر الراقصين متوافقين في حركة واحدة منتظمة وسهلة كما بعد عن التعبير بتفسير الحركة للكلمات ماع عدا الحركة الثانية حينما مدو الايادي مع كلمة ازيكم
نسعى طول الوقت للفنان الشامل وحينما يقوم الفنانون بحركة تضيف لهم نقيم الدنيا ونقعدها
وتابع
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: محمد سنى دفع الله)
|
التحية للفنان طه سليمان
لبحثه عن التألق وارتياد تجارب جديدة تضاف الى فنه
وتواكب عطش معجبيه للجديد
والتحية لمؤسس الفرقة الراقصة التي اتمنى لها التقدم والازدهار والتطور لتقدم في مقبل الايام اعمال خاصة بها تدهشنا وتعيد فن الرقص الى دائرة اهتمام المشاهد السوداني
مودتي اخي الحبيب يوسف السماني وعامك سعيد وايامك كلها اعياد
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: محمد سنى دفع الله)
|
الاستاذ المبدع محمد السني دفع الله
تحياتي
Quote: والرقص في السودان دوره تفاعلي بمعنى ان الرقصة في اي زمان ومكان كانت لاتنفصل عن مشاركة الجميع فيها
الا ان انفصلت الحركات التعبيرية من مصادرها واصبح الفنون متخصصة لكل فن مؤدين متخصصين ومشاهدين له |
جميل ان يطل عبر البوست رجل مبدع مثلك حتي نستمع لوجة نصر فنية متخصصة توضح ما لا يلاحظة المشاهد العادي
نتفق حول رؤيتك اعلاة .
واعتقد ان ايقاعات السودان اغلبها ايقاعات راقصة ومطربة ومعبرة وان اختلفت من منطقة لمنطقة .
| Quote: الفنان الواعد طه سليمان وبعض الفنانيين الذين سيطرون على ساحة الغناء اليوم لهم مشروعهم الخاص في تطوير الغناء السوداني وطه سليمان له تجارب في الاغنية المصورة وقدم من خلالها صورة مغايرة وبهيجة حتى ولو اختلفنا في كلمات الاغاني وده موضوع شائك ومعقد حكاية شعر الاغاني والحانها وموسيقاها |
هذه شهادة اتمني ان تكون حافز للفنان طه ولا تكن خصما من ابداعه . امامسالة المشروع الخاص اختلف فيها معك ان الساحة الفنية حتي
الان لم يكتمل فيها مشروع جديد لفنان صاحب تجربة متفردة بالمعني الذي يمكن ان نصفه بتطوير مشروع الغناء السوداني , واعتقد ان موضوع
نقدنا هو اداء طه لاغنية فنان اخر لم يضف اليها ما يدعم مشروع التطوير الذي تتحدث عنه استاذ السني , لان طه حاول خوض تجربة
باغنية لفنان عملاق اوصل اغنياتي للمتلقي الخليجي قبل طه سليمان , اذا اراد طه سليمان تقديم مشورع ذاتي جديد يقدم فيه تجربه متفرده
كان عليه ان يصبغ التحربه علي اعماله الخاص وليس اعمال الاخرين .
| Quote: الحركات اعتمدت تفاصيلها من الايقاع ـ المصري واحده ونص الذي اتلحنت عليهو الاغنية |
اذا هذا القول ينسف كل ماقيل من تجربة سودانية تطور الاغنية السودانية لان الايقاع المصري غريب علي اذن وتقبل المتلقي السوداني اللهم
الا اذا كان طه سليمان يريد ان يغني لشعب غير الشعب السوداني . كان يمكن استخدام ايقاعات غرب السودان وهي اكثر اثراء من ايقاع واحد ونص
واغرب للمتقي السوداني والخليجي من ايقاع واحد ونصف .
حتي لا اظلم طه سليمان فلم استمع لمشروعه الذي تحدثت عنه استاذ محمد ولكني استمعت له من خلال اغنية ازيكم فلم تتقبلها اذني
وهذا ما جعل نقدي حاداً واستخدمت فيه كلمة مياعه واعتذر من استخدامي لها .
ان كان لـ طه سليمان مشروع لتطوير الاغنية السودانية عليه ان يبدا تجربته بالاعتماد علي اغاني خاصة يختار فيه الجيد من القصائد
ويحدد مشروعه الذي يريده ويترك تريد اغاني الاخرين . وعلي طه ابعاد البودي قارد ان اراد ان يصبح فنان شعبي كالعمالقة ,
ويستفيد من اصحاب التجارب المتفرده في الغناء السوداني .
لك الود محمد السني دفع الله
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: د.نبراس)
|
Quote: قدر ما حاولت القى حركة في الرقصات تعبر عن كلمة "ازيكم" ما لقيت، الا نكون احنا يابانيين، لانهم بنحنو لمن يسلمو على
زول |
تصدق يااحمد ابنعوف انا حاولت افراغ الكلمة من ذاكرتي حتي استمع لها من جديد
لكن لم اجد تناسق بين ايقاع الكلمة الايقاع الراقص الذي يشدني اليها .
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: د.نبراس)
|
د. نبراس
سلام
| Quote: أذاكم؟؟ لا كان كدي يعتذر طوالي على ما أصابكم من أذى :-) |
طيلة مشواري في الكتابة بهذا المنبر اتجنب السخرية من الاخرين مع اني
امتلك ادواتها.
الاذي يا د. نبراس ليس مادياً بل يتلبس فرو الحرباء كفيما جاء
ووقع في النفس يأخذ شكلها .
لك الحق ان تحبي اداء طه سليمان كما لن الحق في نقده دون ان
نجرح مشاعر الاخرين . وطه فنان النقد يفيده اكثر من الثناء لوادرك ذلك .
| Quote: أصلو الحكاية ذوق وتذوق والمتلقي له كامل الحق |
قطعت نبراس قول كل خطيب .
اذا لا داعي ان تعتذري لنا.
Quote: وفي ظني دي من أسباب انغلاق الأغنيه السودانيه ومحدوديتا وعدم قدرة الآخرين لقبولا , لأنها مامفهومه ,
ومرات أتقل من اللازم واذا صاحبها رقص بيكون أتقل من المعقول زاتو |
اعتقد هذا الكلام غير صحيح لان انتشار اغنية او ثقافة شعب تتم عبر الوسائل الاعلامية التي تبث تلك الثقافة
وليس والفنان وهنا ياتي تقصير الاعلام السوداني في القيام برسالته .
اما معاني الاغاني السودانية اجمل من كثير من اغلب الاغاني العربية والدليل ان الاغنية التي يؤديها طه سليمان قد
وصلت لاسماع الخليجيين منذ زمن بعيد وحفظوها وتجاوبوا معها, والاغنية السودانية ذات مدلولات والان كثير من
التجارب الجادة في العالم العربي تبحث عن الاغاني السودانية وتجربة الشباب السوري في اداء اغاني للكاشف .
يدلل علي ذلك والنماذج كثيرة .
الاغنية ما تقيلة يا د. نبراس لكن السلم الخماسي الذي تؤدي به معظم الاغاني هو السبب مع ان هنالك ايقاعات خفيفة
وسلم سباعي في غرب السودان راقص والراب السريع الايقاع نجده في دارفو .
Quote: وعلى فكرة يا أستاذ يوسف
أنا أخت بالمناسبة |
معليش يادكتورة نبراس ما قاعد ارجع لبورفايلات المتداخلين .
ولكن كلمة دكتور كلمة اعجمية حمال اوجه تحتمل التذكير والتأنيث.
ورغم ذلك لك الود
| |
|
|
|
|
|
|
|
|
|
Re: آآآآآآآآآآآآآآآآآآخ طــه سليمـــــان لا........ (Re: يوسف السماني يوسف)
|
ما جابت ليها خلاف يا زملا .. اول شي إزيكم كيفنكم
الأغنية جميلة ..طه غناها بطريقة شوية مستحدثة.. يمكن الحداثة فيها طابع ما سوداني عشان تتماشى مع ذوق الغير سودانيين..ما بعرف دي مشكلة و لا لأ
لكن الأغنية عجتني ..الإستعراض في الأول برضو ما بطال .طبعاً شي برضو مستحدث يعني جديد علينا..نحنا بنعرف الرقبة و العوم و الصفيق و البشيير
- لكن و اقصد - العرض - في النهاية بقى ما عنده معنى - طبعاً من وجهة نظري الشخصية- و ما لاحظتا اي مياعة و طقيش بالأكتاف و انما في شوية غرابة في نطق
الكاف و الميم في إزيكم كيفنكم .. برضو ما بعرف.. ده ربما يكون إستحداث مجهول القيمةبالنسبة لي .. لكن و من الآخر كده الأغنية جميلة و طه ما شاالله عليه
انيق و متألق .. مع إحترامي للرافضيين فكرة التغيير الأنا بشوفا إستحداث و غيري بشوفا تشبه بأغاني الغير.
| |
|
|
|
|
|
|
| |
يوسف السماني يوسف
أحمد ابن عوف
تبارك شيخ الدين جبريل
ياسر السر
nadus2000
mohmed khalail
وليد عبد اللطيف
سفيان بشير نابرى
Magdi Ahmed Elsheikh
محمد سنى دفع الله
اساسي
فدوى الشريف
سناء عبد السيد
فيس بوك
تويتر
انستقرام
يوتيوب
بنتيريست