|
Re: وآآآآ شناتي .. وآآآآ شناتي .. وآآآآ كضومي .. (Re: خضر الطيب)
|
يا خضر .. عليك الله في بيوتكم الذي بيت الكبريت دي الواحد زاتو بتحسس كان قعد اكتر من تلاتة يوم .. ياخي عربيتي دي لو كان شلتها معاي كان اجرتها فندق خمسة نجوم .. الواحد لو مشى ليهو لناس ضيف يكون لامي كرعينو عليهو عشان كان مداها ممكن تخش اوضة النوم و تصحي الشفع .. و الله احسن ليكم اكون ساكت .. ديمقراطية شنو في الضيق دا .. بلد كلها عبارة عن "حبيبي مفلس" .. اما بالنسبة للاخت لمبادا .. انت اصلو ما صمت رمضان .. !!
.. ..
وليد عبد اللطيف .. انت ما سمعت بالقول بتاع " فأما بنعمة ربك فحدث" .. زول شين ذي خضر دا محروم من النعمة دي ..
| |
|
|
|
|
|
|
Re: وآآآآ شناتي .. وآآآآ شناتي .. وآآآآ كضومي .. (Re: humida)
|
الفن في السودان .. فن بتاع مضمون .. يعني الفنان دا ما تعلق عليهو .. ركز في الكلمات بس .. اتحفنا ود الامين ( اب صلعة ) .. و عثمان حسين .. و آخرين شينين تعلمونهم .. و الي عصام نور .. باداء مقنع غطا علي شناتهم .. و قلنا ياخي خليك في المضمون .. و ما تبقى سطحي .. في الاونة الاخيرة انتشرت الاغاني الهابطة و اختفى اللحن و الكلمة الجميلة .. و بقت الشناة علي حالها .. كمرتكز اساسي في الغناء السوداني .. و كمان شنو .. نسوان ما رجال .. اجي يا القرد ..
| |
|
|
|
|
|
|
Re: وآآآآ شناتي .. وآآآآ شناتي .. وآآآآ كضومي .. (Re: humida)
|
اي فنانة سودانية بتغنى اغاني تراثية او حماسية بيكون عندها كرش .. هل الموضوع دا ليهو علاقة ببتاع البيز الواقف وراها .. لانه البيز بحتاج فراغ .. عشان تضخيم الصوت .. و مرات الصيوان بيكون ضيق ..
.. ..
البهدلة عنوان اساسي .. حفلة نصة نهار .. و الشمس في كبد السما .. تجيك لابسة فستان سهرة و ممكيجة .. و كلو كوم و ظلال العيون بتاع سميرة دنيا كوم .. !!
| |
|
|
|
|
|
|
Re: وآآآآ شناتي .. وآآآآ شناتي .. وآآآآ كضومي .. (Re: humida)
|
في فنانة ( فنانة شديد ) .. من فناني المهجر ذي ناس جبران خليل جبران .. كل ما اشوفها بتذكر ديدي دروغبا .. ما عارف ليه .. و بقعد اتخيل انه في اي لحظة ممكن تجيب قووون ..
.. ..
شيرين .. الفنانة المصرية .. و عشان ما تقولوا دي خلقة ربنا و دي حقارة منك .. مجرد ما استلمت الكاش البقلل النقاش .. مشت استحمت طوالي .. ( يوجد صور ) ..
| |
|
|
|
|
|
|
Re: وآآآآ شناتي .. وآآآآ شناتي .. وآآآآ كضومي .. (Re: humida)
|
Quote: دا لو قعد سنه هنا بمشى عريااااااان |
ياخضر انا زاتي كان جيت وشفت الكلام دا اليوم التاني انا زاتي بمشي عريان تقول لي سنة ( السعودية بنين ) ههههههه لكن كلامك ذكرني عندنا واحد في البلد شاف ليهو بت قاطعة من السماحة وحلف إلا يعرسها فوق مرتو رسلو لعمه في الخرطوم عشان يجي يقنع الولد وما يعرس عم الولد وصل البلد وقعد يتكلم معاهو الولد قال ليهو : والله ياعمي انت كان شفتها انت زاتك تقول عايزها لنفسك
Quote: و كلو كوم و ظلال العيون بتاع سميرة دنيا كوم .. !! |
دي بالغت فيها انا قلت سميرة دنيا ياربي طالعة من شكلة ولا شنو
| |
|
|
|
|
|
|
Re: وآآآآ شناتي .. وآآآآ شناتي .. وآآآآ كضومي .. (Re: خضر الطيب)
|
Quote: وليد عبد اللطيف .. انت ما سمعت بالقول بتاع "فأما بنعمة ربك فحدث " .. زول شين ذي خضر دا محروم من النعمة دي . |
Quote: شيرين .. الفنانة المصرية ..و عشان ما تقولوا دي خلقة ربنا و دي حقارة منك .. مجرد مااستلمت الكاش البقلل النقاش .. مشت استحمت طوالي .. ( يوجد صور ) .. |
حميدة غايتو حاولت طلعت ليك تاني اجمل صورة تخصك من الارشيف بتاعي لكن شكلها قبل ماتتحدث بالنعمة وقبل ماتستلم الكاش وتمشي لندن كمان انا طبعا اخترت ليك دي عشان شايف ناس خضر ومحمد النيل ديل لابتين ليك كمان لو ماعجبتك ممكن اديهم واحده تانية من القالب فيهم هوبه ديك
| |
|
|
|
|
|
|
|