و الله يا ثروت حسيت بمبادئ دوغمائية بعيد عنك .. معاها شوية اعراض خطاب ديماجوجي .. و تكلس في شرايين الفكرة .. قلت في عقل بالي .. يا ود يا قيقا ليه ما تعمل ليك نيو لوك على سبيل التغيير ساي .. المافي شنو!؟
01-02-2012, 10:06 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
ما تبقى عليك حكاية الغراب الداير اقلد الطاؤوس في قدلتو ما قدر غلبتو حاول ارجع لمشيتو القديمة نساها من كترة التقليد اها ليوم الليلة اعرج لا اذكر مشيتو ولا لحق قدلة الطاؤوس . . قيقا صاحبي اعمل حسابك وخليك في اولد لكك دا
01-02-2012, 01:09 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
يا ود البوش يا فردة ياخ سئمنا ياخي! لازمن و حتمن و لا بد من التغيير
Quote: ما تبقى عليك حكاية الغراب الداير اقلد الطاؤوس في قدلتو ما قدر غلبتو حاول ارجع لمشيتو القديمة نساها من كترة التقليد اها ليوم الليلة اعرج لا اذكر مشيتو ولا لحق قدلة الطاؤوس
في سياقن متصل ..
واحد كان نخرتو طويييلة .. اطول نخرة في القرية.. اها الجماعة شايلين حسو بيها .. رغم انو ما سواها هو! اها واحد كدا قام وراهو انو في قرية جمبهم ناسا كوللللهم نخرينم طويلة .. و نصحوا يمش يعيش فيها .. و قد كان .. كان انو مشى .. لكن انقر قدر يعيش فيها!؟ لقاهم نخرينم اطول ما يكون .. اطول من اللازم لشنو ما عارف .. عوارة بس!! اها برضو بقى مضحكة القرية - التانين ما الاولانيين- شغاليني ليو: عامل نخرتك القصيرة دي!
ما يستفاد من هذا الحديث:
ولا شئ!
حكيتا ليك قصاد حكوة الغراب المتطوس دا .. بس
-----
و صراحة كدا امس اشرت للقصة دي في بوست .. و عشان الملل، اكتفيت بالاشارة و ما حكيتا اسي قلت بسسسسس جات المناسبة المافي شنو!؟
اسي ابنخرة دا عندو امل في نيو لوك .. ول ننصحو احسن ليو يكسب الزمن ينتحر طوالي
01-02-2012, 11:17 AM
جمال الباقر جمال الباقر
تاريخ التسجيل: 12-14-2008
مجموع المشاركات: 2237
ياخ انت مستبعرني ليه يا هندسة!؟ و الله دي حقارة منك ساي بس (بكسر الباء)! ياخ مش ممكن يكون منك ما مني!؟ انت بتحس .. انا ذنبي شنو!؟ يعني اسي دي انا ابطل شغلتي و اقعد بس اراعي احسيس الناس!؟ اصلو شنو هو!؟ كلو زول يبقى عشرة على احاسيسو ياخي!
ثم منو هو ذاتو القال ليك اني (بفكر) اتغير قريب!؟ اسي الراميو جمل منو فينا!؟
اصلو الحبشي ما غلطان عليكم .. كلو كلو
01-02-2012, 03:49 PM
Mahmoud Mustafa Mahmoud Mahmoud Mustafa Mahmoud
تاريخ التسجيل: 11-26-2004
مجموع المشاركات: 4325
كلها اكلشيهات جاهزة .. و صور مسطحة مستهلكة و مسهوكة .. سهتاااااااااانة! مسييييييخة .. ما بتضوق ليها طعم ذاتو . تحسي بيها سكند هاند كدي دائمن!
كدي شوفي ولدنا دا لكن :
{ قصاصة بتحمل وصف البيت . . في شارع الوجد }
تحسب تنهيدة وتنهيدة .. ح تقابلك ساحة من الاشعار وتقودك لي لحظة جديدة .. ح تلقي طريق مرصوف بالغيم شبورة علي ضحكة وليدة ما تسأل زول ما تدق علي باب القلب شديد وادخل بشويش .. لا يحسوا الديش
خالد عباس الطاهر .. خالد مونيكا
------
حاسي انو في نص (حداثوي) ح يكتبني قريب فترقبووووووووووووه
01-02-2012, 08:52 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
و بي كدا نكون عملنا اتفاقية بنظام رابح + رابح .. و الجميع يكون مبسوط .. و متع نفسو .. المافي شنو!؟
بس كلم لينا (المهندسين) ديل .. شكلهم قاعدين يجيبوا مشاعرم معاهو في ي ي بورد من لا بورد لهو دا! المشاعر داخل البورض على مسئولية صاحبها .. مافي ضمانات بتتكرمش
------
بعدين يا عمك بطل قيادة باهمال .. بتودي لينا البوست دا الخور بسواقتك دي!
01-02-2012, 05:08 PM
Magdi Ahmed Elsheikh Magdi Ahmed Elsheikh
تاريخ التسجيل: 03-11-2008
مجموع المشاركات: 7720
بالمناسبة حموودي عمل النظرية دي وشلت حاله ذات بوست
يا قيقرا نيو لوك شنو يا معلّم , مالك داير تجهجهنا - قرّاءك ومعجبيك و الشمشرجية عنهم ابوحتوت - اعتدنا على اللوك الحالي بامتاره و وشوشه ولنكاته و هووو كيرزاته و المافي شنوهاته و جمله ... إلخ فما تمقلبنا بالله
01-02-2012, 09:48 PM
اسعاد محمدانى اسعاد محمدانى
تاريخ التسجيل: 11-10-2011
مجموع المشاركات: 212
الرفيق قيقا تحياتي مالك خلقتك معقوله والنوع بتاع وشك دا مرغوب في سوق الجكس المعاصر ولاأنت موعود بوظيفة في الفضائيات السودانية ولا شنو ما علينا المهم أنا طبعا بعد كلامك دا قمت دعيت تلاتة الليلة واحد (حلاق) والتاني (فنان تشكيلي )والاخير (زوال ذواقة في مسألة الجمال عموما) وكان الاقتراح الاول هو أن ترسل صورة لقيادة المشروع وبعدها نحدد وين العيوب الظاهرة ومنها نبدأ الاجتماع الجاد يوم الخميس وأقرب شكل مقترح وهو شكل الفنان ......! أطنك عرفتو خلاص موافق نبدا نرسم ...... ولا أنت ح ترسل مقترحات المهم الصورة بأسرع فرصة عشان ما تعمل لينا قلق متين وليه ما أنتهي العمل وأنت عارف مشاغل الاخ أبو الزهراء
01-02-2012, 11:12 PM
ود الخليفه ود الخليفه
تاريخ التسجيل: 07-21-2002
مجموع المشاركات: 3178
Quote: تحياتي مالك خلقتك معقوله والنوع بتاع وشك دا مرغوب في سوق الجكس المعاصر ولاأنت موعود بوظيفة في الفضائيات السودانية ولا شنو ما علينا
ما علينا .. و ما علينا (سمعتها بصوت الاستاذة ندى القلعة؟)
لوووووب يا ابو الزهراء .. ما علينا ياخي!؟
لا مُشْكِلَةَ لَدَيّ
أتَلَمَّسُ أحوالي…لا مشكلة لديّ شكلي مقبولٌ. ولبعض الفتيات أبدو بالشعر الأبيض جذاباً نظّاراتي متقنةٌ وحرارةُ جسمي سبعٌ وثلاثونَ تماماً وقميصي مكويٌ وحذائي لا يؤلمني لا مشكلة لدي
كَفّاَي بلا قَيْدٍ. ولِساني لم يُسكَتْ بعد لم يصدر ضدي حٌكْمٌ حتى الآن ولم أُطرَدْ مِن عملي مسموحٌ لي بزيارة مَن سَجَنوهمْ مِن أهلي وزيارةِ بعضِ مقابرهمْ في بعض البلدان لا مشكلة لدي
لا يدهشني أن صديقي أَنْبَتَ قَرْناً في رأسه وأُحِبُّ بَراعَتَهُ في إخفاء الذيل الواضحِ تحت ملابِسِهِ وهدوءُ مخالِبِهِ يُعجبني. قد يفتك بي، لكني سوف أسامحه فهو صديقي وله أن يؤذيني أحياناً لا مشكلة لدي
ما عادت بسمات مذيع التلفزيون تُسَبِّبُ لي أمراضاً. وتعوَّدت على توقيف الكاكيَّين لألواني ليلاً ونهاراً. ولهذا أَحْمِلُ أوراقي الشخصيةَ حتى في المَسْبَح لا مشكلة لدي
أحلامي رَكِبَتْ، أمسِ، قِطارَ الليلِ ولم أعرف كيف أودعها وأَتَتْني أنباءُ تَدَهْوُرِهِ في وادٍ ليس بذي زرعٍ (ونجا سائقُه من بين الركّاب جميعاً) فحمدت الله، ولم أبكِ كثيراً فلديَّ كوابيسٌ صغرى سأطوِّرها، إن شاء الله، إلى أحلامٍ كبرى لا مشكلة لدي
أتلمَّس أحوالي منذ وُلدتُ إلى اليوم وفي يأسي أتذكر أن هناك حياةً بعد الموتِ هناك حياة بعد الموت ولا مشكلة لدي
لكني أسأل: يا ألله! أهناك حياةٌ قبل الموت؟ *** مريد البرغوثي
----
اذا كان ولابد .. انا مشكلتي ما شكلية .. مشكلتي في الضب الفي راسي دا عندك اقتراحات؟ اوعك من الكدايس بس!
01-03-2012, 00:58 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: يا قيقرا نيو لوك شنو يا معلّم , مالك داير تجهجهنا - قرّاءك ومعجبيك و الشمشرجية عنهم ابوحتوت - اعتدنا على اللوك الحالي بامتاره و وشوشه ولنكاته و هووو كيرزاته و المافي شنوهاته و جمله ... إلخ فما تمقلبنا بالله
يا بو حتوت ياخ خليني اوضح حاجة بمناسبة القراء دي -ان وجدوا - يسعدني بل و يشرفني اقول ليكم :
هوو كيرز!؟ يوم واااحد ما ادعيت اني (كاتب) لا سئ و لا كويس .. مكتبة ذاتو ما عندنا .. و لا عضوية الفورسيزونس شوربة سااااي في مطعم الباشا دا بس!
انا بكتب -اقصد تكتبني الكتابة - عشان امتع روحي دي اول حاجة البلقى فايدة يقرأ .. الما بلقى اها كيبورديو فيو اسكرول داون ولّ لأ!؟ الماوس برضو!؟ اشتراهم من وين الدفايزس الخلاقة ديل!؟ يرجعم طوالي و يشيل قروشو .. هو في قروش عشان يبعزقوها ياخي!
--------- ادخل في الدور دا ياقيقراوي ح يبقي نيو لوك بالجد عشان تاني ماتدخل في قائمة نهاية السنة ): وبمناسبة القائمة دي كل مرة عايزة اكتب تعليق لكن للاسف كنت بتشغل اها تعليقي لكاتب القائمة (ارفعوا لوحة مفاتيحكم عن قيقراوي ):
-------- سنة سعيدة عليكم يارب
01-03-2012, 09:23 AM
بدر الدين احمد موسى بدر الدين احمد موسى
تاريخ التسجيل: 10-03-2010
مجموع المشاركات: 4858
الله يسألنى يا قيقا لو جيناكم البورد دة من غير مشاعرنا واحاسيسنا ما ااابتتحملونا , ادعموا دخولنا للمنبر مستصحبين معانا الاحاسيس احسن ليكم كتير
* عثمانو لاعب خطير فى فريق الزهرة بالمناقل طول عمره فى الملاعب بيلعب من غير كدارة ناس الادارة قرروا يشتروا كدارات للاعبين وبعدها بقى لعب عثمانو ناعم جدا والقصة دى ضايقت جمهور الزهرة وبقت الهتافات تنادى بالتالى " يا عثمانو طلع الكدارة , طلع ......) ما يستفاد من القصة : لو طلعنا احاسيسنا بنطلع ......
01-03-2012, 04:32 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
يا اسماء سنة سعيدة ان شاء الله و مليانة بالنجاحات الكبيرة
Quote: (ارفعوا لوحة مفاتيحكم عن قيقراوي ):
صراحة طلعت مظلوم شديد انا ياخ، بعد قريت عرضحالك دا! الحالة يتيم
سورة الضحى دي في جزء عمّ ياخ! عشان كدا نحن نطالب باعادة تعليم الخلاوي .. و نسف رياض الاطفال من لدن "دار الحنان" لاخر روضة في الرياض هو مولانا ذاااتو بقى يقري ولدو في الروضة
الظاهر انو الزول يمش ينتحر ويجيكم راجع، احسن ليو الكولتي اوف لايف دي ما مقسمة معانا ياخي لا طفولة سعيدة لا شباب في القصر الرئاسي! ننتحر نحنا ولّ شنو!؟
------
حصل فحصت دمك كاملاً بدمك كاملاً؟ ولّ مع الرعاع!؟
نشكر وقفتكم الصلدة مع الحق الثوري لجنابنا في (الوجود) في مطعم الباشا ياخ (هو ذاتو حسن موسى و حسن اولئك رفيقاً حدد سكان مطعم الباشا في تلاتة كاتوقوريز اساسية: اليتامى، ابناء السبيل .. و شماشة الاسافير). الحمد لله اخوك مستوفي شروط الاولى و الاخيرة .. وقيل الفي النص برضو .. المافي شنو هو!؟
نردها ليك في السمح ان شاء الله
01-03-2012, 12:23 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
اوع تقول لي بس قارئتي العزيزة دي ما ح تدفع!؟ تقرأ ملح سااااي يعني!؟ و انا استفيد شنو من قرايتا؟ ما تفط زي البفطوا .. انا خسران شنو وكت الما بفطوا ما بدفعوا نان!؟
بالجد شاكر ليك و لها .. لكن صدقوني لا أجيد الغنا المرهون ..
لكن كان فيها جوائز نقدية .. ممكن نفكر نتعلم من حبيب ألبي ملاسي دا و نبطل اطناب .. هذا و الا خلوني امتع نفسي بالاطناب ياخي .. المافي شنو!؟ البنادويث رااااقد .. في مطعم الباشا دا .. ؤ مجاني بكري بلقاو واااقع
"فلتحمل الريخ اغنيتي .. لا اأمل في شئ .. لا اخاف من شئ .. انا حرررررررررر"
--------
بعدين بعد قرايتك الملح دي خاتاني بعد ملاسي يا ندى .. ديل قراء شنو المحبطين ديل ياخي!؟
تفطوا ساااي بس .. يا شباب تعالوا الى كلمة سواء بيننا .. نحن نعمل اتفاقية رابح /رابح الما عاجبو يفط .. و البقرأ يدفع (ملح مافي، يتيم و عندي بنات بربي فيهن، عاوزين نقد بناء نبني ليهن بيت قبل ما نسلم الامانة) .. كل زول يمتع نفسو المافي شنو!؟
اها تدفعوا و لّ نشيل العدة!؟
------
مرة بوست عشان يحمل بس اخد ليو زي يومين مما تعدون .. بعد دا قال لي لسة باقي 55 صورة!! و الله صحي
01-03-2012, 02:20 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
Quote: اني ويي (any way) ابعد من التعليق على الخشوم كبيرة المنخعين بالله, لانه الشلاليف تخصص ال بندر.
لوووووووب
عارف .. عارف .. عشان كدا كنت دغيغن و حاسمن و علقت على الخشم كلو .. عارف الشلاليف تخصص د. البندر .. و كيكي مرة كيكي، باشا في عز استغراقو بممارسة دوغمائتو الهامشية المجيدة، قال ليو لو التهميش بالشلاليف جيب مسطرتك و تعال قيس!
-------
ريحتني في حناني بقصة مواليد التمانيات دي!
لووووووول في التمنيات اخوك كان مخنفس .. اجيب ليك الصورة!؟
01-03-2012, 10:52 PM
ساميه حامد ساميه حامد
تاريخ التسجيل: 07-24-2010
مجموع المشاركات: 1567
... ... .... ....قيقا يا صديق ... ...كــــ ... ديه .... النسألك في الاول .... ... حصل و علي مدي امتداد عمركم الاربعيني العامر ... بالشنو الفيهو و الشنو المافيهو .... ...سمعت بــ يـــنَــي الخواجه...؟؟؟؟؟؟ ..... ... ...اها قالوا عمك يــنــي ده ..... لطشتو .... بتوقـــًف دوران السولار سيستم .... او المنظومه الشمسيه و بكون هو المدور براهو حول الشمس .... يقال .... و العهده علي الراوي.....في احدي لطشاتو السنينه ... الفاتت لطشة ابـــ عكاز صاحبي بسنين كونيه ... و كان (يــنـي ) حينها يكابد المشاق ذروتها عشان يصل بيتم ... ثم و علي ااااااااخر رمق .... وصل العمود الجم البيت .... فما كان له إلإ ان يلف كلتا يديه حول العمود و يحضنو ثم يبدأ في الدوران حوله ......مع دندنه لاغنيات ما قبل التاريخ ... ... و هو علي هذه الحاله الدواره و مرفقاتها من دوزنات.... .. صدف ان اتت بشارع بيتم المعروف للطير و السابله دورية بوليس السواري ..... ..تقدل علي ظهر الاحصنه .... و و جدته علي تلك الحاله اللافه وملفوفه ... فدار الحوار التالي :-
بوليس السواري : - ازيك ... يا عم خواجه يــنــي ....انشاء الله ما في عوجه؟؟؟؟ انت كويس و اللاَ داير مساعده نساعدك ؟؟؟ يـــنـــي :- لا ...لا ما في عوجه .... انا كويس جدا ... بس البيت ما داير يجي جنبي بجاي عشان ادخلو؟؟؟؟!!!! بوليس السواري:- يا عم ينــي البيت يجي جنبك بجاي كيف ؟؟؟؟؟ ما هنده الببيت قدامك!!!!! يــنـــي :- و الله يا خوانا انا تعبان ....و ما قادر اتحرك ؟؟؟؟ و خايف اقع تحت العمود و انوم في الواطه!!! ....عشان كده حضنت العمود ولافي حولو براااحه عشان ما انزلق اقع او تاخدني غفوه و يعدي البيت و يفوتني... .. و تاااااااااني انتظروا في لفتو التانيه ...وما امل هذا الانتظار !!!؟؟؟ .... لكن انتوا يا ناس السواري مش عارفين انو الواطه دي كرويه و بتلف ؟؟؟؟؟؟؟ بــتـــ دوَر يعني؟؟؟؟؟ بوليس السواري :- اااااااااااي عارفين يــنـــي :- و تيَب .... ما انا منتظر البيت لمن يجي جنبي بجاي ... و الاوضه تقرَب مني و ادخلا ...!!! ...و انتو ذااااااااتكم إمًتن ما عندكم مخ ....يا كمان ما عندكم رحمه و عايزين بس تتعبوا الحصين دي معاكم و انتو مرتاحين فوق ضهرا ... .. هسع عليكم الله لو ركبتو الحصين دي و ما اتحرًكتو بيها منننننننن مكانا مش كان قلَلتو من صياعة لف الشوارع دي وكانت هي جات لافه عليكم بدل ما تتعبو الحيوانات دي معاكم ؟؟؟؟؟؟!!!! ( طبعا هو كان رئيس جمعيات الرفق بالحصانات) بوليس السواري :- لكن يا عمي يــني ... هسه الواطه واقفه ... و انت اللافي !!!!!!!!!!!...... .... ترررررررررررررررم .....و سارت علي ذلك جحافل .....و غناوي ...و مقولات الركبان .... ... (...سكران سكرة يــنـًي ....الوقًفت الواطه .... و خلتو ..لافي ..مع العمود..و يغني ....!!!!!!) .... ... ...ثم ... ...انتهي العرض ....لـــ يني ... ... ... .... لكن داير اقول ليك حاجه ....بمناسبة النيو لوكك الجديد ومع تباشير الخير للعام الجديد علينا و علي شعبنا ... .. و سيبك من كلام ناس سحس و ود الصايم و ود الخليفه ...و بقية الرهط ...دي عالم حاقده ساكت ... ...بس داير اطلب منك طلب ...انو لمن تلقاهو ( النيو لوك) سلم لي عليهو كتير بالله ... ...و بقترح عليك و طالما هو جديد انو يكون اسمو ذاتو جديد ... .. و جديد لنج كمان ....بمعني :
اللوك ______________________ اسم اللوك ..اولد لوك .......................................... قيقابايت ..نيو لوك ............................قيقا باااااايتـــــــ ا ........معــــاااااااهو ...... فبدل تكون قيقا ... بــــااااايت ......حاف كِــ ده..... تملًحا شويه وتكون .... ...قيقا .......بــــايـــــتــــ ــــا ........معاهــــــــو .... ... و ان بقت قيَـــلـــت ...معاك ......تكون حاجه ما تخـــلص .... و حتتقلب طوالي ... ....(قيقا....يــنًي) ....النايم و يغني .....طبعا صاحبنا يني بتاع زمان داك .... دقه قديمه .... ...كان بيمشي و يغني لانو زمنو كان ســـــــــ طلات بس بدون لايت .... ...و عشان تقدر تتحسس مدي مقدار و قيمة (القيقا- يــنَي) نيو لوك وتقدَر ضخامتو .... .. حأحاول تبسيط التقدير كالاتي : .. البت = وحدة القياس للنظام الثنائي – الباينري- ( اون - اوف ..او صفر- واحد..او نبطه كهربيه-لا نبطه كهربيه) البايت = 8 بت الكيلوبايت=1024 بايت الميغابايت= 1024 كيلوبايت القيقابايت = 1024 ميغابايت التيرابايت = 1024 قيقابايت البيتابايت = 1024 تيرابايت الإكسابايت = 1024 بيتابايت الزيتابايت = 1024 إكسابايت اليوتابايت = 1024 زيتابايت البرونتوبايت = 1024 يوتابايت الجيوبوبايت = 1024 برونتوبايت يعني (الجيوبو) بايت ده عمرو ما حيكون مفلس وبـ = (1024) مرفوعه للاس 10 ...................................................... اها ..... القيقا .. بايتــا معاهو ..(و ماااااااا مقيَلا) = 1024 جيوبوبايت تربيع =(1024) مرفوعه للاس 20 القيقا بايتا معاهو ......(ومقيــــًلا) ....بتــ = 1 (قيـــــقا - ينَـــي) .... يعني بـتساوي = 1024 قيقا باااااايتا معاهو (و مااااااا مقيلا) .... عشان كده ...النيو لوك الاخير ده بتاع (قيقـــا – يــنــي) حيزبط معاك ..... ...و يخليك ...نايم لافي و تغني : (...المافي شنو يا اللبن .....ابو لي بيه يا اللبن ... ...دققي و ختي ...اريتو بالعمعم ...زي الشرا في القندول .....الخ) ... ... (وخلي بالك ...نايم مش حاضن عمود) ... ... ...و الارقام ديه ....طبعا بافتراض حسابات المايكروبروسسور الحقيقيه .... ... ...اما بافتراض حسابات السوق .... ...والبتظهر ليك حينما تنقر علي خواص الهارديسك ويديك خاصية حجم الهارد ديسك البتكون اقل من المكتوبه عليه اثناء شراء الكومبيوتر ... فلك ان تحذف الـــ 24 من كل 1024 لتصبح 1000 فقط ... ...وللايضاح اكتر .... تكون كالتالي:- .. ... القيقا .... بايتا معاهو ...(و مااااا مقيَلا) = 1000 جيوبوبايت = 1000 مرفوعه للاس 20
واحد و قدامو 66 صفر.... وده ما يعادل ... قل ....100 ضعف المين فريم الكوني طبعا بما فيهم السيرفر بتاع ابصلعه الماداير يديك مكتبه ده ... ... و بعد كده ممكن تقول ليهو و تقول لينا معاهو ... سودانيزاونلاينكم دي ...اسبلوها و اتبخًروا بيها .... ... ...شفتا الاصفار دي قيمتا كيف و بتعمل شنو ؟؟؟؟ ...يعني لمن واحد يقول ليك انت صفر ما تزعل منو خاصة انو اصفارك مع النيو لوك حتكون بالهبل... انا غايتو شخصيا ما بزعل منو ....لانو الصفر هو المعادل الموضوعي ورقم الاسناد بل قل محور الاسناد للارقام كووووولها و بدونه لاتعني شيئا و لا تكون مخطئا ان قلت لاحدهم انه محور الاسناد لقياس الاشياء علي كل الكون و الاتجاهات شرقها و غربها .... شمالها و جنوبها ...ارتفاعها و انخفاضها....صغيرها و كبيرها ..الخ وهو.... (اي الصفر) ... من تحفر الاغلال في جلده شكلا ......للاشياء .....و الوطن .... .... ....دمت يا عزيز ....و كل سنه و انت طيب .... و اسرتك و زوًارك و تحاياي ...لابراهومه بالله ...(ابو العناكب) . . . . . . . . . . . . . . . . . . . . . . . . . . ................................ ....................... ..... ... ...ود الخليفه يا عزيز .... ... ياخ والله عندي سؤال من زماااااان داير لي فرقه عشان اسألك ليهو .. ...واكيد بتكون عارف اجابتو!!!! . . . . . . . . . . . . .
. . . ... ...انت الجماعه صلو علي النبي ..... و اللاً ... لسه....؟؟؟؟ ...دايرين ليهم دفره ...... .... ...عشان نشوف النيو لوك بتاعم الجديد كيف ... .. . .
يا زعيمة بالنسبة للمذكور عارف .. حالات الصهينة المتاخرة دي يلزمها سبعة غسلات في النيل الازرق اول حاجة.. احداها بالطمي .. حتن بعدين ينظر و يفاد في موضوع النيو لوك
-----
نيو لوك مع الصهينة، كانك يا ابزيد ما غزيت ما بنفع ياخي!!
01-04-2012, 10:48 AM
Dalal Ezzaldin Dalal Ezzaldin
تاريخ التسجيل: 06-19-2008
مجموع المشاركات: 1406
Quote: عشان كده ...النيو لوك الاخير ده بتاع (قيقـــا – يــنــي) حيزبط معاك ..... ...و يخليك ...نايم لافي و تغني
ذكرتني ايام الغبا ايام كنا نتغابا .. و نناجي الطير من غصنٍ لغصنٍ و بي لغتو .. في الباقير هناااك كنا نشربها فتجعلنا ملوكاً .. و لي دي قصة مرة بعد ما واحد اتصلح تمااااام، و طار محلقاً في ملكوت يخصه تماماً .. قام ادا الجمبو كف! لمن سالناه ليه؟ قال شايفو بعرة بس!؟ و اتلفت علينا و قال كلكم شايفكم بعر .. بعر
عاد دا كلام دا!؟ دي حالة استبعار متاخرة جداً دي فصاح فصيح : نشربها فتجعلنا ملوكاً
صدق ما بقرب الفرح المعبا في قوارير دا كلو كلو .. حالياً جربتو .. لكن الفي ي ي راسي دي اسمح منو ياخ بخليني اضحاااااااك .. بكون طاااااااير .. و فجأة أأمن ليك .. و اهبط في السكون التام و الربطة الياها!! الفائدة شنو كدا!؟ بعدين ممنوع بأمر الدكتور*
يعني نعتمد "قيقا بايتة معاو" في بوابة السنة الجديدة دي!؟
Giga sleep with him
كلام نهائي!؟
------
* هي صراحة دكتورة ما دكتور .. و ما دكتورة شديييييد خالص اوي كدا يعني مختبرات ساي .. انقر سمعت كلاما ليه طيب!؟
لانها المدام ؤ كدا بس!
01-04-2012, 10:53 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
امشي لأساسي اقول ليو ابو حسين قال انت اهـ ... شنو!؟
-----
انت كان عاوز تعمل نيو لوك امشي احكم لينا مبارة بس .. ود البرير بقوم باجراء اللازم .. ما بقصر كلو كلو .. (مع انو احرجنا مع حِمودي الحكم الجزائري) قال عليو "طفل" في ذمتك الغريقة البعرفا انا دي دي .. اسي نقول شنو بس في ود البرير دا؟ حكم اسمو (حمودي) ياخي ما تقدر تعمل ليو عاهة مستديمة ياخي!
دا البخلينا نرفض العنف ذاتو .. لا للعنف!!
01-04-2012, 12:59 PM
عبدالله الشقليني عبدالله الشقليني
تاريخ التسجيل: 03-01-2005
مجموع المشاركات: 12736
يوم بتكتلي ليك اصلع باستايلاتك دي ! بنتحر ساي غايتو ..
اها الصلعة جاااهزة .. الزراعة مطرية و لّ ري صناعي!؟
-------------
استايلات زي في بدايات التمانيات كان بعملوها ناس البلدية ياخ!
كان حول استاد كوستي تلقي ليك كم حلاق معلق مرايتو في حيطة الاستاد .. يبدأ يحلق ليك .. اول ما يصل حتة الزول الفوق دا، فجأتن كدي يختف المراية من قدامك ، ويكون اتناول مخلاية العدة بالشمال .. و فتح (جرى يعني) و انت في حيرتك دي يقول ليك الحقني في البحر .. البحر .. البلدية كبسااااااااااااااااات!! عطا جاري و الجماعة جارين وراه . . (عطل الحلاق، و الجماعة انت دي، و بتاع البلدية وراكم اللتنين)
01-05-2012, 09:10 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: يا قيقا يا ابنى انا بقول تتوكل على الحى الدائم وتعيد التقديم كده بتكون قبضت فى النيولوك وحرقت فشفاش اساسى كده كيف؟؟ صدقنى آن الآوان لترك الرعاع :):):)
قلت كدا يا حاجة سهام؟
كلام عدييييل زي الجبادة .. احلام الفروالة دي كدا يا دوب ما اساسي لقى ليو مولد .. ح يكون لابد ليوم رسمي بس! سيد الكدايس داك ميعرفش اخوه .. تجي ماشة جمب القفص ساي بفتحو ليك في وشك! ان شاء الله يوم رسمك ما يجي
-------
لكن عموماً العسف السايمنا ليو بكري .. و الاضهاد الشفنها هنا دا كلو بساعد في تكبير ملف طلب اللجوء السياسي للفورسيزون عليك الله وكت المكتبات بجدعوا فيها لي المتل امين .. ما يدينا مكتبة للاجيال القادمة ياخ! جنس بذار هو!!
اللهم نسالك في بدايات عام 2012 احدى الحسنيين .. و الدرجتين الثقافيتين الرفيعتين : مكتبة في مطعم الباشا او عضوية الفورسيزونس
و تفكنا من الوهم و الرعاع و من فط فطهم آمين دعوة مظلوم
01-05-2012, 07:42 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
قيقرنا يا قيقرنا شفت كلام الناس ديل كلهن ما مشكلة بس اختى نصيحة بت المجمر الفورسيزونز شنو ياابوي في الشتا دا الشايفة عسف من بكري دا هناك يعد رحمة و لين قول اخير زولنا هنا بشيل العدة من سكات هناك بشيلو العدة و يشيلو حالك و يدوك كاريكاتيرك في يدك
01-06-2012, 09:22 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
اللحمر دا والله اعلم وحسب اللافتة الشايلها ما شخصية بعينها بل رمز لناس ندين ونشجب و نتضامن بدون مايفرزوا الحاصل شنو ناس بعد ما تكمّل نبزك وشتيمتك كلها تجي تقول معليش يجوك بـ: ياها المحرية فيك يا مناضل و يا شريف و يا كنداكة .. إلخ
01-06-2012, 07:03 PM
Siham Elmugammar Siham Elmugammar
تاريخ التسجيل: 06-18-2004
مجموع المشاركات: 3488
Quote: وبعدين هل بتضمن فهم الاجيال القادمة للبتكتب حاليا حيكون كيف ؟ ممكن يطلعوهوا ليك كلام ساي كدا
و الله يا ابا نعيمة كتلتني بالضحك
اسي دي الناس شايفنا كلام ساي .. اذا كنت انا حي دونط كير .. ميت ح تفرق معاي باقي ليك!؟
---------
من ناحيتن اخرى اها اسي نحنا الابداد المروية ما فكينا خطها لي يوم الليلة تفتكر العيب فينا و لّ فيهم الانجزوا حضارتم بالآف السنين قبل الميلاد!؟
دي مشكلة الاجيال الجاية انا اشيل همها ليه؟ المستقبل فضاء مسكون بمن هم اكثر منا ذكاء .. غالباً ح يفكوا شفرة الابداد دي .. و بالمرة اكيد ح يفقهوا ولي المافي شنو؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
قيقراوي
Afraa Sanad
ثروت سوار الدهب
محمد عبد الماجد الصايم
Hussein Mallasi
طارق جبريل
وضاحة
عبدالله ود البوش
جمال الباقر
lana mahdi
Magdi Ahmed Elsheikh
احمد التجانى احمد
Mahmoud Mustafa Mahmoud
محمد على طه الملك
Siham Elmugammar
محمد البشرى الخضر
اسعاد محمدانى
زهير عثمان حمد
ود الخليفه
حمد عبد الغفار عمر
داليا حافظ
بدر الدين احمد موسى
محمد أبوالعزائم أبوالريش
عادل عبدالعزيز عبد الرحيم
ساميه حامد
Dalal Ezzaldin
ABUHUSSEIN
عبدالله الشقليني
فيس بوك
تويتر
انستقرام
يوتيوب
بنتيريست