|
Re: هولندا : دعوة للاحتفاء بزكري اعياد الاستقلال - 07 يناير 2012 بامست (Re: عماد شمت)
|
الاستاذ الفاضل / عماد شمت ،، لك الف تحية والشكر الجزيل علي المرور و الامنيات الطيبة ،، نهديك كلمات بلسان محجوب شريف --------
*****حنبنيــــــــــــــــــــه *** ... حنبنيهو البنحلم بيهو يوماتى وطن شامخ، وطن عاتى وطن خير ديمقراطي وطن مالك ذمام أمروا ومتوهج لهب جمروا وطن غالي نجومو تلالى في العالي إرادة . سيادة حرية مكان الفرد تتقدم قيادتنا الجماعية مكان السجن مستشفي ، مكان المنفى كلية مكان الأسرى وردية مكان الحسرة أُغنية مكان الطلقة عصفورة تحلق حولَ نافورة تمازح شُفع الروضة حنبنيهو البنحلم بيهو يوماتى وطن للسلم أَجنحتو ضد الحرب أسلحتو عدد ما فوقو ما تحتو مدد للأرضو محتلة سند للإيدوا ملويه حنبنيهو البنحلم بيهو يوماتى وطن حدادى مدادى ما بنبنيه فرادى ولا بالضجه في الرادى ولا الخطب الحماسيه حنبنيه البنحلم بيهو يوماتى وطن بالفيهو نتساوى نحلم نقرا نتداوى مساكن كهربا ومويه تحتنا الظلمة تتهاوى تخت الفجر طاقيه وتطلع شمس مقهورة بخط الشعب ممهورة تخلى الدنيا مبهورة إرادة وحدة طوعيه
| |
|
|
|
|
|
|
|