كتب الكاتب الفاتح جبرا المتوفرة بمعرض الدوحة
|
|
 إلى مصممي مواقع الانترنت... سؤال قد تتبعه أسئلة
|
أستعد لعمل موقع باللغة العربية لصالح شركة أعمل معها... اعتدت عمل المواقع باللغة الانجليزية... خاصة عندما بدأت استخدام Drupal كCMS.... في موقعي الاخير، اضفت بعض الصفحات العربية، وشعرت بأن الدعم من Drupal للغة العربية ضعيف... بالتالي لا أشعر بأنه سيكون خيار جيّد لعمل موقع باللغة العربية بالكامل.... ما رأيكم.. هل Joomla خيار أفضل؟ هل هناك خيارات أخرى أفضل من الاثنين؟ هل هناك أي اقتراحات وصايا أفكار...
أكون شاكره جداً...
تحياتي
|
|
  
|
|
|
|
|
|
|
 Re: إلى مصممي مواقع الانترنت... سؤال قد تتبعه أسئلة (Re: مريم بنت الحسين)
|
تحياتي مريم بنت الحسين
جوملة ممتاز جداً لعمل المواقع التي تعتمد على على CMS وله إمكانيات هائلة لعمل أي نوع من المواقع سواء كانت إخبارية أو ريل ستيت أو فندقة أو مواقع إجتماعية أو توظيفية
كما أنّ الدعم الفني من عرب جوملة متواصل بالإضافة للثيم المجانية المتاحة بكثرة بكل اللغات
أخونا وليد الشفت له خبرة مقدّرة في هذا المجال وقد يفيدنا بالكثير
تحياتي كمال
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: مصعب عبدالله محمود)
|
يا أخوانا أشرحوا لينا ..
ماهى ال scripting language المستعملة فى الأشياء التى تذكرونها .. مثل WordExress و Drupal وXoops
نشرح كلامى .. يعنى لو الواحد يستعمل IBM Portal هناك لغة يتم أستخدامها حتى يكون الموقع تفاعلى ...
ثم أى نوع من السيرفيرات يجب أستخدامها .. مثلاً لو الواحد يستعمل IBM Portal بالضرورة يجب عليه أستعمال ال Websphere Portal Server
ولا الموضوع عندكم شكل تانى ..؟
بت الحسين ألف شكر على النافذة ..
بريمة
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: بريمة محمد)
|
لكِ التحية أختي مريم ...
مجلة جملة joomla
مثال لقالب ينفع لمواقع الشركات ورجال الأعمال اضغطي هنا
وهو يدعم اللغة العربية ويتوافق مع جملة 1.7 ولا أدري هل يدعم اتجاه اللغة من اليمين لليسار أم لا يدعمه ...
صفحة تحميل القالب هنا
للعديد من قوالب جملة اضغطي هنا انتقلي عبر الصفحات بالتسلسل الموجود في أسفل الصفحة 1، 2 ، 3
ملحوظة: مجلة الووردبريس WordPress سهلة التعامل
ولكِ كل الود والتقدير ،،،
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: صبري طه)
|
الأخت الكريمة والإخوة المشاركين
بعد التحية
حقيقة ومن خلال تجربتي لعدد كبير من مجلات إدارة المحتوى لم أجد أفضل من جملة ( رأي شخصي ) وأصبحت أستخدمها في جميع المواقع . تتميز جملة ب :
- سهولة إستخدامها ودعمها للغة العربية .
- تنوع قوالبها ( كثير منها تم تعريبه ) .
- توفر كم هائل من التطبيقات والتي يمكن بواسطتها تنفيذ مواقع لكل التخصصات ( عقارية - رياضية - إخبارية ... الخ )
يمكن زيارة نماذج لأعمال تم تنفيذها بواسطة جملة من هنامن هنا
يمكنك إختيار قالب من الرابط الذي وضعه الأخ / صبري اذا كان غير معرب وارساله لي وسأقوم بتعريبه
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: بريمة محمد)
|
بريمه ازيك... انا غايته بعرف Drupal... شغال بي php.. باقي CMSs ما حصل اتعاملت معاها... بي Drupal لانه انا شغاله بي personal computer استخدمته localhost بي Wampserver... وبعد تعب شديد، اكتشفته انه الhost بتاع الموقع بتاعي عندهم Drupal وممكن أشتغل أونلاين... and I did... دي كل خبرتي في الحته دي... لكن بنتظر معاك أشوف رأي الجماعة شنو لو حد عنده إضافة نستفيد كلنا
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: مريم بنت الحسين)
|
بصراحة يا جماعة انا رامية لأكتر... انا عندي task، لكن عايزه استغلها في اني اتعلم حاجات جديدة... خطتي كالآتي:
-اعمل الموقع الأصلي بكل الحاجات المطلوبة منّي ... ومن ثُم..
-عايزه أعمل mobile site: يعني الزول يفتح العنوان من الموبايل يلقى شكل ابسط للصفحة ويقدر يتعامل معاه من الموبايل.... (صعبه؟)... بحاول فيها ما بخليها...
-عايزه أعمل iPhone App (حسي سمارت تجي، بس تشم ريحة الi دي بتجي)... الموقع هو لشركة بتاعت خدمات... بتخيل انه في كم حاجه ممكن نعملها في الApp... وبالتأكيد واحد مقابل لBB.. ...
اها يدّيكم معانا بالله... نخلص من تصميم الصفحة، بعداك نشوف الحاجات التانية دي... 
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: مريم بنت الحسين)
|
Quote: الاخ الأمين البشاري تحياتي تاني
لقيت الوظيفة دي بتاعت web developer ... رسل السيرة الذاتية على:
[email protected]
Ref: DM00106
Database developer
Ref:DM00107
Graphic Designer
Ref: DM00108
ولو لقيت تاني بكتب.. بالتوفيق |
مريم بنت الحسين
ازيك يا أُخــيه .... شكراً للوظائف
تصدقي كنت بتابع بعضا من شتات بوستاتك بتاعة الوظائف
المهم إن شاء الله ارسل السيرة الذاتية ..
في ميزان حســـناتك...
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: مصعب عبدالله محمود)
|
تحية طيبة أستاذة مريم بت الحسين .
سأتحدث عن أنظمة ادارة المحتوى الشهيرة CMS من منظوري الخاص وبقدر ما تسمح به الخبرة المتواضعة التي بحوزتي في هذا الشأن .
في البدء أقول أنه لا يمكن المقارنة اطلاقاً ما بين الـWordPress من ناحية و Drupal & Joomla من ناحية أخرى ، الـWordPress تم برمجتها بطريقة بسيطة تلائم تماماً أغراض التدوين الفردي والجماعي ، تحتوي قاعدة البيانات الخاصة بها على 11 جدول فقط ، وهي بهذا الحجم ناجحة تماماً كمدونة.
يمكن تطويع الـWorpPress لإنشاء مواقع Bussiness صغيرة دون حدوث أي مشاكل ، لن تكمن المشكلة الحقيقية في اخراجها من عباءة المدونات والمواقع الصغيرة والباسها عباءة المواقع الكبيرة ، يستطيع من له خبرة متوسطة في مجال تصميم وبرمجة مواقع الإنترنت أن يستعين بالعديد من الإضافات والهاكات التي تجعل من الـWordPress نظام ادارة محتوى ضخم (في الظاهر) ، أما بواطن الامور ففي الحقيقة ربما يقود هذا الأمر الى كارثة..!
للأسف (معظم) الإضافات الخاصة بالـWordPress مبرمجة بطريقة سيئة للغاية ، يعرف هذا كل من له خبرة متوسطة في لغات برمجة الويب ، لا تتفاجأ ان علمت أن برمجية صغيرة جداً لإحدى الإضافات ربما تقوم بعمل ثلاثة أو أربعة استعلامات على قاعدة البيانات لكل زائر . بالطبع النتيجة ستكون كارثية ان كان عدد زوار موقعك كبيراً وكنت تمتلك عدداً مقدراً من هذه الإضافات المحسوبة على WordPress .
تتميز الـWordPress بالبساطة الشديدة في التركيب وسهولة الإستخدام كما يمكن تطويعها بشكل جيد للأغراض الصغيرة اضافة لتوفر الدعم من اضافات وحلول وبلغات عدة وتتميز كذلك بصداقتها لمحركات البحث ..
يؤخذ عليها أنها عرضة للإختراق بصورة كبيرة فهي في الواقع تعاني من ضعف واضح في الـ Securityخاصة ان كنت ستستخدمها في الـE-Commerce ، كذلك يؤخذ عليها مشاكل الـCaching ، توجد مشاكل كبيرة في ربطها بالمنتديات ، وتوجد مشاكل أكبر في الترقية وتركيب الرقع الامنية .
بالطبع الخبرة لها دورها .. الخبراء يمكنهم التغلب على العيوب والإستمتاع بالمميزات الرائعة للـWordPress .
بالنسبة لـJoomla و Drupal فالحديث عنهما يحتاج لمتسع من الوقت وأجدني مضطراً للإختصار على أمل أن أجد وقتاً كافياً للكتابة عن هذه الأنظمة العملاقة ..
وكلمة (أنظمة عملاقة) تليق تماماً بـDrupal و Joomla ، مع ان الناظر بتفحص لنظام Drupal يجد أنه ليس مجرد نظام ادارة محتوى CMS لكن يمكن اعتباره Frame Work ..
بالطبع Drupal تتطلب خبرة عالية جداً في البرمجة ، هذا لا يعني أن أصحاب الخبرة المتوسطة لن يستطيعوا التعامل مع Drupal لكن ما أقصده أن الخبرة العالية تجعل Drupal طوع يديك تفعل بها ما تشاء مهما كان حجم العمل الذي تقوم عليه كبيراً .
ولي عودة ان شاء الله لإكمال ما بدأته عن Joomla و Drupal
ــــــــــــــــــــــــــــــــ
أستاذة مريم موضوعك ده من وجهة نظري الحل المناسب ليهو Joomla ، أي مساعدة أنا جاهز ان شاء الله
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: محمد عبدالله مختار)
|
Quote: -عايزه أعمل mobile site: يعني الزول يفتح العنوان من الموبايل يلقى شكل ابسط للصفحة ويقدر يتعامل معاه من الموبايل.... (صعبه؟)... بحاول فيها ما بخليها...
-عايزه أعمل iPhone App (حسي سمارت تجي، بس تشم ريحة الi دي بتجي)... الموقع هو لشركة بتاعت خدمات... بتخيل انه في كم حاجه ممكن نعملها في الApp... وبالتأكيد واحد مقابل لBB.. ... |
بالمناسبة .. الموضوع ده بسيط جداً في Joomla ، بعد انتهاء الموقع في اضافة بتتركب وبعد داك الموقع حا يتعرض حسب الجهاز البيتصفح بيهو الزائر .. حاجة كده تخلي ناس الشركة يتخيلو انك صممتي كمية من المواقع عشان تناسب الأجهزة دي كلها
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: وليد محمد المبارك)
|
مصعب... شكله حيكون Joomla! خلاص... انا اشتغتله بي Drupal، وبعده عملته شويه حاجات بي Wordpress.. الاول رائع وممتاز وفيه امكانيات مذهله... لكن دعمه للعربي ضعيف... الثاني امكانياته عادية... بتمشّي الحال... بس انا ما عايزه شي يمشّي الحال....
محمدعبدالله مختار.. ألف شكر على الشرح الوافي عن WordPress والفرق بينه وبين Drupal وJoomla.... واعتقد اني حأمشي في خيار Joomla خلاص... خبر الmobile version انه خيار مباشر ده خبر حلو خالص.. لكن iPhone App ما حيكون شي بسيط... او مباشر.... حسي حأركّز في الموقع الاصلي، بعداك أشوف الخيارات ديك... الله يبشرّك بالخير
مكي ازيك... اكون شاكره جداً لو وريتني مواقع معموله بي الCMS حقك، وما شاء الله عليك... برضه ممكن الناس البقروا يستفيدوا حتى لو ما انا مشيت في الموضوع معاك....والله يوفقّك لمساعدة الناس... يا الأمين البشاري، أمسك في مكّي ده قوي...
وليد ازيك... وشكرا على المرور... المواقع جميلة.. وواضح انه العربي فيها مدعوم بصورة كويسه.. Drupal ببشتن العربي بشتنه السواد... غايته انا حأبدأ بي Joomla، وارجع للبوست ده... شكله حيستمر لفترة طويلة.. عليكم الله اديه طلّه كل فترة، غالبا حيكون عندي اسئلة...
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: مريم بنت الحسين)
|
Quote:
محمدعبدالله مختار.. ألف شكر على الشرح الوافي عن WordPress والفرق بينه وبين Drupal وJoomla.... واعتقد اني حأمشي في خيار Joomla خلاص... خبر الmobile version انه خيار مباشر ده خبر حلو خالص.. لكن iPhone App ما حيكون شي بسيط... او مباشر.... حسي حأركّز في الموقع الاصلي، بعداك أشوف الخيارات ديك... الله يبشرّك بالخير |
شكراً أستاذة مريم ..
مجرد تركيب احدى الإضافات الإحترافية واعدادها جيداً يعطي نتائج ممتازة لمن يتصفح الموقع عبر الـI Phone ، أما عمل Applications خاصة بالـI Phone فهذا موضوع آخر ..
بالنسبة لتصميم الموقع بـJoomla فالأمر سيكون يسيراً جداً بالنسبة لك بإذن الله طالما أنكِ متخصصة في Drupal وهي بالطبع أكثر تعقيداً من Joomla ، وستساعدك خبرتك البرمجية في php و css في معالجة اي مشاكل تختص بالـTemplate .
لدي ملاحظات عامة بخصوص بعض المداخلات في هذا البوست :
- لا أعتقد أن مجانية أنظمة ادارة المحتوى يجعلها ذات قيمة هامشية ، على العكس تماماً ، والواقع يقول أن Drupal على سبيل المثال تستخدمها مواقع كبيرة مثل سيمانتك
http://www.symantec.com/connect/
والوايت هاوس
http://www.whitehouse.gov/
وغيرها .. Joomla مثلاً تستخدمها جهات لها وزنها ، في السودان على سبيل المثال موقع مجموعة دال مصمم بـJoomla
http://www.dalgroup.com/
- المظهر العام للموقع لا يعني تميز CMS عن أخرى ، ويستطيع أي محترف في البرمجة والتصميم أن يطبق قالب واحد في ثلاثة أنواع مختلفة من أنظمة ادارة المحتوى . وبالتالي لا يمكن أن نقول أن WordPress (أجمل) من Drupal كمثال ..
- بالنسبة لمن يريد العمل على قوالب تجارية .. توجد شركات ذائعة الصيت ولها تصاميم جذابة ، مؤخراً قامت هذه الشركات بإضافة خاصية RTL وبالتالي لا حوجة لتعريب هذه القوالب من حيث اتجاه النص والأيقونات وغيرها .. فقط يمكن رفع ملف اللغة العربية عبر الـAdministrator واختيارها كلغة افتراضية ..
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: مريم بنت الحسين)
|
ما شاء الله شباب زي الورد
طيب يا جماعة ما دام هنا في البورد دا في نخبة ممتازة للمصممين أيه رايكم في مسابقة لتصميم موقع نحدد تخصصه مسبقاً ويتبارى الجميع في تصميم موقعه بالCMS الذي يريد؟؟؟
يعني نتفق على الموضوع وتنرك الخيار للمصمم ليختار الCMS الذي يجد نفسه فيه أكثر ويرتاح للعمل به
موضوع الثيم أو التمبليت أو التصميم ممكن يكون مشروع أختنا مريم
وبكدا ممكن نشوف إمكانيات كل برامج CMS ,وتنعلّم من بعض
تحياتي كمال
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: Frankly)
|
Quote: طيب يا جماعة ما دام هنا في البورد دا في نخبة ممتازة للمصممين أيه رايكم في مسابقة لتصميم موقع نحدد تخصصه مسبقاً ويتبارى الجميع في تصميم موقعه بالCMS الذي يريد؟؟؟
يعني نتفق على الموضوع وتنرك الخيار للمصمم ليختار الCMS الذي يجد نفسه فيه أكثر ويرتاح للعمل به
موضوع الثيم أو التمبليت أو التصميم ممكن يكون مشروع أختنا مريم
وبكدا ممكن نشوف إمكانيات كل برامج CMS ,وتنعلّم من بعض |
agree
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: مريم بنت الحسين)
|
مشاركة عبر إيميلي
Quote: الاخ الكريم كمال
عاطر التحايا
........
.... لفت انتباهي موضوع للاخت مريم بنت الحسين عن دروبول إلى مصممي مواقع الانترنت... سؤال قد تتبعه أسئلة
اقتباس (وشعرت بأن الدعم من Drupal للغة العربية ضعيف)
اعتقد ان دعم اللغة العربية في دروبول جيد الى حد مقبول http://localize.drupal.org/ مقارنة بلغات اخرى , صحيح انه لا يصل الى نسبة 100% لا تحتاج عادة الى ترجمة كاملة ,, وتوجد مرونة كبيرة في ترجمة ما يعترض طريقك من خلال واجهة سهلة الاستخدام . هذا ان كان المقصود بدعم اللغة العربية هو (النصوص) ,,ان كان الأمر يتعلق بـ Themes و ٌ RTL اعتقد هناك مرونة كبيرة في هذا المجال فالامر هنا عبارة عن Html/CSS . الذي يستحدم ال default themes لا يستطيع تلبية متطلبات موقعه فلا بد من التعب في موضوع الثيم هذا ( يمكننا المساعدة ).
اقتباس (طيب يا جماعة ما دام هنا في البورد دا في نخبة ممتازة للمصممين أيه رايكم في مسابقة لتصميم موقع نحدد تخصصه مسبقاً ويتبارى الجميع في تصميم موقعه بالCMS الذي يريد؟؟؟)
موافقين حددوا المطلوب
......
لك التحايا
|
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: Frankly)
|
يا سلاااام يا فرانكلي... دي فكرة حلوة شديد.. أهو منها يكون في منافسة ومنها يكون في افكار وbrainstorming، والمستفيد انا
بالنسبة للرسالة الوصلتك في البريد... الدعم للغة عبر دروبال تماماً كما عبّر الاخ محتاج جهد، ما مستحيل لكن ما مباشر.. شعرت انه جُملة ممكن يكون افضل في الحته دي... عشان كده فتحت البوست ده... ده غير رغبتي في اني اجرّب حاجات جديدة، وغالبا عشان اتعلم شي جديد بستخدمه في مشروع زي حقي ده... دروبال اتعلمته لما عملته موقع خاص ببحثي بتاع الدكتوراه... يعني بتعلم لما أزنق روحي... ألف شكر للأخ صاحب الايميل... ويكون حلو جداً لو شاركته معانا....
ممكن نعمل مثلا موقع لمكتب سياحي (ده ما مشروعي )...
لو في اقتراحات تانية قولوا..
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: مريم بنت الحسين)
|
| Quote: عايزه أعمل iPhone App (حسي سمارت تجي، بس تشم ريحة الi دي بتجي)... الموقع هو لشركة بتاعت خدمات... بتخيل انه في كم حاجه ممكن نعملها في الApp... وبالتأكيد واحد مقابل لBB.. ... |
احم....احم.
________________________________________
البوست ده لو كنتوا كتبتوه بالصينى ما كان فرق معاى....غايتو الشيء الوحيد البعرفه انه عشان تعملى Appple app لازم تشتغلى بلغة اسمها Objective-C و مفروض يكون عندك ماك.
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: Kostawi)
|
تحياتي لصاحبة البوست والزملاء الكرام ..
Quote: طيب يا جماعة ما دام هنا في البورد دا في نخبة ممتازة للمصممين أيه رايكم في مسابقة لتصميم موقع نحدد تخصصه مسبقاً ويتبارى الجميع في تصميم موقعه بالCMS الذي يريد؟؟؟
|
شكراً فرانكلي واقتراح ممتاز ..
من وجهة نظري من الأفضل أن تقوم صاحبة البوست بتحديد نوع الموقع ومحتويات الصفحة الرئيسية بشكل عام كما انه من المهم جداً تحديد ثلاثة الوان رئيسية للموقع ، بعدها يقوم كل مصمم بتنفيذ الموقع بأي CMS تروق له ، الصفحة الرئيسية وصفحة داخلية واحدة ستكون كافية لعرض الموقع بصورة جيدة .
كذلك ارى تحديد لغة واحدة للموقع وأظن أن اللغة العربية هي المحك الحقيقي للمصمم والمبرمج ، خاصة في الإخراج النهائي .
| Quote: غايتو الشيء الوحيد البعرفه انه عشان تعملى Appple app لازم تشتغلى بلغة اسمها Objective-C و مفروض يكون عندك ماك. |
شكراً سمارت على المعلومة واضيف على ذلك أن أفضل وسائل برمجة تطبيقات الـiphone والـipad هو x-code وبالطبع من شركة Apple على الرابط التالي :
http://developer.apple.com/xcode/
ناس الـ.Net والـ#C ما يشيلو هم .. عوجة ما بتجيهم ان شاء الله .. الـMonoTouch وبي مبلغ 400 دولار بس ممكن تبرمج تطبيقات الآي فون والآي باد بمزااااااج ..
http://xamarin.com/monotouch
___
بنت الحسين المدام (مريم) بتستأذنك في المشاركة في المسابقة دي ، طبعاً هي ما عضوة في المنبر ، جدير بالذكر انو عندها راي انها عايزة تتفوق علي في المسابقة دي 
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: محمد عبدالله مختار)
|
سلامات محمد عبدالله مختار
لازم فى البداية اقول ان معرفتى بتصمييم الصفحات Zero كبير جدا.
و انى فى الاصل مهندسة مدنية (عشان ما تضحكوا على وكده).
لكن (مرات.... مرات) بشتغل برمجة بدات ب VBA
و انتهت ب Visual Basic.NET ....ما كعبة فى ال object oriented programming.
ما عندى قروش او مزاج اشترى ماك. ممكن انفض الغبار عن قدراتى البرمجية و اشتغل #C اذا كان ممكن اعمل بيها Apps فى PC و ليس ماك.
السوال بطريقة تانية...هل ممكن اصمم تطبيقات ب #C و PC ???
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: محمد عبدالله مختار)
|
| Quote: ممكن نعمل مثلا موقع لمكتب سياحي (ده ما مشروعي )... |
لالالالالا أنا جادي و الله
-- سياحة شنو يا مريم--
نحن, أنا و معاي آخرون بصدد عمل web site لتحالفنا المعارض لحكومة البشير
أنا حا أزودكم بالمواد المكتوبة و الصور و اللوقو و الفيديوهات و كل المواد,
بس شرطنا الوحيد إنو يكون مشابه لموقع ال CNN و بنفس الألوان (البلو و الأحمر خطوط حمراء) لأنو بنشجع الهلال و المريخ يا فرانكلي.
فرانكلي أوعك تخت ليك حاجة في الموقع تفرقعو لينا
البشير براه و الكمبيوتر براه....
و زي ما قلت ليكم أنا جادي جدا جدا جدا
هجام
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: Kostawi)
|
Quote: بس شرطنا الوحيد إنو يكون مشابه لموقع ال CNN و بنفس الألوان (البلو و الأحمر خطوط حمراء) لأنو بنشجع الهلال و المريخ يا فرانكلي.
فرانكلي أوعك تخت ليك حاجة في الموقع تفرقعو لينا
البشير براه و الكمبيوتر براه....
|
ما عندك مشكلة يا كوستاوي
ما دام فيه ريحة المريخ فالموضوع بيكون أحلى
لكن شرطنا الرئيس كمان أنّ صاحب التصميم غير ملزم بتسليم تصميمه لإي جهة
إذا رغب صاحب/ة التصميم في تسليم العمل إليكم فهذا حقّه ولا دخل للمتسابقين فيه
يعني من ناحية المبدأ أنا موافق بس كنت أحب أن يكون موضوع المسابقة موقع غير إحباري
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: Kostawi)
|
Quote: سلامات محمد عبدالله مختار
لازم فى البداية اقول ان معرفتى بتصمييم الصفحات Zero كبير جدا.
و انى فى الاصل مهندسة مدنية (عشان ما تضحكوا على وكده).
لكن (مرات.... مرات) بشتغل برمجة بدات ب VBA
و انتهت ب Visual Basic.NET ....ما كعبة فى ال object oriented programming.
ما عندى قروش او مزاج اشترى ماك. ممكن انفض الغبار عن قدراتى البرمجية و اشتغل #C اذا كان ممكن اعمل بيها Apps فى PC و ليس ماك.
السوال بطريقة تانية...هل ممكن اصمم تطبيقات ب #C و PC ??? |
مرحب باشمهندسة سمارت ..
نضحك فيك في شنو؟ عشان مجالك بعيد من البرمجة؟ ما أظن في زمن العولمة ده في زول بعيد من أي مجال .
عندي صاحبي مهندس كهرباء عندو هواية في البرمجة ، الآن ما فاضي في أي مبرمج محترف .. والله صحي
هسي انتي زاتك تلقاكي لابده وفي النهاية تطلعي زي صاحبي ده
بالنسبة للـMonoTouch للأسف ما بيشتغل معا الـPC ، ده بالنسبة للطرق الرسمية ..
بالنسبة للطرق الملتوية ممكن طبعاً
الصفحة دي فيها معلومات عن تشغيل الـMonoTouch في ويندوز
http://escoz.com/developing-with-monotouch-on...s-and-visual-studio/
لكن .. متوقع انو تكون في بعض الإشكالات .. بالمناسبة في نسخة مجانية للـMonoTouch لكن للأسف Simulator only
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: محمد عبدالله مختار)
|
Quote:
الاخ محمد حباب المدام جدا جدا جدا.. ونشجّعها على هزيمتك هزيمة نكراء... اصلا احنا في مجال الIT/CS/CIS نعتبر أقلية... مرحب بالمدام... قول لينا اسمها... واديها فرصة تكتب هنا ... |
شكراً أستاذة مريم على ترحيبك بالمدام .. وزي ما كتبت قبل كده ، اسمها مريم ، لكن تشجيعك ليها ده والله مشكلة كبيرة ، اصلاً هي عندها اطماع استعمارية بتقول لي حا اقلع منك الـعملاء بتاعنك بعد ما ابقى محترفة في التصميم .. والله صحي
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: مريم بنت الحسين)
|
| Quote: قلت شنو يا فرانكلي؟ غايته دي بقت زي تعمل موقع يبشر بالمسيحية |
ههههههههه
أنا من ناحية المبدأ موافق وما عندي مشكلة
أنا علي التصميم المحتوى يسأل عنه صاحب الموقع
وبيني وبينك لو ناس كوستاوي ديل قلبوها يكون عندنا كريديت كويس
لكن بالجد أنا كنت اتمنى موضوع المسابقة يكون شيء أخر غير موقع إخباري
المهم
المهمة كدا بتكون سهلة شديد لأنّ الموقع صورته بقت واضحة المعالم Layout fonts and colors واعتقد برضو في كثير من الهواة والمحترفين جرّبوا يعملوا موقع إخباري مشابه لموقع ال CNN أو الجزيرة.نت أو العربية.نت
إذا بقيتوا لعلى فكرة كوستاوي فممكن نبدأ على طول
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: Frankly)
|
اضيف كمان حقو مسالة التامين تكون من مطلوبات اعتماد الموقع
يعني مفروض في الاخر يكون في بنترشن تيست لكل المواقع يحدد العيوب وامكانية الاختراق
التقيم مفروض يكون بالدرجات
الاخراج ( الشكل العام ، التصميم في الترويسة ، توزيع الموقع ، الخطوط المستخدمة للنصوص وملائمتها ، حجم الصورة ونوعها ، حجم الافلام ونوعها )
التطوير( اللغة المستخدمة ، CMS المستخدم ، الكمبوننت المستخدمة وجدواها )
التامين ( تقفيل الثغرات ،النسخة المستخدمة من الـ CMS واعتماديتها )
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: محمد عبدالله مختار)
|
Quote:
التقيم مفروض يكون بالدرجات
الاخراج ( الشكل العام ، التصميم في الترويسة ، توزيع الموقع ، الخطوط المستخدمة للنصوص وملائمتها ، حجم الصورة ونوعها ، حجم الافلام ونوعها )
التطوير( اللغة المستخدمة ، CMS المستخدم ، الكمبوننت المستخدمة وجدواها )
التامين ( تقفيل الثغرات ،النسخة المستخدمة من الـ CMS واعتماديتها ) |
شكراً باشمهندس وليد .. شغل نضيف والله وده الكلام الصاح
واسمح لي بإضافة بسيطة .. يجب على المصمم برمجة قالب خاص لهذه المسابقة . لا توجد فائدة من المسابقة ان تم استخدام قوالب جاهزة .. اذ من المعلوم ان عددها بالمئات ومعظمها (خاصة التجارية) اكثر من رائعة .. اعرف ان هذا الموضوع سيتطلب مجهوداً لا بأس به ، وهذا بدوره سيزيد كثيراً في وقت المسابقة ، لكن انظروا معي الى النتائج .. مصممين ينتجون قوالبهم الخاصة ..!!
وحتى لا يتم تعقيد الموضوع كثيراً ارى ان يسمح بإستخدام الإضافات الجاهزة (Plugins, Modules, Components) ..
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: مريم بنت الحسين)
|
نحن في النتظار أختي مريم وأعملوا حسابكم الكرمبة دا لو نسيتو الموضوع ح يشيلوا ليكم للربع الرابع من عام 2024 على الأقل
بخصوص التصميم أرجو أن لا نرفع سقف المطلوبات وأن نسمح بالتويكين tweaking لأي تمبليت موجود أو استخدام برامج عمل تمبليت
من يستطيع أن يعمل تمبليت من الأسكراتش فعليه ذلك وسيكون بالطبع عمل جيد جداً إن لم يكن ممتاز
________________
tweaking = تعديل أوتغيير عمل أو إجراء معين ليكون بصورة أفضل أو أنمسب
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: Frankly)
|
معليش اتأخرته عليكم
انا طبعا جديدة على جملة.. فما حأصمم قوالب خاصة زي ما بتقترحوا... لكن المنافسة حتشجعني اشتغل ... ده غير اني حاخد منكم افكار عشان شغلي بعدين...
غايته انا بنتظر عمو كوستاوي ده لحدي بكره، لو ما ظهر نعمل موضوع خاص بينا.. ونشتغل.. ما عايزه الحماس ده يفتر...
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: مريم بنت الحسين)
|
| Quote: شنو يا جماعة عملتو فيها رايحين! |
عمنا كوستا .. موجودين والله بس مشاغل الدنيا .. الله يهون .
| Quote: بخصوص التصميم أرجو أن لا نرفع سقف المطلوبات وأن نسمح بالتويكين tweaking لأي تمبليت موجود أو استخدام برامج عمل تمبليت |
اقتراح جميل خاصة انو برمجة قالب من الزيرو محتاج شوية وقت .. وللزول الما عندو وقت ممكن يعدل في اي تيمبليت او يستخدم برنامج لإنتاج تيمبليت ، المهم اللمسة الخاصة .. عن نفسي حأعمل قالب من الزيرو والسبب ما المسابقة دي لكن حالياً بأسس في شركة خاصة بإنتاج قوالب تجارية HTML & CSS , Joomla, Drupal, WordPress وأول قالب حأنتجو حيكون مجان في موقعي بإذن الله .. أكيد محتاجين نصائحكم وتصحيحكم للأخطاء وتشجيعكم كمان .. فكرتي انو نفس القالب يكون متاح لي كذا CMS ويكون شغال RTL, LTR ، وبإذن الله حأطرح اضافات خاصة حسب الغرض .. حالياً رصيدي من الإضافات كمبوننت عملتها لإحدى المؤسسات ونتائجها بتظهر في ثلاثة موديولات مختلفة ، وصفحات متعددة خاصة بسجل الشخصيات . ده كل العندي لغاية هسي .. بسيط لكن مقتنع انو مشوار المليون ميل بيبدا بي خطوة .
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: محمد عبدالله مختار)
|
عمو كوستاوي ياخ انت ما جادي... احنا حنبدا شغلنا.... عشان الناس دي ما تطفش....
رايكم شنو نعمل مكتب السياحة القلت ليكم عنّه قبيل داك؟ قلتو شنو؟
ضربة البداية... يوم 12/11/2011... تكونوا عيّدتو وروقتو... موافقين؟
المسابقة مدتها شهر.. قابل للتمديد... يوم 12/12/2011 بتنتهي المسابقة....
الحكم نخليه يكون زول محايد، وعنده نظره فنية ومهنية في نفس الوقت، تقترحو منو؟ ممكن انا اكون ليكم حكم لأني بادية ياداب في القصة، بالتالي حتكشوني كشة العدو.. \
الاخ محمد عبدالله.. فكرتك ممتاااااااااااااازه، ولو ظبتطه شغلك تمام، حتعمل شركة ممتازة... وحندعمك اعلامياً... ربنا يوفقك ان شاء الله
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: مريم بنت الحسين)
|
| Quote: رايكم شنو نعمل مكتب السياحة القلت ليكم عنّه قبيل داك؟ قلتو شنو؟ |
كما قلت مسبقاً أختي مريم ليس هناك مانع من عمل موقع مكتب سياحة
لكن لابد من التفصيل لماهية الموقع
يعني مكتب السياحة ما هي نشاطاته و خدماته وماذا يريد أن يبرز في موقعه وما هو الHouse Style وهل هناك نظام حجز أو تعامل مالي eCommerce؟؟؟
كلمة مكتب سياحة لوحدها كلمة فضفاضة جداً ولكي يكون التسابق في نفس الموضوع والمضمون يجب تحديد للإطار العام الذي يتم فيه العمل
تحياتي كمال
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: محمد عبدالله مختار)
|
| Quote: .. عن نفسي حأعمل قالب من الزيرو والسبب ما المسابقة دي لكن حالياً بأسس في شركة خاصة بإنتاج قوالب تجارية HTML & CSS , Joomla, Drupal, WordPress وأول قالب حأنتجو حيكون مجان في موقعي بإذن الله .. أكيد محتاجين نصائحكم وتصحيحكم للأخطاء وتشجيعكم كمان .. فكرتي انو نفس القالب يكون متاح لي كذا CMS ويكون شغال RTL, LTR ، وبإذن الله حأطرح اضافات خاصة حسب الغرض .. حالياً رصيدي من الإضافات كمبوننت عملتها لإحدى المؤسسات ونتائجها بتظهر في ثلاثة موديولات مختلفة ، وصفحات متعددة خاصة بسجل الشخصيات . ده كل العندي لغاية هسي .. بسيط لكن مقتنع انو مشوار المليون ميل بيبدا بي خطوة . |
ما شاء الله تبارك الله
دا الكلام ولا بلاش
ربنا يوفقك ويسدد خطاك خطوة خطوة حتى المليونية وما بعدها
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: فتح الرحمن محمد)
|
Quote: كما قلت مسبقاً أختي مريم ليس هناك مانع من عمل موقع مكتب سياحة
لكن لابد من التفصيل لماهية الموقع
يعني مكتب السياحة ما هي نشاطاته و خدماته وماذا يريد أن يبرز في موقعه وما هو الHouse Style وهل هناك نظام حجز أو تعامل مالي eCommerce؟؟؟
كلمة مكتب سياحة لوحدها كلمة فضفاضة جداً ولكي يكون التسابق في نفس الموضوع والمضمون يجب تحديد للإطار العام الذي يتم فيه العمل
تحياتي كمال |
اذا متفقين على الموضوع، يبقى بعد ده نتفق في التفاصيل... مكتب سياحي بقدّم خدمات سياحية لمناطق مختلفة... الخدمات بتشمل حجوزات التذاكر والفنادق والسيارات.. ممكن نعمل دفع عشان حتكون اضافة كويسه بدل ما يكون عرض خدمات ساي...
اها هل من مزيد؟
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: مريم بنت الحسين)
|
شكراً مريم بنت الحسين ، شكراً فرانكلي شكراً فتح الرحمن محمد .. وللجميع الشكر والتقدير
يا جماعة رايكم شنو في Website بتاع خطوط جوية ممكن يكون سودانير مثلاً وفيهو الوجهات السياحية البتنقل ليها الخطوط الجوية داخل وخارج السودان .
يعني ممكن ندمج السياحة مع الطيران بتطلع حاجة روعة خاصة منظر الطيارة فوق السحاب ود براهو بيخلي الموقع تحفة فنية رائعة .
زي الحاجات البجيبوها ناس الخطوط الإماراتية والقطرية والسنغافورية .. (يا جماعة ده مجرد اقتراح والراي رايكم) .
تحياتي
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: وليد محمد المبارك)
|
كلام تمام يا محمد مختار... خلينا نعتمد المواصفات دي ونبدأ... وبعداك لو طلع شي جديد نناقشه...
يلا يا شباب... تييييييييييييت.... بدأنا... معانا اسبوعين من اليوم... بالتوفيق... انا طبعا الحكم
في نفس الوقت حأكون شغاله في الموقع العايزه اعمله... واجي اسألكم واستفيد من خبراتكم...
let the game begin!
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: مريم بنت الحسين)
|
| Quote: يا اخوانا وصلتوا وين!؟ |
يعلم الله الليلة يادوب شوفت البوست ..! انا قايلكم نسيتو الموضوع ده
محتاج أقل حاجة لي اسبوع عشان اقدر أبدا لأنو عندي التزام تسليم ويب سايت .. على العموم اقترح تمديد الفترة نسبة لظروف العمل والأولاد وغيرها .. شهر مناسب لي كلو زول من لحظة ما يبدا لغاية ما ينتهي او ممكن تكون الفترة مفتوحة كلو زول وظروفو .. في النهاية الراي رايكم .
تحياتي للجميع
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: مريم بنت الحسين)
|
ألحقوني!
انا طبعا ياخوانا Joomla ده جديده عليه زي ما وضّحته... قاعده اكابس فيه يعني.. وفعلا ما في فرق كبير بينه وبين Drupal... المهم في القصة اني لقيت module ظريف جداً، وعجبني، لكن ما شغال مع العربي... اسمه mini post it... العمل؟ ولا انسى موضوعه؟
حسي بكري ده انا إلا افتح لي بوست تاني للربع الجاي!
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: وليد محمد المبارك)
|
اهلا يا وليد.. والله انا من قبيل مغيوظه لانه سودانيزاونلاين ما راضي يشتغل لي...
هي بتشتغل عادي، وبتظهر... لكن الكلام لما يكون بالعربي ما بظهر... بالانجليزي بظهر.. خليني اوريك ليها...
شايف الحركة بتاعت الورقة الصفراء دي.. والله عا########ي شديد...
شوف لي حل عليك الله...
برضه لو اديتني كم template بدعموا عربي تكون ما قصرته.. دخت السبع دوخات وما لقيت حاجه حلوه زي ما انا عايزه... لكن في أخ اداني برنامج Artisteer... لو جاطت خاااااااااااالص بمشي أطمبج فيه.. رغم اني ما عايزه والله اضيع وقت في الtemplate ما دام في حاجات جاهزه حلوه...
كتّرته الطلبات.. ؟
انا شغاله بي version 1.5.25..
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: مريم بنت الحسين)
|
معليش يا جماعة حأضطر أبعد عنكم الفترة الجاية لظروف طارئة .. المدام مريضة 
أطباء البورد في الداخل والخارج .. عاجل
باشمهندسة مريم موضوع الورقة الصفراء دي لو واجهتك فيهو مشكلة في القالب امشي الفوتوشوب واكتبي كلامك العايزاهو في الورقة الصفراء واحفظيها كصورة jpg
امشي الـModule Manager واختاري New واعملي Custom HTML module
وبعد داك ببساطة اعملي import للصورة في الموديول .. ده حل مؤقت
بالنسبة لي موضوع القالب البيدعم عربي في قوالب احترافية ومجانية كمان وبإذن الله ما تواجهك فيها ولا مشكلة ، كمثال بس :
http://www.joomshaper.com/joomla/free-templates/simplicity_ii
اختاري watch demo حتشوفي القالب live لاحظي في القائمة الفوق حا تلقي RTL Languages
في موقع عربي (جوملانا) بيجيب قوالب بتدعم RTL لكن انتبهي معظم القوالب القاعدين يجيبوها ما مجانية ، محتاجة ترخيص
http://joomlana.net/download-center/templates/RTL.html
برنامج آرتستير ما بنصحك بيهو لأسباب كتيرة حأذكره لاحقاً ان شاء الله
كويس انك شغالة بي آخر نسخة من 1.5 لكن طبعاً الـ1.7 أفضل بكتير خاصة انو الـsub-catogeries فيها غير نهائية
أما في الـ1.5 بيكون الواحد محكوم بي section وجواهو category لكن لو عايز يعمل تفرع للـcatogery المذكور فالموضوع مستحيل
برضو الـPermissions في الـ1.7 عملوا فيها شغل رهيب .
تحياتي
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: محمد عبدالله مختار)
|
الاخ محمد مختار... ألف سلامة على المدام.. وان شاء الله تكون اطمأنيت عليها... محمود ولدي (خمس سنوات) عمل عملية إزالة لحمية شهر واحد الفات... وكان معاها عملية تصغير لوز وعملية تفريغ ماء من الاذن وكانت بسيطة جداً وسهلة خالص... يمكن اصعب شي كان الاكل بعدها باعتبار انه عمل عملية في اللوز وانه طفل ما بعرف يراعي نفسه... لكن شكلك المدام ما بتتحمل فيها الهبشه... :) الله يخليكم لبعض ويقوّمها بالسلامة ان شاء الله...
بالنسبة للحل... هو زي ما قلت حل مبدأي لكن دي حته بتاعت اعلانات يعني حتكون محل تحديث على طول.. ما ممكن الف اللفة دي كلها كل مره.. موش؟ غايته غاظتني لانها لزيزه.. وبالانجليزي مجرد انك تخت الكلام بظهر ليك طوالي... لكن بالعربي ما بظهر... شكلي حأخليها :(... وافتّش لي شي تاني...
حأشوف الtemplates النزلتها واحاول فيها... موقع جُملانا ده عزّبي عزاب الله اكبر... والموقع الاديتني ليه داك يا وليد جايط كده واللنكات بتاعتهم broken شكلهم في مرحلة update... ألحقوني بالمزيد من الtemplates.. غايته simplicity ده حلو لكن blank كده...
ياخ شوفوا لينا بكري ده يرحّل لينا البوست ده..! ما ممكن يعني نفتح بوست جديد ونقعد نشرح تاني!
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: مريم بنت الحسين)
|
حبابك يا مريم في اي وكت
المهم
فعلا هو مديول اسمو lof articles slideshow
فتشي بتلقى
لو ما لقيتي كلميني اضغطوا وارسلوا ليك في الايميل واوريك بعد تفكيه تختيه وين عشان يشتغل معاك
بالنسبة للموديول بتاع مواضيع المنتدى الرئيسية وده محتاج ليه بكري
ده موديول بربط بيم joomle و المنتديات المختلفة VB او خلافو
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: وليد محمد المبارك)
|
Quote: ما اظن ده اللون الاختارتو
اعتقد انها في مرحلة البناء حتى الان ، ما اظن الشكل النهائي للموقع ظهر |
فعلاً يا وليد
طبعاً ما ممكن بنت تصمم حاجة باللون الأبيض (دا ما خصم على البنات بل بالعكس البنات في التصميم ذوقهن عالي جداً)
أنا كمان يا وليد لما أكون قاعد اصمم بيكون عندي نسخة للتجريب وكل مرحلة بعمل ليها باكاب وبالتاريخ
لو عملت حاجة وحبيت أرجع للصورة الأولى من التصميم برجع للباك أب طوالي
وأثناء الشغل قبل ما أعدل اي ملف بعمل منه كوبي في نفس الفولدر وببدأ اعدّك في التصميم لو ظبط معاي طوّالي بعمل ليه باكاب وأواصل
أهم حاجة اباك أب وما تكون شغّال في نسخة الموقع مباشرة
لابد من الشغل في سيرفر محلي حتى يظبط التصميم
بالمناسبة شغلك نظيف وحلو جداً في سودانييزأوفلاين
أنا كنت من أوائل من صمم الصفحة الأولى لسودانييزأوفلاين سنة 2004 أو 2005
طبعاً بال HTML
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: مريم بنت الحسين)
|
سلام مريم
| Quote: بالنسبة للحل... هو زي ما قلت حل مبدأي لكن دي حته بتاعت اعلانات يعني حتكون محل تحديث على طول.. ما ممكن الف اللفة دي كلها كل مره.. موش؟ غايته غاظتني لانها لزيزه.. وبالانجليزي مجرد انك تخت الكلام بظهر ليك طوالي... لكن بالعربي ما بظهر... شكلي حأخليها :(... وافتّش لي شي تاني... |
خليتينا نرجع لجوملا 1.5
المهم نزلت جوملا ونزلت المودول وركبته
والمشكلة جد بسيطة جداً لم تأخذ منّي خمس دقائق
اعتقد إنّك شغالة ب وامب سيرفر
أمشي
C:\wamp\www\mariam\modules\mod_jf-minipostit\assets\js
وافتحي ملف Hand_Of_Sean_400.font.js
في أول سطر غيّري نوعية الخط لتصبح
font-family":"tahoma"
تاراااا
| |
|
|
|
|
|
|
|
|
|
Re: إلى مصممي مواقع الانترنت... سؤال قد تتبعه أسئلة (Re: Frankly)
|
الله اكبر عديييل كده غايته!!
It worked!!
يا سلاااام!!... والله جبتها يا فرانكلي... الله يفرّحك دنيا وآخره!
بالمناسبة انا رجعته لجملة 1.5 عشان الشركة بتاعت الhosting حقتي ما بتدعم جملة 1.7 للأسف!
يا وليد بالنسبة للألوان.. انا مستخدمة تلاته ألوان أخضر وبني محمر (حيموري) وأصفر...
ألف شكر يا جماعة... حأجيكم بالمزيد من الأسئلة لما اتورّط.... اتحمّلوني...
| |
|
|
|
|
|
|
| |
مريم بنت الحسين
الامين موسى البشاري
Frankly
عمر الفاروق
بريمة محمد
فتح الرحمن محمد
عمار محمد ادريس
محمد عبدالله مختار
mekki
وليد محمد المبارك
smart_ana2001
Kostawi
فيس بوك
تويتر
انستقرام
يوتيوب
بنتيريست