|
Re: اها المرة دي الطفأ النور دا منو كمان!؟ (Re: قيقراوي)
|
كفيت و وفيت فى موضوع كاتبك المفضل يا قيقراوى .. واصلا الموضوع ما بحتاج اكثر من ذكر الاجابة .. وأذكر انها كانت زول اسمو مبتدأ وخبر كده .. نور أبلج , جمال أنعم , سلام عالمى .. الخ
" وش زول رباطابى زهجان ومفلس ومرتو مشاكلاهو "
| |
|
|
|
|
|
|
Re: اها المرة دي الطفأ النور دا منو كمان!؟ (Re: محمد حيدر المشرف)
|
Quote: كفيت و وفيت فى موضوع كاتبك المفضل يا قيقراوى ..
|
المشكلة اني حسبتها غلط .. مع اني محاسب
كنت لاعب بحرفنة .. و براحة براحة بدردق فيهو ككرة تلج .. تخت الفكرة طق للعاوز .. و تدي الباقين الطراوة ما بتدي حريف لكن!
وداع بوستي العزيز و في غيابك ياما ح نشيل اللوم الله هونيني
------
لو عاوز تضر صاحبك (العزابي) انصحو بانو يتزوج و الله صحي
في الاثر عن طبارك الذي ليس بيده شئ، عن عثمان بشرى انه حينما سُئل عن الحب، انه قال: الحب محرج رواه قيقاراوي و اضاف (والزواج عوارة)
| |
|
|
|
|
|
|
Re: اها المرة دي الطفأ النور دا منو كمان!؟ (Re: Abuzar Omer)
|
Quote: تحياتى يا قيقا، و شايف جابوا ليكـ البوسط البعبع للسنة الجديدة!! المافى شنو؟؟
|
مافي اهتمام .. آي دونط كييييييييير!
منذها -ثورة جداد الخلا- انا بتعامل مع مطعم الباشا دا كمعادل موضوعي لـ(صندوق اللاشىء) .. ؤ تماماً
يعني ممكن تغير السؤال الاثير لـ: هو الفي شنو!؟
--------
* افتكر انو دا كلام معقول برضو .. مش!؟
سم ياخ اسئس حبيب ألبي .. و المسألة في سياقها لاتعدو مناكفة اصحاب اصحاب و ان كان لكلامه جزء من الصحة- ودي اكيدة- فلا بأس .. منو الكسبان في الآخر!؟
| |
|
|
|
|
|
|
Re: اها المرة دي الطفأ النور دا منو كمان!؟ (Re: قيقراوي)
|
Quote: اها المرة دي الطفأ النور دا منو كمان!؟ |
احكى ليك قصة عن طفية النور فى القاهرة اوائل التسعينات كانت الجماعات الاسلامية تخلط سموم بالخمور تسبب العمى عندنا صاحبنا كان خايف انه يصيبه العمى من الكحول المغشوشة قوم يا الزول اسكر وكان مع اصحابه طبعا وقوم يالنور اقطع فجاة صاحبنا لقى نفسه بكورك ـ يا جماعة انا عميت لحقت الزينين وبكى كما لم يبكى من قبل وفجأة كدا النور رجع بس .. خلاس كل سنة وانت طيب يا زول يا سمح والجاتك فى بوستيك سامحتك
| |
|
|
|
|
|
|
Re: اها المرة دي الطفأ النور دا منو كمان!؟ (Re: سلمى الشيخ سلامة)
|
الاستاذة سلمى هارسلف يا مراحب و الله بالنور الجانا
Quote: احكى ليك قصة عن طفية النور
|
Quote: انت بتقول فيها؟ ايام الجامعة - لاحظ - و الله كان معانا واحد ( جلابي ) اسمو محمد الجيلي، من جلابة القطينة اظنو .. ياخ الزول دا منجضنا نجاض عديييل كدا .. جلابة على مجولبين
مرة ايام امتحانات كان عيان، و راقد في السرير دبل بيد، التحت .. سفيان زميلو في الغرفة قاعد في الطربيزة بذاكر، و النوع البدق و يغني اثناء ساعات المذاكرة الرسمية داك الغرفة القصادم طوالي كيزان .. استاءوا من الحولية العاملا ليهم سفيان دي .. جوهوا بالدرب و اتهارشوا معاهو .. و هددوا بانهم لو سمعوا صوت بغم ساي منو بجوا يطفوا ليو النور اها الجلابي العيان دا و لا نايم و لا حاجة بمثل ساي - ما جلابي كمان ياخ! - سحب ليك عكاز المكنسة بكراعو برااااااحة و طفأ النور لصاحبنا من غير ما يثير اي شكوك انو ديل ما الكيزان
و صاحبنا سفيان مش اكتفى بازعاج الكيزان بس .. قوّم الداخلية كلها على فرِد رجل .. شايل ليهو باقة و يدقدق ماش و جايي في الممر !!
انقر الكيزان طلعوا من غرفتم!؟
|
شكراااااان يا ستي على المواساة في فقيد الشباب .. و ما نجيكم في شين ان شاء الله
-------
غايتو الزول لمن يقتبس من نفسو ببقى زي العامل ليو سندوتش رز .. نشويات بالنشويات .. بس نسوي شنو عاد مع سوء الكتابة و المصير!؟
| |
|
|
|
|
|
|
Re: اها المرة دي الطفأ النور دا منو كمان!؟ (Re: وضاحة)
|
وضاحة يا فجر المشارق كل سنة و انت طيبة .. و عام سعيد يا رب
Quote: هو النور طفوا ولا حلقوا ليه المنتدى العام
|
لوووووول
الصباح ان لاح لا فائدة في المصباح! ياخ انا نمت مطمن على فارق التوقيت عن الساحل الشرقي بي الميت بكون 7،8 ساعات ضوئية دا! اجي القى الدار خلا .. ما ننوم يعني و لّ كيف .. بس نقعد نصاقر ليكم البورض دا!؟
-------
حمد لله على السلامة عود احمد
| |
|
|
|
|
|
|
|