|
Re: من سيفوز برئاسة جمهورية أمريكا? أوباما أم نوت? Obama or Newt Gingr (Re: Deng)
|
كوستاوي.
الموضوع ده لسه لم يتم حسمه بعد. مازال الحزب الجمهوري متحيرا في أختيار من يرشحه.
ميت رامني(Mit Romney )مازال يتقدم في الأستطلاعات، بتاعت ولاية نيو هامشر( New Hampshire). ولكن واضح جدا أن مؤيدي الحزب الجمهوري بالمناطق الجنوبية(الأغلبية) لا يرغبون ترشيح ميت رامني وذلك لأنهم لا يعتبرونه محافظ حقيقي، ولقد قام بتغير مواقفه من بعض القضايا كثيرا. منها مثلا موضوع الرعاية الصحية وموضوع الإجهاض. أما نيوت قينقريتش( Newt Gingrich ) فهو كان يبدوا كلحلم بالنسبة للجمهورين المحافظين ولكن الناطق السابق بالكونجرس لديه عدة فضائح شخصية قد تطيح به إذا تم ترشيحه للنهائي. المهم في الموضوع ده أنو أوباما رغم أن فترة حكمه لم ترضي معظم طموحات الشعب الأمريكي خصوصا في ما يتعلق بالأقتصاد. إلا أن البديل الجمهوري الحالي بلا شك فهو أسواء من إدارة أوباما. وفرص فوز أوباما برئاسة قادمة مازالت كبيرة، رغم الأستطلاعات التي تشير الى تدني شعبيته كثيرا.
| |
|
|
|
|
|
|
Re: من سيفوز برئاسة جمهورية أمريكا? أوباما أم نوت? Obama or Newt Gingr (Re: Osman Musa)
|
Quote: لو بقت على، نيوت قنغرتش، أوباما تانى ح يفوز |
يا بريمة نحن قلنا زول ما في الجبهة الثورية ما يلخبط لينا البوست دا!
نوت قنغريتش دا أشطر زول في أمريكا دي و بيعرف سياسة صاح فما تلخبط الكيمان ساي!
و بعدين حكاية المورل دي الأمركان ما شغالين بيها....هسع رئيسك الرقاص دا عندو مورال الزول دا بيعمل 60 الف دولار في 30 دقيقة كمتحدث في المناسبات... تقول لي شنو!
| |
|
|
|
|
|
|
Re: من سيفوز برئاسة جمهورية أمريكا? أوباما أم نوت? Obama or Newt Gingr (Re: Kostawi)
|
نوت ده لو فوزوه الجمهوريين بعد كلامه عن فصل الفراشين من المدارس و تشغيل اطفال المدارس فى نظافة مدارسهم لمحاربة الفقر...يكونوا بالغوا. بعدين هرمن كين خسفت بيه فضائحه الاخلاقية.....و صاحبنا نوت ما مقصر. اى واحده اتزوجها خانها. مت رامانى مالو ? عيبوه لى? انا شخصيا لو كنت جمهورية (او حتى امريكية) كنت صوتت لرامنى. اللخبطة البيعمل فيها الايام دى سببها انه الناس ( الجمهوريين ) ما تقول ان برنامجه الصحى فى ماستتيوسش ذى قانون اوباما الصحى تقريبا. عشان كده عاوز يبعد روحه عن اوباما تماما و بالسبب ده بقى يبرطم فى الافاضي. اوباما بختو لو فاز نوت....جاتوا بارده. لكن...لازم ننتبه ان الامركان (الشعب عموما) بيلوموا اوباما على المشاكل الاقتصادية الحاصلة. نشوف بيحصل شنو!!!!
| |
|
|
|
|
|
|
Re: من سيفوز برئاسة جمهورية أمريكا? أوباما أم نوت? Obama or Newt Gingr (Re: smart_ana2001)
|
كوستاوى نهارك سعيد والله جينجريتش يشمها قدحة . يعنى نحن من كم شهر بنرسل تبرعات لاوباما فى الفاضى . اوباما حيفرم ليك اى جمهورى فرمفى المناظرات . شفت البارحة كيف مسح بيهم الارض فى موضوع ضرائب المرتبات . بعدين جينجريتش ده شايل معاه قناطير من الفضائح آخرها انه اتضح انه بتاع لوبيات قابض ليه مليون ونصف تحت التربيزة من شركة وهمية . المغالط يلاقينى فى السهلة فى العام القاد لو ربن مد فى العمر - نيوت قال ! الليلة الواشنطن بوست قالت ان اوباما سخن الحلبة على الجهوريين جنس تسخين .
| |
|
|
|
|
|
|
Re: من سيفوز برئاسة جمهورية أمريكا? أوباما أم نوت? Obama or Newt Gingr (Re: Ali Hamad)
|
دينق عثمان إسمارتي أميرة دكتور علي
كلامكم كلو صاح الجمهوريين تذكرتهم بايظة خالص حتى الآن و لسع عندهم سنة...مش إحتمال يكون عندهم أوباماتهم قاعد منتظر المولد أو مش إحتمال يجيكم بوش نمرة 3 بتاع فلوردا...الإحتمالات كتيرة يا الحبان, إنتو نسيتوا القور/بوش.
يا دكتور علي ود عمنا أوباما دا ما حا نقصر معاه لكن كمان كمل طراداتنا...كل يوم شابكنا حتى ولو 25$!...
جايكم راجع...
| |
|
|
|
|
|
|
Re: من سيفوز برئاسة جمهورية أمريكا? أوباما أم نوت? Obama or Newt Gingr (Re: ثروت سوار الدهب)
|
يا ثروت نحن سمعنا هنا في المنبر انك كنت معتقل في السودان وان ناس الأمن عذبوك.. هل الكلام ده صحي ولا اشاعات ساكت..( معليش يا كوستاوي طلعنا بره الموضوع).. وبعدين يا ثروت انت اظنك ما قريت عن قرنغريتش ده ونفوذه الواسع في انحاء امريكا وتأييد اليهود له بقوة.. وبرضه عنده نفوذ كبير في مجلس الشيوخ.. وأكيد اذا هو بقى مرشح لحزب الجمهوري فإن اوباما سيواجه منافس قوي..
| |
|
|
|
|
|
|
Re: من سيفوز برئاسة جمهورية أمريكا? أوباما أم نوت? Obama or Newt Gingr (Re: Kostawi)
|
الأخ كوستاوى
سلامات
بتعتمد
بتعمد على الصراع بين رومنى و نيوت قنقريش الأنضمام المتأخر لنيوت للقائمة الاولية لمرشحى الحزب الجمهورى لخبطت حسابات أوباما ورومنى... رومنى كان ممكن بسهولة يحظى بترشيح حزبه .. الآن بقت فرصته وقنقربيش شبه متساويات ... والصراع مع قنقريش حاتجر مسألة الدين لا محالة ...ودى مخاوف رومنى من البداية... فقنقريش معروف بتطرفه وحيكون دا سلاحه الأخير ولو بصورة غير مباشرة(ما تنسى قصة دين أوباما وجنسه وكيف أستخدمتها حملة كلنتوت وأسرة كلنتون)... فما بالك بنيوت اللى بتسانده قاعدة عريضة من الافانجيلكلز واللى ما بيعترفوا بدين المورمانز من أساسه... بالأضافة للمسيحيين البسطاء اللى ممكن التأثير عليهم ببساطة وقنقريش بخبرته وعلاقاته يمكنه ذلك،وشايف قناة فوكس بدأت فى مهاجمة رومنى من أمس وكان منفعل جدا لنو شعر بالأستهداف.
رغم ذلك أعتقد أن رومنى سيحظى بترشيح الحزب لأن قنقريش عندو باكيج من الخيبات السياسية والأجتماعية... فساد ونساء ..وو.. لكن سيكون ألحق ضررا كافيا برومنى يساعد أوباما التغلب عليه خصوصا وأغلب المراقبين بيعتقدوا أنو ما فرق كبير بين طرحه وطرح أوباما..
وأذا حصل أفتراضك أنو الفاينال حايكون بين قنقريش وأوباما فأوباما سيتفوق عليه بصورة أسهل من رومنى... شخصيا أتوقع الفاينال بين رومنى وأوباما ... بعدما قنقريش يسلط الضوء على عدم مسيحية رومنى ودى الناس ما حينسوها وحايدفع ثمنها فى الفاينال ... أتخيل ناس كتيرين حا تلخبطهم قصة المورمانز.. وتعدد الزوجات..وووو
وفى الحالتين فرص أوباما أكبر...
تحياتى سيف
| |
|
|
|
|
|
|
Re: من سيفوز برئاسة جمهورية أمريكا? أوباما أم نوت? Obama or Newt Gingr (Re: Kostawi)
|
Quote: بعدين اسمارت دي جمهورية كادر سري اعمل حسابك |
مالك على يا ثروت يا اخى ??? انا قلبا مع الديمقراط...لكن جيبى بيوجعنى شديد من دفع الضرائب. لكن بينى و بينك الجمهوريين كتروها شديد فى الكم سنة الفاتت. اوباما يقول ليهم زيدوا الضرائب لاصحاب الملايين و هم (رغم الضيق الحاصل لعامة الشعب) ما دايرين.
Quote: غايتو الجمهوريين ناس إسمارتي ديل يشموها قدحةلغاية 2020 |
اسمع يا كوستاوى...انا (ممكن) اغير رايئ و امشي اقدم للجنسية الامريكية. احسن تتصلحوا عاى عشان اصوت ليكم.
بعدين اوباما ده فى اول سنة فى حكمه ما كان فى جيبه الهاوس و السند و قضاها كلها ظرافة مع الجمهوريين. قولوا ليه :اذا سرقت فاسرق جمل. ال stimulus package ديل لو كان ظبتها تماما و ما اشتغل بالجمهوريين كان هسي حلى كل المشاكل الاقتصادية (او اغلبها). هسي دى لو كانت هلرى ما كانت اتلفتت كلو كلو.
كيزان الجمهوريين احسن ليهم يرشحوا رامانى او المورمن التانى اللى كان سفير امريكا فى الصين و حاكم يوتا( برضو شكلوا زول عندوا فهم) لو عاوزين يفوزوا على الديمقراط
| |
|
|
|
|
|
|
Re: من سيفوز برئاسة جمهورية أمريكا? أوباما أم نوت? Obama or Newt Gingr (Re: ثروت سوار الدهب)
|
اسمارت دايره تنكري؟ وحات ود حسونه جمهورية و جلابية كمان
كستاوي الزولة دي لو غشتك تحج من اسه ما تنتظر خرف ناس نقد.
لكن و الله دايرك في خدمة يا اسمارت يا اختي بيني و بينك كدا و ما تكلمي زول. عندي اسمارت فون جديد نوعه موتورولا ريزر - انرويد داير اضيف ليهو عربي اقرا و اكتب. (عشان اكرهك المنبر دا ايام الانتخابات و انا ماشي) ساعديني بالله
بخلي كستاوي يشيل ليك الفاتحة في الكعبة انت و هاشم نوريت .
تحاياي
| |
|
|
|
|
|
|
Re: من سيفوز برئاسة جمهورية أمريكا? أوباما أم نوت? Obama or Newt Gingr (Re: ثروت سوار الدهب)
|
صراحة كده يا ثروت ?? ايوه عاوزه انكر. و الله مع الازمة الاقتصادية و التوحش بتاع الجمهوريين ضد الناس المساكين بطنى طمت منهم كلو كلو. لكن لسه انا ما مع الاجهاض....لكن كمان ما ممكن يحموا النساء حتى حبوب منع الحمل (لو خلوهم على راحتهم الجمهوريين المتشديين بيعملوها). و لسه ما مع زواج المثليين. لكن كمان انا ضد العنصرة ضددهم. انا مع الضرائب على اصحب الملايين, لكن كمان ما الطبقة الوسطى حقتنا دى. لو جاتكم هيلرى كان فهمتكم كلكم حاجه فى موضوع الضرايب. عمو اوباما طلع حنيين. يا فرده السياسة الامريكية دى ح تجننا. تسمعهم بتكلموا كده فى فكس نيوز اقول انا ساى زعلانه من نافع و البشير. بس شكلو الكلام الفارغ بالانجليزى شويه شكلو بيبقى احسن.
هسي عليك الله و فى زمتك يا ثروت انا انبح هنا لى ٣ سنوات عن ال اى فون ...تجى تسالنى عن الاندرويد ???? الله ريحنا منك ايام الانتخابات...الاندرويد ما بيشغل عربى ...لله فى لله كده. لكن ناس متورلا فى السودان و الخليج بيظبطوه للناس و بيخلوه يشتغل عربى....كيف? الله اعلم. لكن قدر ما فتشت النت فى الموضوع ده , لقيت كل العرب للمساكين بيهرجوا من ان الاندرويد ما بيشغل عربى.
| |
|
|
|
|
|
|
Re: من سيفوز برئاسة جمهورية أمريكا? أوباما أم نوت? Obama or Newt Gingr (Re: ثروت سوار الدهب)
|
نيوت قنغريتش زول منضمه ساكت .. والأمريكان بسمو الزول المنضمة "بك ماوث" ..
الفضائح الجنسية هى التى تهد ضهر قنغريتش .. شوفوا المرشح الأسود هرمنت كين .. الزول دا بأكل أخضر ويابس .. نهى نفسه وما تنسوا مرشح الرئاسة السابق جون إدوارد برضو نهته الفضائح.
قنغرينش فضائحه أسوأ من فضائح هرمنت كين وإدوارد .. غير كده فاقد الأنسانية ذاتها .. (سمعت أنه ترك زوجته فى سرير مرض السرطان حتى ماتت .. كده تأكدوا لينا من المعلومة دى)
بريمة
| |
|
|
|
|
|
|
Re: من سيفوز برئاسة جمهورية أمريكا? أوباما أم نوت? Obama or Newt Gingr (Re: بريمة محمد)
|
Quote: وحات ود حسونه جمهورية و جلابية كمان |
ود حسونه ده منو??? بعدين ال"جلبنة" سلوك يا اخى. و انا -احمد لله- ما فينى من سلوك الجلابة شيء. ___________________________________ تعرف انا هسي اتذكرتك...انت اللى زمان فتحت بوست قلت الجمهورين فى البورد يجمعوا هنا و ختيتنى معاهم, صح? بينى وبينك كده الجمهورين من الزمن داك نزلت عليهم حبة غباوة و جشع كده صعبات شديد. او احتمال انا اللى بقيت مستنيرة
| |
|
|
|
|
|
|
Re: من سيفوز برئاسة جمهورية أمريكا? أوباما أم نوت? Obama or Newt Gingr (Re: بريمة محمد)
|
ياخ في زول في الدنيا دي اسمه شون هانتي بتاع فوكس نيوز... الزول دا لو اوباما فاز انا ما عارفه تاني زاتو حا يعمل شنو... اني امنت بالله مااااا شفت لي مخلوق بكره اوباما زي الزول دا التلفزيون اوباما اوباما الراديو اوباما اوباما كرهنا حياتنا زاتو ومااااا عنده شغلة غير الزول دا..
الحاجة الداير اقولها شنو انه اوباما دا حتى اعداءة عارفين انه ما هو بالزول الهين البنقدر ليهم دا زول منجض شغلو والشعب الامريكي دا كلو عارف لولا معاكسة الجمهوريين ليهو كان البلد دي بتحصل فيها طفرة اقتصادية هائلة ستكون بمثابة الضربة القاضية للجمهوريين لسنين عددا.
اوباما خلقة الله كدا زول محبوب وغير كدا هو زول ملان وذكي وسياسي حصيف وخطيب لا اظن اي من المرشحين الجمهوريين يستطيع ان يفوقه في ذلك.
مت رامني دا ما اظن انه حتى يفوز ببرايمري الجمهوريين سيبك من البيت الابيض... الزول دا حا يكون اكبر مصيبة رئاسية لو فاز ودا ما حا يحصل ابدا ابدا
اتمنى الفوز لاوباما غايتو الليلة سمعت خبر جيد بخصوص الاملبوي منت.
| |
|
|
|
|
|
|
Re: من سيفوز برئاسة جمهورية أمريكا? أوباما أم نوت? Obama or Newt Gingr (Re: الخير محمد عوض)
|
الله يستر ساكت يا الخير
البول بتاع الواشنطون بوست صباح اليوم نوت.......%33 رامني و باقي الجرابيع ......%18
دا بالنسبة لأيوا و كمان فرقو من رامني أصبح قريب في نيو هامشير
نوت حا يكتسح أيوا و ساوث كارولاينا و فلوريدا و إحتمال نيو هامشر
الله يستر على ولدنا نوت دا زول خطير و فقري و يملك كل أسلحة الدمار الشامل, أنا خايف على ولدنا دا يبلعوه بعظامه.
كمان لو أباما قام جاب سيرة البحر (المال المسروق و السكس و باقي الفضائح)....حا يقوم يهدم فيه البيت الأبيض بمشيلو و البتين و الجريو.
نوت دا أمريكي ما تنسى....و بحب البحر و السمك و لحم الغزال
| |
|
|
|
|
|
|
Re: من سيفوز برئاسة جمهورية أمريكا? أوباما أم نوت? Obama or Newt Gingr (Re: Kostawi)
|
Here's The REAL Reason Behind Newt Gingrich's Surge
Grace Wyler | Dec. 6, 2011, 11:04 AM
With exactly four weeks to go until the Iowa caucuses, Newt Gingrich has now firmly solidified his support at the top of the Republican presidential field.
No fewer than four new polls this week show the former House Speaker with a nearly double-digit edge over Mitt Romney, the presumptive frontrunner.
A deeper look inside the polling numbers reveal the secret weapon behind Gingrich's meteoric rise — old people love Newt.
According to a PPP analysis of Iowa's Republican caucus-goers, "Gingrich's rise to the top is being fueled by strong support from seniors..." Among voters over 65, Gingrich polls at 37% support, leading Romney's 18% and Ron Paul's 11%.
Gingrich's sway over blue hairs should not be underestimated —Iowa, the first-in-nation voting state, is one of the top-five oldest states in the union, and seniors make up a significant chunk of the state's Republican caucus voters. In Florida, another early voting state stacked with old people, Gingrich leads Romney 47-17, according to a recent PPP survey. According to that poll, 54% of voters over 65 said they would vote for Gingrich.
This elderly-love could be the difference between a flash-in-the-pan Gingrich 'boomlet' and a real surge. As TPM's Benjy Sarlin points out, Gingrich's willingness to dabble in Obama conspiracy theories and lambast entitlement cuts as "right-wing engineering" are actually signs that the candidate is playing to his base.
Gingrich's first television ad, which airs this week in Iowa, is another indication that Gingrich knows his audience. The 60-second spot, titled "Rebuilding the America We Love," is uplifting and patriotic, with a positive message about restoring the glory days of Reagan. Gingrich, the once-bellicose Republican firebrand, is recast as a friendly and familiar grandfatherly caretaker, a move that plays into a collective conservative amnesia and allows voters to remember Gingrich as they would like him to have been.
| |
|
|
|
|
|
|
Re: من سيفوز برئاسة جمهورية أمريكا? أوباما أم نوت? Obama or Newt Gingr (Re: Kostawi)
|
و انت سيد العارفين يا كستاوي من الصعوبة ان يظفر الحزب الديمقراطي برئيسين على التوالي من غير تكلمة لفترة رئيس اخلى منصبه و رئيس عالي الشعبية في نفس الوقت. هاري ترومان اكمل فترة روسفلت بعد موته و ليوند جونسون اكمل فترة جون كيندي بعد اغتياله. يبقى انتقال Back to back فيه صعوبة عشان كدي لازم يتجيبوا مرشح ممتاز جدا لخلافة اوباما. هيليري كيلنتون عملان يعملان ضدها اصلا مافي وزير خارجية قبل كدا بقى رئيس و التاني عمرها عندئذ اي 2016 و ربما عامل صغير ثالث سيرة بيل كلينتون
| |
|
|
|
|
|
|
Re: من سيفوز برئاسة جمهورية أمريكا? أوباما أم نوت? Obama or Newt Gingr (Re: ثروت سوار الدهب)
|
mono da!! ثروت سوار الدهب !! la salam la kalam ya Khorda
أوباما! yes and it is a done deal ya Khorda, and now we are working on 2016 Hillarew is the one.
The First Female President of the New World USA Hillary Clinton 2016
What are you going to say about that ya Khorda
Ya 3agooz Lol
Yes, 2016 is goinging to be different
The new cycle will be. Three Demo One Rep 3 1 3 1 ///// Then…I don’t think I have enough data to inform you what will happen
karamba
| |
|
|
|
|
|
|
|