نـــــودار وحكـــــايـــــات من هنا وهناك وبهناك :)))

نـــــودار وحكـــــايـــــات من هنا وهناك وبهناك :)))
الحكايه الأولى:- فـــوبــيــا الضــب.... فو فو فوبيااااااااااااا فوبيا فوووووبيا كلمه بتدى احساس ان الزول مثقف وعلى قدر عالى من الفهم والرقى مش فى معناها قصدى الزول البيتداولها فى شرح قضايا الوطن والمواطنين ... الضب بقى ما محتاج عرفه كائن حيوانى ملتصق لديه صوت رنان ليلا ... وعشان احكى ليكم موضوع فوبياااااااااااااا الضب يبقى لازم احكى ليكم موضوع غدائى مع صديقاتى ... كعادتنا بعد ان اصبحنا كلنا نعانى من اعراض الاضطهاد الجكسى لشخوصنا الضعيفه وفشلنا فشل ذريع فى معرفه اسبابه ومعطياته وبراهينه قومنا فى التباحث حول تصرفات بعض البنات المعرسات وختوا خطوط فى بعض عشان ما تقولوا بنعمم تلقى البت فاطه سطر ومعرسه ليها ود سكين ينتابك قليل من الحيره وكثير من المغصه يعنى حثى دى انا ولا الهبوله دى ... بعد ما الاكل جيه وطبعا كان بعد ما وصلنا المطعم اللى طبيعى كان بعد ما اتلاقينا فى الشارع اللى اصلا كان بعد ما اتفقنا على شنو ما متذكره افضل نرجع تانى للاكل لمن وصلنا منها بدأت احدى صديقاتى الظريفات فى الحديث اظن الاولاد بيحبوا البت البتهبل بيهم قولت ليها كيفين الكلام دا قالت لى تصدقى عندنا نماذج حيه بتثبت الشى دا قولت ليها افصحىىىىىىىىىىىىىىىى يا فتاه لعلنا نجد الحل الامثل قالت لى فى بت معاها فى الشغل جنها تتبكى فى الفارغه والمليانه وتتعولق فى دا ودا اينعم هى سمحه حتى لا نقلل من شأنها لكن مخها دا انظف من الصينى وكان فى معاهم زول كده لقطه ملتزم ثمح مالى مركزه البت نقورت ونقورت وعشانه عاشت دور البت الملتزمه وهاك يا ربيط الطرحه وتجى من مكتبها شايله له الكفشتينو العملاه بيدها يتبع,,, (عدل بواسطة رانيه محمد الشيخ on 10-25-2011, 11:10 AM)

10-25-2011, 11:15 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
قبل الزول دا فى ود كده مغترب جيه من بره ياداب فرش وصحبتى وظيفتها بتحتم مرور اى زول فرش عليها اها صحبتها دى تجى شبكاها وما شوفتى قال لى شنو وما شوفتى لمح لى وما شوفتى وما شوفتى ( هى لمصداقيه ما شااااااااااااااافت اى شى) وفى مره على حظها الاغبر اتلاقوا كلهم فيس تو فيس وصحبتى على حسب كلام صحبتها ان العلاقه بينهم اقوى من حبل الغسيل تفاجئت انه قال ليها بعد ماهى عرفته على اسمها هو دا انتى الرسلتى لى ايميل الترحيب داك لتكتشف ان الود اصلا ما كان عارف حتى اسمها من شكلها اها صحبتها طبعا عملت روحها ما قالت شى وما بقيت تجيب سيرته بتااااااااااااااتا تانى يتبع,,, (عدل بواسطة رانيه محمد الشيخ on 10-25-2011, 11:18 AM) (عدل بواسطة رانيه محمد الشيخ on 10-25-2011, 11:36 AM)

10-25-2011, 11:21 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
نرجع بقى للواد التانى اللى حظه الاغبر خلاه يعرسها الله يهنيهم عشان ما تقولوا حسدينهم لكن الغريب ان شتااااااااااااااان بين هذه وهذا يعنى حتى مكنة الالتزام وطرحه بتكون بس فى الظاهر امامه ولمن تصل مكتبها تجدع الطرحه وتتحاوم ساى ولمن يكون فى شكله بينهم المكتب كله بيعرف لانها طبعا بتكون فاتحه مكنة البكى ومخاخيط والكل يحنس ولمن تجى تفطر معاهم ويدق عليها المسكين تفك فيه حنك نفسها المسدوده وهى فى يدها سندوتش وكان الحدث الفووووووووووووووبى بالنسبه لنا هو سبب هذا الحديث فحركات البنات معروف انها بتنطوى على شى من الهباله على مكر خالى من الذكاء دا من وجهة نظرى الشخشيه لكن انها بتكسر الشباب دا الشى الاصلوا ما داخل لى فاخوره جات لصحبتى ذات يوم من الايام القريبه وبتديها ورق وفجعتا تقوم تنطط عيونها وتترنح وترتعش وتبرطم بكلمات متقطعه ضب ضب ضب صحبتى عاينت فى اتجاه صباعها وتلقى الضب ماشى فى الحيطه وراها تعاين ليها وتقول ليها عادى فى شنو هو زاتو مشى لكن كيفين يمشى هو زاتو غلطان كان مفروض يقيف يتفرج على المسرحيه الضبيه الاشتغلت البت تقوم تطوطح لمن تصل الطاوله الفى نص الهول لتنكفى على سحنتها وكانها مصابه باعراض ذبحه صدريه طبعا صحبتى عشان عارفه حركاتها عاينت ليها وواصلت شغلها لكن الواد الفى المكتب التانى قام جارى ووقف مخلوع ويقول لصحبتى الحقيها صحبتى عاينت ليها وقالت ليها ياخى مافى شى ضب ومشى والبت خلاص فى لحظه دى كان بركة فى الواطه ونخرتها لصقت فى الارضيه وقالت كلمتها الاخيره انا عندى فوبيا ضب منها صحبتى بعد الحاح زميلهم قامت من كرسيها وجات وقفت فى راسها وقالت ليها انت كويسه بكل قرف لانها كانت على ثقه ان دى حركات نص كم ساى منها ولمن ديك ابيت تختم المسرحيه اضطريت تقومها ويهبهبوها واتصلوا براجلها المسكين جيه جارى من المبنى التانى على حس مرته المصعوقه من شوفت الضب وبقى حدث الساعه وقربوا يزيعوا فى الجزيره بعنوان ضب متوحش يعبر امام حسناااااااااااااااااااء فى محاوله لالتهامها

10-25-2011, 11:30 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
من هذه النقطه اخدنا بريك لنستوعب المعنى ان هل فعلا الاولاد بيحبوا التمثيل دا ومنها ادليت لينا صديقتنا الاخرى بمدلول ان الاولاد بيحبوا البنت تشغلهم فى الفاضى والمليان حيث كان لديها احد صديقاتها معاها فى العربيه وقام اتصلت هذه الصديقه بجكسيها واوحت له انها تايه وما عارفه مكان الدرب الماشياه طبعا صحبتنا بقيت تعاين ليها عشره عشره وبقى الواد يتصل كل دقيقتين وصلتى ما وصلتى وصلتى ما وصلتى وصلتى ما وصلتى برغم صحبتها على علم جيد بالمكان لكن قالت ليها دى السياسه الناحجه انك تحسسى دوما باهميته وانك ضعيفه وممكن تغرقى بدونه ومحتاجه ارشاده ونصحه وتوجيهه لا اعلم ولكن نظرتى للرجل لم تكن بهذه السطحيه فى مخيلتى فالرجل يكفى ان يكون رجل والمراه تكفى ان تكون امراه حتى يلتحم كل طرف بالاخر مكون اسطوره نبهر بيها العقلاء ليست الانوثه بالسلوكيات الخاليه من المنطق والمهينه للعقل لتصنع الضعف وليست الرجوله فى حوجه لهذه السلوكيات حتى تتحفز وتنشط واخيرا لست اعلم هل نحن على صواب ام اننا فى حوجه لنتصنع لعلنا نتملك قلب من نحب

10-25-2011, 12:04 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
الحكايه الثانيه:- مكرره معليش (عدل بواسطة رانيه محمد الشيخ on 10-25-2011, 12:07 PM) (عدل بواسطة رانيه محمد الشيخ on 11-22-2011, 09:42 AM) (عدل بواسطة رانيه محمد الشيخ on 12-12-2011, 01:27 PM) (عدل بواسطة رانيه محمد الشيخ on 06-14-2013, 11:51 AM)

11-21-2011, 12:48 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
الحكــــايه الثـــــالثه الفليــــــترب اجمل حاجه فى جامعه الاحفاد هى الفيلتريب الفى سنه رابعه واجمل سنين فى عمرى قضيتها فى حياتى الجامعيه فى الاحفاد وحمدته ربى انى قضيت سنين جامعتى فى جامعه غير مختلطه لانها مرحله فعلا صعبه وقاب قوسين العقليه فيها بتكون ليسه بتحاول تنضج والمحيط بيكون متاح فيه كل العروض اكيد التربيه بتكون مهمه فى المرحله دى ودور الام والاب الواعى اساسى فى المرحله دى والبعد من العنف والقسوه والتعامل بان الابن او الابنه طفل صغير مهم ايضا نحنا كبشر بنحتاج نحارب دواخلنا عشان نقدر ننتصر على محيطنا نٍقوم رغبتنا وننظر لافعالنا وسلوكياتنا باتجاه مستقبلى وردود فعله المتوقعه الشى دا صعب جدا بيكون على شاب او شابه فى مقتبل العمر وفى بداية مرحلة منتصف العمر البيها بنشكل جوانا اشياء كتيره ومبادىء كتيره بتكون فيها اول تجاربنا واول انكساراتنا واول احاسيسنا واول انتصاراتنا بنرسم فيها شخصياتنا واحلامنا وامانينا فعلا هى مرحله جميله ومرحله لا تنسى فى حياتنا نرجع لرحلة ولرفيقة دراستى وصحبتى سحر اللى شاركتها ايام الجامعه يوم بيوم من اول يوم كنا قروب فى نظرى متميز طبعا برضو اختيار الاصدقاء شى ما ساهل ولا مدبر لصراحه انا ما بتذكر انا بقيت صحبتها كيف ولا متين ولا وين ولا الحصل شنو لكن البتذكره اننا اتشاركنا فى الحلوه والمره والكنبه والكورس والمذاكره والفطور والعكات والطردات هل احساسنا هو البيختار اصدقائنا ميولنا للاشياء والتعامل هو البيخلق بينا الصداقه حاليا اكيد اختيار الصديق بيكون بمقياس الفهم والسلوك والتفكير وبقى شى صعب جدا اننا نكون صداقات تكون فعلا ليها بصمه .... يتبع (عدل بواسطة رانيه محمد الشيخ on 11-22-2011, 09:48 AM)

11-21-2011, 05:13 PM

Haju Muktar

Haju Muktar
تاريخ التسجيل: 10-25-2011
مجموع المشاركات: 5149

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
سرد جميل وممتع واصلي متابعه تحياتي

11-21-2011, 10:45 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: Haju Muktar)
اخى هجو الله يجبر بخاطرك قربت ايأس من البوست :)))))

11-21-2011, 11:22 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
فى السمستر الاول فى سنه رابعه وقبل نهايته بملى استماره بحدد فيها الزميله الحتكون ملصقانى فى الرحله ( كان فى مسمى بالعنجليزى ليها لكن طار منى :( غايتو الكبر حت الذاكره حتيت ) والمكان العايزين الرحله فيه يكون بعيد ولا قريب وكانت امنيتى امشى حته بعيييييييييييييييييييييييييييييييييييييييييييييييييييييييييييييده شددددددددددددددددددددددددددددددددددديد اتذوق طعم الحريه واتنفس هواء بلا قيود وقعدنا انا وسحر صحبتى نملى الاستماره وكانت اجابتنا اننا عايزين نلصق فى بعض والمكان بعيد وخصوصا بعيد دى ختينا فيها خشروميت شخبوطه وبقينا منتظرين على نار حيودونا ياتو مكان لمن ظهرت النتيجه لقينا اسم المكان حقنا ود ابو صالح قولت ليها دى وين قالت لى اسئلينى دبل قومنا سئلنا المسئولين من التنظيم بنمشيها كيف قالوا بالاتوبيس احبطت للامانه لان كان نفسى فى قطار... مركب.... بلدوز.... غواصه اى شى ما يوحى بان المسافه قريبه لكن طلعت من القرى الفى شرق النيل قولت يالا الطشاش ولا العمى كله اى حته والسلام المهم رحححححححححححححححححله ومع صحبتى دى كانت من معجزات حياتى لان امى الله يديها العافيه بترفض رفض بات البرامج دى ولو ما ادخلوا الاساتذه فى اقناعها انى ما حتخرج لو ما سافرت ما كان سمحت لى اعتب باب البيت يوم السفر بليل النوم ابا لى من السعاده ما بنكر احساسى بالرهبه والخوف لكن كان كاسح احساسى بالانطلاق اى شعور اخر اخيرا ححس انى زوله مسئوله عن نفسى جهزت شنطتى بأشياء تنفع للبيتش ما للخلا وشلت معلبات اكل وبسكويت وعصاير مجففه لمن غلبنى اعتل الشنطه صحيت اول زوله فى البيت وبديت ادافر فيهم يقوموا امى ابيت حتى تصحى من الزعل لانى مسافره اول مره فى حياتها حبعد منها ولمن جات اللحظه الفاينل للوداع قومتها بالاجبار عشان احضنها ومنها انفجرت بالبكى وخليتنى ابكى وقربت تخنقنى بالحضن الله يديها العافيه ويخليها وبرغم انى فعلا كنت حفتقدها لكن كنت محتاجه اعيش ذاتى ولو ايام شى مرهق احس انى محاطه بالالتزام ال24 ساعه فى حياتى كلها الانسان بيحتاج يتنفس ويتلفت ويفكر هو عايز يعمل شنو مش يعمل البيأمر انه يعمله ولا المفروض يعمله لانهم ادرى بمصلحتى مرات كتير بحسد الاولاد على الحريه المتوفره ليهم لدرجه انى حموووووووووووووت اقعد فى مصطبه قدام بيت على ميدان الساعه 3 صباحا زى ما بيعملوا ولا اركب لى عجله واجرى بيها فى شارع النيل الفجر غايتو مرقت من الباب باعجوبه قبال ما تقول لى مافى داعى للتخرج زاتو وانسى السفريه وصلنى اخويه الكبير واختى لقيت الدنيا زححححمه بالبشريه والاتوبيسات الضخمه منتشره فى حوش الجامعه فتشت على سحر صحبتى باعجوبه لحد ما لقيتها ومنها بدينا نفتش على اتوبيسنا طبعا قبال السفريه كان فى محاضرات عشان تأهلنا لمناقشه القضيه الماشيين نعمل عليها الاستبيان والتوعيه جابوا لينا دكاتره مختصيين ما قصروا وكان موضوع الرحلات ما بين تنظيم الاسره والختان وفى شى ثالث نسيته ادونا توجيه عام فى كيفية التعامل مع الناس بهناك وكان لقريتنا نصيب الاسد لان اول مره الاحفاد ترسل ليها وفد بهناك وليسه ما عارفين حيكون كيف قبول القريه وناسها لينا ولمواضيعنا ولوجودنا بينهم قالوا نحنا واجهة الجامعه والانطباع الحنتركه هو الحيحدد فى رحلات تانيه فى السنين التانيه حتمشى ولا لا شيلونا هم كاننا ماشيين نجاهد من اجل الاحفاااااااااااااد والوطن ما متذكره سلمت على اخوانى ولا لا كنت سعيده لدرجه حاسه ان حيجينى هارت اتاك وركبنا الاتوبيس وقعدت سحر جنبى وليسه ما وصلنا اول الشارع القى سحر بتقشش فى ديمعاتها قولت ليها اجى يا بتى....هو نحنا لحقنا واتلفت لقيت نص البنات عيونهم دايره تنفجر بالدموع اتحسست من روحى وتسائلت معقول بيحبوا ناس بيتهم اكتر منى ولا انا محرومه من الانطلاقه اكتر منهم كان الاتوبيس محمل ل3 محطات لام ضو بان والدبيبه وبعد داك نحنا يا الدبيبه وام ضو بان غايتو انتو ادرى ياتو فيهم الاول المهم اننا اخر وحدين فيهم ..... نفسى قام اخد هدنه واجي تانى ثمح (عدل بواسطة رانيه محمد الشيخ on 11-22-2011, 09:54 AM) (عدل بواسطة رانيه محمد الشيخ on 11-22-2011, 09:59 AM) (عدل بواسطة رانيه محمد الشيخ on 12-12-2011, 01:54 PM)

11-22-2011, 00:44 AM

د.نبراس

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
ازيك يا رانيا :-) بالغتي عديل , انا من أول بوست ليكي قلت ياربي دي هي رانيا زاتا الكانت معانا في الفيلدتريب لود أبو صالح ولا انا بيتهيأ لي ؟؟ تقومي تجيبي لي قصتي المشككاني زااااااتا !! :-) ياستي انا مامتأكده انتي فاكراني ولا لأ , لكن كنت أنا وصاحبتي تانيه ( لو اتذكرتي اسمها تكوني دي انتي زاتك ) هههههه كنا انا وهي الوحيدات من سنه أولى طب , وباقي الرحله كانوا من ناس سنه رابعه في باقي الكليات بصراحه انا ذاكرتي ما قويه زيك , ما متذكره التفاصيل دي كلها زيك ولا اسم الاستاذه الكانت مشرفه علينا لكن هم كانوا سبعه ايام زي السم , متذكره اشكال الناس طشاش واسماءهم ومتذكره اني كنت مستغربه كل حاجه في الأول , لكن تاني الرحلة بقت ممتعه بشكل ما بيتوصف :-) وبعدين فوبيا الضب دي موتتني من الضحك :-) انتي زوله بريئه وروحك حلوه وفاكره لكنتك المصريه لسا واندهاشك المستمر في كل الحاجات :-) واصلي وانا برجع ليكي تاني ..

11-22-2011, 09:32 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: د.نبراس)
ما معقوووووووووووووووووووووول يا نبراس اديكى امارة لمن البنات هجمت على البيت وكل وحده استوليت على سرير انا وصحبتى وانتى وصحبتك الوحيدين الاتشردنا وبقينا قاعدين فى الحوش بنتلفت غايتووووووووووووووو الدنيا والنت اضيق من خرم الابره اسم صحبتك اكيد حكون طششته لانى بقيت بفقد الذاكره يوم بيوم :)))))))))))))))) ليكى وحححححححححححححححححشه ياخى وينك ووين اراضيكى كانت سبعه ايام بالنسبه لى رهههههههههههههيبه متذكره لمن جو شباب قرايب وحده معانا ياخدوها عشان تجديد اقامتها والبنات بقوا متلبين فى الحيطه وقربوا يوقعوا الباب فيهم :))))) (عدل بواسطة رانيه محمد الشيخ on 12-15-2011, 01:13 AM)

12-11-2011, 02:06 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
بتحس كإنك طفل لمن تمشى فى درب اول مره بتشوف الشارع مازى اى شارع ولا الريحه زى اى ريحه ولا حتى ملامح الناس زى اى ناس طبيعى بيكون فى خوف وقلق وحذر لكن بيوازى له احساس ممتع بالاكتشاف والتغير والتجديد واحساس الحريه التى بلا رقابه بتدى لتجربه مذاق خاص اخدنا مرشد من اخر مكان نزلنا فيه رحلته التابعه له عشان يدلنا على وجهتنا وفجعتا نزلنا من شارع الزلط ودخلنا بالخلا عدددددددددددددددددددددددديل البتلقى فيه بعد خشروميت متر اثار شجيره غدر بيها الزمان فى لحظات دى قليبى بدا يدق سريع اينعم انا قولت عايزه امشى مكان بعيد لكن ما مقطوع من البشريه الاتوبيس كان بيجقلب جقليب عجججججججججججججججججيب والعجاجه قايمه ومع كل مطب نحنا بنطير من الكرسى وبنقع غايتو رجانا وكمل الباقى فى اعصابنا وفى بنات البكى غلبها وقربت تقول انا عايزه مامىىىىىىىىىىىىىىىىىىىىى نبراس اظنك كنتى منهم مش :))))))))))))))) لمن بدأت تظهر بوادر بيوت هناااااااااااااااااااااااااااااااااااااااااااااك كانت عامله زى لعب الاطفال من صغرها وقولت اكيد عشان المسافه بعيده هى بالحجم دا لكن كانت كل المسافه تقرب الحجم ما بيضخم شديد لحد ما دخلناها وبقى الاتوبيس زى العملاق الهجم على القريه غايتو ما عرفت الاتوبيس الكان ضخم ولا البيوت الكانت نتشه ومنها لمن سئلنا المرشد ان وسائل الاتصال هنا كيف قال لينا انسوااااااااااااااا مافى الا لاسلكى خارج القريه والا الفجر بدرى عشان يلقط اشاره منها كل بنت طلعت ورقه وقلم وبدينا نكتب وصايا لناس بيتنا عشان زول الاتوبيس يتصل بيهم لمن يصل يطمنهم اننا وصلنا وان مافى اتصال :((((((((((((((((((((((( توكلنا على الخالقنا وتلبنا بشنطنا من الاتوبيس وودعناه غايتو بمنظره المهلهل شوفته جميل جدا وهو راحل ومخلينا وراه فعلا لا نعرف قيمة الشى الا بعد فقده (عدل بواسطة رانيه محمد الشيخ on 12-12-2011, 01:47 PM)

12-11-2011, 06:50 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
كان استقبال اهل القريه لينا دافىء وحنين ازال قدر كبير من التوتر والقلق من اول وهله لم اشعر بالغربه ودا سمة اهلنا الحنان دوما بطيبة اصلهم وعفويتهم بيكسروا الحواجز من جيت بلدى وانا بحس اى زول فى الشارع ما غريب عليه خصوصا ناس امدرمان وبحرى لان فى فرق شااااااااااااااااسع بين ناس الرياض والمنشيه وكافورى وناس بانت والعارضه والثوره والشعبيه المغتربين مشكلتهم لمن جو سكنوا ارقى الاماكن جذبوا معاهم اسلوب حياتهم الجاف الاتعلموا من الاغتراب فى كتير ما بيعرف جارهم اسمه شنو برغم فى احيائنا القديمه الجار اقرب من الاهل بيكون ونبينا صلى الله عليه وسلم وصانا على سابع جار نرجع للرحله والاستقبال والطيبه والعفويه كانت القريه تعتبر مسيد وكان لازم نقابل شيخ المسيد ونستأذن منو فى التواجد والاقامه وبعد نزلونا المسئولين فى بيت الاساتذه لان المدرسه كانت مأجزه والمدرسين مافيشين دخلنا البيت وكان عباره عن حوووووووووووووووووووووووووووووش ضخم وفى النص غرفتين بيربط بينهم برنده فى مترين فى متر دا يعتبر مطبخ غايتو المصطبه الشوفتها هى الساعدتنى اخمن انه المطبخ الحيرنى بصراحه الاربع متر فى مترين وكان مافيه شى غير مجرى فى الارض لثقب فى الحيطه عاينت يمين شمال وحاولت استنتج ولمن يأست لكزت صحبتى وقولت ليها دا شنو قالت لى الحمام قولت ليها حمام شنو ومافى حنفيه حتى قالت لى مافى هنا حنفيات قولت ليها المويه وين شاورت لى على برميل جنب الباب قالت لى بهناك غايتو البتذكره انى ما استحميت سبعه يوم بلياليهم لحد ما رجعت :))) الكارثه كانت فى بيت الراحه اللى اكتشفت انه فى منطقه مهجوره فى الحوش التانى مفروض كان يسموا بيت الرعب كان لو فى وحده اتهورت فى نص الليل وجات تمشى بتلقى وراها المجموعه كلها بالبطاطير زى حرامية نص الليل المعضله فى انى ما بخاف من الديناصور لكن الصرصور بيجلطنى من الرعب شوفته براها بتخلينى افقد اعصابى واتشل واحول وافقد المنطق الغريب انى لمن رجعت رجلينى كان لونها احمر داكن امى استغربت قالت لى دى حنه قولت ليها دى الرمله بهناك بتخلى الرجل لونها كده اى شى كان حلو بهناك الهوا منظر السما بليل والنجوم الشمس الطبيعه العفويه التلقائيه كانت بالجد بالنسبه لى سبعه يوم روعه وذكرتها ابيت ان تنمحى مهما طال الزمن .... يتبع (عدل بواسطة رانيه محمد الشيخ on 12-11-2011, 06:54 PM)

12-12-2011, 02:01 AM

awad okasha

awad okasha
تاريخ التسجيل: 07-15-2007
مجموع المشاركات: 3876

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)

Quote: قربت ايأس من البوست

لا يأس مع هكذا ابداع ..

12-12-2011, 12:22 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: awad okasha)
اخى عوض دا من ذوقك والله الحديث عن اجمل ما مر علينا بيبعث الامل فى حاضر لا يحوى الا الشجون (عدل بواسطة رانيه محمد الشيخ on 12-12-2011, 09:29 PM) (عدل بواسطة رانيه محمد الشيخ on 01-17-2012, 09:52 AM)

12-12-2011, 12:52 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
طبعا نداء الذات دايما بيدى حافز ان الزول يسارع فى انتهاز الفرص لنيل الافضل فى الحته دى دقست انا وصحبتى ودكتوره نبراس وصحبتها ( لو بتتذكرى) لاننا ما هجمنا زى البنات الكانوا فاهمين الفوله فى حجز السراير للنوم وبقينا واقفين نحنا الاربعه فى نص البرنده نعاين للغرفتين التم حجز كل سرايرهم وما فضل غير سريرين مرمين فى الحوش بدون حتى مراتب قومنا قعدنا انا وصحبتى فى سرير ونبراس وصحبتها فى سرير وقالت لينا المشرفه مفروض نمشى لشيخ المسيد ارتاحوا شويه ورتبوا حالكم قبال الظلام غايتو رتبوا دى اصلوا ما كانت جايه فى الوضع دا اصلا نرتب ليها شنو وفى شنو وكيفين والراحه زاتو بوين بركه الانا وصحبتى حجمنا ما فايت الحد والسرير شالنا جابوا لينا نساء القريه الظريفه صوانى الغدى اللى للاسف مشرفتنا هرشتهم وقالت تانى ما مسموح بيها لان عندنا شغل منزلى عليه درجات ولصقت لينا فى الحيطه جدول,مقسم على كل بنتين تجهيز يوم شاى الصباح ويوم تانى الغدى ويوم ثالث شاى المغرب وغسيل العده قبال المغرب بهبابه كده اتحركنا من البيت ومشينا ومشينا ومشينا ومشينا ومشينا لمن وصلنا المسيد وفى حته معينه طالبونا نخلع الاحذيه الرمله احساسها جمميل من نعومتها ومشينا برضو مسافه لحد لمن وصلنا مقر الشيخ واترصينا فى الواطه قدامه كان رجل له هيبه خصوصا الحور الحوالينه كانهم حرس خاص لصراحه ما شوفت شكله لان الدنيا ظلااااام وما كان فى نور جابوا الضيافه ووزعوها علينا المستغربه فيه لحسى الكبايه كان فيها شى ابيض بيتحرك ودا القدرت استنبطه من ضوء القمره طبعا ما شربته وصحبتى قالت لى طعمه مالح وما اظن فى زول عرف هو شنو اصلا وقومنا اتخارجنا بعد فتره بسيطه ورجعنا للسكن طلع من حظنا الجميل انهم موصلين وصله لاضائه فترتها ساعتين من جنريتر المركز الصحى الجنبنا .... يتبع (عدل بواسطة رانيه محمد الشيخ on 12-12-2011, 01:02 PM)

12-12-2011, 10:27 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
كانت السما مليانه نجوم بطريقه عجيبه ومبهره هل لانها كانت اول مره استلقى امامها بخضوع ام لان سماء المدن تختلف من سماء القرى بتحس لو مديت يدك حتمسكها وتلاطف نجومها هدوء يبعث السكينه فى النفوس الثائره فى اللحظه دى نسيت اتنفس من شدة انجذابى لما ارى واشعر ومنها قومت بشفط كميه هائله من الاكسجين لاسترد بها وعى ... كان البرنامج زى ما نظمتوا لينا مشرفتنا ان الصباح لازم نقوم بملىء الاستمارات ودا معناه اننا حنحوم فى الحله عشان نلتقى بالنساء ونطرح عليهم اسئلة الاستبيان وبالمسى حنقدم سيمينار فى خلوة القريه لطرح الافكار وشرحها والاجابه على الاسئله المطروحه من السيدات الظريف ان الساعه سته صباحا فزعنى الواد بتاع المويه بدقه على الباب لان النظام المتبع انه يجى مارى سته صباحا وسته مساءا يملى البرميل الجنب الباب وكانت رحله ترحيل المويه من البرميل لحمام طويله جدا اخير الزول يشيل الجردل ويدفق المويه فى راسه وهو جنب البرميل وخلاص من انه يعتله لحمام الفى اخر البيت عشان برضو حيكون كشحه فى رويحتو وهو فى السكه لحمام غايتو النكته العملها فينى حخليها لمقطع اخر عشان نواصل مع اول يوم صباحى فى القريه لازم اى انسان يجرب يعيش مع مجموعه ولو اسبوع فى حياته عشان يحس بمتعة الحياه الجماعيه والزحمه والدقشى والمناقرات والدق ولازم تكون مجموعه من نفس فصيلته ما مختلطه :))))))))))) فعلا المثل البيقول تعرف فلان قال اى اعرفه, طيب عاشرته قال لا, ردوا عليه وقالوا يبقى ما بتعرفووووووووووش غايتو دا مثل لحد ما يتقال للزول اخره يكون نسى بدايته ,,,, برغم اننا ما كنا بنعرف بعض واتلاقينا فى ايام تجهيزنا للكورس لكن بالجد خلقت الرحله بينا وصال له نكهه مختلفه وطابع لتواصل عجيب لمن نشوف بعض ونحنا صاحيين من النوم بدون مكياج ولا تسريح وحافيين وبملابس البيت ولمن نتعايش لحظات اليوم بحلوه ومره ونساعد بعض فى امور بسيطه زى غسيل عده وتجهيز اكل وشاى بتحسس الزول انه فعلا عايش ... اى ما كل الناس بتقدر تتعايش مع بعض وتتقبل بعض لفتره طويله لكن اقلها بتحاول تتقبل الغير فى الفتره دى بما ان الظروف جمعتهم .... شربنا الشاى بالقرقوش والبسكويت والحاجات الكل طالبه جيباها معاها واخدنا ونستنا ومنها قومنا اتجهزنا للانطلاق كل وحده اخدت صحبتها الانتيم وسرحت بيها فى القريه طلعت انا وصحبتى سحر بلا اتجاه معين قولنا مكان ما تودينا رجلينا نمشى والغريب ان بيوت القريه بتلقاها زى بيت جحا وكل ما ندخل حته نخرم من حته تانيه وما قدرنا اصلا نمشى فى شارع ونجى راجعين له تانى الاكتشفته ان البيوت نظامها ما بيت واحد البيت الكبير بيحوى بيوت جواه تبع عائله وحده والبيوت سايحه فى بعض غايتو تعبناهم تعب وخصوصا لمن بقينا لافين فى حوش واحد وما قدرنا نمرق منو الا بطلوع الروح طبعا لمن نقعد مع السيدات ونبدا فى ترجمة الاستبيان لانه مكتوب بالانجليزى ونحاول نشرح الاسئله باكتر طريقه مبسطه عشان يتفهم المغزى بنكون قعدنا فى الاستبيان ساعه ومع لغتى المصريه قعدت ساعتين اجمل ما فيهم انهم مبتسمين طوالى يعنى حتى لو ما فاهمين كلامى بيستمروا فى الابتسامه انا شكيت انهم معجبين بطريقة كلامى ما اكتر عشان كده مبتسمين طول الخط فى اسئله كانت بتكون فى الصميم ومن النوع البيقطعوا فيه الرقبه وعشان الزول يقدر يقولها بتكون محتاج معطيات معينه واعتذارات الف وتوضيح ان دى الجامعه ما نحنا ردود الافعال متباينه فى البيتخلعوا ويقوموا يخلونا وفى البيخجلوا وبتكرفسوا فى هدومهم وفى البيتقبلوا الفكره وبيجاوبونا اعسل ناس الحبوبات الكبار الله يحفظهم فعلا هم البركه والخير بنحسهم مدرسه متكامله وحكماء فى اى لفظ خبرة الدنيا والحياه ما محتاجه ورقه وقلم وكتب المشكله ان البيؤمنوا بيه صعب يتزحزحوا عنه حتى لو خطىء قناعاتهم بيه مشبعه وغير قابله لتزحزح تعبونا ورفضوا يأيدوا فكرة تنظيم الاسره والختان اقوياء فى دواخلهم مقارنه بكبر سنهم وقصور عافيتهم .... يتبع (عدل بواسطة رانيه محمد الشيخ on 12-12-2011, 10:32 PM) (عدل بواسطة رانيه محمد الشيخ on 12-12-2011, 10:36 PM)

12-12-2011, 11:29 PM

ساميه حامد

ساميه حامد
تاريخ التسجيل: 07-24-2010
مجموع المشاركات: 1567

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)

Quote: لست اعلم هل نحن على صواب ام اننا فى حوجه لنتصنع لعلنا نتملك قلب من نحب

الغالية رانية

خليك على طبيعتك وما تكوني غير رانية النقية البريئة الجميلة

بجد موضوع رائع وممتع وانا ما عارفة البوست ده ما شفتو ليه

لكن هادي قعدة وما ها افارقو كلو كلو

وطبعا انا خريجة الاحفاد(مع فارق التوقيت) وحكاية الفلتريب دي مرينا بيها وهي فعلا اجمل سبعة ايام

تعيشيها مع صاحباتك ومع ناس جدد تتعرفي عليهم وبيئة مختلفة عن بيئتك تعيشي فيها

بحلوها ومرها وإتعلمنا منها حاجات كتيرة حلوة ومفيدة جدا وإتهرشنا من رجال وحريم القرية وإتسكينا وقربوا إكسروا روسينا بس الله ستر علينا

لانو المشرف علينا كان استاذ وقدر إتفاهم معاهم

وبالجد الاحفاد عالم جميييييييييييييييل

واصلي يا رائعة

12-13-2011, 11:15 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: ساميه حامد)
سمويه تسلمى عيونى على ردك الروعه وبرغم محاولاتى انى اتغير عشان اواكب الفهم لكن فشلت لمصداقيه لان الطبع يغلب التطبع الموضوع دا كل ما اقول انساه ارجع تانى احن لذكرياتى بتدينى طاقه وحافز حتى عشان افتح المنتدى فى حد ذاته بقى فى ركود نفسى فظظظظظظظيع الاحفاد عالم جميل وما بيفهم جماله الا العاصره وجربه وبستغرب فى البيعتبروا مجتمع البنات مجتمع ممل ولا متوحش بالعكس انا واثقه لو كنت فى جامعه مختلطه ما كان استمتعت بحياتى الجامعيه قدر ما عايشتها فى الاحفاد كان الفيلتريب كان ايام الدورى الرياضى فى الجامعه ويوم المراه العالمى ووووووووو حتى زرت الامتحانات والانتظار حق نتائج الامتحان ولا الاسايمنت ولا شنو ولا شنو اى يوم فيها كان يوم له مغزى حتى الحزين فيها اريتنا نتشارك ذكرياتنا عشان نحس قدر شنو حياتنا كانت جميله ونتحفز نخلى الجاى اجمل بقناعه وحب ورضى مش بتمشيه حال وارضاء للغير على حساب دواخلنا سعيده بتواجدك ومرورك واتمنى القاكى دايما بهنا وهناك

12-14-2011, 00:33 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
من جيتنا وحتى مع حوامتنا ما شوفنا لينا سحنت شاب بالغلط ما عرفت ادسوا منا ولا الفكره شنو وفى يوم دق علينا الباب ولد صغيوره وإدانا ورقه طلعت من شباب نادى القريه بيستفسروا فيها عن اهداف رحلتنا وكده :))) كنا بعد السيمينار الفى الخلوه بنرجع للسكن وفى الساعتين البيكون فيها النور شغال ,البيت بيكون مزحووم بالنساوين حقين القريه الحابين يتونسوا ويتعرفوا بينا ..... كان فى معزه يا هوهو ( ما قادره اتذكر) غاويه تدفر باب الشارع وتهجم على الحوش النحنا فيه وقررت فى يوم انى اعمل فيها هجمه مرتده فقومت سندت الباب بالبرميل حق المويه لمن جينا ننوم وعشان نسنده لعبنا اكروبات معاه انا وصحبتى ودفرناه بكل الاتجاهات لمن وصلناه وللحظ الاغبر كانت المشرفه طلبت من ناس البوكس البيمشوا الخرطوم يمرووا علينا يشيلوا الحفاظه عشان يجيبوا لينا ثلج معاهم هو اصلا بيمشوها يومين فقط فى الاسبوع الاحد والخميس اظن يعنى الخضار بيجى بس يومين فى الاسبوع واى شى تانى برضو اليومين ديل زى العيد بيكونوا ,,, بعد تكلنا البرميل فى الباب وكان طاقاتنا كلها انتهيت صحبتى قالت لى كيف حنفتح لناس البوكس قولت ليها بنتصرف مافى مشكله والوقت اصلا كان متاخر قريب 3 صباحا ومع الونسه اظن نمت 4 الا فجرا وعلى 4 ونص اظن الباب دق ومع هلوستى وتعبى افتكرتهم ناس البوكس ولصراحه ما عرفت لحسى انا عملت كده كيف لكن بلا وعى شيلة الحفاظه وقومت فنيتها من فوق الحيطه فيهم ورجعت السرير انبطحت ولمن صحيت الصباح وعاينت لصحبتى لقيتها بتحدر لى قولت ليها فى شنو قالت لى ما عارفه يعنى العملتى امس قولت ليها سويت شنو قالت لى اولا البرميل تلتلنا عشان نزحه ونفتح الباب وثانيا الفنيت فيهم الحفاظه ما ناس البوكس كانوا ناس معاهم مريض بيفتشوا فى بيت الدكتور وغلطوا فى الباب وثالثا ناس البوكس جو بعد كده ورابعا المشرفه شغاله بقيت بالماينس معاكى لانك كملتى بالهبايب حقتك درجاتك كلها قولت ليها طيب المشكله وين حسى انا افتكرت انى قتلت لى زول بالحفاظه :)) وللمصداقيه المشكله كانت ان الحفاظه لمن جاتنا راجعه وفتحناها وكلنا مشلهدين نشرب حاجه باااااااااااااااااااااااااااااارده فتشنا على الثلج ما كان له اثر واضح لقينا بس نشارة الخشب الكانت مغطياه :(((( (عدل بواسطة رانيه محمد الشيخ on 12-15-2011, 01:23 AM)

12-15-2011, 01:39 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
فى يوم من الايام السبعه اتأخر الولد بتاع المويه عن موعده والمشرفه حسيت ان الوقت حيضايق مع مواعيد السيمينار خصوصا انه كان يوم مهم جدا وخاص جدا بحيث تم منع دخول الاطفال للخلوه فيه بخلاف الايام الفاتت كانت الاطفال بيحضروا عادى ومنها قررت انى انتظر انا وصحبتى الولد ولحد ما يملى البرميل نجى قولت ليها ثمح والبنات الباقيه قفلت الغرفتين بالطبلات وشتتوا وقعدنا انا وسحر راجيين وراجيين وفعلا جانا ولمن انتهى ومشى وعايزين نحنا نلحق الجماعه اكتشف انى لابسه السفنجه اتلفت يمين شمال واتذكرت انى ختيت جذمتى فى غرفه من الغرف الحل الوحيد كان طبعا انى امشى الخلوه بالسفنجه لان ما كان فى اي بدائل وقولت ومالو يعنى جات على الجذمه مانحنا عشنا بدون مويه بارده وكهربا لوقتنا الحالى وحتى الحمام بعت فكرته يالا نتم الناقصه واريتها كانت هى دى الناقصه لمن طلعنا من البيت وماشيين على الخلوه اطفال القريه كلها كانت مرصوصه فى الشارع القدام الخلوه واول ما شافونا اتلموا فينا انا فى لحظتها ما فهمت الفكره لكن القدرت استنبطته بعد دا ان الاطفال اعتبرونا انا وصحبتى سبيل دخولهم للخلوه ومسكوا فينا بكل اتجاه لصراحه صحبتى فى اللحظه العسيره دى ما كنت بقيت شايفاها لانها اختفيت او اظن اتبعزقت لان رحلة الوصول لباب مع الانتفاضه الحاصله حقت الاطفال وساعة الحشر بين ضلفتين الباب والنساوين البتشد فينا لجوا والشفع البيشدوا فينا لبره كانت لا توصف غايتو انا ما لميت فى الطرحه ولا السفنجه وحمدت الله ان الملابس ما اتقطعت دايما الكفاح من اجل العلم له ضريبه :))) (عدل بواسطة رانيه محمد الشيخ on 12-15-2011, 01:43 AM)

01-03-2012, 01:11 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
I will be here soooooon miss ya :)

01-03-2012, 02:41 PM

نور الدين عثمان

نور الدين عثمان
تاريخ التسجيل: 04-30-2010
مجموع المشاركات: 1390

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
كانت السما مليانه نجوم بطريقه عجيبه ومبهره هل لانها كانت اول مره استلقى امامها بخضوع ام لان سماء المدن تختلف من سماء القرى بتحس لو مديت يدك حتمسكها وتلاطف نجومها هدوء يبعث السكينه فى النفوس الثائره --------- يا سلام عليك يا رانيا والله ده ابداع ما بعده ابداع وقمة المشهد فى (بتحس لو مديت يدك حتمسكها وتلاطف نجومها )

01-03-2012, 03:22 PM

د.نبراس

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: نور الدين عثمان)
ازيك يارانيا , وكل سنه وانتي بألف خير وربنا يجعلها سنه سعيده عليكي .. متأسفه انا انقطعت عن البورد لفترة طويله وآدي رجعه :-) لكن والله انا منبهره تماما من قوة ذاكرتك وبقرأ بمنتهى الاستمتاع وكأني ماكنت موجوده معاكم , اتمسحت أغلب الأحداث عن ذهني الا حكيك ينشط ذاكرتي مره مره وتستفيق بعض الأحداث شويه شويه :-) انتي زولة بديعه ! انا قلت ليكي ولا لأ؟؟ انك بديعه أقصد :-) وكمان طلعتي انتي الفنيتي الحفاظه ههههههه مبالغه عديل هههههه واصلي ياخ ما نتحرم منك يارب ولا نعدمك , وبالمناسبه صاحبتي كان اسمها مشاعل :-) وانتي تحديدا كنتي بتقولي ليها انشعال:-) تعالي راجعه عشان أجيكي راجعه انا كمان :-)

01-04-2012, 11:47 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: د.نبراس)
نبراس السكره وحشتينى شنو الغياب دا انا حردته زاتو اواصل لمن انتى ركبتى لى الطرشه :))) لكن مالك ومال فقدان الذاكره من بدرى كده انتى ليسه صغيره قولى خير المفروض انا الاكون سحلبت ما انتى غايتو نواصل حتى النهايه وخليكى قررررررررررررررررررررريبه يا عسل

01-04-2012, 11:39 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: نور الدين عثمان)
اخى نور الدين نورتنا بطلتك الجميله وفى لحظات فى حياتنا بتنحت فينا ذكرى صعب تجاوزها ودى كانت منهم :)

01-04-2012, 01:38 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
بعد غياب خشروميت سنه من الاجواء السفريه قبل 3 يوم من مواعيد السفر بديت حالتى بالتغير المفجع على كل النطاقات اصبت بطاقه غير عاديه اديت لانجاز اعمال ليها سنين بعاين فيها ساى وما عندى مزاج اسويها شعرت بالامل اللى حسيت انى فقدته منذ زمن فى الحياه اصبحت متلهفه للغد لدرجة اصبحت غير قادره على النوم بتااااااااتا ... اول شى فى يوم سفرى صحيت بدرى شديد كان عندى تسليم اقرارات ضريبيه لشركتين وتسديد فواتير سوداتل وزين والضريبه المضافه واحجز التذكره وادق تاشيرة الخروج فى جوازى واشترى هديه عيال اختى واشوف حسافر بشنو وما ممكن اسافر منكوشه" دى دبى" وارتب شنطتى واقفل حساباتى فى الشغل واسلم عهدتى واقفل البيت تحت لان امى سافرت قبالى اصلا وبعد دا مفروض اكون فى مطار تسعه مساءا عملت دا كله كيف ما فهمت المهم انه تم بفضل الله وعونه لكن وصلت على اخر لحظه وانى امرق من البيت لمطار رجلينى ما شيلانى ومع توتر السفر وانى مسافره براى بديت افقد المنطق ولمن اخويه نزلنى قدام المطار قربت الغى الفكره وارجع انوم لان من عادتى لمن بتوتر بتمنى انوم وبس

01-04-2012, 01:52 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
مع الكوتشى الدبست روحى بيه واشتريته بشىىىىىىىىىىىىىىىىىىىىىىىىى وشوياااااااااااااااااااااااااااااااات حالتى تأزمت برغم قولت لبتاع المحله عايزه كوتش حريمى لكن مع التعب وخلاص اخلاقى ضاقت شلت الناولنى له ومرقته اصلا هو شكله حق اولاد وعذبنى فى رجلى لانه جديييييييييييييييد وقربت افنه من الطياره لكن ما بقدر اسافر بجذم بنات اصلا واطقطق كو كو كو فى الصاله والشباشب دى اصلا ما بستعملها وللاسف مش عشان ما بحبها لكن لاسباب سياسيه بيلوجيه ما ذنبى انا المهم دخلت المطار واخويه قال لى هنا وحتكملى براكى ومنها ارتميت فى حضنه للوداع وانا هاين عليه ابكى من الرعب ما من الفراق الغريبه لمن سافرت سفرية الجامعه الكانت من خشروميت سنه قبالها ما حسيت بكم الرعب الفظيع دا فعلا الزول لمن بيكبر شجاعته وقواه بتنهار .... اخويه وصف لى كالعاده الاجراءات للمره التلريون وكل مره يسئلنى معاك البسبور معاك التأشيره معاك التذكره اها انا كنت حاسه انى برجف برغم الشكل الخارجى ثابت والشيال الظريف جيه شال الشنطايه ووداها صف الميزان بركه لقيته فاضى ولمن فتشت فى شنطايه لقيت جنيه فكه قومت ناولته الجنيه فشاله وهو قرفان منى شديد ومنها طلع وزنى زايد سته كيلو ... ""ما وزنى انا وزن الشنطايه"" :) ... وقال لى بتاع الميزان بما انك ما شايله غير الابتوب وشنطه اليد يبقى ما مشكله فى الزياده اها اخويه فوق بيتابعنى وشاور لى امشى جنب الطرابيزه الهناى دى واملى الورقه الفيها كويس انى جبت القلم معاى لمن مليتها شوح لى انى اكتح خلاص وبينا التغيفون قولت له ثمح ونظرت له النظره الاخيره :(

01-04-2012, 02:18 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
ومنها دخلت بوابة اللارجوع ولقيت صاله ظريفه اخر مره لمن سافرت 2009 ما كانت كده البوفيه فيه كميه حاجات وكراسى مريحه وشاشات نت فرى وكان فى ناس بسيطه اها طوالىىىىىىىىىىىىىى مشيت على البوفيه وطلبت لى خشروميت حاجه واهمها المويه انا جنى وجن العطش ومنها حمولتى تقلت زياده على يدى ولقيت لى كنبه فى حته هاديه قعدته وطلعت سماعات الام بى 3 عشان اشغل روحى لكن لصراحه ما كنت مركزه زاتو حاسه بشعور ما عارفه اوصفه شعور بالخوف والتوتر لذيذ مرات بيكون بالجد احساس الجهل مريح واضطراب الغموض ممتع ومنها جات سيده كبيره فى السن والمقام وسئلتنى هل انا تبع رحلة فلاى دبى وقولت ليها نعم ومنها قعدت فى الكرسى الجنبى وبعد شويه بديت الناس تكتر حبه وقعدوا جنبا وقدامنا ناس تبع رحلتنا اتعرفت بالسيده وهى معلمه فى مدرسه اساس فى اركويت وانها ماشيه لمنو ووين واخر مره مشيت متين وكده فى كنبه اليمينى شابيين بيتونسوا وقام واحد فيهم لمصلى عايز ينوم ونبه التانى يصحى اللى منها قبل عليه يتونس باين عليه من النوع الحبوب البيدخل فى الناس شمال بعفويه والحوارات العشوائيه دى مرات بتكون حلوه ما عارفه هى بتجى كيف لكن بتلقى نفسك بتتونس تتبادل اراء ومعلومات ومنها ورانى الجريده الفيها اعتقال اولاد حسنى مبارك وبالجد احزنى منظرهم شديد اتذكرت انى ما صليت مع الدربكه الكنت فيها ومنها امنت شنطاتى لاستاذه واستأذنت امشى اصلى ولقيت المصلى فيه نساء نايمين وفى بيتونسوا وفى بياكلوا حيونى وشحت منهم عبايه وقعدت اصلى وبعد خلصت حسيت براحه وتوتر الفينى خف بديت اتأقلم مرقت من مصلى مشيت شاشة النت الفرى فتحت مزرعتى فى الفيسبوك وحصدت قبال يسرقونى الجماعه ولقيت مرة اخويه اتونست معاها كنت سعيده انى حسافر وانى حغير جو رجعت وكان مفروض ننتقل لصاله التانيه ومنها شوفت رجاء بنت سودانيه معرسه ياداب ولا من فتره قريبه لان توبها وحنتها وبهرجتها بتدل على ذلك غايتو شلت همها فى الكعب اللى لبساه لمن استقرينا فى الصاله التانيه المنها والاتوبيس توشك الاستاذه قعدت يمينى ورجاء شمالى ومنها بديت تتونس معاى طوالى ماشيه لراجلها فى دبى قالت لى حكون معاكى لانى ما بعرف الدرب كيف والاجراءات قولت ليها حبابك قعدنا فتره ما طويله وما قصيره شويه نتونس وشويه نسكت وشويه نتفرج من دا على دا ولمن ساعة الصفر اقتربت ووقفنا منتظرين الباب يفتح عشان الاتوبيس الناس اتردمت والاستاذه قالت لى يا بتى يدى وجعانى ساعدينى فى شنطه ومنها شلتها ليها وبقيت بلذ فى روحى بالعافيه لان حمولتى فاقت الطبيعى لمن وصلت الطياره وكنت حاجزه اول كرسى يعنى منى والكابتن عدل وباب الطوارىء بقيت عليه حتوتة الكتاب الفى الصفحه الاولى مكتوب ركب فلان الحصان وفى الصفحه الاخيره مكتوب نزل فلان من الحصان وفى النص ترينج ترينج ترينج ترينج المحتمل انى اول ما قعدت فى الكرسى غمرت من التعب لانى ما حسيت الا وصوت الكابتن بيقول فكوا احزمة الامان وورونى عرض قفاكم سريع

01-10-2012, 11:24 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
كابتن الطياره قرب يقتلنا بعد تميت الاجازه المرت بسرعة البرق للاسف حان وقت الرجوع وبرغم الحزن من الفراق فلقد كان بداخلى شوق للوطن عجيب وطن لا ارى فى سمائه سوا الدماء وفى ارضه يسقى زرعه البكاء مهما اغتصبوكى ابنائك لا تزالين فى قلوبنا حواء :( ............... . نرجع للحكايه برغم تخاذلى واحساسى بالخمول عشان استعد لسفر لانى من جواى ما بتمنى اسافر لكن لا مفر منه سيك سيك معلق فيك وبرغم مفروض كنت اكون فى مطار خمسه ونص بديت استعد اصلا خمسه ونص ولمن طلعنا من البيت كان سته جات ولمن غشينا السوبر ماركت كانت سته وشويه يعنى وصلت باب المطار على سبعه الا وقالوا لى ادخلى وشوفى الوزن وارجعى ودعينا قولت ليهم ثمح وبديت ادفر فى العربه وشنطه شكلها مااااااااااااااااااااااااا حتتستر معاى فى الوزن ودباديب مطايره فوقها عملت لى شو (اى زول يشوح لدبدوب) .. خوفت الشفع تتلم فيه كنت حضارب عديل معاهم .. ويقيت بعاين يمين شمال لكاونتر حق الخرطوم شوفت لى صف طووووووووووووووويل لنص الصاله قولت اصلوا ما ممكن يكون دا الله يكضب الشينه لكن الاتواب ياها بهناك ووصلت لاخر زول وسئلته وقال لى اينعم قولت واطتنا اصبحت كان كده وطياره على حسب كلامه مفروض تقلع تمانيه وثلث وساعه سبعه وشويه الا يطبقوا الناس طبيق عشان يكفوهم ومنها جانى زول وراى قال لى الخرطوم قولت له اينعم قال لى متاكده ما بعد الوقفه دى كلها نبقى فى كاونتر غلط قولت له انا سئلت القدامى لكن ممكن تتاكده قالى لى ثمح خلى بالك من عربيتى وبمشى اتاكد وفعلا جانى بعد دقايق وقال لى ياهو بس نشيل الصبر وبعد ثوانى قال لى انا ماشى وجاى ادفرى لى عربيتى معاكى قولت له ثمح وبقينا ماشيين بسيسى ادفر وادفر لمن الدبدوب جيه واقع فى الزول القدامى التفت لى وضحك ورفعه قال لى دا شنو شنطتك دى اصلوا ما بتجى 32 كيلو شكلها ازيد ومنها قلبى وقع فى ركبى

01-10-2012, 11:37 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
منها دقيت لراجل اختى قولت له الشنطه شكلها ما حتمشى بحالها دى قال لى مافى سكه لشنطه نشتريها هنا اتصرفى فى كيس وخففيها اها بقيت ملازوه افضيها كيف والا امرق الدباديب من كيسها وانا ليسه بفكر فى بدايل التفت عليه تانى القدامى قال لى اخير من حسى قبال تصلى بهناك تتصرفى لمن شافى محتاره قال لى ادينى ليها بمشى اوزنها ليكى فى الكاونتر الفاضى عشان نتاكد وفعلا كتر خيره شال العربيه ومشى بيها وجانى بعد دقايق قال لى زايده قريب تسعه كيلو وبدى يفتح فى الشنطه ومنها فضيت الكيس حق الدباديب ولبع اتقل حاجات ختاها فيه ومنها اتصل راجل اختى وقولت له حنحتاح نغلف الكيس المليناه دا قال لى جيبى لى بره ومنها الزول المعاى قال لى فكره كويسه امشى غلفى وتعالى انا بحرس ليكى العربات .... وبعد لفيتها مشى وزنها لقاها تمانيه كيلو ونص قولت له جات بالميلى الزياده وفعلا لمن وزنت الشنطه كانت 32 ونص وكان الزول الساعدنى اصلا جاى مع زول مسافر بيساعد فيه ومنها شال منى الزياده وختاها معاه لان وزنه خفيف والله لو ما الزول دا كنت اتسوحت ساى وما عرفت اقبل وين بالجد فى بشريه كده بتخجل الزول من كرمها واصلها وطيبتها حالتى ما عرفت اسمه الا وهو ماشى حبيت اشكره على وقفته معاى لانه ساعدنى ومشى طوالى بلا مقدمات لا سئلنى اسمى لا حتى تليفونى لا اى شمارات توحى بان غرضه ما مساعده حتى الونسه كانت عاديه وسطحيه ما بتوضح اى اتجاهات اخرى يديه العافيه ويوقف له اولاد الحلال زى ما وقف معاى ويكثر من امثاله لاننا فعلا محتاجين ليهم :)

01-10-2012, 11:47 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
بعد ما وقفت فى كاونتر الزوله اظن فليبينيه ظريفه شدددددددددديد وكعاده صورتى فى البسبور فضحانى نفسى زول يسرق البسبور عشان اغيرها السفريه الاولى الزول الاماراتى قعد يضحك وقال لى ورينى وجه الشبه بينك وبين الصوره وحسى الزوله دى ضحكت وقالت لى بالعنجليزى طبعا دى ما ممكن تكون صورتك دى لزوله كبييييييييييييييييييييييييييييييييييييييييييييييييييره شديد :((( كان يوم مهبب يوم اتصورتها كانت قافله معاى وقرفانه لطيش ..... طبعا بعد خلاص وزنته وقالت لى شتتى بالدبدوب الكبير الطياره بقيت ساكه الزول القدامى اسمه ابو القاسم ولقيته برضو معاه وحده نظامى (يعنى عايزه زول يتقلها) جريت اسلم على اختى وراجلها والتفت لقيتهم غطسوا بقيت اخمن ياتو اتجاه امشى مالقيت غير خن واااااااااااااااحده قاعد جنبه زول شوحت له بهنا ولا بوين قام شوح لى اجى ومنها قال لى اى من هنا ودخلت ولقيتهم اخيرا منها قولت لابو القاسم فى رقبتك يا زول ما تقوم جارى قام قال لى حبابك معانا برضو الزوله دى الله يكون فى عونى اتشبكت مع بنتين مره وحده :) قولت له حظك البنت كانت ظررريفه لطيش بعد خمس دقايق اتبادلنا التليفونات ,, الزول البقى مسكنى عربيته جيه قعد جنبنا ونحنا فى انتظار اعلان الدخول لبوابه عشان الباص اها بنتونس وانها جايه تشتغل فى الامارات ونازله عند معارفها واصحابها برغم اهلها فى لكن ببببببببببببس عليهم :) دا بالضبط القالته :) ولاحظت بعد كده ان اى شى بتستنكره بتقول ببببببببببببببس عليه ,, اها قولت ليها والله ما كل الاهل بيحب الخير لبعض قالت لى فعلا اها الزول الكان قاعد جنبنا كان داخل فى الخط ومنها بدى يضحك التفت له قام قال لى بتحبوا الحريه :( اظنه فهمنا غلط انا ما من مؤيدين التحرر قدر دا لكن صحبتى من زعلها من اهلها قالت لو قبله ما بتقبل عليهم وما عرفت اصلح المنظر هو عموما طفش شكله مابيحب البنات الحره لانه من لحظتها مشى بدربه بعيد منا هو منظرنا زاتو بيوحى كان بالحريه كان حلفت على المصحف بعد دا انى من اسره محافظه ما حيصدقنى

01-10-2012, 11:59 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
وجات المواعيد وركبنا البص ونزلنا قدام الطياره وكان فى زول واقف بيوجهنا لباب المناسب وانا كنت عكس صحبتى لانى حاجزه اول كرسى اها مشيت ولقانى المضيف الفلبينى ظرررررررريف من شاف الدبدوب الضخم قعد يضحك قال لى كان مفروض احجز له كرسى .... اها قعدنا والكرسى البعدينى فاضى والبعدى فى راجل هادى وكالمعتاد حشرت فى خشمى كارتونة لبان لمن فكى وجعنى لانى بتعذب من ضغط الطياره وبعد اقلعنا بسلام والامور مستقره وناس مبسوطه وبعد ما وصلنا لسما وفتحوا الاانوار وبدوا المضيفين شغلهم انا مرقت لى كتاب له عندى خشرووووووووووووميت سنه قررت اقراه حسى وختيت الام بى 3 فى اضانى وبقيت اقرا حرف واسرح فى حرف قادر الله تميت الصفحه كيف ومتين ما عرفت واتكشفت انى ما فهمت شى الكتاب مختصر السيره النبويه لكن مهما عدت القرائه فى شى ما مضبوط يا انا بقيت ما بفهم يا اللغه فى الكتاب ما بعرفها يا فى عدم توافق بينا حاصل ..... لمن الدنيا ضلمت علينا فى الطياره جارى كان خاتى فى الكرسى البينا الكتكات والجرايد اها استغل الدنيا ضلمه ولا شنو قام فتحها واكل منها انا عملت فيها رايحه ما دى حريه شخصيه برضو لمن النور جيه قومت اتناولت من شنطتى السيوسرول العبيت بيه الشنطايه واتحرجت ما اعزمه اينعم هو ما عزمنى فى ضلمه لكن برضو وقمت مديتها له لكن ما شال وشكرنى وبعد شويه قام مدى لى الكتكات ما عرفت شكله اتحرج منى عشان مديت له وما مد لى المهم نهاية موضوع التمديد دا انتهى على خير وكمان اتظارف معاى وكان عايز يعزمنى شااااااااااااااااى لكن خجلت اوافق برغم فاخورتى كانت محتاااااااااجه له بشششششششششششششده السفريه القبالها كان صادفنى راجل كده تحفه من الروعه من السودانيين المجرد النظر ليهم بترتاح وبتستمتع بتأمل تفاصيلهم مش لجمال لكن للوقار والاتزان البيعكسه محياه وهيئته متزوج وطول السكه بيراسل مرته فى المسج ولمن جو ماريين بالهدايا اشترى طقم ساعتين حريمى ورجالى له وليها اموووووووووووووت انا فى الريد دا :))))))) الظريفه كان معاى 100 درهم وقولت اشترى اى شى اها قومت سئلت المضيفه دو يو هاف ثنك هيز برايس ون درهم غايتو من خلعه قربت تطرش فينى ومنها عرفت انى غلطت لمن لقيت الراجل برضو مخلوع فى ون درهم ومفروض اقولها ون هندرت درهم الله ستر لكن لقيت لى علبة ارواج ب124 درهم دى الكانت اقرب شى ل100 درهم اها قولت ليها خلاص مافى نصيب الراجل حلف باليميتوا ويحيى اشيلها وتم لى 24 درهم والله بالجد فى شخصيات كده الزول بيحس انه حيغمر من السعاده بيهم لمن القلب بيتعصر حزن ان ليه بقيت السلوكيات الجميله نادره لدرجة تبكينا حين نلقاها

01-10-2012, 12:07 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
ياداب كده حنصل لعنوان القصه كانت لحظه ولا كل لويحظه لكن هى لحظه بالسفريه كلها الناس فى امن وامان والماشى ماشى والقاعد قاعد والبيتونس بيتونس والمضيفين زاقين عرباتهم وحايمين وبلا مقدمات تقول فى زول شال الطياره وقعد ينفض سجاده بيها فى البدايه انا قولت دا مطب هوائى لكن الحكايه طولت قولت احتمال دخلنا فى دقداق لكن طولت قولت ياهو دا الموت الطياره شكلها فكت من الكابتن وناويه تجرنا بالواطه المضيفين قاموا يتجاروا مساكين لكراسيهم لان الرجه قوووووووويه وطولت شديد وجيه زول مارق من حمام المضيف داير يدفره فى اى كرسى لكن هو مصر يحارب لكرسى ويتوقع يمين وشمال بالجد انا اتشهدت وقولت كر عليه حموت وحيده لا اب لا ام لا حتى استعين بصديق قلبى دا خلاص وقف وكنكشت فى كرسى وكنت بحاول اربط حزام الامان لانى كنت بطير من الكرسى وبرك فيه تانى مع كل خجه ويدى بقيت تتراجف وغلبنى زاتو اربطه وفجئه الدنيا استكانت قبلت اشوف الخلق لقيت الناس عيونها منططه وخشمها مفتوح ما مصدقه الحصل وراى سيدتين وحده فيهم قالت لى كنا حنموت قولت ليها شكله كده الله يتمها على خير وبقينا من اقل هزه الناس تلاوز وهو زاتو حام بينا فى السما اكتر من ساعات الرحله المفروضه خاف ينزل الناس تعضه ما فهمت لمن حن علينا وقال خلاص حنزلكم قال فى المايك من حسى بحذركم وبانذركم لاحتمال حدوث مطبات هوائيه اخرى فى النزول انا افتكرت فى السودان فى اعصار لكن لمن نزلنا وقرب يلصقنا فى بعض مع النزله لقيت الجو هادى يعنى العجاجه الفوق دى كانت بس ساكه الطياره الحمدلله على كل حال لكن فعلا الموت لحظه وربنا ادانى فى العمر زياده اكيد لحكمه وفرصه لتوبه والهدايه

01-10-2012, 12:14 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
لمن وقفنا فى السير راجيين الشنط الناس كلها بتحكى وتتحكى بالعمله اظرف شى واحد قال دا شى عادى مرات بتصل مرحله بتقع الشنط والشفع بيطايروا لكن ما اظن دا شى عادى انا على المرات الركبت فيها الطيارات ما صادفنى الحصل دا ... وبعد ما الشنط جات لمن روحنا اتسلت وقربنا ننوم فى العربات طبعا موضوع السير لذيذ انا اصلا شنطتى مع الاضطراب بحس انى ما عارفه شكلها وفكرة الزول يسك الشنطه فى السير قدام الخلق ويقوم يكنكش فيها ويرفعها فى ثوانى معدوده قبال تجره معاها شغل رامبو لكن حاسه فى يوم بيلقونى مدردقه فى السير بالشنطه لان ما كل مره بتسلم الجره ولا الكيس المتغلف معلماه بالدبدوب الاحمر جيه مارى من قدامى واتعرفت عليه فى لحظه الاخيره اها سيك سيك وقربت ادفر الخلق عشان احصله لكن دى معاناه مالو السير بيمشى كده ما يشوفوا ليهم طريقه اكثر حنيه عشان الجكس ... بث خلاث الحتوته خلصت :)))))))

01-10-2012, 12:55 PM

باسط المكي

باسط المكي
تاريخ التسجيل: 01-14-2009
مجموع المشاركات: 5475

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
كل سنةوانت طيبة بوست طاعم ومميزقريته بمتعة شكرا رانية

01-10-2012, 01:23 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: باسط المكي)
وانت بصحه وسلامه تسلم يا رائع متعتى فى قرائة تعليقاتكم اطعم

01-11-2012, 07:29 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
مع اقتراب الذكرى السنويه لوفاة ابويه الله يرحمه فحابه احكى ليكم عن ليله تتكرر على الدوام فى ذكراى برغم حدوثها من 19 سنه لكن ادق تفاصيلها مازلت ترتعش واحساسى منذ ذاك الحين مازال مشتعل والدمع مازال منسكب لا اعلم متى سوف يتوقف قلبى عن ضخ هذا الكم من الحزن بسبب فراقه مع مرور الزمن اشعر بان الألم يزيد والفقد يتسع والدمع ينجرف من قال ان الزمان يعالج الاحزان بالنسيان ام ان النسيان فشل فى حجب عنى الاحزان اصبحت حين اسمع بوفاة عزيز لشخص انظر له بعمق شفقتا على ما ينتظره على مدار اعوام فمن يظن اننا مع الايام نعود كما كنا كان موهوم نحن نتحول لمجرى فى حياتنا لا عوده فيه تختلف فيه اطياف النور وحتى الحوائط تصبح قابله لتكسير فحين نحاط بأبائنا وامهاتنا نحن محصنين ومدعومين وفى لحظه الفراق تتعرى نوافذنا ونرى الغبار لاول مره يعبث فينا نستدرك الحقائق بلا اخطار وتحذير ليت الاباء يعلموا ابنائهم كيف يتحملوا الزمان بعدهم :(

01-11-2012, 08:00 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
,., (عدل بواسطة رانيه محمد الشيخ on 06-14-2013, 11:57 AM)

01-12-2012, 11:00 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
,.,.,., (عدل بواسطة رانيه محمد الشيخ on 06-14-2013, 12:01 PM)

01-12-2012, 11:12 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
,.,., (عدل بواسطة رانيه محمد الشيخ on 06-14-2013, 12:03 PM)

01-12-2012, 11:15 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
,.,.,. (عدل بواسطة رانيه محمد الشيخ on 06-14-2013, 12:03 PM)

01-12-2012, 12:03 PM

عبدالله ود البوش

عبدالله ود البوش
تاريخ التسجيل: 08-12-2009
مجموع المشاركات: 6700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
والله يا رانية بتي بقيتي مونساتية في امان الله واصلي في الحكي الطاعم دا ولا تتوقفني متابع من اول حرف حتى نهاية الحتوتة وباستمتاع عجيب لنوع من الكتابة لا اعرف كيف اصنفه شكرا جزيلا

01-12-2012, 01:25 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: عبدالله ود البوش)
ابى عبد الله الغريبه انى لمن اتفتح فى الحكى ما بتقفل ولمن اتفتح فى البكى ما بتقفل ولمن اتفتح فى الضحك ما بتقفل عشان كده محتاجه اغير المواسير سريع احتمال تتقفل :)))))))))))))))))))))))

01-16-2012, 10:54 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
يا ترى كان نيتهم شنو بالضبط كنت طالعه الصباح ماشيه الشغل كالعاده كان يوم من ايام رمضان المبارك وفى الشارع الفاصل بين المهندسين وامبده وفى حته معينه كانت مزدحمه باتوبيس وهايس وعربات اخرى شوفت رجلين بيشوحوا لى شووووووووووويح غريب ( تشويح يعنى تأشير ) فى الوهله الاولى عاينت ساى وقولت ما قاصدينى اكيد لكن وانا بتمعن لقيت ان الاشارات متمركزه لى انا بالذات استغربت هم مصررين يشاوروا لى انا تحديدا من وسط كل العربات القاطعه ليه ومن المرايا الخلفيه كانوا ليسه بيشوحوا برغم مشيت مسافه بعيدة ومنها قولت يكونوا ناس بعرفهم وما قادره اتذكرهم قومت كنتكت ووقفت على الجنب قاموا جو جاريين المسافه طوووووووووووووويله ديك قولت اكيد الناس دى بتعرفنى ما ممكن يجكوا من الصباح وصايمين كده ساى المسافه دى ولمن وصلونى فتحت الشباك وعاينت ليهم لقيت انى ما بعرفهم واحد فيهم قال لى شبهنا عليكى اسفين التانى نط قال لى خدينا معاكى لقدام قولت له قدام وين قال لى مقابر حمد النيل قلبى فى الحته دى بدا ياكلنى قولت له انا ما واصله لهناك للاسف قال لى خدينا معاكى لحته الواصل ليها هنا بقى قلبى عديل كده بدا يرجف لصراحه لكن قولت الرجفى شى وانى ادخل نفسى فى مصيبه شى وقررت اتماسك فى ثوانى ولاول مره فى حياتى اتخذ خطوه جريئه وارفض بكل عزيمه انا اسفه ما بقدر لانى داخله الشارع الجاى بالحله ما ماشيه اصلا حته بقدام بتفيدكم قام التانى قال لى بعد الجكه دى كلها ما حتاخدينا قولت له ما حينفع اسفه ومنها دورت العربيه ومشيت وهم ليسه بيبرطموا حسى مش كان افضل ليهم يملحوا مع رجال زيهم والعربات كانت فيها رجال المعديه معاى اشمعنى انا الاصروا يوقفونى وياترى فعلا كان نيتهم حسنه فى طلب التوصيله ولا الموضوع كان له دروب اخرى ؟؟؟؟؟؟؟؟؟؟؟؟؟ (عدل بواسطة رانيه محمد الشيخ on 01-16-2012, 11:00 AM) (عدل بواسطة رانيه محمد الشيخ on 01-16-2012, 05:41 PM)

01-16-2012, 01:03 PM

Fadl Karrar

Fadl Karrar
تاريخ التسجيل: 12-04-2004
مجموع المشاركات: 1904

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
كأني أسمع صوت ماجدةالرومي لماذا ؟ لا أدري

01-16-2012, 01:26 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: Fadl Karrar)
اخى فاضل انها من الاصوات التى اصبحت اتجنب سماعها من شدة ما تعتصرنى ذكريات واحلامى دمعا منها فحين سمعتها كانت مازلت فى دواخى شموع تشتاق لتضاء وفى عينى بريق يبوح بالثبات وفى قلبى نبض لم يعرف الاهات .... لماذا ارجعتنى لصوت بكائى فيه لن يرجع ما مات

01-16-2012, 01:45 PM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
غريبه هذه الدنيا وبالاصح غريبين ايها الناس جعلتوا منا اكوام احزان غير قابله للازاله كم اجتهدت ان انسى كيف كنت حتى لا يقهرنى كيف اصبحت حين سمعت هذه الاغنيه كنت ممتحنه للجامعه كنت مازلت ارفرف بأمل حتى مع اعاصير حزن وفاة ابى رحمه الله كنت مازلت احمل فى ضلوعى نبضات لم يكسرنى القدر بابتلائته مثلما كسرنى الحب بنزواته ارتضيت بما أتى من الله وغضبت مما صنعته يداى كيف سمحت لهذا المخلوق بأى يشوهنى حلمت به يزيدنى بريقا ولكنه اطفئنى بمرارة ضغيانه وانانيته وقبحه برغم روعة الحب فهذا ليس زمان الحب هذا زمان الاجساد المحبه للصد لا تمنوا أطفالكم بغد مشرق ولكن ازرعوا فيهم ايمان صادق يقودهم لدروب السلامه من هذا الوباء

01-22-2012, 09:01 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
اخويه كان ناوى يفجغه.............:) كانت نايمه عندنا اخت مرة اخويه جات من عنديهم لامور جامعيه لانها بتحضر ماجستير ولا حاجه كده المهم المره القبالها لمن جات والصباح مرقت معاى لفلفت لفليف عشان اعرف هيئة الغابات بوين وانزلها الحته ديك بتجوط لى راسى اتجاه الصينيه حقت بيويو كوان ولا كترينا ما عارفه ولا حديقة القرشى وحلزونه القبالها مرات بحس انى بطوفها سبع مرات عشان اتخارج المره دى من بليل قالت لى طالعه معاكى قولت ليها ثمح وبدوا يوصف لى كل زول بطريقه واصلا ما كنت مجمعه قعدت اقول ليهم ثمح ثمح ثمح ونمت وصحيت عليها واقفه فى راسى اتخلعت وقربت امرق بالبجامه طوالى ونحنا ماشين قعدنا ننقنقن فى فلان وعلان ودخلت بشوارع معاكسه مع اندماجى فى الونسه لمن وصلت شارع الغابه واخدت اللفه المعتاده ووصلت للاستوب حق سل روحك البيخليك مشحوط ساعه ويفتح ليك دقيقه وانت وحظك لقيت روحى وش فى شارع الحريه واتجهت اتجاه كبرى الحريه ومع اخر لفه انكشحت يمين ومنها على حسب احساسى انا مفروض امشى مع قضبان القطار اها بقيت اسك فيه واريتنى ما سكيته :(

01-22-2012, 09:26 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
فى رحلة البحث او السك بالاصح دخلت بشارع جانبى لارى بصيص امل فى اخره حيث ترائى لى شارع زلط احساسى قال لى هوووووووووووووووووووووودا ايووووووووووووووووه دا وياريتنى كان مااااااااااااااااااااا مشيت بداااااااااااااا و كااااااااااااااااااااااانت الطاااااااااامه لاصطدم بواقع بشرى ليس بغريب من بشر هذا الزمان ممكن يكون فى نظر العديد تصرف عادى لكن فى حقيقته تصرف ينم عن غياب الضمير واستغلال اصحاب المهن لسلطاتهم بطريقه فجعاااااااااااااااااااااااااااانه ,,,, المهم لفيت و لقيت ست شاى وناس حوالينا مجغمزين فى بنابرها سئلناهم وين هيئه الغابات قام اتنين يوصفوا فى نفس اللحظه لدرجه ما فخمت ابو النوم ومن التشويح عرفت ان الاستوب القدامنا مفروض امشى منه يمين والقاها فعاينت لقيت العربات ماشيه اتجاه واحد قومت سئلت هو دا ماشى كده بث قالوا لى اى كده بث وكان يبعدنى من التقاطع البيمشوا فيه ببثتين القليل ويوجد وساع فى اتجاه الرمله الجانبيه بتوصلنى يعنىىىىىىىىىى ما محتاجه اترتر بالعربيه ورا وارجع تانى بشارع الجيت بيه واجى ناطه بهناك يعنى شن بيحصل لو مشيت هذه المثافه البسسسسسسسسسسسسسسيطه التى لا تذكر فى الرمله ومنها اجده واقف اخت مرة اخويه قالت لى ووووووووب علينا بتاع المرور عاينت يمين شمال لم اجد ملجىئ لفرار لانه كان وصلنى فى شباك فتحت النافذه بكل برائه وقولت له نحنا تايهين ودخلنا غلط قال لى رخخخخخخخخصتك لبعت الشنطايه وطلعت المحفظه واديتها له قال لى دى مية جنيه و24 ساعه حبس ومشى يفتح باب العربيه بورا انا طبعا بأمن الابواب لمن ما فتح معاه قال لى ما بيتفتح انا لصراحه كنت بحاول استوعب هو ماشى يركب لشنو اصلا ومنها فتحت التامين وقام فتح الباب وركب اخت مرة اخويه بديت تتعذر وما عارفين وما شايفين وما ناقشين قولت له ممكن ننزلها فى جامعتها لانها متاخره ونشوف الحاصل قال لى كويس (عدل بواسطة رانيه محمد الشيخ on 01-22-2012, 09:31 AM)

01-22-2012, 09:38 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
لمن وصلت اخيرا هيئة الغابات كانت ليسه اخت مرة اخويه بتنضم انا السبب وكله منى قولت ليها يا بتى اتخارجى بتصرف ومنها قولت له اها على وين انا اصلا ماشيه اتجاه المرور شغلى بهناك قال لى امشى يبقى وفى السكه شبكنى انتى من بانت وانتى من امدرمان وعشان من بانت خلاص ندفعك ايصال ال50 جنيه مافى داعى ل100 جنيه والحبس قولت له 50 شنو هى زاتو معاى يقول لى اخير ليكى من الحبس و100 ورجعنى بشارعى زاتو ولمن قربنا على الحته الشلناها منو قال لى خلاص ادفعيها واتخارجى وطلعت 40 جنيه وانا بالجد دمى فاير منو لكن لصراحه كنت ملبكه وعيزاه ينزل من العربيه جيت اديها له قال لى بتحت مررته له من بين الكرسيين وناولنى رخصتى وقالى اقيفى هنا ونزل سوقته العربيه وانا مغلوووووووووووووووووووله شنو الخلانى اصلا اديها له ولا شنو الخلانى اصلا اركبه كان نمشى المرور عديل بقيت اشيل واخت والدم فاير فى راسى لمن وصلت المكتب واتمغصت زياده لمن زميلى قال لى مافى اصلا ايصال ب50 ولا 100 ولا حبس برمج بيكى ساى كانت المعاى اخت مرة اخويه اتصلت باختها البدورها اتصلت بينى عشان تعرف الحصل اللى بدورها حكيت لاخويه اللى بدوروا بعد ساعه اتصل بينى وقال لى امرقى تعالى لى فى الشارع مرقت قال لى اركبى وورينى مكان الــ.............. دا

01-22-2012, 09:43 AM

رانيه محمد الشيخ

تاريخ التسجيل: 10-18-2010
مجموع المشاركات: 3700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: نـــــودار وحكـــــايـــــات من هنا وهناك وبهناك :))) (Re: رانيه محمد الشيخ)
ركبت وبدى يدينى اخويه موشح بكواريك انى اصلا سمحت له يركب ليه ومفروض فى امور زى دى اركن العربيه واقفلها واتصل بيهم وبس ما اسوى اىىىىىىىىىىىىىىىىىىىىىىىىى شى تانى لصراحه حسيت كلامه صح براى متشالقه وفاكره روحى بقدر اهد الدنيا بدون مساعده الرجل احتمال لانى مفروسه من الرجل ولانى بخاف يخذلنى الرجل ولان اغلب جروحى بسبب الرجل بقيت تصرفاتى اغلبها بحارب وجود الرجل فى حياتى وبحاول اعمل اىىىىىىىىىىىىىىىىىىىىى شى حتى لو غالبنى لكن ما ألجىء لرجل كلام اخويه ونهيره لى خلانى لاول مره احس ان الحياه ما بتبقى بدون رجل شعور جميل برغم التهزيق الكان موجه لى انى احس ان فى رجل بيحمينى عايز يدافع عنى عايز يرجع لى حقى شعور كنت فاكر نفسى نسيته من زمان وخليت روحى تصدق وتأمن انه مستحيل القاه فى هذا الزمان وبعد وصلنا مع الزحمه الخرافيه لقينا الشارع فاضى وناس المرور مافيشين زاتو اينعم اخويه احبط لكن لصراحه انا اتعلمت درس غريب وحسيت بشعور غريب وبديت اعيد حساباتى بطريقه غريبه بجانب انه يكون شى مؤسف ان اصحاب المهن المحترمه والبيرتدوا زى رسمى بيعكس وظيفه محترمه يستغلوا الشى دا ويهينوا بتصرفات غير محترمه

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]