|
|
|
 Re: لماذا يذهب الفنانون والفنانات لمنكوبي السيول برفقة القنوات الفضائي (Re: عاطف عمر)
|
المشكلة الحكومة مسكت قوي في الحاجات دي مهربا من تقصيرها والتركيز كلو بقى على المتطوعين ومبادرات الفنانين رغم ان حصيلة كل المجهود الشعبي لن يغطي سوى احتاجات آنية عاجلة للمتضررين
كتبت في بوست مجاور:
| Quote: امس وفي تلفزيون السودان سهرة مع الفنان راشد دياب وهيثم كابو وندى القلعة واللاعب أكرم الهادي عن مبادرة لهم تهدف لمساعدة لضحايا الامطار والسيول، بينما انشغل كابو والقلعة باستعراض ماقاما به راشد دياب كلما اعطي فرصة للتحدث كان يشير وبالحاح ان الوضع غاية في الكارثية وان حجم الماساة كبير جدا ويرمي المسؤولية على الحكومة في ضرورة ان تقوم بدورها |
التحية والسلام الاخ عاطف عمر وللمتواجدين
| |
 
|
|
|
|
|
|
|
|
Re: لماذا يذهب الفنانون والفنانات لمنكوبي السيول برفقة القنوات الفضائي (Re: عاطف عمر)
|
Quote: أظن وليس كل الظن إثم انو دا ما هو الهدف ، الموضوع وصل مرحلة محاولة البعض لتلميع صورته والترويج لنفسه بالحركات دي واستصحب ذلك متاجرة بالحالة التي يعيشها الضحايا
يعني حسي الكليب الذي ينتهي بمشهد نحيب فهيمة والفحيل جمبها يحاول ان يشد أزرها دا يسموهو شنو
|
وتاني شكراً مهدي صلاح
ونفس المنتج ونفس الشاعر أعادا ذات المشهد مع الفنانة صباح ومعها افسموا منو داك
حتى في المتاجرة دي ما عندهم إبداع
| |
|
|
|
|
|
|
|
|
|
Re: لماذا يذهب الفنانون والفنانات لمنكوبي السيول برفقة القنوات الفضائي (Re: عاطف عمر)
|
شكرا باش مهندس عاطف ..
تطرقت لهذه الظاهرة في بوستي بعنوان (وهمات الفنانين الشباب) وذكرت عددا من الوهمات من بينها وهمة الحفلات الخيرية وتهافت الفنانين عليها حتى ولو بدون اجر من أجل تلميع أنفسهم ..
عليه يمكن اعتبار تهافت الفنانين الشباب بصحبة مصوريهم واصدقائهم في الفضائيات جزء من تلكم الوهمات ..!!
Quote: وهمة الحفلات الخيرية
أها يا جماعة ..
اكبر منفذ وأكبر وهمة واهم وهمة للمطربين الشباب ديل حاجة إسمها الحفلات الخيرية ..!!
فجأة كدة وقبل كم سنة لي ورا في مجموعات وجمعيات كدة إتذكرت إنو البلد فيها مآسي إنسانية وفيها ناس عايشين على الكفاف وفيها مستشفيات مفروض تنبني وفيها ما فيها ..!!
بعض الجمعيات والمنظمات الطوعية جزاها الله خير شغالة شغل كويس في الناحية دي وبترعى الكثير من الدور المحتاجة رعاية ودعم زي دار المايقوما ودار المسنين ونزلاء السجون ومعاهد ذوي الاحتياجات الخاصة وغيرهم وغيرهم ... وبتحرص إنها تقيم فيها من حين لأخر الإحتفالات بمناسبات متنوعة زي عيد الفطر وعيد الأضحى وعيد الأم والكثير من المناسبات وبتحرص تدعوا ليها الكثير من الفنانين والمسئولين والصحفيين للغناء والتغطية من أجل نشر اخبار هذه النشاطات واجتذاب الدعم من الدولة وباقي المؤسسات ..!!
مرة من المرارير أتصل بي فنان شبه معروف بيسأل عن مكان واحدة من الدور دي ..! قلت ليهو مقرها جمبنا طوالي .. ما صدق قال لي جاييك هسي !! قلت ليهو يا زول دقيقة الحاصل شنو ؟!! قفل السماعة قبل ما أخت الموبايل من يدي الزول دا جاني مقتحم المكتب (مع إنو كان متصل من بعيد لكن وصلني بالسرعة الصاروخية دي كيف وبي شنو الله أعلم!!) !!
الزول متشنج : أرحكاكا وسريع نحصل ..!! قلت ليهو هو في شنو ؟ قال لي بحكي ليك في الطريق ..!!
وانحنا ماشين قعد يحكي لي عن الحفل الخيري الترفيهي برعاية منظمة ......... في دار ....... وإنو هسي في كمية من الفنانين والصحفيين ووزير وكم مسئول وانو في تغطية إعلامية مكثفة ..!! قلت ليهو إنت هسي ماشي داعينك ولا ضيف ساي ؟! قال لي أنا ماشي أشوف لو في فرصة غناء بغني ولو ما في الواحد بيظهر على الأقل في التلفزيون والجرائد إنشالله يبشر ساي !!
طبعا إندهشت ..!! لكن قلت النصل نشوف الحاصل شنو ..!!
أول ما وصلنا لقيت زحمة ما تديك الدرب .. الفنانين والعازفين البرة وما لقوا طريقة يخشوا اكتر من الجوة .. والفنانين والعازفين والبعامين الجوة والبرة أكتر من نزلاء الدار دا ..!! في كم فنان كدة معروف غنى غنية ونزل .. وانا براقب في المشهد وبشوف التحانيس ..
في أكتر من 15 فنان داير ليهو فرصة يمسك المايك إنشالله يقول : ألو تست ون وينزل .. وبرضو ما في طريقة !! يا جماعة شوفوا فلان الفلاني يشوف لينا فرقة .. أنا عندي تلفون دكتور ...... مشرف الدار وضربت ليو لكن تلفونوا ما بيرد ..! طيب وين السكرتيرة ديك .. هي وعدتني تديني فرصة غنية وهسي ما لاقيها ...!!
تبرم .. ولهفة للظهور بطريقة ما عادية .. طبعا ليهم حق لأنو قدامم مولد بيحتاج ليهو أي مطرب ناشي أو داير يظهر .. مسئولين وصحفيين وتلفزيون وهلمجرا ..!! لكن إتخيلوا أكتشفت شنو ..!!
أكتر من تلاتة ارباع الفنانين ديل أساسا جايين ضهب بي عازفينهم .. ما في زول دعاهم والدعوة كانت لي فنانين معينين . لكن بحكم العلاقات المتشعبة الأنا اتكلمت عنها جبيل وبحكم أنهم بيكونوا لقطوا الخبر من جريدة أو تلفزيون جو جاريين واي واحد يتمنى يغني غنية أو على الأقل يقول كلمة في المايك أو (ستيتمينت) صغير .. يتكلم فيها عن تعاطفوا مع المأساة القداموا دي ويعلن عن تبرعوا بي دخل أي حفلة يحييها لصالح الدار دا ..(البيسمع بي تبرعوا بي دخل حفلاتو يقول الولد ولا بريتني سبيرز مع العلم إنو اساسا ما عندو دخل حفلات ودخل الحفلات إن وجد عبارة عن صحن عشاء أو سندوتشين شاورمة وقزازة بزيانوس ) وطبعا ديل يستحيل يفرط فيهم ويتبرع بيهن .. لكن طبعا التصريحات ما بقروش لكن هدف الظهور بيكون إتحقق ..!!
مرة قابلت واحد من اعضاء إدارة واحدة من المنظمات البتشرف على الدور دي واثناء النقاش عرج الحديث لي ظاهرة تكالب الفنانين على الحفلات دي .. فقال لي أساسا الفنانين ديل بيغنوا بدون اجر وبيجوا متطوعين .. وأنحنا ما بنقدر نمنعم يغنوا في إحتفالاتنا حتى لو صوتم كأصوات الحمير ..! لكن بيهمنا إنو نزلاء الدور دي يكونوا مبسوطين ويكونوا حاسين في ناس شاعرين بيهم ومتضامنين معاهم وافتكر دا مبرر موضوعي ..!!
قبل فترة قصيرة كان معاي واحد فنان شاب ..بيكلمني ألقى ليهو واسطة يكون ثابت وأساسي في أي إحتفال خيري وهو مستعد يغني مجانا
او بأقل أجر .. وبعد داك كلمني عن فنان شاب تاني إنو ماضي عقود مع أكتر من اربعة منظمات يغني ليها بأجر رمزي في كل إحتفالاتا ومناسباتا .. وذكر لي إنو الفنان دا بسبب العقود دي بقى أساسي في الجرائد والتلفزيون والظهور دا جاب ليهو حفلات كتيرة عامة وخاصة والضحاكات عندو ما تديهو الدرب ..!!
يا جماعة رايكم شنو ؟! خلوني أنا ؟!! |
وهمات الفنانين الشباب ..!!
| |
|
|
|
|
|
|
|
|
|
Re: لماذا يذهب الفنانون والفنانات لمنكوبي السيول برفقة القنوات الفضائي (Re: عاطف عمر)
|
مراحب عزيزتنا من الفيسبوك أم مؤيد
تحياتي وسلامات
Quote: تقليد للمشاهير العالميين بس بتجي فيها شتارة . بفهم انه كدا حتى نحن لفنانيين والمشاهير السودانيين بيتعاطفو مع الناس في محنتهم . كان في صورة لشريف الفحيل شايل ليه سرير مع واحد من منكوبي الامطار وبس ماسك السرير بكلينكس . يعني للعرض فقط . المواساة وقت ما تكون تلقائية ظاهرة . سلامة البنوته وما تشوف شر باذن الله .
|
تسلمي وتسلم أسرتك من كل سوء
القول ما قلت ( المواساة وقت ما تكون تلقائية ظاهرة )
هذا هو جوهر البوست
| |
|
|
|
|
|
|
|
|
|
Re: لماذا يذهب الفنانون والفنانات لمنكوبي السيول برفقة القنوات الفضائي (Re: عاطف عمر)
|
سلامات يا هندسه ...وعيدك مبارك أنت وجميع من حولك ومن تحب ....
حقيقة أرى فيما قامت به الفنانه ندى القلعة من إقامة حفل خيري كبير بحدائق القرشي .... والاشراف بنفسها على توزيع الدخل الكبير للمحتاجين .... والاعلان عن حفل آخر لذات الغرض ... وياليتها تقوم أيضاً بالاشراف الشخصي على التوزيع حتى لو صاحب ذلك كاميرات التلفزيون والهاله الاعلاميه .....منعاً من لغف التماسيح المعروف ....والمردود في النهاية لصالح هؤلاء الغلابا والمساكين الذين يحتاجون لكل الدعم والمؤازرة .....أرى في ذلك العمل لكثير من النبل والفائدة الجمة التي تعود على المتضررين ....
ده كلو كوم عاطف أخوي ..... لكن الفاقع مرارتي بحق هو تركيز قناة النيل الآزرق بالذات على منظمة (مجددون) بشكل أصبح يبعث على الدهشة والملل في ذات الوقت ....واضح جداً من اللقطات المصاحبة الامكانيات الهائلة لهذه المنظمة ... والنفوذ الواسع جداً لأصحابها..... ويبدو أن القائمين عليها من أولي الشأن المقربين للسلطة حتى تجد كل هذه الهالة الاعلامية وكأنها الوحيدة التي تعمل في الساحة ..... فبالله لو في واحد عندو معلومات عن هذه (المجددون) ما يبخل بيها علينا ....
وفي النهاية أخي الكريم الأعمال بالنيات ... ويجب علينا تشجيع أي مبادرة جادة نعود بالخير على أهلنا المتضررين أياً كان الهدف من وراءها ...طالما كانت النتائج إيجابية .... وعلينا أن نترك مسألة الحساب والعقاب لله رب العالمين العالم بخفايا النفوس يا هندسه ....
وإن شاء الله تسلم عاطف أخوي ......
مع خالص ودي وتقديري ؛؛؛؛
| |
|
|
|
|
|
|
|
|
|
Re: لماذا يذهب الفنانون والفنانات لمنكوبي السيول برفقة القنوات الفضائي (Re: إدريس محمد إبراهيم)
|
مراحب عزيزنا إدريس
تحياتي وسلامات
Quote: حقيقة أرى فيما قامت به الفنانه ندى القلعة من إقامة حفل خيري كبير بحدائق القرشي .... والاشراف بنفسها على توزيع الدخل الكبير للمحتاجين .... والاعلان عن حفل آخر لذات الغرض ... وياليتها تقوم أيضاً بالاشراف الشخصي على التوزيع حتى لو صاحب ذلك كاميرات التلفزيون والهاله الاعلاميه .....منعاً من لغف التماسيح المعروف ....والمردود في النهاية لصالح هؤلاء الغلابا والمساكين الذين يحتاجون لكل الدعم والمؤازرة .....أرى في ذلك العمل لكثير من النبل والفائدة الجمة التي تعود على المتضررين ....
|
معك نتفق أن ما قامت به الفنانة ندى القلعة من إقامة حفل وتخصيص دخله للمنكوبين هو أمر جميل
أن تشرف على التوزيع بنفسها هو أيضاً أمر لا يلومها عليه أحد في ظل ما رشح من أخبار تسرب مواد الإغاثة لمخازن التجار وللأسواق
ما نعيناه عليها هو تلك ( الهالة الإعلامية ) تلفزيون وصحافة وكتاب أعمدة صحفية مرافقين لها
هذا يلقي بالظلال السالبة التي عنيناها
ويلبس حملتها قصدت ام لم تقصد لباس الرياء
| |
|
|
|
|
|
|
|
|
|
Re: لماذا يذهب الفنانون والفنانات لمنكوبي السيول برفقة القنوات الفضائي (Re: عاطف عمر)
|
الحبيب عاطف
تعجبني دوما افكارك النيرة ولكنني أرى أنك لم توفق هذه المرة
أولا الفنانين لا يملكون سلطة أخذ قنوات معهم لمزاراتهم الخيرية
والارجح أن القنوات هي التي أخذتهم معها
ثانيا ذهاب الفنانين وتسليط الضوء عليه يحفذ آخرين لفعل الخير
انظر للفنانين الغربيين يأخذون معهم اعتى القنوات ووكالات الأخبار معهم لافريقيا
مع الفارق في المردود طبعا
-------------------------------
أخيرا قبل يومين أعطيت آخر أخباري لصحيفة سودانية ومنها
مشاركتي في نداء السودان باميركا مع مجموعة من الموسيقيين منهم الاستاذ عبد الكريم الكابلي
ومجموعة اوتار النيل الموسيقية فهل في هذا من واستعراض؟؟؟؟
لك عاطر التحيايا وللاسرة وبالمناسبة باذن الله أكون في دبي 29 سبتمبر
| |
|
|
|
|
|
|
|
|
|
Re: لماذا يذهب الفنانون والفنانات لمنكوبي السيول برفقة القنوات الفضائي (Re: Elmosley)
|
مراحب عزيزنا سعادة المستشار أبو فؤاد
Quote: ياباشمهندس...
## سلام وصباحك خير..
** الشو الإعلامى ليس إلا ............. قنوات الحيكومه الفاسده فى جهاز إستقبالى مشطوبه نهائياً حتى لايرتفع الــضــغـــط |
وياريتو ( شوياً ) مجيه
شو كلو محاكاة
شريف الفحيل مشى يفتش في الأنقاض طلع بكتاب مدرسي
جاء الفنان البعديهو ومشى يفتش في الأنقاض ليطلع بكتاب مدرسي
فهيمة مسكت واحدة من السيدات قلدتها تبكي معاها
جات صباح قلدت سيدة أخرى وقلدتها تبكي معاها
...
...
| |
|
|
|
|
|
|
|
|
|
Re: لماذا يذهب الفنانون والفنانات لمنكوبي السيول برفقة القنوات الفضائي (Re: عاطف عمر)
|
| Quote: ياريت 29سبتمبر يكون باكر |
لن ولم انس تقديمك الباهر لندوتي بالمجمع الثقافي ابوظبي
---
سآكون هناك لوضع اللمسات الاخيره لاغنيتي الجديده
"كده صعبتيها" من شعر زميلنا العزيز في المنبر
حبيب نوره
ثم آغادر الاربعا 2 اكتوبر للسودان في اجازة عمل "فنية"
بالله كلم صديقنا المبدع حمزه ولنحاول اللقاء في
احد الايام بعد التنسيق مع اسامه علي والاستديو
تحياتي
| |
|
|
|
|
|
|
|
|
|
Re: لماذا يذهب الفنانون والفنانات لمنكوبي السيول برفقة القنوات الفضائي (Re: عاطف عمر)
|
Quote: يا ملهم كردفان
كلامك الفوق دا كوووولو والله عارفنو
لكني ومن إتفق معي نتحدث عن أمر آخر |
كلامى عارفنو ياعاطف لإنو مابختلفوا فيهو اتنين
عارفنو
لأنو ده الجانب الإيجابى فى الموضوع ..
وانت قاصد انوالبيعملوا فيهو ده ماطالع من قلبهم
ولاقاصدين بيهو وجه الله
وكان من المفترض انو يكون بالسر لو هم أصلاً عايزين يدعمو
ومافى داعى يتاجرو بى مآسى الناس وكده
ويمكن الحكومه ذاتا يكون ليها ضلع فى الموضوع ده وكده (دى من عندى)
....
على الأقل ولو تواجدهم فى وسائل الإعلام ده كان فيهو نفاق وشوفينيه
حسب قرأتى لهذا البوست
فالحكومه شغاله استنكاح وشوفينيه من سنة دو
.....
وبى نفس الفهم بتاع
(أما علموا أن صدقة السر تطفئ غضب الرب ؟؟)
يمكن لسلن حالهم بيقول
(أما بنعمة ربك فحدث)
.....
هسى عليك الله باقى ليك هم دايرين شهره اكتر من العندهم دى
.....
الأعمال بالنيات ولكل إمرىء مانوى ....نوى ده
حتى ولو ظهر فى السيل واتضامن مع ناس عشه ونام القوى
احترامى
| |
|
|
|
|
|
|
| |
عاطف عمر
أمين محمد سليمان
مهدي صلاح
بله محمد الفاضل
Abdelslam Malik Ali Elhag
الزنجي
ناذر محمد الخليفة
إدريس محمد إبراهيم
معاوية المدير
Elmosley
ملهم كردفان
فيس بوك
تويتر
انستقرام
يوتيوب
بنتيريست