ما بين البوستات ( الممطوطة ) شهوراً والبوستات ( الحسين ملاسية ) ....

شرح مفصل و معلومات للتقديم للوتري 2020
إلى ذاكرة خريجي الهند ..مع التحية ًِ
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 23-10-2018, 12:01 PM الصفحة الرئيسية

مكتبة عاطف عمر محمد صالح(عاطف عمر)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-01-2013, 06:27 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


ما بين البوستات ( الممطوطة ) شهوراً والبوستات ( الحسين ملاسية ) ....

    لبعض زملائنا وزميلاتنا في المنبر مقدرة كبيرة وصبر ( أيوبي ) لفتح بوستات
    والصبر عليها شهوراً بصفحاتها المتعددة ومتابعة المداخلات الواردة و ( التحزم ) للرد عليها جميعها

    وإني لأغبطهم على ذلك
                   |Articles |News |مقالات |بيانات

10-01-2013, 06:31 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    للبعض الآخر من زملائنا وزميلاتنا رؤية ثانية
    البوست عندهم معلومة / رسالة / خاطرة يودون توصيلها
    لا يلزمون أنفسهم بالرد على كل متداخل
    يكون البوست عندهم معرضاً لحالة كونه قد إستوفى غرضه في أى لحظة
    لذلك نراهم يفتحون بوستات أخرى غير عابئين بمآلات ذلك البوست

    لعل الأخ حسين ملاسي يكاد يكون الأنجم الأبرز لهذه النوعية من البوستات
                   |Articles |News |مقالات |بيانات

10-01-2013, 06:37 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    بوستات أخر تكون ممطوطة شهوراً مع عدم وجود إلتزام من صاحب البوست بالرد على أى متداخل
    والتصالح من المشاركين والمتداخلين على هذا الفهم وذلك بسبب كونها بوستات جماعية

    أمثلة

    اليوم الحار ما بندار....
    الإمتداد ذلك الحى ....
    الزقازيق....
    بحري طرواة....
    دفتر أحوال الضابط ....
                   |Articles |News |مقالات |بيانات

10-01-2013, 07:04 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 13616

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    Quote: للبعض الآخر من زملائنا وزميلاتنا رؤية ثانية
    البوست عندهم معلومة / رسالة / خاطرة يودون توصيلها
    لا يلزمون أنفسهم بالرد على كل متداخل
    يكون البوست عندهم معرضاً لحالة كونه قد إستوفى غرضه في أى لحظة
    لذلك نراهم يفتحون بوستات أخرى غير عابئين بمآلات ذلك البوست

    إذاً .... عليهم بالـ تويتر .... هناك مرامهم.

    Quote:
    أمثلة

    اليوم الحار ما بندار....
    الإمتداد ذلك الحى ....
    الزقازيق....
    بحري طرواة....
    دفتر أحوال الضابط ....

    شايفك فطيت بوست (الآيفون)

    ______
    سلام يا دفعة
                   |Articles |News |مقالات |بيانات

10-01-2013, 08:44 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: محمد أبوالعزائم أبوالريش)

    Quote: إذاً .... عليهم بالـ تويتر .... هناك مرامهم.

    تويتر بتاع مين يا عمك ؟؟
    ياخ قادر تتخيل البورد دا بدون حسين ملاسي وبدون جني ؟؟
    Quote: شايفك فطيت بوست (الآيفون)

    بوست الآيفون دا فطيتو كيتاً في سمارت عشان أبت ترسل لى واحد ههههههه
    لكن بالجد القائمة تطول
    الـ بق لوزرز
    مدرسة بحري الثانوية




    ______________

    سلام ومحبة أبو الريش
                   |Articles |News |مقالات |بيانات

10-01-2013, 08:54 AM

محمد كابيلا
<aمحمد كابيلا
تاريخ التسجيل: 15-11-2008
مجموع المشاركات: 3454

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    عاطف عمر

    تحياتى ..

    Quote: بوستات أخر تكون ممطوطة شهوراً مع عدم وجود إلتزام من صاحب البوست بالرد على أى متداخل
    والتصالح من المشاركين والمتداخلين على هذا الفهم وذلك بسبب كونها بوستات جماعية


    كلامك أعلاه مرات حقيقة ولكن هناك بعض الزملاء ملتزمين فى الردود على المتداخلين

    فى البوستات الممطوطة ...
                   |Articles |News |مقالات |بيانات

10-01-2013, 11:08 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: محمد كابيلا)

    تحياتي وسلامات عزيزنا كابيلا
    Quote: كلامك أعلاه مرات حقيقة ولكن هناك بعض الزملاء ملتزمين فى الردود على المتداخلين

    فى البوستات الممطوطة ...

    نعم يا عزيزنا
    ملتزمين وأى حاجة

    بس ياخ بيجيبوا الصبر دا من وين ؟؟
    الزول يقعد ( يحاحي ) ليهو في بوست عدة شهور ؟؟

    الله يقسم لينا
                   |Articles |News |مقالات |بيانات

10-01-2013, 06:50 AM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6334

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    Quote: لبعض زملائنا وزميلاتنا في المنبر مقدرة كبيرة وصبر ( أيوبي ) لفتح بوستات
    والصبر عليها شهوراً بصفحاتها المتعددة ومتابعة المداخلات الواردة و ( التحزم ) للرد عليها جميعها

    ** الباشمهندس ود عمر..
    ** صباح الخير..

    ## والبحيرك أكتر أنو كُل المُداخلات تكون من صاحب البوست .. حتى ولو بدى (.) أو up
                   |Articles |News |مقالات |بيانات

10-01-2013, 07:29 AM

ihsan fagiri

تاريخ التسجيل: 08-04-2008
مجموع المشاركات: 2338

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عبدالكريم أحمد الامين)

    انحنا ناس عجائز نحب الوجبات الخفيفه سريعه الهضم

    وبوستات ملاسي ادخل ليها جري

    وامرق منها قوام قوام
                   |Articles |News |مقالات |بيانات

10-01-2013, 09:20 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: ihsan fagiri)

    تحياتي وسلامات أستاذتنا إحسان
    سعيد بمقدمك
    Quote: انحنا ناس عجائز نحب الوجبات الخفيفه سريعه الهضم

    وبوستات ملاسي ادخل ليها جري

    وامرق منها قوام قوام


    ضحكت حتى ظن بي من حولي الظنون من قصة ( وامرق منها قوام قوام )

    تذكرت طرفة حصلت لي مع الفنان الكبير الراحل المقيم محمد وردي

    حضر وردي لزيارة دولة الإمارات العربية في سبتمبر أو أكتوبر 1986
    إستضافته إذاعة أبوظبي وفتحت أبواب الإتصال أمام المعجبين لسؤاله
    كنت من بين أولئك المتصلين

    قارنت في سؤالي بين ( أكتوبريات ) وردي التي عاشت في وجدان الشعب السوداني ملهمة وقوتها من حيث الكلمة والموسيقي
    وما بين إنتاجه بعد سقوط مايو وقيام الإنتفاضة حيث لم تجد ( بلا وانجلى ) أى زخم شبيه للإكتوبريات وذلك رغماً عن سوء مايو المتعاظم مقارنة بنظام عبود وتطور علم الموسيقي خلال عقدين من الزمان

    عينك ما تشوف إلا النور
    ( شرشحني ) أستاذنا وردي شرشحة السنين ، بأنني أتحدث دون إلمام عن جماليات الموسيقي وأن الأكتوبريات عمرها ( وقتها ) عشرين عاماً وأنني أظلم أى قصيدة أو أغنية عمرها شهور عندما أقارنها بقصيدة أو أغنية عمرها عشرون عاماً.....

    بعد اللقاء إتصل بي قريبي الشاعر الجيلي عبدالمنعم عباس ( شاعر مرحباً يا شوق ، وأغنية أخادع نفسي في حبك وأمنيها )
    إتصل بي ضاحكاً

    " يازول مالك بتنشبك في وردي ، ياخ نحن وردي كنا بنمشي ليهو ونساهر معاهو ونحن راكبين في عربياتنا وماشين منو ، بنطلع القصيدة ونديها ليهو وندور نسوق عشان ما نسمع تعليقو "
                   |Articles |News |مقالات |بيانات

10-01-2013, 07:38 AM

محمد إبراهيم علي
<aمحمد إبراهيم علي
تاريخ التسجيل: 10-08-2009
مجموع المشاركات: 10019

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عبدالكريم أحمد الامين)

    صباح الخير (الزميل) عاطف
    انا عندي الحركة دي مرات ههههههه
    بمر بخبر معين في صحيفة او في موقع وبكون عايز اعرف رد الفعل عليهو
    لانو بهمني جدا معرفة طرق قراءة الناس للخبر وبستفيد من تحليلاتهم ليهو ولمراميه
    فالتداخل قد يفسد لي هذه المتعة وهي الاستماع للطرف المعني
    فبقوم انقلو للمنبر كخبر فقط ومرات كتير ما بكون عندي ما اضيفو ليهو



    ــــــــــــــــــــــــــــــــــــــــــــ
    البوست ده مثلا الحزب الشيوعي يوجه عضويته في بحري بتجنب المشاركة في التظاهرات
    وانا بقرا في جريدة الراي العام لقيتو ومتاكد انو عدد كبير من قراء المنبر وبالذات الاخوة في الحزب الشيوعي ممكن ما كان يجيب خبرو لاسباب كثيرة لو ما جبتو هنا في المنبر
    بالذات الناس البرة السودان لانو الكثيرين مهنم يعتمدون على المنبر في تلقي الاخبار
    فانا هنا عتالي لا اكثر جدعت ليهم الخبر وانسليت ومحرج جدا بالذات من بعض الاصدقاء الذين كانوا يتوقعوا مني رايا او تداخلا
    ولكن في الحقيقة ليس لي ما اضيفه فهو خبر نقلته واعتقد بسبب النقل والضغط من بعض العضوية هنا في المنبر اصدر الحزب الشيوعي بيانا بخصوص الخبر
                   |Articles |News |مقالات |بيانات

10-01-2013, 07:52 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30730

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: محمد إبراهيم علي)

    Quote: لعل الأخ حسين ملاسي يكاد يكون الأنجم الأبرز لهذه النوعية من البوستات
    لا يا قريبك..
    في واحد اسمه محمد الأمين البوست عندو عبارة عن العنوان فقط, مداخلة ساي ما بكتبها احيانا يكتفي بنقطة وخلاص
    ويمشي يفتح بوست تاني بنفس الطريقة وهكذا
    ملاسي بكتب مداخلة واتنين و عادي بدي اتنين تلاتة ناس (فالج وعالج) أو (لا بأس) لواحد أو اتنين
    لكن محمد الأمين نهائي ما بعرف حاجة عن البوست بعد يكتبه كأنه حق زول تاني
                   |Articles |News |مقالات |بيانات

10-01-2013, 10:47 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: محمد البشرى الخضر)

    تحياتي وسلامات يا هندسة
    Quote: لا يا قريبك..
    في واحد اسمه محمد الأمين البوست عندو عبارة عن العنوان فقط, مداخلة ساي ما بكتبها احيانا يكتفي بنقطة وخلاص
    ويمشي يفتح بوست تاني بنفس الطريقة وهكذا
    ملاسي بكتب مداخلة واتنين و عادي بدي اتنين تلاتة ناس (فالج وعالج) أو (لا بأس) لواحد أو اتنين
    لكن محمد الأمين نهائي ما بعرف حاجة عن البوست بعد يكتبه كأنه حق زول تاني

    كان كدا أبو الأمين دا Out of Range
    نحنا موضوعنا عن الناس العاديين
    لوووووول
                   |Articles |News |مقالات |بيانات

10-01-2013, 10:08 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: محمد إبراهيم علي)

    Quote: صباح الخير (الزميل) عاطف

    يا هندسة يا ود إبراهيم
    زميل دي بتودي التوج

    إنت ما شفت جنابو عمر عثمان قال شنو؟؟
    جنابو تكلم - من واقع خبرة - أنو ( الجماعة الطيبين ) مرات بيقروا العناوين بس

    Quote: انا عندي الحركة دي مرات ههههههه
    بمر بخبر معين في صحيفة او في موقع وبكون عايز اعرف رد الفعل عليهو
    لانو بهمني جدا معرفة طرق قراءة الناس للخبر وبستفيد من تحليلاتهم ليهو ولمراميه
    فالتداخل قد يفسد لي هذه المتعة وهي الاستماع للطرف المعني
    فبقوم انقلو للمنبر كخبر فقط ومرات كتير ما بكون عندي ما اضيفو ليهو

    هى ذات منطلقات عزيزنا جني
    غايتو الحتة دي الكلام عنها صعب شديد
    من ناحية أنو الزول الناقل بيكون عجبتو حاجة وعاوز الناس تشوفها
    ومن ناحية أخرى بعض الناس ح يفترضوا أنك ما دام نقلت الكلام دا فهذا معناهو أنك مقتنع بكل تفاصيله ومتبنيهو
    وعليك إذاً التصدي للدفاع عنه
                   |Articles |News |مقالات |بيانات

10-01-2013, 08:58 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عبدالكريم أحمد الامين)

    Quote: والبحيرك أكتر أنو كُل المُداخلات تكون من صاحب البوست .. حتى ولو بدى (.) أو up


    مرة أخونا ملاسي عمل تعليق لاذع شديد بخصوص ما أسماه ( عتالة ) أحد الأعضاء - لا أذكره - لبوسته

    تحياتي وسلامات يا مولانا
                   |Articles |News |مقالات |بيانات

10-01-2013, 08:21 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    Quote: للبعض الآخر من زملائنا وزميلاتنا رؤية ثانية
    البوست عندهم معلومة / رسالة / خاطرة يودون توصيلها
    لا يلزمون أنفسهم بالرد على كل متداخل
    يكون البوست عندهم معرضاً لحالة كونه قد إستوفى غرضه في أى لحظة
    لذلك نراهم يفتحون بوستات أخرى غير عابئين بمآلات ذلك البوست


    الأخ الصديق جني هو أيضاً أحد نجوم هذه المجموعة
    فكرت في إضافته للعنوان لكن خذلتني حصيلتي اللغوية
    أن كيف أنسب لما هو منسوب أصلاً
                   |Articles |News |مقالات |بيانات

10-01-2013, 09:36 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 13616

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    Quote: بوست الآيفون دا فطيتو كيتاً في سمارت عشان أبت ترسل لى واحد ههههههه


    لا ياخ ... ما تشبكنا مع سمارت هي ..... أنا قاصد البوست داك بتاع (صوت الأعضاء عبر الآيفون)
                   |Articles |News |مقالات |بيانات

10-01-2013, 12:53 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: محمد أبوالعزائم أبوالريش)

    Quote: لا ياخ ... ما تشبكنا مع سمارت هي ..... أنا قاصد البوست داك بتاع (صوت الأعضاء عبر الآيفون)

    ههههههههههه
    ياخ كان كدا حصل لينا ( تنميط ) على قول ناس سودانيزأونلاين
    كل مانشوف آيباد أو آيفون طوالي عقلنا يمشي لى سمارت

    ومع ذلك

    وعلى ضمانتي يا حبيب

    سمارت ما تخاف من الشبكة معاها
    كان إتفقت معاك بتسمعك كلام طيب
    وكان إختلفت معاك برضو بتسمعك كلام طيب
                   |Articles |News |مقالات |بيانات

10-01-2013, 09:41 AM

عزالدين عباس الفحل
<aعزالدين عباس الفحل
تاريخ التسجيل: 26-09-2009
مجموع المشاركات: 12577

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)


    الاخ الفاضل محمد أبوالعزائم أبوالريش

    حياك الله


    صــدق يـا أبوالعزائم ،
    عــايـز أتـصـل بـيك ،
    مـن زمــان بالهـاتـف ،
    لكن والله ما لاقـي وقــت ،
    تــوقـع مـكـالمـة مـنـي ،
    إن شــاء الله ،
    يـا مـلـك ،،،


    Quote:






    شايفك فطيت بوست (الآيفون)

    ______
    سلام يا دفعة



    محمد أبوالعزائم أبوالريش














    عزالدين عباس الفحل
    ابوظبي
                   |Articles |News |مقالات |بيانات

10-01-2013, 10:38 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عزالدين عباس الفحل)

    لا تنسى ياهندسة بوستات الصور وكمية النرجسية والتلميع الفيها
    ويجوك طايرين ناس "ما اروعك وانت متصور مع هؤلا القوم
    رفعت راسنا وراس الحلة وووالخ"

    --
    غايتو في واحد كده فاكيها في نفسو شديد
                   |Articles |News |مقالات |بيانات

10-01-2013, 11:24 AM

ABUHUSSEIN
<aABUHUSSEIN
تاريخ التسجيل: 14-08-2002
مجموع المشاركات: 31109

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: حيدر حسن ميرغني)

    أخونا (الوجيه) عاطف سلام
    غايتو بوستك محفز لتكويت كم مداخلة كدا و الرد عليها لكن خايف إقولو إستلمت البوست
    و إجو كم واحد إردمني خاصة اليومين ديل لأني مستهدف من كم جهة ..(أها ما جبت سيرتك يا هناي*)
    و بعدين لقيتك كيشة لأني فهمت قصد أبو الريش قبل مداخلتو التانية ..

    ــــــ
    * هناي دا ما إنت يا عاطف

    تحياتي و إحترامي
                   |Articles |News |مقالات |بيانات

10-01-2013, 11:45 AM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7489

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: ABUHUSSEIN)

    كيفك يا عاطف

    في مقولة ما عارف صاحبا ود البشرى دا على ما اعتقد ولا زول تاني

    إنو البوست زي البيت البجيك لازم ترحب بيهو على الأقل لكن في بعض البوستات عندها خصوصيات كما البيوت

    أنا في رأي المسألة بتختلف حسب فكرة البوست وحسب عنوانو الما عايز يرد مفروض يكتب في عنوان البوست إنو دا خبر مثلا

    أو يكتب نرجو رأيكم فقط .

    في بعض الناس (والله أعلم ) حكاية الفط دي شايفنها ممكن تدي الزول تميز وإنو ما برد على أي زول أو ممكن لو فط زول في ناس بنبسطوا منو

    وفي بعض الناس بفهموا مداخلات البعض خطأ وبفتكروها استفزاز وبجلوها وهي دائما بتكون ناتجة عن ضعف في التعبير


    أما الشاب ملاسي دا لو ما قلت ليهو الكلام الهو عايزو يتقال ما برد عليك (يعني فيهو بعض من دكتاتورية )
                   |Articles |News |مقالات |بيانات

10-01-2013, 11:51 AM

omer osman
<aomer osman
تاريخ التسجيل: 09-06-2007
مجموع المشاركات: 15202

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: حمد عبد الغفار عمر)

    Quote: يا هندسة يا ود إبراهيم
    زميل دي بتودي التوج
    إنت ما شفت جنابو عمر عثمان قال شنو؟؟
    جنابو تكلم - من واقع خبرة - أنو ( الجماعة الطيبين ) مرات بيقروا العناوين بس


    هههههههههههههه ....
    ياعاطف طيب (ودإبراهيم) دي ذاته بقت تودي التوج اعمل حسابك
                   |Articles |News |مقالات |بيانات

10-01-2013, 12:45 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: omer osman)

    تكون يا عاطف قاصد لحظة من فضلك؟؟


    اسة طيب في ناس بيفتحوا بوستات (بوستات رد الفعل) بعنوان ماعندهم شي يضيفوه ليه داخل البوست..
    يعني الكلام المكتوب في العنوان كان ممكن يكون مداخلة في بوست مكتوب قبله وخلاص..
    وفي نفس اليوم ممكن يفتح كذا بوست علي نفس المنوال..

    أحب بوستات جني جدا لأنها فيها أخبار..
    وفي أي لحظة أقرأ له أتخيله جالس وسط كوم من الأجهزة الإعلامية والأليكترونية..
    تلفزيون..راديو..جرائد ومواقع إليكترونية وبرضو بتخيله قاعد زهجان ساعة ما بيكتب الخبر سريع تلقاه إختفي!

    أما الجماعة المابيردوا وقاصدين مايردو والتانيين البيختاروا يردوا علي مين ومايردوه علي مين ..
    فدي ناس ماعندها إنسانية ولا تقدير للغير وده تصرف ما حلو منهم..وغالبا بيكونوا طير مباري ليه طيور تانية زي في الشلليات يعني!

    أها عندي ملاحظة في شكل سؤال..
    إنت الرجال ديل شكالين كده ليه؟؟
    عاين بوستات الشكل والغلاط والكواريك..كلها رجال!

    غير كده تحيات وأشواق!
                   |Articles |News |مقالات |بيانات

10-01-2013, 12:52 PM

ABUHUSSEIN
<aABUHUSSEIN
تاريخ التسجيل: 14-08-2002
مجموع المشاركات: 31109

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: Muna Khugali)

    Quote: إنت الرجال ديل شكالين كده ليه؟؟



    فكوني مافي زول إمسكني ....
                   |Articles |News |مقالات |بيانات

11-01-2013, 11:20 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: ABUHUSSEIN)

    Quote: فكوني مافي زول إمسكني ....

    بس لو ما كان حلفت ما كنا سبناك تتهور
                   |Articles |News |مقالات |بيانات

10-01-2013, 01:47 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: Muna Khugali)

    مراحب مراحب بالملكة
    ياخوانا Ladies first
    أظنكم ما ح تزعلوا مني لو إتخطيتكم مؤقتاً للرد على سيدة حبوبات البورد

    Quote: تكون يا عاطف قاصد لحظة من فضلك؟؟

    اسة طيب في ناس بيفتحوا بوستات (بوستات رد الفعل) بعنوان ماعندهم شي يضيفوه ليه داخل البوست..
    يعني الكلام المكتوب في العنوان كان ممكن يكون مداخلة في بوست مكتوب قبله وخلاص..
    وفي نفس اليوم ممكن يفتح كذا بوست علي نفس المنوال..

    عارفة يا منى الكضب خيبة
    لمن فكرت في البوستات الممطوطة شهوراً ، كان ( لحظة من فضلك ) أحدها
    لكنه لم يكن الوحيد فقد كانت في رأسي بوستات كتيرة
    ح أقول مثال تاني
    أختنا العزيزة د. رحاب خليفة عندها ( كسور وبواقي ) ليها سنين

    وفي كل الأحوال

    أنا نقطتي الأساسية في الصبر الكتير وطولة البال الربنا جل وعلا أعطاهم للناس ديل ( بغران والله وما حاسد )
    بالجد أى بوست أعملوا بكون محدد ليهو سقف زمني ...
    ببساطة إمكن لطبيعتي القلقة
    Quote: أها عندي ملاحظة في شكل سؤال..
    إنت الرجال ديل شكالين كده ليه؟؟
    عاين بوستات الشكل والغلاط والكواريك..كلها رجال!


    لو جيرنا قالة أدبيات سياسة هذه الأيام " الإرهاب لا دين له "
    كذلك " الشكل لا إثنية له "
    بوردنا دا زااااتو الله عالم وشاهد فيهو عضوات يشاكلوا ضلهم

    ثم من باب ( التشريم )

    مش إمكن الجماعة الشكالين ديل بـ ( ينفسوا ) عن إرهاب آخر ؟؟


    _________

    تجيات ومحبات وأشواق بالكوم
                   |Articles |News |مقالات |بيانات

10-01-2013, 03:46 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12520

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    بوست غير موفق

    الرجاء سحبه فوراً

    ( اها ديل ما جبت سيرتهم ليه ) ( ناس بوليس المنبر ... ده صاح و ده غلط ... )


    والله يا عاطف ليقيتك بتاع شربكة بس ...

    وبعدين قصة بغران دي ما بتخارجك ...

    قول حاسد بتنا مني خوجلي بس ...


    اها انا جني جن الناس الكتب فيهم صاحبي هاشم صديق :

    قرالو كتاب

    حفظ إسمُو و إسم كاتبو

    وجُمل من اولو و آخرو

    و بِقي خَطير شأنو

    يقعِّــر في الكلام دُراب

    ويقول رأيو

    في كل الشعرا و الكُتاب

    يا عاطف ديل كمان لازم تعمل ليهم ( كاتيقوري ) براهم ...
                   |Articles |News |مقالات |بيانات

11-01-2013, 11:56 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: يحي قباني)

    تحياتي وسلام تاني قباني يا هندسة
    Quote: بوست غير موفق

    الرجاء سحبه فوراً

    ( اها ديل ما جبت سيرتهم ليه ) ( ناس بوليس المنبر ... ده صاح و ده غلط ... )


    والله يا عاطف ليقيتك بتاع شربكة بس ...

    وبعدين قصة بغران دي ما بتخارجك ...

    قول حاسد بتنا مني خوجلي بس ...


    صدقاً أقول أنني لم أخذ هذه المداخلة على محمل الجد في أول نزولها
    لذيت وحيث لأورد الصديق قباني تفصيلاً أكثر في مداخلة لاحقة
    فيكون الرد على تلك المداخلة بمثابة الرد الإجمالي

    ويبقى الود زائداً
                   |Articles |News |مقالات |بيانات

11-01-2013, 09:04 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: omer osman)

    Quote: هههههههههههههه ....
    ياعاطف طيب (ودإبراهيم) دي ذاته بقت تودي التوج اعمل حسابك


    عارف يا جنابو
    في بداية ثمانينات القرن الماضي كنا ندرس بالجامعة وكنا ندخن بشراهة .. ( طلبة جامعة مريشين ) .. الأب يعصر ليك .. الخال يعصر ليك .. العم يعصر ليك ..
    كانت تلك الفترة تشهد أزمات كثيرة في توفر المواد ومن ضمنها بالطبع السجائر
    تصاحبنا مع صاحب دكان في منطقة برى كان يوفر لنا إمداد السجائر مهما كانت حدة الأزمة في الخرطوم

    ذات يوم .. وصابحين على إمتحان .. وأزمة السجائر مستفحلة ذهبنا إليه
    إنتظرنا حتى خف الناس من حوله
    قلنا ( بلغة مشتركة بيننا ) أدينا المعلوم.. رد علينا بأسف والله ماعندي ولا سيجارة
    صعقنا فعدم وجود السجائر يعني عدم المذاكرة وذلك يعني الرسوب في المادة ..
    رددت عليه مستعطفاً

    ياخي عليك الله خلي ( حركات الجيش دي ) وطلع السجائر ولو عاوز زيادة ما عندنا مانع

    فلم أشعر إلا بيد غليظة تجذبني من لياقة القميص وتديرني للمواجهة

    مالم ناس الجيش ؟؟ وحركاتم دي شنو ؟؟

    نظرت فرأيت عسكري جد جد طول في عرض في صرامة طبعية وزعلة شديدة من كلامي

    ألهمني الله فرددت عليه

    " يا سعادتك يإنت ما سمعت بالمثل ( الخرمان في ذمة الواعي ) ؟؟ علينا إمتحان وخرمانين وصاحبنا دا آخر ملاذ لينا وقال ماعندو ؟؟؟ "

    قهقه الرجل حتى رقعت برنيطته على الأرض

    وبدأ يستعطف معي صاحب الدكان الذي إعتذر عن عدم وجود سجائر فعلاً معه ولكنه وصف للعسكري دكاناً آخر ( يمكن تلقوا فيه )

    ذهب معي العسكري للدكان وطلع بيعرف صاحبه وخاطبه

    " ود خالتي دا عندو إمتحان ومغروض في سجائر ، باصرو ليهو بأى طريقة "

    وقد كان




    ___________________

    الناس الزي ديل لسع موجودين يا عمر ؟؟

    (عدل بواسطة عاطف عمر on 11-01-2013, 10:50 AM)

                   |Articles |News |مقالات |بيانات

11-01-2013, 00:47 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: حمد عبد الغفار عمر)

    تحياتي وسلامات حمد يا فنان
    الزول البيقرا ليك احترمك
    والقطع من وقتو واتداخل معاك احترمك
    أقل حاجة الزول يقابل احترامهم باحترام مماثله

    لكن أنا المحيرني الناس العندهم صبر على البوست الواحد يستمر معاهم لشهور طويلة
    أو يعملو واحد ويتجاهلوهو بعد دقائق ويفتحوا غيرو عااادي كدا
                   |Articles |News |مقالات |بيانات

10-01-2013, 08:28 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: ABUHUSSEIN)

    أبا حسين يا قمة مستهدفة
    ويا شجرة نخيل مثمرة

    أها " لقيتني كيف ؟؟ "
    Quote: أخونا (الوجيه) عاطف سلام
    غايتو بوستك محفز لتكويت كم مداخلة كدا و الرد عليها لكن خايف إقولو إستلمت البوست
    و إجو كم واحد إردمني خاصة اليومين ديل لأني مستهدف من كم جهة ..(أها ما جبت سيرتك يا هناي*)
    و بعدين لقيتك كيشة لأني فهمت قصد أبو الريش قبل مداخلتو التانية ..

    ــــــ
    * هناي دا ما إنت يا عاطف


    غايتو النصيحة لى الله .. الوجيه دي بالحيل كيفتني
    أصلها ما إتقالت لى كتير

    " واخد بالك يا بلة موسى ؟؟ "

    ياخ البوست تحت أمرك
    كوت كما تشاء
    واستلم كما تشاء.. ياخ نحن في ديك الساعة ..
    على الأقل ما يكون ( الردم ) في إتجاه واحد

    كياشتي في البورد والله ما ناكرة شديد
    في بوستات كتيرة تبدأ وتستمر وتنتهي الزول ما بياخد بالو منها

    __________

    هناى .. أنا زاااتي ( عرفتهم )
                   |Articles |News |مقالات |بيانات

10-01-2013, 04:38 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: حيدر حسن ميرغني)

    تحياتي وسلامات حيدرنا يا صديق
    Quote: لا تنسى ياهندسة بوستات الصور وكمية النرجسية والتلميع الفيها
    ويجوك طايرين ناس "ما اروعك وانت متصور مع هؤلا القوم
    رفعت راسنا وراس الحلة وووالخ"

    --
    غايتو في واحد كده فاكيها في نفسو شديد

    ههههههههههههه
    ياخ إنتو لا تتنرجسو ولا تخلو الناس تتنرجس ؟؟

    بوردنا دا فيهو حاجات لذيذة خلاص
    سر جمالو في تنوع الناس وتباين أمزجتها وتباين اقترابها من عرضهم لأشيائهم
    يعطوك طعم الحياة الحقيقية
                   |Articles |News |مقالات |بيانات

10-01-2013, 04:26 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عزالدين عباس الفحل)

    وعليكم السلام أخونا عزالدين الفحل

    أعفى لينا إن تشابهت الآيفونات والآيبادات علينا
                   |Articles |News |مقالات |بيانات

10-01-2013, 05:20 PM

Balla Musa
<aBalla Musa
تاريخ التسجيل: 30-12-2004
مجموع المشاركات: 15238

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    ياعاطف
    غايتو أنا لو عايزنى أشبعك ردود تتداخل معاى اليوم الأول لفتح البوست..
    بعد داك حماسى بيفتر كلما يمر يوم..

    أها البجننى أكون فتحت بوست ومشى الصفحة الخامسة وقنعت منو فجأة يوم افتح المنبر ألقاه فى الصفحة الأولى ( أها دا الرد عليه بعتمد على المزاج ونوع المداخلة)..
    غالبا لو كانت إساءة برد عليها وقتى ههههه

    تعرف أتمنى افتح بوست ويدخل فيه قيقراوى وكمال عباس بوجهات نظر متعاكسة..
    دا تخلى ليهم ويكون عداد رامى وانت بعيد!! هههههه
                   |Articles |News |مقالات |بيانات

10-01-2013, 07:21 PM

مهدي صلاح
<aمهدي صلاح
تاريخ التسجيل: 21-08-2012
مجموع المشاركات: 5015

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: Balla Musa)

    التحية والسلام
    لو جاز لي ان أدلو بدلوي على قصر عمري المنبري اقول : انا لما افتح بوست بكون شايل هم تعهد البوست بالرد والمتابعة عشان كدة بفضل اقول كلامي في بوست يكون مفتوح وموضوعو يناسب الشي العايز اقولو
                   |Articles |News |مقالات |بيانات

10-01-2013, 08:31 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: مهدي صلاح)

    سلامات يا ابوريش و عاطف عمر...
    اول ما شفتا عنوان البوست ده...قلت اكيد فى زول ح يجى يدينى على رسي بسبب ال اى فون و بوستاته.
    الحمد لله طلعتا براءة
    _________________________________________
    شكرا عاطف عمر كل الكلام الطيب. لكن فى ناس كتار هنا رايهم عكس كده تماما.
                   |Articles |News |مقالات |بيانات

11-01-2013, 03:55 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12520

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: smart_ana2001)

    عاطف يا صديق ...

    يا صديقي ... بعد قراءة متأنية لبوستك ده ...

    و دون ما تقصد لقيت رزاز بوستك ده حيصيب ناس اكتر من رائعين

    رجاء من صديق ... ما تواصل ...

    ولو درت المواصله ... فديدننا الحرية يا حبيبنا ... ولك ما شئت ...
                   |Articles |News |مقالات |بيانات

11-01-2013, 08:14 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: يحي قباني)

    وقفزة أخرى إضطرارية إقتضتها ضرورة الرد على مداخلة العزيز يحيي
    لأنها تحدثت عن البوست في عضمه
    فأرجو أن يعذرني من سوف أتخطاهم مؤقتاً

    Quote: عاطف يا صديق ...

    يا صديقي ... بعد قراءة متأنية لبوستك ده ...

    و دون ما تقصد لقيت رزاز بوستك ده حيصيب ناس اكتر من رائعين

    رجاء من صديق ... ما تواصل ...

    ولو درت المواصله ... فديدننا الحرية يا حبيبنا ... ولك ما شئت ...


    مع جزيل الشكر لإعمالك ما تقتضيه الصداقة من تناصح
    يؤسفني أنني أختلف معك إختلافاً جذرياً في قراءتك للبوست

    من حيث الشكل
    البوست ينحو منحى ( بوستات الأخوانيات ) أو البوستات التي تقدم تلخيصاً / ملاحظات - على أى سبيل - لما يجري في الموقع
    شهدنا البوستات التي ( تلاحظ ) هجمة البرالمة على البورد ... رأينا البوستات التي تلاحظ تعديلات سيدنا بكري - قدس الله سره - على البورد من حيث تقليل عدد المداخلات في صفحات البوست أو تقليل عدد البوستات في الصفحة ....
    صديقنا محمد البشرى قدم سابقاً واحد من أنجح وأجمل البوستات التي مرت على تاريخ المنبر أسماه ( أسابيع المنبر ) كان يقدم تلخيصاً حصيفاً لما كان يدور في المنبر
    باستقراء كل هذا ( التاريخ ) الذي قد تعامل الناس معه بأريحية لا أجد نفسي مغرداً خارج السرب

    من حيث الموضوع
    لم نطعن في أهمية أى بوست ولم نقدم تقييماً لمحتوياته ولم نقدم روشتة جاهزة وطلبنا من الناس الإلتزام بها و ( لا يحق لنا )
    حددنا الزاوية التي نعنيها بوضوح تام ومن أول مداخلة وأعدنا تكرارها في أكثر من مداخلة منعاً لأى سوء فهم
    ومع ذلك حرصت على إختيار أمثلة من الذين أثق في حسن تفهمهم لمقاصدي أو حتى إن أصابهم الشيطان في غفلة فهم سوف يرجعون
    لا أعرف موضوعاً يكتب ويعرض للرأى العام ولا يصيب ( آخرين ) ببعض الرذاذ ..
    فلو تجنبنا الرذاذ لأوقفنا الكتابة عن أى موضوع ولأوقفنا أى نوع من التواصل وتبادل الأفكار

    ومن حيث ( الشكل والموضوع ) فإنني جد سعيد للتداخل الذكي والروح اللطيفة التي سادت البوست
    لذلك والحال هكذا فإنني مع جزيل الشكر أعتذر عن قبول نصيحتك

    والمحبة في مكانها

    (عدل بواسطة عاطف عمر on 11-01-2013, 08:24 AM)

                   |Articles |News |مقالات |بيانات

11-01-2013, 02:47 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12520

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    لم نمس المحبة يا دفعة ...

    فقط الرذاذ و الرشاش الرشة ...حسيت انو من واجبي انبهك

    وفي ردي الاولاني قلت ليك الحرية في جانبك ...

    الديمقراطية ما في الانتخابات و بس يا هندسة ...

    لكن برضك بتاع شربكة ... وانا عارف القصة دي بتجي مع الكبر و حراق الروح ...
                   |Articles |News |مقالات |بيانات

11-01-2013, 03:12 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: يحي قباني)

    Quote: لكن برضك بتاع شربكة ... وانا عارف القصة دي بتجي مع الكبر و حراق الروح ...


    وفي رواية أخرى

    بتجي ( عندما تغيب الزوجات )

    أصلو المدام الأيام دي في السودان لمتابعة دراسة الأنجال

    عزوبية بعد ( نغنغنة ربع قرن من الزمان )
                   |Articles |News |مقالات |بيانات

12-01-2013, 08:35 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: smart_ana2001)

    تحياتي وسلامات عزيزتنا سمارت يا هندسة
    Quote: اول ما شفتا عنوان البوست ده...قلت اكيد فى زول ح يجى يدينى على رسي بسبب ال اى فون و بوستاته.
    الحمد لله طلعتا براءة


    ما براءة أوي أوي
    شكراً لروحك الرياضية
                   |Articles |News |مقالات |بيانات

12-01-2013, 06:40 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: مهدي صلاح)

    تحياتي وسلامات عزيزنا البرلوم مهدي
    Quote: لو جاز لي ان أدلو بدلوي على قصر عمري المنبري اقول : انا لما افتح بوست بكون شايل هم تعهد البوست بالرد والمتابعة عشان كدة بفضل اقول كلامي في بوست يكون مفتوح وموضوعو يناسب الشي العايز اقولو

    ياخ إنت برلوم ( بسنونو )
    أها شفت حتة ( تعهد البوست بالرد والمتابعة )
    يا ها الجابت سؤالنا عن الناس البيقعدوا شهور يتعهدوا البوست بالرعاية والردود بيعملوها كيف ؟؟

    طرفة

    كان أحد أعمامنا يقول

    " والله النسوان ديل شديدات شدة وصبورات صبر .... الواحدة تشيل شافع يرافس فيها في بطنها تسعة شهور ، حرم أنا كان ختوهو جنبي في السرير تسعة دقائق بس ما أتحملو "
                   |Articles |News |مقالات |بيانات

11-01-2013, 08:19 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: Balla Musa)

    Quote: غايتو أنا لو عايزنى أشبعك ردود تتداخل معاى اليوم الأول لفتح البوست..
    بعد داك حماسى بيفتر كلما يمر يوم..

    أها البجننى أكون فتحت بوست ومشى الصفحة الخامسة وقنعت منو فجأة يوم افتح المنبر ألقاه فى الصفحة الأولى ( أها دا الرد عليه بعتمد على المزاج ونوع المداخلة)..
    غالبا لو كانت إساءة برد عليها وقتى ههههه

    تعرف أتمنى افتح بوست ويدخل فيه قيقراوى وكمال عباس بوجهات نظر متعاكسة..
    دا تخلى ليهم ويكون عداد رامى وانت بعيد!! هههههه


    يا دكترة لو قلت ليك مداخلتك دي من يوم ما نزلتها لى يوم الليلة أنا بقراها كل أفتح البوست
    وأقراها وأضحك كأني بقراها للمرة الأولى .. بتصدقني ؟؟
    أى والله


    ثم أعدت قراءتها وكالعادة ضاحكاً
    وأنت تفتح بوستك الجديد وأتاك أحد ممن تتمناهم ..
    ربنا يجمع ليك بالتاني
                   |Articles |News |مقالات |بيانات

11-01-2013, 01:54 PM

هاشم أحمد خلف الله
<aهاشم أحمد خلف الله
تاريخ التسجيل: 16-01-2007
مجموع المشاركات: 6449

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    Quote: لبعض زملائنا وزميلاتنا في المنبر مقدرة كبيرة وصبر ( أيوبي ) لفتح بوستات
    والصبر عليها شهوراً بصفحاتها المتعددة ومتابعة المداخلات الواردة و ( التحزم ) للرد عليها جميعها

    وإني لأغبطهم على ذلك


    جمعه مباركة يا هندسة ياخي والله كلامك صاح الناس دي بتلقى زمن وين ؟؟ ياخي المنبر ده انا بدخله
    زي الزول الكاتبين ليهو دواء مرتين في اليوم ولا ثلاثة ... ده غير الناس الـ بتفتح بوستات .. شرك
    عشان يصطادوا فيهو والقيامة تقوم والقلوب تصل الحلقوم وفي النهاية يتم الصلح زي التكنو مافي حاجة
    ملاحظة قوية والله يا عاطف اخوي .
                   |Articles |News |مقالات |بيانات

11-01-2013, 03:22 PM

Amir Omer
<aAmir Omer
تاريخ التسجيل: 14-06-2007
مجموع المشاركات: 950

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: هاشم أحمد خلف الله)

    استاذي يحي قباني ... تحية طيبة، وبعد

    لدي بعض النقاط وددت آن أضعها أمامك بعد أن ترددتُ قليلاً في التداخل للرد على مداخلتك وذلك خوفاً من الإنحراف بالبوست إلى نقاشات جانبية قد تضُر بمسار البوست إلاّ أنني نحيت ترددي جانبا وعزمت أمري على التداخل رغم رد صاحب البوست - ربما ليقيني بمقدرة عاطف على إدارة بوستاته بحكمة مهما خرجت عن المسار. هدفي من التداخل هو لفت النظر لبعض السلوكيات السالبة التي نراها فينا نحن السودانيون خصوصاً في هذا العالم الإسفيري .. ولأنني لست من هواة توسيع هوّة الخلاف في الرؤى من بوست لبوست أخر، آثرت أنْ أوضح وجهة نظري في نفس الخيط .. فمعذرة عاطف عمر!

    أولاً:
    Quote:
    يا صديقي ... بعد قراءة متأنية لبوستك ده ...

    بكل صراحة، أحسست من جملتك أعلاه، بنوعٍ من التعالي غير المُحببّ ، بل والمُستَفِز، على صاحب البوست، وكأنَّ القراءات المتأنيَّة تحتاج لمقدرات عاليّة لا يعرفها عاطف ولم يسمع بها، وهذا عكس ما أعرفه عنه، فهو لا يخط كلمة، ولا يتعجل في أمر أو حرف إلاّ وهو يعي ويدرك مآلاته، فقد حباه الله بعقلٍ ثاقب وقلمٌ صادق ، وهاتان الخصلتان كفيلتان بوضعه بعيداً عن التأويل الخاطئ !

    Quote:
    و دون ما تقصد لقيت رزاز بوستك ده حيصيب ناس اكتر من رائعين

    رجاء من صديق... ما تواصل ...


    وهذا الإقتباس هو مربط الفرس، بالنسبة لي، وفيه تكمن علة العقليَّة السودانية التي تستهوي الوصاية على الآخرين ونصحهم حيث لا يحتاجوا للنصح. شخصياً، لم أرْ رذاذاً في هذا البوست ظاهراً كان أم باطناً، ولا يحتاج الأمر لكثير إجتهاد ولا إلى تعمق غير مُجدي للخروج بتأويلات أخرى غير تلك التي أوضحها عاطف في بداية البوست ودأب على تكرارها! ولكن هَبْ بأنك وجدت بعض الرذاذ الذي لم يفطن إليه صاحب البوست الذي تخاطبه بـ(صديقك)، أو المتداخلون الكرام، ألم يكن من الحكمة أن تكتب تنبيهك ونصيحتك لهذا (الصديق) في رسالة خاصة بعيداً عن أعين الأخرين حتى ينتبه لما فات عليه أو يوضح لك الأمر - فتطيب نفسك؟ ألم يكن بإمكانك أن تقرأ بنفس تلك القراءة المتأنية التي قرأت بها هذا البوست أن مثل مداخلتك تلك قد تثير في النفوس بعض الريبة حول صديقك، وتجعلهم يتشككون في نواياه لا سيما حين يأتي التنبيه من (شخص يقول بأنه صديقه)؟! وأخيراً، دعني أهديك بعض الأبيات للإمام الشافعي والتي يقول فيها:

    تعمدني بنُصحك بإنفرادٍ
    وجنبني النصيحة في الجماعة
    فإن النصح في الإخوان شئٌ
    من التوبيخ لا أرضى إستماعه
    فإن نازعتني وعصيت قولي
    فلا تجزع إذا لم تلق طاعة

    تقديري،
    أمير عمر
                   |Articles |News |مقالات |بيانات

11-01-2013, 06:53 PM

الفاتح ميرغني
<aالفاتح ميرغني
تاريخ التسجيل: 01-03-2007
مجموع المشاركات: 7488

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: Amir Omer)

    Quote: بوردنا دا فيهو حاجات لذيذة خلاص
    سر جمالو في تنوع الناس وتباين أمزجتها وتباين اقترابها من عرضهم لأشيائهم
    يعطوك طعم الحياة الحقيقية

    سلام أستاذ عاطف عمر
    وكل سنة وانت طيب.
    ربما تكون قد لخصت فكرة البوست في الإقتباس المشار إليه بعاليه..
    اعتبر نفسي من هواة البوستات "الممطوطة" على حد تعبيرك، او البوستات ذات النفس الطويل، كما يحلو لي تسميتها. وهي عادة ربما إكتسبتها من تراكم كتابات في صحيفتي سودان تايمز والغايدينغ ستار الإنجليزية في الحقبة الديموقراطية الاخيرة مرورا بصحيفة الخرطوم القاهرية في حقبة التسعينات وموقع سودانايل لاحقا و ومجلة وورلدلينكس في اليابان.
    لدي ثلاثة بوستات في هذا الربع واي واحدا منها عمره اكثر من عامين. فبوست بوب مارلي مشوار حكاوي وغناوي ظل ممتدا لاكثر من عامين وقد حاز على لقب بوست العام ولايزال مستمرا، وقد إقترح بعض الاصدقاء – ممن لهم باع في تأليف الكتب والروايات - أن يتحول إلى مشروع كتاب سوف اشرع فيه بإذن الله حال الإنتهاء من البوست وأتمنى أن يرى النور قريبا..كذلك "بوست شخصيات مهمة جدا إلتقيت بها توجد صور " إفترعته عام 2007 ولكنه تهكر في ظروف مثيرة للشك والريبة!.
    برجاء الضغط على هذا الرابط للأهمية الشديدة:
    Re: شخصيات مهمة جدا إلتقيت بها.....( توجد صور)
    واظن بأن الفكرة قد لاحقت تشجيعا وإستحسانا كبيرا من الزملاء مما شجعني لإفتراع بوست آخر في 2009 يحمل نفس الفكرة والعنوان والمضمون.
    شخصيات مهمة جدا إلتقيت بها.....( توجد صور)
    و كانت الفكرة ببساطة تتمحور حول تقديم إلبوم مقروء ( فكرة الصورة الناطقة) بقصد إشراك الزملاء الافاضل والاصدقاء والأحباب والقراء من جهة ، والتوثيق لنشاطاتي المهنية سواء في سفارة دولة الامارات العربية المتحدة في طوكيو، أو قبلها في سفارة سلطنة عمان في الفترة من 1999-2005 من جهة أخرى.
    أما بوست أضواء على فعاليات في اليابان فهو عبارة عن تغطية لفعاليات دبلوماسية شاركت فيها مدعوا أو مكلفا من قبل الجهة التي أعمل بها. ولذلك فإن هذين البوستين الاخيرين سيظلان مرتبطان بإستمرار مهنتي، اللهم إلا إذا تم إيقافي عن العمل بالطرد او الفصل، فساعتها ستختفي هذه البوستات لانها ستكون قد فقدت اسباب سيرورتها ( Raison d’être ).
    وأنتهز هذه الفرصة ايضا لأعبر عن عميق إعتذاري لكل الاصدقاء والزملاء والكرام الأحبة الذين تداخلوا بالإشادة والتقريظ إن مسهم شيئ من الضٌر بسبب التداخل في اي من البوستات المذكورة.
    لك ولضيوفك الكرام أسمى آيات التقدير والإحترام.
    محبتي.

    (عدل بواسطة الفاتح ميرغني on 11-01-2013, 08:27 PM)
    (عدل بواسطة الفاتح ميرغني on 11-01-2013, 08:37 PM)

                   |Articles |News |مقالات |بيانات

12-01-2013, 04:36 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: الفاتح ميرغني)

    تحياتي وسلامات عزيزنا الفاتح
    Quote: اعتبر نفسي من هواة البوستات "الممطوطة" على حد تعبيرك، او البوستات ذات النفس الطويل، كما يحلو لي تسميتها. وهي عادة ربما إكتسبتها من تراكم كتابات في صحيفتي سودان تايمز والغايدينغ ستار الإنجليزية في الحقبة الديموقراطية الاخيرة مرورا بصحيفة الخرطوم القاهرية في حقبة التسعينات وموقع سودانايل لاحقا و ومجلة وورلدلينكس في اليابان.

    من حيث المبدأ أنا ما عندي رأى سالب في البوستات الممطوطة أو البوستات الخطافية
    تعرضت ليهم كـ واقع في البورد
    كما فعل عزيزنا المهندس محمد إبراهيم وكما فعلت الدكتورة رحاب خليفة لو أحببت ممكن تحكي لينا رؤيتك لتفضيلك لهذه النوعية من البوستات وآلياتك ( تقرأ تكتيكاتك ) لتجعل البوست حياً في أذهان المتابعين كل هذه الفترة
    لا أعتقد أن ثمة ما يدعور للإعتذار فلم ولن نقول أننا قد تضررنا من هذه أو من تلك البوستات

    دمت بخير
                   |Articles |News |مقالات |بيانات

11-01-2013, 08:34 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12520

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: Amir Omer)

    أخي الفاضل أمير

    أراك ذهبت بعيدا جداً في تفسيرك اكلماتي

    عاطف أخ و صديق وزميل دراسة في زمن عفي و نقي

    شكرًا علي اي حال

    وشكرا لتحليلك لشخصيتي رغم انك لا تعرفني و ترفض الوصاية

    دم بخير يا عزيزي

    ورجاء انا لا أتوقع منك عناء الرد

    الأمر لا يحتاج
                   |Articles |News |مقالات |بيانات

11-01-2013, 08:59 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: يحي قباني)

    الأحباب ( جداً جداً )
    الباشمهندس يحيي قباني
    الدكتور أمير عمر على حسن

    أنتما لا تعرفان بعضكما
    لكنكما تتشابهان في أشياء كثيرة
    بينكما قواسم مشتركة محيرة

    تتشابهان في حبكما للخير والفضيلة
    وتتشابهان في محبتكما الجارفة ( لأصدقائكم )
    وغيرتكم على كل ما يمكن أن يمسهم
    وتخافان على سمعتهم من ( الهواء الطاير )

    بينكما قواسم الفن
    فأنتما الإثنان ( فنانين ) بالطبع والهواية
    لذلك تغلب على روحيكما شفافية الفنان ورقته

    من مزايا هذا الفضاء
    أنه يعطينا فرصة أن نطلق كلمتنا كما نريد لها
    وفي ذات الوقت يعطينا فرصة أن نعرف الـ Feedback لصدى كلماتنا
    إستحساناًوقبولاً ، تعديلاً وتصويب أو رفض بالكامل
    لا مقدس إلا كلام المولى عز وجل
    كلنا بشر خطاء

    كونا بألف خير


    _______________

    ثم كليكما ( أولاد خرطوم )
    نحن أولاد الأقاليم دخلنا في نصكم ساااى كدا
                   |Articles |News |مقالات |بيانات

11-01-2013, 10:10 PM

Rihab Khalifa
<aRihab Khalifa
تاريخ التسجيل: 07-07-2006
مجموع المشاركات: 3735

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    Quote: أختنا العزيزة د. رحاب خليفة عندها ( كسور وبواقي ) ليها سنين
    Atif Omer


    هو انت لسة فاكر يا عاطف؟

    واا شيل حالي مع اساسي و البروف امين، لووول

    الحقيقة فكرة البوست كانت انه افتحه لمدار العام و اقفله و افتح واحد بعده بنفس المعني، زي المفكرة كده.
    مرات بسترخص المواضيع العاوزة اكتب فيها، بمعني ما بفتكرها تستحق بوست كامل، وكمان بستغلي زمن
    الناس و زمني في الرد، خصوصا في ظروف الجري الحاصلة الزمن ده.
    وواحدة من مشاكل مشاركتي اني بحب اكتب لمن يكون عندي مزاج، عشان ما ارد ردود من غير تفكير
    و ما تضيف حاجة، خصوصا في ظل الكلام الجميل البيكتبوه المتداخلين في البوست.

    ح اقفله البوست قريب و ابتدي واحد مع الفين و تلتاشر دي ان شاء الله

    هو بالله ليه سنين؟ :)

                   |Articles |News |مقالات |بيانات

13-01-2013, 09:25 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: Rihab Khalifa)

    Quote: هو انت لسة فاكر يا عاطف؟

    واا شيل حالي مع اساسي و البروف امين، لووول

    الحقيقة فكرة البوست كانت انه افتحه لمدار العام و اقفله و افتح واحد بعده بنفس المعني، زي المفكرة كده.
    مرات بسترخص المواضيع العاوزة اكتب فيها، بمعني ما بفتكرها تستحق بوست كامل، وكمان بستغلي زمن
    الناس و زمني في الرد، خصوصا في ظروف الجري الحاصلة الزمن ده.
    وواحدة من مشاكل مشاركتي اني بحب اكتب لمن يكون عندي مزاج، عشان ما ارد ردود من غير تفكير
    و ما تضيف حاجة، خصوصا في ظل الكلام الجميل البيكتبوه المتداخلين في البوست.

    ح اقفله البوست قريب و ابتدي واحد مع الفين و تلتاشر دي ان شاء الله

    هو بالله ليه سنين؟ :)

    ما خاب ظني في سماحتك أبداً عزيزتي د. رحاب
    شكري الجزيل
                   |Articles |News |مقالات |بيانات

12-01-2013, 02:56 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12520

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    باشمهندس عاطف ...

    لا يحتاج الامر بيني و بينك كل هذا ...

    كلام الاخ امير رغم اجحافه بحقي فانا لا اعرفه و هو لا يعرفني ...

    سلب مني حقي ان اخاطبك علي المنبر حتي لا يشعر احد ان هناك شيئا يمسك

    و اتهمني بالاستعلاء و الاستفزاز لك علي مرمي من اعين الناس ؟؟؟

    هل لأني ليس بصديقه فمن حقه ان ان يفعل ما يشاء ؟

    وهل يقرر مدي صداقتي و معرفتي بك هو ؟؟ من الذي اعطي الاخ امير حق الوصاية عليك ؟؟

    وهي نفسها التي سلبني اياها !!!

    عموما يا هندسة البيناتنا عامره ... وبيناتنا عيش وفول و رز بي لبن كمان في رمضانيات اواخر السبعينات ...

    في زمن ليت الاخ امير لو عاشه معنا ... واكاد اجزم انه من جيل يصغرنا بسنين ...

    ليس تقليلا من شأنه ... فالناس لا تقاس بالعمر ...

    ولكن جيلنا تعلم اشياء لا تدرس في الكتب الان ...

    و من الاسم عرفت انه ابن الريس عمر علي حسن ...

    تحيتي لوالده الرجل البديع ... فسعادة اللواء مدرسة جامعة ....
                   |Articles |News |مقالات |بيانات

12-01-2013, 08:05 AM

Amir Omer
<aAmir Omer
تاريخ التسجيل: 14-06-2007
مجموع المشاركات: 950

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: يحي قباني)

    أستاذي الباشمهندس/ يحي قباني ..
    تحية طيبة تغشاك أينما كنت

    يؤسفني أنك أخدت تداخلي معك على محمل شخصي، وهذا لعمري، أمر لا حاجة لي به، ولا طائل لي من وراءه!

    للتوضيح فقط:
    أنا لم أتداخل لإنتقاد شخصكم الكريم وإنما مارست حقي في إبداء رأيي على كلام (مبذول للجميع) - كان لي فيه رأي مخالف - بغض النظر عمَّن هو كاتبه! لم أدخل منافحاً عن عاطف (صديقي) ولا عن فكرة بوسته، ولذلك جاء ردي (بعد) ردهـ عليك، فقراءتي لمداخلتك كانت من زواية أخرى أناقش فيها مسلكاً عاماً كم تمنيت أن يسود بيننا، ولكن ...!

    لستُ ممن يحبون إيذاء الناس وتجريحهم بالقول الفظ، ويحزنني أن أرى شخصاً، أياً كان، يتأذي من قولي، لذلك تجدني أعتذر لك شخصياً إن كان في كلماتي ما يسيئ لشخصك ، ولتسمح لي - في نفس الوقت - بالتمسك بحقي في إبداء رأيي المخالف فيما خطته يداك في هذا الخيط، دون أن يُعكِّر ذلك صفو المودة التي تجمع بيننا كأهل هذا الإسفير الواسع.

    لك العتبى حتى ترضي
    وعش كريماً

    (عدل بواسطة Amir Omer on 12-01-2013, 08:06 AM)

                   |Articles |News |مقالات |بيانات

12-01-2013, 12:36 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: هاشم أحمد خلف الله)

    Quote: جمعه مباركة يا هندسة ياخي والله كلامك صاح الناس دي بتلقى زمن وين ؟؟ ياخي المنبر ده انا بدخله
    زي الزول الكاتبين ليهو دواء مرتين في اليوم ولا ثلاثة ... ده غير الناس الـ بتفتح بوستات .. شرك
    عشان يصطادوا فيهو والقيامة تقوم والقلوب تصل الحلقوم وفي النهاية يتم الصلح زي التكنو مافي حاجة
    ملاحظة قوية والله يا عاطف اخوي .

    تحياتي وسلامات شاعرنا الشفيف هاشم خلف الله
    تحايا ومحبات

    جزيل الشكر للمرور واَلإضافة
                   |Articles |News |مقالات |بيانات

12-01-2013, 01:42 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12520

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    د.امير

    اشكرك علي كلماتك الرقيقة ...

    وهذا ما توقعته منك ... ابن الريس و صديق عاطف عمر لا اتوقع ان يصدر منه الا ما قلته الان

    لا احمل في قلبي اي ضغينة او غضب ... وهذه صفة اكسبتني لها الايام ... وسنوات الاغتراب و الهجرة ...

    فلا شي يسوى و لا شي يبقي سوي الكلمة الطيبة ...ولمة ناس في ضحكة حلوة ...

    او زي ما قال حميد ...

    ايه الدنيا غير .. لمة ناس في خير ، او ساعة حزن. ...

    تسلم يا شفيف ... وانا بدوري اعتذر لو مسستك بشر ...

    واعتذر لصديقي عاطف الهندسة ... رغم انه يعلم نيتي صافية ...

    وانا سعيد لاني احس انها لحظة ستجمعني بصديق جديد لسنواات قادمة ...

    تحياتي لك دكتور ...
    ________________________

    بس برضو ما بيمنع انو لعبك خشن ... اكيد هلالابي
                   |Articles |News |مقالات |بيانات

12-01-2013, 03:25 PM

مهدي صلاح
<aمهدي صلاح
تاريخ التسجيل: 21-08-2012
مجموع المشاركات: 5015

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: يحي قباني)

    أطيب التحايا لكم جميعا

    في نوع العضو اللي بيجي يعمل (إغارة) على الموقع ... قعدة واحدة يفتح كم بوست ويشارك في كذا بوست مفتوح
                   |Articles |News |مقالات |بيانات

12-01-2013, 07:35 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    يحيي قباني
    أمير عمر

    أحبكم
                   |Articles |News |مقالات |بيانات

12-01-2013, 10:26 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    Quote: ما بين البوستات ( الممطوطة ) شهوراً والبوستات ( الحسين ملاسية ) ..

    الحق يا عاطف .. عمك عنده واحد ممطوط وواحد ملاسي
    ازوغ يعني ؟

    عمر علي حسن
                   |Articles |News |مقالات |بيانات

13-01-2013, 08:42 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عمر علي حسن)

    Quote: الحق يا عاطف .. عمك عنده واحد ممطوط وواحد ملاسي
    ازوغ يعني ؟

    عمر علي حسن


    عمنا الحبيب سعادة اللواء

    جاءنا في الإرث الصوفي أن إمرأة قد أعطت إبنها الوحيد لشيخها، وطلبت منه أن يعيدها إليها عندما يبلغ به مرحلة الرجال..
    ذهبت المرأة بعد ستة أشهر لتزور الشيخ ... كان الوقت وقت غداء... رأت إبنها مع مجموعة من الحيران يأكلون وجبتهم ( عصيدة بملاح أم شعيفة* )
    دخلت عند الشيخ وجدت أمامه صينية غداء فاخرة تتوسطها دجاجة محمرة

    بحرقة أم خاطبت المرأة شيخها

    " يابا الشيخ أنا جبت ليك ولدي تربيهو ، تأكلو أم شعيفة وتأكل إنت الدجاج المحمر ؟؟ "

    نظر الشيخ إليها ونظر إلى الدجاجة المحمرة و ( نهر ) الشيخ الدجاجة المحمرة

    كر.. كر

    بقدرة الله تعالى قفزت ( الدجاجة المحمرة ) من فوق الصينية دجاجة صحيحة بريشها وخرجت جرياً خارج الغرفة

    إلتفت الشيخ نحو المرأة بحنان قائلاً

    " لمن ولدك يوصل المرحلة دي بنأكلو الدجاج المحمر "


    عمنا الحبيب

    أنت فينا كحال هذا الشيخ

    مط على كيفك
    ملس ** على كيفك

    وفي كل الأحوال نحن الكاسبون


    _____________

    ملاح أم شعيفة* .... ( لحناكيش البورد ) .... ملاح أم شعيفة هو ملاح ويكة بدون لحم

    ملس ** .... أجعله ( ملاسياً )
                   |Articles |News |مقالات |بيانات

13-01-2013, 12:46 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    مراحب عزيزنا البرلوم مهدي صلاح
    Quote: في نوع العضو اللي بيجي يعمل (إغارة) على الموقع ... قعدة واحدة يفتح كم بوست ويشارك في كذا بوست مفتوح

    هههههههههههه
    أشهر هذه الغارات على الإطلاق غارة البرلوم وقتها ( محمد عادل )
    كان لديه مقدرة خرافية في فتح البوستات
    محمد عادل خلى الناس ماسكا الآلات الحاسبة تحسب في البرلوم الـ خلال إسبوع عدد مشاركاته فاقت مشاركات أعضاء قاعدين في المنبر بالسنين

    آخر القصة كان أكثر أجزاء القصة دراماتيكياً

    إستغل الأخ هشام شيخ الدين باعتباره من زكى محمد عادل لبكري إستغل معرفته بالباسوورد حيث أرسله له بكري في بريدة الإلكتروني وقام بتغيير الباسورد وحظر بالتالي محمد عادل من الدخول وأعلن في بوست شهير أنه بهذا يعلن براءته من ( عاصفة محمد عادل ) وإن أراد بكري أن يعطيه الباسوورد بعد ذلك فهو أمر راجع له
                   |Articles |News |مقالات |بيانات

13-01-2013, 09:18 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    Quote: بقدرة الله تعالى قفزت ( الدجاجة المحمرة ) من فوق الصينية دجاجة صحيحة بريشها وخرجت جرياً خارج الغرفة

    إلتفت الشيخ نحو المرأة بحنان قائلاً

    " لمن ولدك يوصل المرحلة دي بنأكلو الدجاج المحمر "

    عارف يا عاطف ده شيخ مكرب .. ما زي الشيخ المشي ليه مولانا المشلي يرحمه الله .. وكانت الهيئة القضائية تعد للاستغناء عن
    بعض قضاة المجالس وكان يخشي ان يكون احدهم .. فذهب الي احد المشائخ ليوريه الحاصل .. فاعطاه محاية في قرعه فشربها واعاد
    القرعة للشيخ الذي نظر فيها طويلا ثم التفت الي المشلي وقال له .. ما بتجيك عوجة تب .. انا شايفك في القرعه تقدل راكب ليك حصان
    اخضر وضنبه ابيض .. فصاح فيه المشلي : قوم كده ياخي .. دي فجله ..


    Quote: أنه بهذا يعلن براءته من ( عاصفة محمد عادل ) وإن أراد بكري أن يعطيه الباسوورد بعد ذلك فهو أمر راجع له

    يعني كده رقبتنا في ايد صاحبك امير .. لو امه زعلت تضرب ليه تقول ليه رشه القي نفسي بره الحوش ..

    عمر علي حسن
                   |Articles |News |مقالات |بيانات

14-01-2013, 06:31 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عمر علي حسن)

    Quote: يعني كده رقبتنا في ايد صاحبك امير .. لو امه زعلت تضرب ليه تقول ليه رشه القي نفسي بره الحوش ..

    مش حيقدر يا سعادتك
    شعب سودانيزأونلاين والقاعدة العريضة التي صنعتها إستحقاقاً سوف تقف رادعاً لكل من تسول له نفسه

    لا عدمناك
                   |Articles |News |مقالات |بيانات

14-01-2013, 08:14 PM

مهدي صلاح
<aمهدي صلاح
تاريخ التسجيل: 21-08-2012
مجموع المشاركات: 5015

للتواصل معنا

FaceBook
تويتر Twitter
YouTube


Re: ما بين البوستات ( الممطوطة ) شهوراً والبوستات ( الحسين ملاسية ) .. (Re: عاطف عمر)

    وفي نوع العضو اللي تضبط عليهو ساعتك وتراهن بعمرك انو حيظهر في اليوم الفلاني في الساعة الفلانية ولن يخيّب العضو المعني توقعك

    ليس في سودانيز اونلاين فقط ،في منتديات كتيرة يمكن رصد هذه الملاحظة

    بالمناسبة انا عندو بوست (ممطوط) الى حد ما ... معتلو من الربع الفات ... عدد المشاهدات واصل حوالي 2600
    بدون عنوان
    قول اربعمية خمسمية كليك ديل مني ... يعني حوالي 2000 مروا على البوست ... ما عارف دا عدد (محرز) للعتالة ولا لأ .. دا اصلا بافتراض ان الاحصاء البيظهر في عدد القراءات مقابل البوست هو دقيق

    التحية لكم الاخ عاطف ولكل المتواجدين
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de