أبناء وبنات ( الزوجة الثانية ومابعدها ) أجمعوا - لطفاً - هنا

نعى اليم ...... سودانيز اون لاين دوت كم تحتسب الزميل عبد الله بولا فى رحمه الله
يا للفجيعة ............ عبدالله بولا
رحيل زميل المنبرالفنان التشكيلي عبدالله بولا له الرحمة
رحيل الإنسان الممتاز بولا فقد عظيم للوطن
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-12-2018, 00:11 AM الصفحة الرئيسية

مكتبة عاطف عمر محمد صالح(عاطف عمر)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-10-2012, 03:13 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


أبناء وبنات ( الزوجة الثانية ومابعدها ) أجمعوا - لطفاً - هنا

    فكرة البوست مستوحاة من مداخلة للصديق قيقراوي
    لنرى إن طبق أهلنا مبدأ ( الآحادية ) في الزواج من منا كان سوف يكون خارج ( الخارطة العالمية )

    أو بمعنى ( أخص )
    من منا كنتم سوف ( ترتاحون ) من تواجده معكم في حوش بكري ؟؟
    أو لربما كنتم سوف ( تفتقدون ) تواجده ( البهى ) ؟؟
                   |Articles |News |مقالات |بيانات

02-10-2012, 03:18 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    أبدأ بنفسي

    عاطف عمر ...... أحد أبناء ( الزوجة الثالثة )




    ______________

    هيييع
    زمن الرجال كانو رجال
                   |Articles |News |مقالات |بيانات

02-10-2012, 03:20 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    بالطبع صديقنا

    قيقرواي ...... ( أحد أبناء الزوجة الثانية )






    _____________

    أووووع
    من ( وجع الضرس )
                   |Articles |News |مقالات |بيانات

02-10-2012, 03:22 PM

الزبير صالح الزبير
<aالزبير صالح الزبير
تاريخ التسجيل: 16-08-2007
مجموع المشاركات: 2579

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    الزبير صالح الزبير

    التعديل لإضافة من الزوجه الثانية

    (عدل بواسطة الزبير صالح الزبير on 02-10-2012, 06:14 PM)

                   |Articles |News |مقالات |بيانات

02-10-2012, 03:29 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: الزبير صالح الزبير)

    تمام يا زبير
    لو حددت لينا ( ترتيب ) الوالدة الكريمة من بين الزوجات يكون أحلى
                   |Articles |News |مقالات |بيانات

11-10-2012, 03:55 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    وصلتني هذه الرسالة بالإيميل من صديقي وإبن أختي ( بنت عمتي )
    أنقلها كما هى
    Quote: مساء السعد عليك يا خال‏
    From: imam ajaj ([email protected])
    Sent: Tuesday, October 02, 2012 6:00:48 PM
    To: [email protected]






    الخال العزيز / عاطف


    سلااااااام


    اخبار الاهل والعيال ان شاء الله


    الجميع بخير ،،، نحن بحمد الله بخير


    بمناسبة البوست الجديد لكم والذي


    لم تتضح معالمه بعد


    ابن اختك (ابن الزوجة الرابعة)


    ومع حبنا وتقديرنا


    لك يا رائع
    امام


    _____________

    تحياتي وشكري إمام
                   |Articles |News |مقالات |بيانات

02-10-2012, 05:35 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    نسوان سعيد


    الحديث عن الزوجة الثانية يقودني للحديث عن ظاهرة ( نسوان سعيد )
    سعيد رحمه الله كان جارنا
    كان متزوج زوجتين ويعيشون جميعهم في بيت واحد وليس في هذا الأمر كثير عجب
    إنما كان العجب في تلك العلاقة القوية والمحبة القوية جداً التي كانت تربط ( نسوان سعيد ) ببعضهن البعض
    أقول صادقاً أننا ورغم جيرتنا الطويلة ورغم معرفتي لهن ( س ) ، ( ص ) إلا أنني لا أعرف على وجه التحديد من منهم ( س ) ؟؟ ومن منهن ( ص ) ؟؟
    وذلك لأنني لم ألتق بواحدة منهن بمفردها مطلقاً
    كن متماثلات في العمر
    يشبهن بعضهن لدرجة كبيرة
    أنجالهم في أعمار متقاربة أو ( متطابقة )
    يلبسن ( نفس ) الثياب وهن خارجات لأى مناسبة ويتزين بنفس الزينة والذهب
    لا نعرف نحن جيرانهم أى من هؤلاء الأولاد أو البنات إبن أيهن ؟؟
    كان من الطبيعي أن تجدهن في المستشفى معاً ( جزعات باكيات ) لأن أحد الأطفال مريض وتحتار إبن من فيهن هذا الطفل المريض ؟؟
    وكان من الطبيعي أن تجدهن في المدرسة ( يشاكلن ) المدرسين لو أن أحد أطفالهن تعرض لظلم وأيضاً تحتار إبن من فيهن هذا الطفل ؟؟
    زيارتهن للجيران ( معاً ) فذاك أمر تعودنا عليه والقصص التي تبدأها إحداهن وتتمها الأخرى أمر أيضاً تعودنا عليه

    لكن الأمر الأكثر إثارة هو ما حكته لي أمي أطال الله عمرها وهو أنه

    إن تشاجر سعيد مع أو خاصم أى منهن فإن الأخرى تتشاجر معه وتخاصمه تلقائياً


    ______________

    هل من تفسير يا أهل علم الإجتماع ؟؟ والعلوم المرتبطة ؟؟
                   |Articles |News |مقالات |بيانات

02-10-2012, 05:47 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    اولاد الضرة??


    _________________
    انا جايه اشمشر (ابحث عن الشمار) ساى.
    ابوى و اعمامى (و جدى كمان) ما فيهم واحد اتزوج على زوجته.
    مع انهم ناس صعبين و قبضايات لكن كانوا ماشين عديييل ^_^
                   |Articles |News |مقالات |بيانات

02-10-2012, 06:11 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: smart_ana2001)

    Quote: ابوى و اعمامى (و جدى كمان) ما فيهم واحد اتزوج على زوجته.
    مع انهم ناس صعبين و قبضايات لكن كانوا ماشين عديييل ^_^


    الجدود ديل كمان قصة جديدة يا سمارت
    جدي أو بالأحرى جد أبوى ( قيل ) أنه تزوج على فترات متفاوتة ما يزيد على الـ 8 نساء
    وأنجب منهن أنجال، الله تعالى وحده هو من يعلم عددهم
    كانوا موزعين على أنحاء مختلفة من ( ذلك ) السودان المترامي الأطراف
    ( أى مجموعة ) كنكشت في الناس القريبين منهم جغرافياً
    في كل مرحلة دراسية أو بعد كل كم سنة أو أثناء أى مناسبة كنا نفاجأ بـ ( أولاد أعمام جدد )

    آخر واحد إكتشفتو كانت زميلة في الجامعة
    أنا كنت في السنة النهائية في الجامعة وهى كذلك كانت فاينل قانون وبالصدفة والهزار
    هزار بدأ مني بخصوص الإسم الأخير المشترك بينا....
    " والله أنا خايف جدك دا يطلع ياهو زااااتو جدي ، أصلو كان جنو عرس "
    ضحكت أنا وضحكت هى
    ولما كررتها لها مرة أخرى وكان أخوها الأكبر موجود معنا في ذلك اليوم ، أخذ الموضوع بصورة جادة
    بدأنا ( نهبش )
    سؤال من هنا وسؤال من هناك
    وبتعرف فلان الفلاني طيب دا ما عمي
    طيب إنت بتعرف فلان الفلاني طيب دا ما عمي أنا برضو

    أنقري ما طلع ياهو زااااتو البطل ؟؟


    ______________

    لكن تقولي شنو ؟؟
    النار تلد الرماد

    (عدل بواسطة عاطف عمر on 02-10-2012, 06:16 PM)

                   |Articles |News |مقالات |بيانات

02-10-2012, 06:16 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    Quote: لكن
    النار تلد الرماد

    نقبضك من لسانك...ما معروف نحتاج للكلام ده متين
    _______________
    قلت لى ام الاولاد تلفونها كم ??
                   |Articles |News |مقالات |بيانات

02-10-2012, 06:22 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: smart_ana2001)

    Quote: نقبضك من لسانك...ما معروف نحتاج للكلام ده متين

    هههههههههههههههههه

    عارفة يا سمارت لمن أحاول أرفع حرارة النقاش شوية وأجيب ( سيرة البحر )

    ردها جاهز

    " هو يعني إنت ح تجيب الهباب دا من بعيد ؟؟؟ العرق دساس "
                   |Articles |News |مقالات |بيانات

02-10-2012, 09:55 PM

انس العاقب
<aانس العاقب
تاريخ التسجيل: 30-03-2008
مجموع المشاركات: 264

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    يا أخ عاطف أنا دايما من أنصار التدبيل فقط ....تعرف ليه؟
    أنا ود الزوجه التانيه التى تزوجها والدى وهو فى الستين وانجب منها 3 بنات وولدين أنا أكبرهم
    رحم الله والدىَّ وغفر لهما ....أنا الآن عندى 5 أحفاد (بنتان و3 أولاد)
    مش بالله دى نعمة الزواج الثانى....؟
    أنا ذاتى الأيام دى طاقه فى راسى أدبل بس أدونا خاطركم
                   |Articles |News |مقالات |بيانات

03-10-2012, 03:39 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: انس العاقب)

    Quote: يا أخ عاطف أنا دايما من أنصار التدبيل فقط ....تعرف ليه؟
    أنا ود الزوجه التانيه التى تزوجها والدى وهو فى الستين وانجب منها 3 بنات وولدين أنا أكبرهم
    رحم الله والدىَّ وغفر لهما ....أنا الآن عندى 5 أحفاد (بنتان و3 أولاد)
    مش بالله دى نعمة الزواج الثانى....؟

    يا سلااااااااام
    موسيقارنا الكبير الجميل أنس العاقب بجلالة قدره ؟؟؟
    يا له من صباح جميل ؟؟؟

    مش كدا وبس

    كان من الممكن ألا ينهل من غزير علمه طلبة قصر الشباب والأطفال ، معهد الموسيقي والمسرح ، كلية الدراما والموسيقى( أرجو أن تكون التسمية صحيحة ) على إمتداد الأزمنة لولا الزوجة الثانية
    Quote: أنا ذاتى الأيام دى طاقه فى راسى أدبل بس أدونا خاطركم

    دي اللعبة الحلوة زاااااااتا الـ نحن بنشجعها
    خاطرنا معاك ظاهر وباطن


    كلما أهوش للسيدة الفضلى ( بعلتنا) بموضوع الزواج
    ترد على
    " ياراجل إختشى ، تتزوج إنت ولاّ تزوج بناتك ؟؟ "
    أهو كدا ناخد نقلة
    بعد ما نزوج بناتنا بحول الله ويكون عندنا أحفاد نفكر في التانية
    ربنا ما يحرمنا منك يا دكتور
                   |Articles |News |مقالات |بيانات

03-10-2012, 09:53 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    في أحد برامجه الحوارية الجميلة
    إستضاف الأستاذ حسين خوجلي إستضاف السيد الصادق المهدي وزوجاته وأنجاله
    ودار الحديث في معظمه في الطابع الإجتماعي
    بالطبع السياسة كانت موجودة لكنها لم تكن أساسية في ذلك اللقاء

    غض النظر عن أى وجهة نظر سياسية إستمتعت بذلك اللقاء بدرجة لا توصف

    وتوقفت كثيراً عند جملة الأستاذ حسين خوجلي التي ختم بها تلك الحلقة

    " بالله يا سيد صادق ، هل زعلة عابرة أو حرد عابر من أى من زوجاتك كان سوف يكون مبرر كاف ليحرمنا جمال هذه الحلقة ؟؟ "
                   |Articles |News |مقالات |بيانات

03-10-2012, 10:59 AM

تيسير عووضة
<aتيسير عووضة
تاريخ التسجيل: 20-12-2005
مجموع المشاركات: 7136

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    Quote: انا جايه اشمشر (ابحث عن الشمار) ساى.
    ابوى و اعمامى (و جدى كمان) ما فيهم واحد اتزوج على زوجته.
    مع انهم ناس صعبين و قبضايات لكن كانوا ماشين عديييل ^_^

    وأنا كمان ..

    في أسرة والدتي ووالدي الممتدة ما عندنا زول دبّل
    ما عدا إتنين أشقاء في الحسبة جدود أمي وديل بيعتبروا حالة شاذة جداً
    تاني لا كبير لا سغير

    زوجة واحدة والله واحد



    لكن أنا ناوية أدبّل






    قلت لي سعدية نمرتا كم؟
    بقول ليها عاطف شيلتو تحت السرير

    شيل شيلتك ..
                   |Articles |News |مقالات |بيانات

03-10-2012, 11:21 AM

GAAFER ALI

تاريخ التسجيل: 03-11-2009
مجموع المشاركات: 1692

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: تيسير عووضة)

    الاخ عاطف
    هذا البوست خلاق ويحمل طرح جديد ويمكن ان يطرح تحديات فقهية جديدة لو تفادي عنصر
    السربعة والزج به في عالم الونسة والهزار.
    نعلم جميعا ان الطرح القراني في مسألة تعدد الزوجات به قدر من التحفظ ولم يكن قطعيا باي
    حال من الاحوال رغم الظرف الاجتماعي الذي نزل فيه الوحي تاريخيا.
    الفقهاء كعادتهم قفذوا علي الموضوع بثقلهم وتناولوه كل حسب ظرفه التاريخي والجغرافي والاجتماعي.
    وجهات النظر المختلفة تناولت الموضوع من زوايا كثيرة تشمل قدرة الرجل المالية والعاطفية ومصلحته
    بقدر أكبر ثم لحد ما المرأة ودورها ومصلحتها سواء كانت هي الاولي وفي الترتيبات الاخري.
    الفقهاء تعرضوا لوضع الذر ية في مثل هذه الظروف ولكنهم تعرضوا عليها هم كفقهاء.
    اهمية البوست تكمن في انه يتناول الموضوع من وجهة نظر اطفال الزوجة الثانية والثالثة والرابعة
    من وجهة نظرهم هم ورأيهم هم وليست اراء الفقهاء وهذا طرح جديد غاية في الاهمية واعتقد ان
    التناول الجاد له يطرح افكار وتحديات فقهية وحتي عقدية جديدة.
                   |Articles |News |مقالات |بيانات

03-10-2012, 12:20 PM

مهيرة
<aمهيرة
تاريخ التسجيل: 28-04-2002
مجموع المشاركات: 464

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: GAAFER ALI)

    سلام ياعاطف اخوى

    أنا غايتو حفيدة الزوجة الرابعة

    أظرف حاجة قالوا جدى الجعلى الله يرحمه مشى يخطب الرابعة وكانت واحدة قريبته ، قالوا ليه مخطوبة لفكى الحلة،،

    اتخيل جدى انتظر بتها لمن كبرت وبقت على العرس واتزوجها وهى حبوبتنا مكة بت الفكى ود حمد السيد رحمهم الله واسكنهم الجنة

    عشان كدة أهل ابوى ، عماتى واعمامى كتيرين جدا وبرضو حنان جدا زى ما ذكر اخى جعفر اسماعيل

    وزى ماذكرت انت فى حكاية جيرانكم ، زمان الناس كانت بتغلب عليهم الطيبة والمحنة ، يمكن لأنه الزمن زاته كان زمن طيب وخيره كتير والناس قلوبها مليانة خير ويقين وخوف من الله ، رغم حدوث بعض التجاوزات والقصص المختلفة فى الزمن داك برضو

    تحياتى

    Quote: اهمية البوست تكمن في انه يتناول الموضوع من وجهة نظر اطفال الزوجة الثانية والثالثة والرابعة
    من وجهة نظرهم هم ورأيهم هم وليست اراء الفقهاء وهذا طرح جديد غاية في الاهمية واعتقد ان
    التناول الجاد له يطرح افكار وتحديات فقهية وحتي عقدية جديدة.

    (عدل بواسطة مهيرة on 03-10-2012, 12:25 PM)
    (عدل بواسطة مهيرة on 03-10-2012, 01:41 PM)

                   |Articles |News |مقالات |بيانات

03-10-2012, 05:29 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: مهيرة)

    تحياتي وسلامات عزيزتي د. مهيرة ... ( حفيدة الزوجة الرابعة )
    Quote: أظرف حاجة قالوا جدى الجعلى الله يرحمه مشى يخطب الرابعة وكانت واحدة قريبته ، قالوا ليه مخطوبة لفكى الحلة،،

    اتخيل جدى انتظر بتها لمن كبرت وبقت على العرس واتزوجها وهى حبوبتنا مكة بت الفكى ود حمد السيد رحمهم الله واسكنهم الجنة

    هههههههههههههههههههه
    دي قوية شديد
    أظن جدكم الجعلي رحمه الله قد أورث هذه الهواية لعمنا المرحوم ( عمر الجعلي )
    ياسر عمر الجعلي دفعتي من أولى إبتدائي لحدي خامسة جامعة
    أعرف أن لديه أخوان غير أشقاء ( من زوجة/ات أخريات )
    وكنت أعجب بالحنية التي كان يتحدث بها دوماً عن أخوانه
                   |Articles |News |مقالات |بيانات

03-10-2012, 04:42 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: GAAFER ALI)

    Quote: الاخ عاطف
    هذا البوست خلاق ويحمل طرح جديد ويمكن ان يطرح تحديات فقهية جديدة لو تفادي عنصر
    السربعة والزج به في عالم الونسة والهزار.
    نعلم جميعا ان الطرح القراني في مسألة تعدد الزوجات به قدر من التحفظ ولم يكن قطعيا باي
    حال من الاحوال رغم الظرف الاجتماعي الذي نزل فيه الوحي تاريخيا.
    الفقهاء كعادتهم قفذوا علي الموضوع بثقلهم وتناولوه كل حسب ظرفه التاريخي والجغرافي والاجتماعي.
    وجهات النظر المختلفة تناولت الموضوع من زوايا كثيرة تشمل قدرة الرجل المالية والعاطفية ومصلحته
    بقدر أكبر ثم لحد ما المرأة ودورها ومصلحتها سواء كانت هي الاولي وفي الترتيبات الاخري.
    الفقهاء تعرضوا لوضع الذر ية في مثل هذه الظروف ولكنهم تعرضوا عليها هم كفقهاء.
    اهمية البوست تكمن في انه يتناول الموضوع من وجهة نظر اطفال الزوجة الثانية والثالثة والرابعة
    من وجهة نظرهم هم ورأيهم هم وليست اراء الفقهاء وهذا طرح جديد غاية في الاهمية واعتقد ان
    التناول الجاد له يطرح افكار وتحديات فقهية وحتي عقدية جديدة.

    تحياتي وسلامات عزيزي جعفر
    وجزيل شكري على رأيك الإيجابي في البوست
    كما تعلم أن موضوع التعدد ليس موضوعاً جديداً فقد أشبعه الناس نقاشاً من مختلف الزوايا
    لا أجد في نفسي التأهيل الكافي لأضيف أى إضافة لما تناوله الناس سابقاً
    لذلك رأيت أن أقترب من الموضوع بهذا ( الشكل الخفيف )
    شكل يجمع بين زاوية من زوايا الموضوع لا ينتبه لها الناس كثيراً - كما تفضلت بوصفها - إضافة للطرف المرتبطة وحميمية الونسة التي أرغب فيها
                   |Articles |News |مقالات |بيانات

03-10-2012, 12:12 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: تيسير عووضة)

    عاطف
    الآحادية شرعت في السودان لأن كل الناس كانوا يعيشون في حوش واحد نصيب الزوج والزوجه فيه لا يتجاوز
    قطيه او غرفه واحده والباقي للاخرين .. والاولاد في الحوش والرواكيب .. والخروج من بيت الاسرة لسكن مستقل
    درجة عليا من التمرد قد تبلغ الكفر .. والقاعده الاسمي هي (ولن تعدلوا بين النساء ولو حرصتم) .. ورغم ذلك
    تحدث تفلتات فرديه يجمع فيها الرجل (القاهر) بين زوجتين .. فتتشدد زوجات الحلة في منع ازواجهن من مصادقته
    ويحذرن بعضهن البعض من التعامل مع زوجاته .. وغالبا ما تكون الضره السودانية مستورة حال فلا تدخل مع
    ضرتها في خلافات علنيه تعود عليها بالضرر وربما الطلاق والتشرد ..

    ولعل بدايات الخروج من القرية الي المدينه للعمل قد فتحت باب الزواج الثاني امام الرجال بسبب الغربة الطويله
    وبسبب السكن خارج نطاق الاسره .. كما ان فتيات ما قبل الاستقلال (وقد دخلن المدارس) قد تمسكن بحق السكن
    المستقل عن الاسرة ففتحن علي انفسهن بابا تنفذ منه الزوجة الثانيه علنا او سرا .. واظن ان اجداد جيلنا المباشرين
    (اباء ابائنا) هم اول من تحرر من الاحاديه ولكن بقدر معلوم ولدي الحاجه

    وقد تزوج جدي الحسن من ثلاث ومنعه ابناؤه عن الرابعه .. الاولي ام والدي وعمي الاكبر وقد ماتت عنه فصبر
    حينا ثم تزوج الثانيه وعاش معها عمرا وانجب منها كل اعمامنا وعماتنا الاخرين الا واحدا ولكنه استانس للتعدديه
    فتزوج عليها بسبب الغربة للعمل وكسب العيش فانجب ولدا ثم ماتت هذه الثالثه فعاد بابنه للثانية التي ربته مع
    عيالها دون فرق ولا تمييز .. ثم ماتت ونحن كبار وبعضنا متزوج .. فاقدم جدي علي اعلان رغبته في الزواج
    من امرأة ترعي شيخوخته .. ولعله حددها .. فتصدي له عمي وابي ومنعوه من السير في هذا الطريق الوعر واعادوه
    الي رشد حزين حرمنا من حيويته وظرفه وحفاوته بنا ..فقلت لوالدي في لحظة نقاش محتدم بيننا في مسألة حرمان
    جدي من حقه في تكييف حياته .. وكانت والدتي علي مقربة تمكنها من سماع حوارنا .. قلت لوالدي يعني لو خليتو
    جدي الحسن يتزوج الرابعه كان علي الاقل بيكون ليك انت وعمي الطيب مثلا ان تعرسوا ثلاته ويكون لي الحق
    تبعا لذلك ان اعرس واحده تانيه ..... ولم اشعر الا بالوالده يرحمها الله تهبط علي رأسي بالمفراكه قائلة يعرس
    ركبيك ياقليل الحيا .. عايز تعرس ليه ثلاثه (في عمرو ده)

    شفت ازاي ..
    وطبعا لم انجو من خالتك اسماء رغم التعضر والضراعات ..

    اذن فابوك حالة خاصه تستدعي البحث عن الدوافع والحيثيات .. ولك ان تعلم ان ما وصل اليه مجتمعنا الحديث
    من تسابق الرجال علي التدبيل وتسابق البنات علي (راجل المره) ما هو الا طيارة عين وشرفة ومركب نقص
    وقلة حيا لا تخدم الانسانية في شيء ..

    والله علي ما اقول وكيل ..
    وان هذه المداخله لم تكتب تحت التهديد ولا الخوف من خالتكم ام امير ولا من امير ذاتو

    عمر علي حسن
                   |Articles |News |مقالات |بيانات

03-10-2012, 12:20 PM

صبري طه

تاريخ التسجيل: 10-08-2009
مجموع المشاركات: 9661

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عمر علي حسن)

    Quote: وان هذه المداخله لم تكتب تحت التهديد ولا الخوف من خالتكم ام امير ولا من امير ذاتو

    تسلم أم أمير يا ريّس ...

    يا باشمهندس عاطف والدي رحمة الله عليه وأعمامي وخيلاني كلّهم أصحاب زوجة واحدة فقط ...

    ولكن جدّي علي عبدالله (والد والدي) رحمة الله عليهما (المُكنّى بـ علي جن) .. يشهد الله لا أعرف كم عدد زوجاته بالضبط !!!
    وكون ريّسنا عمر علي حسن أحد أعيان المدينة أرجو منه تزويدي بالنجيضة وهي: كم عدد زوجات جدّي رحمة الله عليه ؟
                   |Articles |News |مقالات |بيانات

03-10-2012, 12:48 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: صبري طه)

    Quote: وكون ريّسنا عمر علي حسن أحد أعيان المدينة أرجو منه تزويدي بالنجيضة وهي: كم عدد زوجات جدّي رحمة الله عليه ؟

    جدك علي يرحمه الله حسب ما سمعنا في قديم الزمان تزوج ثلاثه مرات علنا ولكن ام عمتك سعاد اجبرته علي البقاء معها وحدها
    دون اعتبار لان تكون غيرها في عصمته

    لعلك لا تعرف اننا قرائب وكان بيت جدك ملا صقا لبيت جدي الحسن ود الطيب

    تحياتي
    عمر علي حسن
                   |Articles |News |مقالات |بيانات

03-10-2012, 01:04 PM

صبري طه

تاريخ التسجيل: 10-08-2009
مجموع المشاركات: 9661

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عمر علي حسن)

    ولك أجمل تحية يا ريّس ...
    Quote: جدك علي يرحمه الله حسب ما سمعنا في قديم الزمان تزوج ثلاثه مرات علنا ولكن ام عمتك سعاد اجبرته علي البقاء معها وحدها
    دون اعتبار لان تكون غيرها في عصمته

    ما سمعته أنا تسعة زوجات ولم أستطع حصرها .. ولكن العدد المتأكد منو هو أربعة زوجات ... ثلاثتك + والدة عمتي فاطمة رحمة الله عليها ...

    Quote: لعلك لا تعرف اننا قرائب وكان بيت جدك ملا صقا لبيت جدي الحسن ود الطيب

    تسلم يا ريّس وأتشرّف بذلك ... وقد أحسست به حينما سردت أنت قصة تحمل اسم عمتي "ستنا" رحمة الله عليها ...
    فأنتم عشتم التواصل في الزمن الجميل .. ومُشكلة جيلنا الحالي لم يُحافظ على الموروث وربما يعود ذلك لتشتّت الناس بسبب ظروف الحياة ...



    ولك كل الود والتقدير ،،،
                   |Articles |News |مقالات |بيانات

03-10-2012, 01:31 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: صبري طه)

    Quote: ما سمعته أنا تسعة زوجات ولم أستطع حصرها

    جدك علي عبدالله قطعا لم يتزوج تسعه .. ولكنه كان مشهورا بين الناس .. ومثل الكثيرين في ذلك الزمان
    كانت تلصق بهم اشياء لم تحدث منهم ولكنها ذات صلة بشهرتهم او يمكن تصديقها عنهم ، زي ود نفاش وغيره

    اتصلت قبل قليل بعمي ميرغني الحسن فهو اكبر منا ولم يخرج من رفاعة .. ولم اجده .. و قد تتوفر عنده
    معلومات افضل وساوردها عندما اصل اليها

    تحياتي
    عمر علي حسن
                   |Articles |News |مقالات |بيانات

03-10-2012, 03:43 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7546

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عمر علي حسن)

    عاطف سلام


    الثانية


    أبوي إتزوج بعد وفاة الأولى في ريعان شبابها

    له ولها الرحمة والمغفرة

    أنا غايتو في الوقت الراهن دا الزواج التاني بدون سبب قاهر جدا بعتبروا إجحاف وتعدي على حق الزوجة الأولى

    ناس زمان ديل ما عليهم حكم لأن المسألة كانت عندهم تفاخر مرات وجهل مرات أخرى
                   |Articles |News |مقالات |بيانات

03-10-2012, 07:19 PM

Rawia

تاريخ التسجيل: 23-11-2002
مجموع المشاركات: 8396

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: حمد عبد الغفار عمر)

    زوجة واحدة وترتيبي بين أخواتي نمرة أتنين -من فوق-
    نجي للزواج والتعدد
    جدي لوالدي رجل منظم جدا وكان سيكتفي بواحدة لو الامور كانت ظبطت
    بس لانه أهل زوجته والدة أبي وإبنة عمه لم يرضوا ان تذهب أبنتهم للريف-مصر- وتنقطع عنهم بالسنين لذلك تم تطليقها منه
    تزوجت مرة أخرى لصغرسنها -بالمناسبة كان عمرها 12سنة عندما ولدت أبي - وولدت ماشاء الله بنتين وولد هم عمي وعماتي واولادهم واحفادهم في بلدنا المحمية
    في مصر تزوج سيدة من المحلة الكبرى قريبة صديقه وولد منها ولدين وبنت هم الان يعيشون في المحلة الكبرى باحفادهم واولادهم عمي الكبير توفي السنة دي
    في جاوة وأندونيسيا تزوج من سيدة تدعى حاجة ون زينب ولم يصلنا بعد إن كان له خلفة منها ام لا -لغاية الان على الاقل-

    أما جدي لوالدتي أو شقيقه
    تزوج والدة أمي الاولى وعمره 17سنة ولدت أربعة كبر منهم أتنين وتزوج سيدة أخرى ولد منها بنت واحدة وتزوج قريبته يعتبر خالها في الحسبة وولد منها سبعة الاربعة الصغار في عمرنا
    وتزوج زوجة أخيه بعد وفاته (من المحلة الكبرى) وولد منها بنتين - سيدة واحدة تلاتة من اولادها اعمامنا واتنين خالاتنا- وإستقر به المقام في النهاية في النهود وتزوج سيدة من هناك ولد منها تسعة بنتين وسبعة اولاد الكبار منهم في عمرنا واصغرهم الان في العشرينات.
    عندي خالة شقيقة والدتي من الام قريبة شديييد بحسها.. أخوالي كلهم قريبين صراحة وحنينين مافي مرة مالاقيتهم دمعتي مانزلت واحدة من خالاتي تزوجها أخي ابن عمي اولادها من أقرب الناس لي وعندي خالة أخرى تزوجها خالي بن عمة والدتي ووالدي برضو قريبييين لينا بحسهم ممتنة كتيييييير للفيس بوك بالتقارب
    عندنا في الفيس بوك قروب مقفول أسمو بيت حبوبة الروضة لايمكن تتحيل جمعنا ببعض قدر شنو لو فضيت بجي احكي عنه وعندنا قروب تاني اسمه اولاد الدقوني وهو نسبة لجدنا محمد علي سعد جد والدي ووالدتي .
    فخورة بأهلي وبحبهم .
    _________
    يا سمارتي وتيسير ولا تفتشوا لي سعدية أنا هنا حامي حمى مصالحها
    كله أندر كونترول
    هاع
    مين هناك؟
                   |Articles |News |مقالات |بيانات

03-10-2012, 07:49 PM

Rawia

تاريخ التسجيل: 23-11-2002
مجموع المشاركات: 8396

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: Rawia)


    ديل رجالي رحمهم الله جميعا وجعل الجنة مثواهم ومستقرهم
    الراجل الوسيم الاكبر سنا ولابس طربوش دا جدي لوالدتي الشيخ محمد علي سعد الله يرحمه
    البعده الازهري الوسيم جدا جدا جدا دا والدي عبدالحميد العباسي الله يرحمه ويغفر له ويجعل الجنة مثواه ومستقره
    الاخدراني الوسيم بعده دا الخال الشهيد دكتور عمر حامد التني توفي إثر تعرضه للغم في الجنوب 1963
    الدكتورالوسيم هو دكتور وديع صديق الاسرة
                   |Articles |News |مقالات |بيانات

04-10-2012, 06:06 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: Rawia)

    Quote: الراجل الوسيم الاكبر سنا ولابس طربوش دا جدي لوالدتي الشيخ محمد علي سعد الله يرحمه
    البعده الازهري الوسيم جدا جدا جدا دا والدي عبدالحميد العباسي الله يرحمه ويغفر له ويجعل الجنة مثواه ومستقره

    صورة جميلة جداً جداً يا رواية
    أوحت لى بملاحظة
    من الصورة جدك لولدتك الشيخ محمد علي ووالدك أستاذ الأجيال عبدالحميد العباسي ( رحمهم الله ) ليس بينما فارق كبير في العمر
    حتى ليبدوان أنهما أبناء مرحلة عمرية واحدة
    تكون السيدة الوالدة متعها الله بالصحة والعافية تكون تزوجت في سن صغيرة صغيرة
                   |Articles |News |مقالات |بيانات

04-10-2012, 03:50 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: Rawia)

    راوية يا راوية يا حبيبة
    Quote: زوجة واحدة وترتيبي بين أخواتي نمرة أتنين -من فوق-
    نجي للزواج والتعدد
    جدي لوالدي رجل منظم جدا وكان سيكتفي بواحدة لو الامور كانت ظبطت
    بس لانه أهل زوجته والدة أبي وإبنة عمه لم يرضوا ان تذهب أبنتهم للريف-مصر- وتنقطع عنهم بالسنين لذلك تم تطليقها منه
    تزوجت مرة أخرى لصغرسنها -بالمناسبة كان عمرها 12سنة عندما ولدت أبي - وولدت ماشاء الله بنتين وولد هم عمي وعماتي واولادهم واحفادهم في بلدنا المحمية
    في مصر تزوج سيدة من المحلة الكبرى قريبة صديقه وولد منها ولدين وبنت هم الان يعيشون في المحلة الكبرى باحفادهم واولادهم عمي الكبير توفي السنة دي
    في جاوة وأندونيسيا تزوج من سيدة تدعى حاجة ون زينب ولم يصلنا بعد إن كان له خلفة منها ام لا -لغاية الان على الاقل-

    أما جدي لوالدتي أو شقيقه
    تزوج والدة أمي الاولى وعمره 17سنة ولدت أربعة كبر منهم أتنين وتزوج سيدة أخرى ولد منها بنت واحدة وتزوج قريبته يعتبر خالها في الحسبة وولد منها سبعة الاربعة الصغار في عمرنا
    وتزوج زوجة أخيه بعد وفاته (من المحلة الكبرى) وولد منها بنتين - سيدة واحدة تلاتة من اولادها اعمامنا واتنين خالاتنا- وإستقر به المقام في النهاية في النهود وتزوج سيدة من هناك ولد منها تسعة بنتين وسبعة اولاد الكبار منهم في عمرنا واصغرهم الان في العشرينات.
    عندي خالة شقيقة والدتي من الام قريبة شديييد بحسها.. أخوالي كلهم قريبين صراحة وحنينين مافي مرة مالاقيتهم دمعتي مانزلت واحدة من خالاتي تزوجها أخي ابن عمي اولادها من أقرب الناس لي وعندي خالة أخرى تزوجها خالي بن عمة والدتي ووالدي برضو قريبييين لينا بحسهم ممتنة كتيييييير للفيس بوك بالتقارب
    عندنا في الفيس بوك قروب مقفول أسمو بيت حبوبة الروضة لايمكن تتحيل جمعنا ببعض قدر شنو لو فضيت بجي احكي عنه وعندنا قروب تاني اسمه اولاد الدقوني وهو نسبة لجدنا محمد علي سعد جد والدي ووالدتي .
    فخورة بأهلي وبحبهم .

    ماشاء الله عليك وعيني باردة
    صدقت رجاء إذ أسمتك ( شيخ الحارة )
    نسّابة العائلة بلا جدال
    حافظة للأنساب والعلاقات وتفصيلاتها وتداخلاتها
    يا بختهم بيك
    ربنا يحفظكم لبعض
    Quote: يا سمارتي وتيسير ولا تفتشوا لي سعدية أنا هنا حامي حمى مصالحها
    كله أندر كونترول
    هاع
    مين هناك؟

    ما عشان كدا سعدية خاتا في بطنها بطيخة صيفي
    ( العهدة ) في أيد أمينة
                   |Articles |News |مقالات |بيانات

04-10-2012, 03:42 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: حمد عبد الغفار عمر)

    حمد يا حمد يا فنان
    محبات كتاااار
    Quote: أنا غايتو في الوقت الراهن دا الزواج التاني بدون سبب قاهر جدا بعتبروا إجحاف وتعدي على حق الزوجة الأولى

    ناس زمان ديل ما عليهم حكم لأن المسألة كانت عندهم تفاخر مرات وجهل مرات أخرى

    زمان يا عمك الدنيا كانت رخية والحياة كانت ساهلة
    أبوك حدو معاك يوديك المدرسة يسجلك ويشتري ليك الجلابية والعراقي ( الرداء والقميص لاحقاً )
    بعد كدا إنت بتاكل نارك براك
    وهم بعد كدا ( يتفرغوا ) لإنجاب أخوان ليك من أمك أو من زوجة جديدة

    هسع يا عمك
    تدخل الطفل كى جي ون بكم ألف دولار
    وتقعد تحاحي فيهو الليل كلو عشان يذاكر أو يحل واجباتو
    لمن يكونو عندك طفلين ويجى وكت سداد أقساط المدارس
    تتذكر أنو قسط واحد من الأقساط دي يفوق ماصرفه عليك أهلك من أولى أولية لحدي خامسة جامعة
    وتقول لى زواج تاني ؟؟

    صاحبك عفيف زمان قال حكمة


    " الفلس بعلم التواضع "
                   |Articles |News |مقالات |بيانات

03-10-2012, 06:06 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: صبري طه)

    Quote: يا باشمهندس عاطف والدي رحمة الله عليه وأعمامي وخيلاني كلّهم أصحاب زوجة واحدة فقط ...

    ولكن جدّي علي عبدالله (والد والدي) رحمة الله عليهما (المُكنّى بـ علي جن) .. يشهد الله لا أعرف كم عدد زوجاته بالضبط !!!
    وكون ريّسنا عمر علي حسن أحد أعيان المدينة أرجو منه تزويدي بالنجيضة وهي: كم عدد زوجات جدّي رحمة الله عليه ؟

    لا حولااااااااااااااااا
    تصدق يا صبري أول مرة أعرف أنك إبن طه على جن وإبن المرأة القوية ( درية يوسف حاج النيل )
    حفيد ( صديقي ) المرحوم يوسف حاج النيل .... يوسف حاج النيل كان صديقاً لكل أطفال الفريق
    وأن السر ، وفخري وصلاح ومحمد ( علاء الدين ) وعماد هم أخوالك
    وأنك شقيق جلال وجمال والمرحومة جميلة وجانيت

    لا حولااااااااا
                   |Articles |News |مقالات |بيانات

04-10-2012, 06:32 AM

صبري طه

تاريخ التسجيل: 10-08-2009
مجموع المشاركات: 9661

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    Quote: لا حولااااااااااااااااا
    تصدق يا صبري أول مرة أعرف أنك إبن طه على جن وإبن المرأة القوية ( درية يوسف حاج النيل )
    حفيد ( صديقي ) المرحوم يوسف حاج النيل .... يوسف حاج النيل كان صديقاً لكل أطفال الفريق
    وأن السر ، وفخري وصلاح ومحمد ( علاء الدين ) وعماد هم أخوالك
    وأنك شقيق جلال وجمال والمرحومة جميلة وجانيت

    لا حولااااااااا


    بالضبط كدا يا ود فريقنا .. والبيوت قريبة من بعض .. والتحية عبرك لكل الأهل ...
    رحم الله جدّي يوسف حاج النيل ووالداي وشقيقتي جميلة ...
                   |Articles |News |مقالات |بيانات

03-10-2012, 05:58 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عمر علي حسن)

    عمي الحبيب أبو الأمير
    التحية والمحبة والإحترام

    رغم أنه يصعب على أن أقتبس جزءاً من مداخلتك وأترك الباقي فهى مثل ( الدر يزداد حسناً وهو منتظم وليس ينقص قدراً غير منتظم ) كما يقول شيخنا
    الإمام البوصيري
    لذلك سوف أتوكل على واحد أحد وأقتبس

    Quote: ولك ان تعلم ان ما وصل اليه مجتمعنا الحديث
    من تسابق الرجال علي التدبيل وتسابق البنات علي (راجل المره) ما هو الا طيارة عين وشرفة ومركب نقص
    وقلة حيا لا تخدم الانسانية في شيء ..

    والله علي ما اقول وكيل ..
    وان هذه المداخله لم تكتب تحت التهديد ولا الخوف من خالتكم ام امير ولا من امير ذاتو

    أماتتني ضحكاً...
    والشئ بالشئ يذكر
    فكرنا في العام قبل الماضي أن أسافر للصين لشراء مواد بناء وأثاث خاصة بمنزلي في السودان
    عرفني أحد الأصدقاء بوكيلة خدمات في الصين إسمها amy zhou فأصبحت أراسلها وأتصل بها بصورة شبه يومية لإرسال كتالوجات .. للسؤال عن تفاصيل...
    أصبح الموضوع المتكرر بيننا amy إتصلت ،amy قالت ، amy أرسلت كتالوج ، amy.... amy .... amy
    صباح أحد الجمع كنت أشرب الشاى مع المدام فاجأتني بالقول

    " عارف أنا أمس حلمت حلمة غريبة خلاص ... "

    قلت لها
    " خير إن شاء الله "
    ردت على وهى تركز نظرها جيداً في وجهي
    " حلمت أنك تزوجت amy الصينية "
    ضحكت حتى تدفق الشاى في ثيابي وأردفت

    " يا سعدية ياخ أنا إتزوجتك إنت أهو إنت ح تطيريني للصين ، أقوم إتزوج الصينية دي أطير أمشي وين تاني ؟؟ "
                   |Articles |News |مقالات |بيانات

03-10-2012, 04:32 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: تيسير عووضة)

    تايسا يا تايسا
    Quote: في أسرة والدتي ووالدي الممتدة ما عندنا زول دبّل
    ما عدا إتنين أشقاء في الحسبة جدود أمي وديل بيعتبروا حالة شاذة جداً
    تاني لا كبير لا سغير

    زوجة واحدة والله واحد



    لكن أنا ناوية أدبّل

    أحد جدودي ( عم والدي ) كان رجلاً لطيفاً
    أخذ عن والده ( جدنا الكبير سيد الإسم ) أخذ عنه ( هواية ) التعدد
    إلتقيته بعد غياب كبير وكنت قد تزوجت ورزقت بـ ( بنتين )
    سألني أثناء المطايبة
    أها عندك كم ( مرا ) ؟؟
    ظننته يعرف أن لدى بنتين وقام بجمعهم مع أمهم
    أجبته ضاحكاً
    تلاتة يا جدي وشكلها كدا الرابعة في الطريق ( حيث كانت سعدية حاملاً )
    فانفرجت أساريره وربت على ظهري
    " عفارم عليك ولدي النجيض ، نحنا بنعرف الأولى بس ، التانيات كانوا من وين ؟؟ والرابعة دي هسع جايبا لينا من وين ؟؟ "
    تنبهت وقتها لخطئي الذي قاد لسوء الفهم
    فشرحت له الوضع الصحيح
    فسحب يده التي كانت تربت على ظهري

    " الله يخيبك ، قاعد خمس سنين مع مرا واحدة وما خجلان من روحك ؟؟ "

    Quote: قلت لي سعدية نمرتا كم؟
    بقول ليها عاطف شيلتو تحت السرير

    شيل شيلتك ..

    عندما فكرنا في سفر الأسرة للسودان قدرت أن يظل إبننا ( أمين ) معي لإعتبارات كثيرة
    جهزت لها كمية من الدفعوات والأمثلة لأقنعها بفكرتي
    كنت شايل هم أطرح ليها الموضوع دا كيف فـ روحها في ولدها
    فاجأتني بموافقتها الفورية
    بعد تأمينها على دفوعاتي رمت بقنبلتها

    " إنتو أصلكم ما مضمونين ، أحسن ولدي يكون قاعد معاك عشان ما أجيك بعد سنة ألقى لى مرا بي شفعا بيتجاروا في الشقة "
                   |Articles |News |مقالات |بيانات

03-10-2012, 07:05 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    Quote: جدك علي عبدالله قطعا لم يتزوج تسعه

    ياصبري
    جدك طلع براءه من خمسه .. فقد اكد لي عمي ميرغني الحسن ان علي جن تزوج اربعه وحددهن بالاسم .. وحدد لي
    آخرين ظهروا ليهم نسوان بعد ما ماتوا وانه علي عبد الله لم يطلق ايا من نسائه الاربعه وانه ما كان (بيدسدس) عمايله
    لدرجة انه جاء المركز وعرض قدام المامور وهو يقول شعرا ..

    انا الدقيتو وكان دايريني تاني بدقو في الظبطيه
    وانا ما بكوس الشر لكن قبيل هو السوي الدَيه ..
    وكان خليتو كان عرض لا خلي سيف لا عصيه
    وقال علي جن شرد ولبسني قرقاب وبشع بيّ

    وقد صرف المفتش القضيه وقال له عفارم ..

    وشدد العم ميرغني علي ان التعدديه كانت تتطلب جرأة لم تكن تتوفر لغالبية رجال ذلك الزمان ..

    عمر علي حسن
                   |Articles |News |مقالات |بيانات

03-10-2012, 08:04 PM

elhilayla
<aelhilayla
تاريخ التسجيل: 05-02-2002
مجموع المشاركات: 5281

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عمر علي حسن)

    الأخ عاطف
    وضيوفك الأكارم
    في قريتنا الحليلة
    عندنا قاعدة ذهبية:
    "واحدة بس يا دفنتها يا دفنتك"
    كما أننا لا نعرف الطلاق
    حتي أعطيكم فكرة مبسطة
    تعداد قريتنا يبلغ ستة آلاف فرد
    عدد الرجال المتزوجين اتنين
    حتي تاريخه وعلي قيد الحياة
    حوالي 5 حالات
    المطلقات حتي المتزوجات من خارج القرية
    اتنين بس
    من سنة 2000 حتي تاريخه المتزوجين 2
    عددهم 2 فقط
    في قريتنا لا يوجد شخص متزوج 3 نساء علي قيد
    الحياةِ

    سأعود ببعض التفاصيل إذا سمح الزمن


    ______
    الحليلة
                   |Articles |News |مقالات |بيانات

04-10-2012, 06:30 AM

عبدالمنعم الزين
<aعبدالمنعم الزين
تاريخ التسجيل: 08-02-2008
مجموع المشاركات: 195

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: elhilayla)


    أخي الكريم عاطف

    الاخوة والاخوات ضيوف البوست الكرام


    السلام عليكم ورحمة وبركاته


    شكرا للاخ عاطف وهذا البوست الجميل جدا الذي كان سببا لاستشعار الجمال في حديث كل المتداخلين وخاصة حديث الاخت راوية .

    بداية انا احد ابناءالزوجة الثانية للوالد حاج الزين ود الطيب ود عبدالله رحمة الله عليه، وقد تزوج ابي رحمة الله عليه الزوجة الثالثة فيما بعد وانجب منها بنين وبنات ماشاءالله عليهم ، وكنت قد اقسمت علي نفسي ان ازوج والدي بالرابعة ولكن قدر الله شاء ان يرحل عنا وقد ترك اسرة كبيرة تملآ عين الشمس زي ماقالوا .
    نشأنا ووجدنا العلاقة بين والدتي وضرتها رحمة الله عليها حاجة امنة بت محمد عباس شئ خرافي وغير عادي ، توسدت يدها رحمة الله عليه وانا ابن خمس اعوام عندما اتي مع ابي لزيارة حلة عباس .كنت اري قلقها علينا ومحبتها لنا لدرجة يصعب فيها ان نناديها بغير امي امنة عليها رحمة الله .

    سبحان المحبة والمحنة التي بيننا نحن ابناء حاج الزين ود الطيب شئ من الله لانك لو أنفقت مافي الارض ما الفت بين قلوب الخلق ، ولسنا الفريدين في ذلك فمعظم من دلف لهذا البوست عاش نفس التجربة وبتفاصيل رائعة جدا جدا تدمع العين وتبهج القلوب .

    شكرا اخي عاطف وشكرا لكل من سكب الحب والمحبة والمحنة في هذه الدقائق الحلوة .

    اسأل الله تعالي ان يجعل قلوبنا عامرة بالحب والمحبة يارب
                   |Articles |News |مقالات |بيانات

04-10-2012, 11:26 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: elhilayla)

    تحياتي وسلامات عزيزي الحليلة
    Quote: عندنا قاعدة ذهبية:
    "واحدة بس يا دفنتها يا دفنتك"

    ياخ بالجد دي قرية مثالية
    لو عرفوها أخواتنا الجندريات بيعتبروها رمز
    وإمكن قاعدة إنطلاق

    إن شاء الله زمنك يسمح وتعود لينا ببعض التفاصيل
    يبدو أننا موعودين بحاجات جميلة
                   |Articles |News |مقالات |بيانات

04-10-2012, 07:18 AM

صبري طه

تاريخ التسجيل: 10-08-2009
مجموع المشاركات: 9661

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عمر علي حسن)

    Quote: ياصبري
    جدك طلع براءه من خمسه .. فقد اكد لي عمي ميرغني الحسن ان علي جن تزوج اربعه وحددهن بالاسم .. وحدد لي
    آخرين ظهروا ليهم نسوان بعد ما ماتوا وانه علي عبد الله لم يطلق ايا من نسائه الاربعه وانه ما كان (بيدسدس) عمايله
    لدرجة انه جاء المركز وعرض قدام المامور وهو يقول شعرا ..

    انا الدقيتو وكان دايريني تاني بدقو في الظبطيه
    وانا ما بكوس الشر لكن قبيل هو السوي الدَيه ..
    وكان خليتو كان عرض لا خلي سيف لا عصيه
    وقال علي جن شرد ولبسني قرقاب وبشع بيّ

    وقد صرف المفتش القضيه وقال له عفارم ..

    وشدد العم ميرغني علي ان التعدديه كانت تتطلب جرأة لم تكن تتوفر لغالبية رجال ذلك الزمان ..

    عمر علي حسن


    تُشكر يا ريّس على مجهودك .. وأتعبتك معاي ...
    الغريبة حتّة التسعة زوجات دي شائعة وسط العائلة .. ربما تكون كنوع من المُبالغة ...

    أمّا بخصوص الشعر والمناسبة التي ارتبطت بالأبيات أعلاه ... فقد كان شاعراً وشجاعاً حسب الروايات التي رويت لي ...


    لك التحية وللعم ميرغني ولجميع الأهل ...
                   |Articles |News |مقالات |بيانات

04-10-2012, 11:39 AM

lana mahdi
<alana mahdi
تاريخ التسجيل: 07-05-2003
مجموع المشاركات: 16047

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: صبري طه)

    Quote: قلت لى ام الاولاد تلفونها كم ??

    راجعي الخاص يا سمارتي
    يقصر المللللللللح ^_________^
                   |Articles |News |مقالات |بيانات

04-10-2012, 11:40 AM

elhilayla
<aelhilayla
تاريخ التسجيل: 05-02-2002
مجموع المشاركات: 5281

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: صبري طه)

    Quote: ياخ بالجد دي قرية مثالية
    لو عرفوها أخواتنا الجندريات بيعتبروها رمز
    وإمكن قاعدة إنطلاق

    شكرًا الأخ عاطف علي الثناء
    لقريتنا ولو أنني كنت احسب مداخلتي
    في غير مكانها ومشاترة، والله كان لقيت
    وقت كنت عاوز اعتذر لحرف البوست عن
    مساره

    ان شاء الله سأكتب بعض التفاصيل
    لاحقا

    ويا ريت الجندريات اشوفن كلامي دا
    وألف أهلا ومرحبا



    _______
    الحليلة
                   |Articles |News |مقالات |بيانات

04-10-2012, 12:09 PM

ماجدة عوض خوجلى
<aماجدة عوض خوجلى
تاريخ التسجيل: 25-12-2006
مجموع المشاركات: 7279

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: elhilayla)

    عاطف وضيوفه سلام الله يغشاكم مكان تكونو ...
    ياعاطف بوستك ده بيتحمل ابناء وبنات (الزوج التانى والبعدو والبعد بعديهو ) ولا نتخارج منو ...
    تسلم يارب من كل شر ...
    لتعديل حرف واشياء اخرى هههههه

    (عدل بواسطة ماجدة عوض خوجلى on 04-10-2012, 12:22 PM)

                   |Articles |News |مقالات |بيانات

05-10-2012, 12:23 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: ماجدة عوض خوجلى)

    يا ماجدتنا الخوجلية
    سلامات وأشواق
    Quote: ياعاطف بوستك ده بيتحمل ابناء وبنات (الزوج التانى والبعدو والبعد بعديهو ) ولا نتخارج منو ...
    تسلم يارب من كل شر ... لتعديل حرف واشياء اخرى هههههه

    أولن بالتبادي من ناحية تتخارجي ....
    طبعاً لا وألف لا

    زى ماإنت عارفة
    الزوجة لمن تتزوج للمرة التانية بيكون زوجها الأول فارقها فراق نهائي ( بالوفاة أو بالطلاق )
    لكن الزوج لمن يتزوج للمرة التانية أو التالتة ما بالضرورى يكون فارق الزوج الأولى أوالثانية فراق نهائي
    يمكن يكونوا كلهم مع بعض أو يكون الزوج مع بعضهن

    لكن كلامك بيعطي الموضوع بعد تاني
    الأخوان والأخوات - من أم واحدة - وآباء مختلفين وتربوا مع بعضهم البعض
                   |Articles |News |مقالات |بيانات

04-10-2012, 11:48 AM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: صبري طه)

    Quote: الغريبة حتّة التسعة زوجات دي شائعة وسط العائلة

    طيب ببساطه شديده ليه ما تحسبوها .. يعني شوفوا منو امه مني .. حيطلع ليكم الناتج يا اربعه
    يا اكتر .. وفي كل الاحوال جدك بطل لو وقف عند اربعه او وصلهم تسعه .. وقد ذكر لي عمي
    ميرغني الحسن ان الرجل كان كثير التنقل بين رفاعه وامدرمان وان واحده فقط من زوجاته
    كانت من امدرمان والثلاثة من رفاعه

    تحياتنا للاحياء من اعمامك وعماتك

    عمر علي حسن
                   |Articles |News |مقالات |بيانات

04-10-2012, 06:35 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    مع عظيم إحتفائي بكل المتابعين للبوست والمشاركين فيه كتابة
    إلا أنني أحتفي بكل الفخر والتقدير بهذا الحضور المميز لعمي الحبيب سعادة اللواء عمر علي حسن ( أبو الأمير )
    أتأمل كل كلمة يخطها
    ففيها عصارة عمر من التجارب الإنسانية الثرة
    وفيها لغة وأدب وطرفة وبسمة
                   |Articles |News |مقالات |بيانات

05-10-2012, 02:29 AM

عاطف مكاوى
<aعاطف مكاوى
تاريخ التسجيل: 29-03-2008
مجموع المشاركات: 18631

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    تحياتي لك يا عاطف وللجميع

    أنا .. الإبن الأكبر للزوجة الثالثة للوالد المرحوم مكاوى
    وقد توفيت الزوجة الأولي بعد أقل من عام من زواجها لها الرحمة .... يعني ممكن نقول بأنني الإبن الأكبر من الزوجة الثانية لوالدى
    أكبر أخواني له أحفاد .. وأكبر أخواتي لها أحفاد أيضاً .. بل لشقيقيتي الكُبرى من أمي حفيداً ...

    علاقاتنا أكثر من جيدة
    وقد توفي الوالد في 7 سبتمبر 2009 وله من الأبناء والبنات والأحفاد والحفيدات ما يزيد عن ستين ... وقد تعامل بشكل مباشر مع غالبيتهم/ن


    والغريب أنه قد تعامل مع كل هذا العدد .... وكل ما كان يملكه (حواشتين + مزرعة) في مشروع الجزيرة الذى كان أخضراً.


    الرحمة والمغفرة للوالد



    -------------------------

    بدأت أسأل عن أسماء أبناء وبنات بعض أخواني وأخواتي وأبناءهم وبناتهم .... للأسف .....

    لعن الله البُعد عن الأوطان ولعن الذين تسببوا فيه.
                   |Articles |News |مقالات |بيانات

06-10-2012, 10:03 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف مكاوى)

    تحياتي وسلامات يا عاطف
    ياخي في مداخلتك دي في قواسم مشتركة بيناتنا كتيرة خلاص

    أنت عاطف وأنا عاطف
    أنت إبن الزوجة الثالثة وأنا إبن الزوجة الثالثة
    أكبر أخوانك له أحفاد وأنا أكبر أخواني له أحفاد
    وفاة والدكم في سبتمبر 2009 ووفاة والدي في يونيو 2007 ( رحمهم الله رحمة واسعة وأسكنهم فسيح جناته )
    إعالة أسرة كبيرة بموارد محدودة
    العلاقة الطيبة بين الأخوان طبعاً موجودة

    شكري الجزيل عاطف مكاوي
                   |Articles |News |مقالات |بيانات

05-10-2012, 04:57 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    تحياتي وسلامات عزيزي عبدالمنعم
    Quote: شكرا للاخ عاطف وهذا البوست الجميل جدا الذي كان سببا لاستشعار الجمال في حديث كل المتداخلين وخاصة حديث الاخت راوية .

    بداية انا احد ابناءالزوجة الثانية للوالد حاج الزين ود الطيب ود عبدالله رحمة الله عليه، وقد تزوج ابي رحمة الله عليه الزوجة الثالثة فيما بعد وانجب منها بنين وبنات ماشاءالله عليهم ، وكنت قد اقسمت علي نفسي ان ازوج والدي بالرابعة ولكن قدر الله شاء ان يرحل عنا وقد ترك اسرة كبيرة تملآ عين الشمس زي ماقالوا .
    نشأنا ووجدنا العلاقة بين والدتي وضرتها رحمة الله عليها حاجة امنة بت محمد عباس شئ خرافي وغير عادي ، توسدت يدها رحمة الله عليه وانا ابن خمس اعوام عندما اتي مع ابي لزيارة حلة عباس .كنت اري قلقها علينا ومحبتها لنا لدرجة يصعب فيها ان نناديها بغير امي امنة عليها رحمة الله .

    سبحان المحبة والمحنة التي بيننا نحن ابناء حاج الزين ود الطيب شئ من الله لانك لو أنفقت مافي الارض ما الفت بين قلوب الخلق ، ولسنا الفريدين في ذلك فمعظم من دلف لهذا البوست عاش نفس التجربة وبتفاصيل رائعة جدا جدا تدمع العين وتبهج القلوب .

    شكرا اخي عاطف وشكرا لكل من سكب الحب والمحبة والمحنة في هذه الدقائق الحلوة .

    اسأل الله تعالي ان يجعل قلوبنا عامرة بالحب والمحبة يارب

    جزيل شكري لهذه اللمحة/ اللوحة الجميلة
    تأثرت كثيراً برغبتك الأكيدة في تزويج المرحوم والدكم للمرة الرابعة لكن كان للمشيئة الإلهية إرادة أخرى ..تفهمت البر الكامن خلفها
    أسرتني كذلك المشاعر الإنسانية النبيلة من الحاجة آمنة تجاهكم .
                   |Articles |News |مقالات |بيانات

05-10-2012, 05:33 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    لنا يا أميرتنا
    Quote: Quote: قلت لى ام الاولاد تلفونها كم ??



    راجعي الخاص يا سمارتي
    يقصر المللللللللح ^_________^

    كنت - ولا تزالين - من ( القوات الصديقة )
    بل أميرتها
                   |Articles |News |مقالات |بيانات

08-10-2012, 11:04 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)




    " حبيبنا وزميلنا في هذا البورد د. حيدر بدوي رجل من أنقى البشر الذين عرفتهم ،
    تربطني به صداقة أسرية عميقة ،
    تميز بـ ( شوتاته الضفاري ) التي تميت من يعرفونه ضحكاً وتحير من لا يعرفونه ،
    زوجته أختنا الحبيبة أسماء تسمي هذه الشوتات بـ ( الحيدريات ) ....
    ذات أمسية كنا معاً في جلسة أسرية ،
    صادف تاريخ تلك الجلسة زواج أحد جيراننا السودانيين في البناية للمرة الثانية ،
    وهو حدث كان حديث البناية لذلك كان أول المواضيع المطروقة في تلك الأمسية....
    ( بجديته ) التي إشتهر بها إلتفت إلى د. حيدر متسائلاً

    " هو جاركم دا إتزوج ليه ؟؟ زوجتو عمرها فات التلاتين ؟؟ "
    وانفجر الجميع ضحكاً
    وتولت زوجته الرد عني من بين ضحكها الشديد

    " يابا هوووووى كان دا العذر الشايفو ليهو ، كلنا عمرنا فات التلاتين ومن زماااااااااان "

    (عدل بواسطة عاطف عمر on 08-10-2012, 11:05 AM)
    (عدل بواسطة عاطف عمر on 08-10-2012, 02:30 PM)

                   |Articles |News |مقالات |بيانات

09-10-2012, 05:54 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    وقطار البوست قد وصل لمحطته النهائية
    جزيل الشكر لشركائي في البوست كتابة
    وجزيل الشكر لمن تكبد عناء متابعتنا قراءة
    وجزيل الشكر لمن تحمل ( تهريجنا ) في رواية أخرى

    وأرجو أن تسمحوا لي أن أتقدم بشكر خاص للزوجة الحبيبة سعدية عبداللطيف أحمد إدريس ، التي ورغم مشاغلها الكثر داخل وخارج البيت إلا أنها ظللت تتابع هذا البوست بروح سمحة طالما ألهمتني وبعقل متفتح طالما أهدي إلى عيوبي وطالما قادني لطريق الحق متى تنكبته و عنه ضللت ..
    ولعل أكثر تعليقاتها طرافةً وسـخرية ومكاواة ما كان رداً على الجمل الصغيرة تحت الخط التي كنت أختم بها بعض المداخلات مثل ( لكن تقولي شنو ؟؟ النار تلد الرماد ....دي اللعبة الحلوة زاااااااتا الـ نحن بنشجعها ، خاطرنا معاك ظاهر وباطن .... وخلافهم )
    كم هى عظيمة في ثقتها في نفسها وفي روح سخريتها ودعابتها
    وحيث أن سعدية والحديث عنها أمر تحبه النفس وتهواه فأستميح أصدقائي وشركائي ومتابعي البوست في إشراكهم في مقطع كتبته عنها في بوست آخر ..
    كتبت قائلاً :
    " أكرمني الله تعالى بزوجة أرى صادقاً لو أن جميع نساء الدنيا قد ( خلطوا في خلاطة ) ثم تم صبهن في قالب إمرأة واحدة لن يقربنها حسناً وعلماً وفهماً وأخلاقاً وطيب عشرة
    ثم أكرمني الله تعالى منها بذرية ( بنات وولد ) لو كان لى خيار التمني قبل ميلادهم لما تمنيت أحسن منهم"

    ولعلي في نهاية البوست أقول - ولا أدري إن كانت خبرة ربع قرن من الزواح ( موحداً ) تؤهلني - أقول للأخوان والأخوات الأصغر سناً وللأبناء والبنات في سن الزواج وبغض النظر عن آراء الفقهاء وخلافاتهم في مشروعية التعدد ، أن النفس البشرية ( الرجالية ) تميل للإستقرار في كنف الأسرة الواحدة ، التفكير في التعدد يبدأ بدخول الملل والرتابة للحياة الزوجية... مسؤولية الزوجين المباشرة معاً أن يجعلا حياتهما دوماً متجددة.. الثقة الكاملة ثم إطلاق العنان للخيال المبدع الخلاق عندها سوف تصير الحياة حيوات من الحب المستدام

    (عدل بواسطة عاطف عمر on 09-10-2012, 05:57 PM)

                   |Articles |News |مقالات |بيانات

11-10-2012, 04:39 AM

شمس الدين ساتى
<aشمس الدين ساتى
تاريخ التسجيل: 14-12-2008
مجموع المشاركات: 2744

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    Quote: كتبت قائلاً :
    " أكرمني الله تعالى بزوجة أرى صادقاً لو أن جميع نساء الدنيا قد ( خلطوا في خلاطة ) ثم تم صبهن في قالب إمرأة واحدة لن يقربنها حسناً وعلماً وفهماً وأخلاقاً وطيب عشرة
    ثم أكرمني الله تعالى منها بذرية ( بنات وولد ) لو كان لى خيار التمني قبل ميلادهم لما تمنيت أحسن منهم"


    شرحو

    سلامات يا عاطف

    تعرف أنا برضو أكرمنى الله ببنتين جميلتين وأبن واحد

    وما مفكر بتاتا فى زوجة ثانية
                   |Articles |News |مقالات |بيانات

12-10-2012, 02:29 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: شمس الدين ساتى)

    Quote: سلامات يا عاطف

    تعرف أنا برضو أكرمنى الله ببنتين جميلتين وأبن واحد

    وما مفكر بتاتا فى زوجة ثانية


    تحياتي وسلامات يا شمس الدين

    جيتك راجع مخصوص بعد أن ( رفعنا )
    ياخ ربنا يحفظكم لبعض ويظلل عليكم بستره



    __________________

    لو كنت جيتنا قبل مداخلة ( الرفع ) أعلاه
    كنا ( شرمنا ) معاك كما ينبغي

    ملحوقة إن شاء الله
                   |Articles |News |مقالات |بيانات

12-10-2012, 07:25 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    لا أنا
    ولا أبوي
    ولا عمي شقيق أبوي
    ولا جدي لأبي
    ولا جدي لأمي
    فعلوها
    كلنا موحدين والحمد لله

    لكن :
    1- أعمامي أولاد عم أبوي وأبوهم كلهم معددين ، وبعضهم تجاوز الكوتة المحددة له عن طريق السراري ، السريات
    2- عندي حبوبة بت عم جدي متعددة

    آسفين ، جينا بعد ( الرفع )
                   |Articles |News |مقالات |بيانات

12-10-2012, 07:36 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: أبو ساندرا)

    Quote: لا أنا
    ولا أبوي
    ولا عمي شقيق أبوي
    ولا جدي لأبي
    ولا جدي لأمي
    فعلوها
    كلنا موحدين والحمد لله

    بركوتة يا بركوتة
    إنت ( عاذرنك )
    لكن بالجد ناس أبوك وعمك وجدودك ديل كانوا إستثناء

    Quote: آسفين ، جينا بعد ( الرفع )

    مقدرين الظرف يا حبة
    كان عشمنا تحضر ( الرفع ) وتلقي لينا الخطبة حقتو كمان


    __________________

    يا ود يا حريف

    (عدل بواسطة عاطف عمر on 12-10-2012, 07:43 PM)

                   |Articles |News |مقالات |بيانات

12-10-2012, 07:44 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    لا تشكر حريف
    دي على وزن : ما توصي حريص

    الحبوبة المتعددة المشار اليها
    تزوجها شقيق زوجها المتوفي ، ثم توفى عنها فتزوجها إبن عمه وهي بنت عمهم الثلاثة
                   |Articles |News |مقالات |بيانات

12-10-2012, 07:57 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: أبو ساندرا)

    Quote: الحبوبة المتعددة المشار اليها
    تزوجها شقيق زوجها المتوفي ، ثم توفى عنها فتزوجها إبن عمه وهي بنت عمهم الثلاثة

    عارف يا بركوتة
    أخدت لى شوية سرحة في العلاقات بين أبنائها
    يكونوا أخوان من الأم
    وفي نفس الوقت أبناء أعمام
    العجب لو تصاهر أبناءها
    عيييييك ( على قول بشاشا )


    ___________

    ما بنوصيك
    لكن بنخاف من ( الحتات الضيقة )
                   |Articles |News |مقالات |بيانات

12-10-2012, 08:17 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    عاطف :
    Quote: لكن بنخاف من ( الحتات الضيقة )


    إن شاء الله مافي عوجة
    لكن واحدة من حتاتي الضيقة الماقدرت أتخلص منها وبتغيظ رشيدة جدآ
    إنني عادة بكون ( سوسن الفاتح )
    قبل كم يوم رشيدة مشت إشترت لي قماش 4 بناطلين جديدة وراقية
    ورتني ليهن وقالت : مش ح تفصلهن إلا في حالة أمشي معاك الترزي عشان يعمل ليك بدل السستة زراير
    فضحتنا ياخ
    طبعآ الولية الداقسة فاتها إنو الإستدراك في حالة السستة سريع و غمتي
    لكن مع الزراير دي كيف

    المشكلة إنني في البنطلون الجينز بكون : تيوب ليس
    يعني مافي أندر وير ، على ( الريحة ) يعني
    ف دي الحتت الضيقة الماقادر إتخلص منها
    أي نصايح؟
                   |Articles |News |مقالات |بيانات

13-10-2012, 05:56 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: أبو ساندرا)

    Quote: إن شاء الله مافي عوجة
    لكن واحدة من حتاتي الضيقة الماقدرت أتخلص منها وبتغيظ رشيدة جدآ
    إنني عادة بكون ( سوسن الفاتح )
    قبل كم يوم رشيدة مشت إشترت لي قماش 4 بناطلين جديدة وراقية
    ورتني ليهن وقالت : مش ح تفصلهن إلا في حالة أمشي معاك الترزي عشان يعمل ليك بدل السستة زراير
    فضحتنا ياخ
    طبعآ الولية الداقسة فاتها إنو الإستدراك في حالة السستة سريع و غمتي
    لكن مع الزراير دي كيف

    المشكلة إنني في البنطلون الجينز بكون : تيوب ليس
    يعني مافي أندر وير ، على ( الريحة ) يعني
    ف دي الحتت الضيقة الماقادر إتخلص منها
    أي نصايح؟

    عليك بالجلاليب يا حبة
    " هيبة وجبرة "


    وللجلاليب قصة طريفة

    تعودت أن أرتدي الجلابية بجميع تبعاتها في مشاوير ما بعد العمل الإجتماعية بما في ذلك مناسبات الأفراح
    في أحد المناسبات وكل زواج لإحدي قريبات سعدية ، أصرت أن أرتدي ( بدلة )
    " وإنت أصلو الهدوم دي مشتريها ومكدسها لمتين ؟؟"
    خضعنا لرغبات الجماهير... ولبسنا البدلة... وحضرنا المناسبة... و ( تسمسمنا) ما شاء لنا الوقت والظروف المحيطة
    ونحن رجوعاً من المناسبة فاجأتني سعدية بقولها
    " والله ياخ كلامك صاح... الجلابية هيبة وجبرة... خلاص أرجع ألبس الجلابية عادي لمشوايرك الإجتماعية و للمناسبات الزي دي "
    خرجت من البنات ضحات مكتومة لم أستبن سرها ، لكن قلنا الحمد لله العفانا من ( الخنيق )
    عندما وصلنا البيت إنفردت بي كريمتي الصغري - وهى سر أبيها - ( فاتة الموضوع )
    " عارف يا بابا ، ماما قالت ليك أرجع ألبس الجلابية ليه ؟؟ "
    ليه ؟؟
    " أصلو أى واحدة من قريبات ماما البيجو يسلموا عليها أو يتونسوا معاها كانوا أول كلمة بيقولوها ليها ، الليلة ما عرفنا عاطف بالبدلة ، شكلو بقى صغير زى خمستاشر عشرين سنة "



    ___________

    تيوبلس دي كتيرة
                   |Articles |News |مقالات |بيانات

13-10-2012, 06:24 AM

شمس الدين ساتى
<aشمس الدين ساتى
تاريخ التسجيل: 14-12-2008
مجموع المشاركات: 2744

للتواصل معنا

FaceBook
تويتر Twitter
YouTube


Re: أبناء وبنات ( الزوجة الثانية ومابعدها ) أجمعوا - لطفاً - هنا (Re: عاطف عمر)

    سلامات ياعاطف والزوار الكرام

    اهلنا فى المحس من النادر جدا ان يثنوا............. جدى المباشرين لم يتخذا زوجة ثانية اما إخوتهم ثنوا وثلثوا

    جيل الأباء لم يثنى منهم غير عمى والد زوجتى ولكن بعد طلاقه من بنت عمه تزوج من والدة زوجتى

    كل اعمامى وأخوالى لم يتزوجوا مرة ثانية. حتى والدى رحمة الله عليه حين توفيت والدتى رحمة الله عليها

    اراد إخوته ان يزوجوه ولكنه رفض حتى وفاته قرابة الثلاثين عاما..... لا اذكر احدا من اهلى تزوج على زوجته

    حتى جيلنا الحالى لا اعرف احدا تزوج على زوجته.....
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de