تصدمني إعلانات تلفزيوناتنا الداعية شابات هذا العصر لـ ( تبييض ) البشرة وتفزعني دراسات الأطباء وما تتناقله أجهزة الإعلام عن الآثار الكارثية لمواد تبييض البشرة التي تضخ في الصيدليات وفي السيوبرماركت أو حتى أو طبالي الباعة المتجولين يحزنني تحول تفكير شابات هذا العصر وبعضهن نلن تعليماً في أرقى الجامعات و فهمهن أن قيمتهن الجمالية تكمن في تغيير لون بشرتها ( الرباني ) الأسمر للون الأبيض
01-10-2016, 08:06 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
شعراؤنا الأوائل كان فهمهم متقدماً فقد روجوا لـ وثبتوا في إنتاجهم الشعري المسموع غناء ثبتوا قيمة اللون ( الطبيعي ) الأسمر وغنوا له
الفن يقود المجتمعات الفنانون والشعراء رسل جمال فهل ينتبه شعراء اليوم للخطر الكارثي الكبير الذي تتعرض له شابات هذا العصر ( الأغبر ) ويواصلون الرسالة التي حملها أسلافهم الذين تغنوا لـ ( اللون الأسمر الطبيعي ) للمرأة السودانية ؟؟
01-11-2016, 03:27 AM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
وما هو اللون الأسمر يا عاطف؟ غايتو في شغلنا في الأخبار، وتخفيفا عن اللون الأسود نقول: القارة السمراء، بدلا عن القارة السوداء، ونقصد قارة أفريقيا هناك عقدة نفسية عالمية من اللون الأسود، عقدة زحفت إلى اللا وعي الجمعي الكوني كيف بدأت؟ لا أدري
أعتقد أن اللون الأسمر (إذا وُجد)، فهو يختلف عن اللون الخمري، كيف نجمع بينهما كأنهما لون واحد؟ مثلما غنى التاج مصطفى لخورشيد: أسمر خمري لونو حبيب في خديدو فصدة؟! هسي دا أسمر وخمري وفي خديدو فاااصدة، الفصدة دي بكون لونها شنو؟!
بالله لو ود دفعتك عندو الغنية دي كلمو ينزلها لينا أستاذ التاج دا من الفنانين المفضلين عندي
01-11-2016, 05:34 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
سلام عاطف ومعاوية، اللون الغالب بإفريقيا هو اللون الأخضر (الأسمر) حسب القراءة العربية للألوان وليس تجميلا للون الأسود كما قال معاوية.
العرب غير بقية الناس، هم أكثر دقة في وصف ألوان البشر والحيوانات، وزي ما وضحت هنا في مداخلة إستنارية سابقة عن الوان البوش: - أبيض - أحمر - أخضر وهو ما إختلط فيه الأسود بالاخمر وكان الأسود غالب - الأصفر وفيه الأحمر يغلب الأسود وعنه وصفت بقرة بني إسرائيل: "صفراء فاقع لونها تسر الناظرين"
01-11-2016, 05:45 AM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
أوووه المستنير، انت لسه قاعد هنا حاسب المنبر فيهو محمد بشرى، أقصد كمساري
طيب حسب وصفتك اللونية دي، ما رأيك بـ (أسمر خمري لونو وجذابات عيونو) كيف ممكن لون يكون أسمر وخمري في نفس الوكت مع إنو الخمر لونه أصفر (قبل ما الروس يعملوا الفودكا)
يا عاطف معليش ح نحرف ليك البوست شوية لغاية ما نتفق على ألوان الألوان
01-11-2016, 05:58 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
بعدين يا أبو العزايم يا صديقي من الذي حدّد الألوان أصفر أخضر سمري لونه من جاء أولاً الاسم أم اللون سؤال فلسفي كدا لغاية ما عاطف يرجع البيت ويشوف بوستيهو دا خستك كيف
01-11-2016, 05:59 AM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
اللون الاسمر هو لوني المفضل في الجنس اللطيف وكذلك اللون الخمري والحد الزهري فكثير من غنانا السمح انشد في اللون الاسمر واللون الخمري وهما قريبان من بعض وهما بعيدان عن اللون الابيض او ما يعرف بعملية التبييض الحاصلة لفتياتنا اليوم والذي صرن يبزلن النفيس والغالي للوصول الى اللون الابيض وتبيض الوجه والبشرة التي احسن الخالق خلقها .. وكثير من شعرائنا غنو للون الاسمر والاخضر والزرعي وذكروه في اغنيات كثيرة على الرغم من اختلاف ذكره واختلاف كلماته واوصافه ولكنهم جميعا اراادو به اللون الاسمر والامثلة كثيرة وعليى سبيل المثال لا الحصر :
اللون الخمري والخد الزهري ------ السادة لونو خمري قلبي حباك ----- خداري ما بخلي وين الاخضر لونو زرعي ----- اسمر يا اسمر يا سكر ------ الليلة يا سمراء يا سماره الليلة يا سمراء ---- وهذا غير اغاني البنات التي تضمنت كثير من الغناء للون الاسمر والاخضر والخمري .
اسمر محمد عبدو لدي عرب العراق حنطي واشقر واسود الخلايجة اسمر مثلنا (الكوايته وجنوب السعودية وبعض المنطقة الوسطي ) اشهر السمر سيدنا عمر بن الخطاب وسيدنا علي وسيدنا عثمان
كان عمر: "رجلاً آدم (أسمر) مشرباً بحمرةٍ، طويلاً ، أصلع، له حفافان(شعر في ناحيتي الرأس)، حسن الخدين، والأنف، والعينين، غليظ القدمين والكفين، حسن الخَلْق، ضخم الكراديس (الأعضاء)، أعسر يسرا (يعمل بيديه جميعا اليمنى واليسرى)، إذا مشى كأنه راكب".
وقد اختلف الرواة في لونه، فالكوفيون يقولون إنه آدم شديد الأدمة أي السواد، والحجازيون يقولون: إنه أبيض مشرب حمرة وقد أخرج ابن سعد في طبقاته عن القاسم بن محمد قال: سمعت بن عمر يصف عمر يقول: "كان رجلا أبيض تعلوه حمرة طوالا أصلع أشيب".
وقد يكون الخبر الذي ساقه الواقدي صحيحا حيث قال:"كان عمر أبيض أمهق، تعلوه حمرة، يصفر لحيته وإنما تغير لونه عام الرمادة لأنه أكثر أكل الزيت، وحرّم على نفسه السمن واللبن حتى يخصب الناس فتغير لونه، ولا يُعرف عندنا أنّ عمر كان آدم إلا أن يكون (من وصفه بذلك) رآه عام الرمادة".
وإذا صحّ أنّ عمر كان شديد الأُدمة وأنا استبعده فلن يكون لونا غريبا على قرشيٍّ صريحِ النسب مثله، لأن علي بن أبي طالب وعثمان بن عفان رضي الله عنهما كانا يوصفان بشدة أُدمتهما وغيرهما من سائر العرب، وكذلك من جاء من بعد عليٍّ من نسله كموسى الجون فقد سمّي كذلك لشدة سواده، وقد كان الفضل بن العباس بن عتبة شديد الأدمة أيضا، وغيرهم كثير لا يسعني أن أحصرهم لكم في ه
01-11-2016, 08:15 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
الوصف اعلاه منقول من مقال وقد قرأت ذلك في العبقريات واظن ان لم تخني الذاكرة ايضآ في بعض كتب بنت الشاطئ وكتب السيرة ملأ بوصف الصحابة . جنون اللون الابيض أتي في عهد غلبة حضارة الغرب
وكما قال شاعرنا احمد محمد الشيخ الجاغريو ... اسمر لونو لان جسمو يزدري بالبروق فر بسمو ... ياخي عمرك سمعت بي اعنية للبياض كل الغناء كان للسمار والخدرة الدقاقه والناره حراقة ...
تحياتي : ياسر العيلفون .....
01-11-2016, 05:55 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
Quote: وما هو اللون الأسمر يا عاطف؟ غايتو في شغلنا في الأخبار، وتخفيفا عن اللون الأسود نقول: القارة السمراء، بدلا عن القارة السوداء، ونقصد قارة أفريقيا هناك عقدة نفسية عالمية من اللون الأسود، عقدة زحفت إلى اللا وعي الجمعي الكوني كيف بدأت؟ لا أدري
اللون الأسمر هو ذاك اللون الناتج كـ ( فرز أول ) Grade one لذاك التصاهر القديم بين العرب الذي قدموا من نواحي جزيرة العرب أو الأمصار أو بلاد الشام كل هؤلاء مع زنجيات أفريقيا القاطنات في السودان القديم ثم كـ ( فرز ) ثاني وثالث ورابع ..... إلى مالانهاية للتصاهر الناتج من عوامل التصاهر الأولي أعطاه أهلنا أسماء مختلفة ( أخدر ) ... زولي الأخدر إن شوفتو بخدر الأخدر الليموني
نعم ( هناك عقدة نفسية عالمية من اللون الأسود، عقدة زحفت إلى اللاوعي الجمعي الكوني ) لكن ما يقلقني هو العقدة النفسية التي زحفت إلى ( الوعي واللاوعي الجمعي ) لشاباتنا فأصبحن ( يفسخن ) بشرتهن وصولاً لـجمال ( متوهم )
توقفت كثيراً في رواية أوردها الصديق ود الموج ذات بوست أنه قد سأل شاعرنا الفحل إبراهيم العبادي عن أين أولئك ( الحور العين ) من نساء السودان اللاتي صورتهن أغنية الحقيبة بل أين كريماتهن أو حفيداتهن ليحظ بأيهن نسباً والواقع حوله كان يقول بأن ( كل شيء عادي ومافي شيتاً فايت الحد يستوجب تلكم الدرر العجيبة من الغناء ) يقول ود الموج أنه الشاعر العبادي قد فاجأه بالإجابة التي إستوقفتني
" يا ولدي كرري كملت الرجال ، النسوان والبنات كترو , كان لازم نقول كلام زى دا ( نروج ) ونعرس البنات ديل "
بغض النظر عن أي جوانب تاريخية قد تضعف الرواية إلا أن ما إستوقفني هو ( الحس المجتمعي ) العميق لدى الشاعر العبادي
وذات الحس المجتمعي هو ما أريد تحريكه في شعراء اليوم ما أشبه الليلة بالبارحة ويزيد ليل الليلة سواداً بالمفاهيم الجمالية والإستاندرز التي جلبتها ثورة الاتصالات
فمن يضع الرحمن في قلوب بناتنا ديل
Quote: مثلما غنى التاج مصطفى لخورشيد: أسمر خمري لونو حبيب في خديدو فصدة؟! هسي دا أسمر وخمري وفي خديدو فاااصدة، الفصدة دي بكون لونها شنو؟!
بالله لو ود دفعتك عندو الغنية دي كلمو ينزلها لينا أستاذ التاج دا من الفنانين المفضلين عندي
ود دفعتي اليومين دي مافاضي لينا ( نظام ) و ( تراجي ) قاليك
--------------------------
سي سي
المستنير أبوبكر
01-11-2016, 06:02 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
Quote: مثلما غنى التاج مصطفى لخورشيد: أسمر خمري لونو حبيب في خديدو فصدة؟! هسي دا أسمر وخمري وفي خديدو فاااصدة، الفصدة دي بكون لونها شنو؟! بالله لو ود دفعتك عندو الغنية دي كلمو ينزلها لينا أستاذ التاج دا من الفنانين المفضلين عندي
بس كدا ؟؟ يا بهجة حياتنا إنت يا ود الزبير
01-11-2016, 08:59 PM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
يا سلام يا عاطف ياخ تعرف التاج مصفى دا أول فنان أشوفو عيني عينك كنا مسافرين أبو حمد كان عايز يحيي حفلة هناك مطلع السبعينيات أيام القطر فوقو سيمافور أو سناتور ما عارف كان الناس يتناولوا طعام الغداء وهو يغني يا بهجة حياتي وصااالك ساعتو يآاتي وأنا طفل غرير أسمع من يكتب عن التاج مصطفى؟!
01-12-2016, 00:42 AM
يحي قباني يحي قباني
تاريخ التسجيل: 08-20-2012
مجموع المشاركات: 18742
زمان أبو عبيدة حسن طول الله عمره كان عنده اغنية بقول فوقها :
خدرا و صفرا و حمرا ... تختااار فيهن ياتا ؟
فبالله كل فوله و ليها كيالها ...
عبد الرحمن الريح لو كان قاعد معانا هنا في الصيف ما كان كتب خداري ...
فـــ فكونا من حكاية اللون دي ... الدايرة تتمسح تتمسح بطريقتها ...
و بمناسبة خداري ...
قالوا عمكم عبد الرحمن الريح ( هذب كلماتها ) و داير اديها للتاج مصطفى و ناداهو ... لما التاج وصل قريب من باب الديوان سمع عتيق بقول لعبد الرحمن الريح القصيدة دي جميلة جداً و التاج لسه فنان مبتدئ ... لازم تديها لحسن عطية ... ولما التاج دخل عليهم عبد الرحمن الريح اداها ليهو فقال التاج و الله لو غناها الأستاذ حسن عطية يكون افضل لان صوته متناسب مع الكلمات دي ... و يقال انها كانت سبب الصداقة الحميمة بينهما ...
و الله أعلم ... اهو كلام بنسمعه :)
كدي ما نسمعها منهم الاتنين :
01-12-2016, 02:05 AM
يحي قباني يحي قباني
تاريخ التسجيل: 08-20-2012
مجموع المشاركات: 18742
Quote: العقدة العالمية ما بعرفا .... لكن نحن عندنا العقدة دي واضحة، فبدلاً من الأسود نقول (أسمر - أخضر - أزرق) مصيبة - لكنها واقع - ربط الجمال باللون الأبيض، رغم إنو مزاجنا يرى جمال اللون الأسمر.
أنا قادر أستوعب أن مسألة ( أسمر - أخضر - أزرق ) مرتبطة بثقافات إثنيات وجغرافيا السودان أو أنها ( درجات ) في اللون . لكن المصيبة الحقيقية هي كما تفضلت في ربط معايير الجمال باللون الأبيض ( حصرياً ) والمصيبة الأكبر في تصديق شاباتنا لهذه المصيبة والتنكر لإرثهن وطمس مصدر جمالهن الحقيقي وهو لونهن الرباني
01-12-2016, 05:21 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
Quote: هناك مقولة بتقول وما تسألوني جبتها من وين لاني ما عارف المهم بتقول انو كلما زاد اسمرار بشرة الفتاة كلما كانت بشرة هذه الفتاة ناعمة وزادت ليونة الجسد وطغت الانوثة على ملامحها ودي هي الحاجات الخلت شعراءنا زمان يتجرسو ويبكو في اللون الأسمر بكل مشتقاته اخدر وخمري وغيره
عاطف عمر وشركاه اتخيلوا اجتماع صوتين كابلي وابوداؤد او ما يسمى بتقفيل اوزان الصوت العشرة .. بارتون كابلي + بارتون (باص) ابوداؤد .. يعنى مدى صوتي ماعندنا ليهو قدرة اجتمعوا الاتنين فوق خشبة المسرح وغنيا سويا اغنية (اجري يا نيل الحياة) كان الاداء مذهلا بل خرافيا .. اهتز الجمهور طربا حتى رقصت خشبة المسرح بعد التصفيق الذي استمر يا عاطف ياودعمر طويلا طويلا طويلا .. لم تفت روح النكتة عن ابوداؤد ولا سرعة البديهة .. اول ما عاصفة التصفيق هدأت قليلا قال : (آآآ ؟ شابكننا اولاد امدرمان اولاد امدرمان !! شوفو اولاد بحري .. بلاك اند وايت black and white
01-14-2016, 12:52 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
تحياتي وسلامات عزيزتنا إخلاص المشرف ... وشكري الجزيل على تواجدك الثر أنا ( أبو بنات ) لقد عودتهن من صغرهن أن يتحملن مسؤولية إختياراتهن الملابس كانت البداية.... وضعت لهن الإطار العام وتركت لهن حرية التحرك بداخله ..... عندما بلغت كبراهن مرحلة المراهقة ، تناقشنا المدام وأنا ووحدنا خطابنا وجمعناهم حدثناهم عن صرعة اليوم المتمثلة في تبييض اللون حدثناهم بما يقنع عقولهم أطلعناهم على الصور وعلى مقالات الأطباء ، أطلعناهم على القصص المأساوية التي نقلتها لنا الصحافة شكرنا الجزيل لعمنا قوقل حدثناهم عن الخيارات الإلهية لنا شكلاً وموضوعاً ... يسعدني كثيراً أن أراهن اليوم ( مناهضات ) وبعزم لمحاولات زميلاتهن ( تبييض ) ألوانهن
Quote: جنون اللون الابيض أتي في عهد غلبة حضارة الغرب
نعم وذهبنا كالقطيع مصدقين
تشكرات
01-15-2016, 07:03 AM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
Quote: تعرف التاج مصفى دا أول فنان أشوفو عيني عينك كنا مسافرين أبو حمد كان عايز يحيي حفلة هناك مطلع السبعينيات أيام القطر فوقو سيمافور أو سناتور ما عارف كان الناس يتناولوا طعام الغداء وهو يغني يا بهجة حياتي وصااالك ساعتو يآاتي وأنا طفل غرير أسمع من يكتب عن التاج مصطفى؟!
وهذه مساحة أخرى نلتقي فيها لم يكن التاج مصطفى أول فنان أراه لايف .... لكنه يرتبط و ( بهجة حياتي ) يرتبطان بذكري عزيزة ..... ذكرى أول ليلة أقضيها في منزل أصهاري في ( حلة حمد ) بالخرطوم بحري وأنا ( صاحب حق ) .... عدنا يومها من شهر العسل .... كانت الغرفة مرتبة ومجهزة بتلفزيونها الخاص وبعد وداع آخر القادمين المهنئين لنا بسلامة العودة من شهر العسل ولجنا لغرفتنا لننام ذهب لأطفئ التلفزيون ( حيث لا ريموت أيامها ) وعند وصولي للتلفزيون بدأ التاج مصطفى في شدوه بهذه الأغنية نعم كنت قد سمعتها قبل ذلك اليوم عشرات بل قل مئات المرات لكنها كانت في تلك الليلة تحمل طعماً ومذاقاً مختلفين وهكذا ظلت ..... حتى اليوم
01-15-2016, 04:16 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
Quote: زمان أبو عبيدة حسن طول الله عمره كان عنده اغنية بقول فوقها : خدرا و صفرا و حمرا ... تختااار فيهن ياتا ؟ فبالله كل فوله و ليها كيالها ... عبد الرحمن الريح لو كان قاعد معانا هنا في الصيف ما كان كتب خداري ... فـــ فكونا من حكاية اللون دي ... الدايرة تتمسح تتمسح بطريقتها ...
نعم يا قبة كل فولة وليها كيالها ولكن ...... السودان هذا البلد المزيج بلد متعدد الإثنيات والألوان والأمزجة وهذا التعدد هو مصدر قوته أو هكذا يفترض أن يكون ولأجل هذا البوست ونحن نتحدث عن الألوان وحيث أن المعلوم بداهة ومشاهدة بأن اللون الأسمر - بأى من درجاته - هو اللون الغالب على أهل السودان دون أن ينقص ذلك من حقوق أصحاب اللون الأبيض نود أن نبعث برسالة ( تطمين ) لصاحبات الألوان السمراء ( بجميع درجاتها الخدراء والخمرية .... ) بأن ألوانهن لا تنقص جمالهن مثقال خردلة ، بل يوجد من يفضله هكذا أسمراً إن قل أو عز أو ندر الغناء لصاحبات اللون الأبيض فليس معنى هذا أنه يوجد ثمة قدح في سودانويتهن أو جمالهن - لا سمح الله - بل ذاك يعني أنهن لا يحتجن لهذا فهن وبلغة التجار Fast moving
نود أن نقول لصاحبات اللون الأسمر ( وهن الغالبية ) بأن مصدر جمالهن هو في لونهن ( الطبيعي ) الأسمر المحاولات التي يقمن بها لتغييره لا تعدو أن تكون تشويهاً وضرراً صحياً ورهقاً إقتصادياً لهن ثم وبعد ذلك لا يتحقق لهن أي مطلوب
الأبيض جماله في بياضه والأسمر جماله في سماره يتحقق الضرر إن حاول أيهم القفز لمساحة لم تخصص إلهياً له فصدقاً كل فولة و ليها كيالها
01-15-2016, 04:19 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
Quote: عاطف عمر وشركاه اتخيلوا اجتماع صوتين كابلي وابوداؤد او ما يسمى بتقفيل اوزان الصوت العشرة .. بارتون كابلي + بارتون (باص) ابوداؤد .. يعنى مدى صوتي ماعندنا ليهو قدرة اجتمعوا الاتنين فوق خشبة المسرح وغنيا سويا اغنية (اجري يا نيل الحياة) كان الاداء مذهلا بل خرافيا .. اهتز الجمهور طربا حتى رقصت خشبة المسرح بعد التصفيق الذي استمر يا عاطف ياودعمر طويلا طويلا طويلا .. لم تفت روح النكتة عن ابوداؤد ولا سرعة البديهة .. اول ما عاصفة التصفيق هدأت قليلا قال : (آآآ ؟ شابكننا اولاد امدرمان اولاد امدرمان !! شوفو اولاد بحري .. بلاك اند وايت black and white
أولاً بالتبادي عجبتني جداً كلمة ( شركاه ) دي وأنا قد استعملتها كثيراً لأنني أرى صدقاً أن المتداخلين في البوست - أي بوست - هم شركاء أصيلين فيه يفقد البوست معظم قيمته دون مداخلات هؤلاء الشركاء
ثم موفور الصحة والعمر المديد لأستاذنا الكابلي .... و سلام على أبي داوود في الخالدين وهو يقدم المثال الأنموذج في ( التصالح اللوني )
وعلى ذكر التصالح اللوني فقد راجت طرفة لا أدري مدى صحتها .... صداقته للرئيس السابق جعفر نميري قد مكنته من الذهاب إليه هكذا دون موعد .... ذهب ذات مرة للرئيس في مباني الإتحاد الإشتراكي وجد خلقاً كثيرين جالسين فجلس لمحبة الناس له قدموا له كرسياً في الصفوف الأمامية بعد هنيهة قام كل من في الصف الأمامي يقدم نفسه ( فلان الفلاني .. ممثل افئات الفئوية بالخرطوم ، فلان الفلاني ممثل شنو كدا جنوب دارفور ، فلان الفلاني ....... ) أتاري الشغلانية كانت مؤتمر سنوي للاتحاد الإشتركي
عندما وصل الدور لأبي داوود لم يتردد فوقف مقدماً نفسه
" عبدالعزيز محمد داوود ... ممثل ( السواد ) الأعظم السوداني "
ولك شكرنا الجزيل
01-16-2016, 07:27 AM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
ونواصل على ذات الايقاع بمعية عاطف عمر وآخرين ايقاع معدل في الوسط النيلي .. ايقاع مرجان البسيط وهذه المر لون عاطف الاسمر بصوت بارتون العصر والزمان كابلي كائن لونو اسمر .. و كل الشافو انكر .. غيرو يكون في سُكر نجي لى حسن عطية ... دون ادنى تعليق يا اسمر يا رمز الضياء انت حياتى يا فاهم يا دارس معنى الحياة و مع لونك الاسمر ورد الخدود محمر لا بودرة لا احمر الوان محاسنك زى ماءالحياة ماشوهوك بفصادة على الخدود السادة طبيعى خلقة ربك ما دايرزيادة
01-16-2016, 02:33 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
حنان النيل وما ادراك ما حنان النيل الصوت الالطو المسنكب .. مما استدعى وردي ان يستعين بها في اغنياته الكبيرة حنان غنت بالطنبور اغنية من كلمات الشاعر الحنين الرقيق جدا السر عثمان الطيب الخرطوم بدونِك!! ضهباني .. وتفتِّش لى واحات عيونِك تاهَت في الهجاير باهِت لون جبينا تتلفَّت تعايِن مالي الشوق عيونا السُّمرة الأصيلة .. وايَّاما العوابس هجرات الغمايم
01-16-2016, 03:33 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
سيدنا أبو عركي البخيت ومحمد حسن دكتور جابوا السمار كلو في أغنية .......... نوبية
نوبية يا حلاتك والله يا نوبية زهرة غاردينيا ورمانة في خدود أمورة أبنوسية ورقصة زاندية كاكاوية بتراقص نسمة خريفية ونغازل الليل والليل شقيان في عيونك والله يا نوبية الله واي الليل ------------ وتشيلنا الخصلة الرقاصة لدريار الفرس الفارسية ونتوه في البسمة الرقاشة بطفولة برئية وحنية وتجيبنا الشامة الوناسة لدروب غابات أبنوسية ----------- والنخلة الباكية على الجدول تشتاق لعيون حلوة ندية والموجة الراحلة على الساحل شايلاها ضفاير النوبية والصدفة النايمة مع الرقشة خاتفاها البسمة اللولية والخصلة التايهة على الخدين عربيدة عنيدة وصوفية
ونغازل الليل والليل شقيان في عيونك والله يا نوبية الله واي الليل بلدينا واي الليل
01-17-2016, 09:33 AM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
Quote: يا عاطف ما تخاف سوف يبقى الأسمر فينا ما بقى السودان شايف في جمعية نشطة جدا بدأت في كلية الصيدلة لمحاربة التبييض والدعوة للاحتفاظ باللون الطبيعي بس المشكلة فيها واحدات بيض (لون فاتح أكثر شوية من الخمري) ما عارف يقنعن السمراوات كيف
دا خبر جميل جداً أن يبدأوا متاخرين خير من أن لا يبدأوا إعلانات التبييض بالجد أصبحت مخيفة والأسوأ منها أنها ممارسات تتم بعلم السلطات الطبية ويروج لها بواسطة أجهزة الدولة الإعلامية المقروءة والمسموعة والمرئية لا أحد يتوقف في الأضرار الصحية والنفسية الناتجة عنها
Quote: بس المشكلة فيها واحدات بيض (لون فاتح أكثر شوية من الخمري) ما عارف يقنعن السمراوات كيف
ذكرتني زماااااان واحد من أصدقائنا وإبن أحد ( أثرياء ) رفاعة كان شيوعي لم فيهو واحد من الشيوعيين المفلسين قال ليهو " نحن عاوزين نعمل ثورة بروليتاريا عشان نقاسمكم قروشكم ، تقوم تبقى معانا " الراجل طلع ظريف رد عليهو " براكم كدا ، لو قعدتو مليون سنة ما حتعرفوا أبوي داسي القروش وين ، أنا ح أساعدكم في ( الحتة ) دي ؟؟ "
01-18-2016, 11:43 AM
بابكر قدور بابكر قدور
تاريخ التسجيل: 02-26-2013
مجموع المشاركات: 1561
أخي عاطف لك الود والتحايا الطيبات ولضيوفك الكرام كثير الود والتحايا .. أتابع معك هذا البوست الشيق وأعتقد أن تبييض اللون لا يعدو أن يكون ظاهرة أملتها ظروف معينة ولن تؤثر في الأصل المتجذر فينا والذي عمقه شعراءنا رمزاً وإبداعاً في وجداننا .... مرة أخرى لك ولضيوفك الود والتحايا الطيبات ....
01-18-2016, 12:46 PM
aydaroos aydaroos
تاريخ التسجيل: 06-29-2005
مجموع المشاركات: 2965
تحاياي لعاطف والمشاركين ويا معاوية الزبير كلام ابو العزائم صاح ، الخُمري لونه من الخُمرة وليس خَمري من الخمرة. وفي شوفي وشوف ناس التلوين كان سألتوهم الأسود صاح فيهو درجات كتيرة جداً وعشان كدا السودانيين في تفصيلهم ليهو ما غلتانيين: وألوانهم بي تبدأ من أبيض ، أصفر، أسمر، خمري، أخدر، أزرق لحدي الأسود.
شكراً عاطف
01-18-2016, 04:32 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
Quote: سيدنا أبو عركي البخيت ومحمد حسن دكتور جابوا السمار كلو في أغنية .......... نوبية
محمد الحسن دكتور ؟؟ رحم الله هذا النوبي الجميل زاملته عملاً في إدارة المباني ببلدية دبى وجاورته سكناً لمدة جاوزت العقد من الزمان يا لهذا البشر المعطون إبداعاً وظرفاً وشاعرية
01-19-2016, 06:31 AM
بابكر قدور بابكر قدور
تاريخ التسجيل: 02-26-2013
مجموع المشاركات: 1561
Quote: ويا معاوية الزبير كلام ابو العزائم صاح ، الخُمري لونه من الخُمرة وليس خَمري من الخمرة.
الإخوان عاطف وعيدروسوشركاء المداخلة المقتبسحلوة جداً شركاء دي .. فقد اقتبستها من تعليقك وفكرتك ياعاطف .. أعتقد جازماً أن اللون الخَمْرِيْ بفتح الخاء هو الذي قصده شعراءنا وليس اللون الخُمْرِيْ بضم الخاء .. حيث أن عبارة (اللون الخمري) كما أشار إليها البروفيسور عون الشريف قاسم من فصيح الكلمات في عاميتنا وذلك تحت باب "خَمَرَ" ناهيك عن أن الخُمْرَةَ نفسها لونها خمري .. وأن معناها كما جاء في معجم المحكم والمحيط الأعظم تحت باب الخاء والراء والميم – مقلوبه خمر – وقيل الخُمْرَة والخَمَرة الرائحة الطيبة وامرأة طيبة الخِمَرة بالطيب .. وجاء تحت نفس الباب: ولون خمري يشبه لون الخمر وجاء في معجم تاج العروس وعنب خمري: يصلح للخمر ولون خمري يشبه لون الخمر وقد تعرض بيتر رينهارت صاحب معجم تكملة المعاجم العربية للون الخمري .. فقال: خَمْرِيّ له رائحة الخمر ولونها .. وزاد: وخَمْري (عند أهل المغرب): أسمر ضارب إلى السواد, أسمر غامق .. وفي ابن البيطار: وأزهرت زهراً خمري اللون .. وكذلك هو عند أهل الشام لأن صاحب (محيط المحيط) يقول: الخَمْري من الألوان الأسود الضارب إلى الحمرة كلون الخمر الأسود.. إنتهى وجاء في معجم الغني برقم 727 خَمْريٌ,ةٌ: منسوب إلى الخمر "هو خمري اللون" يميل لونه إلى الأسود الضارب إلى الحمرة .... وهكذا ستجد أمر اللون الخمري في كافة معاجم اللغة العربية ....تحياتي لكم جميعاً ....
Quote: أخي عاطف لك الود والتحايا الطيبات ولضيوفك الكرام كثير الود والتحايا .. أتابع معك هذا البوست الشيق وأعتقد أن تبييض اللون لا يعدو أن يكون ظاهرة أملتها ظروف معينة ولن تؤثر في الأصل المتجذر فينا والذي عمقه شعراءنا رمزاً وإبداعاً في وجداننا .... مرة أخرى لك ولضيوفك الود والتحايا الطيبات ....
أثق أنك سوف تصدقني لو قلت لك إنك كنت في بالي - ضمن آخرين - وأنا أعد مادة هذا البوست معرفتك الوثيقة وجهدك غير المنكور بمسيرة الغناء في بلادنا نعم أتفق معك بأن ( تبييض اللون لا يعدو أن يكون ظاهرة أملتها ظروف معينة ولن تؤثر في الأصل المتجذر فينا والذي عمقه شعراءنا رمزاً وإبداعاً في وجداننا .... ) فها نحن هنا بهذا الجهد المتواضع نود أن نقدم جهد المقل مساهمة في حماية شبابانا من هذه ( الظواهر العابرة )
01-19-2016, 07:22 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
Quote: ويا معاوية الزبير كلام ابو العزائم صاح ، الخُمري لونه من الخُمرة وليس خَمري من الخمرة.
أشكرك يا عيدروس لحسن الظن.
لكن إحقاقاً للحق، لم يدر بخلدي تأويل الأمر للخُمرة ... فإذا كان كلامك صحيحاً لا أحب أن يُنسب لي. ما ظننته (وأظنه الظن الأعم) أن اللون منسوب للخمر (تلك التي تُشرب فتذهب العقول) ... فقط ناكفت أخانا معاوية الزبير في مسألة لون الخمر المقصود عندما أشار للون الأصفر.
تحياتي
01-20-2016, 03:30 PM
aydaroos aydaroos
تاريخ التسجيل: 06-29-2005
مجموع المشاركات: 2965
تحياتي ومحبتي الأخ الوريف الباشمهندس عاطف عمر وسلامي لزوارك السمحين اللونين الخُمري والخَمري ، كلاهما وارد في شعر الموروث اللون الخَمري وارد في شعر الدوبيت بنقاء الخمر الشاعر المجيد الأديب إبراهيم الدلال لونِك خندريس الدَنو وصفك حيَّــر الشعرا وجرارْقْ الفنْ لو يجمعنا لو كان فى الخيالات كــــّن طمبور شوقنا بى مـٌـر المواجيد أن ْقارحٍك سوى ليهو مـَصــَـنْ وسِــربِـك واقَع النقعه ونهارِك صَـــنْ بعد الهجعه عسَّافك نطرنا وبــَـــنْ واحيا كيان عشوقاً زى عقاب الشــــــــَنْ أيضا هذه الرباعية وردت بروايتين واحدة: أصفي من المدام في كاسو لمحة لونِك وأخطر من خراج الروح عليَّ عيونِك أمَّا الخُمري من الخُمرة، فورد في شعر العذاري، إن كان جراري، أودلوكة: السيرة ليكم جملة والبذُّور قزاز الخُمرة البذُور من البذر وهم الصبيان لكن ياعاطف أخوي أني عاجباني خُدرتنا الدقاقة، الشاعرحنفي حاج الطيب: ماخده قوام قنايه وخضرة السَّنَمَكَه وراحْتِك ونوم عيون العاشق البِتبَكّا فى زول فاقدك سرف عينيهو ما بِتْوَكا يا ام إسما مقام جبلاً قريب لى مكّه شوف تشبيه الشاعر ل "خدرتنا" ب لون السَّنمكة في أوائل التسعينات قرأت ديوان شعر جميل بعنوان "سمراء لا تتعجلي" لشاعر إسمه محمد علي"الطيناوي" وإن لم تخونني ذاكرتي فهو من مدينة "الطينة" بدارفورالخليجين يطلقون علي السواد"الأسمر" الشاعر السعودي نايف صقر: (الخوف يجتاحني وجه الطريق أسمر مضي أكثر العُمر ياخوفي عل الباقي) معزتي الصادقة وشكرا علي البوست الجميل التعديل كان لتصحيح كلمة نايف
(عدل بواسطة عبيد الطيب on 01-24-2016, 05:29 AM) (عدل بواسطة عبيد الطيب on 01-24-2016, 06:55 AM)
01-24-2016, 04:05 AM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عاطف عمر
معاوية الزبير
أبوبكر عباس
محمد أبوالعزائم أبوالريش
جلالدونا
ياسر السر
يحي قباني
Ahmed Alim
Ahmed Yassin
حمد عبد الغفار عمر
بابكر قدور
aydaroos
لؤى
عبيد الطيب
فيس بوك
تويتر
انستقرام
يوتيوب
بنتيريست