الشمالية المشرقة - اشتياقى لجناينها - ولتمودا ومشرقا !!

كسلا الوريفة يحاصرها الموت
الوضع في كسلا يحتاج وقفتنا
مواطنة من كسلا توضح حقيقة الوضع في المدينة و اسباب وباء الشكنغونيا حمي الكنكشة - فيديو
كسلا..يا(علماء السلطان) تحتاج الدواء وليس الدعاء! بقلم بثينة تروس
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 26-09-2018, 01:05 AM الصفحة الرئيسية

مكتبة سكينة كمبال(ست البنات)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
21-12-2006, 12:41 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


الشمالية المشرقة - اشتياقى لجناينها - ولتمودا ومشرقا !!

    سلام وحبابكم الف -

    تعالوا النستريح شيوييى هينى من الساساق والهرجى الجاييى يقصر عيميرنا دا ...

    ونصد تانى للعووى -- نان باقيلكون بنقدر نخلى حقوقنا ومتراتنا ?

    نان الزول بس كان شالولون منو فد انقاييى النوم يضورو ليه حولين !

    عاد كيفن ان الأنقاييى بقت بلدا كبير وماهو هيين ???

    والا اقولكون تعالوا النقعد فى ضل الضحا دا من القيالة دى -

    قلبنا جاء يقع فى الواطا دى من الجوع ! أقعدوا النفك الريق ونقوم على

    الناس ديل نزازيهون بس لامن نمسخا ليهون ويقولوا يا ميندايم !!!

    ست البنات .

    واريتها المشاكل والعكومى فى عصار أمس !

    ست البنات .
                   |Articles |News |مقالات |بيانات

21-12-2006, 12:57 PM

فدوى الشريف
<aفدوى الشريف
تاريخ التسجيل: 14-09-2006
مجموع المشاركات: 5361

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    اشتقت ليك ورجع لقيت كل البلد تسال عليك
    نوار بريسمنا التحت قال مشتهيك
    شخلوب سبيط المشرق المشتاق كان دايرك تقبلوا او يقبل وجتيك
                   |Articles |News |مقالات |بيانات

21-12-2006, 02:37 PM

ملكة سبأ
<aملكة سبأ
تاريخ التسجيل: 18-06-2003
مجموع المشاركات: 3853

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    الشوق يابلد ضوّق قليبي المُرة
    من زمنا طويل ناوي القيام والسفرة

    وياست الناس ماليك شبيه بالمرة



    تعالو اتبركو فوقي ياستهن لاني طاري البلد

    والعيد هناك كان الله هون
                   |Articles |News |مقالات |بيانات

21-12-2006, 02:47 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    دار ابوك الليلة عيدها
    وفرحت امك بي جديدها


    بلالي متين يجي آآيمة
    نركب البيسابق الريح
    نمشي في الخرطوم نستريح
    الخدامة تسوي التبيخ
    وكل جمعة نزور الضريح
    بلالي متين يجي
                   |Articles |News |مقالات |بيانات

21-12-2006, 03:08 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    الملكة بت الملوك - ملكة سبأ !

    مشتهيى لمتكون دى ليى زمون !

    وواحلالى منك يالشايلى البلد تعييدى فيها !

    الرسول تسلميلى عليهون زول زول - وتمرة تمرة - وساقى ساقى - ومترا مترا !

    وتقوليلون مشتهاكون وقليبى مقطوع عليكون بس من يوم فارقتكون !

    وتمشى وترجعى بالسلامى - طلبتك بالله تجيبيلى سبيطى اللات مدينييى - وكديندايى -

    وان قبضتيلى دونان عوكر الالعبو بس بارك الله فيكى .

    ست البنات .
                   |Articles |News |مقالات |بيانات

21-12-2006, 03:36 PM

Nadia Elsir

تاريخ التسجيل: 26-12-2005
مجموع المشاركات: 1396

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    خليت البلد قربت لى حولى

    كان انسى الحصل يا حسرة بتزولى

    غرقان بالعرض فى الذكرى بطولى

    لو زول بنسى روحو آ خلى قولو لى

    كل ما اقول خلاص انسى البى دوبا

    خليت الفريق كجنتو يا ام روبا

    القى العين تفيض و الدمعة مسكوبة

    الزول بفوت اليهو مكتوبة

    لو فى زول بفوتها آ خلى قولو لى



    حباب بنات و ولاد شايق و زى ما قالت الحبيبة ست بنات تعالكم نجم شوييييي و بعداك الفياها الخير بتبقى !!!!!!!!



    نادية السر
                   |Articles |News |مقالات |بيانات

21-12-2006, 05:32 PM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)
                   |Articles |News |مقالات |بيانات

21-12-2006, 06:28 PM

yasiko
<ayasiko
تاريخ التسجيل: 05-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)



    سلام
    وكل سنة وانتي طيبي

    Quote: طلبتك بالله تجيبيلى سبيطى اللات مدينييى - وكديندايى –


    تسلم يا أستاذنا عادل
    لك الشكر على هذه الدرة
    اسمح لي أن اضعها في هذا الشكل

    الملكي
    سلام
    وكل سنة وانتي طيبي
                   |Articles |News |مقالات |بيانات

21-12-2006, 07:12 PM

nourelhadi awad

تاريخ التسجيل: 24-10-2006
مجموع المشاركات: 1111

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    ياناس مالكم علينا
    لا تخربوا طبعنا
    أصلو خربان
    خليتوني أشتري كرت أبو ميه
    بس عندي مشية الجمعية
    وصادي فوق دوبي
    أرجوني ماتفوتوا
    ودعتكم الله صاحب الوداعة



    نورالهادي

    (عدل بواسطة nourelhadi awad on 21-12-2006, 10:46 PM)

                   |Articles |News |مقالات |بيانات

21-12-2006, 07:30 PM

Sahar Abdelrahman
<aSahar Abdelrahman
تاريخ التسجيل: 04-08-2003
مجموع المشاركات: 517

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: nourelhadi awad)



    العزيزة ست البنات...سلام

    مفرداتك حنينة ذكرتني أهلي الطيبين الذين أشتاقهم كثيرا...

    مع معزتي

    سحر


                   |Articles |News |مقالات |بيانات

22-12-2006, 04:05 AM

yasiko
<ayasiko
تاريخ التسجيل: 05-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    خليتوني أشتري كرت أبو ميه
    الاخ نور الهادي

    انا حا اخليك تقطع تذكرة الان

    رمال حلتنا
    عبد الرحيم البركل

    (عدل بواسطة yasiko on 22-12-2006, 04:22 AM)

                   |Articles |News |مقالات |بيانات

22-12-2006, 06:14 AM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    العزيزة فدوى - سلام ومرحببك !

    وحات الختم شخلوب دى رجعتنى للبلد حفيانى !

    وطررتنى ناسنا السمحين اللواحد فيهون ان بقى بيحش فى تمرو يحلف عليك بيسيدى عيللى تضوقلك شخلوب من تمرو - لامن ان بيقيت صايم فحال طيبتو بس تفطر !

    ولا تمشى بعيد شى !

    ومرحببك .

    ست البنات .
                   |Articles |News |مقالات |بيانات

22-12-2006, 07:11 AM

يحيي مصطفي
<aيحيي مصطفي
تاريخ التسجيل: 21-03-2005
مجموع المشاركات: 305

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    الأخت ست البنيات
    كيفنك ولعلك بخير
    والله الشوق بحر
    دخلت للتحية والمجاملة واسترجاع
    بعضا من الزمن الجميل الذي مضي
    وجدت هذا الخيط مفعما برائحة
    الجروف والسواقي ومحنة وطيبة
    أهلنا الحنان.
    التحايا لأهلي علي ضفاف النيل وهم
    يحيلون الأرض اليباب الي خضرة رغم
    حيتان الجبايات والرسوم التي
    تمتص عرقهم وجهدهم في نهاية كل
    موسم
    ودعتك الله
    وفي أمان الله
    يحيي
                   |Articles |News |مقالات |بيانات

22-12-2006, 07:25 AM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    الأخت نادية حبابك وحباب طليتك -

    الرسول جبتى النضم السمح دا من وين يا أخيتى ?

    لا تفوتى البكان دا ضومة .رسول الله قالك ان ما جيتى صادى تانى لا عشييى .

    ست البنات .
                   |Articles |News |مقالات |بيانات

22-12-2006, 07:36 AM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    اخوى طارق جبرين - سلام - ونعلك طيب والمعاك نعلهون طيبين ???

    واتارينى أشوف النور البيشلع واقول يا ربى القمرة الليلى مرقت ولا دى رتاين جدى ود حماد !

    ودحين أوعك تخلى بيكيينا دا (تعاللى جاى الأخاليك فى اضانك ) باقى جايبلنا تميرات

    وترمس - لا يفوتنك شى !

    ست البنات .
                   |Articles |News |مقالات |بيانات

22-12-2006, 07:46 AM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    عادل ود عيتمان اخوى !

    يا يابا زارنا النبى وسيدى الحسن !

    نان عاد الليلى بس زى اتكنننا شيلنا البلد !

    كيفنك يا اخييى - ونعلك طيب ?

    وربى يجعلها ليك سنة سمحى وسعيدى .

    ست البنات .
                   |Articles |News |مقالات |بيانات

22-12-2006, 07:53 AM

raheemsudani
<araheemsudani
تاريخ التسجيل: 24-02-2003
مجموع المشاركات: 522

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    ستنا كل سني وانتي طويبي
    يا حليلك يا الحنيني
                   |Articles |News |مقالات |بيانات

22-12-2006, 07:53 AM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    ياسيكو الوليد العيدييل وزين !

    حبابك وحباب طنابيرك ودليبك - وامانى عاد ما فرحتنا ربى يفرحك دينى واخرى !

    وكمان ان لقيتلنا عبد الرحيم البركل بس تتملنا الناقصى !

    وكتر خيرك وربى ياسع ايامك .

    ست البنات .
                   |Articles |News |مقالات |بيانات

22-12-2006, 08:03 AM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    نور الهادى سلام ومرحبتين -

    نان قالولك نحنا البينا هينى ?

    قلبنا مو مقطوع عليى البلد - عيللى يا الغربى انشاءالله تعقرى !

    وبس ترا قعادنا سوا دا ياهو المخفف علينا المغاييس !

    ست البنات .
                   |Articles |News |مقالات |بيانات

22-12-2006, 09:10 AM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    الأخت سحر - حبابك يالجابتك الحينييى !

    والله نحنا اصلنا عندنا تلاتى :

    الشعر - والتمر والحينييى !

    وان بقت واحدى فيهن راحت مننا واطاتنا اصبحت !

    وسلامين ومرحببك .

    ست البنات .
                   |Articles |News |مقالات |بيانات

22-12-2006, 09:15 AM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    يحيى مصطفى والله الشوق بحور - ويا مراحب -

    ومشتاقين للأخت سونا !!!

    ويين الحى بيك ? تكون غاتسلك فوق سبايط موز ولا شخلوب دفيق !

    وما تنقطع مننا -

    ست البنات .
                   |Articles |News |مقالات |بيانات

22-12-2006, 10:26 AM

nourelhadi awad

تاريخ التسجيل: 24-10-2006
مجموع المشاركات: 1111

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    قـتــــــــــــــــــيييتة
    وجميلة زي بلدي
    اكان عندك تمر بليهو
    ياني جااااي جاااايي
    كوني بخير
    وتمرة درب
    سأعود
    نورالهادي
                   |Articles |News |مقالات |بيانات

22-12-2006, 10:44 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    ياي ياسيكو
    قطعت نفسنا عديل كدة
    ياخي يا رمال حلتنا دي خلتني اطير لا فوق واطير واندق


    طارق جبريل
    البركل (سبا)-الرباط - المغرب
                   |Articles |News |مقالات |بيانات

22-12-2006, 10:47 AM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    رحيم سودانى !!!

    اتارينى من قبيل أقول يا ربى الناقص هينى شنو خلا البوكان مسييخ كدى !!!

    يا يابا تحلالك العافى - وسنة بخيتى وسعيدى عليك وعلى المعاك - ونرجاها تامين وطيبين .

    ودحين ما شفتلى اخيتى منى بت خوجلى ?? قالوا فيحال جابولها توب كيريبيشين لعرس بينيتا -

    وجابولها كركب وطيرقى - باقيلى انفلهمت - وبيقت بس ماب تجينا ضوومة بى هينى !

    قولها ست البنات قالتلك مبروك عليى البينييى وبخيت وسعيد عليها - وقولها كمان اكان جيبتيها بى هينى

    تاكللها ديفيقات وترمس معانا يرومينلها عيضيمها دا !

    وسلملى عليهن وعليى خالتى جارة .

    وفى امان الله .

    ست البنات .
                   |Articles |News |مقالات |بيانات

22-12-2006, 11:10 AM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    نور الهادى محببك -

    وامغايسى يا يمة ! نان انا بيقولوا عليى غتيتى كيفن ???

    أكنك ماك عارفى اهلنا بس أولا بالتبادى وكت فطمونا حظرونا من شيتن اسمو الغتاتى دا وححدو ???

    ان بقيت التمرات المبلولات للشربوت - بس قول ليى منى اخيتى - كبيقون الليل الشربوت الليل عرس بتها

    لليلى ما كفوا وما غسلو - عيللى ان بقى ود القرير ولا حبيب نورا مقيليين معاهم بس يكونوا قضوا

    عليهو - باقى بس الليلى ضوممة ما جونى بيى هينى ! أسع يبقى نضمى دا يجيبون فسراع !

    ست البنات .
                   |Articles |News |مقالات |بيانات

22-12-2006, 07:46 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    سمحين نحنا

    زى شتلات تمرنا

    نايرين

    ****

    وحنيتنا

    أصلها من اصلنا

    وقالوا كمان

    معانا من اتولدنا

    ****

    نادية خدودنا

    زى خضرة جرفنا

    والنيل

    ****

    وطباعنا السمحى

    ما فينا

    الميطيليق

    ****

    مستورات عروضنا

    نفرج الضيق

    ****

    بنياتنا السماحى

    ترارى فوقن

    زى صيد الخلا

    قدلا مشيهن

    ****

    واماتنا شلوخن

    فوق وشيهن

    علامتنا القبيل

    ختمت جبينن

    تعرف الواحدى

    ماب تتغابى فيهن

    ****

    سمحين نحنا

    ما فينا البعاشيم

    ولا فينا القبيح

    قدومو مترين

    ****

    لا أب نضما مسيخ

    كازومو شبرين

    ****

    سماحة خلقى

    واخلاق

    دايما نضيفيين

    من بين الخلوق

    تفرزنا

    بالليل !

    -----

    ست البنات .

    (عدل بواسطة ست البنات on 22-12-2006, 08:02 PM)

                   |Articles |News |مقالات |بيانات

22-12-2006, 09:38 PM

حبيب نورة
<aحبيب نورة
تاريخ التسجيل: 02-03-2004
مجموع المشاركات: 18578

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    الله




    عاد ألا أجيكي رايق وما متضايق
    مافيش أجمل من كدة يا زولة


    يعافيكي و يخليكي و يغطيكي و ينجيكي و يعليكي ومحل ماك دايري يوديكي!!
                   |Articles |News |مقالات |بيانات

23-12-2006, 02:59 AM

yasiko
<ayasiko
تاريخ التسجيل: 05-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)
                   |Articles |News |مقالات |بيانات

23-12-2006, 03:04 AM

عبد المنعم سيد احمد
<aعبد المنعم سيد احمد
تاريخ التسجيل: 13-10-2003
مجموع المشاركات: 11813

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: yasiko)

    الصديقة
    ست البنات
    كيفن عساك بخير
    وكل سنة وانت طيبة وزوارك الكرام
    وياشوقنا للشمالية المشرقة
    ولتمودا ولى مشرقا
                   |Articles |News |مقالات |بيانات

23-12-2006, 08:54 AM

ملكة سبأ
<aملكة سبأ
تاريخ التسجيل: 18-06-2003
مجموع المشاركات: 3853

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    أرجع أرجع يازول أرجع

    الضحكة هناك من جوة الجوف

    الفرحة هناك مافيها الخوف

    الشقى أرحم في ضل النيم وبعيد من ناسا واقفي صفوف

    جم ناس حبان تلقى المكسور مشيول في اكتاف واحد مكفوف

    الجن الأحمر فاقد القيد في خلوة حاج الخير مكتوف

    ودكان الشيخ فوق ا كيمان كيمان مافيهو رفوف


    ياسلام عليكى آستهن
    وعلي حوشك العامر
    كلو سنة وانتو تامين ولامين عيال شايق


    وكل سنة وانت بالف خير ياسيكو

    (عدل بواسطة ملكة سبأ on 23-12-2006, 09:21 AM)

                   |Articles |News |مقالات |بيانات

23-12-2006, 09:38 AM

ملكة سبأ
<aملكة سبأ
تاريخ التسجيل: 18-06-2003
مجموع المشاركات: 3853

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)


    وأي ديار بلا عينيكم فيها بكون غريب
                   |Articles |News |مقالات |بيانات

23-12-2006, 10:02 AM

حمزاوي
<aحمزاوي
تاريخ التسجيل: 10-10-2002
مجموع المشاركات: 11590

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    ست البنات اختي
    يا نوارت الفريق
    الشمالية المشرقة - اشتياقى لجناينها - ولتمودا ومشرقا !!
    وكواريك شفع المغرب
    يقلبوا في الجمر قنقر
    واسيا بابوريك في الاراك
    بركات شيخ محجوب الابكراوي
    وفي مساوي
    الموضع وبركات سيدي
    وعاش ابوهاشم بحر العاشم
    والرايقة شتيلة القرير
    وفي الفجر نبح بوابير
    ود لقاي والابتي مودي
    صفقه ورقيص
    شبال بنات حلتنا
    تنقاسي السوق وقشابي والزومه
    والبركل ونوري وكورتي وجلاس
    ومروي والمقل والدوم وكريمه
    والناس اللذاذ بالحيل
                   |Articles |News |مقالات |بيانات

24-12-2006, 06:27 AM

الحارث سرالختم عبد الله
<aالحارث سرالختم عبد الله
تاريخ التسجيل: 28-12-2005
مجموع المشاركات: 602

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: حمزاوي)

    الأحباب جميعاواحلاتكم واحلاة نضما فى خشيمكم

    حلاة ناسا سمح ناسا بلا السكر

    وشوقى انا للبلد بى حاله

    التحايا والأشواق للجميع

    ابو ختم
                   |Articles |News |مقالات |بيانات

24-12-2006, 07:32 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7798

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    Quote: بركات شيخ محجوب الابكراوي
    وفي مساوي
    الموضع وبركات سيدي
    وعاش ابوهاشم بحر العاشم




    لقدابةً عامري والله يا ست البنات...

    ربنا يحفظك شايفك بي جَبَنْتِك...

    وبرضو بقول لي الحِبيِّب حمزاوي...

    وسجل إسمك أوعة يروح... دي الختمية سفينة نوح...

    كميات مودتي...


    أبو الحســـــــــين...
                   |Articles |News |مقالات |بيانات

24-12-2006, 01:03 PM

خالد العبيد
<aخالد العبيد
تاريخ التسجيل: 07-05-2003
مجموع المشاركات: 21531

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    ست البنات
    تحياتي
    اسمعي يا شايقية
    انا كلامك ده ما بفهمو الا بعد تعب
    اكتبي لينا بالجعلي
    رقية فهمت كلامك من قولة تيت
    وهاك يا ضحك وانبساطة
    غايتو غناكم سمح
    ادخلي علينا في بوست الجعلين
    وبرجع ليك في البوست ده تاني
                   |Articles |News |مقالات |بيانات

24-12-2006, 07:20 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    خالد العبيد أخوى - سلام بالجعليين فى حوش الشايقييى !

    أخوانا وأهلنا - وحباب جميع أهل السودان اهلنا وقبائلنا من حلفا لى نمولى !

    ومن بحر أحمر ليى نهاية حدود غربنا

    انا بس ياها دى اللغوى البعرفها عاد يا خالد !

    عيللى انت مو معاك ترجمان أوسلى كلها ! نان ريقييى هينى ? بتوقعلك نضمى دا انت بس ارخى ضانك !

    وبعدين يا خالد انت زمنك دا كلو مناسبنا أكنك لاأسعيتى ما عيرف كلامنا ضوومة !

    ان بقى كدى نحنا نجيبلك شوال بركاوى ومقظف قنديلة وأردب قمح ! فيحال دا هو المخلينا نفهم النضم قببال سيدو بس يفكبو حنكو !

    وان بقى الزول رطن ساكت قدامنا نعرف الشئ الرطنو بلا ترجمان !

    كدى اصبر الجيبلك جوقمة شاى - وقريريصى حارة وسبروق - وبيصيلى من تقنتنا فيحال تاكلن قبال البوطان ما يكملوا حيبيبة التيريمس السويتلك فوقن التيميرات ديل شى !

    دحين أسع ما فيهم حديسى دا ???

    يعلم الله الفطيم ان سمعو يعرفو ووشييو ينطرح ويطولو شيبرين !

    وسلام لى ناس اوسلى من أوسلى ليى سيدنى !

    ويا ريقييى انتى الزول دا مالو ما انعلم منك النضم ? باقيلى انتى بيقيتى تنضمى زى حديس ناس فوق !!

    ست البنات .

    (عدل بواسطة ست البنات on 25-12-2006, 06:06 PM)

                   |Articles |News |مقالات |بيانات

25-12-2006, 05:49 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    سلام -

    وسنة سعيدى وبخيتى عليكون كولكون - ورب البيت يحقق مقاصدكون - ويسهل دربكون - ويطول عيميراتكون - وتنعدل عليكون شيقيش ما تقبلوا .

    وربنا يعلى بلدنا - ويزيح البلا من فوقا - ويصددنا لأهلنا سالمين - ونلقاهون سالمين ومبسوطين .

    قولوا ياميين .

    ست البنات .
                   |Articles |News |مقالات |بيانات

26-12-2006, 01:58 PM

فدوى الشريف
<aفدوى الشريف
تاريخ التسجيل: 14-09-2006
مجموع المشاركات: 5361

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    هيييييييييييييييييييي واحيتي واحيتي
    انتو قاعدين بي جاي وانا قول ياربي الناس ديل مافيشين بي جاي ولا شنو
    كيفنكن
    ناس البيت مالو زي التقول مافي زول
    وامغيستي وامغيستي مالن كتار كدي بري ياهنايي مابقدر اخش اسلم عليهن
    ضممممممممه كتار
    انا صادي
                   |Articles |News |مقالات |بيانات

26-12-2006, 05:52 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    فدوى أخييتى !

    نعلك طيبى - انت بس مالك مهجومى كدى ? قولى بسم الله - وكدى ادخلى لا داخل -

    الرسول ان ما قنبتى اكلتيلك حيبيبات بليلى حارات وفوقن قنديلة دابى جبتها من تحت - مشيت حشيت القش

    ولقيت اللوبى مبتقى وشايلى قلت الافورلى حبيبة بليلى فحال قلبى دا جاييى يقع من السقط -

    ومالك يا يمة بس بتقولى ماكى صادى عندنا ??? والله البوطان ديلا اساعيتى كانوا هينى - قاعدين فى البيكيين

    دا - اكلوا القراصى وشربوا الشاى ومشوا - وقالوا جايين صادين لا عوقبان - دحين انتى لا تقولى جنس

    الكلام دا - نان ان بيقى البوكان ملان ناس اكنك بتخافى منهون بيقوا سحاحير جوا ياكلوك ? نان ديل مو

    اخوانك ?

    وناس ملكة سبأ ومنى أسعيتى بيجن يرافقنك -

    وطلبتك بالله ان ما جيتى صادى . لا تاكيلينا فى خاترنا شى ! فحال الناس ما ينبشونا يقولو انلومنا فى

    البينييى الضيفى !

    وودعتك الله يا اخيتى .

    ست البنات .
                   |Articles |News |مقالات |بيانات

26-12-2006, 08:02 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    سلام عليكون -

    وسلام ليى خالتى بت الطيب فى جلاس - وقولولا وليدك طيوييب وما عندو ايى عوجى - وفى امان الله وبيسلم عليك وقالك يا يمة اعفى منى - ولا تنسينى بدعاكى فى صلاتك - وقولى الله يغتيهو - وينجيهو - ويكفى شر الحاسدين والحاسدات - وقوليلى ميتل ست البنات ما قالتلها امها الله يرحمها ( يا حافض يا حفيض - حافض المى فى البير - وحافض السيف فى الجفير - وحافض على من الكافرين - وحافض الطيرة لامن تفققع وتطير - تحفض وليدى فى قبة حديد راسا فى السمى - وكيرعيها فى الارض - بقدرة اليالطيف - يا لطيف .)

    ست البنات .
                   |Articles |News |مقالات |بيانات

27-12-2006, 04:32 AM

yasiko
<ayasiko
تاريخ التسجيل: 05-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    الأحباب الكرام
    الشوق من حاطف لـ قاطف مصوبر كيمان
    والله مشتاقلكم لكن المشغولية
    أرجو أن تتمعنوا في هذه الكلمات وأداء الكورس
    لكم ودي
                   |Articles |News |مقالات |بيانات

27-12-2006, 08:24 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    سلام عليكون !!

    يا ناسى انتو ويين ?

    منى بت خوجلى -

    أوسلى -

    ود القرير-

    بينييى -

    بيان -

    معاوية كرفس -

    حبيب نورة -

    أبو ساندرا -

    وباقى عقد الدفيق !!!

    أكنى كلامى دا مو عاجبكون !!!

    والا فيحال ما عندى لقدابة السنى دى ???

    أسع البينييى فدوى دى بت طشت ضوومة فيحال لقت البلد خلا !

    بس انا نضمى كيمل - انضموا انتو ...

    ويا ريقييى بت العبيد امانى كيف انلومتى !!

    أنا الليلى بس حردانى وغدبانى لامن حيرد الشاى - ومقييلى جيعانى - والبارح بايتى القوا !! واسا عيتى بس شايلى عيزالى زصادى لاهلى -

    ست البنات .

    (عدل بواسطة ست البنات on 03-01-2007, 01:26 AM)

                   |Articles |News |مقالات |بيانات

27-12-2006, 08:38 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    يا سيكو اخوى العيدييل - سلام ومرحبتين -

    والله يعلى مقامك - ويديك الفى مراضك - ويبييض نيتك كمان وكمان - ويجبر بى خاترك - ويفرحك دينى واخري .

    وللباقين أقولهون - ما تقولوا صديت ورجع فى كلامى ! انا صديت فيحال ياسيكو الوليد الحينيين دا - وحات ربى اكان مو هو بس قت تانى ضوومة سيرة الشمالييى دى ما اجيبا فوق خشمى اها الشوف - يا كنى بموت !!!?

    والاختملكون بالنكتة دى :

    فى شايقى ماب يريد الفنان محمد الأمين - وكان بيغنى فى الرادى غنيتو ( قالوا متألم شيوية )

    قام الراجل كورك لبتو - قالها : فاطنى ان بيقيتى عييانى وقتلك كفارة - يا كنى غنيت !?

    ست البنات .
                   |Articles |News |مقالات |بيانات

27-12-2006, 08:51 PM

osly2
<aosly2
تاريخ التسجيل: 17-10-2002
مجموع المشاركات: 3540

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    Quote: وسلام لى ناس اوسلى من أوسلى ليى سيدنى
    !
    وانا جايبلك
    سلام ناس اوسلى من الحرازى للحرازى
    وشيلى من الحرازتين الخروم
    وسيبى لينا الحطب


    الف تحيه
    لستهم من جم
    ولضيوف راكوبتك
                   |Articles |News |مقالات |بيانات

27-12-2006, 10:49 PM

معاوية كرفس
<aمعاوية كرفس
تاريخ التسجيل: 19-03-2004
مجموع المشاركات: 1340

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    .


    ست البنات:

    Quote: الناس ديل نزازيهون بس لامن نمسخا ليهون ويقولوا يا ميندايم



    Nadia Elsir:


    Quote: خليت البلد قربت لى حولى

    كان انسى الحصل يا حسرة بتزولى

    غرقان بالعرض فى الذكرى بطولى

    لو زول بنسى روحو آ خلى قولو لى

    كل ما اقول خلاص انسى البى دوبا

    خليت الفريق كجنتو يا ام روبا

    القى العين تفيض و الدمعة مسكوبة

    الزول بفوت اليهو مكتوبة

    لو فى زول بفوتها آ خلى قولو لى



    nourelhadi awad:

    Quote: لا تخربوا طبعنا
    أصلو خربان



    ست البنات:

    Quote: سلام عليكون !!

    يا ناسى انتو ويين ?

    منى بت خوجلى -

    أوسلى -

    ود القرير-

    بينييى -

    بيان -

    معاوية كرفس -

    حبيب نورة -

    أبو ساندرا -

    وباقى عقد الدفيق !!!


    _________________________

    العزيزة / بت عمي

    غايتو من جانبي انا غيابي من البورد يسألو منو الخرطوم

    أحكي ليك صدفة غريبة:

    قبال شوية و حوالي الساعة عشرة ونص ليلاً في الخرطوم

    إتصل بي الصديق / عمر حلاق ( وهو حلفاوي بصاولي عندو جزور من قنا في صعيد مصر)

    وهو في إعتقادي وحسب تجربتي ومعرفتي خير مرجع في غناء الطمبور من جيلنا ( يا للمفارقة )

    وقال لي أفتح الرادي في اف ام 104

    ونفزت طلبو ولقيت السهرة عن السفر والرحيل في غناء الطمبور

    والضيوف هم الفنانون / محمد جبارة وعبد القيوم الشريف وعبود تبوري

    و الشعراء الأستاذ/ السر عثمان الطيب و الأستاذ/ محمد المهدي حامد

    في اللحظة دي محمد جبارة بغني في ( ودعتك الله بقيت سفر شن داير أسوي مع القدر )

    عشان كدا انا فايتكم شان أسمع وانطرب






    لكم كل ودي


    .
                   |Articles |News |مقالات |بيانات

28-12-2006, 06:40 AM

yasiko
<ayasiko
تاريخ التسجيل: 05-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    Quote: في اللحظة دي محمد جبارة بغني في
    ( ودعتك الله بقيت سفر شن داير أسوي مع القدر )

    عشان كدا انا فايتكم شان أسمع وانطرب

    الأخ كرفس
    سلام
    خليني انا اللوجع ليك الجماعة ديل شوية
    النصري
    يا واهب بقية عمرك المنفى
                   |Articles |News |مقالات |بيانات

28-12-2006, 12:37 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    معاوية كرفس - ود عمى - سلام قيزان - قيزان - ومرحب بالتقيل والكيمان -

    وصباحا اخدر وليلا قمراتو قمر اربعتاشر-

    ودربا اخدر زى الحيضان - لوبى وكداد - موليتا وقنقر فوق النار -

    وبليلى - وترمس - فوقن عجوى -

    وويكى دقاقة - وفوقا السبروق- اخدر مدلوق - لايوق طاعم بى ليحيمة ضان -

    وكوشر - وكبد الليل زان - وقراصة دوكى بزديقا حرير - وبوخا عوا -

    ومتحكرلك فوق بنبر فى نص الحوش راجى الايدين تكتر وتكتر -

    باقيلك ماب تشبع وتحمد ربك !?

    وسلام للبنوت المندسات فى حيشانن -

    بنوت عمى - وبنوت خيلانن - وخالا ليهن باقى هو اخوى فى اب ادم - قولوا سلام - ومشتاقينلك ومشتهين

    نضما منك وشوف العين يزيل ألمى !!

    فيهم يا معاوية اخوى - ولا لع ???

    أها طلبتك بالله توصل الوصييى !!!

    وواحلالك يا معاوييى اخوى بالطنابير واللمى السمحى دى ! باقيلك دا براهو ماب يطوول

    العمر - والليلنا يقصفو ???الله يقصف قصف وقصفان ان كان حرقوا رويحتنا دى وشتتونا زى

    الحدنقال !!!

    بس غايتو ان ليقيتلك فيريقى انقرلى التيلافون فيحال اسمعلى شيوييت فرح - ان بيقى فضضل فيها

    فرح !


    ست البنات .

    (عدل بواسطة ست البنات on 28-12-2006, 12:44 PM)

                   |Articles |News |مقالات |بيانات

29-12-2006, 00:18 AM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    ست البنات
    كيف امسيتى؟
    جبتلك صوت حنين. حنين. كأنه خلق للبكا.
    بالله يا مرسال
                   |Articles |News |مقالات |بيانات

29-12-2006, 10:58 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    سلام يا أخيياتى واخوانى -

    العيد مبارك عليكون - وترجوو :

    سعيديين -

    طيبيين-

    تاميين -

    لاميين-

    ومصابحيين الخير -

    وممسيين السعادى -

    وللحجاج الزايرين بيت الله - وقبر المصطفى :

    الحجى مبروكة - وربى يتقبلا منكم - ودعواتكون ان شاءالله مقبولى -

    وربى يحققلكون موناكون - ويصددكون لاهاليكون تاميين وفرحانيين - وغانميين .

    والعوقبا لينا - ووا حلالى منكون يالأنهنيتوا وزرتوا بيت الله وقبر حبيبو !

    ست البنات .
                   |Articles |News |مقالات |بيانات

30-12-2006, 00:22 AM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)
                   |Articles |News |مقالات |بيانات

01-01-2007, 12:29 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    عيدا بخيت وسعيد عليكون جميع - وسنة سمحى ورخييى !

    ووكت ما اكلتو معانا المرارة والشييى تعالوا اكلوا معانا الكركاعة !

    ست البنات .
                   |Articles |News |مقالات |بيانات

01-01-2007, 12:33 PM

Mustafa Mahmoud
<aMustafa Mahmoud
تاريخ التسجيل: 16-05-2006
مجموع المشاركات: 37752

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    كل عام وأنت وأسرتك الكريمة بألف خير

    ونسأل الله أن تعود للسودان عافيته بعيدا عن قاتليه وناهبيه

    ومغتصبي نسائه ومذلي شرفائه ومشردي الغر الميامين من أبنائه

    وأن يشمل القصاص العادل كل من قتل ونهب وسرق واغتصب وشرد وعذب

    وأن يأخذ السودان مكانه الجدير به بين أمم الأرض معززا مكرما محترما

    محبوبا وأن ينعم اهله بالوحدة والحرية والديمقراطية والعزة والكرامة

    والتنمية المستدامة والرفاه وأن يعم الحب والأمن والطمأنينة والعدل

    والمساواة كل أبنائه في كل ربوعه ونجوعه.

    وكل عام والسودان وأنتم جميعكم بألف ألف خير.....
    dr mustafa mahmoud
                   |Articles |News |مقالات |بيانات

01-01-2007, 01:50 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    مصطفى محمود اخوى - سلام

    وعيدا مبارك عليك وعلى اهلك من جم - وسنة كلها خير وعافى -

    ورب العالمين يحقق كلامك القلتو دا كلو ودعواتك -

    وينصر كل مظلوم - ويلجم كل ظالم - وينجى بلدنا لا حرق لا غرق !

    ويزيح الغومى - ويبعد الشر واهلو من وشينا - ويجممع صفنا وكلمتنا -

    ويرجعلنا خيرنا القيبيل الراح بيجية الناس العاقا الشوم النشفوا حيبيبايت الميطيرة - وكتلو البهم

    والغنم - ويتتموا البوطان - ورمملوا الأمات - وسوولون فى كل بيت عاضرى !

    ورب العالمين يقلعون من ويشيينا دا - بركة الجمعى الجامعى والكلمى السامعى - وبركة العيد وفرايحو والحيج

    وقبايلو !

    يامين يا رب العالمين .

    ست البنات .
                   |Articles |News |مقالات |بيانات

01-01-2007, 01:56 PM

ghariba
<aghariba
تاريخ التسجيل: 09-03-2002
مجموع المشاركات: 12938

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    انقل لكم تحايا شاعرنا الكبير
    محمد سعيد دفع الله
    وهو يلغك تحاياه وامنياته السمحة ليكم كلكم
    ويقول ليكم :


    ياعيد تعال قالدنا اشتقنا للأفراح
    أسعد قلوبنا شوى عوض زمانا الراح
    سنوات بطيئة مشت جرحاً يجيبلو جراح
    أفتح لنا الأبواب يارب بلا مفتاح
    عنزتنا هالعرجا لامتين تؤوب لمراح؟
    وتحل محل الآح نغمة قليب صداح

    محمد سعيد دفع الله - الرياض
                   |Articles |News |مقالات |بيانات

01-01-2007, 02:19 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    أخوى غريبة - سلام والعيد مبارك عليك وعليى شاعرنا حومد سعيد !

    ويا غريبة بس الليلى غريبى الجيتنا بيهينى !

    أكنك من زمان ماك شايف لقدابتنا الكبيرى دى ? ولا مو شميت ريحة قراريصنا وسبروقنا دا ?

    لكن برضو مرحببكون وسنة بخيتى وعديلى عليكون - وسلملى على حومد سعيد - وقولوا دايرين

    نسمعلنا نضمن وشعرن سمح منك .

    ست البنات .
                   |Articles |News |مقالات |بيانات

02-01-2007, 04:33 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الهجاييم تنصدف عدوى وعدوكون - (Re: ست البنات)

    أخيياتى واخييانى - سلام عليكون -

    وكوت بس جاييى اقولكون اعفوا مينى لله والرسول -

    وكوت جاييى اودع الدنيا ام بناين قش دى -

    يسعلنى الله الأوتومبيل مو جاء يدهسنا بى أوتومبيلنا ويهرسنا ويرقدنا حتيتى !

    عيللى رب العالمين لطفبنا ونجانا من جودو وكرمو - يحمدو ونشكرو !

    الساعة الاشوفلك الشى طاير عيللى العوصار بس قاصد البيكيين الانا قاعديى فييو ! وحات ربى ان مو اخييتى بس لفت الاوتومبيل بى شيدتا كلها - الليلى كان يبقى الغسل اللينا !

    وغايتو الجاتك فى اتومبيلك سامحتك ! يسعلنى الله الحديد الليل الاتومبيل دا بس انعجن وانلكدم كدى بيقى عيللى الكورة !

    والازعاف دا الساعة الجاء وربطولى ريقيبتى بالويقاييى اللتون دى وقالوا كدى جروا العنقريب الليلون البيمشى براهو دا ! أنا الساعة ديكا فى عالم كوتور ! الخوفة والهجيمى الدخلتنى يبقالى تانى ماب تفوت مينى ضوومة !

    بس جيسمى دا بيقى ينركض ! وعيونى ديلا انقلعن - واضنيى ديلا بيقن عيللى اللات الديحيشى الزاكيها المرفعين !

    وريقى دا التحت ما يبل الفوق ! وقلبى بس التقول طاحونة جدى سعد ود كروم ! حيسو يجيب الطاش !

    وبس والله اقولكون - انا قربت اغزلن !

    ووكت جو يقيسولى الدغت بس قلبى قاللى غفليهون واجرى - الناس ديلا يبقى بس ما عندك شى لكن جايين ساكت يشيلولون مينك كيلوى ولا كبد !

    عيللى الازعاف مسوجر ضوممة ! نان يا ربى الشقاوى دى كيفنها !

    تانى قوت كدى الاقولهون دايرالى ألمى أكان يفكونى - واقول يا ميندايم - وتانى بس ماب يلموا فوقى !

    بلا البينييى الدكتورة تملالا كورييى اللت ألمى صاكتى وتمدلى معاها مصاصة متل الصفارة اللت البوطان كدى تقوللى هاكى اشربى !

    أها قوت الاصبر لامن نصل الاسبتالى يبقى القالى سيهمتن انخارجبها منهون ! بلا شالونى بالعنقريب البيزح براهو فى البلاط البيزلق دا ودخللونى فى عيويضى كدى قالوا جايين يكشفوا عليى رقبتى بالاشاعة ! قتلهون ليه ? قالوالى يبقى فيها كسر !

    الساعة ديكى أخيتى كانت وصلتنى - وطقينا السكلى ! نان مو قلنا ريقيبتى يبقى انقلمت وجايى اموت !

    عيللى هى والله ريقيبتى كانت تنبحلها فى نبيح أتقول صحصح انقلمت !
    لكن والله وجعها كان أخير من وجع الويقاييى اللبسوها ليى فى رقبتى متل جرقاس !

    وبتملكون الباقى لا باكر !

    ست البنات .
                   |Articles |News |مقالات |بيانات

02-01-2007, 04:56 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الهجاييم تنصدف عدوى وعدوكون - (Re: ست البنات)

    Quote: وكوت جاييى اودع الدنيا ام بناين قش دى -

    يسعلنى الله الأوتومبيل مو جاء يدهسنا بى أوتومبيلنا ويهرسنا ويرقدنا حتيتى !


    الأخت الفاضلة ست البنات
    السلام عليك ورحمة الله وبركاته
    كل سنة وأنت طيبة والسنة الجاية ربنا يحقق لك كل مافي قليبك تمام وكمال
    لك التحية والتقدير على هذا البوست الجميل
    شنو الحكايّ الداهي سواق الأوتومبيل عيونو في هامتو... كان تمسكي بعد ما جريتي نفسك وتكحلي ببصلة تجلي عويناتو المتل قدود الجلد ديل ... حمد الله على السلامة ولازمك كرامي كبشاً ماكن .... ونريد الله الحنين الزين النجاك من عجلين ... ونريد الله الحنين ونجاك وحجز اللستك ماتعداك

    لك السلام والتحية والتقدير مراراً على البوست الجميل هذا

    خالد محجوب من شندي فوق عند بيوت نمر .... اللبيب بالإشارة يفهم

    (عدل بواسطة خالد علي محجوب المنسي on 02-01-2007, 05:05 PM)

                   |Articles |News |مقالات |بيانات

02-01-2007, 06:10 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    خالد ود عمى محجوب - سلامين ومرحببك -

    ويا يابا عاد ان بيقيت وصفلك الزول الجا يكايتنا دا من الليلى ليى باكر ماب اتم وصفو !

    نان الراجل مو عيونو يسعلنى الله التقول كبولون فوقن الظهرة اللت الهدوم دى ! بس عيونو

    متل كديس الخلا - حكمت الله ظهرييات !


    انا قوت يبقى بسم الله - ماهو ابن ادم شى !

    غايتو باقيلى المرقنا رب العالمين برحمتو - ثم دعا الوالدين الزمان - باقى نحنا كنا بنوتن

    مطيعات خلاس - وامنا وابونا ديل ما كنا بنرمى حديسون واطا ضوممة ( الله يرحمون )

    ولا باكر اتملكون باقى النضم .

    وانت باقيلى جنايا للمك نمر ( جعلى تب ) انتو ابان عمنا لزم !

    وكتر خيرك - وتسلم يا اخوى - وعيدا سعيد ومبارك عليك وعلى اهلك جميع .

    ست البنات .
                   |Articles |News |مقالات |بيانات

02-01-2007, 08:03 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    Quote: غايتو باقيلى المرقنا رب العالمين برحمتو - ثم دعا الوالدين الزمان - باقى نحنا كنا بنوتن

    مطيعات خلاس - وامنا وابونا ديل ما كنا بنرمى حديسون واطا ضوممة ( الله يرحمون )

    ولا باكر اتملكون باقى النضم .

    وانت باقيلى جنايا للمك نمر ( جعلى تب ) انتو ابان عمنا لزم !

    وكتر خيرك - وتسلم يا اخوى - وعيدا سعيد ومبارك عليك وعلى اهلك جميع .

    ست البنات .


    في سراع يا نسايم أشواقي ودنّلي السلام مطبوق

    بنية عمي ست البنات في البداي الله يرحم الوالدين ويسكنهم فسيح جناته مع الشهداء والصدّقين وينزل عليهم رحمته برداً وسلاما..
    اي بالحيل دعوات الوالدين بتحفظ من عاقهم عاقه الله في الحياة قبل الممات.. جيدلك يا آخيتي بفوزك برضاهم في حياتهم وبإذنه الواحد الأحد يبقالك لمبي تضويلك طريقك شقيش ماتقبلي

    وشنو يا آخيتي مخاصمة بوست ابوالحسين كلامك السمح دا ما شفنا هناك عليك الله كدي ميلي وزروي بوست أخيك ابوالحسين وانعشينا بكلامك الحلو هذا الذي يرد الروح في ناساً كتلهم الغربي ونشفهم القر والجليد وهدّت حليهم الأشواق وجفّت دميعاتهم ودميعات الرجال سرحان ورعي لغنم ابليس طيب يا الزينة نشوفك في بوست ابوالحسين ... قولي ايّ لا تلكنيها وتقولي لي النشوف ....
    لك الاحترام والتقدير يا ست البنات

    خالد ودمحجوب
                   |Articles |News |مقالات |بيانات

03-01-2007, 01:43 AM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    خالد ود عمى محجوب - يا حيليلك يايابا !

    امانى انا مو انلومم !

    اتاريك اخونا لزم وانا الغبيانى ما عرفتك !!!

    يسعلنى الله بس اكان مو اخاف الضييق - يبقالى من نضمك دا انت مننا !

    اسع عليك الرسول حديس منو السمح ?!

    وحات الختم بس الليلى حديسك دا طررانى البلد وبركاوينا داك المتنى ومو لاقى اليلقطو !!

    وانا باقيلك لقدابة حومد الحسن مانى جاياها !! عيللى لقيت البوكان ملان خلوق - شى بوطان

    وشى بهم - وحتى عنزى الرايحى مينى اواالى ديكا لقيتها واقفى فى الدرب ! أها قوت الاصدد

    عنزى ليى مراحا واصدلكون بى دربى - بلا يا يابا الاتومبيل يضربنى عيللى بس رب

    العالمين بيقالى تيكايى

    ووقاييى - ووقفلنا دعوات الصاليحين وعلى الكرار - وجدى شيخ منور اب شعفى - وجدى ود شيخ

    الحيران - وجدى عبدأرحمان ود حماد - وجامع التور - نان نحنا مو ولاد فوقرا وشيوخ يقلبو

    التمباك ايمون والمريسى لبن ! ينجدونا ويلحقونا بجاه الله وجاه حبيبو ونبييو .

    وودعتك الله - ولاقينى لا عين لقدابة حومد الحسن .

    وشكرا يا أخييى يحفضك ربى ويعلى مراتبك وينجح مقاصدك - ويعدلا عليك شيقيش ما تقببل .

    ست البنات .
                   |Articles |News |مقالات |بيانات

03-01-2007, 01:41 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    Quote: خالد ود عمى محجوب - يا حيليلك يايابا !

    امانى انا مو انلومم !

    اتاريك اخونا لزم وانا الغبيانى ما عرفتك !!!

    يسعلنى الله بس اكان مو اخاف الضييق - يبقالى من نضمك دا انت مننا !

    اسع عليك الرسول حديس منو السمح ?!


    ست البنات صباحاتك بويض زي الحليب الصافي يرهج في الكبابي ... الكبابي عاد هن مو كبابي شوبْ ما خمج ودعكتن البنيّ بليفي وصابون وتمرتن بتوب البنقالي القديم لكن حايداني نضيف كنو جديد جابوهو هسع دي من النقادة....

    بدور اقولك حديث اي بالحيل أنا جعلي لكن عندي لحمي فيكم باقي حبوبت ناس ابوي من الكلايين والعونية في البسابير كان سمعتيبا

    أني جيتي للجد والصُدق انتي يا ست البنات النضمك سمح وما كضب أن قت ليك لما أقرأ حديثك بتمسكني شعرانية لامن أتب لافوق والخوجات ( زوجتي واسرتها ) يقولوا يا السناهير أمسكو ناسكم الجنى الأزيريق مسى جن.....

    حقيقة كلامك سمح بالحيل وبشد الحيل ... عشان كدي لازم تجينا بهناك في حوش ود الحسين... وأنا باقي قطعت لي كلمي مع أبوالحسين وقت ليهو أنا جعلي لكن حرم ماني فايت حوشك دا

    والزول كان وعد شين كان معادو يخلفو
    وفي الربط اللسان أتخابو دمو يتلفو
    قعادي في حوش ود الحسين زولين فيهومابختلفو
    لازم ابقى عند كلامي علي وعد بحلفو

    وماني داير الزول يقول خالد انزرق ومشى لحوش ست البنات لمن لقى الونسي ... ماتخليني أحلف عليك حرام وانتي عارفي الخوجات ديل... ان كان طلقتها طلقتن واحدي بتشيل وليدي وتمشي ... ماقت ليك والله عند جنى ماشاء الله علي خواجي في اللون لكنو سوداني وقارح تب والعجب السني الفاتت لمن سقتو شندي ولبستو العراقي البلدي والسروال الطويل اب تكيّ.... تحلفي تقولي من جنيات الحور

    زورينا في حوش ود الحسين بندور نسمع كلامك الحلو دا

    لك المودة والتقدير والاحترام

    خالد محجوب

    (عدل بواسطة خالد علي محجوب المنسي on 03-01-2007, 01:46 PM)

                   |Articles |News |مقالات |بيانات

03-01-2007, 04:52 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    خالد ود عمى محجوب -سلاميين ومرحببك -

    نان عاد يا يابا كيبيبايتك مكملى الظرافى والنضافى - وكبايتن مو خمج !

    المصوبنة وقاشيينها بالقنجى !

    عاد يا عشاى ما تكيبلى فيها كيبيبايية شاين حمرا الاشربا - راسى دا كييف موجعنى ! يسعلنى الله من صباح

    الرحمن الشاى رامينى ومدودى عيللى نعجة خالتى الحرم وكت تبقى عييانى !

    وعاد الارجعلك ليى لقدابة حومد الحسن - يا والله اساعيتى قوت الازقى البهم من البير الحيلوى - واكورك

    لأخييتى منى بت خوجلى وحيبيبتى ناديى بت عمى عيتمان فيحال نمشى كوورجا لى عندكون - نان انا مو ماب

    اعرف الدرب ! البارح مو طشيت ! عيللى طارق وليد عمى جبرين وأخييى عادل ود عمى عيتمان جابولى

    الحمارة اللت جدى ود كروم ودونى بيها - وساوى كسكسيقتى فوق راسى وغيشيت وليد الرزوقة سواالى

    نوقلتينى فى المركوب الانفرطق من الهجيرى دا ! حيتين وكت وصلنا ليقينا البوطان المهاجيم ديلا كملوا

    البليلى وحيبيبة التميرات الجابت لينا ملكة سبأ من البلد - باقى هيى هنيالا شالت البلد عيدت عيد

    الضحييى وسط الناس الزينيين !

    أساعيتى الكلام بس جاء يوهدبنا من البوش !

    اها خوب لا قدام النلحقلنا حيبيبة كمونييى ولا مرارى ان كان أوسلى وود القرير ما يكونوا عدموهن الحيبيباييى !

    وقبال ما انسى : يا ود عمى محجوب ما تخوتالى التصويرى اللت وليدك الاشوفو وكمان تقولو دى عميتا

    ليكا ميشتهيى تشوفك !

    وربى يخليهو ليكا ويزيدو .

    عيللى جايى اسعلك - مسعول من الخير : أكنك فتتا بنياتكون الجعليات بنوت القبايل مشيت للخواجييى ليشنو ? مو أفئ عليك ?!

    عيللى وحات الختم من جميع عررسلو قصفانييى - جاء صاد للبلد واخد من بنات أعمو ! دحين انت داير ياتا فيهن ??

    ملحوظى : نضمى دا لا تحدسبو القشرانييى فيحال لا تسويلك سوعال منكر ونكير ! نان تانى اضانك دى بتبرد باقيلك !

    ست البنات .

    (عدل بواسطة ست البنات on 03-01-2007, 04:56 PM)
    (عدل بواسطة ست البنات on 03-01-2007, 05:01 PM)
    (عدل بواسطة ست البنات on 04-01-2007, 02:34 PM)

                   |Articles |News |مقالات |بيانات

03-01-2007, 05:59 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    ود محجوب اخوى

    اسمك يلخبت دولة

    لاك معروف جعل

    لا شايقى ليك صولة !

    من طبعك تبين جعلى

    وحات المولى

    ومن نضمك أكيد شايقى

    ودليبك دوى

    كلامك شايقى تب

    باقى الشلوخ والخلوة

    وحماسك جعلى تب

    سيفك جفيرو اتسقى

    بدم العدو

    لا خفت لا انهجولت

    وجدك ماب يخاف من موت

    ولا من كتلة

    جيوبوا مشكنة بقنابلو

    زى الحلوى !


    فى بيت العرس

    خت الألوف وانعدا

    مرق القنبلة

    ورماها ما قال

    أوعى !

    قطعوا كراعو قال

    حررم تقطعوا التانية

    زغردن البنات

    جدع الأيدين والكبدة

    ست البنات .

    (عدل بواسطة ست البنات on 03-01-2007, 06:09 PM)

                   |Articles |News |مقالات |بيانات

03-01-2007, 07:36 PM

nourelhadi awad

تاريخ التسجيل: 24-10-2006
مجموع المشاركات: 1111

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    كل سنة وانتو طيبين

    (عدل بواسطة nourelhadi awad on 04-01-2007, 09:09 PM)

                   |Articles |News |مقالات |بيانات

04-01-2007, 12:55 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: nourelhadi awad)

    Quote: خالد ود عمى محجوب - سرمين ومرحببك -

    نان عاد يا يابا كيبيبايتك مكملى الظرافى والنضافى - وكبايتن مو خمج !

    المصوبنة وقاشيينها بالقنجى !

    عاد يا عشاى ما تكيبلى فيها كيبيبايية شاين حمرا الاشربا - راسى دا كييف موجعنى ! يسعلنى الله من صباح

    الرحمن الشاى رامينى ومدودى عيللى نعجة خالتى الحرم وكت تبقى عييانى !

    وعاد الارجعلك ليى لقدابة حومد الحسن - يا والله اساعيتى قوت الازقى البهم من البير الحيلوى - واكورك

    لأخييتى منى بت خوجلى وحيبيبتى ناديى بت عمى عيتمان فيحال نمشى كوورجا لى عندكون - نان انا مو ماب

    اعرف الدرب ! البارح مو طشيت ! عيللى طارق وليد عمى جبرين وأخييى عادل ود عمى عيتمان جابولى

    الحمارة اللت جدى ود كروم ودونى بيها - وساوى كسكسيقتى فوق راسى وغيشيت وليد الرزوقة سواالى

    نوقلتينى فى المركوب الانفرطق من الهجيرى دا ! حيتين وكت وصلنا ليقينا البوطان المهاجيم ديلا كملوا

    البليلى وحيبيبة التميرات الجابت لينا ملكة سبأ من البلد - باقى هيى هنيالا شالت البلد عيدت عيد

    الضحييى وسط الناس الزينيين !

    أساعيتى الكلام بس جاء يوهدبنا من البوش !

    اها خوب لا قدام النلحقلنا حيبيبة كمونييى ولا مرارى ان كان أوسلى وود القرير ما يكونوا عدموهن الحيبيباييى !

    وقبال ما انسى : يا ود عمى محجوب ما تخوتالى التصويرى اللت وليدك الاشوفو وكمان تقولو دى عميتا

    ليكا ميشتهيى تشوفك !

    وربى يخليهو ليكا ويزيدو .

    عيللى جايى اسعلك - مسعول من الخير : أكنك فتتا بنياتكون الجعليات بنوت القبايل مشيت للخواجييى ليشنو ? مو أفئ عليك ?!

    عيللى وحات الختم من جميع عررسلو قصفانييى - جاء صاد للبلد واخد من بنات أعمو ! دحين انت داير ياتا فيهن ??

    ملحوظى : نضمى دا لا تحدسبو القشرانييى فيحال لا تسويلك سوعال منكر ونكير ! نان تانى اضانك دى بتبرد باقيلك !

    ست البنات .



    عاد يا عشاى ما تكيبلى فيها كيبيبايية شاين حمرا الاشربا - راسى دا كييف موجعنى ! يسعلنى الله من صباح

    سلام ست البنات
    هي اصبري بدّوري كباية حمرا وبعدين نطبق لك بشاي اللبن المقنّن ولا كيفن يا اختي سمح اصبري أن نقوم براي باقي والله جنس حديثك دا الخواجية ماظن تعقلو لي


    وقبال ما انسى : يا ود عمى محجوب ما تخوتالى التصويرى اللت وليدك الاشوفو وكمان تقولو دى عميتا

    ليكا ميشتهيى تشوفك !


    عاد اصبري لي الّحدثك رسلي لي عنوانك الليل البريد في الداهي الليل بكري دا السمو الماسنجر عشان ارسل لك صور

    عيللى جايى اسعلك - مسعول من الخير : أكنك فتتا بنياتكون الجعليات بنوت القبايل مشيت للخواجييى ليشنو ? مو أفئ عليك ?!

    والله يا ست البنات يا اختي مو الجعليات وبنات اعمي بس كل عموم بنات بلدنا سمحات ومآصلات وبعرفن الواجب يعشن ضيف الهجّعة ومافيهن كلامن تب وفوق دا كلو قاريات ومتعلمات .. ولا هسع بتنبر بهن... ألا القسمة يا اختي بتسوق ودي قسمة الجنى أحمد، وعليك أمان الله الخواجية بقت جعلية تب بس فاضل نشلخها عارض .. امس تدهجت فوق عضيماتي ( حمة )متل قهنوبة سمايم شندي هرست هرست هرست فوق العضام... قامت الخواجية طحنت لها قرض كان لقطتو من جناينا في شندي ولختّو بزيت زيتون باقي زيت السمسم أتمحق وقدر الباقي داسنو للفولات الجبناهن من السودان.

    لك الاحترام والمودة والتقدير

    خالد محجوب



    (عدل بواسطة خالد علي محجوب المنسي on 04-01-2007, 01:03 PM)

                   |Articles |News |مقالات |بيانات

04-01-2007, 02:41 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    يا ود عمى محجوب - سلام -

    عاد ان بيقت الخواجييى بيتعرف القرض والمحريب والحرجل ! يبقى ما عندها لوم وحات الختم !

    لكن بيتعرف تقول الخودرى - وتفركا ?

    والاسعلك تانى : أسع من الضحييى اللتكون ما سووتلكون الكركاعة - ومرقتلها ديهينى للكركار شى ??

    لكن انت بس جيبلها السبروق - والويكى خلها التفركن ليك وتسويلك قريريصى سمحى وبيصيلتين !

    ووكت تسوقا شندى خلها التقفزلكون التمر - باقى هن طوال بالحيل !

    وصادالك ...

    ست البنات .
                   |Articles |News |مقالات |بيانات

04-01-2007, 03:03 PM

حبيب نورة
<aحبيب نورة
تاريخ التسجيل: 02-03-2004
مجموع المشاركات: 18578

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    يعود علينا وعليكي بالخير
    جيت اباخت ليك العيد يا أختي
    بين قوسين
    عدم العروض جفـــا
                   |Articles |News |مقالات |بيانات

04-01-2007, 03:26 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    حبيب نورة العيدييل وزيين - ماديلا الزول السمح واجواد !

    انت يايابا تنباخت - بركة العيد السعيد - وبركة حجاج بيت مكة وسيدى الحسن - وبركة رب العالمين والمصطفى - تنبارك - وتنعلا ما تندلا - لا يفلحلك عدو ولا تنصاب ولا ينصابلك حبيب !

    ربى يسهل دربك - ويعلى مراتبك - ويكبر شانك - بركة عظيم الشان كبير البرهان - وتنبررك بالسعادى - والخير الدايم .

    وعيدا مباخت وسعيد وربى يسوويلك ايامك لاحدهن اعياد - ولا تنضر - لا تحرق لا تغرق - وميحل ما تقبل يهليلولك ويحمدو فيك - انت يا عشاى لا تنلام لا تنضام .

    ست البنات .
                   |Articles |News |مقالات |بيانات

04-01-2007, 10:03 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    Quote: يا ود عمى محجوب - سلام -

    عاد ان بيقت الخواجييى بيتعرف القرض والمحريب والحرجل ! يبقى ما عندها لوم وحات الختم !

    لكن بيتعرف تقول الخودرى - وتفركا ?

    والاسعلك تانى : أسع من الضحييى اللتكون ما سووتلكون الكركاعة - ومرقتلها ديهينى للكركار شى ??

    لكن انت بس جيبلها السبروق - والويكى خلها التفركن ليك وتسويلك قريريصى سمحى وبيصيلتين !

    ووكت تسوقا شندى خلها التقفزلكون التمر - باقى هن طوال بالحيل !

    وصادالك ...

    ست البنات .


    عاد ان بيقت الخواجييى بيتعرف القرض والمحريب والحرجل ! يبقى ما عندها لوم وحات الختم !

    لكن بيتعرف تقول الخودرى - وتفركا ?


    العزيزة الفاضلة ست البنات مسّاك الله بالخير
    زي شوك الكتر ضرب الجسم لامن خدر
    اقولك بس ماتضحكي بالحيل بتعرف الخودري ومديّاها ( أسم ملاح لبانة وبتقولها بالسوداني )، وات يا ست البنات مالك دايري كوشني لي اديات ( المرة ) بالمفراكي تاني ما يعدلن كريم.... كان ستات الشي بقن يفركنها بالخلاطة


    والاسعلك تانى : أسع من الضحييى اللتكون ما سووتلكون الكركاعة - ومرقتلها ديهينى للكركار شى ??

    لكن انت بس جيبلها السبروق - والويكى خلها التفركن ليك وتسويلك قريريصى سمحى وبيصيلتين !

    ووكت تسوقا شندى خلها التقفزلكون التمر - باقى هن طوال بالحيل !


    دهن شنو يا بت البلد والله الخوجيات راسن من الحفّة لمن بشفق عليهن ... النبدأ معها أول تعزق الجداول وبعدين تحش القش وكان نجحت كمان بنعلمها تقفز التمر

    هسع اتي دحين علبة كركارك عامري ولا بقيتي تخلطي بالنارجين والشمع... وبتسقّي رويسك دا زي ناس الحرم لامن يلطّع طرف توبك

    لك تقديري ومودتي واحترامي
    خالد محجوب

    (عدل بواسطة خالد علي محجوب المنسي on 05-01-2007, 00:00 AM)

                   |Articles |News |مقالات |بيانات

05-01-2007, 04:30 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    خالد ود عمى محجوب - حبابك -

    انبيقيت كدى الخواجيى عداها العيب ! انا اتارينى كوت ظالماها ! العفو والعافى !

    ووكت اصلك وديتها لاشندى - خلها التغزللى طرقى وتوب بنقالى - مغرودى فيهن !

    وانت تراكا كلامى دا كلو بتفهموا ! لا تسوى رقبتك أكنك فى شيتن ماكا فاهمو ضوومة !!

    والاوصيك - قولها ست البنات قالتلك سوويلى قراصى مخمرة - وجيبيلى سنامكة - وقورونجان - وحيبيبة عطرون من الليل الكاسنجر !

    والتجيبلى معاها سعف ومسسار - جاييى اكحلبو البوطان الممجمجيين ديلا !

    وقولها الكبيق الليلنا لحق الصح - خلها التلفلها واحدن فى شلتوت الليل شوال تجيبو ليى فى قطر كريمى - وتنضارف عليهو ما يترضرض . وان تجيبلى حيبيبات لوبى جاييى ازرعن يبتيقنلى هينى فيحال بس ضوومة تيبنى سيهمى ما لقينا هينى !

    وسلملى عليها وعليى ويليدك والله يحفضو ليكا ويغتيى .وقباال ما انسى - قولها ست البنات قالتلك باكر تعالى انغدى معاى - ساووالى ملاح كداد !
    ست البنات .
                   |Articles |News |مقالات |بيانات

05-01-2007, 09:05 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)
                   |Articles |News |مقالات |بيانات

06-01-2007, 04:16 AM

yasiko
<ayasiko
تاريخ التسجيل: 05-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    Quote: جاييى اكحلبو البوطان الممجمجيين ديلا !

    وقولها الكبيق الليلنا لحق الصح - خلها التلفلها
    واحدن فى شلتوت الليل شوال تجيبو ليى فى قطر كريمى - وتنضارف
    عليهو ما يترضرض . وان تجيبلى حيبيبات لوبى جاييى
    ازرعن يبتيقنلى هينى فيحال بس ضوومة تيبنى سيهمى ما لقينا هينى !

    يا سلام عليك
    هذا كتاب كامل يعلم الله



    خالد سلام دعني اصغر ليك صورة الودي "الأرباب´دا ربنا
    يحفظو وارسلها ليك
    اك الود
                   |Articles |News |مقالات |بيانات

06-01-2007, 04:48 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    يا ود عمى محجوب - سلام -

    والتصويرى اللت يحمد وليدك كييف سمحى - الله يحفضو وينجيهو - ويغتيهو من العين - ويخليهو ليكا .

    وان شاء الله يبقى وليدا زيين ومو عاق !

    ومشكور عليى التصويرى - والله يزيدو ليكا .

    وقولو عميتن ليكا اسما ست البنات بتسلم عليك وقالتلك اريتك عافى .

    ست البنات .
                   |Articles |News |مقالات |بيانات

06-01-2007, 04:53 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    ياسيكو اخوى الزيين - سلام - وطوول ما شفناك - نعلك شديد يا يابا ?

    ويا عشاى ما تجيبلى غونوى من اللات النعام السمحات ديلك تختها لى فى لقدابتى دى - بس أوال ما افتح اللقدابى القى الطنبور زى التكننى فى اللعب !

    وانا اصلى عارفى حديس اهلنا دا بيعجبك بالحيل - فيحال كدى باكر بجيبلك معاى عمتى الروضة وحبوبتى السارة ينونسن معاك لامن تقول بس !

    ست البنات .

    (عدل بواسطة ست البنات on 07-01-2007, 07:44 AM)

                   |Articles |News |مقالات |بيانات

06-01-2007, 05:01 PM

nourelhadi awad

تاريخ التسجيل: 24-10-2006
مجموع المشاركات: 1111

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    دخلت هذا البوست
    وعدت وسحبت مداخلتي والتي كتبتها ايام العيد
    علني ألتمس فيه عندكم شيئ من طعم العيد الباهت هنا
    لكن يبدو إني ضيف ثقيل الوقع ولم أنتبه أنه بوست خاص
    أكرر أسفي للإقتحام
    ومرة اخرى كل سنة والسودان بخير
                   |Articles |News |مقالات |بيانات

06-01-2007, 05:43 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re:فاوضنى بلا زعل !! (Re: ست البنات)

    نور الهادى أخوى - كدى قول بسسم الله !

    مالك بس جايى محرووق وزعلان فى شينو ???

    أكنك قايل البوكان دا مو ليك معانا ??

    وحات ربى حتى كلامك داك القوتو زمان كيف وجعلى قلبى - وخلانى انا كمان امشى ابيعلى كرت

    الليل تيلافون - نضمتبو مع اخياتى وأخيانى وعييد عليهون - وظكرتلون حديسك البيقططع

    القلب دا - وقوتلهون أخوى نور الهادى كييف حنننى حديسو !

    دحين بس لا تنلووم شى فينا ! البوكان دا هولك وهول كل ابن ادم قلبو طييب وحديسو سمح !

    وان مزعيلينك فى شى - اعفا مننا -

    وفاوضنى بلا زعل !

    ودحين اسع طلبتك بيسيدى الحسن ان ما قعد شربلك كيبيباية شاى واكلتلك حبيبات زلابيى سووتن

    مسك اليمن خالتى .

    وعاد ان ما جيت صاد - عيللى البس هيدمى دا وامشى احدسلك حبوبتك بت ابراهيم تقرصلك

    اضيناتك المطيرات ديل وتصددك لينا تانى !

    والله ياهو ! أكنك تحسبو ليعب !

    وتانى ما اسمع منك جينس الكلام دا ضوممة !

    ست البنات .
                   |Articles |News |مقالات |بيانات

06-01-2007, 06:05 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    يا اخوانى اسع ادبارة كيفننها ?!

    الوليد نور الهادى دا لملم عيزالو وفات من عندنا حردان !

    وقال بس تانى ضوومة ماهو صاد ليى هينى !

    بس حتى هيديماتو وسواهن فى القيفيفة السوغويرى الكانت نافعانى اجيبها السكر ! اسع قطع راسى ضوومة !



    دحين يا ابو الحسن اخوى أمشى اقوفرو شوفو ما يمشى يقعلو فى بير ولا جننابييى !

    الوليد مريووق الريق ما فكا !

    بس ان جاء اكلو حبة بليلى ساكت تقووتو ولا سوالو تيريمى فى خشمو !

    ولا اقولكون : أخير أمشى التومنه اكلم البوليس بالوليد الطاش دا ! يبقى يصددو لينا !

    ست البنات .
                   |Articles |News |مقالات |بيانات

06-01-2007, 06:16 PM

nourelhadi awad

تاريخ التسجيل: 24-10-2006
مجموع المشاركات: 1111

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    اعادة البوست المحذوف
    هوي
    ياناس
    مافي زول واللا شنو؟
    أهل البيت
    ست البنات وضيوفك السمحين.. سلام
    العيد يتبارك عليكم إن شاء الله من العايدنو
    ياناس أنا جايي من بكانا بعيد خلاص
    لحم تب ماني دايرو وكعكم دا ديرو كدي
    وأكان البقلة التحت التمرة ديك باردي
    أدوني جغيمتين ال ابل جوفي
    والشربوت أكان لقيتا ما باباها
    عقمان أخباركم شنو؟
    العيادة نعل مارجعوا....
    البلد خبارا بقت فاضيي كدي الا من العوان والجهلي
    الزمن يجري بلا باجور ود الجنيد تف تف تف تف تفتفتفت تف تلقاهو مرقا في بلدا طيرا عجمي
    باقي لي اكان ما أخاف الكضب قيامتنا أياها القامت الله يحسن العمل ساكت
    الجنيات الصغار... مسافة تروح الخرتوم وتصد تلقاهم بقو رجال كبار تامييين والفتوات بقن نسوان
    ونحن التقول شغالين في طاحونة حجر
    وملح الخليج هرد جوفنا

    الله يهون
    ويرد غربتنا
    ودعتكم الله
    نورالهادي
    green]
    جعلي احمق( والعفو والعافية)
                   |Articles |News |مقالات |بيانات

06-01-2007, 06:38 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    نور الهادى أخوى - يطيب خاترك !

    وجيدن جيت صاد - ودابو البوكان بقى ليهو طعم يسعلنى الله !

    وعاد تراك براك شوف البوكان خلا !

    الجننون والبينيات بس كولهون انفرقو اسع البيدينى المى مانى لاقا !

    أها من تصبح لامن تغيب أقعد اصاقر فى السام دا !

    وانت فى الجوهال البيقو روجال والبينييات البقن فتوات ! وحات ربى انا بس مرق من لقدابتى

    حوليينى اتنين - صديت ليقيت بينية عاشة عميتى الكانت سوغويرى بترضع عرسوها !

    والبارح كانت سماية ويليدا البيكر !

    صوفت الينى دى انقلبنت كيفن ?

    واا مغيسى يا يابا من موية الملح الجايى تهرد مصارين عدوك !

    بس كمان نحنا جايين نعدم البولالى ! قالولنا تانى جنسو زول يزقيلو زراعى مافى !

    والبيكوبلو نوقطة المى فى حوض - يودهو الكراكون طوالى !

    غايتو الزمن بيقى كوتر - اتحصبنا بى الله !

    أسع دا كلام ! البيطينيين كولهون يمشوا يخلونى وححدى !!

    وحبابك يا نور الهادى اخوى ( يسعلنى الله حتى اسمك مترحمن وفيه من القرعان ) !


    وجييتك صاد دى كيف عجبتنى يا يابا - دحين تانى بس ضوومة لا تفوتنا شى .

    والاقوم اكورك لى ابو الحسن اخوى اقولو انت جييت - فيحال لا يشيل التومنى .

    ست البنات .
                   |Articles |News |مقالات |بيانات

06-01-2007, 08:29 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    Quote: والتصويرى اللت يحمد وليدك كييف سمحى - الله يحفضو وينجيهو - ويغتيهو من العين - ويخليهو ليكا .

    وان شاء الله يبقى وليدا زيين ومو عاق !



    ست البنات المبروكة أم الخير البتجي بخيرها لكل الناس
    مسّاك الله بالخير
    دي المحرية فيك ات يا بت الرجال أهل الدرق والسيف
    بت الما بهمو بحسلب الخريف والصيف
    بت البحجو المرقوب وبكرمو الضيف

    مشكورة والشكرة من زمان هيلك يا الزينة، وات كيفنك عللك عافي وسلامك وصلتو لاحمد وقال لي ست البنات دي مني ؟؟ قتلو عمتن ليك موجودة في الكمبيوتر قال لي افتح لي الكميوتر اللشوفا

    لك المودة والتقدير والاحترام
    خالد محجوب
                   |Articles |News |مقالات |بيانات

07-01-2007, 02:42 AM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    خالد ود عمى محجوب -

    يا يابا ربى يعلى مقامك - ويبرد حشاك بى وليدك -واخييانو -

    ويزيدك عافى فى عيضيماتك - ويبعد منك كل شر -

    نضمك بالحيل عجبنى وسر بالى !

    عيللى انا كوت زمان خاتى التصويرى اللتى فى الخرابة دا !

    واساعيتى بخوتها فيحال يحمد المبروك دا يشوف عميتو ! عيللى اصبرولى يومينى ولا يوم كدى !

    ملحوضى :

    انت ا خالد اخوى - القرفتن والجوروم والديفيقات - أبو الحسن ود عمى ما جابن للويليد

    شى ?? انا بس من البارح وديتن ليهو ومعاهن عطرون وكركب - ومحريب - واغراضن اخرات

    للبنوت ناس الملكى ومنى واخيياتن ???

    ست البنات .
                   |Articles |News |مقالات |بيانات

07-01-2007, 03:42 AM

yasiko
<ayasiko
تاريخ التسجيل: 05-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    Quote: ويا عشاى ما تجيبلى غونوى من اللات النعام
    السمحات ديلك تختها لى فى لقدابتى دى - بس أوال ما
    افتح اللقدابى القى الطنبور زى التكننى فى اللعب !


    ست الناس
    طلباتك أوامر
    لك الاحترام والشكر

                   |Articles |News |مقالات |بيانات

07-01-2007, 07:20 AM

yasiko
<ayasiko
تاريخ التسجيل: 05-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)
                   |Articles |News |مقالات |بيانات

07-01-2007, 07:26 AM

yasiko
<ayasiko
تاريخ التسجيل: 05-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)
                   |Articles |News |مقالات |بيانات

07-01-2007, 07:30 AM

yasiko
<ayasiko
تاريخ التسجيل: 05-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

                   |Articles |News |مقالات |بيانات

07-01-2007, 07:36 AM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    يا سيكو أخوى - انت ياكا ود القبايل وسمح الخسايل !


    ربى يحققلك كل مناك ورضاكا !

    يا ياسيكو اخوى - بركة المولى - وبركة من حفظ على من الكافرين

    وبركة المصطفى المختار - وبركة جميع من شيخا عابد وصايم وخايف ربو - وبركة جدى شيخ منور - وبركة جدى ود شيخ الحيران -

    ربى يجعللك فى كل ختوى سلامى - وفى كل قلب زولا طيب محبى - وتنعددل عليك شيقيش ما تقبل - ويديك ربى القبول عن خلقو - ويوسعلك فى رزقك - ويبعد منىك ولاد الحرام وبنات الحرام - ويطوول عيميرك وعيمير جميع الخلوق البتريدون -

    عاد الليلى ربى يفررحك ويبصتك مبصتتن تقعد للحول والحوليين - ميتل ما بصتتنى وفرحتنى - يفرحك رب العالمين دينى واخرى !

    وأمانى ماكا وليدا فهمان - والمخ العندك يقع عليى الحبان والزينيين - اكان بس بتفهم حديسى قباال ما افك حنكى بيهو يا اب عقلا كبير ومكمل !

    الليلى عاد بس لقدابتى ضوممة بس ملنى ساداها فيحال ما أخرب الغونوى السمحى دى - -!

    ست البنات .
                   |Articles |News |مقالات |بيانات

07-01-2007, 07:48 AM

أبو الحسين
<aأبو الحسين
تاريخ التسجيل: 07-11-2006
مجموع المشاركات: 7798

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    Quote: ملحوضى :

    انت ا خالد اخوى - القرفتن والجوروم والديفيقات - أبو الحسن ود عمى ما جابن للويليد

    شى ??



    ست البنيات لا حدَّهِن...

    صباحك زين...

    الشئ مُخلايْتِك اللديتيني ياها وصلتها... لقيت خالد مافي علقتها ليهو في دُقُل الباب!!!

    كميات مودتي... لقدابْتِك عامري بالحيل كدي أغدي البَهَم دا واصرِّر النعجي الوالدي دي لا تِتْرَضِع وأجيك صاد...


    أبو الحســــــــين...
                   |Articles |News |مقالات |بيانات

07-01-2007, 07:59 AM

yasiko
<ayasiko
تاريخ التسجيل: 05-02-2002
مجموع المشاركات: 2906

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

                   |Articles |News |مقالات |بيانات

07-01-2007, 08:07 AM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    والله ما تنسانا يا سمح الخسايل

    يا الساكن الشمال لى قلبى شايل

    البت ام رشوم بت القبايل

    جات تقدل متل ود الارايل

    فى الوادى المخدر وديمه سايل

    يا الله الجمال فوق اهلو خايل

    يوم جانى البريد ما كنت قايل

    انا بشوفو فراقا لى هجرانى طايل

    دايما فى الدروس تجى فى الأوايل

    الرايقة ما حامت فريق جابت قوايل

    الليل من حديقة الموردة لزهرو شايل
    اتذكرت محمودة الخسايل

    يا قليب الحاجة مالك ديمة شايل

    رمان صدرو خم عمارو شايل

    ريحة فمو مايقومة الفتايل

    وهى كان بسمت بريقا سوحبو شايل

    ست البنات.

    (عدل بواسطة ست البنات on 07-01-2007, 08:17 AM)
    (عدل بواسطة ست البنات on 07-01-2007, 09:07 AM)
    (عدل بواسطة ست البنات on 11-01-2007, 12:07 PM)

                   |Articles |News |مقالات |بيانات

07-01-2007, 08:30 AM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    والله الليلى يا ياسيكو بس قدور مانى فرحانى - برضة غدبانى !

    أقولك المفرحنى الغونوى الجبتها ليى دى - يفرحك رب العالمين !

    وغدبانى فيحال كوت جايى اقوم أرقص وادى الشبال ! عيللى فيحال العيد وأكنى فيحال ابقى زى البنوت الهينى فى البلد الطيرا عجمى دى - قوم جزييت راسى بعد ما كان طووال وسمح !

    أساعيتى عيللى ارجا سنى للحول حيتين يبقى زى ما كان أوالى ! أها باقيلك شيتن يغددب ولا لا ??

    بس بارك الله فيك الفرحتنا - يا والله دابنا عييدنا !

    ست البنات .
                   |Articles |News |مقالات |بيانات

07-01-2007, 08:48 AM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    أبو الحسن اخوى - صباحك زيين -

    شفت الوليد السمح وزيين ياسيكو سممحلى لقدابتى دى كيفن !!?

    ونسيت نسانى الموت ! كوت جايى اسعلك : نعل حيببت الجيريم ما اندفقت من الويليد دا ? بس لا

    يقوم يقول جاييى يزرعين شى ! قول لى أبو ود عمى محجوب الشى ديل مقلييات فى النار - ولا

    باكر بجيبلو جبات قنقر من ساقتنا .

    وبارك الله فيك يا ابو الحسن - دحين انت قوتللى من جريف نورى ولا القرير يا ربى ! أنا

    الليلى ياسيكو ما خلالى بال ضوممة - يفرحو رب العالمين -

    كلم البيطينيين والبينييات الأسوعوا ما جونى اليجو يحضروا الليعب الليلنا دا !

    أها الأقوم اوقد النار للسبروق - الشربوت فاير ملا الكبيق -

    وجاييى أعوسلى فطيريى لى يحمد وليد خالد ود عمى محجوب - فيحال يبقى السبروق دا يغللت عليى

    بيطينة الةيليد الريهيفى دى - يا يابا تلاقاهو أبو الحسن اخوى - صباحك زيين -

    شفت الوليد السمح وزيين ياسيكو سممحلى لقدابتى دى كيفن !!?

    ونسيت نسانى الموت ! كوت جايى اسعلك : نعل حيببت الجيريم ما اندفقت من الويليد دا ? بس لا يقوم يقول جاييى يزرعين شى ! قول لى أبو ود عمى محجوب الشى ديل مقلييات فى النار - ولا باكر بجيبلو جبات قنقر من ساقتنا .

    وبارك الله فيك يا ابو الحسن - دحين انت قوتللى من جريف نورى ولا القرير يا ربى ! أنا الليلى ياسيكو ما خلالى بال ضوممة - يفرحو رب العالمين -

    ونسيت نسانى الموت ! كوت جايى اسعلك : نعل حيببت الجيريم ما اندفقت من الويليد دا ? بس لا يقوم يقول جاييى يزرعين شى ! قول لى أبو ود عمى محجوب الشى ديل مقلييات فى النار - ولا باكر بجيبلو جبات قنقر من ساقتنا .

    وبارك الله فيك يا ابو الحسن - دحين انت قوتللى من جريف نورى ولا القرير يا ربى ! أنا الليلى ياسيكو ما خلالى بال ضوممة - يفرحو رب العالمين -

    وكلم البيطينيين والبينييات الأسوعوا ما جونى اليجو يحضروا الليعب الليلنا دا !

    أها الأقوم اوقد النار للسبروق - الشربوت فاير ملا الكبيق -

    وجاييى أعوسلى فطيريى لى يحمد وليد خالد ود عمى محجوب - فيحال يبقى السبروق دا يغللت عليى

    بيطينة الويليد الريهيفى دى - يا يابا تلاقاهو الخواجييى ولاب تسويلو شى يعصر قليبو هو

    وابو ! غير الأكل اليابس تديهو ليهو فيقشى فى ايديتو ميتل الزرزو يقريضا وهافو خلا اليوم كولو !

    بس يا ابو الحسن اخوى لا تحدس خالد بى حديسى دا يبقى بس ما يرضضيهو - عيللى انا يسعلنى ربى

    دايرى الويليد السوغووير دا ياكولو شيتن يعصر قلبو فى السقط دا !


    ست البنات .

    (عدل بواسطة ست البنات on 07-01-2007, 09:44 AM)

                   |Articles |News |مقالات |بيانات

07-01-2007, 01:33 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    Quote: وجاييى أعوسلى فطيريى لى يحمد وليد خالد ود عمى محجوب - فيحال يبقى السبروق دا يغللت عليى

    بيطينة الةيليد الريهيفى دى - يا يابا تلاقاهو أبو الحسن اخوى - صباحك زيين -




    ست البنات كيف اصبحتي علك عافي ومابتحسي بي شي
    اي والله الفطير خفيف وظنيتو يحبو باقي هو بحب لبن المعوز لبن الضان غلت علي قبل كدي،
    لما كنا في السودان في يومن بنتغدا وكان في الصينيّ ملاح خدري مفروكة وهو واقف جنبي كل ما ارفع لي لقمه وتسيل منها الخدره هو يضحك ويقطعها بأصابعو قتلو اديك منها يا احمد قال لي مابدور لبانه خدرا.... لكن عجبتو الرجلي وسمك النيل البلطي والغباشي اللت الروب لما يخشو أقعد ادقنقر جنب الحاجي وهي بتخش لمن تنتهي وتجمع الفرصي تلملالو كوريّ من الغباش ينتخها ويقوم.

    يعني لاني جعلي ماني معرس بت عمي انت واخيك ابوالحسين بقيتو تقطعو فوقي
    ألا مو مشكلي عارف نضمكم شايلو الهوا وما بتقصدو بهو ضمه شي

    ست البنات لك التحية والتقدير وكتيييير احترامي

    خالد محجوب

    (عدل بواسطة خالد علي محجوب المنسي on 07-01-2007, 01:36 PM)

                   |Articles |News |مقالات |بيانات

07-01-2007, 01:43 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: خالد علي محجوب المنسي)

    Quote: Dear Khalid
    Salam
    Copy the following




    سلام دكتور ياسين سنجك ميه واربعطاشر
    وزي مابقولك كل مرة يا يابا ربنا يجزاك خير وخيل
    والتالته ماني داير أقولا وات عارفها خايف من البنيّ ست البنات دي تقوم توصّل الحديث لام الوليدات

    لك التقدير والاحترام والمودة

    خالد محجوب
                   |Articles |News |مقالات |بيانات

07-01-2007, 02:17 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: خالد علي محجوب المنسي)

    Quote: والله ما تنسانا يا سمح الخسايل

    يا الساكن الشمال لى قلبى شايل

    البت ام رشوم بت القبايل

    جات تقدل متل ود الارايل

    فى الوادى المخدر وديمه سايل

    يا الله الجمال فوق اهلو خايل

    يوم جانى البريد ما كنت قايل

    انا بشوفو فراقا لى هجرانى طايل

    دايما فى الدروس تجى فى الأوايل

    الرايقة ما حامت فريق جابت قوايل

    الليل من حديقة المولى دا لزهرو شايل

    اتذكرت محمودة الخسايل

    يا قليب الحاجة مالك ديمة شايل

    رمان صدرو خم عمارو شايل

    ريحة فمو مايقومة الفتايل

    وهى كان بسمت بريقا سوحبو شايل

    ست البنات.



    Quote: الرايقة ما حامت فريق جابت قوايل

    رمان صدرو خم عمارو شايل

    ريحة فمو مايقومة الفتايل

    وهى كان بسمت بريقا سوحبو شايل




    يا سلااااااام ويا سلااااااام

    كلامن بسيط لكن مدلوله أعمق ينتف عصبه عصبة وقطعو مو قطع ليل

    سوووي يا ست البنات من جنس الحديث السمح دا وخلي السنجك ( دكتور ياسين ) يبدع ويطلّع المخبأ في الجربات مع المشرق والبركاوي والمحريب والقرنجال والجنزبيل الجنو عمنوّل في مجوز في بلاد اليانكي

    عليك أمان الله ناس الجمارك قالولك ماسكين مجوز دكتور ياسين دا يومين يحللو فيهو وما عرفولو أول من آخر قنعو منو وسلمو ليهو
                   |Articles |News |مقالات |بيانات

07-01-2007, 02:06 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    ست البنات كيف اصبحتي علك عافي ومابتحسي بي شي
    اي والله الفطير خفيف وظنيتو يحبو باقي هو بحب لبن المعوز لبن الضان غلت علي قبل كدي،
    لما كنا في السودان في يومن بنتغدا وكان في الصينيّ ملاح خدري مفروكة وهو واقف جنبي كل ما ارفع لي لقمه وتسيل منها الخدره هو يضحك ويقطعها بأصابعو قتلو اديك منها يا احمد قال لي مابدور لبانه خدرا.... لكن عجبتو الرجلي وسمك النيل البلطي والغباشي اللت الروب لما يخشو أقعد ادقنقر جنب الحاجي وهي بتخش لمن تنتهي وتجمع الفرصي تلملالو كوريّ من الغباش ينتخها ويقوم.

    يعني لاني جعلي ماني معرس بت عمي انت واخيك ابوالحسين بقيتو تقطعو فوقي
    ألا مو مشكلي عارف نضمكم شايلو الهوا وما بتقصدو بهو ضمه شي

    ست البنات لك التحية والتقدير وكتيييير احترامي

    خالد محجوب

    نان يا خالد ود عمى محجوب أكنك قايلنا بنتقاطع فوقك انا وابو الحسن اخوى !!!

    الله خلاهو ابو الحسن يايابا وليد السرور أب خشما تقيل ! بس يطرشنى عمرى ما سمعتو جابلو سيرة جينسو زول !

    وان كان عليى انا بس ما قوت شى ! لا تنتنى ساكت يا اخوى ! عامينى شايقييى ومانى جعلييى تقوم بس تقوش الكعب كولو فوقى ?

    وينك ليى يا معاوييى ود عمى كرفس - ووينك يا حبيب نورة العيدييل !!

    يا الله بجيك وتسعلنى الكلام دا قولناهو فى الضيحك والهيظار ساكت !

    واكان للخواجييى عارفينها ماب تفهم حديسنا دا ! عيللى اكان شيتن تودى ليها انت !

    وتانين شى بس اصلنا ولاساعيتى مانا فارزينك من اهلنا - انا اوالى مو قوتلك نحنا ابانا عم ??!

    وان بيقى نضمنا دا غللت عليك - اها العغو والعافى !

    وتعال يا عشاى شيل الفطيرييى يى دى العوستها للويليد .

    وانا عاارفا بيكون مكججن ملاحنا الاخدر - وبيقولبلنا اسمو !

    وصباحاتك بويوض يا المبروك .
                   |Articles |News |مقالات |بيانات

07-01-2007, 02:31 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)



    يا ملكة وبت ملوك يا العسكرك مجتمّعه

    ست البنات

    مالك التكنك اخدتي كلام جد وانتي وابو الحسن تاج راسي
    كان لابوالحسين سند الواقعة

    وكان ليك اتي بزغرديلنا في الحار ونزيد بزغودتك شبرين لفوق

    تسلمي يا اختي ولك التحية والتقدير والأحترام

    خالد محجوب
                   |Articles |News |مقالات |بيانات

07-01-2007, 02:59 PM

فدوى الشريف
<aفدوى الشريف
تاريخ التسجيل: 14-09-2006
مجموع المشاركات: 5361

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    ناس الشماليي كل سنه وانتو طيبين وربنا يحقق امانيكن
    والله شدة مامشتهاكن فتحت البوست وبقيت اعاين ضممممممممممممممه غلبني النضمي
    وكت قدر كتب ديل ماقصرت لامن اتفش شويي من الشوق دا بجيكن بي حروفي
    انشاءالله دايما عافي
                   |Articles |News |مقالات |بيانات

07-01-2007, 03:17 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    ( تنقاسى السوق - أبو رنات -أبو دوم الحوشاب - جريف نورى والقرير -سلام... )

    ياسيكو أخوى المو جخ ومو خمج - نعلك طيوييب يا يابا ?

    دحين حيس الدليب والطنابير بس لخممنى ضوممة ما شوف الانت كتبتو ليى دا - لا شوف السبيط

    العرجونو مندللى دا واا حلالى !

    نان عاد دا تانى نلقا وويين يا عشاى !? مو فارقنا السميح والسمحيين !

    الله يصددنا لى عقابنا ان كان نلقالنا زولا يرودلنا السلام فى البيوت البيقن خلا !

    الله يصرف الناس ديل من ويشيينا دا !

    ست البنات .
                   |Articles |News |مقالات |بيانات

07-01-2007, 03:44 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    خالد اخوى - نان وا سيجيمتى ! انا قالولك بس ان جييت بغدب منك شى !!

    لع يا أخوى - وحات ربى انا بس ان بيقت غيدب من البوطان والبنوت ديلا كولهون دحين باقيلك حديسك بيغدبنى ?

    يا يابا انت بس كان كدى ماكا عارفنى ضوممة !

    انا جينسو زول قال سلام يا لقدابتى دى أشيلو فوق راسى ! فيحال اهلنا الرحمة وسادتون علمونا كدى !

    ودحين انت بس يا عشاى ما قوتلى شيتن يزعل ضوممة !

    دايرى اسعلك : ويليدك يحمد - فطيريتى عجبتو ?

    ان بيقت عجبتو باكر تانى بسويلو شيويى !

    وترا ياسيكو ينبارك جابلنا الطنابير المو خمج فى بيكيينا !

    أها لا تفوتنا شى .

    وسلملى عليى ابو الحسن أخوى .

    وان لاقيت البيطينيين ناس حبيب نورة - وابو ساندرا - وود القرير ( نعلو كييب ) بس زمن ما كلا

    علينا ! والبينييات ناس أخيتى منى بت خوجلى - وماجدى المدت راسا هينى بس فد مرة ! والملكة ملكة سبأ -

    وفدوى بس ما قعد تقصصر طوالى بتدينى طلة مرة مرة . سلملى عليهون كولهون - وقول ليى طارق ود عمى جبرين

    قالتلك مالك بيقيت تسوع ماب نشوفك ?

    وفى امان الله .

    ست البنات .
                   |Articles |News |مقالات |بيانات

07-01-2007, 03:49 PM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: الشمالية المشرقة - اشتياقى لجناينها - ولتمودا ومشرقا !! (Re: ست البنات)

    فدوى اخييتى العيديلى وبت القبايل -

    نعلك طيبى ?

    والعيد يا يمة مبارك عليكى - وترجيى طيبى وكلك عافى !

    وتنعدل عليكى شيقيش ما تقببلى !

    وعليك الختم لا تنوهدبى شى ! تعالى أكليلك تورمة معانا واسمعى الطنبور البيلبش دا معانا !

    وتنباركى وتنسههل عليكى دينى واخرى - انتى والمعاك بركة الرحمن .

    ست البنات .
                   |Articles |News |مقالات |بيانات


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de