بينى... و بين الخاتم عدلان... و إنتخابات دوائر الخريجين بالجزيرة...1986

Quote: الخاتم والوطن نداء للزملاء والإخوان أقيفو دقيقة للأحزان هو فى حزن كبير وأكبر من إستشهاد ولد عدلان فارس الحوبة ما فى كلام يوم إتسيدو الأخوان ... يوم ساقونا للمجهول لا تعليم لا فى علاج ولا في أمان نشفو ريقنا يوم الجمعة يوم الرحمة يشبع فيهو كل جعان والنيل المدفق ديمة مويتو مخدرى القيزان آلاف السنين يتجارى مويتو بتروى للحيضان عمرو الموية ما إتعدمت ولا زولاً صبح عطشان ديمة بلدنا رويانا فى غير موسم الفيضان وموية النيل طعيمة كتر حلاتا تجيك من الرحمن وما إتعدمت ولا نشفت إلا فى آخر الأزمان ... زمناً غير وشرو كتير يوم إتحكموا الأخوان قصورن ديمة تشلح نور والسودان صبح ضلمان وسرقوا اللقمة من أطفالو جوعو كل زول شبعان ناساً ما بيخافو الدين يومة طففو الميزان وما قايلين بجيهن يوم يوم تتفرز الكيمان كوماً كان بقيم الليل وكوماً تانى للأخوان ... طريق الفقرا والثوار ما بيقدر عليهو جبان ما بيمشيهو زول ساكت على جموع من الفرسان ناس محجوب وناس جوزيف وقاسم أمين والخاتم ولد عدلان وناس الشيخ وناس محمود رجال من أشجع الشجعان ناساً شالو هم الناس هم أطفالنا والنسوان دافعو عن حقوق الناس رافعين عزة السودان رفضو الذل وما إتهانو يوم إتهانت الأوطان يومت جاها ناس هولاكو ديك طليان وأمريكان ... يوماً أسوداً بلحيل يوماً مكن الأخوان يوماً كان يريد فرسان شان تتصدى للعدوان نام "الأخ" غرير العين ما هاميهو كان إتحرقت الأوطان أصلو "الأخ" دا طبعو كدي لا عزة نفس هاماهو لا أوطان يوم القمرى قام هاجر والبلد إتملت غربان لا تسمع نغيم طنبور لا دلوكة لا زولاً صبح فرحان بعد حس الدليب ينقر بقينا بنسمع الغربان ... لا جغيمة ً تبل الريق بعد ما كل زول رويان بلدا خيرا مدفق وفاضت بيهو ها الحيشان دا كلو نتاج من الأفكار وبرامج شاملة مو هذيان برامج من عقول جبارة عقول محمود وود عدلان لا وعدت بنات الحور لا إعادة صياغة إنسان لكن الوعود الجد سعادة الأمة والسودان سعادة نابعى من خيرنا من وديانا والخيران ... تمرنا كتير وعيشنا غزير وقطنا بيكسى للعريان بركاوينا مالى الحوش وباقى تمورنا فى الحيشان ناكل وندى للجيران ونشبع للبجينا جعان ونكرم الضيف صباح ومساء حللنا بتغلى للضيفان وكضاب البقول جاها وقدل فى شوارع أمدرمان وشرب من مويتا الصافي ورجع من غير يحس بأمان عشان محروسا بى فقراها صناديدا ً يطردو الجان بيطردو كل جيش غازى ويلحقو كل زول لهفان

Quote: نداء للزملاء والإخوان أقيفو دقيقة للأحزان هو فى حزن كبير وأكبر من إستشهاد ولد عدلان فارس الحوبة ما فى كلام يوم إتسيدو الأخوان ... يوم ساقونا للمجهول لا تعليم لا فى علاج ولا في أمان نشفو ريقنا يوم الجمعة يوم الرحمة يشبع فيهو كل جعان والنيل المدفق ديمة مويتو مخدرى القيزان آلاف السنين يتجارى مويتو بتروى للحيضان عمرو الموية ما إتعدمت ولا زولاً صبح عطشان ديمة بلدنا رويانا فى غير موسم الفيضان وموية النيل طعيمة كتر حلاتا تجيك من الرحمن وما إتعدمت ولا نشفت إلا فى آخر الأزمان

Quote: بمجرد أن تحرك " الباص" نحو الخرطوم ، إعتذر لى الأخ الخاتم كثيراًعن إنه ربما سبب لى ""ضائقة " مالية، حينما أخذ نصف ثروتى فى تلك اللحظة !! فقلت له مداعباً " والله يا خاتم أنا الحقو أشكرك، لأنك أديتنى شرف إنو أكون دائن لى زول لأول مرة فى حياتى" !! ... وبالمناسبة لآخر مرة كذلك !! بعدها بدأ الأخ الخاتم فى شرح حيثيات الموقف الذى لخصه فى الحوجة الماسة لشقيقه لبعض " المصاريف " ، لا ليستمتع بها فى عاصمة الجزيرة ، وإنما ليقابل بها ضرورات مصروفاته الدراسية ، ولكن الخاتم كان لا يملك بعضاً مما طلبه شقيقه !! تأملوا هذا الموقف جيداً ومدى الحرج الذى أحس به الأخ الخاتم ، وهو الإنسان المرهف الأحاسيس بالفطرة ، حينما " تعشم " أخوه فى أن يحصل منه على عشرين جنيهاً فقط لا غير، وهو لا يمتلكها !! لقد كان الأخ الخاتم نزيها تماما، وفوق كل الشبهات، وبالأخص المالية منها!!

Quote: الدكتور إبراهيم سلام الأستاذه صلحة الكارب ربنا يرحمها ويغفر لها فقد غادرت سريعا تماما كالمناضل الفذ الخاتم فكان بعد أن كتبت مرثيتها تلك إستعدت هي الأخرى للرحيل اللهم أرحم الخاتم والشاعرة صلحة أما من ساهم بقصيدة صلحه في هذا البوست فهي شقيقتها رباب أعرف أنه خطأ غير مقصود.

Quote: برْق الليل الضَّّّّّّّّّّّّّّّـلــَّم وعاتِـم سحاب العينة السَّاق متراكم بحرالنيل السال متلاطم كله الحي بي يرحل يومًا ، شقَّ علي رحيل الخاتم إلا الجابر خاطري انا يابه إنك ترجع أرضك ونيلك جُوَّه تراب البلد الرِّدْتُه ، وجوَّه قلوب الناس الهيلك بكرة تشوف قدرك يا خاتم بين الغر البسرجُوا ليلك الطيبين شدَّادين حيلك بيعرفوك في دابُنْ كنت ، وما بينسوك بيحسُّوا رحيلك شوَّافين ما بطِشُّوا وحاتك ، سمَّاعين بيفُرزوا هديلك يا ذا الحس والراي الصارم نحن وراك أحزاننا بتكبر وبكبر بعدك فينا الشوق للإنسان الكُت منتظره ، للقيم المرفوعة وفوق بي نسقيه الشَّــقــَّق لمَّن يروىيسوِّي ليه عروق بنعيش ليه الوطن الغالي ، وبنعلـِّيه على المخلوق متفاءلين ، والجاد بيضوق شكرا خاتم ما قصّرت شكرا يا متفاني وذوق يا الفي الحارة بلاقيك باسم مستننك ، أسفا جيتنا ، ماك إياك يا حوض العاشم زي ما عاد مصطفى من قبلك ، حزن الناس تاريه مواسم أسمح لي خاتم من فضلك أمزج حزن الناس بي فرحك ، لما تعود لي أهلك وأصلك أفضل وابرك يرحل زول ، بي ترحل أُمَّة .. جبر الله يا الخاتم كسرك وأحسن فيك عزاء الأمَّة ، وبي أفضاله ينوّرقبرك ويتولاك بالرحمة ويغسل متل التوب الأبيض صدرك وينقيك – ما أكرم ربك – هو العالم بي جهرك وسرك ويلزم صبره جميع الفقدك ، ويطيِّب في الآخرة مقرك تتهنابُه محل قبلت ، ما يلاقيك إلا البيسُرَّك مسقط 26 أبريل 2005