دعواتكم لزميلنا المفكر د.الباقر العفيف بالشفاء العاجل
|
|
 موضوع العرس مرّة أخرى: تعديل مواصفات العروس
|
السلام عليكم...
تفضل الأخ سجيمان مشكوراً قبل كدا وعمل بوست بعنوان (أنور كينغ يبحث عن عروس)...وجاب سلسلة من المواصفات...لا أتفق معه فيها اذا أخذنا الموضوع على محمل الجد...
وفتحت الأخت رجاء بوست جميل آخر...نقزت فيهو لما أتأرشف....
وبعد تفكير طويل... دراسات ونقاشات وسهر وبكى و فرح والخ.... وليقينى ان العرس فى مجتمعنا السودانى مشكلة و ليس حلاً للمشكلة....
قلتا أعلن مواصفات العروس هنا من غير لف ولا دوران .. والفيهو الخير يقدمو ربنا....
انا داير عروس بالمواصفات الاتية:
1- العمر: ما بين 20 الى 24 عاماً
2- الدين: ليس مهما (ًتحديداً لى انا)
3- الجنسية: (أمريكية أو أوربية) تكون من أب أو أم سودانيين أو كلاهما و لا يشترط كلاهما.
4- الشكل العام أو المظهر أو الجمال: ليس مهماً(ًتحديداً لى انا).
5- لديها الاستعداد لتعيش معى فى أى مكان (كوريا- السودان- أوربا- أمريكا).
6- تكون عارفة حقوقها القانونية جيداً ( حتى لا أظلمها ولا تظلمنى).
أنور فتح الرحمن أحمد دفع الله
كوريا الجنوبية
للمراسلة الرجاء أستخدام هذا البريد
[email protected]
|
|
 
|
|
|
|
|
|
|
 Re: موضوع العرس مرّة أخرى: تعديل مواصفات العروس (Re: AnwarKing)
|
عزيزنا المهندس أنور
تحية و سلام
بالتوفيق إن شاء الله ..
بس حكاية تكون عارفة حقوقها القانونية دي مهمة شديد.
السودانيين هم الجنس الوحيد في هذه المعمورة الذين لا يدققون في مسألة الحقوق القانونية:
يعني مثلا الناس بتدقق في مسألة :
مقدم الصداق
مؤخر الصداق
منزل الزوجية ( في حالة الطلاق )
حساب البنك ( في الغرب بيكون مشترك ) و الزوجين بيعرفوا الداخل و المارق ..
العفش و إلى من يؤؤل في حالة الطلاق
موفق يا باشمهندس ..
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
أنور يا اخوي ..
الحاصل شنو ..
كدي خت الكورة واطة ..
الزواج دا مَحنة ..
يعني ما بنفع كدا .. ألكترونياً ..
وانت حياتك كلها " باي مشين " ..
حاول تغير ..
هسع دي .. البتلقا فيها المواصفات دي ..
تستف شنطتها يعني .. وتجيك في كوريا ..
وشنو حقوقها القانونية ..
والله نحن كان بنتحاسب كدا .. مافي مرة كانت قعدت مع راجلها ..
كدي .. اخد ليك شهرين في السودان ..
وحوم جنب استاد المريخ كدا ..
وانا خايف بعدها .. انت براك تتنازل عن حقوقك القانونية .. ! 
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: humida)
|
سلامات يا حميدة...
شكراً على المرور يا حبيب ...
تأكد تماما يا حميّدة ان صمام الأمان للأستقرار هو هذه الحقوق....
Quote: هسع دي .. البتلقا فيها المواصفات دي ..
تستف شنطتها يعني .. وتجيك في كوريا ..
|
والله يا حميدة دا غاية ما أتمناه... وربنا يجيب الرايحة...
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
يا زول انور الله يديك الفي مرادك
بس في فكرك البلتقاها هي ما حتخاف بناتنا ديلك يشيلن حالا ويقولن لقت ابو الوليدات من النيت ؟ ولا ما فارقة ؟
ما تشتغل بي كلامي اعتبرو من اخوك لزوم رفع البوست لي مزيد من القراءة يمكن تلاقي وتلاقي معاك لي الكاشف اخوك .
ابنوسي
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: tabaldy)
|
تبلدى...سلام بنكهة التبلدى بتاع هيلتون الخرطوم...
التقعد ترجاهو لمّا يطلع منك الآتو 
| Quote: بس في فكرك البلتقاها هي ما حتخاف بناتنا ديلك يشيلن حالا ويقولن لقت ابو الوليدات من النيت ؟ ولا ما فارقة ؟ |
طبعا زى ما قلتا انتا ما فارقة...
وأسمّح لك الكلام شوية:
جيلنا يا تبلدى ... جبل التدفق المعلوماتي... تغيرت فيه المفاهيم...
نظرة فابتسامة أصبحت Chat & then E-mail & then Phone call
وخير مكان فى الورى ظهر سابح اصبحت: ....وخير مكان فى الورى كمبيوتر أو انترنت كافيه...
جيلنا يا تبلدى عنوانه الإنترنت (البريد- الصفحات) .... وكل (لاجئ/ة) من جيلنا يمكنه النزول فى HomePage....
الحرامى الذى كان يسرق أشياء ترى بالعين... الآن يسرق ما لا يرى بالعين ولا يمكن مسكه باليد...
جيلنا يا تبلدى لا يحفظ من الغلاف للغلاف...وانما تحديه ان يعرف كيف يصل للعنوان...
وأول الكلام هاى و آخره باى..
وربنا يجيب الرايحة...
أنور
| |
|
|
|
|
|
|
|
|
 Re: موضوع العرس مرّة أخرى: تعديل مواصفات العروس (Re: AnwarKing)
|
الأخ أنور كنج
أولا تحياتي الحارة لك ولمن معك في كوريا أو السودان أو النت
وبعد ..........
ياخي باين عليك كدة حا تظلم بت الناس دي لانك عايزها تعرف حقوفها في الاول ....
نصيحتي ليك اعرف حقوقك انت وهي بتكون عارفة حقوقها وزيادة.
بعدين حقوقة دي حا تكون علي ياتو نظام أمريكا - كوريا- والله أوروبا - والله السودان - لأنو مافي نظام عالمي للحقوق بس في نظام عالمي للتجارة .
على العموم أتمنى لك التوفيق وانا مستعد أقدم خدماتي كرئيس سابق وحالي كمان لجمعية راسين في الحلال ......
طبعا ما تقول لي مقرها وين ........بس ناقصين الويب والعملية مسألة وقت وسوف تراها في النت ....... لكن المجموعة التي تعمل معنا الآن تفضل العمل manual يعنيى شغل الانترنت دة شايفنوا في المرحلة دي ما مجدي لأننا شغالين في وسط ضيق " أبناء/بنات المهجر
لو تصبر علينا شوية عندنا واحدة قربت تاخذ الجواز الأمريكي وواحدة أخرى معاها جواز سويدي .....
رغم كل هذا ورغم حبي لك لا أظن أن الزواج يمكن أن يتم بهذه الطريقة ..........
أو على الأقل دة من مبادئ راسين في الحلال على الاطلاق .....
نحن نريدك أن تراها وتراك ...... تحبها وتحبك ........
وبعد الكدة بنشتت التمر والعقد بقى ما زي زمان لكن في النهاية يوم انكتب العقد دة انعقدت انت
يا أخي أقول ليك كلام ثاني ...... صوم الاثنين والخميس ... لحدي ما تكمل دراستك ....
فقط أحببنا أن ندردش معك يا أمير ووفقك الله لما تحب وترضى
" أسأل الله صادقا باسمه الواحد الأحد الفرد الصمد الذي ان دعي به أجاب أن يوفقك في زيجة تفرحك وتسعدك الى يوم الدين آمين انه على كل شئ قدير "
وكما ورد في الحديث " ثلاثة وجب على الله عونهم منهم " الناكح يريد العفاف " كما قال صلى الله عليه وسلم ......
بالمناسبة زرت موقعكم العامر وقمت بالتسجيل والآن بصدد ارسال بعض الأوراق عن gis
لك خالص شكري و محبتي
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: انور الطيب)
|
الحبيب انور الطيب...
جزاك الله خير على الدعوات...
وياخى موش اسألك من وين الموقع بتاع المنظمة بتاعتكم...بل امد يدى بيضاء للمساعدة فى انجاز موقع لها...لعلمى انهاستحل مشاكل الكثير من الشباب....
طرح الموضوع من قبل فى موقع سجيمان... وبعده طرحنا الموضوع من موقع سودادف... والحمد لله انو لقيناك وانت صاحب خبرة فى التوفيق بين رأسين فى الحلال...
| Quote: لو تصبر علينا شوية عندنا واحدة قربت تاخذ الجواز الأمريكي ..... |
يا أخوى لو قلتا نصبر شوية...فكانما بتقول لى مكانك سرّ... واخوك خلااااااااااااااااااااس داير العرس وباقى عليهو...
| Quote: يا أخي أقول ليك كلام ثاني ...... صوم الاثنين والخميس ... لحدي ما تكمل دراستك .... |
والله صايمين...طبيعى صايمين...والله يقبل ...
وبعدين يا أنور يا أخوى...زملانى الكوريين هنا على أختلاف أديانهم (ما فيهم مسلمين) كلهم متزوجين... معقول بس يكون دينى الاسلام يحضنى على الزواج نظرياً..وعملياًًُ انا العازب الوحيد بينهم؟؟؟
" أسأل الله صادقا باسمه الواحد الأحد الفرد الصمد الذي ان دعي به أجاب أن يوفقك في زيجة تفرحك وتسعدك الى يوم الدين آمين انه على كل شئ قدير "
آمييييييييييييييييييييييييين...
وكما ورد في الحديث " ثلاثة وجب على الله عونهم منهم " الناكح يريد العفاف " كما قال صلى الله عليه وسلم ......
يلا يا أنور يا أخوى...يس ومعاها جكّة لى أخوك بالله...
أخوك أنور...
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
اخونا انور مالك يازول الظاهر الغربة دى اثرت عل صفاء ذهنك،ياخ الواحد بمشي لعرين الاسد كدا براه وباختياره،قالو المرأة كالفيل من المسلي مشاهدته في حديقة الحيوان ولكن من المستحيل الاحتفاظ ه في المنزل.كدي روق المنقه واعمل ليك كباية ليمون باردة وقرط علي كده بلا حقوقي بلا حقوقا انسي يامان
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: ود حماد)
|
انور هات من الاخر حقوق شنو الانت بتتكلم عنها لدرجة تغاضيك عن تفاصيل يرى غيرك من "عرسان من على البعد" انها اساسية ؟
حقوق زوجة ولا حقوق ما بعد انهيار الحلم المؤسسة ؟ كدى ورينا
عنى كاول بنية تزور البوست فانا برة المواصفات انما لو عندك انوار نورنا بيها وجنا ً تعرف حقوقك معاهو اخير من جناُ ماشى بى جهلو . اكتب بشكل منهجى عن الحقوق لو حابى وانا بمشى وبجيب الباقين .
سلام
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: نجلاء التوم)
|
العزيزة نجلاء التوم...
شكراً ليك على المرور ....
Quote: انور هات من الاخر حقوق شنو الانت بتتكلم عنها لدرجة تغاضيك عن تفاصيل يرى غيرك من "عرسان من على البعد" انها اساسية ؟
حقوق زوجة ولا حقوق ما بعد انهيار الحلم المؤسسة ؟ كدى ورينا |
مؤسسة؟؟؟؟
المؤسسة الوحيدة الادونا ليها فى السودان هى مؤسسة الاسواق الحرة...
| Quote: عنى كاول بنية تزور البوست فانا برة المواصفات |
ما كان العشم.... كان تدينى خاطرك طيب ولا دعوات كاربة زى بتاعة أنور الفوق دى...
شفتى يا نجلاء.... حبوبتى قالت لى انت داير تعرس بقملك ولا صوابك؟
قلت ليها دحين جدى لمّا عرسك كان قاسم مع قارون ؟؟؟
| Quote: اكتب بشكل منهجى عن الحقوق لو حابى وانا بمشى وبجيب الباقين . |
يا ريت لو تكتبى لى انت... وعليك الله ما تفوتى شئ..عشان الشباب زاتو يعرفوا الموضوع دا...
ومستنى عودتك...
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: ود حماد)
|
| Quote: اخونا انور مالك يازول الظاهر الغربة دى اثرت عل صفاء ذهنك،ياخ |
ود حماد يا حبيب...
بل زادته صفاءً...دا لو كان هو صافى فى الاول اصلاً 
| Quote: وباختياره،قالو المرأة كالفيل من المسلي مشاهدته في حديقة الحيوان ولكن من المستحيل الاحتفاظ ه في المنزل |
وقالوا القصار طالوا برضو...
وقلت: انا داير أعرس...
ممكن؟؟ّّّ!!؟؟
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
العزيز انوركنج
اشوف فيك خواطري
واشوف والي الدين في صورتك
له الرحمة
صديق هندي اراد ان يزوجني ابنته إن هي رضت
وبعد حين أعرضت عن الأمر عندما قال لي صديق
أفرض انك نزوجت من هندية ورضيت بالإقامة معك في السودان
وشاء القدر أن رحل لها عزيز بالهند أو مناسبة سعيدة لعزيز
وهنا يندرج البند السادس عندك
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
أنور
يا أخوى كدى أسمع كلام حميدة وخت الكورة واطة
دى شروط سهلة ... أسهل من أن تتصور
دائمآ المادى او المحسوس سهل المنال,يعنى بس هى تجيب كتاب
الأحوال الشخصية وتقعد تقرأ,دى الحاجة الوحيدة ال ممكن تجتهد
فيها تانى ما عندها غير تستف شنطتها وتكون جاهزة للإقلاع فى
اى لحظة
لكن بالطريق دى يادوب حتعرف إنها إستفادة من كتاب الأحوال الشخصية
لووووووووووول
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: mahitab barakat)
|
العزيزة mahitab barakat...
شكراً ليك على المرور...
حميدة شكلو حا يجر واطى فى نهاية البوست دا (عزومة العرس) فما تستعجلى بس 
Quote: دى شروط سهلة ... أسهل من أن تتصور
دائمآ المادى او المحسوس سهل المنال,يعنى بس هى تجيب كتاب
الأحوال الشخصية وتقعد تقرأ,دى الحاجة الوحيدة ال ممكن تجتهد
فيها تانى ما عندها غير تستف شنطتها وتكون جاهزة للإقلاع فى
اى لحظة
لكن بالطريق دى يادوب حتعرف إنها إستفادة من كتاب الأحوال الشخصية
لووووووووووول
|
وانا زاتى لووووووووووول ....
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
اخي انور
رزقك الله بنت الحلال
ذات الدين والمال
الحسن والدلال
والله انا اقدر شعورك تماما
فكلنا في الهوا سوا
وبصراحة انا منتظر تجربتك دي لو نجحت ح اقدم كورتي الكترونيا
اخوك
كمال
فرانكلي
_____
أتق الله حيث ما كنت واتبع السيئة الحسنة تمحها وخالق الناس بخلق حسن
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: Frankly)
|
الحبيب Frankly...
جزاك الله خير على الدعوات... وربنا يقبل...
طالما كلنا فى الهوى سوى... انت مستنينى مالك يا أخوى...موش دى واحدة من مشاكل عنوستنا برضو؟
يا زول ما تشيل هم... ان شاء الله لمّا يستضيفونا , زوجتى وانا فى موعد فى المهجر أو قلبين لماهم غرام... حاتذكرك و اذكرك...
أخوك أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: أبو ساندرا)
|
Anwar : take care , this post is getting much serious :someday
you may find yourself with some 3rousa about whome u really know nothing ,
it is not a game dear friend
try to add some impossible( terms) to avoid such trap
im not an expert on the matter of civil rights , but we can ask some other good ( specialists )to do it properly , if you still needs to inform your (impossible) wife with her rights
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: أبو ساندرا)
|
الحبيب أبو ساندرا...
قرأت الرد اعلاه مرات ومرات... وطرحت على نفسى هذا السؤال...
طيب السودانيين القاعدين بره ديل...حا يجيبو عرسان لى بناتهم من ويين؟؟؟
خصوصا انو الموضوع مستهجن من السودانيين...أقصد زواج السودانية من أجنبى...وأجمل حكاية قرأتها على الاطلاق فى هذا البورد..هى حكاية ديما (When families say NO) أدعو الجميع لقرأتها...
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
خالص التحايا
ود جيرانا زمان
وصديقى العزيز انور
كيف اخبارك وصحة والاهل وناس البيت
حقيقه لو موضوع ده انت جادى فيهو اتمنى ليك النجاح من كل قلبى ..
وحقيقه هناك كثير من الاسئله اجوبتها عندك عزيزى لماذا هذا الانقطاع ووو..
المهم من كل قلبى النجاح لك..
وانا لو لقيت ما بقصر معاك فى المواصفات الطارحها دى
ولك ودى
جاركم بالحيطه
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: bayan)
|
د.بيان...سلامات...
لا ...لا... ما بتنفعى...
Quote: لو بنفع بالله ايميلى فى البروفايل.. لازم ترد بسرعة لانه عندى كم اوفر كدا قدامى .
|
وعشان انا عارفك طيبة رسلت ليك رقم الحساب... الموضوع حا يحل مشكلة شاب عازب...وكمان شابة تود الزواج...
ولا شنو؟
نعم...
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: معتز تروتسكى)
|
انا... أقصد معتز تروتسكى...
أزيك ياخى... والله انت زول حنين شديد يا انا... أريت القى لى واحدة عندها قلبك دا ياخى...
| Quote: حقيقه لو موضوع ده انت جادى فيهو اتمنى ليك النجاح من كل قلبى .. |
يا أخوانا...ليه ما جادى يعنى!!!
لو ما جادى يا انا...كان شفنا القيرل فريند وجينا هنا ونسناكم بكوريا....
سبحانك ربى...
أصبح الكلام عن العرس ضرباً من الجنون!
انا مجنون...........
لك الحب يا معتز ويلاّ..يدك معانا...والله يازى الازانا....
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
بما انو مافى زول لحدى أسى دى دخل فى اللحم الحي...
لأقتبس ليكم شوية من بوست قريب...
ونسة لحدى ما نلقا العروس...وأمكن تجى حاجة فى الطريق تكون مفيدة...
طبعا الواحد مستحيل يكون عايش فى السودان وما يدى نفسة الحق الالهى (المزعوم والمستغل أسوأ استغلال) فى تأديب اخواته أو زوجته أو غيرو... وهذا يدخل فى دائرة العنف....
Quote:
العنف القائم على الجنس
ينص إعلان الأمم المتحدة للقضاء على العنف ضد المرأة في المادة الأولى على أن:
"عبارة ’العنف ضد المرأة‘ تعني أي فعل من أفعال العنف يقوم على الجنس ويؤدي أو يحتمل أن يؤدي إلى إلحاق أذى أو ألم جسدي أو جنسي أو نفسي بالمرأة، بما في ذلك التهديد بارتكاب مثل هذه الأفعال، أو الإكراه أو الحرمان التعسفي من الحرية، سواء حدث ذلك في الحياة العامة أو الخاصة."
وينص في المادة 2 على أن:
"العنف ضد المرأة يُفهم بأنه يشمل على سبيل المثال لا الحصر ما يلي:
(أ) العنف الجسدي والجنسي والنفسي الذي يحدث في العائلة، بما فيه الضرب والأذى الجنسي للأطفال الإناث في العائلة والعنف المتعلق بالمهور والاغتصاب الزوجي وتشويه الأعضاء التناسلية الأنثوية وغيره من الممارسات التقليدية المؤذية للمرأة، والعنف بين غير المتزوجين والعنف المتعلق بالاستغلال؛
(ب) العنف الجسدي والجنسي والنفسي الذي يحدث داخل المجتمع العام، بما فيه الاغتصاب والأذى الجنسي والتحرش والتخويف الجنسيين في العمل والمؤسسات التعليمية وسواها من الأماكن، والاتجار بالنساء والدعارة القسرية؛
(ج) العنف الجسدي والجنسي والنفسي الذي ترتكبه الدولة أو تتغاضى عنه، أينما يحدث."
وتنص التوصية العامة 19 الصادرة عن لجنة القضاء على جميع أشكال التمييز ضد المرأة على أن:
"العنف القائم على الجنس هو شكل من أشكال التمييز التي تقيد بشكل خطير من قدرة المرأة على التمتع بالحقوق والحريات على قدم المساواة مع الرجل."
وفي المادة 7 يمضي إلى القول إن:
"العنف القائم على الجنس والذي يضعف أو يبطل تمتع المرأة بحقوق الإنسان والحريات الأساسية بموجب القانون الدولي العام أو اتفاقيات حقوق الإنسان، يشكل تمييزاً ضمن معنى المادة الأولى من الاتفاقية."
وإضافة إلى ذلك، تعاني النساء بشكل غير متناسب من عواقب الفرار من النـزاعات لأنهن يشكلن أغلبية اللاجئين والأشخاص المهجرين داخلياً.
ويشمل تعريف التمييز العنف القائم على الجنس (النوع الاجتماعي). والعنف ضد المرأة هو شكل من أشكال العنف القائم على الجنس. وهو عنف موجه ضد المرأة بسبب كونها امرأة أو يؤثر على النساء بصورة غير متناسبة. ويشمل الأفعال التي تلحق أذى وألماً جسدياً أو عقلياً أو جنسياً، والتهديد بارتكاب هذه الأفعال، والإكراه وغير ذلك من صنوف الحرمان من الحرية.
ولا تحدد الأفعال بالضرورة بأنها قائمة على الجنس بمعزل عن غيرها، بل تتطلب تقييماً لكيفية تأثير أفعال معينة على النساء مقارنة بالرجال. كذلك هناك أفعال محددة تقوم عموما ًعلى الجنس.
ووفقاً لإعلان الأمم المتحدة الخاص بالقضاء على العنف ضد المرأة، فإن العنف القائم على الجنس يؤدي أو يحتمل أن يؤدي إلى إلحاق أذى أو ألم جسدي أو جنسي أو نفسي بالمرأة.
ويشمل :
التهديدات
الإكراه
الحرمان التعسفي من الحرية أينما يحدث
يمكن أن يحدث في الحياة العامة أو الخاصة على السواء.
وتشمل بعض العناصر التي يمكن النظر فيها لتحديد ما إذا كان فعل من أفعال العنف قائماً على الجنس :
السبب أو الدافع : مثلاً إهانات جنسية صريحة بشكل واضح خلال ارتكاب العنف.
الظروف أو السياق : مثلاً، إيذاء نساء ينتمين إلى فئة معينة في صراع مسلح.
الفعل نفسه، الشكل الذي يتخذه الانتهاك : مثلاً الأفعال الجنسية المكشوفة، التعري القسري، تشويه الأجزاء التناسلية من الجسم.
العواقب المترتبة على الانتهاك : الحمل والعار والتحويل إلى ضحية مرة أخرى من جانب مجتمع الناجية لأنه تم "انتهاك" الشرف.
توافر سبل الانتصاف والاستفادة منها والصعوبات في الحصول على سبيل انتصاف، مثلاً الصعوبات التي تواجهها النساء في الاستفادة من سبل الانتصاف بسبب عدم توافر المعونات القانونية، والحاجة إلى دعم العضو الذكر في العائلة، والحاجة إلى التركيز على رعاية المعولين وعدم توافر الرعاية الصحية المناسبة.
|
وعشان كدا...انا داير لى عروس... تعرف حقوقه كويس..وما تلتزم بأى اجاويد لو حصل يوم وأتعديت عليها بالضرب أو غيرو... لا قدر الله
انور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
عاد يا أنور كينج ما بسألك.. بالغته عديل كده.. شوف يا سيدي... انت عملت غلطتين هنا.. الأولى.. طلبته الزواج من varibale اسمه X.. وما حددته نوعه.. يعني لو شغال VB مثلا.. حيتعرف كVariant... يعني ممكن يكون Integer أو Long أو حتى Boolean... الغلطة التانية قصة الضرب دي... عاد دي بالجد أبدعته فيها! من أولها ناوي على الضرب.. وهي تعرف حقوقها لي يا أنور.. إنت أعرف واجباتك... ولا شنو؟
أنا أديك نصيحة.. إنت تغيّر الnickname بتاعك.. وتبدا من جديد .. وتغير الصورة كمان..
%
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: مريم بنت الحسين)
|
العزيزة مريم بنت الحسين...
ما أظن فى غلط يا مريم..كدى أقرى الكلام تانى...الداير يضرب يا مريم ما بتكلم بيهو...بضرب ساااااااااااااااااااى و ما ب يعّود يدو الكسل...
الضرب دا ما حكو لينا...شوفناهو بعينا دى... وتانى يوم زى الما حصل شى...
الغريبة الناس كلها متعلمة... لكن الطبيعة بتغلب التططبع...
ولا شنو؟
تانى حاجة...القصة ما فيها أى مجهول... وأديكى سيناريو...
يرسل ليك واحد على سبيل الهظار البايخ..يقول ليك انا أسمى تهانى وعمرى 21 سنة وعايشة فى المانياوعندى جواز أنجليزى...ممكن نتعرف؟؟؟)...
لاحظى تهانى الانجليزية فى المانيا...على وزن رمضان فوق البركان ...
المهم يا ستى...بس كرّبو الدعوات..واقروا لينا يسّ.... وادعموها بى جكّة...
أنور
| |
|
|
|
|
|
|
|
|
 Re: موضوع العرس مرّة أخرى: تعديل مواصفات العروس (Re: AnwarKing)
|
العزيز انور يا غشيم حصل البنية ورسل ليها رسالة انت خسران شنو؟
بعدين صدقني في المانيا سودانيين بجوازات امركية وكندية وانجليزية وهلم جرا بحكم دراسة ابائم في تلك البلاد ثم انتقالهم لالمانيا للعمل اولظروف اخرى
يرسل ليك واحد على سبيل الهظار البايخ..يقول ليك انا أسمى تهانى وعمرى 21 سنة وعايشة فى المانياوعندى جواز أنجليزى...ممكن نتعرف؟؟؟)...
لاحظى تهانى الانجليزية فى المانيا...على وزن رمضان فوق البركان ...
فرانكلي
_____
أتق الله حيث ما كنت واتبع السيئة الحسنة تمحها وخالق الناس بخلق حسن
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: Frankly)
|
Frankly....
Quote: العزيز انور يا غشيم حصل البنية ورسل ليها رسالة انت خسران شنو؟
|
لووووووووووووووووووووووول....يا حبيب انت شكلك تعبان أكتر منى والله...
اسمع أدفع لى خلو رجل وانا بطلع ليك من البوست دا...
دا سيناريو بس يا كيمو...ما جد جد...
لك الشكر يا حبيب...انفعالك حقيقي وصادق والله...
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
والله ياانور في المانيا مجموعة كبيرة جدا من ال"Mischling" وهم سودانيين من طرف اوروبي الام في الغالب
يعني السيناريو دا ممكن يكون اكثر من حقيقي صدقني
معليش بس انا شروطي تختلف عن شروطك كثيرا والبتقبل بيك ما ممكن تقبل بي او العكس
أنا عندي التدين و الحجاب شرطين مهمين جدا والباقي فيه برحة
فرانكلي
_____
أتق الله حيث ما كنت واتبع السيئة الحسنة تمحها وخالق الناس بخلق حسن
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: Frankly)
|
الحبيب فرانكلى...
مالك ياخوى داير تخوتنى فى خانة اليك...
انتا صحى سؤال..التدين والحجاب ديل حاجتين ولا حاجة واحدة؟؟؟ شايفك باصيت شروطك هنا معاى... وكدا حنبقا فى مزايدات ومنو الداير شنو....
على العموم يا حبيب... ربنا يوفق مساعينا جميعاً...
على فكرة...ايه رأيك فى موضوع المواقع بتاعة الزواج الموجودة حالياً؟؟؟
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: Alia awadelkareem)
|
العزيزة Alia awadelkareem...
أنقل لك هذا المقطع من كتاب الادب الشعبى فى السودان:-
| Quote: الشيخ فرح ودتكتوك عاش فى سنار فى زمن مملكة الفونج فى النصف الثانى من القرن السابع عشر، وهو من قبيلة البطاحين، يحب العلم والعلماء، وقد اشتهر بين قومه بالحكمة، فكان الناس يتناقلون كلماته، ويشعفون بكل ما يأتى به من أقوال وحركات، يحكى أنه نزل فى مرة فى حلبة الرقص حيث كان يوجد بعض السكارى والصعاليك الذين لعبت الخمرة بعقولهم ، فاخذوا يتصاحون ويرقصون فى صخب جامح، فتمنطق الشيخ فرح بعمامته، وأخذ يرقص معهم ، فاقبل عليه بعض محبيه، يستفسرون عن السبب الذى جعله ينخرط فى سلك هذه الشلة الفاسدة وهو الشيخ المتصوف الورع. فاشار الشيخ فرح بأسلوبه الحكيم، اصغوا أيها الناس إلى موسيقاهم، وضربات نوباتهم كأنها تقول " كم كبت وكم تكب ، وكم كبت وكم تكب." |
لذلك أقبل تعليقك بأن الموضوع طريف...
Quote: ومدي جسارة الانسان السوداني في صراعة من أجل البقاء في الغربة.
|
أشك فى هذه الجسارة يا سيدتى....
ودونك ما نحن فيه...
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: smilewomen)
|
العزيزة smilewomen...
الرجاء مراجعة المواصفات اعلاه... أظن انهم اكتر من كدا شوية ....
| Quote: وماذا عن الحسب والنسب والدين والأخلاق وسمعتها وسمعة أسرتها |
هل أفهم ان كل السودانيين اصحاب الجوازات الأجنبية لا يملكون الحسب والنسب والدين والأخلاق ؟؟؟
طبعا ما حا أفهم كدا... وأرجو منك مرة أخرى ابداء ملاحظاتك من دون التخفى وراء رأى نجلاء...
وشكرا ليك برضو على الدعوات...بس دايرة معاها جكة...
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
أنور .. سلام تاني...
الظاهر ما فهمت علي... زي ما بقولوا الشوام..
انا ما عندي أي اعتراض على العلاقات أونلاين.. بالعكس كمان...
زي ما زمان كانوا الناس بتلاقوا في الجامعة.. أو بتلاقوا صدفة في مناسبة.. أو حتى ما بتلاقوا خالص... ده طابع جيلنا الالكتروني.. ما تنسى إني إلكترونية ...
انا تعليقي على عمومية المواصفات يا أنور.. المواصفات بتاعتك دي زي ما قالت ليك د.بيان .. بتنطبق على 99.9% من الفتيات بشكل عام.. خلي بنات البورد...
كل البحاول أقوله ليك.. عشان تعيش باقي عمرك سعيد.. فكر في من تناسبك.. وحدد شروطك ومواصفاتك بدقة... عشان أمورك تسلك.. وداعين ليك... بي الجكّة كمان...
نسمع عنّك كل خير
بنت الحسين
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: مريم بنت الحسين)
|
العزيزة جداً...خالص أوى مريم بنت الحسين...زى ما بقولو المصريين
لدى أستعداد للفهم... دائما وابداً....
| Quote: ده طابع جيلنا الالكتروني.. ما تنسى إني إلكترونية ... |
المشكلة يا مريم موش فى كونك الكترونى أو لا...
المشكلة كما أعرفها..هى هل لدينا أستعداد لمواصلة المشوار الكترونياً....؟؟؟؟ يعنى بكلام أوضح
هل احنا الشباب هنا مستعدين للزواج عبر الانترنت متى ما توفرت المواصفات المطلوبة...
عن نفسى: الاجابة نعم...
ماذا عن الآخرين/ت؟
Quote: انا تعليقي على عمومية المواصفات يا أنور.. المواصفات بتاعتك دي زي ما قالت ليك د.بيان .. بتنطبق على 99.9% من الفتيات بشكل عام.. خلي بنات البورد...
|
ان كان هذا ما فهمتوه يا مريم...أقول ليكم..الواحد بيكون داير حاجة... بيضع الاطر العامة البيراها مناسبة ليهو... ثم يبحث خلال النتائج الاولية للبحث مرة أخرى...
والمواصفات الدقيقة القاصدناها انتى ود.بيان..ما اديتونى عليها مثال...
نورونا...الله ينور عليكم...
Quote:
نسمع عنّك كل خير
بنت الحسين |
شنو الحكاية يا أخوانا...نجلاء والآن مريم...مودعين ويين؟؟؟؟
بالله ختو الكورة واطة وناقشوا واحد واحدة....الى ان يفتح الله على بالعروسة...
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: رحاب بنت المكي)
|
العزيزة رحاب بنت المكي...
الف شكر ليك على الدعوات..
وتأكدى تماماً انو لو لقيتا...حا أشيله فى حدقات عيوني دى....
وابشرى بالخير...
| Quote: من منطلق حرية التعبير عن الرأي، حقول بكل صراحة إنك فعلا بالغت !؟؟! ... |
ما فاهم الحتة دى؟!؟
رجاءً توضيحها... وبعودتكم يكتمل السمر...
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
انور يا خوى البوست ده فاتح فتح شديد
بالله انا غبت لى يومين جيت لقيت غبارك لاوى
عارف ؟
انت ح تصل يا كنج لكن المشكلة الوحيدة انو الاحتمالات مفتوحة وحتجى لحظة محددة صارمة يكون عليك استقبال قبلة واحدة والمشى فى سكتها للاخر بدون ما تتلفت ولا مرة لى ورا . بعد زمن يا انور ممكن يكون فى حب ،ممكن جدا على فكرة لكن السعادة ( النسبية ) ح تكون برضو فى الرضا والرضا مرتبة عالية وغالية عايز قلوب دهب وارواح مغسلة بالتواضع والسماح . امش لى قدام شوية . لكن قيل كده قول لى : انت تربية منو فى الحبوبات يا انور ؟ بتنكت كلام لا فى السما لا فى الارض ، غايتو البنية الله يعينها عليك لانك غلباوى ومشاكس وروحك خفيفة . منور .
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
عزيزي أنور
ربنا يسهل عليك و قال سيد الرايحة بكوس في خشم البقرة ...
انا حابي احكيليك قصتي مع كوليل ....
يوم جاني ليك من الصباح و قالي ياخ انا خلاس لقيت العروس الكايسليها ,,,
قتليه طيب اها منو ...
قالي دي صاحبة بت عمي .....
قلتليه خير اها مواصفاتها شنو ..!!!
فبدى يوصف ... طبعاً من غير اطاله كل ما يبحث الرجل عنه في حوة ....السماحة و الطول و البياض و .... و .,,,, و الخ ...
قلتليه طيب ما كان عندك خيارات كتيرة زي دي و امكن احسن ,,,, الخلاك تميز دي شنو ؟؟؟
قالي و الله دي فيها ميزة أساسية ,,,,,
قالت: هي شنو ...
قال: طرشة ...!!!!
قلتليه كيف يعني (زي الاتوز الطرشة)
قالي لا : طرشة لا بتسمع ولا بتتكلم ... يعني في بند كامل محذوف من بنود النكد العائلي ...
يعني ما في نقة ....
قلتليه النقة بتاعة الخشم هينة ...
كعب اللكيز ... يعني يقومو يلكزوك عشان يلفتوك ولة يصحوك دي ما هتفتل أفكارك ....
قالي بيني و بينك عندك حق نشوف لينا وحدة مشلولة و طرشة أحسن ....
و دمتم ...
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
سلام مجدداً....
أعود مرة أخرى لمناقشة مواصفات العروس حسب فهمى ...
Quote: 1- العمر: ما بين 20 الى 24 عاماً
|
انا من مواليد 1978...
Quote: 1- 2- الدين: ليس مهما (ًتحديداً لى انا)
|
الدين المعاملة....الدين ممارسة... الدين وليس مظاهر التدين (...). انا أعيش الآن فى كوريا الجنوبية...لا يوجد مسلم/ة فى البيئة المحيطة بى 24 ساعة... ولكن الاسلام (ممارسة) موجود 25 ساعة فى اليوم...
وأكتر من كدا كمان...لدى صديق من الصين...لا دين له...متزوج من صينية مسلمة... قابلت زوجته عندما زارت كوريا...وسألتها عن حياتهم فى الصين...وجدت انها مسلمة (بالولادة) ولا تعرف عن الاسلام شيئا... مع انو ابوها كان فى الحج قبل 3 سنين على حسب قولها...
قالت لى ساعدنى فى انة الزول دا يسلم بحكم انو زميلك و صديقك...
قلتا ليها...انا بنوم معاهو؟ الموضوع فى ممارستك وليس فى الاقناع بالكلام...وهو مازال صديقي وسيظل....
كل الاديان السماوية تدعو للفضيلة... ولا يمنع دينى الاسلام زواج الكتابية (مسيحين ويهود) وكمان انا اديها ليكم جردل موية زيادة وأقول انا ما عندى مشكلة لو أتزوج زولة ما عندها دين زاتو...
والفيصل فى دخولها الاسلام أو ابقائها على دينها أو لا دينها هوالمعاملة و المعيشة...
فلو كنت مسلم صحيح... أكيد بعمل فرق فى حياة شريكة حياتى...ولذلك انا مهتم جداً بمسألة الحقوق...
حتى لا أعطى نفسى حق..هو ليس لى... ان أعامل زوجتى معاملة الرق...ولى فى رسول الله أسوة حسنة...تزوج بمارية رضى الله عنها... ولم يظلمها لأنها غير مسلمة...
وهنا تحضرنى نكتة لواحد سأل صديقة (الخواجة) يا خواجة أدينى 10 دولار...رد عليهو والله ما عندى...
قال ليهو طيب الكافر ليها شنو؟
وسأعود لمزيد من التوضيح...
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
فريقنا فى البحث العلمى يتكون من اربعة أفراد... ولدين وبنتين...
قائد الفريق شين مون سونق..متزوجة..تخرجت هذا العام من الدكتوراة... الشخصية رقم 2 هى كيم ان هى التى تكبرنى بعام... وهى القائد للفريق الآن..لم أشعر يوماخلال عام دراسي كامل انهم أقل من الاولاد فى أى شئ...كان الشخص نمرة 3 فى الفريق جونغ ون يونغ كان انا...بل بالعكس فى كثير من الاحيان بيدونا على راسنا من اجل اكتمال العمل...
الكوريون بيحبوا الشغل لدرجة لا توصف... وهذه هى عقيدتهم... وفى ثقافة الكوريين الانسان الفاشل لا داعى لوجوده...لذلك ينتحر هو/هى طواعية...
قائد الفريق الحالي...فى مرّة من المرات كنت بكنس فى المعمل... تحضيراً لنقل اماكن الناس واعادة تنظيمها... حصل بينا نقاش...
قالت : كنّس الحتة دى...
شعرت بغيظ شديد... وقلتا ليها الكنيس دا شغلة نسوان عندنا فى ثقافتنا... ما عندنا راجل بيكنس هناك...
قالت لى..هنا فى كوريا مافى فرق بين الراجل والمرأة...(لو انتا فى روما..اتصرف كالرومان)...
فلقيت نفسى فى وضع حرج... وواصلتا الكنيس فى المكان القالتو لى...
الكنيس دا رغم انو حاجة بسيطة...لكن بجيب الضرب وراهوا...
مرة واحدة من اسرتنا...أكلت ليها علقة حارررررررة عشان الضيوف جو والديوان كان وسخان....
بعدها بفترة...واحدة تانى من أسرتنا...طلقوها..عشان جا ضيف سكران..وابت تدخلوا البيت...
على غرار السكران فى ذمة الواعى....دحين الاطفال فى ذمة منو؟؟؟؟
نفس قائد الفريق دا.... بعد ما كملنا الترتيبات فى المعمل... مكتبي طلع ضيق شوية...وفى خط الشبكة عامل عارض ...مما اضطرنى للصلاة فى الممر...
أخدت لى طلعة برّة وجيت راجع لقيت السناير بتوعونى بيصلحوا فى المكان تانى مرة... وافسحوا لى مكان ممكن يصلوا فيه الجمعة... والخصم فى المساحة كان على حساب قائد الفريق...
لقيت نفسي باقول لقائد الفريق..يعلم الله انا بحبك...
وحكايات كتيرة..أثبتت لى انو ...........
وسأعود...
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
أنور سلام...
شوف يا سيدي.. موضوع المواصفات ده.. مفروض تحدده إنت.. بعدين عندنا مثل حلو خلاص في السودان بقول ليك.. كان اتنين قالوا ليك راسك مافيش أهبشه... إنت أقرا الردود دي من البداية للنهاية.. حتلقى كلها بتصب في نفس الاتجاه ده.. أو ما يشبهه.. كلمة حميده عجبتني.. قال ليك "المحنّه".. انا بصيغها ليك بطريقة أخرى.. انا بحاول بس أقول ليك إنه مفروض الانسانه الحترتبط بيها تكون إنت متخيل شكل حياتك معاها.. أصله ما بختلف معاك في موضوع الدين ولا العمر.. لكن في تفاصيل تانية دقييييييييييقة.. اها إنت عليك تحدد التفاصيل دي.. ما أنا... ولا أي زول تاني.. بس إنت فكر في كلام الحبوبة العجوز دي.. وكل شي بمشي تمام... محظوظ البلقى نصفه الآخر.. لكن لو ما لقيته.. على الأقل تلقى البشبهك... لا العمر ولا الدين ولا حتى الملامح حتحدد ليك شكل حياتك بعدين..
الكلام ده ذكرني فلم جميييييييييييل بحضره كل ما يجيبوهو.. الفلم اسمه "العازب".. رغم إنه فكرته قد تكون دخيله من المجتمع الامريكي.. لكن فلم جميل.. شاب في مقتبل العمر.. وعز شبابه.. وأوج نجاحه.. مرتبط بواحده.. بس ما جاد بما يكفي عشان يتزوجها.. جده بموت ويترك ليه ثروه هائله.. قروش كتيره شديد.. لكن بشترط عليه يتزوج قبل عيدميلاده الثلاثين.. والواقع بعد يومين من الاحداث.. اها.. الولد بطل يد البنت البحبها.. لكن بتحس إنه ما مستعد للارتباط (رغم انها متأكده من حبه).. بترفضه.. بقوم عشان ما يخسر عمله وأسباب إنسانية أخرى.. بفتش عن عروس .. توافق عليه .. بديها كل التفاصيل .. ثروة كم مليون دولار.. بشرط إنها تعيش معاه عشرة سنين.. تحت سقف واحد وتجيب ليهو أولاد.. كل واحده مشى ليها رفضته.. واحده منهم شغاله شرطية.. ضربته كف حار (على أمل إنه يصحى) وقالت ليهو "عايز تضع فرصتي في إ،ي أجد الحب الحقيقي .. وأربط نفسي بيك لمدة عشرة سنوات!؟"...
رأيي في الانترنت.. والجيل اللاكتروني ما بختلف عن رأيك خالص يا أنور.. وأؤيدك فيه.... لكن ده ما بنفي إنه زيه زي أي طريقة ارتباط أخرى.. لازم تتوفر فيه العوامل الأساسية.. وإلا .. يفشل .. زيه زي أي ارتباط آخر.. أعود لنقطة المواصفات.. فكر إنت ممكن تعيش مع منو لآخر العمر.. أهم حاجة تخت في بالك.. الحياة ما دايماً حلوة.. الانسانه الممكن تصبر عليها وتصبر عليك .. (من غير ضرب )....
ولازلنا داعيين ليك...
انا ما ماشه أي حته.. قااااااااعده..
بنت الحسين
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: مريم بنت الحسين)
|
| Quote: بعدين عندنا مثل حلو خلاص في السودان بقول ليك.. كان اتنين قالوا ليك راسك مافيش أهبشه... |
العزيزة مريم...
فى السودان الناس بتقول ليك راسك مافى....صح...
لكن مافى زول بيقول ليك راسك مشى وين... وانا لو باريت كل اتنين..ما أظنى حا آكل غير الفول بس..
و(الفيلم) دا و الكلام دا كان بيحصل لما كنا (عزابة) فى مصر...الشباب يقولوا اها كيف عشة الفلاتية (قاصدين العشاء)..انا مسبقا بكون عارفو فول... وبرضو لزوم اللياقة وتكسير الوقت..كنا بنحاجج... ونقول ايه رأيكم فى ماكدونادز... يقوم واحد تانى يكسر مقاديف الشباب... يقول انا (مقاطع المنتجات الأمريكية)...وهو ما عارف انو أمريكا مقاطعة السودان كلو ...
((( بس إنت فكر في كلام الحبوبة العجوز دي)))
أكرر ليكى الكلام من تانى..حبوبتى قالت لى انتا داير تعرس بقملك ولا صوابك...نفس الحبوبة دى..حسبت لى مصاريف الزواج بمبلغ 40 مليون جنية سودانى كمتوسط...
وقعدت تسوى لى فى لو جبتا زى ما جاب ود ناس فلان ...ولو عاملتا زى ما عمل ود ناس علان...
قلتا ليها يا حبوبة الكلام دا كيفن عاد؟؟؟؟
انت براكى بتقولى لى انا قروشى دى عملتها من بيع الأيسكريم... وانا ما داير أبيع كمبيوترات,,, ولا أيسكريم...
انا داير أعرس....
لما لقيت انة كلام حبوبتى بقا (عصرى) شديد...على وزن حبوبة ستايل وكدا...
قلتا ليها دحين أكربى وسطتك من أسع...وبعدين (الانجليزى) الما خمج مع عروستى...
| Quote: رأيي في الانترنت.. والجيل اللاكتروني ما بختلف عن رأيك خالص يا أنور.. وأؤيدك فيه.... لكن ده ما بنفي إنه زيه زي أي طريقة ارتباط أخرى.. لازم تتوفر فيه العوامل الأساسية.. وإلا .. يفشل .. زيه زي أي ارتباط آخر.. |
مريم...الزواج عبر الإنترنت من أهم مزاياه...انو سريع...
يعنى هذا العالم (الانترنت) متوفرة فيهو أى حاجة... وعالم كبيييييييييييييييير... الواحد لو ما لقا هنا بلقى فى مكان تانى...
العوامل الاساسية دى شنو؟؟؟؟
عليك الله بالتفصيل كدا.... ومباشرة....
ولك الود...
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
مع انو الشرط بتاع الدين جا الواحد لسة ما قال فيهو كلامو كلو... ومافى أى مساعدات جانبية...بخلي الحال على ما هو عليه...ولينكر كل منا الكلمات فى مقابل الأفعال... الحقيقة مقابل الانفصام...
ونواصل...
Quote: 3- الجنسية: (أمريكية أو أوربية) تكون من أب أو أم سودانيين أو كلاهما و لا يشترط كلاهما.
|
موضوع الجنسية دا موضوع جميل جداً...
الجواز السودانى مصدر تعب وهم واتهام وتعب وضرائب و قهر وحقوق ضائعة و حليفة بالله (تصل الى اليمين الغموس) واتجار وخدمة (غير وطنية) ورشوة وتجديد كل سنتين وغيرو من انواع المذلة والمهانة....
والغريبة فى رد من ردود مسئول سودان إير على د.معز بخيت..قال ليهو انت تحمل جواز سفر غير سودانى ولا يحق لك الكلام عن السودان!!!!
حلات لكلك يا (مسئول).....كان تقول الكلام دا لعم كولن... لمّا كلنا السودانين الأصيلين... بكل ألوانا واعراقنا وأشكالنا منتظرين ذاك السودانى الأسمو كولن باول يجى من بلداً طيرا كان عجم عشان موش ينتقد سودان إير فى (سلوكها) العجيب دا...
وانما ليوقف نزيف انسانى بين (المسلمين)....
يا سلام..والله بقيت أعرف اكتب...
ولا د.نجاة... متذكرة أول (شكلة/مداخلة) بينى وبينك؟؟؟
كانت عن (اتهام) تماضر انها تحمل جواز سفر أمريكي.... الله يلعنك يا ابليس..دايما فى ذاكرتى العرجاء../ا بتذكر الا الحاجات الفيها مشاكل!!؟؟!!!
على العموم يا أخوانا وأخواتنا...انا بحتفظ بجوازى السوداني... وما حا اقطعوا ابداً بحثا عن لجوء سياسيى... وما حا اضيعوا ابداً...
بس داير أخلى لى أولادنا الجايين...ثروة...ليست قروش... وانما سفارة تحميهم فى بلدهم من أهلهم..
وجواز يسهل ليهم يسافروا فى مشارق الارض ومغاربها من دون ان يكونوا متهمين مسبقا..بأرهاب لا يد لهم فيه ولا رجل... ولا أضان... وكل دا بسبة (المسلمين)...
عجبى...دحين السودانين الغير مسلمين ذنبهم شنو يا ناس؟؟؟؟
احب السفر والترحال... وأتمنى انو اسافر مع شريكة حياتى الى كل العالم... من والى اى مكان..سياحة...مؤتمر... أى حاجة... بس ما أكون متهم...ولا مذلول... ولا أدفع ضرائب تمشى فى عربات (للمسئولين) أو تضيع بلا محكمة...
وفتشوا فى البورد دا تانى وتالت...وشوفوا..كان فى بوست بتاع الجوازات.... شوفوا الجواز بتاعنا فيهو ورود...ولا (صقور)؟
ولسسسسسسسسسسسسسسسسسسسسسسسسسسسة بيناتنا المسافة....
ملاحظة صغيرة... من كان أشد وطنية من عبد الله الطيب أو يريد ان ينافس ابداع الطيب صالح...
فليلاقنى خلف الجبل...انى هناك منتظر....
العروس...
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: Frankly)
|
الباشـــكنج أنور ... سلام
دعني أدعو لك بالتوفيق أولاً وأن تجد ( نصفك الآخر ) بكل مواصفاتك وبكل سودانيتها .
حقيقة ما لفت إنتباهي هذه المقدرة أخ أنور علي السرد الراقي ومقدرتك الفذة علي ( شوجنة ) الحديث وتشعيبك للحديث بمقدرة ( قاص و روائي ) ..ما عاوز أقول شاعر بكرة تقوم تزيد شرط علي المواصفات .....
هذا الجانب أغفلته تماماً في كل مداخلاتك ومواضيعك في البورد فهي تمتاز برسمية
و ( خير الكلام ما قلّ ودلّ ) و قد خسرنا الكثير يا حبيب من مثل هذه الحكاوي والمشهدة وأخيراً قبضناك متلبس بالإبداع و نتمني أن لا تكون ( حالة مؤقتة ) تزول بالجرتق والزغاريد .... بالله يا حبيب واصل في تجليك قبل العرس وأثناء العرس وبعد العرس ... وطول العمر ... وسنكون في إنتظار نصفك الآخر ( المبدع ) وأنت واصل بحثك عن نصفك الآخر ( الحلو) ....
التحية للجميع
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: filan)
|
يا سلااااااااام يا حبيبى filan....
اها شوفتا دا الكلام البيجنن بوبى ذاتو....لما زول يطلع (مبدع)...بس عشان حكى الواقع من غير لف ولا دوران...؟!!
Quote: هذا الجانب أغفلته تماماً في كل مداخلاتك ومواضيعك في البورد فهي تمتاز برسمية
و ( خير الكلام ما قلّ ودلّ ) |
الحبيب فلان...انا مؤمن جداً بالتخصصية يعنى القاص والروائي والشعر..دا رقيص ما عندى ليهو رقبة.... وكمان مؤمن أكثر بتخاذل المتخصصين السودانيين.... لانهم وبكل أسف...يفلحوا فى أى شغل خارج السودان... وما قدروا/ بيقدروا يعملوا أى حاجة لمحمد أحمد ودينق وأدروب و ابايزيد....
معظم ما اكتبه يصب فى مجال الحاسب الآلى فى موقع جمعية المطورين السودانيينhttp://sudadev.net/forum/ (سودادف) ولدى أهتمام خاص بأمن المعلومات والخصوصية.... وأحب ان أقرا أفكار وأحضر أفلام فى هذا المجال كما انو لدى أفكارى الخاصة التى احب مناقشتها فى جو متخصص... عشان ما نطلع كفار ساكت (شمار فى مرقة)...
المشكلة انو أهلى السودانيين ديل...الابداع عندهم بس قصيدة ...ولا قصيدة ملحنة (غنية) غير كدا انت ما مبدع! وبعد دا كلو قالوا الغنا حرام!!!
| Quote: و نتمني أن لا تكون ( حالة مؤقتة ) تزول بالجرتق والزغاريد |
عجبنى المقطع دا جداً...بالله يا استاذ ممكن الحنوا وأغنيهو؟
البخور والدلكة انا خلن عقلى لكة....انا يا ناس طال عذابى الليلة....
مالك الحب يا فلان....
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: Khaalaleyaal)
|
الحبيب Khaalaleyaal....
أفهم رسالتك كنكتة تعطر البوست....
ولكن أوضح للقراء الكرام... اننى لست مادياً... ولم أطلب (الشيلة) أو مساعدة من أحد...
وربنا يكفينا شر (الكشف)...التقعد تسدد فيهو طول عمرك..وتجامل غصباً عنك....
الزمن دا ضمان...لو حددنا احنا دايرين شنو... وما مشينا وسط (القطيع)...
لك الود...
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
قبال ما أواصل فى موضوع الفقرة التانية (الجنسية والجواز)... أحيل كل من أراد/ت ان يعرف عنى أكثر...
بوست فى سودانيات بعنوان :تعريف اضافي بشخص أنور فتح الرحمن- بناءً على طلب سابق
http://www.sudaniyat.com/forum/viewtopic.php?t=574
حتى لا نندرج تحت طائلة السودان (للطلبات)...وهذه الطائلة كما أعرفها انا:
واحد راسو عامل زى حفرة البلنت (ناس الكورة)... ووشوا أطول من كدارة بريش... وما ناقش وداير يناقش... ولم يسافر خارج السودان الا للعمرة...أو مصر للعلاج... أول مرة يتعامل مع الانترنت كان صدفة... ومن ديك وعييك....
اها زولنا دا زاتو... كل ما يلاقى ليهو واحدة(فى الانترنت) ... يكون فى راسو حكم مسبق بانو البنت دى يا اما ( مطلوقة/عاهرة) أوشينة/بايرة وما لاقيا ليها عريس,,,
وهو طبعا دنجوان عصرو..الكلامو زى العسل و بيبول فانتا....
بيعرف كويس للكوبى اند بيست... ولا يتورع خجلاً انو يقول اى حاجة فى اى حتة....
وساعود ....
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
Quote: أكرر ليكى الكلام من تانى..حبوبتى قالت لى انتا داير تعرس بقملك ولا صوابك...نفس الحبوبة دى..حسبت لى مصاريف الزواج بمبلغ 40 مليون جنية سودانى كمتوسط...
وقعدت تسوى لى فى لو جبتا زى ما جاب ود ناس فلان ...ولو عاملتا زى ما عمل ود ناس علان... |
أنور.. ما تشر الموضوع ياخ.. إزيك أول.. الكلام ما عن مصاريف الزواج.. وزمان قلنا .. الزواج موضوعه كله عقد.. حتى مهر.. أقلهن مهرواً أكثرهن بركة.. الكلام يا أنور عن البتناسبك.. إنت ما حتشتري زوجة بي 40 مليون من بيع الآيسكريم.. ولو لقيت نصفك الآخر، بترضى بيك بدون أي قرش تدفعه.. لأنها بتضمن إنها وهبت حياتها وعمراه لمن يُقدر.. لكن لما تبدا ليها الموضوع بي إنه لازم تعرف حقوقها القانونية.. هنا بتكون المشكلة..
بخصوص الديانية.. معاااااك برضه.. الدين المعاملة .. والصلاة كان ما حسّنت علاقتك بالناس ويرقّت أسلوب حياتك.. ومعاملتك.. فالواحد مفروض يراجع نفسه.. موافقاك تماماً في موضوع الدين.. وموضوع الجنسية ببصم ليهو بدون كلام... فعلا الجواز السوداني مقلب كبير.. انا ليه أعمل فيها سوداني واتبشتن لو أنا ممكن أبقى سوداني بي كل تفاصيلي وعندي ورقة تدخلني محل ما دايره... معاك في دي برضه...
Quote: مريم...الزواج عبر الإنترنت من أهم مزاياه...انو سريع...
يعنى هذا العالم (الانترنت) متوفرة فيهو أى حاجة... وعالم كبيييييييييييييييير... الواحد لو ما لقا هنا بلقى فى مكان تانى...
العوامل الاساسية دى شنو؟؟؟؟
عليك الله بالتفصيل كدا.... ومباشرة....
|
يا أنور الزواج عبر الانترنت ميزته ما السرعة... ميزته سهولة التواصل .. ومباشرته.. والتواصل الفكري من دون المؤثرات الأخرى.. يعني إنت بتخاطب عقل الآخر.. قبل مشاعره.. العوامل الأساسية.. التوافق يا أنور.. وده ما شي بظهر بي (واحد اتنين تلاته..) .. ده شي بعتمد على إنت منو.. وهي مفروض تكون منو..
يا أنور.. حكّم قلبك في الموضوع.. إنت بتتكلم بالعقل بس... ده كل البقدر أقوله..
يالله.. النوم غلب.. سلام
بنت الحسين
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: مريم بنت الحسين)
|
العزيزة مريم بنت الحسين...
طبعاً بقرا كلامك مرة ومرتين...واقول..يا ربى الزولة دى حاسة بالحاسى بيهو انا؟ أفترض جدلا انو انت حاسة بالحاسى بيهو انا...احتياج واقتناع تام بالعرس...ومتين...أسع دى لا بعدين لا بكرة...
وصلتنى الكثير من الرسائل فى اليومين الفاتو ديل... لكن جد جد..مستغرب... الناس دايرة تناقشك فى ليه تعمل كدا... واسبابي موضحة...والما واضح بوضحوا...
انا لما كتبت البوست دا... واعى بما اكتبه تماماً...وتعاملى ان لكل مقام مقال... وهذا المكان أجتماعى من الدرجة الاولى...ولم أشهر بانى أمثل ابناء ولا بنات جيلى... بامثل نفسي وفقط...
ما استغربه شديد يا ام الما (على وزن ابو ال أ لانور كمثال)... انو مرسل الرسالة بيرجعك الى نقطة الصفر... ودا شئ محبط جدا جداً...
زمان كتبته هنا..انو الزول/ة البيقول ليك انا ما داير احبطك..لكن...
شوفتى لكن دى...بجى وراها الاحباط زاتووووووووووووووو...
صحى أزيك يا مريم...
| Quote: الكلام ما عن مصاريف الزواج |
الكلام عن الزواج لا يستقيم الا ومعاهو مصاريف الزواج...
| Quote: الزواج موضوعه كله عقد.. حتى مهر.. |
دا (فيلم ) برضو يا مريم ولا جد!!!
| Quote: يا أنور.. حكّم قلبك في الموضوع.. إنت بتتكلم بالعقل بس... ده كل البقدر أقوله.. |
عليك الله أقرى كم مرة انا كتبتا...حاحبها...حاحبها...حاحبها...
انا مقتنع يا مريم انو عندك اكتر من كدا تقوليهو... ولكن...
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
العزيز انوكنج، الأخت بنت الحسين وكل المرتبطين والمرتبطات والراغبين في الزواج والراغبات .
رأيت عدة أشخاص عندما ينوى أحدهم الزواج ، نجده يقبل على المكتبات باحثاً عن كتب تتحدث عن الحياة الزوجية، ما أدري ما هو رأيكم في هذا رغم ان الواقع يقول ان الحياة الزوجية فطرة بشرية ، وأما السعادة الزوجية فهي أمنية كل زوج وزوجة ، يتوقان إليها ، ويعملان لأجلها ، وينعمان بها، وينهلان منها، ويرسمان بها لوحة رائعة الجمال لحياة مليئة بالهناء، مبنية على مشاعر الحب والصفاء ، تظلها معاني الإخلاص والوفاء ، وتتفتح في هذه الأجواء براعم الأبناء ، تستنشق عبير الإلفة والمودة ، وتعيش أجواء التفاهم والتكامل ، وتنشأ على أسس الخير والصلاح.
الحبيب أنوكنج . لا شك أن تلك السعادة تشغل العقول ، وتداعب الأخيلة وكلنا يسعى لها ولكن من يحظى بها هم قليلون.
ورسولنا الكريم قال: الدنيا متاع وخير متاعها المرأة الصالحة.
وقال الرسول أيضاً : يا معشر الشباب من استطاع منكم الباءة فليتزوج فإنه أحصن للفرج وأغض للبصر ومن لم يستطع فعليه بالصوم فإنه له وجاء.
فها أقول لك أخي أنوركنج ولكل العزاب لا تجعلوا المواصفات شماعة ، والقطار لا يأخذ سوى خمس دقاق في المحطة ، ونرجو أن نرى زواج جماعي يرعاه المنبر في القريب العاجل ، وحتى إن كان زواج فريند الذي روج له الشيخ الزنداني في الغرب
ولي عودة
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: EMU إيمو)
|
الحبيب أيمو...
أنتظر عودتك بفارغ الصبر..لمزيد من الايضاح...
Quote: رأيت عدة أشخاص عندما ينوى أحدهم الزواج ، نجده يقبل على المكتبات باحثاً عن كتب تتحدث
عن الحياة الزوجية، ما أدري ما هو رأيكم في هذا |
رأى الشخصي...
عندى 3 خيلان كبار...نشأت فى وسطهم... متزوجين والحمد لله... فى الفترة ما بين 1989 زواج الاكبر فيهم (محمد) الى آخر زواج كان فى 1993..انا حفظت صم كل الكتب المتعلقة بالزواج... وبديت انتقد كمان....
بعد تخرجى من العام الماضي,,,أشتريت مجموعة كتب اسمها: أدب الجنس عند العرب..قريت منها شوية..
ولقيت ماقى جديد أو مفيد...فهؤلاء..عاشوا وبرطعوا فى زمانهم...ولنا ان نعيش ونبرطع فى زماننا...
زمن الانترنت.....
لكن يا حبيب...القرأة شئ...ةالتطبيق شئ تانى تماماً... ودونك المصحف المقدّس..وحال المسلمين!!!
| Quote: فها أقول لك أخي أنوركنج ولكل العزاب لا تجعلوا المواصفات شماعة |
ياخى المواصفات كيفن ما مهمة؟؟؟
ومال دا شنو ( قال صلعم: تزوجوا الولود الودود فانى مفاخر بكم الامم يوم القيامة)
وحاجات كتيييييييييييييييييييييرة تانى... وانبه لى انو الودود والولود دى ما شرط انها تكون مسلمة....
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: EMU إيمو)
|
الحبيب EMUإيمو...
قريت الكلام بتاعك مرتين ونص...
Quote: ونرجو أن نرى زواج جماعي يرعاه المنبر في القريب العاجل ، وحتى إن كان زواج فريند الذي روج له الشيخ الزنداني في الغرب
|
أولاً يا حبيب... انا مؤمن تماماً انو ممكن يتفتح موضوع (عرس جماعي) هنا... زى فورة اللبن بالضبط... ويجوا المهنئين مقدماً...وعيش يا حمارررررررررررر لما العيش....
فشل فشل فشل...أوصلنا لما نحن فيه....
بعدين الزنداني دا ما عارف انو (الشرق) بقا فايت الغرب بهناك... وعلى كل أؤيد طرحه كحل موضوعي لاحتياجات الشباب الجنسية المنكورة فى مجتمعاتنا الملائكية....
التى حققت أرقام قياسية فى نسب الأيدز...وفى فترة وجيزة....دى الارقام البنقدر نحطمها دايماً...
وما عارف هل (شيوخنا) فى السودان عندهم حل برضو...يا ربى نسميهو شنو؟؟؟
زواج زولن (جاية من زول) ولا زواج ........
اسكت بس يا ايمو...اخوك مغبون...وممكون...وصابر...
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
| Quote: انا مقتنع يا مريم انو عندك اكتر من كدا تقوليهو... ولكن... |
سلامات يا أنور... خليني أعملهم نقطات.. بقصد أفكاري.. أعملهم على شكل نقاط...
* أولا.. انا فعلا عارفه يا أنور إنه كلامك بمثلك.. عشان كده بناقش فيك.. وعارفه إنه ما بمثل جيلك.. لأنه انا جز من الجيل ده..
* ثانياً.. النقاش هنا .. انا بحاول إنه يكون للفائدة العامة برضه.. يعني دي تساؤلات جدلية بمر بيها أي شاب أو شابة في أعمارنا...
* ثالثاً... كل ما بقوله.. إنه مواصفات العروس التي تتحدث عنها.. غير مناسبة لتكون بيت وأسرة تكون فيها سعيداً فيما بعد.. الواحد يا أنور ما بضمن نفسه بعد خمسة دقايق مزاجه كيف.. إيه اليضمن ليك ما سيكون ما إنسانه .. لم تشترط أي شي فيما يخص فكرها.. أو حياتها.. أو ثقافتها..
هذا.. ولن أعود مرّة أخرى.. أظن أني قد فصلت بما يكفي...
بنت الحسين
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: مريم بنت الحسين)
|
| Quote: هذا.. ولن أعود مرّة أخرى.. أظن أني قد فصلت بما يكفي... |
اهديك هذه الابيات...علها ...علها...علها تنطق عشاشا:
Quote:
- ها أنت تقفز للنهاية ،
- هلا حكيت من البداية .
- ولمن أقول ؟ !
- هذى صفوف السنط والصبار تُنصت للحكاية :
- ألها عقول ؟
- ماذا يضيرك .. أَلْقِ ما فى القلب حتى للحجر ،
أو ليس أحفظُ للنقوش من البشر ؟ !
-------------------------------------
يا سيداتى يا أميراتى الحسان ..
أن لن أقول لكن ما أسْمى بين فرسان الزمان ،
ولتنطق الأفعال من قبل اللسان ..
... ... ... ... ... ...
من أين أبدأ والظلام ،
يلتفت فى أقصى الوراء وفى الأمام !
عرجاء حتى الذاكرة ..
والذكريات !
يا سيداتى معذرة ..
أنا لا أجيد القول ، قد أُنْسِيتُ فى المنفى الكلام ،
وعرفتُ سرَّ الصمت .. كم ماتت على شفتى فى المنفى الحروف !
الصمت ليس هنيهةً قبل الكلام ،
الصمت ليس هنيهة بين الكلام ،
الصمت ليس هنيهة بعد الكلام ،
الصمت حرف لايُخَط ولا يقال ..
الصمت يعنى الصمت .. هل يغنى الجحيم سوى الجحيم ؟ !
عجباً .. أتضحك من كلامى السيدات .
" مم الضحك ؟ ! "
|
http://www.wadada.net/surur/luzum/w_l_0017.htm
أنور
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: AnwarKing)
|
أخى الأكرم أنور
حقيقة أتمنى لك التوفيق فى الوصول لبت الحلال التسعدك و تحقق أحلامك، شكلك ود ناس و طيب و بتستحق بت الناس
الحقيقة أنا برضو قررت بعد عراك مع نفسى و عقلى بالزواج، و قلت أستغل فرصة إعلان أنور دى و أعمل إعلان أنا ذاتى لنفسى، بعدين ما تخاف، ما حأسرق منك أى عروسة، لأنى ما حأقول أى حاجة عن نفسى، يعنى الحا تعرسنى دى حتعرسنى شختك بختك، لكن أنا الحا أكتب المواصفات الدايره، و الخيره فيما يختاره الله، أدعو الله التوفيق لى و لكم
المواصفات المطلوبة
لونها فاتح، ما حلبية و ما زرقاء، يعنى ذى لون الدهب كده، طويلة و لا تقل عن "10 '5 ، شعرها سبيبى أسود طويل، عيونا كبيرة و سوداء أو عسلية، جميلة الوجه، لا يزيد وزنها عن 135 Lbs ولا يقل عن 125 Lbs، صغيرة الأنف، لا يخلو وجهها عن الإبتسامة و لكن يخلو تمامآ من أى حبوب، لا تستعمل أى مكياجات، محجبة و متدينة و تصلى الخمس صلوات فى وقتها، لها المقدرة على الطبخ السودانى و الشامى، الطبخ الآسيوى برضو مُحبب، ليست لها أى علاقات سابقة, لها شهادة جامعية من جامعة معترف بها و يُفضل من لها شهادة ماجستير، عمرها لا يزيد عن الستة و عشرين و لا يقل عن الأتنين و عشرين، لها الرغبة فى السكن فى أمريكا و السودان، تكون من أسرة ثرية و معروفة و ذات سمعة جميلة، يُحبذ أن تكون بنت سفير أو وزير أو رجل أعمال معروف
أى حاجة تانى ما مهمة كتير و ممكن أنظر ليها بعد موافاة الشروط أعلاه
و السلام
[email protected]
| |
|
|
|
|
|
|
|
|
|
Re: موضوع العرس مرّة أخرى: تعديل مواصفات العروس (Re: Unabomber)
|
الحبيب Unabomber...
شكراًُ ليك على الكلمات الجميلة يا أخى...وعلى الرحب والسعة اعلانك لمواصفات العروس هنا...
انا أقدر واشجع جداً انو كل واحد يكتب ما يريد...
قل ما تريد...لمن تريد..كما تريد...متى تريد....
لو بعدها الطوفان جاء...
والحمد لله انو مافى طوفان هنا...فى عرسان ....
Quote: شكلك ود ناس و طيب و بتستحق بت الناس
|
ماذا ان كنت (ابن زنى) ابن حرام يعنى... ما لى الحق فى بنت الحلال برضو؟؟؟ انا بسألك السؤال دا وفى ذهنى أخ و صديق عزيز جداً... لم يرتكب جريمة اسمها الزنى...بل أرتكبها ابوه ايام جوز الحمام كان تلاتة... قمة فى النبل والاخلاق والتعليم ومساعدة الناس... ولكن...
ولكن يا سيدى كل ما يدق باب بيت...يبدا الكلام انو ود حرام... انا جد محبط من مجتمعنا الجبان..
ومحبط أكثر من كل البنات الاتى رغب فيهن وتبعوا كلام اهلهم....
يخص...يخص على مجتمع يعيش على الجبن... ياكل جبن... ويشرب موية فوووول...
| Quote: بعدين ما تخاف، ما حأسرق منك أى عروسة، |
قالوا : الحي والبيموت رزقو ونصيبوا بيصيبوا...
والخوف غريزة.... والشجاعة مكتسبة....
انا بخاف...لكن ...
مؤمن بان ما اصابنى لم يكن ليخطئنى... جفت الاقلام...ورفعت الصحف...
لك الحب يا عزيزى....
وساعود لتفصيل أكثر ....
أنور
| |
|
|
|
|
|
|
| |
AnwarKing
ابو جهينة
humida
انور الطيب
ود حماد
EMU إيمو
mahitab barakat
Frankly
شمهروش
أبو ساندرا
معتز تروتسكى
bayan
بلدى يا حبوب
مريم بنت الحسين
Sobajo
filan
Khaalaleyaal
فيس بوك
تويتر
انستقرام
يوتيوب
بنتيريست