|
(يا محمد حامد جمعه) قوات (خليل ابراهيم) اجتاحوا العاصمة ولا لسه؟؟!!
|
اين انت يا جنابو عودتنا ان تظهر ببوستات ليها شنة ورنة في المواقف الكبيرة.
اها الخرطوم مكركبة وكردفان مكركبة
وخليل ابراهيم باين مقبل على امر جلل وكركب راسكم حتى قمتوا باصدار البيانات فطيرة.
ننتظر بوستكم باالمر الجلل واوع تقول لي في ظل الكركبة دي تكون ما قريت ردي الوافي الشافي لك البارحة لانه بكري لحقه الزيين. بعد ان دخل الاخوة كرامزووف وخربوا البوست.
|
|
|
|
|
|
|
|
Re: (يا محمد حامد جمعه) قوات (خليل ابراهيم) اجتاحوا العاصمة ولا لسه؟؟!! (Re: ابنوس)
|
وابنوس اتغشى كيف وفي شنو؟؟؟
Quote: تراجــي ما تنغشي مع الإنغشوا ..
الحكومة تعطي خليل إبراهيم إعلام اكبر لأن هنالك إتفاق تم التوصل إليه بين حركة العدل والمساواة ، حسب ما رشح من معلومات وكل هذه الضجة لإعطاء الموضوع اهمية وبإن الحركة الاكبر والمقاتل الوحيد والمهدد للخرطوم هو خليل .... ويا ما تحت السواهي دواهي ... وكلوا بأوانوا . |
يازول كله ممكن وياخبر بفلوس بكره ببلاش بنعيش ونشوف باذن الله.
| |
|
|
|
|
|
|
Re: (يا محمد حامد جمعه) قوات (خليل ابراهيم) اجتاحوا العاصمة ولا لسه؟؟!! (Re: jini)
|
جني سلامات ثاني:
Quote: تعرف يا تراجى العاصمة فيها اتنين مليون بضربوا سلاح اقل واحد فيهم قرا ثانوى عالى! خليل وناسو ديل بعرفوا العوم!جنى |
والهل خليل الله اعلم الا باقي وليداتنا اكيد ما بعرفواالعوم.
تعال احكي لك النكته دي رغم الاحزان يوم في رحلة في هاملتون وجوار بحيرة ضخمة,بحيراتنا هنا تشوفها تقول محيط مش بحيرة, المهم يا سيدي جاءت الاخبار انه بت فلان وقعت في البيحرة,والناس كلها قامت جاريه,لقيت لك زول صاحبنا شمالي الا قام عندنا في دارفور,ابى يجري اصلا لانقاذ الطفلة قاعد لابد,سالته ميتنكرة يا دكتور مالكم ما فزعتوا؟؟قال لي يازول انت مجنونة...نحن لما قبلونا في الجامعه امهاتنا وصونا من المويه قالوا الصا بحر ده ما تمشوا عليه ,نحن كان رمونا حجار بس.
تقول لي ناسكم ديل بعرفوا يعموا؟؟
يا جني قول يا لطيف هو الصراع من اجل القوة وللاسف يدفع ثمنه البسطاء.
| |
|
|
|
|
|
|
Re: (يا محمد حامد جمعه) قوات (خليل ابراهيم) اجتاحوا العاصمة ولا لسه؟؟!! (Re: jini)
|
جني اولا كف عن تصويري انت وغيرك وكاني محرضه على هذا القتال زي ما كتب مصطفى سري وكتي العوض الملمس بكتب انا: حكاية رحاطة وغيرها دي انت الكتبتها ما انا:
Quote: يا تراجى العاصمة دى سكانها من دارفور وكردفان والشمال والجنوب والشرق واسمها العاصمة القومية وسيدافعون عن ارضهم وعرضهم واموالهم! جنى |
يازول بتغشفي روحك دي لا عاصمة ولا قوميه يعني زي عيسى عبد لقادر المضرب في سجون النظام عن الطعام حتقنعني كيف انها عاصمته؟؟ ولماذا وصل به الحال حد لااضراب عن الطعام؟؟؟ زي محمد المجتبى صاحب عملية القلب المفتوح و المعاد للسجن الاصلا دخلته امه ظلما تقنعني كيف انها عاصمته القوميه وسيدافع عنها؟؟؟
يا جني دولة الغبن هي دولة الا احد وانما دولة المستفيدين منها فليستعدوا لحماتيها.
| |
|
|
|
|
|
|
Re: (يا محمد حامد جمعه) قوات (خليل ابراهيم) اجتاحوا العاصمة ولا لسه؟؟!! (Re: Tragie Mustafa)
|
ام / حازم سلالالالالالالالام
وزي ماانتي والجميع عارف البلد اصبحت زي برميل البارود وحاتكم طلقة في بيت عرس تقلب الليل نهار وماتنسوا كمية السلاح الموجودة في يد المجموعات اتمنوا من الله انوا يجنب بلادنا الفتن ماظهر منها ومابطن وبعدين في الخرطوم المعارك لو وقعت البلد مابتكون محتاجة لاكتر من 24 ساعة عشان نبداء نتحدث عن انوا والله السودان لمن كان دولة واحدة . وعندها نتمني انوا الحصل ماكان حصل
اللهم جنب بلادنا المحن والفتن ماظهر منها ومابطن
| |
|
|
|
|
|
|
Re: (يا محمد حامد جمعه) قوات (خليل ابراهيم) اجتاحوا العاصمة ولا لسه؟؟!! (Re: haroon diyab)
|
شكرا يا هارون دياب وهذا ما يفترض ما يعرفه دكتور خليل ابراهيم:
Quote: ام / حازم سلالالالالالالالام
وزي ماانتي والجميع عارف البلد اصبحت زي برميل البارود وحاتكم طلقة في بيت عرس تقلب الليل نهار وماتنسوا كمية السلاح الموجودة في يد المجموعات اتمنوا من الله انوا يجنب بلادنا الفتن ماظهر منها ومابطن وبعدين في الخرطوم المعارك لو وقعت البلد مابتكون محتاجة لاكتر من 24 ساعة عشان نبداء نتحدث عن انوا والله السودان لمن كان دولة واحدة . وعندها نتمني انوا الحصل ماكان حصل
اللهم جنب بلادنا المحن والفتن ماظهر منها ومابطن |
لا نملك الا ان نردد دعوتك آمين يا رب.
| |
|
|
|
|
|
|
Re: (يا محمد حامد جمعه) قوات (خليل ابراهيم) اجتاحوا العاصمة ولا لسه؟؟!! (Re: Tragie Mustafa)
|
Quote: شكرا يا هارون دياب وهذا ما يفترض ما يعرفه دكتور خليل ابراهيم:
لا نملك الا ان نردد دعوتك آمين يا رب. |
تصدقي يام حازم عندنا اخوانا في المنبر مستهونين الحكاية وماعارفين انوا الحكاية اكبر من تخريب وعصيان ويمكن نحنا كنا اطفال ايام الحركة المعروفة باسم المرتزقة ومازالت اثارها باقية حتي اللحظة ..... وياريت يعود سياسيينا الي عقولهم ويوظفوا جهودهم واموال البلد لاعادة الحياة الي نساء واطفال وشيوخ اهلنا الاحباب الذين طال ليل عذابهم في دارفور . كل التحايا هارون دياب
| |
|
|
|
|
|
|
|