دعواتكم لزميلنا المفكر د.الباقر العفيف بالشفاء العاجل
|
|
 هنا نتحاور و نتعرف على صلاح اليون ... مرحبا بكم
|
بكل التقدير و كامل الشوق وحلاوة اللقاء
نتعرف على واحد من بين اهم الشخصيات
التى درست بكلية الهندسه الخرطوم
انه المهندس / صلاح اليون
فالنبدأ بالسيره الذاتيه كمدخل لهذا التعارف و القاء
اذا القلم لك صديقى اليون ونتشرف بان نتعرف على الاشياء الخافيه علينا بكامل الاحترام
ومرحبا بالجميع فى دوحة العريس ... المهندس ... الانسان ... الاخ صلاح اليون
|
|
 
|
|
|
|
|
|
|
 Re: هنا نتحاور و نتعرف على صلاح اليون ... مرحبا بكم (Re: طارق الكوتش)
|
بالله موسيقى تصويرية صاخبة كده
وبعدها صمت مطبق .. ثم ضربات قلب..
الكوتش يوم بتكتل ليك زول ..
ياخي قاعد في أمان الله وبتصفح في الصور
حقت السعودية وبعمل لي في شوية مشاركات
في المنبر العام ألقاك راميها دل كده..
ياخي في ظل الغيابات للكثير من الأعضاء
وفي ظل الواحد بيجهز حالو للعرس ..
وكمان شوية مشغوليات زائدة كده عشان إجازة الصيف قربت
تجي تعمل عملية زي دي ..
لكن وفي ظل كل الظروف أعلاه..
انت اكيد عارف اخوك صنديد..
وما حنقصر .. وحنبدأ المشوار..
بس ننوه لإنو الصور ممكن تكون قليلة
او هي عبارة عن صور باسبورت صغيرة توضح
مراحل حياتية معنية..
طيب خلونا بكرة نمشي نجهز سيرة ذاتية
تكون مختلفة في الشكل والتراكيب والصياغة
عن كل السيرات الذاتية السابقة..
حياك يالكوتش وحباب البورداب ا لمهندسين والمشاهدين من بره كمان
و..
راجعين..
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: صلاح ليون)
|
ليون ،،
| Quote: لا ماتخافو اخوكم مثبت أقدامه كويس والحمدلله |
هيييييييييييييييييييييييييع ،،
Quote: وإنشاء الله حنبدأ السيرة الذاتية قرريب (ما حقت الكوتش)
بس شايف المتقرفصين لسه شوية.. |
بالطريقة دي هشام مخروقتو حا تتعب ،،،
ولو منتظر المتقرفصين يزيدو ،،
أسكت أبدأ أحسن ،،
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: ابراهيم محمد الحسن)
|
السلام عليكم يا مهندسين ومقرفصين
واكيد جايين وبس مشغولين ..
سمعنا انو الكهرباء بدت تقطع تاني
وانتو بتقولو بوست الكهرباء رجع .. لكن لا والله
ولا شايفو في الصفحة الاولى .. والموضوع ده خليناهو
يا ابراهيم مع انو بالاول قالو عايزين تلفونك عشان
يوصوك بالنبش في الماضي السحيق ومراقبة الشفافية..
لكن رجعو قالو ليك ما كان العشم تشبهنا بي البياعين
يعني هم برضو ثابتين وماسكين على جمر القضية ..
قالو ما بيعاينو للكاش ولا الاغتراب .. الروح يا حبيبي الروح ..
لقيتنا كيف يا قلب..
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: صلاح ليون)
|
ليون ،،
Quote: يا ابراهيم مع انو بالاول قالو عايزين تلفونك عشان
يوصوك بالنبش في الماضي السحيق ومراقبة الشفافية.. |
ما بيوصوا حريف يا مان ،،
وقول ليهم من غير توصوا ،،
حا ننبش الماضي نبش ،،
والكوشت في ،،
شاهد عيان ...
Quote: لكن رجعو قالو ليك ما كان العشم تشبهنا بي البياعين
يعني هم برضو ثابتين وماسكين على جمر القضية ..
قالو ما بيعاينو للكاش ولا الاغتراب .. |
كده إطمئنينا على ولدنا ،،
بس تعرف يا ليون ،،
الظاهر ده عشان هم ذاااتهم شهادة عربية ..
Quote: الروح يا حبيبي الروح ..
لقيتنا كيف يا قلب.. |
لقيتكم كده 
ركز على الروح دي ..
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: Amna Mohamed Arh)
|
| Quote: الليون احسن تجي سريع.. سريع |
والله كلامك صاح .. مادام جابت ليه ابوالقوق
ما معروف تاني تجر منو..
خلينا نبدأ على سريع كده
___________________________________
السيرة الذاتية..
الاسم يالكوتش: صلاح الدين محمد احمد
المولد والنشأة :
مدني في اجمل يوم .. يوم عيد الام 21/3
عشت فيها سنتين بس حيث كان عمل الوالد
في اقليم الجزيرة ومن بعدها انتقلنا إلى
مدينة أم درمان كمان سنتين في إشلاق البوليس (العباسية) الأربعين بانت
ومن بعدها انتقلنا إلى إشلاق البوليس الجنوبي (الاوسط حاليا) بالخرطوم
الدراسة:
روضة ماما صفية بإشلاق البوليس (سنتين)
روضة ماما زهرة بإشلاق البوليس الجنوبي (سنتين)
مدرسة السجانة 3 الابتدائية
مدرسة الاتحاد المتوسطة
مدرسة المقرن الثانوية بنين
وأخيراً الجامعة
وطبعا عندي صورة لي وعمري سنتين وأنا في مدني
بس هي في السودان وكنت منتظر زول يجيبا عشان
انزلها هنا لكن مادام جابت ليها أبو القوق
ونبش تقيل .. وحتى الصور في الموقع اليومين
ديل فيها خلل فخلاص نبدأ من غيرها .. و..
ونواصل..
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: ابراهيم محمد الحسن)
|
| Quote: مش أحسن ليك الوضوح والشفافية بتاعت إبراهيم ،، |
وإلى أين تؤدي بنا يا إبراهيم
غير أنها تخليك تشيل أصبعك وتبظ بيهو عينك
فأحسن خليها تجي من وليد..الله يجيب يوم تعريفو..
_________________________________________
مواصلة للنشأة والمراحل التعليمية والعملية:
بعد إشلاق البوليس ومباشرة بعد دخولي الجامعة إنتقلنا إلى أمبدة
حيث مكان السكن الحالي مع الأسرة الكريمة .. وبعد التخرج من الجامعة
عملت في المجالات التالية:
الخدمة الالزامية : معهد القوات الجوية (سنة واحدة)
مهندس اتصالات : شركة سوداتل ( 3 سنوات)
ومن ثم انتقلت إلى الدوحة في ثالث أيام عيد الأضحى يوم 16/4/1998
وبدأت حياة الغربة وغيرت نظام العمل إلى IT
ونواصل..
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: ابراهيم محمد الحسن)
|
علاء الدين .. | Quote: ومغترب من 98 ولحدي حسي مالك ما اتلميت؟ |
للأسف اتلمينا وتاني اتفكينا وهسه حنعمل شبهينا واتلاقينا..
هشام مجذوب سؤال والله لكن ماعارف اقول ليك صعب وللا ساهل
لكن انا كتبتها بتلقائية كده .. وانت بي حكتك التورنتية دي
خليتني ارجع واشوف بوستات التعريف .. ولقيت ناس كتبو السنة
وآخرين لم يكتبو السنة .. فخليها مفتوحة كده يعني ..
إبراهيم..
Quote: صاح بالمناسبة ،،
عاوزين نعرف سبب تسمية الليون ،، |
إنشاء الله الإجابة على البال وفي وقتها وبالتفصيل
والليون ده اللقب الجامعي .. في اللقب الحلاوي (من حلة)
وهو صلاح الدحيش (تيمنا باللاعب عز الدين الدحيش ) ودي
لما نجي للخلفية الرياضية حازكرها .. بس يا جماعة
شوية صبر عشان والله منتظر لي صور تجي من السودان
عشان اعمل اسكانن وتكون الصور مصاحبة للسرد..
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: صلاح ليون)
|
الجــــامعــــة:
اسبوع تمام ونحنا بنراجع الجامعة في مرحلة التسجيل والسكن
ومعرفة المواد والقاعات وطبعا لم تخلو فترة التسجيل هذه
من إرساء اولى قواعد النشاط الاجتماعي لنا بالجامعة..
18/12/1988 تحركت نحو الجامعة في نفس يوم بدء الدراسة
وبحكم انو الزول كان ساكن قريب ما مشيت وبيتا في الداخلية
اتحركته مباشرة من البيت إلى الجامعة واتذكر كنت شايل شنطة
الملابس ودخلته بيها قاعة ال OLT "اولد ليكشر ثييتر" وجلست
ولسوء حظي جنب حنكوشين من النوع الشهادة لندن وبيكون جايبا
من لندن زاتها .. لوي ومعاذ .. تصدقو يا جماعة انا اول لكشر
جالس بجانب اتنين بيعرفو الانجليزي احسن من العربي واخوكم
طبعا زي ما شفنا اعلاه كان في الانجليزي يادوووب..
الواحد كان بمناسبة دخولو لجامعة الخرطوم مجهز دفاتر من النوع
البيكون بيلمع من بره وكبير ومميز كدفتر جامعي .. وبما انو مادة
الكيمياء كانت نظري تقيل ومن اكتر المواد فصولاً فصاحبكم حدد دفتر
كبير جدا للكيميا وكتب من بره بالانجليزي وبخط عريييض C H E M E C T A R Y
اها واللكشر كان جيمستري والدكتور النجومي ودّور ليك جيمكال
ايكويليبريم ولمدة ساعة ونص الزول ده بيرطن وقاعد يتكلم وهو
طالع إلى اعلى القاعة ويكون بيقول في المعادلة وهو نازل
بسرعة الصاروخ وما تحبسو ليك إلا السبورة وبيكون مادي يدو
الطويلة ديك بي طبشيرة وكف يروح مالي ليك نص السبورة كلام..
وانا شغال زي مروحة الطربيزة اعاين ليهو في صعودو ونزولو
ولما يقادل السبورة اكون بعاين ليك لي الجنبي يمينا ويسارا
طبعا لوي ومعاذ ديل في النهاية طلعو اصحاب وجايين من الامارات
اهاالحصل شنو ..
دي الصورة في اولى سنين الجامعة شلناها من فوق عشان السرد
يكون مرتب ومرتبط بالصور مع ملاحظة انو الوجاهة ماشة زايده
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: Tahani abdalla Attia)
|
الدكتورة تهاني .. سلام
| Quote: و نحن كمان جلسنا القرفصاء بتاعة كيكي مع الجماعة |
إنشاء الله عقبال ما نتقرفص ليكي في التعرف بتاعك ..
___________________________________________________
مواصلة لي زكريات اول لكشر:
فات علي أن أذكر إنو سنة 88 كان القبول الموحد * وهو مااقلق منامنا
واطاح باحلام وردية لسنة اولى روعة ننعم فيها بالبرلمة .. وبالتالي دلفنا
للجامعة مشمرين عن سواعدنا حتى ننجح في كل المواد ومن بعدها تتحول
للكلية العايزها ووعدنا انفسنا بالتعويض في سنة تانية..
طيب واقفين وين..
ايوه في دكتور النجومي وهو يصول ويجول في القاعة ويملا السبورة بمعادلات
ونظريات ويمسحها ويملاها تاني وانا بجانبي لوي ومعاذ(ده في الامارات ) ..
لكن لوي ده والله لي يوم الليلة ما عارف خبرو شنو .. اها وانا في يدي
القلم الباركر وامامي الدفتر الماخمج وتايه ما بين السبورة والدكتور ومابين
دفاتر لوي ومعاذ .. لغاية ما عدت الساعتين (مش ساعة ونص) لا محاضرتين
وبعدين..
اعاين في دفتري والله لقيت غير العنوان ما كاتب حاجة وحتى الاسبلن كان غلط
وعاينته لي لوي وإذا به يملاء 3 صفحات مقاس ورق الفلسكاب وبي خط جميل ..
طبعا كانت صدمة كبيرة ولفة راس لي درجة انو الواحد قنع عديل من انو مش
يباصي .. لا إنو فقط يقدر يعدي سنة اولى دي ..
ونواصل ..
___________________________________________________________
* راجع بوست التعارف حق هشام مجذوب لمعلومات اكتر عن القبول الموحد
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: صلاح ليون)
|
مواصلة (أولى جامعة):
ظهرت جلياً خيبة الامل بعد ما شفنا عزالدين بيسك
وبما انو الواحد قنع من خيراً في الجيمستري بعد
معضلة دكتور النجومي وحدثنا انفسنا باننا حنعوض
في الرياضيات وخصوصا نحنا جاين ومقفلين الاولية
والتخصص .. ولو ما اخاف الكضب قالو لينا البيسك
ده رياضيات .. لكن جا عز الدين بيسك وزاد الطين
بله .. لقينا احسن الكيمياء ..
بعد خيبة الامل الكبيرة في الجانب الاكاديمي
خلاص قلنا خربانة خربانة .. احسن نعيش برلمتنا
بالوضع الطبيعي .. وصلنا وجلنا ما بين جلسات
الاستقبال للكليات والروابط وغصنا في ما يسمى
بلجسات التعارف وهو الشي الذي اعطانا معرفة
تامة بكل النجايل والقاعات ..
ونواصل ..
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: ابراهيم محمد الحسن)
|
فعلا يا ابراهيم
هذه الكارثة التي تدعى بيسك
ما عارف هي لغاية الان موجود هذا العلم
ياخي نحنا لغاية قبل الامتحان بنتناقش
في كيفية الامتحان .. هل السوال الاول
بس اجباري والباقي على كيفك .. يعني
لو حليت سوالين من الخمسة الباقين حيصحح ليك من سوالين
واذا حليت تلاتة حيكون الاختبار من تلاتة .. دي براها كانت مسألة بيسك..
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: ابراهيم محمد الحسن)
|
البيسك .. البيزك
والله فعلا علم ..
وانا بعتبرو خليط بين الأرقام والمنطق والدنيا دي
اتذكر كان في باب (فصل) واحد انا حبيتو شديد بس ما متذكرو
أها المهندسين الجدد (الثلاثي) والمهندسين الطازه (رغيم)
ورونا الشي ده لسه بدرس وزكرونا بي حاجات منو ..
__________________________________
المتبقي من التعارف ..
- شوية من آخر سنة اولى
- سنة تانية العسل
- سنة تالتة المقاطعة
- التخرج
انتظرونا ..
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: صلاح ليون)
|
الاماكن ..
ال OLT قاعة المحاضرات .. الاندرلاب .. ولابات الفيزكس والكيمستري
المكتبة المين .. ونجيلة المكتبة المين .. وشارع المين روود ..
دهاليز علوم وبنشات علوم .. وحوض السباحة حق علوم..
الناس
ما كنت زي ابراهيم وجاي بي ناسي من العالي او ناس حلتي وكان
لازم اعمل لي شلة لاني جيت وحيد من المدرسة والحلة وفي نفس الوقت
رحلنا جديد لي امبدة وطبعا اول أصحاب كان ناس امبدة ..
محمد كرار ..
زهير آدم ..
صلاح مختار..
ومعاوية عابدين..
وآخرين،،
أما صداقات أخرى فكان لوي علي نمر ود كسلا .. وهو من أوائل من صادقت
ويمكن كان في اول اسبوع من سنة اولى الاقيهو ..
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: صلاح ليون)
|
البركس
لاني جيت متأخر في التسجيل والسكن فلم اتمكن من السكن
مع ناس رياضيات في داخلية النيل الازرق فسكنت مع ناس
من اسكول وعلوم احياء وكلهم كانو جبهة ديمقراطية..
ازكر منهم محجوب حسن (عشكة) بتاع اركان النقاش ..
ولكن كنت معظم اوقاتي اقضيهو مع ناس داخلية النيل الازرق
مع ناس زهيرآدم وعاطف مرسي ..
من طرائف البركس
اتذكر إنو في مرة بعد رجعنا من المحاضرات وكالمعتاد
مشيت مع شلة النيل الازرق الداخلية وكنا منتظرين الغداء
وانا كنت جالس في السرير الفوق (دبل بِد) ومن مكاني
كنت شايف باب الصفرة وقاعدين نتونس في امانة الله ..
ومنتظرين السفرة تفتح عشان ننزل نتغداء .. وطبعا سفرة
النيل الازرق دي كانت احسن واحدة وزحمة شديد ولازم تكون
من اوائل الواصلين أو ما حتحصل اكل فيها .. وأثناء
الونسة لمحته ليك الباب فتح .. وجيت عايز انزل من فوق
واقول ليهم السفرة فتحت .. وكنت لابس جلابية .. قام طرف
الجلابية التحت شبك في الحديدة بتاعة السرير وطبعا بدل ما
اجي نازل بي رجلي .. جيت نازل بي بطني .. والناس دي ما سمعت
غير كلمة فتحت .. وما فهموا اي حاجة ولقوني واقع في نصهم
وطبعا قطعت النفس .. اها قعدوا يشتغلو تنفس صناعي ..
وجيب موية .. وتمضيد جروح خفيفة كده .. لغاية ما الغداء زاتو فاتنا..
_____________________________________________________
بي كده نكون عدينا سنة اولى ونفتح باب الاسئلة
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: صلاح ليون)
|
ليون ،،
Quote: وجيت عايز انزل من فوق واقول ليهم السفرة فتحت .. وكنت لابس جلابية ..
قام طرف الجلابية التحت شبك في الحديدة بتاعة السرير وطبعا بدل مااجي نازل بي رجلي ..
جيت نازل بي بطني .. والناس دي ما سمعت غير كلمة فتحت .. وما فهموا اي حاجة ولقوني واقع في نصهم |
غايتو جنس شفقة عليك ،،
هسع الجماعة يقولو عليك شنو ؟
| Quote: بي كده نكون عدينا سنة اولى ونفتح باب الاسئلة |
السؤال الأول:
عندك صداقات من الزميلات ؟
ومنو كانت أول زميلة اتعرفت عليها ؟
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: ابراهيم محمد الحسن)
|
Quote: السؤال الأول:
1/ عندك صداقات من الزميلات ؟
2/ ومنو كانت أول زميلة اتعرفت عليها ؟ |
اخ .. بدينا ..
تكتب السؤال الاول وتجيبهم سؤالين .. بيزك ده ياعمك !!
صداقات طبعا في كتير .. لكن اول دي ياخي ما بتكون صعبتها
لانو المعرفة في اولى دي كانت شلليات .. ما كان في عزف انفرادي
| Quote: غايتو جنس شفقة عليك ،، |
والله يا ابراهيم الجماعة ديل ضحكو ضحك
لغاية هسه كل ما اتذكر الحكاية دي ..
ياخي زهير آدم ده كان عايز يموت من الضحك
بعدين هي ما شفقة ياخي .. ما شرحنا ليك الظروف
ووريناك الصفرة دي كان وضعها خاص..
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: ابراهيم محمد الحسن)
|
الحمد لله يا ابراهيم إنو سؤالك ده
كان تحت في الحاشية يعني للجميع
وإجابتو ما علي أنا وحدي
Quote: _______________
هو العزف المنفرد بيتنسي ؟ |
____________________________________
سنة تانية
تم التوزيع في سنة تانية ويادووب ضقنا الهندسة وشقينا الميدان الغربي
عن جدارة .. وفي أوائل سنة الهندسة كان لا بد من الختم البارز ألا وهو
ال T سكوير واتذكر مشينا استلمناها من المخزن وكنا بنحاول نختار الاكبر
منها وما عارفين الجايينا من وراها شنو .. مادة الدروينج الكابوس الفظيع
لطلبة الهندسة .. ولكن كلو يهون في سبيل القشرة في شارع المين روود ولما
يجي الخميس كمان تقوم تشيل شنطتك وشوية هديماتك .. ولكن الاهم تاخد سلاحك
معاك عشان كمان تظهر بيهو في الشارع العام .. وطبعا بالنسبة لي انا بتاع
أمبدة ال T حتكون حايمة معاي في تلاتة مواصلات .. والعجب لما امشي بي بحري
الختم ده حيكون لفه معاي العاصمة المثلثة.
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: صلاح مختار)
|
ليون ،،
| Quote: لولا العزف الإنفرادي .. ما كانت للجامعة طعم |
طيب على رأي هشام مجذوب ،،
الأوراق كلها اتكشفت ،،
ولا في حاجات مدسوسة ؟
(وش مُصر يحكحك في موضوع العزف الإنفرادي )
Quote: ودائما كل انفرادي بيسبقو شلليات وفعاليات جماعية
تنبسق منها بعد مناوشات وكر وفر قد يطول أحيانا وقد يقصر ..
عــزف إنفــرادي ... وبرضو تقول لي بتنسي ..وأفتكر دي إجابة
عامة يعني تخص الجميع هنا ... |
هسع في زول سألك من الجميع الهنا ؟
شكلك هرشت من زرزرة شارع العرضة ،،
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: صلاح ليون)
|
أكاديمي تانية
بالرغم من الكوارث التي حلّت علينا
كان من أفضل لحظات سعادة دفعة 88
إنو التاج دروينج في السنة ديك
ما عارفو مشا وين .. وجانا الحاج
يس الدكتور الظريف السهل لينا
الموضوع .. وبي كده باصينا الدروينج
وما شكل لينا أي مشكلة .. والماس ده
انا كنت بشرحو في الاكستنشن عديل كده
لي مجموعة من الطلبة .. والذ ما في
الموضوع إنو أنا كنت بكون بذاكر وفي
نفس اللحظة بشرح ليهم يعني عصفورين
بي حجر ..
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: صلاح ليون)
|
مادتنا الكهربية
ومادة الكهرباء كان ماسكه فايز لي
أول مرة .. وجاي جديد .. وكان بيكتب
لما يملا السبورة ويكمل في الحيطة
واتذكر لما مرة قام سألو علي عبد الرحيم
البروف بتاع دفعتنا وقال ليهو NO Load
يعني شنو .. وعلي كان قصدو طبعا انو
دكتور فايز يورينا الكونديشن حقت نولوود
قام دكتور فايز ده عاين ليك لي السبورة
وعاين لي علي وعاين في السقف بتاع القاعة
وحكه ليك صلعتو بايدو المليانة طباشير
واخد ليهو صنة كده وقال يعني No Load
والفصل الكان متنشن ده كلو قام فكاها
ليك ضحكة .. لامن دكتور فايز زاتو ضحك
ولي أول وآخر مرة نشوفو بيضحك..
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: صلاح ليون)
|
الكهرباء (2)
بما إنو الزول كهرباء ودكتور فايز
مادتو كانت عضم بالنسبة لي ناس مدنية
وبقية الهندسات فطبعا الجماعة اتجهو
لي العبد لله عشان الشرح .. وكانت مجموعة
من المهندسين والمهندسات ويترأسهم البروف
علي عبد الرحيم نفسو صاحب اكبر مجموع في
دفعتنا .. وأنا شغال شرح طبعا على الطريقة
حقتي .. إنو اكون بذاكر فيهم .. وطبعا
شغال شرح بطريقة بلدي جدا .. اقول ليهم
في كرنت (Current) كابي بي هنا وبيحك
في المقاومة دي وبيعمل ما عارف شنو
وريلاكتنس واندكتانس .. وعلي عبد الرحيم
يشيل ويضحك في طريقة الشرح .. ولكنو كان
بيستفيد وقاعد زيو وزي أي طالب تاني ..
وفي النهاية
باص لجميع الشلة اذكر منهم متوكل بشير مكانيكا
وعلي خضر وأكتر من خمسة ستة كده .. ولكن ..
انا الشرحتها ليهم ده ما باصيت !!
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: ابراهيم محمد الحسن)
|
Quote: نص عمركم ضاع ،،
أسأل خليل وكيكي ،، |
بالجد يا خليل وكيكي الزول ده لامن كنا نحنا في تانية
كان اختفى وين .. لانو في تالتة رحلة الدمازين وسنار
وهي مشتركة بين ميكانيكا وكهرباء اذكر تماما روعة
الدكتور الاسمو التاج .. ياخي طيلة الرحلة ونحنا بنأشر
عليهو من بعيد ونقول داك دكتور التاج .. وما كانو
بيتكلمو معاهو إلا ناس الفيرست وعباقرة ميكانيكا ..
لكن لما نزلنا هناك واخدنا وادينا معاهو وشفنا قفشاتو
لقيناهو دكتور من اروع ما يكون .. وتماها لينا في الاخر
إنو لعب معانا الكورة عديل وكان في القسمة بيقيف
في الصف وانا الكنت بعزلو في فريقي لانو كان لعااااب
| |
|
|
|
|
|
|
|
|
|
Re: هنا نتحاور و نتعرف على صلاح اليون ... مرحبا بكم (Re: ابراهيم محمد الحسن)
|
تعرف يا ابراهيم انا زاتي حيرني فوزي ده
طبعا هو زميل دراسة الابتدائي 6 سنين ومن
بعدها رحل عن اشلاق البوليس إلى الصحافة
وما لاقيتو تاني إلا في الجامعة .. وهسه
الصورة دي انا شايفها طشاش طشاش كده
وكان ما اخاف الكضب اقول ده كانت في
سنة سادسة لما خلاص عايزين نودع الابتدائي
لكن بس هو صغرها شديد .. وصلاح مختار
رسل لي التلفون بتاعو لكن ما قاعد يرد
الظاهر مشغول .. غايتو بعدين بتفق معاهو
لو طلعت ياهو يعمل ليها اسكان بوضوع
ويرسلها لي بالايميل .. عشان بعد داك
نبحث عن فضولي !!
| |
|
|
|
|
|
|
| |
صلاح ليون
Hisham Magzoub
ابراهيم محمد الحسن
حمد محمد احمد
Amna Mohamed Arh
khaleel
علاء الدين محمد بابكر
Tahani abdalla Attia
فوزى عبد الفتاح
فيس بوك
تويتر
انستقرام
يوتيوب
بنتيريست