|
الطيب صالح وظهور الصالحين
|
بدعوة راقية من سفيرنا الرجل الراقي الدكتور عوض مرسي اتلمينا ليلة امس وسهرنا في قاعة فخمة بفندق الدبلومات للاحتفال باستقلال ارض النيل والمليون ميل...كل شي كان راقيا...المكان..الناس..الجلاليب والعمم...وموسيقي حافظ عبدالرحمن
معرض الصور..الكرم والحفاوة البالغة في الاستقبال..والبوفيه جبال جبال..وتورته بعلم السودان....والاضاءة خافتة...لتكمل ديكور الجو الرومانسي...السمح...
وفي لحظة صالحة دخل علينا الطيب صالح واخيه الاستاذ بشير محمد صالح دخول الصالحين..فكانت لنا لحظة صفا وانتباه..القاعة كبيره والطيب وبشير يمشيان نحونا..نعم هو الطيب صالح...يا زول انت ماك نصيح الطيب صالح البجيبو هنا شنو..الطيب لو كان جائي كنا قرينا خبرو واللا سمعنا بيه....فتوجهت اليهما قبل ان يصلا الينا وتتفرق لحظاته في السلام ونمرق من البركة كيت..
طايبنا جميعا مطايبة اهلنا السمحين..وكأنه يعرفنا فردا فردا..
وتذكرت حينها كل الصالحين البلحقو وينجدو بدءا من ودحسونة فكانت اللحظة معه احتفالا آخر,,,دردشنا معه سريعا في لحظات كنا نسرقها من بين استراحات المقالدة والسلام..وسألناه عن سلام السودان
فقال...خلاص المركب رمت..بصوته الذي هو للطيب صالح...
وبنبرة متفائلة جدا...
ودعناه ووعدنا باللقاء قريبا ان الله مدّ في الآجال..
ويا دوب الاغتراب احلو... تاني ان اشتكيتلكم من غربة بكون غلطان
|
|
|
|
|
|