الى حراس اللغة والنحو الصرف فى هذا المنبر/ لكم لغتكم ولى لغتى

Quote: تعرفى انا من زمان شديد (رغم صغر سنى) كنت حريص فقط انو اوصل الناس للعايز اقولوا وبحرص على انو يصل ليهم باى طريقة ، لو بى صوت او حركة او اشارة ، ده كانت اهم حاجة عندى وطوالى كانت معاها حاجة تانية انا بعتبره مهمة خالص خالص وهى انو طريقة التوصيل دى تكون بكل أدب واحترام للناس ، ونقطة الادب والاخلاق دى مسألة نسبية طبعاً عشان كده كنت بنتهج الاسلوب الاتربيت عليهو فى بيتنا يعنى ببساطة كده كنت بعمل بمبدا (زى ما بحب يعاملونى الناس اعاملم انا برضو) - ويا دار مادخلك شر-.

Quote: لذا اجد نفسى وبكل سهولة يمكننى ان اوصل ما اريد قوله بالطريقة التى اكتب بها ، وفى كثير من الاوقات اجد نفسى اتارجح بين اللغة العربية النحوية وبين اللغة السودانية المنتجة من تداخل وتعايش اللغتين ، وفى كلا حالتى الكتابة لا ازعم اننى منضبط بقاموس نحوئى او قواعدى لاىٍ منهم ، اجد نفسى متجه مباشرة لتوصيل ما اريد قوله.