|
|
 حتى لا يكون الكلام مجاني: أقلام معارضة قوية تركت المنبر...
|
كتب الزميل هشام عباس التالي Quote: وهناك خطة اخرى لاسكات صوت المعارضة يقودونها بخبث ويقع فى فخها معظم المعارضين
وهو مطاردة بوستات بعض المعارضين وتحويل مجرى البوست وايقاع صاحب البوست فى شرك
الانفعال والغضب حتى تصدر منه التفلتات ليأخذوا عليه ذلة ويطاردونه بها حتى يترك المنبر
ولاحظ معى كم من الاقلام المعارضة القوية تركت المنبر بسبب مثل هذه الممارسات |
Re: ******* مهزلة *******
وسألتهQuote: | Quote: ولاحظ معى كم من الاقلام المعارضة القوية تركت المنبر بسبب مثل هذه الممارسات |
كم يا هشام؟ ممكن أمثلة
في بالي مثالين تلاتة لأقلام معارضة قوية تركت المنبر بسبب أقلام معارضة قوية برضو |
Re: ******* مهزلة *******
وعشان جادات ما بحب زول يكتب في بوستاته غير مؤيد لفكرة البوست قلنا نفرز عيشتنا هنا و نعيد السؤال للاخ هشام
ونشوف كم قلم معارض قوي ترك البورد لمثل الممارسات الذكرها هشام وكم ترك البورد لممارسات أخرى ونقارن
حتى لا يكون الكلام مجاني ساي
|
|
 
|
|
|
|
|
|
|
 Re: حتى لا يكون الكلام مجاني: أقلام معارضة قوية تركت المنبر... (Re: محمد البشرى الخضر)
|
كدي بداية و ورمي بياض حتى ياتي الأخ هشام نحاول نحصر اسماء من تركوا البورد نتيجة ممارسات مثل التي ذكرها هشام أو اي نوع آخر من البلطجة الاسفيرية
ثم نفرز منهم الأقلام المعارضة و نشوف كيساتها كيس كيس ومن هم البلطجية الاسفيريين الاتسببوا في تركها للبورد
ابدأ بعظيم النوبة بشاشا
و الزميل معتصم ود الجمام
ديل الحاضرين في الذاكرة لغاية ما يجينا هشام بلستته ممكن ناخذهم كنموذج
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: طلحة عبدالله)
|
ود البشرى تحياتى
نأسف لم الاحظ البوست الا الان
اقلام كثيرة افتقدها المنبر واقلام اخرى موجودة لكن اسما واقلام كثيرة قللت تواجدها
وبنظرة واحدة لبوستات المنبر ستجد ان الاقلام تختلف كثيرا عن تلك التى كانت لها حضور قوى
وان كنت لا املك وقتا الان لحصرها وتمييزها لكن هذه ليست المهم
المهم ان اوصل لك الفكرة من اساسها لان الاشخاص لا يهمنى امرها كثيرا
الفكرة يا ود البشرى بغض النظر ان كان المقصود معارض او موالى ان هناك اسلوب قبيح بات مسلك
البعض فى هذا المنبر وهو مطاردة عدة اشخاص لشخص او مطاردة شخص لعدة اشخاص او مطاردة شخص لشخص
بغض النظر عن الخطا الذى ارتكبه هذا الشخص ارى ان الطريقة ليست هدفها معالجة الخطأ او تصحيحه
او نصح الشخص او الوصول لهدف وغاية من المطاردة غير التشفى او الاحراج او الابعاد
هذه العملية هى ما اكرهه فى كل الامر بغض النظر عن الاسم او الشخص المعنى
المخطأ يجب ان نقول له اخطأت ونبين له موضع الخطأ ويجب ان يلقى حسابه عبر قوانين المنبر
او حتى تصعيد الامر قانونيا ان راى المتضرر انه لم ينال حقه .. لكن تحويل المنبر كله الى فارغة
ومشاكل شخصية لا يستفيد منها احد يجعل كل شخص همه الانتصار للذات والانتقام من الاخر والكمين للاخر
هذا امر غير سليم ولا يجب ان يصدر من اناس مطلوب منهم الافادة والقارئ نفسه لم ياتى هنا لكى يعرف
من يسكر ومن يصطل بل تعدى الامر الى البيوت والاعراض بلا ادنى مسؤولية ..
البعض هنا ترك الاساس من وجوده وهو الافادة اما بطرح قضية او مناقشة قضية مطروحة واصبح كل همه
انتظار من يخطأ لكى يبدأ التريقة او الشتم او الانتقام ..
هذه نقطة مبدئية عامة
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: ABUHUSSEIN)
|
حال المنبر تغير فعلاً الكثير من الاقلام المميزة غادرت او توقفت عن الكتابة
وهذا لا يلاحظه الا المتابع لسودانيز ، صحيح إنضمامى للمنبر حديث لكن متابع وحريص على المتابعة
وتصفح المنبر منذ سنوات ، ولكن من وجهه نظرى ان المنبر قد تغيرت لونيه الكاتبه فيه
فى كتير من الاحيان تجد بعض الكتابات التى تفسر الديموقراطيه بشكل خاطئ ، فحرية التعبير والكتابه
لا تعنى الاساءة والتجريح للاخرين
الاخ محمد البشرى تقبل مداخلتى
ولك ولضيوفك خالص الود
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: هشام عباس)
|
النقطة الاخرى التى قصدتها من كلامى الذى قمت انت باقتباسه ساوضحه لك بنوع من الشرح
الامر لا يتوقف عند الابتعاد فقط لان من ابتعد اصلا اضعف من ان يبقى والا لما انسحب
لكن هناك شئ اخر يقلقنى فعلا :
مطاردة اشخاص معينين افرغت معظم البوستات من مضمونها بغض النظر ان كانت جيدة او سيئة
وما ان يكون البوست خبرا او قضية مطروحة ياتى المطاردون وبدلا من نقاش المطروح يطعنون فى الكاتب
فيتحول فجاة الى سب وشتم وتضيع القضية الاساسية المطروحة
هذا الامر قادنا الى شئ سئ جدا
ساضرب لك مثلا رغم عدم رغبتى فى ذكر اسماء ولكنه مثال جيد واتمنى ان لا يغضب منى
قلم مثل هشام هبانى ..رجل يملك ناصية الكلمة والتعبير والسلاسة والتماسك ويملك من الخبرات
والتجارب الكثير بغض النظر عن اختلافنا معه او اتفاقنا معه .. هذا القلم كان واحد من الاقلام
التى ننتظر متى يكتب لكى نقرا له كان الموالى قبل المعارض ينتظره وقبل ان اصبح عضوا فى هذا
المنبر كنت ادخل لاقرا لهشام هبانى وبعده ابحث عن الاخرين .. هشام هبانى وقع ضحية الملاحقة والمطاردة
والاستفزاز وكان طبيعيا ان يقع فى فخ الانفعال والمجاراة ورد الصاع صاعين ونجحوا فى تشويهه بدرجة جيد
جدا فتغير اسلوبه الى النقيض رغم انه متمسك بمواقفه وهذا ما احترمه فيه لكنه ليس هشام هبانى الذى
كان يطرح الفكرة ويبتعد عن الشخصنة ويرتقى بالحوار ويطرح القضايا ..
ماذا لو اختلفنا مع بعضنا دون ان نصل الى درك الشخصنة والكراهية ومحاولة الانتصار للذات ؟؟؟
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: هشام عباس)
|
طيب
اذا نظرنا للاسباب التى بسببها يطارد البعض فى هذا المنبر ستجد ان السبب
(فلان الكذاب) .
ليست لدى مشكلة فى ان يوقف الكاذب عند حده لكن هل يوقف الكاذب عند حده بالمطاردة
فى كل بوست يفتحهه ؟؟ لا اظن ذلك .. الكاذب يوقف عند حده بفضح كذبته المطروحة حتى
يعرف الجميع ان الخبر كاذب او القضية المطروحة كاذبة وبالتالى تكون انت قد وصلت الى هدفك
حين يعرف القارئ او المتابع ان هذا الشخص غير اهل للثقة . لكن الامور هنا لا تجرى هكذا
الامر عندنا مطاردة فى كل بوست يفتحه بغض النظر عن صحته من عدمه والامر عندنا ليس تفنيد المطروح
وانما دق الصفائح واخراج الفضائح قديمه وجديده ربما ان البعض يعجبه هذا الامر فيطبل ويهلل للشخص
ويظن الشخص انه بالفعل انتصر لذاته فندخل فى لعبة الصبية والاطفال ..
والاهم من ذلك ان المبادئ عندى لا تتجزأ .. انت ضد الكذب ؟؟ اذا عليك فضح الكذبة نفسها
ايا كان مصدرها وايا كان هدفها بغض النظر عن شخص الكاذب .. لكن حين يكون كذبة فلان عادية وتمر مرور
الكرام وكذبة فلان ولو كانت قبل عامين تبرز له كالكرت الاحمر فى كل بوست يفتحه هذا هو المرفوض ..
ومن عجب حين اجد مؤيد للنظام يطارد احد المعارضين بحجة انه كاذب
طيب يا اخى ان اصدق انه يكره الكاذبين لكن علينا ان نتساءل :
هل هو احرص على منبر سودانيز اون لاين اكثر من وطن اسمه السودان ؟؟
كيف برجل يؤيد كذبة نعيشها 25 سنة باسم الدين احيانا وباسم التنمية احيانا والبلد يتمزق مع كل
كذبة واخرى وهو يؤيد ويعيش هذه الكذبة ثم يدعى انه ضد الكاذبين فى هذا المنبر
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: هشام عباس)
|
Quote: ثبل ايامات اثبتنا انو المعارض النوبي الكبير نورالدين منان انتهازي حقير جدا وكان بتقاضى راتب من ريسكيو نوبيا مقداره 10 الف دولار/شهر
واجهته بهذا الاتهام في احد البوستات ولم ينكر ولكنه عدّل المبلغ الى 8000 دولار/شهر (فقط) كما جرت عبارته ..
الناس ديل واعني المعارضين عندهم حساسيات مع نتيجة لتضارب وتقاطع المصالح الشخصية .. |
انا اعرف نور الدين منان اكثر منك واعرف القضية التى تتحدث عنها اكثر منك
لاننى جزء اساسى فى هذه القضية وبسببها تعرضت للاعتقال اكثر من اربعة مرات
نلت فيها من التعذيب والسجون وحرمان الحرية الكثير اخرها عام 2007 قبل مغادرتى البلاد
لانى كنت احد اركان المناهضة ولا زلت ..
وبدون الدخول فى تفاصيل اقول ليك ببساطة ان الامر ليس كما شرحت انت ودا ما البوست اللى نفصل فيه القضية دى
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: هشام عباس)
|
Quote: ان كان رجل او انثى انت تناولت سيرة شخص لا دخل له فى نقاشك مع دينق واسئت اليه
فهل تكون اساءتك لوالد دينق عادى لانه رجل واساءة معاوية عبيد لزوجة فلان غير عادى لانه امراة ؟؟ |
يا هشام الموضوغ دا ما كان تتطرق ليهو تاني لأني في نفس البوست وضحت ليك ان هذا الشخص شخصية عامة زيو وزي بكري حسن صالح ونافع وغازي فياخي ما تقعد تكرر الكلام لأني ما بنسى بالساهل !...
أما زوجة أخونا فهي زولة عادية ولا يجب ان تحوم سيرتها في المنابر بالغمز واللمز ولا شنو
| Quote: بربى اسالك سؤال بسيط جدا .. هل المقصود من مداخلتك هذه علاج القضية التى نناقشها ام الانتقام من الذين ذكرتهم ؟؟ |
يا زول انتقام شنو ؟ ههههههه
مداخلتي جاءت ردا على ود البشرى .. هو من أتى بالاسماء المذكورة اعلاه .. وحبيت اعضد وجهة نظري بامثلة
اكرر هنالك اجندات خفية هي التي نحرك ما يعرف بالمناضلين هنا، على صفحات هذا المنبر.. فدع عنك الطيبة وحسن النية
وبالمناسبة انا عندي الكثير جداً من الامثلة ( مناضل vs مناضل) او (مناضلين vs مناضل) ومن ارشيف هذا المنبر ... والدنيا مصالح ... بس ما عندي وقت اكثر من كدا للكتابة
سلام
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: هشام عباس)
|
| Quote: هل هذا تفسيرك انت للامر ام امر قاله صراحة ؟؟؟ |
يا زول تفسير شنو كمان البفسرو انا
الكلام دا قالوا عديل هنا انت قايل ود البشرى ذكر اسمو فوق ليه ؟
خلي ود البشرى يجي يأكد ليك كلامي دا ..
_______________
بالنسبة لمنان الحكاية اعترف بيها هنا في بوست من بوستات هشام هباني
وفي وجود ومشاركة الاخ ناصر المحسي
ولو كان عندي وقت كنت عملت سيرش وجبت ليك الرابط
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: محمد حمزة الحسين)
|
Quote: بالتأكيد لا يا هشام الإساءة فعلا هي الإساءة
لكن الإساءة كرد لإساءة من نفس الشكل والنوع تختلف من الإساءة بقصد الإبتزاز
مثلا لو جئت أنت شتمت والد أحدهم لأنه شتم والدك فدا حلال ومجاز بغض النظر عن كمية البغض الفيهو
لكن لما تجىء تشتم أبو زول أو تعايرو بأهلو أو بى زوجتو لمجرد اختلاف في الرأي أو لمحاولة تخويفو وإسكاتو فدا
الإبتزاز البعنيهو ليك عبد الوهاب زي ما عمل معاوية لمعتصم ومحمد البشرى .
عارف الكلام ما موجه لي لكن المداخلة دي مشاركة مني في النقاش |
طلحة حبابك
شوف ي اخوى التبرير للاساءة اسوء من الاساءة نفسها
مافى حاجة لا فى الاخلاق ولا فى الدين بيخليك تبرر للاساءة
ايا كان الغرض من الاساءة فهى مرفوضة لسبب بسيط جدا
ان كان هناك شخص انحط لدرجة ان يسئ لوالدك ليس مطلوبا منك ان تنحط وتنزل الى درجته والا اصبحت مثله
بعدين نقطة مهمة جدا .. انا هنا لا ادافع عن اساءة فلان او فلان ولم اذكر مثال وهبة لكى اعايره انا ذكرت المثال فقط
لكى اقول له (من كان منكم بلا خطيئة فاليرمه بحجر )
ان كانت الاساءة بسبب ابتزاز او رد اساءة مالذى يوصلنا الى هذه الدرجة اساسا
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: هشام عباس)
|
Quote: يا هشام الموضوغ دا ما كان تتطرق ليهو تاني لأني في نفس البوست وضحت ليك ان هذا الشخص شخصية عامة زيو وزي بكري حسن صالح ونافع وغازي فياخي ما تقعد تكرر الكلام لأني ما بنسى بالساهل !...
أما زوجة أخونا فهي زولة عادية ولا يجب ان تحوم سيرتها في المنابر بالغمز واللمز ولا شنو |
يا وهبة انا ما نسيت ردك لكن هل انت شايف تبريرك دا مقنع لاى شخص وهل انت نفسك مقتنع بالتبرير دا
يا اخى لو انك طرحت الموضوع لمناقشة امر عام وقضية راى عام ورجل عام لقلنا مقبولة
لكن ان تدخل فى سباب متبادل مع دينق وتاتى بسب والده فالامر لا يعدو كونه اساءة وابتزاز ومحاولة انتصار للذات
بالاخص ان الرجل الذى تقول انه شخصية عامة رحل عن دنيانا وهو بين يدى الله
كلامك دا مجرد تبرير للاساءة واذا انت حتبرر لاساءتك الاخرين ايضا هم يستطيعون التبرير للاساءة التى اتوا بها
عشان كدا قلنا ليكم الامر مرفوض
Quote: بالنسبة لمنان الحكاية اعترف بيها هنا في بوست من بوستات هشام هباني
وفي وجود ومشاركة الاخ ناصر المحسي
ولو كان عندي وقت كنت عملت سيرش وجبت ليك الرابط |
انا عارف الموضوع دا وتابعتو وما محتاج انك تكبشر لى او تجيب لى رابط
انا فقط اختلفت معك فى طريقة تصويرك للامر قلت لك هى ليست كذلك
قضية منان لا هى قضية فساد ولا استغلال ولا جريمة
قضية منان قضية حق ان اختلفنا او اتفقنا معه فهو لم يرتكب جريمة ويجب ان لا نصوره كرجل فاسد ارتكب جريمة
لجنة المناهضة بمحض ارادتها طلبت من منان التفرغ
والرجل لديه مسؤوليات واسرة هو مسؤول عنها وعن رزقها ولا يستطيع ان يتفرغ ويترك مسؤولياته الاساسية
وافق على التفرغ فى مقابل وفى اجتماع عام وامام الجميع وليس تخفيا لانه امر لا يخجله حتى يخفيه ولم يرتكب جريمة حتى يدسها
انا اختلف معه فى ذلك لكن لا يمكن ان اصوره كمرتكب لجريمة وابتزه واظهره كانه انسان غير شريف و انه انسان بلا مقدرات او مؤهلات
ويعيش بطرق غير سليمة العكس هو رجل محترم ومثقف ومؤهل ووصل الى درجة سفير لبلاده ولديه من المؤهلات ما يجعله يحتل ارفع المناصب والوظائف ويعيش ملكا
وهو لا يحتاج لقضية يسترزق من وراءها ولم يهاجر لامريكا لكى يلعب هذا الدور .. بس
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: هشام عباس)
|
Quote: هشام عباس المناضل يتبى مقولة (خلوها مستورهـ )
فتأمل او عالج لا تفالج ايهما اقرب |
محمد حمزة تحياتى
ابدا انا ما قلت خلوها مستورة وابدا ما طلبت من زول يترك حقه وابدا لم اطالب بترك الكاذب
وانا اكتر واحد بقيف الف احمر فى المواضيع دى وبقعد للزول زى اللصقة
انا فقط طالبت شئ محدد
بوست فيه كذبة نوصلها للاخر
زول اساء لزول ياخد حقو وما يسيبو
لكن ما ارفضه هو تحويل البورد لمطاردات وملاحقات وتخريب كل البوستات وعمليات الانتقام والسباب المتبادل
يا اخى انت بس اعمل مقارنة بين المنبر الان والمنبر زمان وشوف الفرق
يا اخى الواحد يجى داخل المنبر دا زمان تحتار تقرا لمين وتلحق مين .. بوستات كلها قمة فى الموضوعية والطرح والنقاش الجميل
اسع امسك البورد بتلقى الصفحة الاولى كلها يا فلان ويا علان وهاك يا شتايم وقلة ادب
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: أمير عثمان)
|
سلام لودالبشرى والجميع ..
ترك المنبر قد لا يكون بالتوقف عن المشاركه فقط ..
فالتوقف عن التفاعل المنبرى الجاد حول القضايا الوطنية لا يقل فداحة عن مغادرة المنبر ..
واعتقد جازما أن المناخ المنبرى عاد طاردا جدا بالمناكفات المتعمدة والمطاردات ذات الدوافع الشخصية والتى سادت حتى طغت على المنبر ووسمته بالهتر والجعجعات الفارغة ..
قد يُلبس هذا الشخص أو ذلك أو حتى أنا .. قد يلبس ترصده للآخر فى ثوب عام أو وطنى ..
فأى زول قادر على انتاج المبررات للخطأ ولكن .. فى النهاية .. هناك خطأً جسيما أرتكب فى حق هذا المنبر ..
والجميع مسؤولون ..
وبعضنا مسؤول عن ذلك باكثر من الآخرين .. والامر واضح ..
موضوع مغادرة الاقلام المعارضة وتقصى أسبابه وإثبات صحة هذا التفسير او ذاك ..
موضوعٌ يتجاوز بديهية مهمة .. أو أنى أراها كذلك
وهى أن اجواء النقاش الموضوعى .. أو حتى الموضوعى الى حد معقول .. تكون فى صالح الصوت المعارض الجاد
وتلك بديهية تتنزل عن الواقع السودانى العام وملامح الفشل الحاد لنظام البشير فى ادارة الدولة السودانية وفى جميع مناحيها ..
غادر ظواهر الاشياء .. أسال دوما عن المستفيد .. ستدرك المسالة !!
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: حيدر حسن ميرغني)
|
Quote: سلام لودالبشرى والجميع ..
ترك المنبر قد لا يكون بالتوقف عن المشاركه فقط ..
فالتوقف عن التفاعل المنبرى الجاد حول القضايا الوطنية لا يقل فداحة عن مغادرة المنبر ..
واعتقد جازما أن المناخ المنبرى عاد طاردا جدا بالمناكفات المتعمدة والمطاردات ذات الدوافع الشخصية والتى سادت حتى طغت على المنبر ووسمته بالهتر والجعجعات الفارغة ..
قد يُلبس هذا الشخص أو ذلك أو حتى أنا .. قد يلبس ترصده للآخر فى ثوب عام أو وطنى ..
فأى زول قادر على انتاج المبررات للخطأ ولكن .. فى النهاية .. هناك خطأً جسيما أرتكب فى حق هذا المنبر ..
والجميع مسؤولون ..
وبعضنا مسؤول عن ذلك باكثر من الآخرين .. والامر واضح ..
موضوع مغادرة الاقلام المعارضة وتقصى أسبابه وإثبات صحة هذا التفسير او ذاك ..
موضوعٌ يتجاوز بديهية مهمة .. أو أنى أراها كذلك
وهى أن اجواء النقاش الموضوعى .. أو حتى الموضوعى الى حد معقول .. تكون فى صالح الصوت المعارض الجاد
وتلك بديهية تتنزل عن الواقع السودانى العام وملامح الفشل الحاد لنظام البشير فى ادارة الدولة السودانية وفى جميع مناحيها ..
غادر ظواهر الاشياء .. أسال دوما عن المستفيد .. ستدرك المسالة !! |
يكملك بعقلك يا اخى حيدر
هذا ما اقوله لكن للاسف هم يظنونى مدافعا عن البعض
تحياتى
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: هشام عباس)
|
شكرا هشام على الاستجابة و اثراء النقاش و الشكر للزملاء الكرام على المشاركات
و شكر خاص لعمك وهبة  أحسن من يستلم الون و يرد التو
معذرة على التأخير يا هشام وشكرا مرة تانية على توسيعك للنقاش و تناوله بشكل غير محصور على ما جاء بالعنوان
الوقت متأخر الآن و سأعود للتعليق على حديثك بالتفصيل إن شاء الله
دا بياض تاني لغاية ما نجي بكرة بإذن الله:
سلوك البلطجة الاسفيرية سلوك فردي لو صدر من زيد من الناس فمسؤول عنه زيد من الناس فحسب لا حزبه ولا اصدقاؤه ولا جماعته ولا من يتعاطف معه
هذا السلوك ليس حكرا على جماعة بعينها فهو منتشر عند مختلف الاعضاء على تباين تصنيفاتهم و اتجاهاتهم و في اعتقادي ان ضعف اللائحة من جهة و اصطفاف الاعضاء ووقوفهم مع الاسماء لا مع الحق و كون كثير من الإعضاء يفضل أن يشتري دماغه و يتجنب الصراعات أدى إلى استفحال هذا السلوك حتى صار شيئا معتادا
مهما بلغ الخلاف بين الزملاء توجد خطوط حمراء لايجب تجاوزها, ولا يجب التسامح مع من يفعل بأي شكل كان
نواصل بكرة إن شاء الله
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: محمد البشرى الخضر)
|
Quote: شكرا هشام على الاستجابة و اثراء النقاش و الشكر للزملاء الكرام على المشاركات
و شكر خاص لعمك وهبة أحسن من يستلم الون و يرد التو
معذرة على التأخير يا هشام وشكرا مرة تانية على توسيعك للنقاش و تناوله بشكل غير محصور على ما جاء بالعنوان
الوقت متأخر الآن و سأعود للتعليق على حديثك بالتفصيل إن شاء الله
دا بياض تاني لغاية ما نجي بكرة بإذن الله:
سلوك البلطجة الاسفيرية سلوك فردي لو صدر من زيد من الناس فمسؤول عنه زيد من الناس فحسب لا حزبه ولا اصدقاؤه ولا جماعته ولا من يتعاطف معه
هذا السلوك ليس حكرا على جماعة بعينها فهو منتشر عند مختلف الاعضاء على تباين تصنيفاتهم و اتجاهاتهم و في اعتقادي ان ضعف اللائحة من جهة و اصطفاف الاعضاء ووقوفهم مع الاسماء لا مع الحق و كون كثير من الإعضاء يفضل أن يشتري دماغه و يتجنب الصراعات أدى إلى استفحال هذا السلوك حتى صار شيئا معتادا
مهما بلغ الخلاف بين الزملاء توجد خطوط حمراء لايجب تجاوزها, ولا يجب التسامح مع من يفعل بأي شكل كان
نواصل بكرة إن شاء الله |
اشكرك واشكر سعة صدرك واشكر لك اولا انك املت فى نقاشى خير وطلبتنى له
وانا ايضا طالع انوم وبكرة راجينى يوم عمل مرهق وقد اكون فى دولة البحرين واعود مساء فى مهمة عمل قصيرة
بمعنى لو ما لقيت منى رد الصباح انتظر مداخلاتى بالليل كان ربنا حيانا
ودة بياضى برضو حاول تفكر فيه لغاية ما ارجع ليك :
هل ترى ان اجواء المنبر وما يدور فيه مؤخرا منفصل عن واقع الارض والممارسة فى بلدنا
يعنى انت شايف انو الممارسة السياسية فى السودان على ارض الواقع شريفة ونزيهة ؟؟
من الذى سمم الاجواء وجعل من السياسة منبرا لبث الكراهية والعنصرية والبغض بعد ان كان الساسة السودانيون معروف عنهم الود والتنافس الشريف ؟؟
ومن المستفيد من احلة الاصطراع وانشغال الناس عن حال بلدهم بالصراعات والفارغة ؟؟؟
هناك طرف واحد مستفيد وهناك طرف واحد جعل من حب السودانيين يتحول الى كراهية ومن سموهم عنصرية ومن الاخوة بغضاء وتناحر
هناك طرف واحد جعل الاختلاف شتما وسبا واتهاما بالعمالة والارتزاق والتخوين
وهو نفس الطرف المستفيد من تدمير هذا المنبر بجره من النقاش الواعى والهادف الى منبر للبذاءة ينفر عنه الناس
هناك من يريد ان يوجه رسالة واحدة (ان كان هؤلاء هم المعارضون فافضل لنا المؤتمر الوطنى )
تحياتى
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: هشام عباس)
|
حالة واضحة من ذهان قدل الثعلب يوما في ثياب الواعظينا
افسد الحوار في هذا المنبر حينما قسمت التصنيفات مجانا لكتاب
وصار كل من لا يغرد مع السرب كوزا بقدرة قادر رغم تأريخهم النضالي
وهذه التصنيفات يصدرها من يسموا جزافا معارضين وما هم الا مجموعة
حار بيها الدليل وفقدت النخوة السودانية وتحولوا الى بنات آوي يثيرهم الدم
حتى لو كان دم احدهن
قال معارضة قال
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: محمد البشرى الخضر)
|
متابعة ....... لصيقة للبوست منذ بداياته
أي صاحب قضية يغادر لمجرد تعرضه للســوء فهذا يعني
انو ما مؤمن بقضيته ايمان كامل ....
كل اصحاب القضايا لازم يتعرضوا للصعاب والمنبر دا سوق ياخ
فيهو الكويس .. وفيهو المهذب .. وفيهو قليل الادب وما مربى
ومهما طال زمن الباطل والشر ..لا بد أن يظهر الحق والحقيقة والخير
فقط عليه بالصبر والتحلي بالجلد مش الهروب عند أول معترك وأول اختبار حقيقي لثباته
..
..
نجي لقصة الأمير الكوشــي بشاشا..
ليهو زمن شابك الناس العلاج بالصدمه وبعض مداخلاته لا تخلو من الاساءات
للاخرين بتهم العنصرية ... فهذا خطه مع محمد سليمان وتراجي
اها وقت عالجوه بالصدمة قام شارد وترك الجمل بما حمل...
الاساليب القذرة دي موجودة في السياسة بكثرة والكثيرين يستخدمونها
يبقى على صاحب القضية الثبات والدفاع عن قضيته مش الهروب ..
حاجة مهمة يفتقدها الناس وهي القدوة ..
بمعني أنت كصاحب قضية يجب أن تكون انت قدوة في نفسك
وما تتعارك مع الناس ولا تسبهم عشان ما يسبوك ..
سؤال مثلاً: ليه معاوية عبيد وهشام هباني ما شتموا ناس محترمين هنا؟
مش دا ســـؤال؟
انت البتفرض احترامك على الآخرين ولو كنته ماسك يمينك
صدقني ماف زول حيجي يغلط عليك كدا من الباب للطاقه
ابتعاد نجلاء هو هروب وقله حيله وهذا يفتح الباب للكثير من القيل والقال
حكاية نجلاء (لها كامل الاحترام) زي حكاية معاوية عبيد مع ود الباوقة
معاوية اتهم ود الباوقة وود الباوقة سكت ففتح على نفسه ابواب جنهم الى يومنا هذا
عندما تكون سمعتك على المحك يجب أن تقاتل حتى تبرئ ساحتك مش تهرب
والقتال قد لا يكون بنفس الاسلوب القذر ولكن قاتل قتال الشجعان الفرسان
وصدقني حتنتصر لنفسك ولقيمك بدون ما تخســــر..
سأعود (الناس الذكرنا اسماؤهم هنا فقط على سبيل الاستشهاد) وليس لي عداوة مع أحدهم
والحمد لله .... يعني يعفوا لي ياخ... والله صحي
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: ABUHUSSEIN)
|
Quote: البشاري كل البوستات الحايمة دي الناس بتداخلو فيها ... ليه بس أنا ؟؟؟؟
بعدين سؤالك معناه إنو الإتنين ديل بشتمو الناس المامحترمين بس
و بي كدا تكون صنفت الناس المحترمين و الما محترمين في المنبر...!!! |
ابو حسين بطل لولوه بالله
أنا ما صنفت الناس ولا قلت كلامك الفوق دا ..
فشنو خليك زول أمين مع نفسك..
ابو حسين كدا احسب عداواتك مع غير الاثنين ديل بتلقاها كتيرة
وبعدين ما تزوغ ياخ
ليه بس في ناس كتار هنا ما شتموهم الاثنين ديل؟
دا السؤال؟
لو لقيت ليهو اجابه حترتاح وتريح نفسك شديد
محاولة تصوير الاثنين وكأنهم هم اس بلاوي كل المنبر حاجة ما عادلة ولا شفافة
والله صحي :)
أها نعد ولا كيف؟!
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: محمد البشرى الخضر)
|
Quote: علي اليمين دا أغرب منطق يلاقيني من زمن ولا يفوقه غرابة إلاّ منطق كماشة اللمبي يا ود البشاري!!
طيب انت بالتحديد ديل ما شتموك لكن غيرهم شتمك معناها شنو بمنطق البصيرة أم حمد دا |
كيف يعني؟
يا ود البشـــرى كلامي واضح وما داير لولوه
من يشتم الناس سوف يتعرض للشتم
وإذا ما بتشتم الناس ماف زول حيشتمك ...... والله صحي
وبرضو ممكن تتشتم بدون أي سبب من بعض الناس
وممكن اتعرض للاساءات ولأسوأ انواع الابتزازات
لكن لما أكون انا صاحب قضية دا ما بخليني افوت المنبر لمجرد
واحد ساقط شتمني..
دي ال Main Point واعتقد البوست مفتوح بسببها
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: الامين موسى البشاري)
|
كيف بدون لولوة؟| Quote: وإذا ما بتشتم الناس ماف زول حيشتمك ...... والله صحي |
الاستيتمنت البي حليفته دا متأكد منو!! اجيب ليك مليون نموذج لمشتومين واتحداك تجيب لي شتيمة واحدة صادرة عنهم
ثم بعد سطر كتبت | Quote: وبرضو ممكن تتشتم بدون أي سبب من بعض الناس |
دي كيف طيب ؟ استثناء للقاعدة الجبتها فوق ولاّ كيف
يا ود البشاري واحدة من اسباب الحالة الوصل ليها البورد هي المساواة بين الفعل ورده, و ايجاد التبريرات لمن يتجاوز الحدود
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: محمد البشرى الخضر)
|
| Quote: الاستيتمنت البي حليفته دا متأكد منو!! اجيب ليك مليون نموذج لمشتومين واتحداك تجيب لي شتيمة واحدة صادرة عنهم |
بلحيل يا ود البشـــرى ..
وامبارح القريبة كنا بنتناقش في الموضوع دا
لو ما شتمت الناس وفرضت احترامك عليهم ما ممكن يشتموك كدا بدون سبب
في ناس كتار هنا ومن سنة 2002 لا شتمت ولا اتشتمت وهم الغالبية على فكرة
ما ممكن اعمم قاعدة على شواذ هذه القاعدة (وهم المشتومين والشاتمين)
الغالبية لم تشتم ولم يتم شتمها .... (ممكن نعمل احصائيات لو حبيت)
البقرأ كلامك دا بفتكر إننا بنكتب باللغة الايطالية .. وهي اللغة الأكثر شتيمه
الشتيمة موجودة والاساءات موجودة وممكن تتعرض ليها هنا في البورد ولا بره
| Quote: دي كيف طيب ؟ استثناء للقاعدة الجبتها فوق ولاّ كيف |
لا دي استثناء ولا ديك قاعدة
القاعدة إنو الناس بتتعامل باحترام كبير فيما بينها
والاستثناء هو حالات الشتم ...
أكرر سؤالي: ليه في ناس هنا لا شتمت ولا اتشتمت؟
وهل لو شتمني زول او اتعرضته لاساءة وانا صاحب قضية طارح نفسي معارضة
اقوم طوالي اسيب المنبر؟
بشاشا دا ما كان منجض الناس هنا سنينا عددا والناس كانت صابره؟
اخونا وحبيبنا معتصم ود الجمام وانا اعلم ظروفه ترك السعودية وعاد نهائيا للسودان
وشخصيا اشكك في رواية تركه للمنبر بسبب الكابشر الفوق دا...
الخلاصة يا ود البشـــرى انت من تفرض احترامك على الناس بحروفك
والشتم والاساءات مفروض ما تخلي اصحاب القضايا يتركوا المنبر
ولا شنو؟
| Quote: يا ود البشاري واحدة من اسباب الحالة الوصل ليها البورد هي المساواة بين الفعل ورده, و ايجاد التبريرات لمن يتجاوز الحدود |
ود البشـــرى لا في تبريرات ولا مساواة
امبارح أنت اعتذرته عن شتيمتك لزميل هنا
ورجعته سحبت الاعتذار لما عرفت انو المشتوم خضر لأنك ربطته اعتذارك بحاجات معينة
الشتيمة والاساءة دي ممكن تلاقيك في البيت أو المكتب أو الشارع
ولو بالغنا في ردة الفعل ممكن ندق خروج نهائي من الحياة دي كلها..
الجديد شنو المعارضة قاعدة تشتم
والحكومة قاعدة تشتم
والرماديين بشتموا ........ وعييييييييييك
ولكن الشتم لم يصبح قاعدة أو ظاهرة تستحق ترك المنبر
لأن نسبة الشتم قليلة مقارنه ببقية الاعضاء المحترمين يا قولات ابو حسين :)
اصحاب القضايا عليهم بالجلد والصبر من أجل قضاياهم (لاحظ ما قلنا الموت)
...
...
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: الامين موسى البشاري)
|
Quote: البعض هنا ترك الاساس من وجوده وهو الافادة اما بطرح قضية او مناقشة قضية مطروحة واصبح كل همه
انتظار من يخطئ لكى يبدأ التريقة او الشتم او الانتقام ..
هذه نقطة مبدئية عامة |
المشكلة في الشلليات يا هشام The Gangs
ناس بتساند بعض في الحق والباطل
والمشكلة انهم بيعملوها ظاااااهرة
قبل ما تدخل البوست من اسم كاتب الموضوع ممكن توري المتداخلين منو!
ـــــــــــــــــــــــــــ
الخرف اونلاين شيييييين
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: حيدر حسن ميرغني)
|
| Quote: لو ما شتمت الناس وفرضت احترامك عليهم ما ممكن يشتموك كدا بدون سبب |
يا اللمين الكلام ده ماصاح لانه هنا مجرد إختلاف فى الرأى ممكن يعرضك للشتمية .
ماعاوز اجيب ليك نموذج لناس اتشتمت لانها كتبت رأى مخالف .
عشان ما نفتح باب شتمية لناس محترمين يستحقوا منا كل الاحترام.
وهل سكوتنا عن الخطاء وتجنبنا للمشاكل والشتيمة بيعنى أننا محترمين..
وهل بلعنا لرأينا المختلف عن أراءهم بيعنى أننا محترمين.
| |
|
|
|
|
|
|
|
|
 Re: حتى لا يكون الكلام مجاني: أقلام معارضة قوية تركت المنبر... (Re: محمد عبد الماجد الصايم)
|
| Quote: أقطع النت عن أبو حسين لو فهمت منطق أبو الزمل البشاري!! |
هههههههههههههه يستاهل ابو حسين عشان يعود للمدرجات
يا ابو الزمل ..القاعدة هو التعامل بالاحترام بين جميع الزملاء
وكلامي العايزه قلتو في الأول
الشتيمه موجودة في الشارع وفي المكتب وفي أي محل زاتو
الاقلام المعارضة التي تركت المنبر بسبب الشتيمه كما يقول الزملاء
ايمانها ضعيف بقضيتها يعني بمجرد ما تتعرض لتشيمه تترك المنبر
اصحاب القضايا لازم يواجهوا كل شئ ويصبروا ويصابروا من اجل قضيتهم
وتركهم للمنبر بسبب الشتائم والابتزازات مردود عليهم ...
وهم شن نفرهم ياخ؟
رؤساء دول واحزاب وشخصيات عالمية كبيرة ومشهورة تعرضت لما تعرضوا له
ولم يتركوا خطهم أو يتنازلوا عن افكارهم ...
نقطة سطر جديد.....
لو انت في نفسك ما قاعد تشتم الناس احتمال إنك تتشتم ضعيف يا ابو الزمل
انت كصاحب قضية تعفف أولاً واصبر على البلاء عشان قضيتك .. ولا شنو؟
نقطة سطر جديد
عدد الاعضاء الذين شتموا واتشتموا قليل بالعدد الكلي لأعضاء المنبر ..
نقطة سطر جديد
الشتيمة الساي وبدون سبب برضو موجودة ..
وهي حالات فردية كم واحد كده قول 10- 20 ياخ يعني شنو مقارنة بالعدد الكلي؟
لو الشتيمة بتخلي الزول يبعد ويخلي افكاره كان الدعوة الاسلامية زاتها ما وصلتنا
بعدين ابو حسين وود البشرى وانا زاتو مرات بقيت اشتم من يستحق الشتم
يعني يومداك في صمة خشمي جاء واحد ادروب شتمني
قمته لخيتو ليك طوالي ... وللأمانة هي المرة الأولى التي اشتم لي زول فيها هنا
بس يستاهل هو لأنه هو من بادر ....
الشتيمة والابتزاز ما بخلي الزول يترك قناعاته ويترك المنبر
وأي زول بعمل كده المشكلة فيهو هو مش في المنبر ...
يا ابو الزمل الناس في البرلمان قاعدين يتشاتموا ويضاربوا ياخ
دي النجيضة وباقي النقاشات هواده ساي.... تقرأ مماحكات نقاش منبري
والله صحي
| |
|
|
|
|
|
|
|
|
 Re: حتى لا يكون الكلام مجاني: أقلام معارضة قوية تركت المنبر... (Re: الامين موسى البشاري)
|
هههههههههههههههههههههه@ البشاري!
يا زول مالكـ بتفلق وتداوي!!!
النجيضة:
الشتيمة ليس لها ما يبررها
ولو كل واحد ردّ الشتيمة .. يبقى على الدنيا السلام!!
قصة إنو الواحد بشتم وبعدين بتشتم دي ممكن تكون صحيحة
لكن كمان في ناس بتتشتم في صمّة خشما .. يبقى القصة
ما ليها قاعدة محددة .. ومحتاجة ضوابط صارمة عديل!!
شخصيا بقترح كل زول يشتم يتوقف ربع!
وكل زول يكذب هنا يتوقف سنة كاملة
وكل زول يتعرض للعرض والأسـر يسلموهو ملفو في يدو!!
غير كـدا يبقى الباقي تنظير ساي .. واشتموا شتيمتكم!!
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: الامين موسى البشاري)
|
يا ود البشاري بصراحة منطقك استغلق علينا (أنا و حمودي و أميرنا على الأقل ويمكن آخرين) فا شنو ح نستهلك وقتك وجهدك ساي في محاولة تجسير ما استغلق علينا فا أنسى بس :)
نجي لباقي مداخلتك الأولى يا ود البشاري البوست دا تحديدا اتفتح و مكتوب في العنوان عشان ما يبقى الكلام مجاني - دا قبل أن يتوسّع الموضوع بفضل هشام - فا ما ممكن تجيب كلام مغرق في المجانية و السائية زي دا Quote: ود البشـــرى لا في تبريرات ولا مساواة
امبارح أنت اعتذرته عن شتيمتك لزميل هنا
ورجعته سحبت الاعتذار لما عرفت انو المشتوم خضر لأنك ربطته اعتذارك بحاجات معينة |
معليش للفظ لكن دي قراءة تفوق قراءة الأذنين المعروفة هنا خطلا
وحتى لا اتيح فرصة لسوء الظن ارجو ان تعيد قراءة ما كتبته على ضوء التالي :
تقول ببساطة اني اعتذرت عن شتيمة زميل و سحبت الإعتذار بعد عرفت انو خضر الطيب .. يا النبي نوح!!
أنا اعتذرت لليوزرنيم سودان ريبل لإحساس راودني انه هو خضر, وقلت لو احساسي طلع غلط فالإعتذار مسحوب , ابو حسين مشكور جزاه الله خير اثبت لي إحساسي بالتالي خضر استحق الإعتذار ولم أسحبه ودا ما كتبته (بالإقتباس و الرايط ليعينك على إعادة القراء)
Quote: لا دي بيّنة ما فيها أي كلام بعد كدا
بالتالي يا خضر الطيب الإعتذار قائم وساري, عليه يتم إستبدال أي لفظ خارج ليّيتو ليك بلفظ غير خارج
وأنا أفضل "رويبضة" |
Re: **** هاك يا ود البشرى أهو دا زولك البتفتش عليه ****
ثم في بوست الإعتذار الأصلي
Quote: حموودي .. الموقف كالآتي:
يظل اعتذاري في محله عن الالفاظ الخارجة في مخاطبة خضر الطيب المتخفي تحت إسم سودان ريبل, و نوصي بإستبدالها بألفاظ غير خارجة - أفضل "رويبضة" لأنها أكتر وصف مناسب له ويعبر عن حالته
وبهذا ينتهي غرض البوست و رسالته
الشكر لكل المرور
نلتقيكم في بوست جديد* عن ثقافة الشتيمة بإسم مستعار ومدى اخلاقيتها وما هي الدوافع التي تجعل الإنسان العاقل المسؤول يلجأ لهذا الأسلوب
تابعونا :) |
Re: إعتذار عن العنف اللفظي إلى Sudan Rebel...
اها يا بشاري عيد القراية ووريني كيف الدبارة
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: بدرالدين الطائف)
|
بدر الطائف
تحياتي يا مان.
Quote: يا اللمين الكلام ده ماصاح لانه هنا مجرد إختلاف فى الرأى ممكن يعرضك للشتمية .
ماعاوز اجيب ليك نموذج لناس اتشتمت لانها كتبت رأى مخالف .
عشان ما نفتح باب شتمية لناس محترمين يستحقوا منا كل الاحترام.
وهل سكوتنا عن الخطاء وتجنبنا للمشاكل والشتيمة بيعنى أننا محترمين..
وهل بلعنا لرأينا المختلف عن أراءهم بيعنى أننا محترمين. |
يا بدر اختلافك مع الكمساري في أي حافلة ممكن يعرضك للشتيمة
والله صحي :)
أند سو وات يعني؟
اشتم الكمساري وواصل رحلتك هههههههههههه
بس اوع تكون حاسب نفسك مع الجماعة الاتشتمو يا بدر؟
اتهامك بالكوزنه قد اتهم به العديدين من قبلك هنا ..
وبوستك داك يا بدر انا جيت وكتبت ليك كلام ما عجبك .. والله صحي
يبدو إنك تينت النصح ضحى الغد يا صاح
ما علينا ... بس اوع تكون عايز تترك المنبر :)
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: فرح الطاهر ابو روضة)
|
سلامات با بشاري
سبب واحد تركني ابقى هنا رغم ما اتعرض ليه وتعرضت له فقط لاني اكتب وجهات نظري
اني ما عايزة الرجال هنا يفتكرو انهم ممكن يطفشو اي امرأة من المنبر بساقط القول والاكاذيب في العرض والسمعة
صمدت لان وجهة نظري تستحق ان تسمع في هذه التشاشة لاني لا اغرد مع السرب موش لاني ما محترمة
في نقاش تأريخي عادي جدا عن يوليو سنة 2004 تحولت الى العدو رقم واحد لاعضاء الحزب الشيوعي المتواجدين هنا ما عدا قلة تحسب في اصابع اليد استمر بيننا الحوار
لتحدث اكبر حملة بحث عن يوليو وقضر الضيافة
http://www.sudanyat.org/vb/showthread.php?t=19andpage=33
وعينك ما تشوف الا النور اغتيال شخصية مؤسسة ومتعبوب فيه من حزب له تأريخ موغل في القدم في اغتيال الشخصية ودفع الناس لللانتحار والانزواء
ثم ادعياء النضال امثال نايف وشنو وشنو
الواحد عايز يبقى مناضل لازم يكون عنده عدو محشور في خانة الحكومة لزوم حق لجوء وكدا
كونك تتشم في هذا المنبر معناها انت عندك احترام كبير لذاتك وما طيرة مباري سيرة
بعدين تخرب البوستات يقوم به المناضلين نص المكنة ديل كما يحدث في اي بوست افتحه
مثال البوست لشباب الحركة الاسلامية نقل الى الخور بسبب مدخلات السكير شمس الدين ساتي وهبالة ناف
مع انه كنت مخططة لحوار شامل مع عدد من الشباب وكان ممكن يبين وجهات النظر والصراعات
لكن هيهات في هذه التشاشة مع المناضلين ديل...
اميز مافي هذا المنبر انه فضح المعارضة وهبالتها وضعفها وهوانها
شكلات في منظمات المجتمع المدني ورت انها مجرد ابقار حلوب ومليانة تفاهات وفساد
شكلة بين عيال دارفور اكتشفنا اي زول عندو يهودي فرحان بيه
صراعات في الجبهة الشرقية ورتنا كيف تم ادارة الصراع بين عبد العزز خالد وتيسير وكيف عيالنا راحو ضحايا لهذا الصراع والفتن..
دا كلو عرفناه هنا..
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: د.نجاة محمود)
|
يا ود البشرى سلام
طبعا في أقلام مؤثرة جدا تركت المنبر لأنها ما وجدت التقدير البليق بيها منهم قلم مؤثر جدا هو قلم عزاز شامي ..
لكن اتخيل فعلا في ازمة مصطلحات هي سبب المشكلة ..وفي ناس بتسببوا في الإساءة للفريق البنتموا ليهو عن قصد وما فارق معاهم لأنو اصلا دي مهمتهم .."يعني طالعين للربا والتلاف زي ما بقولوا وديل هم البعملوا تشويش ..
لكن بتخيل لي في خلط حاصل في استخدام مصطلحي النضال والمعارضة ..لأنهم مختلفين ، ما أي معارض مناضل ولا أي مناضل بالضرورة رافع لافتة معارض ..
النضال ده فعل تاريخي بياخد زمن طويل وبتتخللوا صبر وأحداث ومواقف وأفعال بتتحفر في ذاكرة الوطن والناس والمناضل الحقيقي بيحتفى بيهو في وطنه حتى من الطرف النغيض ..وده ما بقلل في حق المعارض لكن كل زول لازم يعرف حجمو وما ينتفخ ساي من الناس ولازم ياخد وقتو ويرسم تاريخو بيدوا عشان في النهاااااية يتقال عليه كان مناضل ..
المفروض نطمح ليهو هو وجود اقلام مؤثرة وواعية من الطرفين معارضة أو حكومة ويتنازلوا هنا في حوش بكري ده بالحجة والمنطق والفورة ألف ..ويخلوا اشباح المعارضين وشبيحة الحكومة يتساقطوا ..ويبقى لوطنا المسكين ده ما ينفع الناس ..
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: فرح الطاهر ابو روضة)
|
ود البشــــرى
اعتقد موضوع البوست الرئيس هو ترك عدد مقدر من الناس البورد بسبب الشتائم
لو ما فهمته غلط ... ودا كلامك يا ود البشرى
Quote: السلوك الذكره هشام دا في رايي نوع من البلطجة ومن يمارسه يجب ان يوقف عند حده كان ما من الإدارة على الأقل بقوة الرأي العام من الأعضاء
ودي أقل و أضعف الإيمان فيها أن لا يزينوا ليه الباطل ويلبسوه ثوب الحق إن عجزوا عن قول النصيحة له في وجهه وانو ممارساته دي غلط |
الشتيمة حاجة ما كويسه تب يا ود البشرى
ودي حاجة متفقين عليها كل الناس تقريباً
يا ود البشرى ماف مجانية ولا اتهامات ساي
انا فتحت ليك بوست بخصوص اعتذارك ودخلتني بحمد ومرقتني بخوجلي
خلينا نثبت حاجات وهي :
الشتيمة حاجة ما كويسه لزميل او غيره.
الشتيمة بالفاظ جارحة لزميل او غيره اكعب من الأولى..
بالنسبة لموضوع اعتذارك فهو ايضاً استغلق على الجميع بما فيهم حمودي صاحبك ههههههههههه
شتمته سودان ريبل وقلته له قنيــــــــــط..
جيت راجع وقلته اعتذر عن شتمي لسودان ريبل (اللهو خضر) بهذا اللفظ
وعندك التزام الزمته بيهو نفسك تجاه الزملاء ولأنو جاك احساس بإنو سودان ريبل
فأنت تعتذر عن اللفظ الجارح الفوق ...
آخر الاعتذار كتبته ملاحظة:
لو طلع زميل وصدق احساسك فالاعتذار ساري المفعول ..
ولو ما طلع زميل فالحال في حالو... قنيط وستين قنيط كمان هههههههه
بعدها ابو حسين جاب ليك النجيضة وطلع الزول خضر
كتبت الاعتذار قائم وساري للزميل خضر لكن الشتيمة قائمة برضو هههههههههه
وبحق الزمالة استبدلته قنيط ب " رويبضه" هههههههههههه
شفته كيف؟!
على ما اعتقد البوست دا عن الشتيمه والابتزازات والبطلجة التي طفشت الزملاء عن البورد
وفي ذات الوقت تقول لزميل رويبضه .......... فتامل!
الزملاء الذين يكتبون باسمائهم الحقيقية لهم شتائم مخففة بحق الزمالة من روبيضه ولااااا تحت
الزملاء الذين يكتبون باسماء مستعارة ليس هناك سقف لديك لشتمهم (تلعن خاش خاشهم)
من القنيــــط وبدون سقف محدد (ودا السبب الطفش الجماعة؟)
غير الزملاء السقف مفتوح لأي شتيمه..
مش دا كلامك يا زول؟
وفاتح بوست تناقش فيهو ابتعاد بعض الزملاء معارضين وغيرهم من البورد بسبب الشتائم والبلطجة
والله صحي :)
أكرر السؤال مرة تانية: في ناس هنا حياتهم كلها في البورد دا
لا شتموا ولا اتشتموا تفتكر ليه؟
منهم المعارضين ومنهم الموالين ومنهم الرماديين؟
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: الامين موسى البشاري)
|
كويس خالص يا بشاري شكلها اعادة القراية نجحت - كان ساعدتها باعتذار صغير كدا تكون ما قصرت :)
لكن للدقة خلي بالك من الحتة دي: الكلام دا كلو مبني على حقيقة و كود آخر, انو لا ابادر بالشتم ودا يسري على الجميع زملاء و غير, اسماء مستعارة وغير
وفهمي لرد الشتيمة بمثلها او افظع منها انو دا حق ما أكتر .
البوست الانت فتحته مشكلتك ما كانت انك بتستفهم ومستعد لقبول إجابات بل كان عندك فهم في راسك وكنت تلوي الكلام وتكسر رقبته كسر عشان تقولني الكلام الفي راسك, هسي ارجع ليه وان كنت ما انصح بعد الحبشي لغمو ليك :)
هنا الخلاصة دي محتاجة برضو اعادة صياغة منك عشان ما تقع في فخ التدليس Quote: الزملاء الذين يكتبون باسمائهم الحقيقية لهم شتائم مخففة بحق الزمالة من روبيضه ولااااا تحت
الزملاء الذين يكتبون باسماء مستعارة ليس هناك سقف لديك لشتمهم (تلعن خاش خاشهم)
من القنيــــط وبدون سقف محدد (ودا السبب الطفش الجماعة؟)
غير الزملاء السقف مفتوح لأي شتيمه..
مش دا كلامك يا زول؟ |
الجزء الملون أحمر خطأ, طالما عرفتك زميل حتى لو كتبت باسم مستعار فالكود ينطبق ودا الحصل في كيس خضر تراجعت عن اللفظ لمجرد أحساس و ثبت
بالنسبة لحتة دا الطفش الجماعة دي بدري عليها يا شاب. البوست بقول يا هادي
في رأيي في فرق بين الشتيمة الشتيمة مهما كانت وقــحة وخارجة وبين الإبتزاز حتى لو بحقائق
ما للمنبر وفلان طلق زوجته وفلان سكير لدرجة التوصية بمنعه من المشاركة في الأنشطة العامة!!
الإبتزاز عبارة عن اغتيال شخصية وبلطجة بمعنى اكسر عينك وتغور من قدامي فا دا موضوع تاني ح نجيه في البوست دا لا قدام
البشاري بمناسبة طفيش الجماعة ما علقت على تشكيكك في موضوع معتصم وسبب تركه البورد, دي طبعا طالما هو اخوك وحبيبك من السهل عليك تتواصل معاه وتساله عنها
لكن في شي تاني أخوك وحبيبك قريت الإتكتب ليه - بغض النظر عن اذا كان هذا سبب تركه للبورد - لم تعلق على فظاعة وسفالة وحقارة الكلام دا ومررت عليه مرور الكرام, قد يكون في الحتة دي اجابة على جزء من سؤالك التالي ليه في ناس عمرها ما اتشمت
Quote: وفاتح بوست تناقش فيهو ابتعاد بعض الزملاء معارضين وغيرهم من البورد بسبب الشتائم والبلطجة
والله صحي :) |
بالنسبة للحتة وسبب فتح البوست ارجو اعادة قراءة المداخلة الأولى
بتوريك انو البوست دا اتفتح بناء على كلام هشام انو في من يتبع اسلوب خبيث لتطفيش المعارضين و انا فهمت من السياق انه المعنيين هم جماعة المؤتمر الوطني و غواصاتهم وكدا, وجه نظري انو الكلام دا ما صاح و الاسلوب الخبيث دا ليس حكرا على أحد ولدي نماذج لمعارضين لا يزايد احد على انتمائهم أو يتهمهم بالإنتماء للمؤتمر أو يكونوا غواصات ليه ارتكبوا - ويرتكبوا - هذا السلوك
دي فكرة البوست الرئيسة وسبب فتحه, هشام مشكور وسّع النقاش وخلاه اشمل من ما ورد في العنوان و سنواصل في الإتجاه دا فالفائدة اعتقد ستكون أكثر بكثير
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: محمد البشرى الخضر)
|
ود البشرى
استعنا على الشقا بالله .......
Quote: الجزء الملون أحمر خطأ, طالما عرفتك زميل حتى لو كتبت باسم مستعار فالكود ينطبق ودا الحصل في كيس خضر تراجعت عن اللفظ لمجرد أحساس و ثبت
بالنسبة لحتة دا الطفش الجماعة دي بدري عليها يا شاب. البوست بقول يا هادي
في رأيي في فرق بين الشتيمة الشتيمة مهما كانت وقــحة وخارجة وبين الإبتزاز حتى لو بحقائق
ما للمنبر وفلان طلق زوجته وفلان سكير لدرجة التوصية بمنعه من المشاركة في الأنشطة العامة!!
الإبتزاز عبارة عن اغتيال شخصية وبلطجة بمعنى اكسر عينك وتغور من قدامي فا دا موضوع تاني ح نجيه في البوست دا لا قدام
البشاري بمناسبة طفيش الجماعة ما علقت على تشكيكك في موضوع معتصم وسبب تركه البورد, دي طبعا طالما هو اخوك وحبيبك من السهل عليك تتواصل معاه وتساله عنها
لكن في شي تاني أخوك وحبيبك قريت الإتكتب ليه - بغض النظر عن اذا كان هذا سبب تركه للبورد - لم تعلق على فظاعة وسفالة وحقارة الكلام دا ومررت عليه مرور الكرام, قد يكون في الحتة دي اجابة على جزء من سؤالك التالي ليه في ناس عمرها ما اتشمت |
فيما يخص المقتبس أعلاه ... التحت دا مش كلامك يا ود البشـــرى؟
ههههههههههههه انت قايل الخلاصة حقتي دي أنا اخترعتها ولا شنو؟
دا اقتباس هواده مني ساي
Quote: عشان ما نبقى في غلاط دائري يا ود البشاري لا تقرأني بطريقة غلط وتبني عليها
لم الزم نفسي بعدم شتم الزملاء مطلقة كدا, الزمت نفسي بعدم الرد على شتائم الزملاء بألفاظ خارجة و عدم المبالغة في رد الفعل و أسأل الله أن يعينني على الإلتزام به
واعتذاري لسودان ريبيل ليس عن ردي لشتيمته لكن لمبالغتي في ذلك واستخدامي لألفاظ خارجة
ومرد الإعتذار احساس راودني انه زميل هنا, لولا هذا الإحساس فما فيها شي كوني انعل ابوخاشه مثلث ومربع ومخمس و ابالغ ما شئت و استخدم اتفه الالفاظ فبالإضافة لكونه ليس زميل فهو يستخدم اسم مستعار و بادرني بالشتيمة فديل يكفن لدي لأخذ راحتي وكدا |
ودا ما كتبته انا يلا وين انا جبته حاجة من عندي؟
Quote: على ما اعتقد البوست دا عن الشتيمه والابتزازات والبطلجة التي طفشت الزملاء عن البورد
وفي ذات الوقت تقول لزميل رويبضه .......... فتامل!
الزملاء الذين يكتبون باسمائهم الحقيقية لهم شتائم مخففة بحق الزمالة من روبيضه ولااااا تحت
الزملاء الذين يكتبون باسماء مستعارة ليس هناك سقف لديك لشتمهم (تلعن خاش خاشهم)
من القنيــــط وبدون سقف محدد (ودا السبب الطفش الجماعة؟)
غير الزملاء السقف مفتوح لأي شتيمه..
مش دا كلامك يا زول؟
وفاتح بوست تناقش فيهو ابتعاد بعض الزملاء معارضين وغيرهم من البورد بسبب الشتائم والبلطجة
والله صحي :)
|
............ ويتبع حقت تنظيييييييييييييير كان الله هون
يا طلحة في ناس فارضين احترامهم على الجميع وماف أي زول بقدر يشتمهم
والله صحي :)
وشتيمتهم خســــران مبين للشاتم ...
قصة محترمين والتصنيفات دي من بنات افكار ابو حسين
يا طلحة رويبضة يعني شنو؟
ثم إننا (مشتاغووووووووون) (شوغ) شديد ياخ
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: الامين موسى البشاري)
|
يا البشاري لا خلاف انا قلت | Quote: طالما عرفتك زميل حتى لو كتبت باسم مستعار فالكود ينطبق ودا الحصل في كيس خضر تراجعت عن اللفظ لمجرد أحساس و ثبت |
وقلت | Quote: الكتابة باسم مستعار تخرجك من دائرة الزملاء |
مافي تناقض هنا لأنو بديهي كتابتك باسم مستعار ما ح اعرفك زميل لكن لو حصل و دقست زي خضر وعرفتك فبديك حقوقك كزميل رغم الاسم المستعار
عموما دي ما حتة نقيف فيها كتير في انتظار اليتبع لأنو في حتات في مداخلتي ليك اهم بكتير,
ملحوظة : عملت لينا شنو في الإعتذار الصغير :)
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: محمد البشرى الخضر)
|
Quote: يا البشاري لا خلاف انا قلت
| Quote: طالما عرفتك زميل حتى لو كتبت باسم مستعار فالكود ينطبق ودا الحصل في كيس خضر تراجعت عن اللفظ لمجرد أحساس و ثبت |
وقلت
| Quote: الكتابة باسم مستعار تخرجك من دائرة الزملاء |
مافي تناقض هنا لأنو بديهي كتابتك باسم مستعار ما ح اعرفك زميل لكن لو حصل و دقست زي خضر وعرفتك فبديك حقوقك كزميل رغم الاسم المستعار
عموما دي ما حتة نقيف فيها كتير في انتظار اليتبع لأنو في حتات في مداخلتي ليك اهم بكتير,
|
مي ياهو اعتذار الجعلي للشايقي ياخ!
تمام يا زول وعلى العديلة تب ... ما دام قلته كده
بالله ارجعوا لينا لموضوع البوست الرئيس..
اما بالنسبة للمقتبس أدناه
| Quote: ملحوظة : عملت لينا شنو في الإعتذار الصغير :) |
فتقوم تلف وتجي يا رشاشة
يدي وجعتني .... والله صحي :)
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: الامين موسى البشاري)
|
العزيز هشام عباس ..
تحياتى وكيفك وكيف كيفك آ زميل ..
................................................
هذا ما اقوله لكن للاسف هم يظنونى مدافعا عن البعض
................................................
محاولات الاختراق الايجابى ليست بالأمر السهل الا أنها ضرورية ..
للمنبر عدة اشكال من التكتلات ..
وأعقدها التكتل السياسي بطبيعة الحال وأجنداتو "التحت تحت".
والمنبر تعرض لحملة تخريبية متعمدة ومنظمة بدأت فى الاربعة سنوات الاخيرة ..
تم فيها استثمار البيئة المنبرية إستثمارا جيدا ..
لا سيما الأخطاء التى تأتى من أفراد بعينهم متواجدين فى الصف المعارض ..
وكذلك الأخطاء التى تقع فيها المعارضة بصورة عامة وهى كثيرة والحمدلله الذى لا يحمد على مكروه سواه ..
كل ذلك أفرغ المنبر من مضامين مهمه ..
وأهمها النقاش الموضوعى الجاد حول القضايا الملحة فى الواقع السودانى ..
وأهمها - اى القضايا الملحة - التناول النقدى المسؤول للمعارضة السودانية وبحث قضاياها واخفاقاتها نحو معارضة اكثر فاعلية وحضور سياسي وجماهيري أقرب لأحلامنا وأشواقنا الوطنيه..
وهكذا .. وبالمحصلة نجد ان أى محاولة إختراق ايجابى للحال المايل ده ستقابل بالكثير من التوجس والترصد وربما الرفض المسبق والعمد.. ونجد أن أى محاولة لتجاوز هذه البيئة المنبرية المترصده وال "مطارده", ونحو تفاعل منبرى راقٍ من خلال بوستات متعوب عليها .. نجد أنها محاولة محكومة بمحاذير كثيرة .. مما أدى فى نهاية المطاف للاختفاء النسبى لمثل هذه البوستات على صفحات المنبر الاولى .. وغياب اصحابها تماما او غيابهم عن التناول الجاد وذلك حال الكثيرين .. لتبقى الساحة خالية الا من مطاردات نفر من المعارضة وأنفار معارضة المعارضة من ذوى التوجهات المختلفة وأغلبهم متخفون فى الرداء, الا أنهم وفى جميع أحوالهم, هؤلاء النفر .. وأؤلئك النفر .. ساهموا جميعا فى هذا المستوى المتدنى لصفحة سودانيزاونلاين ..
تحياتى لك ولمحمد البشرى والجميع ..
وشكرا يا زميل على تهميشك للهامشي والتركيز على ما ينفع الناس ..
واعنى إشارات د. نجاة وهى تطلق صافرتها التأريخية لاشعال المطاردات البائسة ..
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: محمد حيدر المشرف)
|
الذى اتسق فعله مع اسمه ... المشرف تحياتى
اطمنك بخير عدا حال البلد المايل يزعجنا كما الجميع
اتمناك بخير دوما يا عزيز
Quote: العزيز هشام عباس ..
تحياتى وكيفك وكيف كيفك آ زميل ..
................................................
هذا ما اقوله لكن للاسف هم يظنونى مدافعا عن البعض
................................................
محاولات الاختراق الايجابى ليست بالأمر السهل الا أنها ضرورية ..
للمنبر عدة اشكال من التكتلات ..
وأعقدها التكتل السياسي بطبيعة الحال وأجنداتو "التحت تحت".
والمنبر تعرض لحملة تخريبية متعمدة ومنظمة بدأت فى الاربعة سنوات الاخيرة ..
تم فيها استثمار البيئة المنبرية إستثمارا جيدا ..
لا سيما الأخطاء التى تأتى من أفراد بعينهم متواجدين فى الصف المعارض ..
وكذلك الأخطاء التى تقع فيها المعارضة بصورة عامة وهى كثيرة والحمدلله الذى لا يحمد على مكروه سواه ..
كل ذلك أفرغ المنبر من مضامين مهمه ..
وأهمها النقاش الموضوعى الجاد حول القضايا الملحة فى الواقع السودانى ..
وأهمها - اى القضايا الملحة - التناول النقدى المسؤول للمعارضة السودانية وبحث قضاياها واخفاقاتها نحو معارضة اكثر فاعلية وحضور سياسي وجماهيري أقرب لأحلامنا وأشواقنا الوطنيه..
وهكذا .. وبالمحصلة نجد ان أى محاولة إختراق ايجابى للحال المايل ده ستقابل بالكثير من التوجس والترصد وربما الرفض المسبق والعمد.. ونجد أن أى محاولة لتجاوز هذه البيئة المنبرية المترصده وال "مطارده", ونحو تفاعل منبرى راقٍ من خلال بوستات متعوب عليها .. نجد أنها محاولة محكومة بمحاذير كثيرة .. مما أدى فى نهاية المطاف للاختفاء النسبى لمثل هذه البوستات على صفحات المنبر الاولى .. وغياب اصحابها تماما او غيابهم عن التناول الجاد وذلك حال الكثيرين .. لتبقى الساحة خالية الا من مطاردات نفر من المعارضة وأنفار معارضة المعارضة من ذوى التوجهات المختلفة وأغلبهم متخفون فى الرداء, الا أنهم وفى جميع أحوالهم, هؤلاء النفر .. وأؤلئك النفر .. ساهموا جميعا فى هذا المستوى المتدنى لصفحة سودانيزاونلاين ..
تحياتى لك ولمحمد البشرى والجميع ..
وشكرا يا زميل على تهميشك للهامشي والتركيز على ما ينفع الناس ..
واعنى إشارات د. نجاة وهى تطلق صافرتها التأريخية لاشعال المطاردات البائسة..
|
وتجدنى فى كل مرة لا املك ان ازيد حرفا يشوه رسالتك القيمة
غير ان اشكرك من قلبى ولعل البقية يفهمون ما نريد قوله بدلا من تفتيش الضمائر
| |
|
|
|
|
|
|
|
|
|
Re: حتى لا يكون الكلام مجاني: أقلام معارضة قوية تركت المنبر... (Re: هشام عباس)
|
الشكر لجميع الزملاء
تنظير
هشام
ابوحسين
محمد بابكر محمد
وهبة
محمد حمزة
أمير عثمان
ود المشرف
حيدر حنين
بيان
ود البشاري
محمد مكي
النذير
بدر الطائف
حموودي
ابو الروض
داليا
على المشاركة ومعذرة على التأخير, وقفة المنبر للصيانة نسّتني البوست
إن شاء الله سأعود للنقاش و التعليق على اضافاتكم, الموضوع مهم وما ح ينفع ننظر له بفهم هلال مريخ, و الكل شركاء في ما وصل إليه الحال ولا يستقيم تحميل مسؤولية ما يجري لمنسوبي الحكومة فقط فلا هم شياطين ولا الآخرين ملائكة
تحياتي للجميع
| |
|
|
|
|
|
|
| |
محمد البشرى الخضر
محمد المسلمي
طلحة عبدالله
هشام عباس
ABUHUSSEIN
محمد بابكر محمد
عبدالوهاب علي الحاج
محمد حمزة الحسين
أمير عثمان
محمد حيدر المشرف
حيدر حسن ميرغني
الامين موسى البشاري
Mohamed Mekki
النذير حجازي
بدرالدين الطائف
محمد عبد الماجد الصايم
فرح الطاهر ابو روضة
داليا حافظ
فيس بوك
تويتر
انستقرام
يوتيوب
بنتيريست