|
|
|
 Re: الثورة ستقوم من موقف الشهدا أو محطة الماس� (Re: محمد البشرى الخضر)
|
أولاً بالتبادي، مشتاقين يا محمد البشرى خضر (حرص شديد على كتابة الألف المقصورة) ليك ولكل ناس العين لهم التحية والمودة.
تانياً ما سمعتا بالنكتة البتقول:" كنتا قايل كرعين شايلين بطن، لكن اتاريهو بطن شايل كرعين"
اها التغيير عشان يكون تغيير حقيقي لازم يكون تغيير في الفكرة (البطن) وتغيير في الكرعين (الواقع)
لانو في الحقيقة الفكرة تغير في الواقع (البطن تشيل الكرعين)، والواقع يغير في الأفكار (الكرعين يشيلو البطن)
ودا ببساطة ما يسمى بالجدل بين الفكرة والواقع.
دحين لا تبخسوا الكتابة أشيائها : كان في كتاب ولا جريدة، اكان في فيس ولا سودانيز.
علا "الشحن الزائد عن الحد والحدة والخصومة المريرة والشتائم والنبذ" ماحبابن.
أبغض خصمك هوناً وأحبب مشجعك هوناً، عسى أن بتفقا معك في الغد.
| |
 
|
|
|
|
|
|
|
|
Re: الثورة ستقوم من موقف الشهدا أو محطة الماس� (Re: احمد الشيخ)
|
يا ولدنا
تحية ليك وتحية لمعاوية
كلام معاوية ممكن يكون دعوة أو امنية لحياة كويسة وصراع شريف
بس في الوقت الراهن حكاية الناس تبطل الغل والمكاواة دي في خضم صراع زي دا ما واردة ، كيف؟
ثورة الشهداء ومحطة الماسورة وجاكسون في نفسها ما خالية من الغل والكراهية وديك غلها فيهو منابيز وبمبان وقتل
الناس بتبدأ الثورة - يجي الأمن والشرطة يحاول يوقف الثورة - يعتقل ويفك بمبان - يبدأ الثوار الهتاف الموت بالدم لكلاب الأمن
كلمة كلاب دي تزعل ناس الأمن يطلقوا الرصاص ويقتلوا الثوار وهكذا يتشبع الناس بالغل والكراهية.
هنا لكثير من الناس المنبر دا ياهو ميدان جاكسون حقهم وفيهو ناس حكومة بلعبوا دور الأمن والشرطة لإفشال الثورة
وهنا في ناس ماخدين الموضوع جاد جدا وإنهم في ثورة حقيقية وما عندهم طريقة يشاركوا الناس إلا بالهتاف هنا
وما يحدث في الواقع بحدث هنا في الأسافير.
سوف نعود
| |
|
|
|
|
|
|
|
|
|
Re: الثورة ستقوم من موقف الشهدا أو محطة الماس� (Re: عاطف عمر)
|
هههههههههههههه
البوست دا من غير قصد اثبت لي نظريتي الجديدة عن القراءة بالبروفايل - وهي تختلف عن القراءة بالأذنين و بالركبتين و بالقراءة بآذان الآخرين
تكراري و احتفائي بذات نفس العبارة التي قالها ود الزبير يجعل لها معنى مختلف عن معناها الأصلي ههه
و النكتة ان حتى ود الزبير هم سلف تشكّك في عبارته حين قرأها مني
وبعد دا يقول ليك كبر ماليه حق يمسح كلامه 
ماشي السينما و بجي راجع للشباب و المشاركات واحدة واحدة بإذن الكريم
| |
|
|
|
|
|
|
|
|
|
Re: الثورة ستقوم من موقف الشهدا أو محطة الماس� (Re: محمد البشرى الخضر)
|
| Quote: تكراري و احتفائي بذات نفس العبارة التي قالها ود الزبير يجعل لها معنى مختلف عن معناها الأصلي ههه و النكتة ان حتى ود الزبير هم سلف تشكّك في عبارته حين قرأها مني |
ياعمك سلام استعجلت ليه كنت تصبر تخلي الجماعة يجوا كلهم وتاني تفك التشفير
------
ماشي السينما دي زي قيلولة ودالباوقة 😜😜😜
| |
|
|
|
|
|
|
|
|
|
Re: الثورة ستقوم من موقف الشهدا أو محطة الماس� (Re: محمد المسلمي)
|
يا ود المسّلمي هوي ما تلخبت لي البوست ما في تشفير ولا حاجة
احتفائي جاد وكان بالعبارة كاملة و خاصة شقّها الأخير الذي لم يسعه العنوان و الخاص بعدم انهاك الأنفس بالغل و المكاواة و هو الفيه الثمرة في رأيي
زي ما قلت اعلاه اثبات نظرية القراءة بالبروفايل جابته الصدفة ولم يكن من مقاصد البوست
___________
لا ماشي السينما بالجد :)
| |
|
|
|
|
|
|
|
|
 Re: الثورة ستقوم من موقف الشهدا أو محطة الماس� (Re: د.محمد حسن)
|
بروفايل شنو يا ود البشرى، انت متحيِّل ساكت
يمين بالله مداخلاتي دي كتبتها بمزاج مرح، قصدت منها مجاراة ود المشرف
بالعكس انا متفق معاك تماما في غرض البوست، وسأوضح حين ميسرة (الحقوق لأبو سن)
كدي نشوف كمان حكاية المستنير اللبسني بوست صلاح الزين
أها إن شاء الله الفيلم الهندي يكون عجبكم
| |
|
|
|
|
|
|
|
|
|
Re: الثورة ستقوم من موقف الشهدا أو محطة الماس� (Re: معاوية الزبير)
|
معذرة يا شباب فرم كبكبي رمضان اخد وقت اطول من المعتاد السنة دي ما عارف الحاصل شنو يكون السكين بتاعة المفرمة ماتت او الكبكبي ما اتبلّ كفاية
دكتور محمد الحسن معذرة ما شفت مداخلتك في وقتها, تلفوني متاح في البروفايل حاولت ارسّ المسنجر ما عارف المشكلة شنو بجيني راجع, اتمنى ما يكون فات الوقت
| |
|
|
|
|
|
|
|
|
|
Re: الثورة ستقوم من موقف الشهدا أو محطة الماس� (Re: معاوية الزبير)
|
سلام ود البشرى
النديك المختصر البجيب المغصة كمان بعد زيارة صغيرة للسودان
لا من موقف الشهداْء لا جاكسون لا غيرو ما حتقوم ثورة !
الثورة الفي مخيلتنا دي يا إما يعملوها الكيزان منهم فيهم يا إما كمان
تخش الحركات المسلحة (طبعا" تحتاج دعم تقيل من دول عظمى) غير كده
حتفضل الثورة دي حلم يتاور الناس مع كل مظاهرة أو إحتجاج.
| |
|
|
|
|
|
|
| |
محمد البشرى الخضر
محمد المسلمي
حيدر حسن ميرغني
aydaroos
Yasir Elsharif
ناصر حسين محمد
عباس محمود
د.محمد حسن
عمر أبوعاقلة
معاوية الزبير
محمد حيدر المشرف
احمد الشيخ
حمد عبد الغفار عمر
عاطف عمر
فيس بوك
تويتر
انستقرام
يوتيوب
بنتيريست