طيب .. لو ما عايزين علمانية؟

كسلا الوريفة يحاصرها الموت
الوضع في كسلا يحتاج وقفتنا
مواطنة من كسلا توضح حقيقة الوضع في المدينة و اسباب وباء الشكنغونيا حمي الكنكشة - فيديو
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 25-09-2018, 04:07 AM الصفحة الرئيسية

مكتبة محمد البشرى الخضر(محمد البشرى الخضر)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
21-07-2012, 01:12 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


طيب .. لو ما عايزين علمانية؟

    كل - أو أغلب - المواثيق و البرامج المطروحة للبديل بتبدأ بالبند دا أولا
    حتى لو اختلفت الصياغة
    اليقول فصل الدين عن الدولة أو عن السياسة أو دولة المواطنة أو الدولة المدنية ... إلخ
    المهم في النهاية كلها تجتمع على ان لا تكون هناك مادة في الدستور تقرأ - ما معناه - الإسلام دين الدولة، واللغة العربية لغتها الرسمية، ومبادئ الشريعة الإسلامية المصدر الرئيسى للتشريع. (منقولة من المادة التانية للدستور المصري)
    وتقريبا الكل مجمع على ان حل مشاكل السودان وخروجه من الدائرة الجهنمية يعتمد على تطبيقها بشكل أو بآخر

    اها السؤال مادام البدائل من لا ميثاق جبهة كاودا ولا عن ميثاق شباب الأسافير كلّها مجمعة رغم اختلافاتها الأخرى على الحتة دي
    تطبيقها ح يتم كيف؟باستفتاء مثلا؟
    هل في الإعتبار ان هناك اعداد مقدرة ما عايزة الكلام دا
    وفي ناس قولة علمانية ساي كدا بخليهم يستغفروا و يستعيذوا من الشيطان الرجيم
    وهل اذا جاءت نتيجة الاستفتاء على غير ما يشتهي دعاتها مستعدين لقبول النتيجة و التعايش معها
    أم الفكرة استبدال ديكتاتورية الاسلاميين بدكتاتورية العلمانيين

    بصراحة بعض ردود افعال البعض من دعاة الديمقراطية و العلمانية على سير ونتائج الإنتخابات المصرية كانت مخيفة و تحمل دلالات سالبة



                   |Articles |News |مقالات |بيانات

21-07-2012, 01:26 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: طيب .. لو ما عايزين علمانية؟ (Re: محمد البشرى الخضر)

    والللللللللللللللللللللللللليلة

    طيارتك حرقت
                   |Articles |News |مقالات |بيانات

21-07-2012, 02:26 PM

دينا خالد
<aدينا خالد
تاريخ التسجيل: 26-06-2006
مجموع المشاركات: 8736

للتواصل معنا

FaceBook
تويتر Twitter
YouTube


Re: طيب .. لو ما عايزين علمانية؟ (Re: وليد محمد المبارك)

    ود البشرى اليومين ديل واقع بديل سااااى ... مستعجل بقيت !
    غايتو كان طيارتى حرقت معاك ال تحرق
    انا رايي انو .. الكلام دا كلام ناس نالو حظ من الوعى ومن التعليم
    Quote: اليقول فصل الدين عن الدولة أو عن السياسة أو دولة المواطنة أو الدولة المدنية ... إلخ

    والسودان ذى ما انت عارف حالو يغنى عن سؤالوا فى مسائل التعليم والوعى دى ..
    وحتى لو الكلام دا بمثل مصلحتهم 100% هم امكن ما يفهموه ... وممكن ما يساندوه
    لكن دا ما معناها انو الناس الوصلت ليه وعرفتو .. تسكت عنه وتمسك عن طرحه كبديل ملائم
    للواقع السودانى ... الناس ديل عندهم كامل الحرية يطرحوا وجهة نظرهم ويشتغلوا
    ليها انشالله لى مية سنه قدام عشان تاتى اكلها ...
    لكن عشان تكتمل لازم تبدا ... واصحابها يتمسكوا بيها وينشروها .. تلقى اجماع
    هسه او بعد سنه بعد مية ما بيناتنا ... المهم هم بمارسوا فى نشرها من ضمن برنامج طويييل
    ووسائل لو بقت .. دى كمان بتوصل الناس بطريقة اسرع ....

    وفى منطق تانى ودا هسه اتجلى فى السودان انو من حسنات الانطمة بتاعت الاسلام
    السياسى دا لو عندها حسنات .. انها لم تصل للسلطة بتحرق ورقها واى زول نضيف
    وبعيد من المصالح وكل الناس ال اكتوو بيها بكونول عرفوا وفهموا انها كذبه كبيرة ..
    ودا لى حسن الحظ اتوفر فى التجربة السودانية ... يعنى مثلا اكتر اقليم متمسك
    بالاسلام وصاحب تاريخ اسلامى حافل فى السودان وفيه اعلى كثافة سكانية
    وهو اقليم دارفور ... ديل تانى ماممكن ياكلو من الكلام دا نهائى والواقع الصعب
    والعاشوهو حقيقه من موت وارهاب وانتهاك وتجويع ونزوح ولجوؤ وامراض
    عمل ليهم وعى حقيقى تجاه اى قرصنه باسم الطوائف .. او الاسلام .,, يعنى
    الوعى ذى ما ممكن يساهم فيه التعليم برضو عركة الحياة الحقيقة اكبر معلم ...
    على كدا انا شايفه انو ديل ناس شغاليتن بى قناعاتهم هم
    كيف يجمعوا الناس حولها ويخلوهم يتبنوها .. بقا هم وشطارتهم ...










    ـــــــــــــــــــــــــ
    ارحل ياود البشرى .. ايدى وجعتنى بقا ,,,
    هسه دى بوستات ليك فى رمضان ؟؟؟

                   |Articles |News |مقالات |بيانات

21-07-2012, 01:48 PM

د.أسامة عبدالحليم

تاريخ التسجيل: 21-01-2008
مجموع المشاركات: 450

للتواصل معنا

FaceBook
تويتر Twitter
YouTube


Re: طيب .. لو ما عايزين علمانية؟ (Re: محمد البشرى الخضر)

    سلام يا باشمهندس ورمضان كريم
    كما تعلم العلمانية تستوعب كثير من اشكال الحكم لذلك هي في حد ذاتها لايمكن ان تكون هدف نهائي لفاعل سياسي . في كثير من النقاشات يزعجني التمترس خلف
    العلمانية كانها منتهى اماني الانسان السوداني في المركز وفي الهامش
    نظام البشير والاسد وحسني مبارك والانظمة الملكية في اغلب دول المنطقة هي انظمة علمانية . والبشير مقر بعلمانية دولته لذلك يريد ان يطبق فينا الدولة الدينية دون دغمسة
    نحن لا نريد ان يحكمنا احد باسم الله ولانريد من يدعي ان من يعارضه قد حاد الله ورسوله . هكذا افهمها انا وادعو لها
    طالما كنا نحن من ننتخب الحاكم فالحاكم يحكم بارادتنا نحن ونحن مصدر السلطات
    لأي صيغة عمل جبهوي ان تحدد مستوي القواسم المشتركة بينها ومن ثم تطرح ما اتفق عليه لبقية الشعب لقبوله او رفضه شرطا ان لايدعي احد انه يمثل مجمل الشعب السوداني
                   |Articles |News |مقالات |بيانات

21-07-2012, 01:56 PM

ABUHUSSEIN
<aABUHUSSEIN
تاريخ التسجيل: 14-08-2002
مجموع المشاركات: 31061

للتواصل معنا

FaceBook
تويتر Twitter
YouTube


Re: طيب .. لو ما عايزين علمانية؟ (Re: د.أسامة عبدالحليم)

    Quote: بصراحة بعض ردود افعال البعض من دعاة الديمقراطية و العلمانية على سير ونتائج الإنتخابات المصرية كانت مخيفة و تحمل دلالات سالبة




                   |Articles |News |مقالات |بيانات

21-07-2012, 01:59 PM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11635

للتواصل معنا

FaceBook
تويتر Twitter
YouTube


Re: طيب .. لو ما عايزين علمانية؟ (Re: د.أسامة عبدالحليم)

    Quote: وهل اذا جاءت نتيجة الاستفتاء على غير ما يشتهي دعاتها مستعدين لقبول النتيجة و التعايش معها
    أم الفكرة استبدال ديكتاتورية الاسلاميين بدكتاتورية العلمانيين

    إذا فى حالة الحالة ، سنكون فى خانة المعارضين برضه ..

    وسنعمل بجهد ، للفوز فى المرة القادمة .

    ................

    هذا إذا كنت فهمتك صح بأنك تعنى ب(الإستفتاء ) إنتخابات حرة نزيهة فى ظل نظام ديمقراطي ( حقيقي ) .


    .......................

    بعيدن شكلك ما عارف ماهية مصطلح العلمانية دا ذاتو شنو ..
    الحكاية بسيطة خالص يا أخي ولا تستوجب التوجس ..ولا التفسيرات التى تظنها .

    أمشى قوقلها ياخى ..قوقل دا صعب ؟!
                   |Articles |News |مقالات |بيانات

21-07-2012, 02:03 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: طيب .. لو ما عايزين علمانية؟ (Re: AMNA MUKHTAR)

    Quote: بعيدن شكلك ما عارف ماهية مصطلح العلمانية دا ذاتو شنو ..
    الحكاية بسيطة خالص يا أخي ولا تستوجب التوجس ..ولا التفسيرات التى تظنها .

    أمشى قوقلها ياخى ..قوقل دا صعب ؟!




    وعادة ريما لعادتها القديمة


    حباب امنه مختار التي نعرف
                   |Articles |News |مقالات |بيانات

21-07-2012, 02:05 PM

العوض المسلمي
<aالعوض المسلمي
تاريخ التسجيل: 27-11-2007
مجموع المشاركات: 14076

للتواصل معنا

FaceBook
تويتر Twitter
YouTube


تتتتت (Re: AMNA MUKHTAR)

    Quote: ﻌﻴﺪﻥ ﺷﻜﻠﻚ ﻣﺎ ﻋﺎﺭﻑ ﻣﺎﻫﻴﺔ ﻣﺼﻄﻠﺢ ﺍﻟﻌﻠﻤﺎﻧﻴﺔ ﺩﺍ ﺫﺍﺗﻮ ﺷﻨﻮ .. ﺍﻟﺤﻜﺎﻳﺔ ﺑﺴﻴﻄﺔ ﺧﺎﻟﺺ ﻳﺎ ﺃﺧﻲ ﻭﻻ ﺗﺴﺘﻮﺟﺐ ﺍﻟﺘﻮﺟﺲ .. ﻭﻻ ﺍﻟﺘﻔﺴﻴﺮﺍﺕ ﺍﻟﺘﻰ ﺗﻈﻨﻬﺎ . ﺃﻣﺸﻰ ﻗﻮﻗﻠﻬﺎ ﻳﺎﺧﻰ .. ﻗﻮﻗﻞ ﺩﺍ ﺻﻌﺐ ؟

    صعبة دي !!!؟
                   |Articles |News |مقالات |بيانات

21-07-2012, 02:43 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: تتتتت (Re: العوض المسلمي)

    Quote: يعنى مثلا اكتر اقليم متمسك
    بالاسلام وصاحب تاريخ اسلامى حافل فى السودان وفيه اعلى كثافة سكانية
    وهو اقليم دارفور ...


    كل اقاليم السودان بعد ذهاب الجنوب متمسكة بالاسلام وجميعها لها تاريخ اسلامي حافل

    الكلام ده خلصتي ليه كيف يا دينا ؟
                   |Articles |News |مقالات |بيانات

21-07-2012, 02:59 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: تتتتت (Re: وليد محمد المبارك)

    طبعا يا ود البشري ورغما عن حكم النقاذ الناس باسم الدين ما صرف ذلك الامر الناس عن الدين
    والكلام ده ظاهر في العدد الكبير للطرق الصوفية
    احدث طريقة فيهم عدد منسوبيها قد يكون اكبر من عدد اكبر حزب ينادي بالعلمانية
    ومن يطبقون الاسلام في حياتهم اليومية لن يرفضونه حاكما بنهم
    ويا دينا خالد حكاية ربط التعليم بصورة مطلقة بالوعي حكاية غير صحيحة وما جايبة حقها
    فمن اوصلنا لهذه المرحلة متعلمينا وليس غيرهم
    حينما كان يسير امر السودان الاميين ويحكمون بين الناس بمعرفة ووعي ويحكمون بين الناس تحت مجالس الاشجار
    امور الدولة دي كانت ماشة على الصراط المستقيم
    ما جاطت الا بعد تدخل المتعلمين غير الواعين

    ما انفرط عقد الدولة الا بعد ان فرطت في الادارة الاهلية التي كان يسيرها الاميين الواعين ... وبعد ان سلمت امور الادارة لمدنيين متعلمين متعجرفين يظنون في انفسهم انهم الاوعى

    وصدق اهلنا حين قالوا
    القلم ما بزيل بلم
    واصدق مثال لذلك
    الترابي والاخرين
                   |Articles |News |مقالات |بيانات

21-07-2012, 02:47 PM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11635

للتواصل معنا

FaceBook
تويتر Twitter
YouTube


Re: تتتتت (Re: العوض المسلمي)

    Quote: وفى منطق تانى ودا هسه اتجلى فى السودان انو من حسنات الانطمة بتاعت الاسلام
    السياسى دا لو عندها حسنات .. انها لم تصل للسلطة بتحرق ورقها واى زول نضيف
    وبعيد من المصالح وكل الناس ال اكتوو بيها بكونول عرفوا وفهموا انها كذبه كبيرة ..
    ودا لى حسن الحظ اتوفر فى التجربة السودانية ... يعنى مثلا اكتر اقليم متمسك
    بالاسلام وصاحب تاريخ اسلامى حافل فى السودان وفيه اعلى كثافة سكانية
    وهو اقليم دارفور ... ديل تانى ماممكن ياكلو من الكلام دا نهائى والواقع الصعب
    والعاشوهو حقيقه من موت وارهاب وانتهاك وتجويع ونزوح ولجوؤ وامراض
    عمل ليهم وعى حقيقى تجاه اى قرصنه باسم الطوائف .. او الاسلام .,, يعنى
    الوعى ذى ما ممكن يساهم فيه التعليم برضو عركة الحياة الحقيقة اكبر معلم ...
    على كدا انا شايفه انو ديل ناس شغاليتن بى قناعاتهم هم
    كيف يجمعوا الناس حولها ويخلوهم يتبنوها .. بقا هم وشطارتهم ...

    والله يا دينا أنا بعرف ناس من دارفور وكردفان وجبال النوبة
    أهلهم كانوا رجال دين شيوخ وناس طوائف بتاعة سيدى وسيدك ديك ..

    هسه بقوا ملحدين عديييييييييييييييييييييل مش علمانيين الشوية دى .

    والأغرب تلقى الواحد فيهم كان إسمه مهدى والهادى ومحمد غيروا أسماءهم دى رسمىىىىىى على قول قيقا ..
    وسموا نفسهم بأسماء أفريقية ـ وبقوا يسبوا الدين كمان .......:)


    ...................
    دستور إسلامي بتاع فلينتك يا بشة .....:)
                   |Articles |News |مقالات |بيانات

21-07-2012, 02:54 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: تتتتت (Re: AMNA MUKHTAR)

    Quote: بعيدن شكلك ما عارف ماهية مصطلح العلمانية دا ذاتو شنو ..
    الحكاية بسيطة خالص يا أخي ولا تستوجب التوجس ..ولا التفسيرات التى تظنها .

    أمشى قوقلها ياخى ..قوقل دا صعب ؟!

    رش السواد
                   |Articles |News |مقالات |بيانات

21-07-2012, 03:09 PM

جعفر محي الدين
<aجعفر محي الدين
تاريخ التسجيل: 12-11-2008
مجموع المشاركات: 3632

للتواصل معنا

FaceBook
تويتر Twitter
YouTube


Re: تتتتت (Re: طارق جبريل)

    سلام ود البشري
    مربط الفرس أو العقدة التي وضعت في المنشار هي
    Quote: وهل اذا جاءت نتيجة الاستفتاء على غير ما يشتهي دعاتها مستعدين لقبول النتيجة و التعايش معها


    إذا لم نصل لقناعة كاملة بالفعل والممارسة الديمقراطية وتقبل نتائجها يبقى كلامنا كله جعجعة ساكت
    عشان كده كان الإصرار أن يحول السؤال بتاع البديل منو ؟ ليكون البديل شنو ؟
    لأننا نبحث عن نظام بديل لهذه الأنظمة الشمولية نقبل جميعا بمخرجاته ونتعايش معها
    ولنا مطلق الحق في مقارعتها ومحاولة تغييرها بالطرق الديمقراطية السليمة فقط
                   |Articles |News |مقالات |بيانات

21-07-2012, 04:15 PM

دينا خالد
<aدينا خالد
تاريخ التسجيل: 26-06-2006
مجموع المشاركات: 8736

للتواصل معنا

FaceBook
تويتر Twitter
YouTube


Re: تتتتت (Re: جعفر محي الدين)

    يا وليد استهدى بالله
    الحصة بتاعت وعى وتعليم دى ما لازمانى انا .. شوف ناسها وين
    انا دايما بقول الوعى والتعليم .. لانو عارفه انو ممكن يكون فى وعى
    بحصل للناس بدون تعليم اقرا تانى الكوت الجابتو امنة مختار ...
    تلقى فيه شرح وافى للوعى البدون تعليم .. خليك من الكلام الممجوج
    والمكرر البرددوا فيهو الناس من الاستعمار بتاع العملها فينا منو غيىر المتعلمين !!

    ناس دار فور ديل حفظة قران وقامت عندهم ممالك وسلطنات
    اسلامية غير اى حته فى السودان سلاطين دار فور كانو بكسو الكعبة
    كل عام .. ناس ود القاضى ديل قاعديييين .. هيته بالهيته .. للحجاز
    الكعبه كسوتها بتمرق تشق الصحارى من بطن دارفور ..
    القصه دى معروفه .. لو ما عارفها قوقل ياخ
    قوقل دا صعب ؟؟









    ــــــــــــــــــــــــ
    الراجل فى السعى بهرش فى النسوان قال ليهم امشن براحه
    الهرولة دى للرجال .. اتلفتت عليه واحده مااااكنة من بربر
    قالت لى :: اوول الهرولت دى راجل مى مرا !!!
    فى اشارة لى ستنا هاجر ...
                   |Articles |News |مقالات |بيانات

21-07-2012, 04:21 PM

Abdalla aidros

تاريخ التسجيل: 07-12-2005
مجموع المشاركات: 595

للتواصل معنا

FaceBook
تويتر Twitter
YouTube


Re: تتتتت (Re: جعفر محي الدين)

    Quote: وفي ناس قولة علمانية ساي كدا بخليهم يستغفروا و يستعيذوا من الشيطان الرجيم
    وهل اذا جاءت نتيجة الاستفتاء على غير ما يشتهي دعاتها مستعدين لقبول النتيجة و التعايش معها
    أم الفكرة استبدال ديكتاتورية الاسلاميين بدكتاتورية العلمانيين


    سلامات يا ود البشري ورمضان كريم لك وللزملاء والزميلات المتداخلين

    بفتكر في نقطتين مهمتين مفروض ننتبه ليهم

    الاولي انو في التغيّرات السياسية الكبيرة مافي جهة او شخص بيحقق مكاسب مكتملة مية مية يعني ، ولافي ناس عندهم طرح سياسي كده فجاة كدة بقولوا خلاص اتطبق تماما وما نقص منو حاجة

    بناءا عليه ، الحتفضي ليهو الاحوال حيكون جزء كبير من مطالب دعاة فصل الدين عن الدولة ،، وحتكون في حاجات لسة ما اتحسمت وزي ما قالت دينا حتظل قضايا ومطالب مستمرة لجهات تانية

    لانو في النهاية الاوضاع بتتحسم بمساومات .. بس يبقي لياتو مدي ما تنتهي اليه المساومة مقبول لدي جميع الاطراف

    دي النقطة الاولي
    التانية كدي تعال نفكك المصطلحات والكلام الكبار كبار ونشوف العلمانية بتعني شنو؟
    موش معناها انو الحقوق تكون علي اساس المواطنة؟ هل في زول حيقيف قدام النقطة دي ويرفضا مثلا؟
    برضو عدم استغلال الدين في الصراع السياسي

    يعني لو واصلنا تفكيك للمصطلحات من الجانبين بتلقي انو في اجزاء اساسية هي البتشكل الكل لمفهوم المصطلح المعين، هذه الاجزاء اصبحت من الاشياء المجمع عليها من كل الاطراف

    هسة لو رجعت للدستور الانتقالي لسنة 2005 بتلقي فيهو حاجات كويسة ولا يمكن معارضتها حتي من غلاة العلمانيين .. لكن المشكلة ما في الدستور وبس المشكلة في التشريعات والقوانين البتصدر بناءا عليه

    ودي اللقو فيها الكيزان فرصة ودغمسو لينا القوانين بما يتعارض حتي مع دستورم
                   |Articles |News |مقالات |بيانات

21-07-2012, 04:38 PM

عوض محمد احمد

تاريخ التسجيل: 12-12-2005
مجموع المشاركات: 5488

للتواصل معنا

FaceBook
تويتر Twitter
YouTube


Re: تتتتت (Re: Abdalla aidros)

    Quote: طيب لو ما عايزين علمانية


    فى الحالة دى مغيرين الانقاذ فوق كم و ليه؟
                   |Articles |News |مقالات |بيانات

21-07-2012, 05:27 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re: تتتتت (Re: عوض محمد احمد)

    هلا بالشباب هلا والله

    يا خوانا البوست ما عن العلمانية في رقبتها و فوائدها و كذا
    فكرة البوست الناس المقتنعين بانو العلمانية هي الحل و ضمنوها في مواثيقهم و خططهم وسيلتهم شنو لوضع دستور علماني
    وهل هم على استعداد لقبول الوسائل الديمقراطية لو اتت بنتائج مغايرة لطرحهم


    نجيكم يلا واحد واحد

    يا ولي حرقت كيف, حلة شعيرية اصلها
    يا قريبك انا مواطن و ناخب محتمل من حقي اسأل اي سؤال و على السياسيين يتواضعوا و يجيبوا و يستحملوا اسألتي - إن رغبوا في صوتي

    يا دينا انت ماعارفة ساي, انا شغال اليمينيشن في المنافسين المحتملين
    اصلي عقبال عندك بجهز لإطلاق كيان سياسي جديد و ميثاقنا جاهز بالمناسبة و القوى الح توقع معانا جهزناها :)
    الاسلام يا دينا ما حكر على الجبهة الاسلامية أو المؤتمر الوطني عشان الناس تكره كل ما يمت ليه بصلة , ولن نعدم من يدعو لدستور اسلامي وهو مبرا من كل علاقة بالانقاذ و الكيزان
    اها الحل شنو ووسيلة الاختيار كيف؟, لا سبيل مقبول سوى الرجوع للشعب
    غير كدا فا نكون تيتي تيتي متل ما رحتي جيتي

    هلا دكتور اسامة ورمضان مبارك
    Quote: لأي صيغة عمل جبهوي ان تحدد مستوي القواسم المشتركة بينها ومن ثم تطرح ما اتفق عليه لبقية الشعب لقبوله او رفضه شرطا ان لايدعي احد انه يمثل مجمل الشعب السوداني
    الله يفتح عليك و للشعب في النهاية الخيار

    Quote: إذا فى حالة الحالة ، سنكون فى خانة المعارضين برضه ..

    وسنعمل بجهد ، للفوز فى المرة القادمة .
    طيب يا آمنة ما اهو انتي كويسة وفهمتي مغزى البوست
    وليك حق تتساءلي عن صعوبة قوقل كأحد رواد الاحزاب السايبرية العايشة فيرشوال و مستهدفة سكان النت فا قوقل فركة ماوس منك طبعا
    لكن وانت بعدين بتبشري ببرنامجك في احد قرى الجزيرة مثلا الما فيها كهربا اصلا قولي ليهم امشوا فتشوا قوقل

    انا مقتنع يا وليد رغم الضرر الكبير و الثغرات الخطيرة الاتسببوا بيها الكيزان في الاسلام لكن وجدان اهل السودان - الاغلبية - متمسك بي اسلامه
    و سيبك من هرجي الاسافير اول انتخابات حقيقية ح يظهر الواقع و حتعرف الاوزان الحقيقية

    رمضان كريم يا جعفر
    Quote: إذا لم نصل لقناعة كاملة بالفعل والممارسة الديمقراطية وتقبل نتائجها يبقى كلامنا كله جعجعة ساكت
    عشان كده كان الإصرار أن يحول السؤال بتاع البديل منو ؟ ليكون البديل شنو ؟
    لأننا نبحث عن نظام بديل لهذه الأنظمة الشمولية نقبل جميعا بمخرجاته ونتعايش معها
    ولنا مطلق الحق في مقارعتها ومحاولة تغييرها بالطرق الديمقراطية السليمة فقط
    كلام سليم
    لكن غايتو الشفناه هنا ايام انتخابات مصر و احداث الاعلان الدستوري المكمل بأكد الجعجعة دي

    وعليكم السلام يا عبدالله ورمضان كريم
    بالنسبة للنقطة الأولى قصدي يا عبدالله هل الناس عندها استعداد لتقبل خيارات تانية لو كانت دي هي نتيجة الاستفتاء مثلا
    الجزء التاني دا يا عبد الله دوركم و مدى نجاحكم في تنزيل المفاهيم دي على ارض الواقع - مش الاسافير- هو الضمان الوحيد لعدم الدغمسة القلتها دي

    Quote: فى الحالة دى مغيرين الانقاذ فوق كم و ليه؟
    عن نفسي لأنها فشلت في ادارة الدولة و كرست للفساد و خنقت الحريات و اسباب اخرى ليس من ضمنها العلمانية
    لو اتى نظام غيرها علماني و فشل في ادارة الدولة و محاربة الفساد كما الانقاذ سأعمل على تغييره رغم علمانيته
                   |Articles |News |مقالات |بيانات

21-07-2012, 04:48 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: تتتتت (Re: Abdalla aidros)

    يا اخواننا بالمرة اعملوا لينا استفتاء للإنتحار .... الإنتحار صخصيًا مش "حق الإنتحار" ...

    يعني يختوا لينا مسدس في تربيزة الإستفتاء ... البيختار الإنتحار يشيل المسدس وطوالي ياخد طلقة في راسو ...

    علمانية شنو الدايرين تعملوا ليها استفتاء؟

    لو عملتوا استفتاء للعلمانية تجيبوا لينا معاكم جنسيات دول تانية (وحبوبات مستوردات) عشان أي زول داير علمانية يشوف ليهو حبوبة موزمبيقية ينتسب ليها وياخد جنسية حبوبتو ... سودنة بلا علمانية دي شن فايدتها؟

    وسمّوها "جمهورية النعمان الديموقراطية" (على "أبو حنيفة النعمان")

    بعدين اعملوا الإستفتا في جوامع انصار السنة (عشان المسيحيين ما يشاركوا من الأول ... هي دي بلدهم اصلاً؟)

    والما مسلم وما مالكي وما سلفي ومافي دولة بتقبلو ... نتكيهو نضبحو عشان ما يعمل لينا طابور قلق بى "حقوق المواطنة" وكلام فارغ ...

    استفتوا ... يرحمكم الله ...

    http://tabarukgibriel.blogspot.com/2012/07/blog-post_02.html


    ... المهم .....
    ________________
    والله المداخلة الواحدة دي تحرّق الروح ظاطو ... ملعون أم اللي ما يتسمّاش ...

    (عدل بواسطة تبارك شيخ الدين جبريل on 21-07-2012, 04:56 PM)
    (عدل بواسطة تبارك شيخ الدين جبريل on 21-07-2012, 04:58 PM)

                   |Articles |News |مقالات |بيانات

21-07-2012, 05:35 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re: تتتتت (Re: تبارك شيخ الدين جبريل)

    Quote: تتتتت
    بس كان عرفت العنوان الاصلي بمشي وين ؟

    الليلة الجابتك بي فرمالتك دي ياتبارك كبيرة شكلها
    اها ياخي انا واحد ناس عايز في الدستور بتاعي يكون مكتوب الاسلام دين الدولة و اللغة العربية لغتها و الشريعة الاسلامية المصدر الرئيسي للتشريع
    وفي غيري كثيرين
    كان عندك طريقة تفرض علي حاجة غير كدا بدون استفتاء قول
                   |Articles |News |مقالات |بيانات

24-07-2012, 02:21 PM

صبري طه

تاريخ التسجيل: 10-08-2009
مجموع المشاركات: 9660

للتواصل معنا

FaceBook
تويتر Twitter
YouTube


Re: تتتتت (Re: محمد البشرى الخضر)

    Quote: اها ياخي انا واحد ناس عايز في الدستور بتاعي يكون مكتوب الاسلام دين الدولة و اللغة العربية لغتها و الشريعة الاسلامية المصدر الرئيسي للتشريع وفي غيري كثيرين


    يا ود البُشرى ...
    وافترض إنو أنا ما عايز الدستور بتاعي يكون مكتوب الإسلام دين الدولة واللغة العربية لغتها والشريعة الإسلامية المصدر الرئيسي للتشريع وفي غيري كثيرين ...

    والمناداة بعمل استفتاء في هذا الأمر غير منطقي .. لأنّك بتفرض دين مجموعة ولو كانوا هم الأغلبية أو الأكثرية على مجموعات أخرى ...
    حتقول لي لو حصل العكس حتفرض العلمانية على مجموعات أخرى ...
    حأقول ليك هل ستمعنك العلمانية ممّا خصّاك به دينك ؟


    ـــــــــ
    وما تنادي به العلمانية = عدم زج الدين في السياسة (الدين = إسلام أو مسيحية أو يهودية ... إلخ)

    يعني ما ممكن أنا عشان أكسب الانتخابات بدلاً من أن يكون برنامجي هو الاقتصاد والتنمية والأمن .. يكون شعارات لا لدنيا قد عملنا نحن للدين فداء ...
    أها بالمنطق دة مُش صناديق الاقتراع حيرجحوها الطائفة الدينية دي ؟

    وأنا كمواطن فقط لا علاقة لي بشريعتهم وشعاراتهم (آكل نيم ساكت كدة) !!!


    ــــــــــ

    (عدل بواسطة صبري طه on 24-07-2012, 02:24 PM)
    (عدل بواسطة صبري طه on 24-07-2012, 02:26 PM)

                   |Articles |News |مقالات |بيانات

21-07-2012, 05:51 PM

الشفيع وراق عبد الرحمن
<aالشفيع وراق عبد الرحمن
تاريخ التسجيل: 27-04-2009
مجموع المشاركات: 11864

للتواصل معنا

FaceBook
تويتر Twitter
YouTube


Re: تتتتت (Re: تبارك شيخ الدين جبريل)

    Quote:
    Quote: طيب لو ما عايزين علمانية



    فى الحالة دى مغيرين الانقاذ فوق كم و ليه؟

    اها د. عوض اداك النجيضة يا ود البشرى
    وطالما البوست "جاط"
    انا مع الانقاذ
    ولن اعارض العلمانية
    بس انا وانت وعوض نعلم يقينا ان العلمانية اذا نزلت في الانتخابات ح تسقط سقوط الفيلة
                   |Articles |News |مقالات |بيانات

21-07-2012, 05:57 PM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: تتتتت (Re: تبارك شيخ الدين جبريل)

    راح التلت بشريعة مدغمسة طبقوا شريعة مدنكلة امها بت عم ابوها عشان الباقي يلحق امات طه

    الدين الجديد اسمه حقوق الانسان
    يعنى مافى رجم ما فى ردة مافى قطع من خلاف مافى بتر ما فى جلد حتى للابل
    عندكم فقه جديد بستوعب المفاهيم دى جيبوهوا والا انسوا
    جنى
                   |Articles |News |مقالات |بيانات

21-07-2012, 06:07 PM

Al-Mansour Jaafar

تاريخ التسجيل: 06-09-2008
مجموع المشاركات: 4116

للتواصل معنا

FaceBook
تويتر Twitter
YouTube


من أهداف التغيير الثوري وملامح النظام الجديد: (Re: jini)

    من أهداف التغيير الثوري وملامح النظام الجديد



    الهدف السياسي:
    نظام للحكم يقر سيطرة الشعب على الدولة وتنظيم هيئاتها بدستور يقنن إشتراك كل فئات وأقاليم البلاد معاً في توجيهها وإدارتها، ويضمن إستقلال السلطات التشريعية والقضائية والتنفيذية وتعاونها لتحقيق مصالح الشعب، ويشمل ذلك قيام المجالس والتنظيمات الآتي بيانها:
    -1- مجلس الأقاليم، يتكون بالإنتخاب، بأربعة ممثلين لكل إقليم. (ممثل للدوائر الجغرافية وممثل للدوائر النقابية والمهنية، وممثل للقوى الأمنية، ممثل للمنظمات الجماهيرية وللجمعيات الأكاديمية والمدنية)
    -2- مجلس الشعب: يتكون بالإنتخاب، يضم ممثلين منتخبين للدوائر الجغرافية، وممثلين للدوائر النقابية، وممثلين لدوائر القوات النظامية، وممثلين لدوائر المجتمع الأكاديمي، ولمنظمات المجتمع الجماهيرية والمدينية.
    -3- مجلس القضاء، منتخب من القضاة ويدير شؤونهم المهنية ويمثل إستقلالهم في الدولة وتنظيم القضاء.
    -4- مجلس رئاسة الجمهورية يتكون بالإنتخاب المباشر في كل أنحاء الجمهورية وتخضع قراراته لإرادة البرلمان. ويقوم مجلس رئاسة الجمهورية بتعيين رئيس السلطة التنفيذية (رئيس الوزراء).
    -5- مجلس وزراء مركزي مهمته ومهمة كل وزارة ضمنه تنسيق الأهداف والحاجات والإمكانات والأعمال المختص بها.
    -6- مجالس برلمانية ووزارية في كل الأقاليم: تتكون المجالس البرلمانبة لمناطق الولاية ولشعبها كتكوين مجلس الاقاليم ومجلس الشعب من. ممثلين للدوائر الجغرافية، وممثلين للدوائر النقابية والمهنية، وممثلين للقوى النظامية، وممثلين للمنظمات الجماهيرية والجمعيات الأكاديمية والمدنية) تتكون الوزارات من مؤهلين أو خبراء مختصين منتخبين من دوائر النقابات وجهات العمل.
    -7- يقود سياسة كل وزارة مجلس للتخطيط يضع الخطط اللازمة لتنفيذ إرادة البرلمان، ويتكون من منتخبين من العاملين والأكاديميين، ويكون الوزير معيناً من رئيس الوزراء ويعمل كمنسق عام لعمل مجلس التخطيط المعني وأداء وزارته.



    الهدف الإقتصادي:
    -1- إيفاء الحاجات الضرورة لحياة عموم المواطنين بضمان إمتلاك الشعب للأسس المادية لحقوق الإنسان مجسدة في مؤسسات الطاقة والمياه، البنوك، الإتصالات، الأراضي، مؤسسات: التعليم، العلاج، المواصلات..إلخ وتعامل الدولة معها كحقوق للإنسان لا كسلع للمتاجرة والتربح، أو لتكريس الإستغلال الطبقي والتهميش الإقليمي.
    -2- ينظم الإقتصاد بتملك مؤسسات الإنتاج في المجتمع وتوزيع عائداتها على الأطراف الرئيسة في عملية الإنتاج وهم: العاملين، والدولة، ووحدة الإنتاج: بنسب متعادلة 33.3% للعاملين عليها، و 33.3% لحاجات الوحدة الإنتاجية نفسها، و33.3% للدولة تصرف منه على مهامها وتقديم الخدمات العامة، ربطاً لنمو الإنتاج والإستثمار وكفاءة الدولة بتحسن عائدات العاملين.
    -3- تشكل مجالس التخطيط كإدارة عليا لكل مؤسسة أو مؤسسات إنتاج أو خدمات، وتكون من مؤهلين منتخبين من العاملين فيها يعاونهم أكاديميين تحددهم إداراتهم العلمية، وخبراء إستشاريين من العاملين السابقين والمختصين، وينسق الوزير أعمالها في مجاله.


    الهدف الإجتماعي الثقافي:
    -1- كسر الأسس المادية للإستغلال والتهميش الطبقي وأشكاله العنصرية، بإنهاء ظروف تملك بعض الأفراد لموارد حياة المجتمع، وإنهاء سيطرة المركز السياسي على توزيع موارد الحياة في الأقاليم.
    -2- فتح المجال لنمو النشاطات والجمعيات السياسية، والتعاونية، والعلمية، والثقافية والرياضية، والفنية ..إلخ بأسس واضحة يقرها البرلمان تضمن إستقلال وديمقراطية أهداف هذه النشاطات وحقوق أعضاءها.
    -3- بناء نظام إعلامي جديد يكرس بأعماله في المجتمع قيم الحساب والإنتقاد والعقلانية، والتخطيط والعمل المنتج والتقويم، وقيم الكفاءة والتنمية، والتعاون والتنافس بصور عملية وإعلامية، أدبية وعلمية، تفيد تنمية التقدم والسلام والحرية وتفتح الإنسان.





    http://www.ahewar.org/m.asp?i=1248
                   |Articles |News |مقالات |بيانات

21-07-2012, 06:09 PM

رشا سالم
<aرشا سالم
تاريخ التسجيل: 24-08-2006
مجموع المشاركات: 2604

للتواصل معنا

FaceBook
تويتر Twitter
YouTube


Re: تتتتت (Re: jini)

    العنوان بتاعك دا كل مرة قعد يغيروا العوض المسلمي..يا تهرشوا يا تسكت تخليهوا وما تقعد تسال فينا كل مرة
    أنا كل مرة اقعد افتن ليك العوض دا؟
                   |Articles |News |مقالات |بيانات

21-07-2012, 07:55 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re: تتتتت (Re: رشا سالم)

    كتب تبارك صاحب المداخلة الوحيدة في اليوم - بأمر فلان :) - ردا على كلامي : "اها ياخي انا واحد ناس عايز في الدستور بتاعي يكون مكتوب الاسلام دين الدولة و اللغة العربية لغتها و الشريعة الاسلامية المصدر الرئيسي للتشريع" ما بالكوت التالي
    Quote: تمشي السوق تشتري دولة بى اسمك
    دولة مشتركة بيني وبينك ما حيكون فيها غير الحد الأدنى:
    العلمانية
    فرديت عليه بـ (طيب ولو بقينا انا وغيري اغلبية, تمشي السوق انت تشتري ليك دولة , وكوتة مداخلات زيادة ههههههه)
    فكان الرد منه
    Quote: أو احاربكم انتوا الأغلبية من اجل حقوقي كأقلية في دولتي انها تكون ما عربية ولا شرعية
    و أذن بنقل الحديث للبوست
    وردي عليه زمن الابتزاز بالحرب وشيل السلاح انتهى, الداير يحارب كلو يحارب النشوف ح توصلو لوين؟
                   |Articles |News |مقالات |بيانات

21-07-2012, 08:23 PM

عوض محمد احمد

تاريخ التسجيل: 12-12-2005
مجموع المشاركات: 5488

للتواصل معنا

FaceBook
تويتر Twitter
YouTube


Re: تتتتت (Re: محمد البشرى الخضر)

    هناك حقوق استقرت عليها اعراف الدنيا كلها منذ الثورة الفرنسية و هى لا تخضع لاى استفناء او اخذ راى الناس حولها
    من ضمن هذه الحقوق المساواة بين الناس
    اى دستور دينى (تقرا غير علمانى) يخلق طائفتين من الناس: من يدينون بدين الدستور الدينى و الطائفة الاخرى
    من الاديان الاخرى
    لا يمكن باى حال من الاحوال غمط حقوق اى مجموعة من الناس باقرار دستور دينى يمايز بين الناس
    فالدستور غير العلمانى له تبعات خطيرة بدءا من اختيار راس الدولة
    حقوق الناس لا تخضع لامزجة او راى الاغلبية او الاقلية
                   |Articles |News |مقالات |بيانات

21-07-2012, 09:13 PM

بدر الدين احمد موسى
<aبدر الدين احمد موسى
تاريخ التسجيل: 03-10-2010
مجموع المشاركات: 4858

للتواصل معنا

FaceBook
تويتر Twitter
YouTube


Re: تتتتت (Re: عوض محمد احمد)

    محمد البشرى الخضر

    رمضان كريم

    يا محمد, الدساتير لا تصاغ بالاغلبية لانها اقرار حقوق و تنظيم علاقات, لكنها تجاز بالاغلبية.
    علينا ان نصل لصيغة يتواضع عليها كل او الاغلبية العظمى في مداولات صياغة الدستور, ثم طرحها للشعب.
    العلمانية او الاسلام تعابير فضفاضة جدا, و قد يكون التمترس خلفها مضيعا للوقت و الجهد. ينبغي ان نناقش ما هي الحقوق الاساسية التي يجب ان تكفل للمواطن السوداني, و شكل العلاقات بين المركز و الاقاليم و الحكومة المركزية و حكومات الاقاليم, و كيفية الوصول للحكم, و لوائح انتخاب قيادة الدولة من رئيس او رئيس وزراء, و واجبات و مهام قيادة الدولة, و السلطات المخولة للقيادة و صلاحياتها, و كيف تفصل السلطات الثلاث و كيف نضمن استقلالية القضاء.
    ما كتبته اعلاه يمكن ان يصاغ بكامله من غير الرجوع لكلمتي اسلامية او علمانية في الدستور!
    المسألة ليست في نظري مسألة هروب من كلمات, و لكن ضمان للحقوق.
    في السودان يجب ان تكفل الحقوق للاسلاميين, كما يجب ان تكفل للعلمانيين. و الاشارة لاسلامية او علمانية الدستور هو في النهاية انحياز و تمييز لقطاع من الشعب على حساب الجزء الاخر.

    نحن في حاجة لدولة مدنية تضمنا جميعا و تكفل لنا حقوق متساوية.
                   |Articles |News |مقالات |بيانات

21-07-2012, 09:27 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re: تتتتت (Re: بدر الدين احمد موسى)

    الله أكرم يا بدر الدين
    متفقين نعم الدستور يجاز أو يرفض برأي الأغلبية, مهما رأى البعض انه رؤيتهم هي الحق و السبيل الأوحد المفروض يتبع
    و الحل زي ماقلت في الوصول لصيغة تكفل حقوق الجميع
                   |Articles |News |مقالات |بيانات

21-07-2012, 09:39 PM

Kabar
<aKabar
تاريخ التسجيل: 26-11-2002
مجموع المشاركات: 16352

للتواصل معنا

FaceBook
تويتر Twitter
YouTube


لاداعي للإستفتاء..! (Re: عوض محمد احمد)

    ود البشرى..حبابك يا صديقي
    رمضان كريم ..و كل سنة و انت ..
    عتب بسيط: شنو يا قريبي المادة الرابعة من الدستور المصري..و الإنتخابات المصرية؟..الحقارة في شنو؟نحن ما عندنا دساتير و فيها المادة الرابعة ولا ما عندنا انتخابات؟..المهم..
    للفايدة العامة.. اول مرة ندخل في حكاية لخبطة الكيمان في سنة 1973 في دستور جعفر نميرى الجاب حاجة اسمها الشريعة الإسلامية مصدر رئيسي للتشريع و اللغة العربية هي لغة الدولة الرسمية (المادة9)..قبال الدستور ده السودان عندو اربعة دساتير (و خامسهم دستور 1985 الإنتقالي)..و كلها كانت دولة محايدة تجاه الدين..اها ناسك البنكرشو من مجرد ذكر العلمانية ممكن يورونا ليه السودان ما اتقسم؟..
    دستور 1998 بتاع عمر البشير جاب حاجة اسمها الحاكمية لله (المادة 4) و قام جاب حاجة في المادة (18) و سماها التدين..يعني لو ما متدين ما عندك حق في العمل الواحد ده (لأن الدستور بيقول التدين عبادة يجب ان تسود في العمل في البيت في الشارع..في أي حتة..ما بتقدر عليها ما عندك حق دستوري)..
    اها اليوم وكت في ناس كتيرة بتقول بضرورة حياد الدولة تجاه الدين (علمانية..مدنية..فصل الدين عن الدولة..الخ)..يبقى في حاجة غلط في مكان ما..لأنو لو ما كده ماكان الجماهير دي كترت النقة..
    دولة المواطنة و المؤسسات و الحياد تجاه الدين لا تقوم بالإستفتاء على علمانية الدولة او عدمها..و انما بالإستفتاء على دستور عادل يحترمه الناس سواءا كانوا في الحكم أو مواطنين..يبقى يا صديقي دولة علمانية في السودان ممكن تقوم بارادة الناس و اتفاقها على ابعاد الدين عن الدولة..
    و الظروف الحالية ممكن بسهولة لو الناس مشت للإستفتاء بحسب تصورك.. ممكن جدا تختار دولة علمانية فهل يمكن يقبل الأخرون بيها؟..لأنو الشافتو الناس من الإنقاذ ما ظني يمرق بي هين..
    في واحدة من ردودك ذكرت انك ح تعارض الدولة الظالمة سواءا كانت علمانية أو دينية..و ده موقف سليم.. لأن الدولة العلمانية برضك ممكن تكون ظالمة..و انا اتفق معاك..صحيح اطالب بدولة علمانية في السودان.. لكن الدولة بطيبيعتها الة لإحتكار العنف و ممكن ترتكب الظلم في حق البشر.. ولن نسكت عليها لأنها علمانية مثلا..
    فصل الدين من مؤسسات الدولة لا يحتاج استفتاء..و موضوعيا اربع و عشرين سنة من حكم دولة سودانية اسلامية تكفى تماما..يعني ما في داعي للتعب..

    كبر
                   |Articles |News |مقالات |بيانات

21-07-2012, 09:08 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re: تتتتت (Re: محمد البشرى الخضر)

    يواصل تبارك
    Quote: أمّال "الأقليات المضطهدة" دي بتشيل سلاح ليه؟ لأنو ما ممكن تعمل دولة للرجال فقط أو للعرب فقط أو للمسلمين فقط أو للشوايقة فقط أو لخريجي الثانوي فقط ...
    الحد الأدنى البيتساوى فيهو الكل هو المواطنة ... في قوانين تفصيلية للعمر والنوع ... لاكين ماممكن تمارس تفرقة دينية (ومقننة بدين "الأغلبية" كمان) أو تفرقة عرقية أو قبلية ... وهكذا ....

    ثم تعليقا على "وردي عليه زمن الابتزاز بالحرب وشيل السلاح انتهى, الداير يحارب كلو يحارب النشوف ح توصلو لوين؟"
    Quote:
    بالنسبة لدائرة الحرب اللا نهائية ... فهي تبدأ بإعلان ممارسة الدولة لحقوق المواطنين على أساس ديانة لا تشمل كل المواطنين ...
    والخروج من دائرة الحرب غير النهائية يبدأ بترك مغامرة تديّن الدولة بدين أغلبية أو دين أقلية أو دين أي شخص قد يضطر الشخوص الآخرين لحمل السلاح ...

    يعني العيب في تديّن الدولة ما في حمل السلاح ... لأنو لو الدولة دولة الكل مافي مواطن بيشيل ضدها السلاح ... ورفع السلاح ضد الدولة يختلف عن رفع السلاح ضد الأغلبية المسلمة ...
                   |Articles |News |مقالات |بيانات

21-07-2012, 09:20 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re:اها .. ولو ما عايزين علمانية؟ (Re: محمد البشرى الخضر)

    على سيرة الثورة الفرنسية
    هل يمكن للمراة التي تنتمي للأقلية المسلمة في فرنسا الآن أن تمارس حقها في الإختيار وتلبس حجاب !!
    هل يستطيع المسلم ان يمارس حقه و يعدد في زوجاته - دا على سبيل المثال فقط
    الدنيا كلها كدا وقواعد الديمقراطية كدا يسري خيار الأغلبية, مع احترام حق الأقلية
    الحديث دا سابق لأوانه وحلك لما يتغير النظام ويتفق الناس على الدستور البديل و خلافه و يتعرف فيه راي الاغلبية شنو
    لكن المبدا مهم, آلية صياغة و إجازة الدستور شنو
    يعني ما ممكن اقلية شايفة روحها على حق تمشي رايها على الغالبية

    ويا حاج العوض بالله ادينا خشم باب عناوينا تاني
    تمام كدا يا رشا :)
                   |Articles |News |مقالات |بيانات

21-07-2012, 09:46 PM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: محمد البشرى الخضر)

    Quote: هل يستطيع المسلم ان يمارس حقه و يعدد في زوجاته - دا على سبيل المثال فقط

    فرنسا لا تفرق بين الذكر المسلم والذكر المسلمة
    هل انت جاهز لقبول المسلمة التزوج مثنى وثلاث ورباع!
    جنى
                   |Articles |News |مقالات |بيانات

21-07-2012, 10:00 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: jini)

    Quote: هل انت جاهز لقبول المسلمة التزوج مثنى وثلاث ورباع!
    لأ
                   |Articles |News |مقالات |بيانات

21-07-2012, 10:06 PM

محمد إبراهيم علي
<aمحمد إبراهيم علي
تاريخ التسجيل: 10-08-2009
مجموع المشاركات: 10019

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: محمد البشرى الخضر)

    Quote: هل يمكن للمراة التي تنتمي للأقلية المسلمة في فرنسا الآن أن تمارس حقها في الإختيار وتلبس حجاب !!

    تصحيح بسيط
    الممنوع في فرنسا هو النقاب في الاماكن العامة وليس الحجاب وهناك فرنسيات كثر يلبسن حجابهن
    الحجاب الممنوع هو في المدارس التي تدعمها الدولة فهي دولة غير دينية وحتى اليهود ممنوعين من لبس طواقيهم والمسحيين من صلبانهم
    بالرغم من اعتراضي على هذا التضييق ولكن احترم القانون الفرنسي هذا فهو مر بكل مراحل اصدار القوانين من برلمان ونقاش في الميديا
    ولم يفرض بليل او دغمسة

    في يختص بموضوع البوست
    الدولة ليست مكلفة ده من ناحية دينية يعني مافي دولة بتصلي ولا بتصوم ولا دولة بتمشي الكنيسة عشان نقول عليها دي دولة مسلمة ولا دولة نصرانية
    الدستور في راي يجب ان يكون محايدا امام ديانات المواطنين كما يجب ان يكون محايدا امام اعراقهم بحيث لا يمارس التمييز بسبب الدين او العرق او النوع
    شايف الناس متفقة على الاتنين الاخيرات لانو العالم اتقدم وبقى ما في واحد لديه الشجاعة انو يقول او يطالب بدستور قائم على تمييز عرق (المانيا النازية مثال) او دستور قائم على تمييز نوع
    لكن طبعا التمييز النوعي قائم وبشكل مستتر في دساتير كثير من الدول الاسلامية (السعودية مثال ) وهو مبنى اي هذا التمييز على اسس دينية فمثلا دية القتل الخطأ هنا في السعودية للمراة تعادل نصف قيمتها للرجل نحن في السودان كنا اكثر تقدما فيما يختص بحقوق المراة من كثير من الدول التي حولنا ولكن تقههرنا الى القاع بعد دساتير الترابي وقوانينه المميزة ضد المراة
    يمكن اجمالا ان اقول الدستور العلماني ضد التمييز بسبب الديانة او العرق او النوع يا تشيلو كلو يا تختو كلو وترجع العصور الوسطى !!!!
    الازمة تاتي حين تقول ان دستورك يقوم على المواطنة ثم تاتي وتسند التشريع الى دين معين هنا فانت تخرق دستورك في نصه نفسه
    فكيف يكون المواطن المسيحي او اللاديني مثلا مساويا لمواطن مسلم ميزت ديانته في الدستور


    السؤال هو هل سيقبل المنادين بالدولة الدينية بدستور علماني اختاره الشعب ؟ ام سيعلنون الجهاد على الدولة الكافرة ؟
                   |Articles |News |مقالات |بيانات

21-07-2012, 10:29 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: محمد إبراهيم علي)

    تبارك
    Quote: يا اخوي المرأة المسلمة الفرنسية يحق ليها تلبس الحجاب، وأي فرنسي يحق ليهو يلبس أي شي بدافع ديني ... لاكين في المدارس الحكومية ممنوع ...
    ممنوع طالب يهودي يلبس طاقية اليهود (الهامت) في مدرسة حكومية ... وممنوع طالب سيخي يلبس عمة في مدرسة حكومية ... وممنوع طالب مسيحي يجي مدرسة حكومية مدلدل صليب في رقبتو ... وممنوع طالبة مسلمة تجي مدرسة حكومية لابسة حجاب ...

    الكلام دا انت عارفو لاكين بتحب المزايدة ... القرار للفرنسيين والفرنسيات أيًا كا دينهم وليس للمحجبات فقط
    ثم تعليقا على اجابتي لسؤال جني
    Quote: هي "لأ" بتاعتك دي .. نقول محمد البشرى بقى جمهوري وارتد وأنكر تعدد الزواج على المسلمين والمسلمات؟

    لأنو ما بتدي حق لى رجل وتمنع منو امرأة في فرنسا ...

    كلامك دا تقولوا لى نسوان ما عندهم حقوق دستورية (حديدة)
    يا محمد ابراهيم وتبارك شكرا على التصحيح بخصوص مسألة الحجاب في فرنسا
    وإن كانت الفكرة هي هي , الاغلبية في فرنسا منعت الأقليات الدينية من ممارسة حقوقها بنص القانون أو الدستور
    يعني الفكرة بشكل ما مقبولة و المرجع هنا خيار الأغلبية

    بالنسبة لمسالة تعدد الأزواج - ما فاهم الجدال في الحتة دي لاثبات شنو؟ الدول العلمانية في الغرب قوانينها تمنع مواطنها المسلم من ممارسة حقه في التعدد دي النقطة المهمة
    كونو انا لا اوافق على تعدد الأزواج هل دا ح يغير الحقيقة اعلاه ؟

    بالنسبة لسؤالك يا محمد ابراهيم دا موضوع البوست الرئيس
    مفروض يقبلوا, انا طبعا بجاوب بشكل نظري عن النظام الأنا عايزوا ينطبق على الجميع , خيار الأغلبية يمشي

    يا خوانا في الاعادة افادة
    البوست ليس عن فوائد أو مضار او ماهي العلمانية و الدستور العلماني
    السؤال عن كيفية اجازة وتطبيق الدستور دا أو غيره
    انا بقول استفتاء و خيار الاغلبية حتى لو رات الأقلية انو خاطئ , لو في وسيلة تانية ورونا
                   |Articles |News |مقالات |بيانات

22-07-2012, 06:53 AM

Abdalla aidros

تاريخ التسجيل: 07-12-2005
مجموع المشاركات: 595

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: محمد البشرى الخضر)

    سلامات تاني يا ود البشري

    كثير من المتداخلين اعلاه ذكروا لك ان الدستور لا يجاز بالاغلبية، وهذه العبارة ليست موقف سياسي

    ولكنها بديهة تتعلق بفكرة الدستور ذاته وبفقه القانون الدستوري

    لا بد للدستور ان يحدث فيه تراضي، وفي السابق كان التركيز يتم علي محتوي الدستور من مثل ما اوردت من بنود في بداية البوست

    في الوقت الحالي اصبحت مسالة البروسيسنق لها ذات اهمية المحتوي : اي عملية صناعة الدستور والتي لها خمسة مبادئ ( المشاركة- الشمول - الملكية الوطنية - الشفافية - التوافق الوطني)

    وكل مبدأ من المبادئ دي فيه قصة طويلة براهو

    الشئ الآخر هنالك حزمة مبادئ تسمي (المبادئ فوق الدستورية) واهمها كما ذكر لك الاساتذة اعلاه ان يكون متسقا مع (حقوق الانسان)

    وانا اكرر ليك انو الكلام ده ما موقف سياسي، يعني دي مبادئ في فقه القانون الدستوري حتي المفاوضين والشركاء الراعين لاتفاقية نيفاشا اللي طلع منه الدستور الانتقالي كانوا شغالين بيها

    بس لو لاحظت هم برضو ركزوا علي المحتوي واغفلوا المبادئ الفوق دي ( ما كان في مشاركة واسعة لممثلين عن المجتمع السوداني بل كان اتفاقا ثنائيا، ما كان ملكية وطنية لانو كان في ضغوط دولية، ما كان في شفافية لانو المفاوضات كانت سرية وما كان الشعب عارف حاجة عن تطوراتها لحدت لحظة الاعلان النهائي، ما كان فيهو توافق وطني بدليل انو ما قدر يحل مشاكل بقية اقاليم السودان واستمرت الحرب في دارفور، واطراف اخري )

    وعملية صناعة الدستور علم مثله مثل بقية العلوم ، زي لو في زول جا قال ليك عاوز يعمل ليه سيستم محاسبي ..

    لا اود ان اغرق البوست بدراسات ومقالات وتقارير عن عملية صناعة الدستور ، لكن اذا كنت تسال عن الناحية العملية فاطمئنك انو في تجارب كبيرة وطنية واقليمية ودولية ، وعندنا خبراء وطنيين ممتازين

    واذا كان لديك وكت وتريد ان تستزيد في المعلومات يمكنك الاطلاع علي تجارب كل من دولتي كينيا وجنوب افريقيا ،، كانت مميزة وثرة ومتطابقة مع المعايير الخمسة المذكورة اعلاه بنسبة كبيرة

    والبلدين ديل اوضاعهما تتشابه مع بلادنا كثيرا
                   |Articles |News |مقالات |بيانات

22-07-2012, 07:13 AM

Abdalla aidros

تاريخ التسجيل: 07-12-2005
مجموع المشاركات: 595

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: Abdalla aidros)

    المبادئ فوق الدستورية والأساس الديمقراطى

    الدعوة لتبنى مبادئ معينة لا يمكن لأى أغلبية إستبعادها من الدستور القادم، أو على إحلال أحكام لا تتفق معها فيه، قد تبدو للنظرة المتعجلة وكأنها مخالفة للأساس الديمقراطي الذى نزعم أنه هو الأساس الوحيد القادر على منحنا دستور يمكن له البقاء لمدى زمنى معقول، بحساب أعمار الدساتير، لتعارضها مع مبدأ سيادة رأى الأغلبية ولكن ذلك غير صحيح، فمن جهة من المؤكد أن النظام الديمقراطي لا يقوم على قرار الأغلبية فحسب، بل يتطلب بالضرورة الحفاظ على حقوق الأقلية، ومن جهة أخرى فإنه مهما توفر للمبادئ المنافية للأحكام فوق الدستورية من أغلبية فإنها تفتقد التفويض اللازم لتبنى أحكام معينة فى الدستور. وذلك لأن الدستور هو القانون الأعلى للبلاد، وهو التعبير عن الإرادة الشعبية عن كيف يتم حكم البلاد، إلا أن هنالك صعوبات لا يمكن أن تخفى على أحد متصلة بذلك، فتفويض الشعب للسلطة التشريعية محدد من حيث الزمان والسلطات، فهو محدود من حيث الزمان بدورة واحدة، يسترد بعدها الشعب تفويضه، وهو إضافة لذلك محدد من حيث السلطات بحدود عدم تجاوز الحدود الدستورية للتشريع. والسؤال هو ما هى حدود التفويض بتشريع الدستور، فالدستور رغم أن شرعيته تقوم على رضا المحكومين فإن التفويض الشعبي بإصداره يثير صعوبة تتعلق بشرعية تفويض صادر من الشعب فى لحظة زمنية معينة، بالنسبة لدستور يراد له أن يحكم الأجيال القادمة، التى لم تفوض أحداً لإصداره. لذلك فإنه لابد من أن يتم تحديد مبادئ دستورية لا يجوز تجاوزها بالنسبة للهيئة التى ستضع الدستور بتفويض من الشعب، لأن الشعب نفسه لا يمتلك سلطة تجاوزها. وهذه المبادئ الدستورية التى لا يجوز تجاوزها تتصل بالحريات العامة، التى لم يتنازل الشعب عنها حينما قرر إقامة سلطة يخضع لها فى حدود القانون، فهو قد إشترط بالضرورة عدد من الشروط منها خضوع السلطة للقانون، وخضوعها لمحاسبة الشعب على أسس دورية . الغرض من تبنى المبادئ الدستورية هو بدون شك تفادي طغيان الأغلبية ، وذلك بفرض حدود على قدراتها التشريعية، بالنسبة للدستور وبالنسبة للقانون، فبالإضاقة لأهمية ذلك بالنسبة للمجتمعات التى تفتقد التجارب بالنسبة للإنتخابات، والحريات الفردية، فإنها مهمة لكل المجتمعات، من حيث تحديد الحدود التى يتم تنازل الفرد والمجموعات المختلفة عن حريته وحرياتهم، لقاء ما توفره الدولة لهم من أمان، فأى تشريع يتيح للدولة أكثر مما هو مطلوب من الفرد أن يتنازل عنه من حرية يؤدى بالضرورة لطغيان السلطات العامة، ويفقد الشعب حرياته الاساسية، يقول جون ستيوارت ميل " إن الغرض المشروع الوحيد لممارسة السلطة علي شخص ضد إرادة ذلك الشخص، في مجتمع متحضر، هو منعه من الإضرار بالآخرين " وما ينطبق على الفرد ينطبق على المجموعات الثقافية والإثنية وعلى الفئات الاضعف فى المجتمع .


    من ورقة قدمها الاستاذ نبيل اديب المحامي في محاضرة عامة بالمعهد الاقليمي لدراسات الجندر والتنوع والسلام وحقوق الانسان/جامعة الاحفاد للبنات
                   |Articles |News |مقالات |بيانات

22-07-2012, 07:06 AM

aydaroos
<aaydaroos
تاريخ التسجيل: 29-06-2005
مجموع المشاركات: 2965

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: محمد البشرى الخضر)

    سلم محمد البشري والمشاركين
    هل من الممكن أن تعمل إستفتاء لقتل أحدما؟
    هل من الممكن أن تعمل إستفتاء لنزع ملكية أحد ما؟
    هل من الممكن أن تعمل إستفتاء لمنع أحد ما من السفر؟
    ......
    .....
    .....
    وإلي آخر حقوق الإنسان وحقوق المواطن.

    ما يجمعنا في السودان ليس الدين ولا العرق ولا النوع

    ما يجمعنا هو المواطنة،والمواطنة تتأسس بالجنسيةالسودانية

    إجابة علي سؤالك : نعم يجاز الدستور بالإستفتاء ،بالأغلبية
    علي أن لا يتعدي علي حقوق أيي مواطن إبتداءا"
    وهذه الحقوق منصوص عليها في إعلان حقوق الإنسان
    والسودان مصادق عليها
                   |Articles |News |مقالات |بيانات

22-07-2012, 09:38 AM

محمد عبد الماجد الصايم
<aمحمد عبد الماجد الصايم
تاريخ التسجيل: 16-10-2005
مجموع المشاركات: 34989

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: aydaroos)

    شعراً ما عندنا ليهو وقت ولا روح سَلبَة..
    نكتفي بـ + كاك صغيرونة لقصة القوقل!!
                   |Articles |News |مقالات |بيانات

22-07-2012, 09:57 AM

ناصر احمد الامين
<aناصر احمد الامين
تاريخ التسجيل: 29-03-2009
مجموع المشاركات: 2913

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: محمد عبد الماجد الصايم)

    Quote: شعراً ما عندنا ليهو وقت ولا روح سَلبَة..

    معشان كدا قلنا لمن ننتهي من النقاش بنخت ليك ورقتك تجي تبصم
    ههههههههههه
                   |Articles |News |مقالات |بيانات

22-07-2012, 10:04 AM

محمد عبد الماجد الصايم
<aمحمد عبد الماجد الصايم
تاريخ التسجيل: 16-10-2005
مجموع المشاركات: 34989

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: ناصر احمد الامين)

    غايتو يا ناصر .. عمكـ ود البشرى دا
    مرات بجيب حاجات كويسة عشان كـدا بنبصم معاو!

    _
    لكن مرات .. الله لا وراكـ .. بجليها وهي مربوطة!!
                   |Articles |News |مقالات |بيانات

22-07-2012, 10:43 AM

عمر مصطفى مضوي
<aعمر مصطفى مضوي
تاريخ التسجيل: 04-02-2012
مجموع المشاركات: 276

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: محمد عبد الماجد الصايم)

    الأخ / محمد البشرى / سلامات ورمضان كريم ،،،،

    بوست مفيد وتساؤل ممكن ومشروع وتفاكري وحوار هادئ وممتع ،،
    أنا مع الدستور العلماني الديموقراطي بدون أى تعقيدات قد تجهدني،، فالمواطنة هي حقوق وواجبات يجب أن تكون متساوية بين جميع المواطنين أخذا وعطاءاً والدستور الديني ايا كان إسلاميا أو مسيحيا يجهض هذه المعادلة ويمنح شريحة تميزا هلاميا غير مؤسس دون الأخرى . التاسيس يجب أن يكون على المواطنة و يجب أن تكون الحقوق الدستورية للافراد متساوية وأعتقد أن هذا الامر ملائما للفطرة السليمة . وملائما حتي للمبادئ الاساسية للدين الإسلامي .
    كما أعتقد أن الخبرة البشرية في التعامل مع القضييا الحياتية هي مرجعية مفهومة وموثوقة وحتى ديننا الحنيف اشارة إليها إشارة واضحة في حديث النبئ الكريم ( ماكان من أمر دنياكم فانتم أدرى به ) هذا مقرون مع عدم إشارة الدين في مجمله إلى مسالة الحكم وأختيار الحكام وكيفية إدارة الدولة . وتركها هكذا لاجتهادات المجتمعات بما يلائمهم .
    مالا اقبله هو مايروج له الإسلامييين الجدد من أن العلمانية هي رديفة للألحاد وأن الدولة العلمانية تحارب الأديان وتدعو للفسوق هذا مجرد تغبيش للوعي ومداعبة رخيصة لعواطف المسلون فالحرية التي يجدها هولاء المتاسلمون في الدول العلمانية في الدعوة لدينهم لا يجدونها حتى في دولهم . والغريب أن هذه الحرية التي هي نتاج للعلمانية إن مارسها غيرهم في دولهم تعلق له المشانق . والأدهى أن يأتي أحدهم ويتحدث عن العلمانية ايضا كرديف للشيوعية ومساوية لها في وهو خطل لا يتبناه إلا جاهل .أو صاحب غرض ،،


    تحياتي
                   |Articles |News |مقالات |بيانات

22-07-2012, 11:21 AM

Haitham Elsiddiq

تاريخ التسجيل: 11-02-2007
مجموع المشاركات: 766

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: عمر مصطفى مضوي)

    سلامات للجميع وربنا يتقبل صيامكم و قيامكم....

    إنتو يا خوووانا أنا عندي سؤال بسيط كدة....لناس الإسلام هو الحل و لا للعلمانية وشريعة شريعة ولا نموت والعلمانية ضد الإسلام والكلام المكرر و الأسطوانة المشروخة دي

    إنتو قبل سنة تلاتة وتمانين السودان دا كان كافر ....ماكنا كلنا مسلمين وأحسن من حسي وكان الناس عندها فعلا أخلاق المسلمين
    ولا الإسلام دة دخلو نميري

    بعدين الأتراك والتوانسة وناس ماليزيا ومسلمين أروبا العايشين تحت حكم علماني ديل وفي أمانت الله
    إسلامهم ناقص و لا كيف
    أنا دا مسلم و الحمد لله فروضي بعملها ولا سرقت ولا كتلت لاكين علماني أها كفروني
    كرهتونا العلمانية زاتا ياخ
                   |Articles |News |مقالات |بيانات

22-07-2012, 11:40 AM

haroon diyab
<aharoon diyab
تاريخ التسجيل: 20-06-2007
مجموع المشاركات: 23196

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: Haitham Elsiddiq)

    Quote: أنا دا مسلم و الحمد لله فروضي بعملها ولا سرقت ولا كتلت لاكين علماني أها كفروني
    كرهتونا العلمانية زاتا ياخ

                   |Articles |News |مقالات |بيانات

22-07-2012, 12:46 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: haroon diyab)

    Quote: يا خوانا في الاعادة افادة
    البوست ليس عن فوائد أو مضار او ماهي العلمانية و الدستور العلماني
    السؤال عن كيفية اجازة وتطبيق الدستور دا أو غيره
    انا بقول استفتاء و خيار الاغلبية حتى لو رات الأقلية انو خاطئ , لو في وسيلة تانية ورونا
    دا بالمناسبة غرض البوست
    يعني با بتاع كرهوك العلمانية امشي ولول في محل كرهوك ليها
                   |Articles |News |مقالات |بيانات

22-07-2012, 07:50 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: محمد البشرى الخضر)

    شكرا عبدالله عيدروس و شكرا مرة تانية على المقتطف من ورقة الاستاذ نبيل أديب عن المبادئ فوق الدستورية , الحديث عن طغيان الأغلبية به اجابة لجزء من سؤال البوست

    سلامات يا عيدروس .. طبعا لا يمكن الاستفتاء لقتل انسان او انتهاك حقوقه
    لكن المثال لا ينطبق على موضوع البوست

    و الشكر لكل الشباب المروا من هنا

    بس عايز اقول حاجة لكل من ينادي بحقوق المواطنة و الدولة المدنية و العلمانية .. إلخ, و يرى فيها الحل لمشاكلنا
    الناس تفكر خارج صندوق سودانيز بل خارج الاسافير عموما
    عشان تنزل برنامج لأرض الواقع وعايز الناس تختارو عشان تدير بيه شؤون حياتها لازم توصلوا ليهم و تزيل المفاهيم الخاطئة
    لا يغرنكم كره الناس للكيزان و خروجهم ضدهم المسالة دي اقتصادية بحتة, وجوع ما أكتر, المشروع الحضاري بعد كم وعشرين سنة نجح فعلا في اعادة صياغة الانسان السوداني
    وخلاه مشدوه في حياتو ومعيشتو و على درجة من الانانية, في اربعة وستين الناس خرجت في الخرطوم مطالبة بي حل لمشكلة الجنوب
    في الفين واطناشر الخرطوم مرقتها زيادة تعريفة المواصلات في حين مشكلة دارفور و جبال النوبة إن لم تفوق مشكلة الجنوب فليست بأقل منها !!
    والخطاب الاسلامي متمكن من النفوس, يكفي المتظاهرين في الديم وهم بفلقوا في البوليس كانوا بهتفوا : الله أكبر, ودي ما القديمة دي حقة الكيزان زاتها
    و المراة في أحد فيديوهات قرفنا بتكبر و تؤيد كلام المتحدث عن انو المؤتمر الوطني حرامية
    (ما يجيني اطرش يفهم كلامي غلط, ما معناها ديل كيزان )
    الناس فارزين بين المؤتمر الوطني وبين الإسلام, وسقوط المؤتمر الوطني لن يعني سقوط الاسلام من نفوس الناس
    دا شكل الوعي الاسي موجود
    وح تخاطبه قوى من مصلحتها تشويه العلمانية و مهمتها على درجة من السهولة
    عشان كدا كان سؤالي عن الآلية الح يجاز بيها دستور علماني؟ غايتو كان استفتاء واطات دستوركم صبحت :)
    وايضا سؤالي القباله عن التغيير المختلف و كيفيته ؟
    واسئلة كتيرة جاية في السكة لسة, العندو برنامج حقيقي ما اسفيري وعايز ينزلو في الواقع الينكرب و يستعد و يعمل الهوم ويك بتاعو كويس
    ويجهز اجوبته , الاسئلة دي الليلة في سودانيز بكرة القريييييبة دي - إن شاء الله - ح يتسئلها في مناظرة من خصم عايز يهدم برنامجو و قدام جمهور ح يهتف ليه الله اكبر لو كسب المناظرة :)
                   |Articles |News |مقالات |بيانات

22-07-2012, 07:51 PM

Haitham Elsiddiq

تاريخ التسجيل: 11-02-2007
مجموع المشاركات: 766

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: محمد البشرى الخضر)

    سلام يا محمد
    لية كدة ياخي جابت لية ولولة وكلام ماجميل وما شبهك ولا بشبة بوستيك .....

    الغريبة أنا ما وجهت الرد ليك وسلمت علي الجميع ياخي سلم في الأول

    وانا لمن قلت كرهتونا العلمانية كانت تعليق للتخفيف زي المهم والله صحي بتاعة تبارك وود المدير

    لكن بالجد كدا إنت عارف إنة موضوع العلمانية دا أكتر حاجة إتناقشت هنا وللأسف ربطها بالضد للدين بتختنا نحنا المعارضيين لما يعرف بالدولة الدينية ومؤيديين للعلمانية في الحكم في موضع المدافع عن نفسة دينيا ودة يا ود البشري وضع سغيل خاصة لمن تتهم في دينك .

    ...التناقض في الطرح دة يا محمد بيجي من المتأسلمين البحصرو الدين في ما يعرف بالحدود و يتعاملو بالربا عدييييل و يحللوة كمان
    والغريبة يشكرو في تركيا و ماليزيا العلمانيات


    علي كل انا آسف الدخلتا البوست وولولتا فية وأوعدك مادام ما مرغوب في مداخلاتي ما بدخل
    وفي رمضان العفو والعافية يابوي
                   |Articles |News |مقالات |بيانات

22-07-2012, 08:02 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: Haitham Elsiddiq)

    حقك علينا يا هيثم تقبل أسفي
    غرض البوست مش نقاش العلمانية في رقبتها زي ما قلت اتفتحت للموضوع دا بوستات وبوستات
    لكن للأسف اغلب المتداخلين كانوا بتجاوزوا سؤال البوست الرئيس و يجوا لتبيان محاسنها وضرورتها وكدا
    فدا ختاني في وضع اشبه ببطل نكتة الزول الضربوا التمساح وبقى يعيد القصة دي لحدي ما انفجر في آخر واحد
    حظك السيئ خلاك آخر واحد :)
    مرة تانية اعتذر و العفو و العافية
    وكان للبوست دا قضى, ارجى البوست الجاي :)
                   |Articles |News |مقالات |بيانات

22-07-2012, 08:19 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: محمد البشرى الخضر)

    يا كبر ما شفت مداخلتك إلا اسي , رمضان خلي بالك فات غادي للعضم
    Quote: ود البشرى..حبابك يا صديقي
    رمضان كريم ..و كل سنة و انت ..
    عتب بسيط: شنو يا قريبي المادة الرابعة من الدستور المصري..و الإنتخابات المصرية؟..الحقارة في شنو؟نحن ما عندنا دساتير و فيها المادة الرابعة ولا ما عندنا انتخابات؟..المهم..
    للفايدة العامة.. اول مرة ندخل في حكاية لخبطة الكيمان في سنة 1973 في دستور جعفر نميرى الجاب حاجة اسمها الشريعة الإسلامية مصدر رئيسي للتشريع و اللغة العربية هي لغة الدولة الرسمية (المادة9)..قبال الدستور ده السودان عندو اربعة دساتير (و خامسهم دستور 1985 الإنتقالي)..و كلها كانت دولة محايدة تجاه الدين..اها ناسك البنكرشو من مجرد ذكر العلمانية ممكن يورونا ليه السودان ما اتقسم؟..
    دستور 1998 بتاع عمر البشير جاب حاجة اسمها الحاكمية لله (المادة 4) و قام جاب حاجة في المادة (18) و سماها التدين..يعني لو ما متدين ما عندك حق في العمل الواحد ده (لأن الدستور بيقول التدين عبادة يجب ان تسود في العمل في البيت في الشارع..في أي حتة..ما بتقدر عليها ما عندك حق دستوري)..
    اها اليوم وكت في ناس كتيرة بتقول بضرورة حياد الدولة تجاه الدين (علمانية..مدنية..فصل الدين عن الدولة..الخ)..يبقى في حاجة غلط في مكان ما..لأنو لو ما كده ماكان الجماهير دي كترت النقة..
    دولة المواطنة و المؤسسات و الحياد تجاه الدين لا تقوم بالإستفتاء على علمانية الدولة او عدمها..و انما بالإستفتاء على دستور عادل يحترمه الناس سواءا كانوا في الحكم أو مواطنين..يبقى يا صديقي دولة علمانية في السودان ممكن تقوم بارادة الناس و اتفاقها على ابعاد الدين عن الدولة..
    و الظروف الحالية ممكن بسهولة لو الناس مشت للإستفتاء بحسب تصورك.. ممكن جدا تختار دولة علمانية فهل يمكن يقبل الأخرون بيها؟..لأنو الشافتو الناس من الإنقاذ ما ظني يمرق بي هين..
    في واحدة من ردودك ذكرت انك ح تعارض الدولة الظالمة سواءا كانت علمانية أو دينية..و ده موقف سليم.. لأن الدولة العلمانية برضك ممكن تكون ظالمة..و انا اتفق معاك..صحيح اطالب بدولة علمانية في السودان.. لكن الدولة بطيبيعتها الة لإحتكار العنف و ممكن ترتكب الظلم في حق البشر.. ولن نسكت عليها لأنها علمانية مثلا..
    فصل الدين من مؤسسات الدولة لا يحتاج استفتاء..و موضوعيا اربع و عشرين سنة من حكم دولة سودانية اسلامية تكفى تماما..يعني ما في داعي للتعب..
    كبر
    الله اكرم يا كبر تصوم وتفطر على خير ان شا الله,
    الاقتباس من الدستور المصري لأنها بالصيغة دي اثارت جدل قريبات دي وعلقت في ذهني يعني ما استلاب وكدا هههههه
    ودستور عمر البشير دا ما مقياس امال القومة و القعدة دي كلها في شنو مش في تغييره, الناس كرهت الانقاذ نعم و كرهت المتاجرة بالدين و التطبيق الخاطئ لكن ما كرهت الاسلام ولا ينبغي لها
    وبالنسبة لإختيار العلمانية في استفتاء بالنسبة لي ياريت والله, اي نظام كان كونو يأتي باستفتاء فدا الشي المطلوب زاتو اضانا تبرد, الرافض على الاقل يقتنع بخيار الاغلبية و لو ما قبل يبقى ما ليه حق وكان عمل السبعة وذمتها ما يجيني بعدين يعمل عندو قضية و مناضل
    ح يكون محض متمرد و رافض للوسيلة المشروعة و خيار الاغلبية
    اتمنى اكون في المداخلات اعلاه تكون وجهة نظري وضحت يا كبر
    تسلم يا صديق
                   |Articles |News |مقالات |بيانات

22-07-2012, 08:11 PM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: Haitham Elsiddiq)

    Quote: لأ

    ماقلتوا نوبة!
    ولن تعدلوا بين النساء ولو حرصتم دى ما ياها العلمانية ذاتا
    جنى

    (عدل بواسطة jini on 22-07-2012, 08:25 PM)

                   |Articles |News |مقالات |بيانات

22-07-2012, 08:26 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: jini)

    والله اصلوا ما حصل قلنا نوبة
    جلابة بس
                   |Articles |News |مقالات |بيانات

23-07-2012, 04:21 PM

محمد كابيلا
<aمحمد كابيلا
تاريخ التسجيل: 15-11-2008
مجموع المشاركات: 3454

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: محمد البشرى الخضر)

    Quote: والله اصلوا ما حصل قلنا نوبة
    جلابة بس


    وتيب !
                   |Articles |News |مقالات |بيانات

22-07-2012, 08:49 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: محمد البشرى الخضر)

    هاهاهاهاهاهاهاهاها
    من قولت تيت زهجتو وغلبكم الصبر
    حالتو البوست عن العلمانية

    والله بالغتي يا دينا

    اليقوقلوه شنو ؟
    موضوع كسوة الكعبة !!!!!!
    هاهاهاهاهاهاهاهاهاهاهاهاهاهاها

    ياخ ده زيه زي موضوع نحن انشاءنا الاتحاد الافريقي
    من كترت ما سحكناه
    راعي الضان في الخلاء عارفو يا قول رمضان احمد السيد

    ياه جنس كسوة الكعبة وجنس تاسيس الاتحاد الافريقي ياهو البتقوقل
    الكلام عن باقي الممالك والتجمعات الاسلامية الكبيرة الحكمت نفسها حكم ذاتي والما بتتلقى في قوقل

    يبدو انو مصدرك الرئيسي يا دينا قوقل .. عشان كده قايلة حفظت القران في دارفور بس

    هاهاهاهاهاهاهاهاهاهاها
    هاهاهاهاهاهاهاهاهاهاهاهاها
    من قولت تييييييييييييييييييييييت زهجتو
                   |Articles |News |مقالات |بيانات

22-07-2012, 09:08 PM

Rihab Khalifa
<aRihab Khalifa
تاريخ التسجيل: 07-07-2006
مجموع المشاركات: 3735

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: وليد محمد المبارك)

    سلام يا محمد و رمضان كريم انت و الزوار
    رايكم شنو في عدم وجود دستور من اصله؟
    كانجلترا مثلا فليحكمنا البرلمان ممثل الشعب
    او نيوزيلندا

    just a thought that occurred to me the other day
    not sure how worthwhile it is
                   |Articles |News |مقالات |بيانات

22-07-2012, 09:15 PM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: Rihab Khalifa)

    Quote:
    والله اصلوا ما حصل قلنا نوبة
    جلابة بس

    العافية درجات
    والله العلمانية دى بعد شوية تبقى زى القات اتفاقية تالتجارة الدولية ما القات حق اليمنيين والصوماليين تقعدوا تتجاروا ليها زى رفع العقوبات
    العالم لن يعود الى الوراء
    صبركم لن نقبل ان يجلد سودانى مثل البعير
    جنى
                   |Articles |News |مقالات |بيانات

22-07-2012, 09:31 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: jini)

    يا جني
    الدول العلمانية تبحث الان وبصورة جاد في عقوبات زي الجلد والغرامة

    بسبب التكلفة العالية للسجن والتي يتحملها دافع الضرايب
    وبسبب ان عقوبة السجن اصبحت غير مهابة
    وبسبب ان السجون اصبحت كليات لتعليم مهارات الخروج عن القانون وقد يدخلها جاهل ويخرج عنها محترف


    يعني احتمال تشوف جلد البعير في دول العلمانية قريب

    وبعدين شؤال
    انتو الصين دي علمانية ولا ما علمانية ؟
                   |Articles |News |مقالات |بيانات

23-07-2012, 03:50 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: وليد محمد المبارك)
                   |Articles |News |مقالات |بيانات

23-07-2012, 06:13 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: تبارك شيخ الدين جبريل)

    Quote: صبركم لن نقبل ان يجلد سودانى مثل البعير
    فهمك لأي طرح مناهض للعلمانية كدا و اختزالو في مسالة الجلد اشبه بفهم البعض من الجانب الآخر للعلمانية و اختزالها في حرية فتح البارات و بيوت البتاع مثلا
                   |Articles |News |مقالات |بيانات

23-07-2012, 06:48 AM

aydaroos
<aaydaroos
تاريخ التسجيل: 29-06-2005
مجموع المشاركات: 2965

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: محمد البشرى الخضر)

    Quote: ما يجمعنا في السودان ليس الدين ولا العرق ولا النوع

    ما يجمعنا هو المواطنة،والمواطنة تتأسس بالجنسيةالسودانية

    إجابة علي سؤالك : نعم يجاز الدستور بالإستفتاء ،بالأغلبية
    علي أن لا يتعدي علي حقوق أيي مواطن إبتداءا"
    وهذه الحقوق منصوص عليها في إعلان حقوق الإنسان
    والسودان مصادق عليها


    عندي إحساس إنك ماقريت مداخلتي كويس ...يمكن عشان الصيام

    بالعربي كدا : يجاز بالإستفتاء علي أن يتضمن حقوق الإنسان
                   |Articles |News |مقالات |بيانات

23-07-2012, 07:12 AM

عوض محمد احمد

تاريخ التسجيل: 12-12-2005
مجموع المشاركات: 5488

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: aydaroos)

    الصين دولة علمانية لكنها دولة دكتاتورية و لا يوجد احد يريد ان تصبح له انموذجا لصنع دولة
    فالعلمانية وحدها لا تصلح لصنع الدولة الجيدة فهناك حرية اختيار الحاكم و حرية الاعلام و القضاء العادل
    و التوزيع العادل للموارد
    المانيا النازية و ايطاليا الفاشية كانت ايضا علمانية
    العلمانية فقط لضمان المساواة بين الناس فى الحقوق دون ان يكون اعتناق دين ما سبب لنيل الحقوق او انتقاصها
                   |Articles |News |مقالات |بيانات

23-07-2012, 07:01 AM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11635

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: محمد البشرى الخضر)

    يا ود البشرى /
    Quote: طيب يا آمنة ما اهو انتي كويسة وفهمتي مغزى البوست
    وليك حق تتساءلي عن صعوبة قوقل كأحد رواد الاحزاب السايبرية العايشة فيرشوال و مستهدفة سكان النت فا قوقل فركة ماوس منك طبعا
    لكن وانت بعدين بتبشري ببرنامجك في احد قرى الجزيرة مثلا الما فيها كهربا اصلا قولي ليهم امشوا فتشوا قوقل

    طبعا فهمي لمغزى البوست بيدل على فهمي للديمقراطية الحقيقية ...ودا طبعا لو إتنفذت بطريقة حقيقية مش مجرد مسرحيات هزلية ..

    أما محرك البحث قوقل فدا أحسن إختراع ، بعد إختراع الإنترنت ذاتو ...إنت قايل قوقل دا هين ؟ ..وللا لعب عيال ..
    قوقل دا فيهو مكتبات كاملة أى كتاب مشهور فى الدنيا دى ممكن تلقاهو فى خدمة قوقل للمكتبات .

    ونحن الأكاديميين بنعرف أهمية قوقل دا كويييييس ، إنت ما سمعت بحاجة إسمها Google Scholar ؟
    دا فيهو كل الأبحاث الشهيرة فى مختلف المجالات ، والبحوث الحائزة على جوائز وكلو حاجات مواكبة ومتجددة .

    وأنت كزول إسفيري ...المواقع القوقلية الفوق دى إنت ما معنى بيها طبعا ، ويمكن ما تعرف تستخدمها ذاتو كيف .
    عشان كدا خليك فى قوقل محرك البحث البسيط غير المتخصص ..

    والذى أشك برضك إنك تستخدمه ، مع إنو برضه فركة ماوس أو كيبورد منك ...

    لأنه هذا الموضوع البنناقشه فى بوستك دا ، قتل بحثا فى هذا البورد تحديدا ، وكونك لسه بتسأل السؤال دا ـ فدا بيدل على إنك ما دخلت البوستات الكتيييييرة دى ذااااتها ....فما بالك بالقوقلة .

    .................

    وصحى كلامك نحن مجرد حزب إسفيري وفيرشوال ..عشان كدا أكتر من عضو أو عضوة فينا شردوا من أعمالهم أكثر من مرة
    وإعتقلوا أكثر من مرة ...

    ..................

    والناس البسطاء الما بيقدروا يدخلوا النت وما بيعرفوا يستخدموا قوقل ..( وإنت ما منهم طبعا ، فإنت ساكن فى البورد دا سكنة )...
    فديل بنمشي ليهم عدييييل ونقعد معاهم فى الأرض عشان نشرح ليهم العلمانية هى شنو ..

    دا لو مالقيناهم فاهمينها أصلا ..
                   |Articles |News |مقالات |بيانات

23-07-2012, 01:02 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: AMNA MUKHTAR)

    قريتها يا عيدروس و قريت كلامك عن سؤال البوست
    بس تعرف الجزؤ الأول بتاع الناس تستفتي على قتل أو قلع حق شخص ما اخد انتباهي كلو
    بالنسبة لـ
    Quote: يجاز بالإستفتاء علي أن يتضمن حقوق الإنسان
    دا الكلام المنطقي المقبول للجميع و هو نظري يبقى تطبيقه على ارض الواقع
    فهمت منك انو حقوق الإنسان هي المرجع البستند عليها الجميع و بنطلقوا منها دا كلام ممتاز
    يبقى الشيطان الفي التفاصيل بعدين :)

    أمنة يا بت الشيخ .. انت زعلتي يا دكتورة من قولة حزب اسفيري و فيرشوال دي
    حقك علي .. في رمضان دا يمين لا بنزعل زول لا بنغلّت عل زول و برضّيك انتي وغرورك زاتو كمان
    خلاس انتو ما حزب اسفيري ولا حاجة اسفيري انا دا:), انتو حزب واقعي و جذوركم ضاربة في أرض السودان كلها
    وبدل الدار عندكم مزرعة ومشتلين ناصية, وعضويتكم كان قالت بسم الله و اجتمعوا الغابة ما بتشيلهم
    كويس معاك كدا :)
    Quote: لأنه هذا الموضوع البنناقشه فى بوستك دا ، قتل بحثا فى هذا البورد تحديدا ، وكونك لسه بتسأل السؤال دا ـ فدا بيدل على إنك ما دخلت البوستات الكتيييييرة دى ذااااتها ....فما بالك بالقوقلة .
    وقت انتي يا الأكاديمية قلتي وقع ليك موضوع البوست واللي هو ما عن العلمانية في رقبتها - نعيد الكلام دا للمرة المليون عسى ولعل - فلزومو شنو تاني تسأليني من قصة التمساح !!
    كدي اديني رابط واحد لبوست ناقش تحديداً "كيفية اجازة الدستور العلماني" أو بالعربي البسيط خيار الـ "لو ما عايزين علمانية؟" وجزاك الله خير على المساعدة
                   |Articles |News |مقالات |بيانات

24-07-2012, 08:31 AM

aydaroos
<aaydaroos
تاريخ التسجيل: 29-06-2005
مجموع المشاركات: 2965

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: محمد البشرى الخضر)

    للأهمية
                   |Articles |News |مقالات |بيانات

24-07-2012, 11:44 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30635

للتواصل معنا

FaceBook
تويتر Twitter
YouTube


Re: Re:اها .. ولو ما عايزين علمانية؟ (Re: aydaroos)

    سلامات رحاب و رمضان مبارك
    Quote: رايكم شنو في عدم وجود دستور من اصله؟
    كانجلترا مثلا فليحكمنا البرلمان ممثل الشعب
    او نيوزيلندا
    طبعا دي معلومة جديدة علي اول مرة اعرفها من كلامك كونو انجلترا و نيوزلندا ما عندهم دستور, طيب في حالة الخلافات الكبيرة على المستوى القومي برجعوا لشنو؟ معقول البرلمان بحل كل كيس لحاله ويشرع ليه من جديد
    و هوية الدولة شنو ؟ دي مش عادة بتكون مكتوبة في الدستور
    عن نفسي اعتقد في مثل حالتنا و بالتنوع الثقافي و الاجتماعي و الاختلافات الكبيرة بين (شعوب) السودان نحتاج لدستور يرتضيه الجميع حكما و مرجعا حتى لو لم يوافق رغباتنا و طموحاتنا لكن يجب ان يكون في مرجع ما
    وإلا فالفوضى ما اسهلها
    لكن نسمع راي اهل العلم و الدراية بالشؤون دي

    (عدل بواسطة محمد البشرى الخضر on 24-07-2012, 11:46 AM)

                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de