دعواتكم لزميلنا المفكر د.الباقر العفيف بالشفاء العاجل
|
|
 اعتذار
|
كل عام والناس بخير لود البشرى واصحاب ود البشرى وزملاء المنبر والقارى الكريم
|
|
 
|
|
|
|
|
|
|
 Re: اعتذار (Re: خضر الطيب)
|
شكرًا ليك أخي معاوية ..
وصدقني دي حترفع قدرك عند الجميع ..
دمت معافى وكل عام وانت والأسرة بخير
| |
|
|
|
|
|
|
|
|
 Re: اعتذار (Re: معاوية عبيد الصائم)
|
سلآمات يا معاوية.
العيد يتبارك عليك وعلي أُسرتك الكريمة،
وموصول للوالد عبيد، وجميع الأهل.
يا معاية بصرآحة ود البشرى دا صاحبي
شديد، وتشرفني صحبته.
مودتي...
| |
|
|
|
|
|
|
|
|
|
Re: اعتذار (Re: حيدر حسن ميرغني)
|
الاخ الفاضل معاوية
كل عام وانت واسرتك بخير
خير ما فعلت واتمني ود البشري يقبل
اعتزارك
بعدين ياخي أخبارك عن السودان وأحواله
عندها مصداقية عالية لي كتير من الناس
سيبك من ناس البورد علي الاقل احترم
انه ارتضوا يكونوا معاك في منبر للحوار
مهما كان اتجاههم السياسي
طلب أخير ارجو ان تقبله
اعتزارك للأخ محمد البشري حقه
يكون واضح لا لبس فيه لانه الاتهام كان
قاسي شديد
والله يا معاوية ما بعرف ود البشري ده
الا هنا بس حسب ما بقري ليه انسان
حبوب وعفيف اللسان
عموما كل سنه وكلكم بخير
| |
|
|
|
|
|
|
|
|
|
Re: اعتذار (Re: حيدر حسن ميرغني)
|
معاويه و الجميع
عيد سعيد
حتي الان لم نسمع اي مسؤل
سوداني كان غفير او وزير او رئيس
... حالي... او سابق ....قد قدم اعتذار.... بشكل علني
و واضح كان بسبب الحروب او الدمار او الاباده
او انهيار العمارات او تلقي الضربات الجويه
وانتهاك السياده او احتلال جزء من ارضنا
او حتي في عدم الوفاء للوعود التي قدمها لنا
في البيان رقم واحد او البرنامج الانتخابي
المهم يا شاب عايز تدخل لينا عاده غريبه
ممكن تقراها (غربيه) علينا....مالك يا زول
عايز تؤكد لينا اهميه
هميه انتشار ثقافه الاعتذار عشان تجهجه باكاتنا 
| |
|
|
|
|
|
|
|
|
|
Re: اعتذار (Re: معاوية المدير)
|
العيد مبارك عليك يا معاوية وعلي ود البشري وكل السودانيين الطيبين
والدنيا دار زوال فانية وادام الله المودة والرحمة بين الناس.
| |
|
|
|
|
|
|
|
|
|
Re: اعتذار (Re: محمد البشرى الخضر)
|
Quote: إعتذار عن شنو يا معاوية ؟؟
أنا ما قلت عايز اعتذار, هي حاجة من إتنين
إمّا تثبت إدعاءك بحقي أو تقر بكذبك |
هذا هو يا محمد البشري يا يثبت ولا يقول انو كذا ب غير كدة أصحابك وانا منهم ( وانا أتكلم عن نفسي هنا ) سوف نبعد عنك لأنك مشبوة واعتذار ود الصائم لا يبرئك
| |
|
|
|
|
|
|
|
|
|
Re: اعتذار (Re: الزبير صالح الزبير)
|
تبعد وين يازبير؟ البخليك تبعد منو إنتو الواحد يتشرّف بصداقتكم :)
بس كلامك دا قولوا للمطيباتية الفوق ديل ناس يا كبير و يا جميل و ياالعالي قدرك القبلوا الإعتذار قبل ما يكتبو حتى
| |
|
|
|
|
|
|
|
|
|
Re: اعتذار (Re: محمد البشرى الخضر)
|
Quote: إعتذار عن شنو يا معاوية ؟؟
أنا ما قلت عايز اعتذار, هي حاجة من إتنين
إمّا تثبت إدعاءك بحقي أو تقر بكذبك
ذاتس إت .. |
محمد البشري يا وجيه سلام
المسألة ليست بتشفي
الراجل اعتذر وضمنيا الاعتذار يعني غلط في حقك في ساعة غضب أو استعمل اسلحة في الحوار غير شرعيه
وهي تعني الادعاء الكاذب وتم معاقبة معاوية وايضا اعتذر بالخطأ
اعتقد تاني ما باقي شيء غير المباركه
الله اهدينا وهديك اطلعك من الجو بتاع الاثباتات:
واحد صاحبنا مرزق جاء السعوديه الله فتحها عليهو من سواق كنتر بالخلاء وصل لي مرحلة عمل ليهو مكتب ترحيل صغير فيهو كم كنتر مع سعودي مشاركه في جدة انتقل من الارياف الي المدن الرجل معتز بي نفسو كل يوم جامع السودانيين العطاله للونسه بعد اخلص اعمالو ثم اتجهو الي مقاهي جدة لتكملة الونسه يوم ربك رب الخير قامت شكله في القهوة وصلت مرحلة الضرب والبوليس هنا قريب علي الهبشه صاحبنا خالف رجلو في كرسي بتكلم مع الجماعه بتاعين الشكله قال ليهم يا جماعه المباركه ((باركوها))
العسكري عاين ليهو قال ليهو اقامتك
(( زولك تاني يوم لقي روحو في بورتسودان))
المشاركو ختا ايدهو فوق راسو قال بالله فلان ده ما عندو اقامة جاي عمره............. حسي بالله باركوها
| |
|
|
|
|
|
|
|
|
|
Re: اعتذار (Re: محمد البشرى الخضر)
|
Quote: إعتذار عن شنو يا معاوية ؟؟
أنا ما قلت عايز اعتذار, هي حاجة من إتنين
إمّا تثبت إدعاءك بحقي أو تقر بكذبك
ذاتس إت .. |
من حقك يا با شمهندس
لكن
ليس لدى معاوية اثبات , أما الاقرار بالكذب فدي كتيرة يا ود البشرى مافي زول بقر بأنو كذاب .
والاعتذار اذا جاء بصورة تعبر عن الضرر الذي وقع عليك يكن أفضل أسوأ الخيارات .
وكل عام وانتم بخير
| |
|
|
|
|
|
|
|
|
|
Re: اعتذار (Re: البشير دفع الله)
|
ود البشرى سلام
حتى لاتفهمني غلط
باركت مبدأ الاعتذار في عضمو كخطوة متقدمة
ومن حقك ان تسأل عن السبب الذي جعل معاوية يبتدر بوست إعتذار بهذا الشكل
كل الاحترام والتقدير
| |
|
|
|
|
|
|
|
|
|
Re: اعتذار (Re: محمد البشرى الخضر)
|
ود البشرى سلام ... وكل عام وإنت بخير.
الإعتذار يعني الإقرار بالخطأ، لأن الذي لا يقر بخطئه لا يمكن أن يعتذر.
أتمنى أن تصلا لنهاية لهذا الموضوع الذي تأذى منه كل من مر بأحد البوستات المعنية.
إحترامي.
| |
|
|
|
|
|
|
|
|
|
Re: اعتذار (Re: محمد أبوالعزائم أبوالريش)
|
الإعتذار يعني الإقرار بالخطأ، لأن الذي لا يقر بخطئه لا يمكن أن يعتذر.
أتمنى أن تصلا لنهاية لهذا الموضوع الذي تأذى منه كل من مر بأحد البوستات المعنية.
إحترامي.
المصدر: ابو العزائم
| |
|
|
|
|
|
|
|
|
|
Re: اعتذار (Re: محمد أبوالعزائم أبوالريش)
|
يا ود البشرى يا أخوي .. المنبر ده كلو منتظر اعتذار صريح من معاوية عن خطأه في حقك ..
ومع أني شكرت معاوية على شجاعته في الاعتذار ما كنت متوقع انو يخت ليهو إيقونة زي دي  ..
بس صدقني انت كسبت الجولة دي ..
والدنيا عيد ومن عفا واصفح فأجره على الله
| |
|
|
|
|
|
|
|
|
|
Re: اعتذار (Re: جلال جبريل)
|
ما أظن قريت لي ود البشرى هنا في سودانيز أون لاين إنو طلب إعتذار......
يا ود البشرى لو إنت طلبت إعتذار هنا في سودانيز أون لاين أو بالتلفونات أو أي وسيلة تواصل أخرى قول لينا بالله
| |
|
|
|
|
|
|
|
|
|
Re: اعتذار (Re: ABUHUSSEIN)
|
تسلم يا معاوية يابطل الكبير كبير
وتعرف انت كالذهب كلما طرقوك تزيد لمعانا
اما الذين يناصرون المؤتمرجية ده سوقهم خليهم يعرضوا بضاعتهم البايرة
| |
|
|
|
|
|
|
|
|
|
Re: اعتذار (Re: مزمل خيرى)
|
| Quote: الإعتذار يعني الإقرار بالخطأ، لأن الذي لا يقر بخطئه لا يمكن أن يعتذر. |
ممكن يا محمد ابو العزائم ابو الريش
ممكن تعتذر وانت ما مقتنع ولسان حالك يقول ان كان لك عند الكل ب حاجة قوله يا سيدي
| |
|
|
|
|
|
|
|
|
|
Re: اعتذار (Re: مزمل خيرى)
|
يا شباب اعتذار دا لما يكون عفصني مثلا ما شايفني
أو حتى لو شتمني في رقبتي
لكن - ما في داعي نجيب الكابشرات تاني - لو ما عارفين الحصل اسألوا بنوريكم
إفك راسو عديل ويمسني و دائرة اصدقائي و اهلهم و ذيّله بإنه يعني ما يقول و يتحدى
فكلام زي دا ما بنتهي بإعتذار
ففكونا بالله من كلام اليدينهم في الموية و سعيكم مشكور
و يا بشير الإقرار بالكذب كتير كيف يعني؟ وشنو حكاية افضل الخيارات دي؟ انا صاحب حق يا بشير و بطالب بي حقي براس مرفوعة لاتقبل المساومات ولا انصاف الحلول
وعليكم السلام دسيس | Quote: اعتقد تاني ما باقي شيء غير المباركه |
انا لا اعتقد
وعليكم السلام ابو الريش
نهاية الموضوع دا واضحة - إلاّ لمن أبى - ادعاء اطلق في الهوا يتلوه اما اثبات أو نفي صعبة دي
و معليش يا ابو الريش اعفي لي اذية مشاعرك الرقيقة بمطالبتي بحقي في صيانة و توفير سمعتي و عرضي و كرامتي
خلاص فوّتها المرة دي و ليك علي المرة الجاية التي أُبهت فيها اراعي مشاعرك و اتنازل عن حقي
يا هشام اي جولة الله يهديك انا ما في صراع أو منافسة هنا
وعن ماذا اعفو أو اصفح ؟ مش في الأول تتعرف هي شنو الحاجة المفروض اعفو عنها و تتسمى بإسمها
| |
|
|
|
|
|
|
|
|
 Re: اعتذار (Re: مزمل خيرى)
|
يا ود البشري سلامات وكل عام وانت بخير
يعني دخلتني في المطبباتية الفوق ديل لا ايدي
لا كراعي غايتو الله في
تعرف الناس الفوق ديل أنا متأكد انهم كلهم
يتكلموا عن قيمة الاعتزار في ذات نفسه
بغض النظر عن قبولك ليه او لا وده من
حقك
بعدين ياخي كلامي كان واضح يعني عاوزني
اعمل شنو ؟ اقووم ليك محامي؟
والله يا ود البشري بصراحه زعلت جداً من اتهام
معاوية ليك وما بلومك علي اي تصرف تعمله
لكن لو احتسبته الحصل ده وسامحت أكيد
حيكون في ميزان حسناتك خاصه انك هلالابي
وذنوبك كتيرة
| |
|
|
|
|
|
|
|
|
|
Re: اعتذار (Re: امين علي الشيخ)
|
يا امين راجع توقيت كتابتي للمداخلة الفيها ذكر المطيباتية و توقيت مداخلتك
وإن كان دا لايمنع إنو مداخلتك بتصنفك مطيباتي :)
| |
|
|
|
|
|
|
|
|
|
Re: اعتذار (Re: ود الباوقة)
|
Abuhussen ياخي قول بسم الله
الدنيا عيد
ما أظن في زول دجال في البورد ده اكتر من الكيزان
كل عام وانت واسرتك بخير
| |
|
|
|
|
|
|
|
|
|
Re: اعتذار (Re: ود الباوقة)
|
ود الباوقة
الثعبان مالدغك الكلاب طويلة الارواح
Quote:
صدقني وقوفك مع بربار يؤكد بانه على باطل |
وقوفي مع معاوية علي حق
معاوية وقع في فخ نصبه له الكيزان ناس المؤتمر الوطني
معاوية غلطة زي دي مابقع فيها بالساهل
اسمع الطيرات ضربتكم ولا لا
| |
|
|
|
|
|
|
|
|
|
Re: اعتذار (Re: ود الباوقة)
|
Quote: و يا بشير الإقرار بالكذب كتير كيف يعني؟ وشنو حكاية افضل الخيارات دي؟ انا صاحب حق يا بشير و بطالب بي حقي براس مرفوعة لاتقبل المساومات ولا انصاف الحلول
|
يعني يا ود البشرى مافي زول بكتب صراحه ويقول أنا كذاب , حتى لو الزول اعترف انو غلطان حيغلف اعتذاروا بأي حاجة أو كذبة جديدة , المهم انو ما في زول بقول انو كذاب , دي حقيقة شئنا أم أبينا .
وبعدين معاوية يعترف بكذبوا عن شنو ولا شنو ؟
أما أفضل الخيارات فالمقصود بيها معاوية لأنو مفروض يعتذر واعتذار مغلظ يوازي فداحة الكلام الكتبوا في حقك وحق الكتيرين
الغلط فيهم ورماهم بألفاظ وتهم ومنهم دكتورة نجاة , ولو اعتذر بالصورة دي حيكون حفظ ماء وجهه في البورد دا , قدام الاعضاء والقراء .
وأنت فعلا صاحب حق ولك الا تقبل الاعتذار الا بالكيفية التي ترضيك لان ما قيل بحقك ليس بالشئ القليل .
| |
|
|
|
|
|
|
|
|
|
Re: اعتذار (Re: البشير دفع الله)
|
Quote:
ليس لدى معاوية اثبات , أما الاقرار بالكذب فدي كتيرة يا ود البشرى مافي زول بقر بأنو كذاب .
والاعتذار اذا جاء بصورة تعبر عن الضرر الذي وقع عليك يكن أفضل أسوأ الخيارات . |
وأكتر منها كان كذب معاوية فى حق ود البشرى وأصحابه ...
ولم يكن كذبا فقط وإنما كان سعى للفتنة والبهتان بين الناس ...
وبكل صراحة - حاولت تفادي التصريح بها لفترة طويلة لغياب معاوية
عن البورد - من يجد الجرأة بالإتيان بمثل هذا البهتان ومن لا يجد أى
وازع أخلاقى لبذله هكذا فى البورد لا يمكن أن يكون لديه أى منظومة
قيمية وحد أدنى من الأخلاق تؤهله للاعتراف بالخطأ والكذب ...
وأجزم بأنه كتب " إعتذاره " هذا تحت ضغط أصدقاءه ومعجبيه
الأقربين ومجاملة لهم وليس بإحساس حقيقى بالخطأ والندم ...
ما فعله معاوية سوء خلق وبهتان مع سبق التعمد والترصد ....
ولا خير فينا إن لم نقلها ...
| |
|
|
|
|
|
|
|
|
|
Re: اعتذار (Re: أمير عثمان)
|
سلام للجميع
فعلا يا جماعة لا بد أن نشيع ثقافة الاعتذار والتسامح وقبول الاعتذار. لكن في نفس الوقت لا بد من المحافظة على قدسية الاعتذار وعدم ابتذاله بحيث يصبح وسيلة لضياع الحقوق. يعني زي ما قال ود البشرى أنا أعفصك في المواصلات وأعتذر دي حاجة لكن ألبد ليك ورا شجرة وأطعنك بسكين دي حاجة مختلفة جدا. لو الواحد انفعل وقال لي زول يا حيوان أو شتمه بأي شتيمة تانية دي حاجة لكن يقعد ويألف لزول أشياء تمسه وتمس عرضه وأعراض أصدقائه الخشو بيته دي في تقديري حاجة مختلفة خالص.
بعدين يا جماعة التكلم باسم الضحية وتجريمه دا شنو؟ ود البشرى هنا ضحية ولا يمكن بأي حال تجريمه لعدم قبول الاعتذار (وإن كنت لا أرى أي اعتذار في المكتوب فوق دا) إذا الناس فعلا عادلة وهمها إحقاق الحق المفروض تقيف مع محمد لينال حقه وما يطالب به محمد ما حاجة كتيرة إثبات التهمة أو الاعتراف بأنها مفتراة لكن قفيل الموضوع معناه بس معاوية دا زول نبيل وأخلاقه عالية وستر ود البشرى واعتذر ليه عشان الموضوع ما يكبر.
قد يفهم البعض إنه غرضي من الكلام دا إبقاء الموضوع حي لكن دا أبدا ما غرضي. غرضي إني أثبت لضحايا معاوية حقهم في التعامل بالطريقة الشايفنها وأنا من ضحايا معاوية ولا أطلب منه اعتذار ولا حتى إثبات ما يقول كل ما سأفعله هو الانتظار وأخذ حقي منه كاملا في الدنيا دي ولا يوم يقوم الناس لرب العالمين. ود البشرى عنده طريقة تانية وفي ناس تانيين بعرفهم يدعون على معاوية ودعوة المظلوم ليس بينها وبين الله حجاب. العنده كلام يقوله لمن يفتري على الناس الكذب مش يقولوا للضحايا.
غايته زي ما بقولوا جلدا ما جلدك جر فيه الشوك لأنه كتيرين من البدافعوا عن معاوية لو أصابهم عشر معشار ما أصاب ود البشرى من كلام كان رد فعلهم حيكون أضعاف رد فعل ود البشرى.
| |
|
|
|
|
|
|
|
|
|
Re: اعتذار (Re: أمير عثمان)
|
الرسالة خلف الأيقونة المستخدمة فى عنوان البوست يمكن حتى للشافع المادخل المدرسة لسه يفهما ..
معاوية عبيد الصايم بالأيقونة دى بيرسل رسالة إنو مجبور على الإعتذار و الناس ضغطوهو !! يعنى نظام أها ياخى أعتذرت شوفو ليكم موضوع تانى ..
ما ممكن تتهم زول إنو منحرف السلوك و قاعد يشحد نسوان أصحابو و تجى تعتذر بدون أن تنفى عنه هذه التهمة على الأقل ..
محمد البشرى الخضر دفعتى فى الخرطوم القديمة الثانوية رجل فى قمة الأخلاق من هو طالب ثانوى و ما محتاج شهادة منى أصلاً
أنا معاك يا محمد .. يجب أن يعترف معاوية إنو قطع الكلام دا من راسو يا كمان جاهو من طرف تالت و هو لفحو و جا كتبو بدون ما يتحقق منو و فى الحالتين يلزمو إعتراف واضح بأنه إتهمك بإتهام لا يملك عليه أى دليل
| |
|
|
|
|
|
|
|
|
|
Re: اعتذار (Re: أمير عثمان)
|
الحبيب محمد البشري
التحايا الكبار لك وكل عام وانت وصاحب البوست وحضوركم الكريم بألف خير
الحقيقة انا لا اعرف سبب اعتذار الاخ معاوية ولكني سأقول رأيي وارجوا الا يغضبك ذلك .. ويبدو لي من خلال ردك انه قد رماك بكلام يصعب عليك تقبل اعتذاره فيه ولكني فقط اود ان اذكرك بشيئن اولهما ان الله تعالي من اسمائه العفو وهو غفور رحيم والقائل خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ والقائل ايضا فمن عفا وأصلح فأجره على الله .. ياخي امكن اجر الله ده يكون الجنة في احلي من كده .. الحاجة الثانية انت احد من ناصروني في بوست سابق اخطأت فيه انا بحق الكثيرين ونصرتني بمبدأ انصر اخاك ظالما او مظلوما فاشهد الله انك نصرتني ظالما فأرجعتني للحق ونصرتني بعد عدولي واعتذاري فكنت اول من بارك اعتذاري وانا الان مرتاح نفسيا من وقوفك معي ونصرتك لي وبفضل ذلك كسبت من خسرتهم ودرسك تعلمت منه الكثير .. فأرجوك ومن غير ان تصنفني لاي مجموعة بهذا المنبر اسألك ببركات هذه الايام المباركة ان تقبل اعتذار الرجل فلقد عرفتك كبيراً ولا بد ان تظل كذلك
تقبل مودتي واحتراماتي
| |
|
|
|
|
|
|
|
|
|
Re: اعتذار (Re: شرف الزاكي)
|
أنا أستسمح ود البشرى وله الحق في أن يرفض أو يوافق لأنه صاحب الحق والمتضرر من أكاذيب معاوية... أستسمحه في أن يضيف خيار تالت فقد يكون معاوية بنى كلامه على نقل... الخيار هو أن يصرح معاوية بأسماء من ذكروا له المعلومة الكتبها عن ود البشرى.
للذين يطالبون ود البشرى بقبول ما يسمى باعتذار معاوية المافيه أي اعتذار بل هو تهنئة بالعيد على أسلوب الإضينة دقه واعتذر له هل سيطالبون معاوية بالاعتذار للآخرين؟ أذكر منهم على عجالة ود الباوقة وبيان ومزمل خيري ومعتصم ود الجمام.
| |
|
|
|
|
|
|
|
|
|
Re: اعتذار (Re: Elawad)
|
Quote: و معليش يا ابو الريش اعفي لي اذية مشاعرك الرقيقة بمطالبتي بحقي في صيانة و توفير سمعتي و عرضي و كرامتي
خلاص فوّتها المرة دي و ليك علي المرة الجاية التي أُبهت فيها اراعي مشاعرك و اتنازل عن حقي |
معقول يا ود البشرى ده الفهمتو من كلامي؟
ياخ الكلام المؤذي الإتكلمت عنو هو الموجود في الكابشر الإنت ذكرتو ... وما أظن طلع منك.
الكلام المؤذي هو الكلام الإتأذيت منو إنت.
ما كنت قايل كلامي غامض للدرجة دي.
وعلى أي حال إنت صاحب حق من حقك تطالب بيهو ..... عشان كده الناس بيوجهوا كلامهم ليك إنت.
وبرضو بقول يا ريت توصلوا لي نهاية للمسألة كلها.
| |
|
|
|
|
|
|
|
|
|
Re: اعتذار (Re: محمد أبوالعزائم أبوالريش)
|
[red]تسلم يا معاوية يابطل الكبير كبير
وتعرف انت كالذهب كلما طرقوك تزيد لمعانا
اما الذين يناصرون المؤتمرجية ده سوقهم خليهم يعرضوا بضاعتهم البايرة
سبحان الله اتخيل انو انسان يضعن في شرف وعرض وسمعة اخية بهتانا ويفتخر يتحرش بنساء اصحابه
يجي واحد يقول ليه انت كالذهب إن بقت دى رجالتكم منعول ابوها
حسبنا الله ونعم الوكيل
| |
|
|
|
|
|
|
|
|
|
Re: اعتذار (Re: Elawad)
|
أنا أستسمح ود البشرى وله الحق في أن يرفض أو يوافق لأنه صاحب الحق والمتضرر من أكاذيب معاوية... أستسمحه في أن يضيف خيار تالت فقد يكون معاوية بنى كلامه على نقل... الخيار هو أن يصرح معاوية بأسماء من ذكروا له المعلومة الكتبها عن ود البشرى.
للذين يطالبون ود البشرى بقبول ما يسمى باعتذار معاوية المافيه أي اعتذار بل هو تهنئة بالعيد على أسلوب الإضينة دقه واعتذر له هل سيطالبون معاوية بالاعتذار للآخرين؟ أذكر منهم على عجالة ود الباوقة وبيان ومزمل خيري ومعتصم ود الجمام.
=================================================================================
الكلام الفوق دا بتاع العوض وهو الخيار الأقرب للقبول والأقرب منه وصول معلومات عن طريق الأيميلات والماسينجرات
ودي أسوأ ما في هذا البورد وكنت قد فكرت في طرح بوست يتحدث عن " وصلني بالماسينجر" حيث يكون بعضها اتهامات خطيرة وطعن في الشرف
وتوجيه تهم وتجد صاحب البوست يتبرأ بحجة انو دا ليس كلامو .
انا أعتقد ان بعض اهل الفتنة والأساءة قاموا بارسال مثل هكذا رسائل لمعاوية وهذا لن يعفي معاوية من تمام المسئولية عن ماينقل من الآخرين.
اعتذار الأخ معاوية تنقصه تفاصيل السبب الذي ساق به هذه الأتهامات ويجب أن يكون شجاعا أكثر ويوضح السبب الذي جعله يلقي مثل تلك الأتهامات الخطيرة.
اما ود البشرى وحده فله الخيار وهو صاحب الحق في القبول أو عدمه ولكننا كأخوة هنا نطلب منه الصفح وقبول الاعتذار
| |
|
|
|
|
|
|
|
|
|
Re: اعتذار (Re: MOHAMMED ELSHEIKH)
|
| Quote: ولكننا كأخوة هنا نطلب منه الصفح وقبول الاعتذار |
وانا اضم صوتي لصوتك واطلب من ود البشري الحضور وقبول الاعتذار
ويا ود البشري قسما بكل عزيز ومقدس انت المستفيد الاول من كل ما قيل فيك من افك ان صحت التسمية ومستفيد من عفوك وصفحك عنه ان انت سامحته ودليلي علي ذلك قول الحق عز وجل إن الذين جاءوا بالإفك عصبة منكم لا تحسبوه شرا لكم بل هو خير لكم لكل امرئ منهم ما اكتسب من الإثم والذي تولى كبره منهم له عذاب عظيم .. تمعن في الاية الكريمة ولا اعتقد انك ممن يحتاجون شرحاً لها .. المهم نحن في انتظار مرورك يا حبيب
| |
|
|
|
|
|
|
|
|
|
Re: اعتذار (Re: شرف الزاكي)
|
Quote: من يجد الجرأة بالإتيان بمثل هذا البهتان ومن لا يجد أى
وازع أخلاقى لبذله هكذا فى البورد لا يمكن أن يكون لديه أى منظومة
قيمية وحد أدنى من الأخلاق تؤهله للاعتراف بالخطأ والكذب ...
وأجزم بأنه كتب " إعتذاره " هذا تحت ضغط أصدقاءه ومعجبيه
الأقربين ومجاملة لهم وليس بإحساس حقيقى بالخطأ والندم ...
ما فعله معاوية سوء خلق وبهتان مع سبق التعمد والترصد ....
ولا خير فينا إن لم نقلها ... |
هو ذا
وعلى الذين يجعلون من معاوية بطلا لكتابته سطرا باهتا ورماديا أن يفهموا هذا
| |
|
|
|
|
|
|
|
|
|
Re: اعتذار (Re: البشير دفع الله)
|
| Quote: اما ود البشرى وحده فله الخيار وهو صاحب الحق في القبول أو عدمه ولكننا كأخوة هنا نطلب منه الصفح وقبول الاعتذار |
هذا كلام غير صحيح فود البشري لا بملك حق الصفح او قبول الاعتذار( ان كان هذا البوست اعتذارا ) لان البهتان لا يطالة وحدة ولا أبالغ ان قلت انه اي محمد البشري الخضر اقل واحد تضرر من هذا الكلام فمن تضرر حقيقة هم نحن أصدقائه الذين لا ندري هل معاوية علي صواب فنقع البحر او محمد مبهوت وهنا يجب ان يعترف ود الصائم بانه اما كذب ونجر الامر من راسه او ان احدا قد قد مرر له المعلومة وعلية توضيح من هو لنتابع مع هذا الأحد الموضوع
وعلية المطلوب إيراد دليل بصدق ادعاءة خاصة وانه قال انه يعني ما يقوليعني بيزيد التأكيد تأكيدا او القول صراحه انه كاذب
| |
|
|
|
|
|
|
|
|
|
Re: اعتذار (Re: شرف الزاكي)
|
الحبيب شرف كل سنة وانت طيب يعود عليك بالخير و العافية إن شاء الله
يا شرف انت من اعطيتنا درسا حقيقيا وكبيرا في كيفية الرجوع للحق و الإنتصار على النفس الأمارة بالسوء و المكابرة و حفظ قيمة الإعتذار وعدم ابتذالها
بس يا شرف و بقية الإخوة الكرام يا من تحضونني على قبول الإعتذار في البدأ جاوبوني على سؤالي : أقبل إعتذار عن ماذا؟
ماهو الفعل الموجب للإعتذار, ماذا حدث أصلا ؟
بدون ايراد كابشرات و اغلبكم يعلم ماحدث المسألة هنا اتهام كبير و جسيم و لا يعنيني وحدي بل دائرة اصحابي و زوجاتهم و تحديدا اصحابي في البورد الذين تحداهم ان يدخلوا
فقبل الحديث عن قبول اعتذار الا توجد هنا حقوق ترد, و رد الحقوق يكون بنفي الحديث و بيان كذبه واختلاقه
حينها نتحدث عن اعتذار و قبول و ما أدراك
لما كتب معاوية ما كتب و اوقف من المنبر جاء من يقول ان معاوية صادق و معاوية نبي ولم يوقف لكذبه و تهافت البعض لدرجة بعيدة جدا و استماتوا لإثبات أن خطا معاوية فقط في شخصنة الصراع و نقل الخاص للعام وما إلى ذلك
يعني نعم هو صادق في حديثه و ما افتراه و بهتني به حقيقة, بس ما كان يذكرها في بورد عام
بل لم يخلو الأمر من أطرش أو اتنين قالوها عديل لايوجد دخان من غير نار أو طاعنوا بيها بلا ادنى حياء
اها ديل حقي و حق اصحابي برجع منهم كيف لو مااعترف معاوية وبلغة سليمة واضحة لا لبس او دغمسة فيها بكذب ادعاءاته
حتى هذا البوست شنو الغرض منو؟ اظهاري بمظهر المتعنت - أو المتشفي كما قيل - ام وجه الحقيقة
لعلم الجميع - وما كنت اود ذكر الحديث دا لكن لا شيئ أخجل منه أو أخفيه - اتصل علي معاوية اليوم قبل البوست دا وكرر أكثر من مرة انه يريد مني ان املي عليه الصيغة التي ترضيني ليكتبها
و إجابتي كانت واحدة عدتها ليه و تاني بعيدها و بالنص " لا اريد إعتذار فقط الحقيقة لا غير و لتكتب بالصيغة التي ترضي ضميرك يا معاوية
وانا ما ح أمليك تكتب شنو عشان دي ما تمثيلية قدام الناس"
وللأمانة توقعت أن تكون المداخلة الأولى هي بيان حقيقة ما جرى , لكن ...!! عموما لنحسن الظن و ننتظر عودة معاوية
| |
|
|
|
|
|
|
|
|
|
Re: اعتذار (Re: محمد البشرى الخضر)
|
عزيزي العوض كل سنة وانت طيب
ما مسألة اضافة خيار تالت و لا انا قصدت حرفيا الخيارين الإتنين انا ادري انه لا معاوية ولا الدنيا كلها يمكنها اثبات قصة مختلقة اصلا ولا وجود لها
لكن من باب خليك مع الكذاب لغاية باب الدار - أونحوها
و حكاية القوالة دي بأمانة أخير منها الكذب العديل, كلنا بنسمع و بتجينا ملايين القوالات و الإفتراءات في أعراض و ذمم زملاء هنا و في غير مكان الله ما خلق أكتر من السفهاء الذين يعشقون القوالة و اكل لحم اخوانهم ميتا بالحق و بالباطل في البلد دي
لكن بنعمل شنو؟ مجرد لغو حديث يدخل من هنا ويمرق بهناك لا نقيم له وزن أو نلقي له بالا و بنعمل بأمر الله القاضي بالتبين أن نصيب قوما بجهالة فنصبح على ما فعلنا نادمين
فبالنسبة لي لا يهمني من السفيه أو السفهاء الذين نقلوا القوالة يهمني من قال أنه يعني ما يقول و يتحدى, وإذا كان الموضوع قوالة فهي محلولة يمشي للقوال دا يخليه يديه اثباتات على كلامو ويجيبها لينا
أبو الريش آسفين طيب فهمت قصدك غلط, طيب اشرح لي لو تكرمت قصدك شنو بالكلام دا | Quote: أتمنى أن تصلا لنهاية لهذا الموضوع الذي تأذى منه كل من مر بأحد البوستات المعنية. |
عارف الصيغة دي لو قراها زول ما عندو خلفية عن الموضوع بالضبط ممكن يفهم شنو؟
كأننا متشاكلين و بنتنابذ كل يوم قدامكم و بناذيكم, يا ابو الريش من اسوا خصال سودانيز - بعد قصة قبول الإعتذار عن سيد الحق قبوله من عدمه و لومه وناس ياها المحرية ... إلخ - حكاية كوجين المواقف و جمع الناس سوا دي
كدي خت نفسك مكاني ووريني كنت ح تتصرف كيف, وح تصل لنهاية موضوع زي دا كيف؟
| |
|
|
|
|
|
|
|
|
|
Re: اعتذار (Re: محمد البشرى الخضر)
|
| Quote: كدي خت نفسك مكاني ووريني كنت ح تتصرف كيف, وح تصل لنهاية موضوع زي دا كيف؟ |
دا السؤال المفروض أي زول داير يتداخل يجاوبه بينه وبين نفسه.
بالنسبة لكلامك يا محمد أنا متفق معاك ولا أعفي معاوية من المسئولية في نقل الكلام لكن فضح الناس البستعملوا المنبر والآخرين في زي الأعمال القذرة دي برضه مهم.
| |
|
|
|
|
|
|
|
|
|
Re: اعتذار (Re: محمد البشرى الخضر)
|
Quote: ما ممكن تتهم زول إنو منحرف السلوك و قاعد يشحد نسوان أصحابو و تجى تعتذر بدون أن تنفى عنه هذه التهمة على الأقل ..
|
سلام يا شباب
هذا الكلام المقتبس أعلاه ( لو ورد هكذا ) فيه قذف لود البشرى وأيضا يشمل عددا كبيرا من أصدقائه ونسائهم وليس لود البشرى ان يقبل إعتذار معاوية دون رضاهم وهذا القذف يتطلب البيان قبل الإعتذار وإغلاق الملف ، والبيان هو توضيح كيف بدأت القصة المختلقة وما هي دوافعها وكيف تم نشرها ويجب ان يسبق العفو او العقوبة بيان كذب المدعي ونشر البيان حتى يعلم من سمع بإشانة السمعة ببراءة المتهم .
فيجب ان يسبق التوبة والإعتذار بيان وتوضيح وتجلية وبراءة لكل المتهمين والمتهمات ، بل وحد وعقوبة إلا إذا تنازل كل الأطراف !!!
التصيفق لمعاوية وهو يخوض في أعراض الناس جعل منه نمرا من ورق ويستحق ما يلحقه من عقاب في الدنيا والآخرة.
إقترح ان يرفع الأمر لمحكمة شرعية تحكم في القضية كما قال الله ورسوله في حادثة الإفك ، هل قبلت السيدة عائشة إعتذارا في الإفك أم ان الحد الشرعي والبراءة المعلنة هي التى حسمت الموقف .
الذي يطبق هنا هو حد الإفك ليرتدع بقية الأفاكين وسوف تطارد المدعي قضايا كثيرة أخرى ، قال تعالى في الأفاكين:
إنَّ الَّذِينَ جَاؤُوا بِالْإِفْكِ عُصْبَةٌ مِّنكُمْ لَا تَحْسَبُوهُ شَرّاً لَّكُم بَلْ هُوَ خَيْرٌ لَّكُمْ لِكُلِّ امْرِئٍ مِّنْهُم مَّا اكْتَسَبَ مِنَ الْإِثْمِ وَالَّذِي تَوَلَّى كِبْرَهُ مِنْهُمْ لَهُ عَذَابٌ عَظِيمٌ (11) لَوْلَا إِذْ سَمِعْتُمُوهُ ظَنَّ الْمُؤْمِنُونَ وَالْمُؤْمِنَاتُ بِأَنفُسِهِمْ خَيْراً وَقَالُوا هَذَا إِفْكٌ مُّبِينٌ (12) لَوْلَا جَاؤُوا عَلَيْهِ بِأَرْبَعَةِ شُهَدَاء فَإِذْ لَمْ يَأْتُوا بِالشُّهَدَاء فَأُوْلَئِكَ عِندَ اللَّهِ هُمُ الْكَاذِبُونَ (13) وَلَوْلَا فَضْلُ اللَّهِ عَلَيْكُمْ وَرَحْمَتُهُ فِي الدُّنْيَا وَالْآخِرَةِ لَمَسَّكُمْ فِي مَا أَفَضْتُمْ فِيهِ عَذَابٌ عَظِيمٌ (14) إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُم مَّا لَيْسَ لَكُم بِهِ عِلْمٌ وَتَحْسَبُونَهُ هَيِّناً وَهُوَ عِندَ اللَّهِ عَظِيمٌ (15) وَلَوْلَا إِذْ سَمِعْتُمُوهُ قُلْتُم مَّا يَكُونُ لَنَا أَن نَّتَكَلَّمَ بِهَذَا سُبْحَانَكَ هَذَا بُهْتَانٌ عَظِيمٌ (16) يَعِظُكُمُ اللَّهُ أَن تَعُودُوا لِمِثْلِهِ أَبَداً إِن كُنتُم مُّؤْمِنِينَ (17) وَيُبَيِّنُ اللَّهُ لَكُمُ الْآيَاتِ وَاللَّهُ عَلِيمٌ حَكِيمٌ (18) إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنتُمْ لَا تَعْلَمُونَ (19)
تحياتي
| |
|
|
|
|
|
|
|
|
|
Re: اعتذار (Re: محمد الزبير محمود)
|
يا ود البشرى أنا قصدت بكلامي الكابشر الجابو أبو حسين الفوق ده .. وإنت ذكرت في أكتر من مداخلة في البوست ده إنو مافي داعي تجيب الكابشر ... ليه؟ لأنو قبيح ومؤذي ..... بالتأكيد لما قلت (الموضوع مؤذي) ما كنت بأشير لكلام قلته إنت .... هو الكابشر المذكور.
أما إقتراحي .... صراحة ما عندي إقتراح .. ولو لاحظت في بوست تاني كنت بأرد على خليل لما قال إنو كيكي إتصل بمعاوية، قلت ليهو: يا خليل عندك إنت أو كيكي إقتراح لإنهاء الموضوع؟ لأنو ود البشرى عندو خيارين لا ثالث لهما. كتبت كلامي ده لأنو ما لقيت إقتراح ينهي الموضوع وتمنيت عليكم إنكم تصلوا لشئ لإنهائه.
إحترامي.
| |
|
|
|
|
|
|
|
|
|
Re: اعتذار (Re: محمد أبوالعزائم أبوالريش)
|
الاخ محمد البشري والباخ معاوية
اعتقد ان ما يطالب به محمد البشرى قليل جداً بالنسبة لهذا القذف والاتهام الذي طاله والمحيطين به.
إذاً كزميل للطرفين في هذا المنبر اُطالب بالآتي:
1- إقرار لا لبس فيه من معاوية أن ما ذكره غير صحيح وأنه لا يملك دليل على هذه التهمة
2- أن يقبل الأخ محمد البشري هذا الإقرار على أنه نهاية للمشلكة دون اتخاذ اجراءات قانونية.
وهذا اقتراحي لحل المشكلة اتمنى أن يقبل الطرفان
| |
|
|
|
|
|
|
|
|
|
Re: اعتذار (Re: محمد أبوالعزائم أبوالريش)
|
غايتو يا ود البشرى
كان الله جابنا الامارات ... عزابه بس .. بدس الاولاد منك
غايتو المنبر ده كل يوم بنتعلم حاجة جديدة
بالنسبة للبقولوا انو الاعتذار يعني الاعتراف بالغلط
ياتو غلط ؟
غلط انو الكلام غير صحيح
ولا غلط انو الكلام صحيح لكنه خاص وما مفروض يتجاب في منبر عام
ياتو غلط فيهم لانو بتفرق كتير
| |
|
|
|
|
|
|
|
|
 Re: اعتذار (Re: وليد محمد المبارك)
|
(*)
المأساة الحقيقية انو محمد البشرى الخضر ده
يعني لو زول ممكن الواحد يشك في اخلاقه كنا بنقول ليهو اقبل الاعتذار وفلسع
ده ما استعداء للاخ معاوية ولا تحريض لودالبشرى , بس الاذية كبيرة لانو ودالبشرى
مثال للخلق الكريم ..
__________________________________________
مأزق معاوية كبير
ومأزق ودالبشرى اكبر
| |
|
|
|
|
|
|
|
|
|
Re: اعتذار (Re: كمال علي الزين)
|
ود البشرى سلام
ما كل حاجة يقبل فيها الاعتذار.... ده رأي شخصي........الزول ده فات الحدود بيغادي........فيا حبيب والله الشي الطالبو انت ده هو الحد الادنى.......
الناس البطالبك بقبول الاعتذار ارى انه بحسن نية......
ودي يا حبيب
| |
|
|
|
|
|
|
|
|
|
Re: اعتذار (Re: كمال علي الزين)
|
كمال الزين
Quote:
المأساة الحقيقية انو محمد البشرى الخضر ده
يعني لو زول ممكن الواحد يشك في اخلاقه كنا بنقول ليهو اقبل الاعتذار وفلسع
ده ما استعداء للاخ معاوية ولا تحريض لودالبشرى , بس الاذية كبيرة لانو ودالبشرى
مثال للخلق الكريم |
مع احترامي لرايك لكن الزول ذو الخلق الكريم لا يتاثر باي شئ يقال فيه
المساله مسألة تشفي في معاوية بامر من امن المؤتمر الوطني ودونك والبورد
كامل الاحترام
| |
|
|
|
|
|
|
|
|
|
Re: اعتذار (Re: saif massad ali)
|
Quote: مع احترامي لرايك لكن الزول ذو الخلق الكريم لا يتاثر باي شئ يقال فيه
المساله مسألة تشفي في معاوية بامر من امن المؤتمر الوطني ودونك والبورد |
كلام فى منتهى السطحية والضحالة ...
لا يصدر الا عن أحمق لا يعى ما يقول ... أو للتعمية وتغبيش الحق الأبلج ..
| |
|
|
|
|
|
|
|
|
|
Re: اعتذار (Re: saif massad ali)
|
Quote: مع احترامي لرايك لكن الزول ذو الخلق الكريم لا يتاثر باي شئ يقال فيه
|
دا ياتو منطق وياتو فهم ؟
يعني ( بافتراض ) لو اتختيت في مكان ود البشرى وانت رجل ذو خلق , وجاء معاوية أو أيا كان وردمك
بنفس الكلام دا , حتقبل الكلام دا على نفسك وعلى أصدقاءك باعتبار انك رجل ذو خلق ؟ يا ريت لو تجاوب بصراحه
Quote:
المساله مسألة تشفي في معاوية بامر من امن المؤتمر الوطني ودونك والبورد
|
تشفي شنو بالله , ومؤتمر وطني شنو ومعارضة شنو وبطيخ شنو ؟
انت ما شايف انو معاوية تجاوز كل حدود الممكن وغير الممكن , وهبش الناس في أعراضها ؟
وين التشفي هنا ؟
زول اتهم زول اتهام زي دا , وهو أمام خيارين , اما اثبات الاتهام أو الاقرار بانو كذب ويعتذر لود البشرى
وأصدقاءة وللأعضاء والقراء .
قال تشفي قال
| |
|
|
|
|
|
|
|
|
|
Re: اعتذار (Re: كمال علي الزين)
|
علي ما يبدوا لي أن كثير حاجات بتفوت الواحد في المنبر ، قرأت إعتذار معاوية ولم يكن لي علم بسبب الإعتذار أو عن موضوع الإعتذار
هالني ما قرأت للأمانة ، الصراع ـ أي صراع في الدنيا ما إن يتحول لما هو شخصي يفقد مبدئيته ويتحول لحاجة تانية خالص وأظنها
متمثلة في أبهي صورها في هذا الذي يحدث هنا .
أخطأ معاوية للغاية وما لا يعيه معاوية إنه أخطأ في حق نفسه في المقام الأول قبل أن يخطئ في حق رجل بقامة ودالبشري أو (أبو حتحوت)
أنا لن أتحدث هنا عن قيمة الإعتذار الذي بدر من معاوية وهو بلا شك يجد مني كثير إحترام . لكنني إستجدي وأتعشم وأتوسل لودالبشري
أن يقبل هذا الإعتذار ـ فالإعتذار في الأساس يكون رجوعاً للحق وتكفيراً للخطأ ومعاوية أخطأ في حقك يا صديقي العزيز .
ــــــــ
يا أبو حتحوت
حاول ارسل ليك مسج وفشلت فرجاءاً ياخ رسل لي تلفونك في الخاص
والمسامح كريم يا صديقي
| |
|
|
|
|
|
|
|
|
|
Re: اعتذار (Re: خضر حسين خليل)
|
يا سيف مساعد الحكاية شنو بالضبط ؟
هل ودالبشري في الأمن أو المؤتمر الوطني ؟
ولا الحاصل شنو ؟
جنس المعطات بتاعتك دي الخلقت البوست ده
فياخ رجاءاً خليك محضر خير
والوهمة بتاعت فلان في الأمن وفلان مؤتمر وطني
ده أرخووه حبه البوليس الشايلنوا في كيبورداتكم ده أريحوه من هذا السفر
| |
|
|
|
|
|
|
|
|
|
Re: اعتذار (Re: خضر حسين خليل)
|
أخطأ معاوية لا شـكـ في ذلكــــ ..
لودالبشرى وحده ودون أي إملاءآت الحق في قبول الأعتذار أو عدمه ...
معاوية بإمكانه انهاء هذا الجدل الدائر وناس المديدة حرقتني فليأتي بكل شجاعة
لأضافة كلمتين لأعتذاره توضح ان أتهامه لودالبشرى لا أساس له من الصحة .. Full Stop
__________________
ودالبشرى ....
صحيح انه ذمتكـــ واسعة .. لكنكـــ هنا
على حق
| |
|
|
|
|
|
|
|
|
|
Re: اعتذار (Re: خضر حسين خليل)
|
Quote: ما كل حاجة يقبل فيها الاعتذار.... ده رأي شخصي........الزول ده فات الحدود بيغادي........فيا حبيب والله الشي الطالبو انت ده هو الحد الادنى.......
الناس البطالبك بقبول الاعتذار ارى انه بحسن نية...... |
دا كلام صاح يا كدوك
الزول دا لازم يقر بكذبه .. لأننا بنعرف أخلاق محمد البشرى جيدا
وما في حاجة اسمها اعتذار دا كلام فاضي
| |
|
|
|
|
|
|
|
|
|
Re: اعتذار (Re: عبدالوهاب علي الحاج)
|
الحبيب ود البشري مساك سعيد
وشكراً علي ما تفضلت به من رد علي مداخلتي .. واكرر انني حقيقة كنت غير ملم بما دار بينك وبين ود الصائم ولكنني تفاجأت بما خطت يداه من اساءات بحقك وبحق معارفك الكرام وكريماتهم وهو شئ يؤسف له ان تصل المهاترات حد القذف بالافك في اعراض الناس .. وحقيقة اشهد عليها الله انني اشعر تماما بما تشعر به من مرارات, ذلك لان ما جاء به الاخ معاوية كان صادما حتي لمن يعرفك عبر المنبر ناهيك من من لهم تواصل معك وبينكم ملح وملاح .. ولكنني برغم ذلك سأحاول معك ومعه في اصلاح ذات بينكم ما استطعت لذلك سبيلا ابتغاء مرضات الله .. واتوجه اليك بسؤال اذا ما وافق الاخ معاوية علي اعترافه صراحة بكذبه او التلميح به في اعتراف ضمني تجنبا للحرج الواقع فيه فهل تقبل اعتذاره ؟ واعلم يا عزيزي ان هذا هو اجتهادي ولم اخذ الاذن منه لكتابه هذه المداخلة ووالله لا اعرفه ولا تربطني به اي معرفه او صله غير حوش بكري هذا, وارجوا ان يعذرني الاخ معاوية ان لم تروق له مداخلتي هذه فمن خلال متابعتي للبوست هذا يبدو لي ان الاخ معاوية يريد ان يضمن عدم تحريك اي اجراء قانوني ضده حال الاعتراف بما رمي به ود البشري وصحبه الكرام .. ارجو ان تتكرم بالرد يا حبيب
| |
|
|
|
|
|
|
|
|
|
Re: اعتذار (Re: خضر حسين خليل)
|
هذا البوست لا يسوى عندي ـ كمتضرر من الاتهام ـ مليم واحد!
ومادام قاعد يا معاوية وبتقرا وبتجي تعتذر كمان .. أنجز عشان ما نخسر بعض زيادة!!
أعني ما أقول!!
| |
|
|
|
|
|
|
|
|
|
Re: اعتذار (Re: محمد عبد الماجد الصايم)
|
هوووي يا سـادة .. نديكم النجيييضة
وبدون لف ودوران
معاوية الصايم اتهم محمد البشرى بشحدة نسوان أصحابو!
أنا محمد الصايم صاحب ود البشرى في المنبر وفي الحياة العامة
يعني صحبة أهل وبيوت .. وعيش وملح!!
معاوية يجي يثبت الكلام دا عشان نتصرّف مع الزول دا
يا كمان يجي يقول أنا كضاااااااب
أو يقول لينا الكلام دا نقلو لي فلان الفلاني!!
أيّ كلام غير الحاجات التلاتة دي ما بغطي معاي .. دي النجيضة!!
| |
|
|
|
|
|
|
|
|
|
Re: اعتذار (Re: محمد عبد الماجد الصايم)
|
يا فيصل محمد خليل .. ياخ خلي لينا باقي احترام
قبل كـدا وليد المباركـ قال ليكـ الكلام دا ما تدخل فيهو
الحكاية فيها بيوت وسمعة ناس!!
فـ .. يا أبعد من الموضوع أو اتحمل عواقب (دلوكة) معاوية!!!
| |
|
|
|
|
|
|
|
|
|
Re: اعتذار (Re: محمد عبد الماجد الصايم)
|
دا رابط الايقونة اعلاه:
attention/140_News.gif
ما عندها علاقه بالمشاعر، عكس استخدامنا ليها هنا!
--------
محمد الصايم كلامك صحيح ..
ومطلوب من معاوية الحقيقة وجبر الضرر ..قبل الاعتذار
بس استخدامك للايقونة غير موفق
لعل معاوية اصح منك في استخدامها!!
بعدين ح نطالبك باعتذار .. لما معاوية يصحح اعتذارو المكلفت دا بالحقيقة
| |
|
|
|
|
|
|
|
|
|
Re: اعتذار (Re: محمد عبد الماجد الصايم)
|
انا سيف مساعد
احترم راي كمال الزين
انو محمد البشري رجل مستقيم وعلي خلق
ثانيا
راي انا
لو محمد البشري ذو خلق مستقيم لايتاثر بالقيل والقال فيه
لحدي هنا انتهي حديثي
شنو الخارم بارم هنا والسطحية
عالم موهومة وفاكاها في رقبتها
| |
|
|
|
|
|
|
|
|
|
Re: اعتذار (Re: محمد عبد الماجد الصايم)
|
انا سيف مساعد
احترم راي كمال الزين
انو محمد البشري رجل مستقيم وعلي خلق
ثانيا
راي انا
لو محمد البشري ذو خلق مستقيم لايتاثر بالقيل والقال فيه
لحدي هنا انتهي حديثي
شنو الخارم بارم هنا والسطحية
عالم موهومة وفاكاها في رقبتها
| |
|
|
|
|
|
|
|
|
|
Re: اعتذار (Re: محمد عبد الماجد الصايم)
|
Quote:
النجيييضة
معاوية يجي يثبت الكلام دا عشان نتصرّف مع الزول دا
يا كمان يجي يقول أنا كضاااااااب
أو يقول لينا الكلام دا نقلو لي فلان الفلاني!!
أيّ كلام غير الحاجات التلاتة دي ما بغطي معاي .. دي النجيضة!! |
جاي من وين بالليل دة
| |
|
|
|
|
|
|
|
|
|
Re: اعتذار (Re: محمد عبد الماجد الصايم)
|
| Quote: معاوية الصايم اتهم محمد البشرى بشحدة نسوان أصحابو! |
لا حول ولا قوة الا بالله العلي العظيم ..
ده كلام شنو ده ؟؟؟؟!!!!!! معقول وصلنا مستوى زي ده ؟؟؟؟؟
ود البشرى الأنا بعرفه وقابلته أكثر من مره والله كلمة راجل فيهو زاتا ما كفاية ..
وزول بعرف الواجب متله ما لاقاني قريب .. ورجل يحب الناس بهذا المستوى ما عرفت
وكريم خصال .. وعريق أصل ...
أولا شكرا كتير لعبدالماجد الصايم لشرحه لأساس الموضوع ...
والله عيب .. عيب .. عيب ...
______________________________________
خاف دعوة المظلوم فليس بينها وبين الله حجاب .....
| |
|
|
|
|
|
|
|
|
|
Re: اعتذار (Re: خضر حسين خليل)
|
Quote: أنا لن أتحدث هنا عن قيمة الإعتذار الذي بدر من معاوية وهو بلا شك يجد مني كثير إحترام . لكنني إستجدي وأتعشم وأتوسل لودالبشري
أن يقبل هذا الإعتذار ـ فالإعتذار في الأساس يكون رجوعاً للحق وتكفيراً للخطأ ومعاوية أخطأ في حقك يا صديقي العزيز |
أخى خضر ... أسعد الله مساءك ...
ما قاله معاوية ليس خطأ غير مقصود ...
قال بهتانه ...
وتحدى ...
وقال ... أعنى ما أقول ..
وهذا هو عين " العمد وسبق الإصرار و الترصد "
ووالله لا أقول هذا ترصدا لمعاوية ولا مجاملة لود البشرى ...
فانا لا صلة لى شخصية بكليهما ...
ولكن ليتجرأ أحد بمثل هكذا بهتان وإساءة لمجموعة كبيرة من الناس ..
وفى ساحة عامة كالبورد ... فإنه الفسق و الفجور الذى لا يجدى معه
الا العقاب ... وحينما أقر الخالق عزّ وجلّ مبدأ العقاب فإنه أعلم بخلقه..
وأقل عقاب يجب أن نمارسه هنا هو التقريع والضغط والعزل الاجتماعى ...
حتى يرعوى ويظهر ندما حقيقيا وليس إعتذارا باهتا ومخادعا ...
هذا عنى كطرف غير مباشر...
أما ود البشرى واصحابه ... لا أستطيع ان أتبرع لهم بالنصيحة عن كيفية رد إعتبارهم ...
ولك التحية ...
| |
|
|
|
|
|
|
|
|
|
Re: اعتذار (Re: أمير عثمان)
|
| Quote: شنو الخارم بارم هنا والسطحية |
انت كلك علي بعض كدة خارم بارم وسطحي والرد عليك زاتو منقصة في حقنا
| |
|
|
|
|
|
|
|
|
|
Re: اعتذار (Re: الزبير صالح الزبير)
|
| Quote: التلميح به في اعتراف ضمني تجنبا للحرج الواقع فيه |
شرف الزاكي
يعني انت بتقترح جمل مثل
انو ما كان قصدو
او خانو التعبير
او يا جماعه معليش
او انو كان مهكر
او كان سكران
او كان مسطول
او كان مستعجل وما انتبه لكتاباتو
ولا قصدك حاجات تانية ما وردت علي خاطرنا
اول مرة اعرف أنة يجب وضع خاطر واعتبار لوضع الجاني ويفصل لية اعتذار قدر مقاسة
| |
|
|
|
|
|
|
|
|
|
Re: اعتذار (Re: وليد محمد المبارك)
|
يا معاويه اذا بالفعل هدفك الاعتذار و قفل الصفحه دى نهائيآ كلام ودالبشري ده واضح و صحيح بالكامل و ما فيهو لبس . أكسب روحك و استعيد احترام الناس ليك باتخاذ الخطوه الوحيده الصاح .... غير كده تبقي مكابره ساى ... و خسارات زياده ....
| |
|
|
|
|
|
|
|
|
|
Re: اعتذار (Re: الزبير صالح الزبير)
|
الزبير صالح تحياتي واحتراماتي
Quote: شرف الزاكي
يعني انت بتقترح جمل مثل
انو ما كان قصدو
او خانو التعبير
او يا جماعه معليش
او انو كان مهكر
او كان سكران
او كان مسطول
او كان مستعجل وما انتبه لكتاباتو
ولا قصدك حاجات تانية ما وردت علي خاطرنا
اول مرة اعرف أنة يجب وضع خاطر واعتبار لوضع الجاني ويفصل لية اعتذار قدر مقاسة |
لا والله انا ما قصدت اي شئ من كتاباتك دي,, بس حاجة واحده انا قصدتها وبنقاء ضمير انو اقرب وجهات النظر بين المتخاصمين حتي نصل لصيغة من معاوية مرضية لود البشري برغم جراح ومرارات الاخير .. والمسألة لا تعدو كونها اجتهادات مني انا كما اسلفت للاصلاح بين الرجلين بالرغم من ان الموضوع متشعب ,, فقط محاولات ارجوا ان لا تذهب بعيدا في تحليلاتك فليس لي مصلحة في الموضوع غير انهم اخوان ننصرهم برد الظلم عن من ظلم ورد الظالم للعدول والاعتراف والاعتذار
| |
|
|
|
|
|
|
|
|
|
Re: اعتذار (Re: شرف الزاكي)
|
عزيزي شرف شاكر ومقدر اهتمامك لكن احب الفت انتباهك لأن المسالة ما خصام أو شكلة أو خلاف وجهات نظر تحتاج للتقريب و انت تعال على نفسك شوية وانت اتنازل حبة و اتصافوا يا جماعة
لا المسألة مختلفة تماما
غض النظر عن منو غلط في حق منو و منو محقوق لمنو يوجد اتهام خطير و جسيم ويمس مجموعة كبيرة من الناس أطلق في الهواء على منبر عام و ببساطة يجب اثباته او تكذيبه ولا يمكن التعامل معاه بأي صيغة أخرى أو رهنه بأي شروط أو التزامات
اجابتي عن سؤال معاوية في التلفون عن ما يرضيني كانت كلمة واحدة : الحقيقة
فقط الحقيقة و هي قيمة مطلقة يجب السعي لها لأجلها فقط و انا بأمانة أنا للآن لاأفهم لماذا النقطة دي مستعصية على معاوية
طالما هناك حقائق ما المشكلة في اعلانها, عشان كدا قلت سأحسن الظن وأنتظر عودة معاوية
شكرا مرة تانية شرف
| |
|
|
|
|
|
|
|
|
|
Re: اعتذار (Re: شرف الزاكي)
|
.. ال..ال..ال..كلمات يلهب بها ال########ون عديمي المرؤه اشباه الرجال
حماس الافنش بسيط العقل ليكون لسان حالهم المعبر عما تخفيه قلوبهم المريضه تجاه الاخرين .فهو غير مؤاخذ
لانه مدفوع منهم نظير ان يكون واحد منهم ..فهم اعلم من غيرهم بمدي ضحاله عقله وامكانيه توجيه بوصلته
المختله لما تحب قلوبهم المريضه . فهو لا يملك من امره شئ ..لم تتجود عليه الطبيعه بعقل يميز به مايصلحه
او يضره ولا في قلبه ذره ايمان تردعه ...فمن هم؟؟ هم اشباه الرجال ولايملكون منها الا صوره الزكور ولايمتون
للرجال بِصله ..سُلبت رجولتهم (ان كانت هناك) منذ نعومه اظفارهم (ولا اقصد اعتدا جنسي علي زكورتهم)
ولكنهم راءو في منشائهم كيف كانت اعراضهم مباحه فماتت رجولتهم في مهدها ,فتمنوا ان يروا الاخرين كذلك
فكان سبيلهم القدح في اعراض الغير كذباٌ ..تراهم خلف كل باغيه يهللون ويكبرون وبحمدها وشكرها يسبحون
ولكل شريفه عفيفه سيوف السنتهم مسلوله ..فلا يهدا لهم بال حتي يروا كل الناس معهم في مستنقع رزيلتهم ..
الاخ ودالبشري اشهد انك عفيف اللسان كريم الخُلق..فلا تتنازل حتي يقر الكذاب بكذبه..
| |
|
|
|
|
|
|
|
|
|
Re: اعتذار (Re: خضر حسين خليل)
|
يا خضر يا حبيب العفو ياخ استجداء شنو وتوسل شنو ما بيناتنا بس وينو الإعتذار يا خضر عشان اقبلو أم لا
المداخلة الأولى ذات الأيقونة الغاضبة دي عبارة عن معايدة دا أولا
وثانيا قبل الإعتذار في حقوق يجب ردها وهي ليست لي فقط بل دائرة واسعة من الناس داخلين فيها
الأطرش الفوق دا كتب معاوية صادق ولا يستبعد اني عملتها ومافي دخان من غير نار, هنا Re: للعلم و هنا
Re: للعلم
اها يا خضر من غير ما معاوية يقر بكذب الإدعاء أنا أدخل صباعي في عين الأطرش دا و غيرو كيف ؟ اي نعم انا اسي مدخلها في عينو رجالة ساي لكن عايز ادخلها رجالة و منطق :)
لإثبات أو بيان كذب الإفك مسألة أساسية لو في كلام ليكن حولها قصة الإعتذار دي موضوع تاني نجيه في وقته و التلفون في البروفايل يا حبيب
بعدين يا خضر اسي انقابو دا منتظر و انا زاتي منتظر قرارو عشان اعرف مصير علاقتنا وكدا
| |
|
|
|
|
|
|
|
|
|
Re: اعتذار (Re: محمد البشرى الخضر)
|
Quote:
المداخلة الأولى ذات الأيقونة الغاضبة دي عبارة عن معايدة دا أولا
|
سلامات يا ود البشرى
الايقونة الفي صدر البوست ما ليها علاقة بالغضب او اي مشاعر .. ابداً
وهي للتعبير عن خبر عاجل في الاصل (الزول النجرا نجرا لي كدا)
والاستخدام الشايع لو كان خاطيء لا يبرر انو معناها الغضب
د. صلاح البندر دائماً بستخدمها لغرضها الجا في الكتاب .. زي ما شرح د.بله موسى قبل كدا وفك حيرة الناس القرتا على انها تعبير غضب!
-------
دا غير انو في احتمال انها تكون غير مقصودة
معاوية عنده الخبر اليقين ..
يا ريت معاوية يضمها لمجموعة (الحقائق) المطلوبة
| |
|
|
|
|
|
|
|
|
|
Re: اعتذار (Re: قيقراوي)
|
| Quote: اجابتي عن سؤال معاوية في التلفون عن ما يرضيني كانت كلمة واحدة : الحقيقة |
!!!!!!!!!!!!!!!!!!!!!!!
| |
|
|
|
|
|
|
|
|
|
Re: اعتذار (Re: قيقراوي)
|
هيا قيقرا كل سنة وانت طيب و مبروك الحج ياخ - معليش كنا نتمنى نسالمك ونبارك الحج في ظروف أحسن من كدة
وشكرا للتنبيه, مع انو الغاضبة دي وصف للأيقونة في رقبتها - لكن مافي حيل للغلاط, عليه:
يا خضر ارجو قراءة العبارة في مداخلتي على النحو التالي (المداخلة الأولى ذات الأيقونة الحمراء المولعة نار ... إلخ )
c.c : حافظ أنقابو
| |
|
|
|
|
|
|
|
|
|
Re: اعتذار (Re: قيقراوي)
|
| Quote: كل عام والناس بخير لود البشرى واصحاب ود البشرى وزملاء المنبر والقارى الكريم |
معاوية مداخلتك دي ما اعتذار ولو عايز تعتذر فالطبيعي تعترف بغلطك ومن ثم تعتذر عنة صراحة كما كان إتهامك بشكل صريح
ود البشرى يا فردة و الله الواحد ما عارف يقول ليك شنو فكل سنة وانت طيب مناسبة موش ؟
| |
|
|
|
|
|
|
|
|
|
Re: اعتذار (Re: قيقراوي)
|
عزيزي ود البشري تحياتي واسأل الله ان ينصرك برد الظلم عنك
Quote: عزيزي شرف شاكر ومقدر اهتمامك لكن احب الفت انتباهك لأن المسالة ما خصام أو شكلة أو خلاف وجهات نظر تحتاج للتقريب و انت تعال على نفسك شوية وانت اتنازل حبة و اتصافوا يا جماعة
لا المسألة مختلفة تماما |
الحقيقة كنت غير متابع لهذا الموضوع ولكنني بالرجوع قليلا للوراء ومطالعتي لبعض المداخلات اري انه من حقك المطالبة بالحقيقة ولقد عزرتك كثيرا واعلن كامل تضامني معك في محنتك, كما ارجو ان يعود الينا الاخ معاوية مدفوعا بشجاعة ليعترف بالحقيقة ويعتذر عما تجرأ بكتابته التي يندأ لها الجبين
منصور وموفق يا حبيب
| |
|
|
|
|
|
|
|
|
|
Re: اعتذار (Re: قيقراوي)
|
ما حجيت كيف يا قيقرا, قريت ليك مداخلة من منى !
كان كدا كل سنة وانت طيب ساي بدون مباركة و القابلة إن شا الله في منى حاج الدورة دي :)
قومسنجي اليسار نعلّو ود جبر الله
| |
|
|
|
|
|
|
|
|
|
Re: اعتذار (Re: قيقراوي)
|
140_News
يا قيقا .. كل عام وأنتم بخير ...
وكون بكري سمّى هذه الأيقونة أو لم يسمّها هو ورفعها على السيرفر بهذا الاسم .. فهذا لا يعني أنّها تعبّر عن خبر
ـــــــ
آخر خبر كتبو الجواب هنا
| |
|
|
|
|
|
|
|
|
|
Re: اعتذار (Re: صبري طه)
|
اها يا صبري جيتني انت!؟
اتخيل انو الايقونة اعلاه لا تعبر عن الاستغراب ابداً .. والله صحي!!
بل هي (قرفنا) بالدرب العديل داك شوف
smilies/eek.gif
-------
انا ما عاوز ابرر لمعاوية (لا سمح الله) استخدامو للايقونة في البوست دا ..
لكن عاوز اساهم بشكل او بآخر انو تكون (الحقيقة) و (الحق) هما الثيمتان الاساسيتان للبوست دا
وكلنا نقبل بالحقيقة .. ول رايكم شنو يا الركاب
| |
|
|
|
|
|
|
| |
معاوية عبيد الصائم
خضر الطيب
هشام كمال عبادي
معاوية المدير
حيدر حسن ميرغني
عباس الدسيس
امين علي الشيخ
)
الفاتح علي التوم
Abdlaziz Eisa
هشام هباني
محمد البشرى الخضر
الزبير صالح الزبير
البشير دفع الله
محمد أبوالعزائم أبوالريش
MOHAMMED ELSHEIKH
مزمل خيرى
ABUHUSSEIN
جلال جبريل
saif massad ali
أمير عثمان
Elawad
شرف الزاكي
فيصل محمد خليل
Faisal Habiballa
الصادق اسماعيل
Nader Abu Kadouk
aydaroos
خضر حسين خليل
Ahmed Abdallah
عبدالوهاب علي الحاج
محمد عبد الماجد الصايم
حافظ انقابو
قيقراوي
مرتضى احمد عبد القادر
طلحة عبدالله
فيس بوك
تويتر
انستقرام
يوتيوب
بنتيريست