دعواتكم لزميلنا المفكر د.الباقر العفيف بالشفاء العاجل
|
|
 وماذا إن إنتفضت كلورادو - مرةً أخرى !
|
بداية أستميح الأخ عاطف عذرا أن استوحيت تساؤلي من عنوان بوست له عن تظاهر سودانيي الخارج دعماً لثورة الخرطوم
ليس القصد التقليل من شأن هذا الحراك بالخارج لكن القصد النقاش حوله و حول مدى فاعليته و الفوائد المرجوّة منه وهل تتناسب مع الزخم المثار حوله في الاسافير
غير كونه اضعف الإيمان و عدا عن مسألة الكحّة الأخير من صمّة الخشم و إلإعراب عن التضامن مع الشباب بالداخل و الإحساس بالرضى الناجم عن ذلك
ما هي فوائده الحقيقية على الأرض في صالح الثورة ؟
و اضراره على الحكومة ؟
نسمع من الأخوان المشاركين و المتحمسين له
|
|
 
|
|
|
|
|
|
|
 Re: وماذا إن إنتفضت كلورادو - مرةً أخرى ! (Re: محمد البشرى الخضر)
|
Quote: الأسئلة التانية عن سبب هجرة المتظاهرين بالخارج وسبب اغترابي لا علاقة لها بالموضوع
|
ازييك تانى
ود البشرى هنا مربط الفرس والفيل والنعامة
اسباب هجرة هولاء ومن ضمنهم ات
التشريد للصالح العام
الضغوط الاقتصادية
عدم المساواة فى كل شئ
التهجير القصرى
التهميش برضو فى كل شئ
يعنى شفت ليك كوز عاطل ؟
وبعدين شنو القولان فى الدعم المعنوى ؟
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: محمد البشرى الخضر)
|
محمد ..سلام ..
المهاجرين ديل هم جزء من المجتمع السوداني اذا حاولنا نتجاوز المكان والزمان
وهم يعبرون عن تفاعلهم بقضايا وطنهم وبالمتاح لهم من وسائل
وماتنسى ان اى ازمة في السودان ترمى بظلالها عليهم بحكم ان معظمهم مسئولٌ عن اسرته في السودان .
يعني اعتبرهم ناس قاعدين في مدينة او قرية نائية في السودان وخرجوا للتظاهر ..
كما ان خروجهم في حد ذاته دفع معنوى كبير لمن هم بالداخل ويعبر عن معنى التضامن والارتباط بين الشعب .
وكمان هو لفت انتباه للمجتمع الدولي والمنظمات الانسانية بمعاناة الشعب السوداني ..
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: فايزودالقاضي)
|
ود القاضي عليكم السلام Quote: يعني اعتبرهم ناس قاعدين في مدينة او قرية نائية في السودان وخرجوا للتظاهر ..
كما ان خروجهم في حد ذاته دفع معنوى كبير لمن هم بالداخل ويعبر عن معنى التضامن والارتباط بين الشعب .
وكمان هو لفت انتباه للمجتمع الدولي والمنظمات الانسانية بمعاناة الشعب السوداني .. |
الأولى و التانية .. جلا
نجي للتالتة و هي المهمة
اها بعد اتلفت المجتمع الدولي, راجين منو شنو؟
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: محمد البشرى الخضر)
|
| Quote: اها بعد اتلفت المجتمع الدولي, راجين منو شنو؟ |
يامحمد السودان ده جزء من المجتمع الدولي ويلتزم بقوانين منظماته والمبادئ المتفق عليه دولياً ، وهناك منظمات تعنى بالاهتمام الانساني وتحرص على الدفاع عن حقوق الانسان وعدم اعتقاله وحقه في التعبير عن رأيه وحقه ان يجد محاكمة عادلة اذا اُتهم في امر ماوفي حقه ان يحس بامان في حياته.
لذلك لفت المجتمع لهذه الممارسات وبأن الشعب السوداني يعاني السجن والاعتقال التعسفي دون محاكمة اعتقد يجعل منظمات المجتمع الدولي تتحرك للضغط على الحكومة عبر وسائل سياسية ذات آلية معروفة هي بدرجة من الاهمية ..
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: عبدالوهاب علي الحاج)
|
يا ود القاضي Quote: وهناك منظمات تعنى بالاهتمام الانساني وتحرص على الدفاع عن حقوق الانسان وعدم اعتقاله وحقه في التعبير عن رأيه وحقه ان يجد محاكمة عادلة اذا اُتهم في امر ماوفي حقه ان يحس بامان في حياته.
لذلك لفت المجتمع لهذه الممارسات وبأن الشعب السوداني يعاني السجن والاعتقال التعسفي دون محاكمة اعتقد يجعل منظمات المجتمع الدولي تتحرك للضغط على الحكومة عبر وسائل سياسية ذات آلية معروفة هي بدرجة من الاهمية .. |
هو الإيشو بقى محاكمات عادلة !! يعني لو الحكومة وفرت محاكمات عادلة - تحت ظل ضغط المنظمات أو بدون ذلك لا فرق - ذاتس إت!!
يعني تظاهرات الخارج هي للتضامن مع معتقلي الداخل مينلي؟ عايز تقول كدا يا ود القاضي
هلا وهبة وكيفك
طيب النسالك كأحد المعنيين بالمسج دي
وصلتك ؟
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: محمد البشرى الخضر)
|
| Quote: طيب النسالك كأحد المعنيين بالمسج دي |
هههههههه
الغريبة انا كنت قاصد مساج = دلك او تدليك massage not message
وتصير الجملة تدليك روحي او تدليك للضمائر او نحو ذلك
مسج شنو يا مان البتصلني من واحد زي هشام هباني او الباقر كنجالات او اي نكرة قاعد برة
ديل ضمائرهم بتعمل ليهم اكولة فبيحكوها بي جنس التجمعات دي
قطعا الوهم البسووا فيهو غير مؤثر
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: عبدالوهاب علي الحاج)
|
سلام محمد
الراى العام هنا (فى كندا مثلا) يلعب دور مهم فى سياسة الدولة....
اذا اغلب الجمهور اقتنع (او تفاعل) مع كارثة تحدث فى بلاد الواق
فالحكومة حتما حتتحرك وتتفاعل مع الحدث....
مظاهرة صغيرة (من مائة شخص مثلا) فى مدينة مثل كالقرى سشاهدها
الالاف فى الشوارع وتنقلها الصحف والاذاعة والتلفزيون وسيسمع بها
كل سكان المدينة التى لديها 8 نواب فى البرلمان الفدرالى من ضمنهم
رئيس وزراء كندا استيفن هاربر ,,,,,,
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: عبدالعزيز حسين عبدالرحيم)
|
سلام ود البشرى
خليني ابداْ اول انا بسؤال من نفس تساؤلك ده ما المقصود من طرح هذا السؤال ؟؟؟؟؟؟؟؟
طيب نجي لموضوع تظاهرات الخارج والوقفات الاحتجاجية ... الجماعة فوق ادوك اسباب منطقية وجاء ود النصري برضو طرح نقطة مهمة لكن اغلبها كان مامقنع بالنسبة ليك وانا ما حاْعيد القالوا تاني بس بثني
يلا انت رايك الشخصي شنو في النهاية ؟؟؟؟؟؟ انو ناس الداخل يقولو لناس الخارج -الكحة بتاعتكم دي اخير منها صمة الخشم ولا كيف يعني؟؟؟ ولا الناس البرة دي تبطل كدة من نفسها انها تطلع ؟؟؟
العالم اصبح قرية صغيرة زي ما ود نوباوي طلعت وهزتم وارجفتم كذلك تفعل كلورادو وعلي الاقل بتاعين كلورادو ماحيقدرو يعتقلوهم
التحية لثوار الخارج او الحراك الخارجي زي ما انت قلت والتحية دبل للحراك الداخلي (الجمرة)
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: جمال الباقر)
|
ههههههه يا وهبة ياخي ما تشوف ليك كيبورد عربي عشان ما تجهجهنا معاك في الاسبلنغ
اهلا نصري | Quote: فالحكومة حتما حتتحرك وتتفاعل مع الحدث.... |
دا محور تساؤلي
الحكومة الكندية المقصود شنو بحركتها وتفاعلها شنو المتوقع منها و اثرو شنو على الثورة في الخرطوم
حرفنة شنو يا عزيز ياخوي
بنسأل عايزين نستفيد
عليكم السلام جمال
المقصود من طرح السؤال ما ورد اعلاه في الاقتباسات دي, واحد: | Quote: القصد النقاش حوله و حول مدى فاعليته و الفوائد المرجوّة منه وهل تتناسب مع الزخم المثار حوله في الاسافير |
اتنين:| Quote: فقط اريد النقاش حول الفائدة المرجوة ومدى تناسبها مع الزخم الحاصل |
تلاتة:Quote: تاني بعيد ليك انا لا اطالب اي من خرج للتظاهر بتبرير أو اثبات تضرره من النظام أو كم تبلغ وطنيته
تساؤلي محدد و بسيط
فوائد هذا الحراك وهذه المظاهرات على الثورة الحالية تحديدا
ماذا نتوقع - او نريد - من العالم أن يفعل لثورتنا؟ عشان كدا وصلنا صوت الشباب ليه |
كفاية كدا؟
بعدين مش مسألة انو ما ذكروه الشباب مقنع لي أم لا المسألة اني لسة ما لقيت اجابة على تساؤلي, كدي لامن تجي الأول بعدين نشوف حكاية مقنعة من عدمها
| Quote: انو ناس الداخل يقولو لناس الخارج -الكحة بتاعتكم دي اخير منها صمة الخشم ولا كيف يعني؟؟؟ ولا الناس البرة دي تبطل كدة من نفسها انها تطلع ؟؟؟ |
دا كلام منو؟ ما اعتقد اني قلت حاجة بالمعنى دا
عن رأيي الشخصي - في البداية لأنو النهاية لسة ما جات - حتى الآن انا عايز اعرف ما غاب عني, وما اعتدت اقطع برأي أو أحكم على اي شيئ قبل أن الم بجوانبه كلها أو ما أمكن منها
بالتأكيد معانا هنا ملمين بالسياسة الدولية و المصالح البتحكمها وما إلى ذلك و طبيعة الضغوط الممكن تجيب نتيجة مع الحكومة - ضع في اعتبارك ان الحكومة تحت الحصار من سنين عددا
و اثرها الإيجابي على الثورة
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: محمد البشرى الخضر)
|
قبل حوالى شهر الحكومة الكندية طردت السفيرة السورية واتنين
من الدبلوماسيين احتجاجا على الاحداث فى سوريا.....
وقبلها فعلت الدول الاوربية وامريكا ,,, وشوية شوية
الضغط حيزيد على سوريا لغاية ما تلقى روحها لوحدها
كما حدث للقذافى ,,,,,
الانقاذ نفس الشئ .. ممكن شوية شوية تبدا تفقد فى صداقة
العالم الخارجى حتى تصبح تحت رحمة الصين التى لا تعرف
اى مبادئ سوى المصالح المشتركة ,,,,
فى الختام داير اقول مظاهرات صغيرة هنا وهناك فى عواصم العالم تصحبها
ردود عنيفة ودموية من امن الانقاذ تجاه المتظاهرين ونلقى نفسنا نواجه
نواجه نظام معزول من العالم ....
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: النصرى أمين)
|
ود البشرى سلام
Quote: تساؤلي محدد و بسيط
فوائد هذا الحراك وهذه المظاهرات على الثورة الحالية تحديدا
ماذا نتوقع - او نريد - من العالم أن يفعل لثورتنا؟ عشان كدا وصلنا صوت الشباب ليه |
المطلوب في المفام الاول تسليط الضوء إعلاميا على المسالة ..والإعلام بشكل وسيلة ضغط غير مباشرة على الدولة المعينة ـ البتطلع فيها المظاهرةـ وبالتالي تلفت انتباه السلطة السياسية فيها إلى الموضوع ..وبالتالي ده لو تأثير على مستوى صداقات الدول ..لحد تدويل القضية ..يعني ما تستهين أبدا بالفكرة خاصة في دول بتحترم التظاهر وبتعاين ليهو بعين الاعتبار..وناس جوة يضغطوا من جوة وناس برة يستخدموا وسيلتهم وده في الأخر بشكل حصار للنظام وبخنقوا طبعا .. ده طبعا غي الرسالة التضامنية مع الدخل وارسال رسالة تقول نحن ما منفصلين عن واقعنا ..
المشكلة أنه ما تكون في (ثقة) بين الداخل والخارج ..ويكون الكلام بشكل سطحي على طريقة نحن مكويين أكتر منكم ..فالاغتراب والهجرة عندها اسبابا المعينة ..البتتلخص غالبا في عامل سياسي وعامل اقتصادي والاتنين ديل قصور اساسي من الدولة..
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: داليا حافظ)
|
Quote: فى الختام داير اقول مظاهرات صغيرة هنا وهناك فى عواصم العالم تصحبها
ردود عنيفة ودموية من امن الانقاذ تجاه المتظاهرين ونلقى نفسنا نواجه
نواجه نظام معزول من العالم .... |
كلام النصري اعلاه و المقتبس التالي من حديث مولانا أبوبكر في غير مكان Quote: على الورق ... هنالك مبدأ سيادة الدولة وعدم التدخل فى الشئون الداخلية....
ولكن فوق كل ذلك: المصالح.... فأينما كانت هنالك مصلحة متوخاة ... كان مجلس الأمن هو الزاملة التى يمتطيها القطب لتحقيق مصالحه...
بعبارات مطّاطة تتحدث عن السلام والأمن العالمى ...
الولايات المتحدة لن تعوزها الوسيلة.... وأضعف الإيمان ستُحقق المزيد من الإنبراش والتنازلات فهى دوماً تلعب لمصلحة "ورقها". |
يقود لتساؤل آخر له صلة بالموضوع
هل نعوّل على دعم خارجي للثورة لن يأتي مالم تسفك الحكومة دماءنا !!
وإن أتى لا يأتي مبرءاً من شبهة المصالح ؟
وعليكم السلام يا داليا
عند الحديث بشكل عام نعم تسليط الضوء على قضاياك مهم و التظاهر احد الوسائل الفعالة لكن السؤال في كيسنا الحالي
و العالم يدرك حقيقة أن المحرك الرئيس للاحداث الحالية في السودان هو الازمة الاقتصادية حتى وإن رفعت شعارات اخرى كدارفور أو اسقاط النظام
نتوقع شنو من المجتمع الدولي كضغوط على الحكومة من دول تعيش ذات الأزمة الاقتصادية
هل سيدعم العالم مطالبنا باسقاط النظام و يحرك الاساطيل و يحظر الطيران مثلا كما جرى في ليبيا أو البوسنة عشان الحكومة زادت البنزين و السكر !!
| |
|
|
|
|
|
|
|
|
 Re: وماذا إن إنتفضت كلورادو - مرةً أخرى ! (Re: محمد البشرى الخضر)
|
| Quote: سوري آي دونت هاف آن أرابيك كيبورد |
..
Quote: مسج شنو يا مان البتصلني من واحد زي هشام هباني او الباقر كنجالات او اي نكرة قاعد برة
ديل ضمائرهم بتعمل ليهم اكولة فبيحكوها بي جنس التجمعات دي
قطعا الوهم البسووا فيهو غير مؤثر |
اسمو الباقر جكس وليس الباقر كنجالات ..
هذا الباقر من فترة طويلة وبعد حادثة انو ضبطنا متلبسين بالونسة مع البنات وزجرنا وقتها ..
اصبح يكرر ويعيد علي سؤال لزج جدا ..
عن علاقتي بحكومة الكيزان .. وعن علاقتي بالأمن .. وإلخ .. فقد اكدت له في اكثر من موقع انني ضابط عظيم برتبة كبيرة في جهاز الأمن واني قد وضعت هنا خصيصا في موقع سودانيزاونلاين من اجل ان اتونس مع الجكس واضرب البيرة الباردة ..
..
من نوادر الاشياء ان يحرض الناس على الخروج لاسقاط النظام من السفارات الأجنبية ودول الغرب واليانكي .. هذا الــ Winrar.exe بينما ابناء الشعب بيشمو في البنبان الصيني والبنات معتقلات ..
والله حقو يرسل لي شنغن فيزا عشان اجي احيي ليهم مظاهرة واهو الواحد يكون عمل حراك ووصل (المساج) دا لي وهبة الجقروتة ..
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: tmbis)
|
ظهور الأمنجي تمبس بهذه الكثافة في أنحاء
هذه المدينة لهو مؤشر قوي بأن النظام استعاد
لياقته،،
اين كنت أيها الضابط العظيم يوم كانت الجحافل
تمشط المواقع؟ سي فوودز وكافيار والآن تبحث
عن فيزا شنغن وبكرة مايلدچ في طيران الكيه أل أم!!
ودالبشرى سلام يارائع،، تستحق كاتب الفترة بلامنازع والله
| |
|
|
|
|
|
|
|
|
 Re: وماذا إن إنتفضت كلورادو - مرةً أخرى ! (Re: عبد اللطيف بكري أحمد)
|
Quote: ظهور الأمنجي تمبس بهذه الكثافة في أنحاء
هذه المدينة لهو مؤشر قوي بأن النظام استعاد
لياقته،، |
ههههههه .. الأمنجي الكبير عبد اللطيف بكري ..
سلامات ياخ ..
يعني الواحد ما ياخد اجازة حتى ولو كانت مرضية .. شغل الجيش دا صعب كدا ؟؟
انا كنت في اجازة عمل يا من ماخد ليك اجازة في بريطانيا .. اجازتك الفي بريطانيا دي براها بتديك تلاتة اربعة دبابير مش نحن المساكين ديل ..
دخلت ايام بداية الثورة .. جوني الجماعة ناطين .. واحد قالي حررم ما تنط من السفينة دي إلا اغطسك جواها ..
واحد جاب لي لستك جواني قالي نط يا زول ..
واحد قالي لو ما بتعرف تعوم مالك .. نقط نقط نقط ؟ .. على وزن لو ما بتعرف تطير مالك نقط نقط نقط ..؟
المهم بلغني وانا في اجازة العمل .. التخاشن بينك وبين صديقي راني المساني .. تاسفت والله يا عبد اللطيف .. لكن عزيت المسالة لي احتقانات البورد .. وغالبا احتقانات البورد دي من الصعب انو الواحد يطلع منها خسران او ربحان .. فالرابح فيها دائما خاسر
اتمنى انو المياه تكون عادت لمجاريها بينك والاخ راني .. أو كما عودتني ان اكون على قدر عالي من المسؤولية في كتابتي
..
Quote: اين كنت أيها الضابط العظيم يوم كانت الجحافل
تمشط المواقع؟ سي فوودز وكافيار والآن تبحث
عن فيزا شنغن وبكرة مايلدچ في طيران الكيه أل أم!! |
لراسك عليك حقا يا استاذ .. ريحت راسي الفترة الفاتت
اما هاتفي المحمول فهو كعادته في كل شهر يتوقف تماما عن ارسال الرسائل القصيرة .. ففاتورته تباغتني في اوقات لا تحمل اي نوع من الممازحة ..
..
ود البشرى معليش .. بس عبد اللطيف دا جاري ومصيف مع عيالو في بريطانيا .. ولي فترة ما لاقيهو .. لذلك انتهز هذه الفرصة لابادله التحايا العسكرية .. واشهد الله انه ما كوز بس .. متكوزن بورديا .. فمعليش للونسة الخفيفة دي في بوست المناضلين الكلورداويين .
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: tmbis)
|
Quote: دخلت ايام بداية الثورة .. جوني الجماعة ناطين .. واحد قالي حررم ما تنط من السفينة دي إلا اغطسك جواها ..
واحد جاب لي لستك جواني قالي نط يا زول ..
واحد قالي لو ما بتعرف تعوم مالك .. نقط نقط نقط ؟ .. على وزن لو ما بتعرف تطير مالك نقط نقط نقط ..؟ |
هههههههههههههههههههه
والله صار زمان الواحد ماضحك لما عيونو دمعت!! الدموع دي موش كان طعمها ملح ملح ؟ الحي الله والكاتل الله ، الظاهر كترنا هههههه
وهسه الجدا شنو جيت داخل السفينة تاني؟ جوقة تلتينك؟ ههههههه هههههه
ياخ والله البورد دا أمتع مكان في الدنيا: أمس في بوست لأساسي عن زواج ملكة اليمين
(بيني وبينك الفكرة مابطالة) لكن عمك حيدر جني جاب مقطع لاعظم كوميديانات مصريين
بدير البابلي حسني، قسم بالله مقطع يعدل مشقة السفر لحضور مسرحية - شكراً جني
راني طلع بلدياتنا ومشى الحال،،
| |
|
|
|
|
|
|
|
|
 Re: وماذا إن إنتفضت كلورادو - مرةً أخرى ! (Re: عبد اللطيف بكري أحمد)
|
| Quote: وهسه الجدا شنو جيت داخل السفينة تاني؟ جوقة تلتينك؟ |
ملح ملح شنو يا زول ..؟ والله انت ما عرفت العندو سكري منو ..
..
والله يا عبد اللطيف انا قاعد ازرع في زراعتي ، اصلو البورد دا قلت ما عندي الحبه تجيبني ليهو .. وبمسك بي زمن ساكت الايامات دي .. خاصة وانو بدية في المشروع بتاع ابو الليل .. وخليهو في سرك ..
يللا قام واحد من الاخوان جاب لي صنارة وصارقيل وقالي امشي اصطاد في الموية العكرة .. لكن اعمل حسابك اصلو ما تعوم .. وما تمشي جمب البحر ، لانو الجماعة دجيل بلزوك ، يجدعوك البحر ـ ويغالطوك ..
اها جيت لقيت ليك البحر محمر عديل كدا .. وكل وادج شايل كوكابو وراجي السمك يجي مارق ..
..
تعرف عندي دراسة بعمل فيها .. عن منبر سودانيز دا حيث انني اكتشفت مؤخرا انو اجمل مكان الواحد ممكن يجي يصيف فوقو .. بالذات لما البحر يكون محمر .. تجي تقرا ليك تعليق تعليقين .. يا تلقى ليك واحد دايخ ما عارف الساعة كم .. والله يمتعوك وضحك ساكت ، ترتاح نفسيا ..
.
كويس انو راني طلع بلدياتكم .. ووصلو لي ارضية مشتركة .. الحمد لله ..
اهـا
ابقو مارقين .. واللا كيف ؟؟
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: عبد اللطيف بكري أحمد)
|
| Quote: و العالم يدرك حقيقة أن المحرك الرئيس للاحداث الحالية في السودان هو الازمة الاقتصادية |
سلام يا ودالبشري والمتداخلين
الثورة الفرنسية الحققت الديمقراطية والعلمانيةوالدولة الوطنية الحديثة
وقضت علي الإقطاع،المتذكرنو منها في القصص الشعبية هو جوع الفرنسيين مقابل
بسكويت ماري انطوانيت.
يعني الأزمة الإقتصادية دي طرف خيت تجرو بي تجي كل المظالم والمشاكل مدردقه
وعن البوست لو جاوبت علي أسئلة زي:
العولمة، تأثير وسائل الإتصال الحديثة، الضغط الشعبي،تشابك المصالح
بتجاوب علي سؤالك براك
وفي رأيي الناس فوق أوفت وكفت
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: aydaroos)
|
لا يا تامبا اخد راحتك و عمك عبد اللطيف مرحب بيكم دائما
ومشكور يا عبد اللطيف على المجاملة الظريفة مع انها بتغتس الحجر خاصة بعد طلعت غواصة ليك بايرسكوب قدر الليلة وبكرة :)
عيدروس يا حبيب
يعني ما ممكن تجتزء كلامي وتطلعو من سياقو و تحاججني بيه كأن المقصود الحديث عن دوافع الثورة وكدا
لا يا قريبك انا قلت هل يقتنع دافع الضرائب الغربي انو ضرايبو دي يمول بيها حرب و اساطيل و طيران و ارواح جنوده عشان يسد بيها جوعنا نحنا
و عن البوست وقت شايفه قضى و اجيبت التساؤلات كدي لخصن لي بعربي بسيط عشان ما اكون رايح ساي
ما هي الضغوط المتوقعة من المجتمع الدولي على الحكومة حيال الأحتجاجات الحالية؟
وما مدى فعاليتها ؟
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: محمد البشرى الخضر)
|
سلام يا ود البشرى وضيوفه
الوقفات الاحتجاجية امام سفارات السودان في البلدان الديموقراطية
مزعجة جدا جدا للنظام بالداخل وللاهبل الكبير رئيس النظام نفسه
سفير السودان في لندن قبل يومين قرب يبكي..
نتمنى ان تستمر هذه الوفقات..
ان فت الامن والاعتقال والترهيب في عضد شباب الداخل
فلتستمر الجذوة من الخارج ..الى ان يفرجها ربك..
المهم ان لا يتوقف مد التغيير أبدا..
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: محمد البشرى الخضر)
|
ودالبشرى سلامات
تعليق بسيط على النصرى:
مظاهرات في كندا ضد رفع رسوم التعليم
الطلاب ومن معهم مصرون على التظاهر حتى تتراجع الحكومة عن زيادة الرسوم (الفرنسية)
تظاهر نحو 15 ألف طالب ومواطن في مدينة مونتريــال ونحو خمسة آلاف في كيبك عاصمة مقاطعة كيبك الفرنكفونية بكندا احتجاجا
على زيادة رسوم التعليم، ويهدف الطلاب إلى حمل الحكومة على التراجع عن زيادة فرضتها بنسبة 82% على الرسوم المدرسية.
وانضم مئات المواطنين من كل الأعمار والاتجاهات للطلاب الذين يعبرون عن احتجاجهم على رفع الرسوم المدرسية وقانون 78 المسمى "القانون
الخاص" الذي علق الدروس في المدارس المضربة حتى استئنافها في منتصف أغسطس/آب، والذي حد أيضا من الحق في التظاهر.
ماذا فعل رئيس الوزراء بشأنها؟
لا شئ ... فالمهم كرسيه.
هل تدخلت الجارة (أمريكا) وطالبت بالإستجابة لطلبات المحتجين ؟
لا بالطبع .... لأنها شأن داخلى ... يتعلق بسياسات التعليم .... فكيف إذا كان الأمر يتعلق بالحكم؟
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: محمد البشرى الخضر)
|
ود البشري سلامات ..
كونو البشير مطلوب من محمكة الجنايات الدولية ما كفاية زي لمّا يعرفوا انو مرفوض من شعبو في اغلب بقاع الدنيا
و اعتقد الإجابة القالها معاوية عبيد بتفيد سؤال البوست وبشكل وافي
--------------------
أحسن حاجة تعمل بوست استفتاء عن القولان الممكن يتقالوا في الدعم المعنوي لهذه الانتفاضات و المسيرات الداعمة لشباب الثورة في السودان
بالنسبة لي شايفه انها ذات أهمية معنوية ... و الاعتراض و الرفض ممكن يكون عندو كمين شكل و لون زي قلت انت ..... أضعف الإيمان
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: رشا احمد)
|
سلامات يا معاذ
يعني من اهداف مظاهرات الخارج (إزعاج) النظام ؟
سلامات يا مولانا
اهلا رشا
الفكرة ما البحث عن مبررات لمشروعية التظاهر عشان استفتي فيها ناس الداخل
حق التظاهر و اتخاذ الخيارات دا لا يملكه احد غير اصحابه لكن التساؤل هنا للوصول للفوائد المرجوة من الحراك دا
وتحديدا ما ليس في صالح الحكومة
يعني نوع الضغوط التي نتوقعها نتيجة للتظاهر و نتوقع استجابة الحكومة لها
هل ستستقيل الحكومة نتيجة انتفاضات كلورادو و ايوا ولاهاي و اوسلو و لندن المتوالية ؟
هل نتيجة لكتاحة نيويورك و لحس كوع فلاديلفيا و شذاذ آفاق القاهرة ح تتراجع الحكومة عن قرارات رفع الدعم ؟
دي الاسئلة الما أجاب عليها معاوية
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: محمد البشرى الخضر)
|
يا ود البشرى
مع كل الردود الجاتك ، الجاوبت مباشرة وتلك التي إلتفت
والظرافات التي توالت من اساطين البورض ، يا زعمات رفيقك في التوريط ود الصايم
لابد من ملاحظتين :
1- مناضلي الخارج ، وهم مناضلي الكيبورد ، هم في الحقيقة مناضلين حقيقيين منهم من شرف السجون
ومنهم من عذب في بيوت الأشباح ، وجميعهم وبدون فرز مارسوا الساسة وخاضوا الفعل الثوري وتنسموا عطر البمبان
ما بيقدروا بخليفتهم تلك ، ومعظمهم ارغم قسرآ على مغادرة البلاد
أن لا يشارك في ( الزخم ) الحالي على قولك
صرف النظر عن مآلآت هذه المشاركة وجدواها وعدمه
مشاركتهم دي على أدنى مستوى وأقل فائدة ، بترضي ضميرهم الوطني وتاريخهم النضالي
ولو من باب أضعف الأيمان
2- أي حركة فيها بركة
وأختم قائلآ :
في ليبيا والآن في سوريا وقبلها في اليمن كان لتدخل المجتمع الدولي أثره المفيد
بالرغم من علقنة الروس والصين في الشأن السوري
وبلدنا لو استمر فيها الحال على ماهو عليه ، وبقصد الإنهيار الإقتصادي و أنتشار الجوع
فإن الثورة حتمية ، والنظام البيسفك الدماء من غير سبب ، لن يوفرها وح تقع مجازر
وحينها ح يكون دور المجتمع الدولي مطلوبآ
وح يكون الناتو منقذآ
رغمآ عن علقنة الروس والصين
وحينها ح تعرف فائدة مظاهرات ناس كلورادو
وكل الأصقاع النائية
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: أبو ساندرا)
|
وانا والله ماعارف جدوى حلقومي ده شنو
لكن لو وقغت الواقعة
ماعندي غيرو
بلعلع بيهو في الجزيرة والعربية مناشدآ المجتمع الدولي التدخل
وبوزع منشورات في اول دوار قريب من بيتنا تشجب الصمت العربي
وعجز الجامعة العربية ولولو الاتحاد الافريقي
وبمزق صورة امبيكي
وبفلق بالحجارة بيت كيكي
عشان ما طلع معاي
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: أبو ساندرا)
|
بالمناسبة ، انا قبل سنتين مستبقآ كل هذا
شرخت حلقومي هنا في سودانيز اونلاين وفي الفيس بوك
برسالة إلى الأمين العام للأمم المتحدة ومجلس الأمن
طالبآ منه تدخل إستباقي في السودان
لأنه إذا بدت أي ثورة
لا عندنا جيش وطني ينحاز ويضع حد للمجذرة والمهزلة
والسلطة مدججة من صوف راسهل لأخمص قدميها بالسلاح
جيش وجيش دفاع شعبي وجيش شرطة بدبابابتها وجيش جهاز الأمن
وعدد من القتلة الملتحين وبقايا دبابين ومشاريع شهداء يتوقون لبنات الحور
بعد قتلنا
والله صحي عملتها ، قبل سنتين
وما كنت شاغل نفسي بالجدوى
لكن قلت حتمآ ح تصل يومآ ما لضمير العالم
| |
|
|
|
|
|
|
|
|
|
Re: وماذا إن إنتفضت كلورادو - مرةً أخرى ! (Re: أبو ساندرا)
|
هلا ابوساندرا هلا والله | Quote: صرف النظر عن مآلآت هذه المشاركة وجدواها وعدمه |
يا معلم كيف اصرف النظر عن جدوى المشاركة ودي هي كنتة البوست زاتها
انا قلت فوق في المداخلة الاولى غير ترضي ضميرك واضعف الايمان الفاايدة شنو , الضرر على الانقاذ شنو؟ فدي هي اس الفلم دا
نجي لنمرة اتنين
| Quote: فإن الثورة حتمية ، والنظام البيسفك الدماء من غير سبب ، لن يوفرها وح تقع مجازر |
اها دي الحتة الفيها السمنة - ياقول الصافي
بدون مجازر بدون دم العالم ما بتدخل ودي زاتها في رواية لو ما اضفت ليها بدون بترول الناتو ما بحرك تعشيقة ساي خليك من حاملة طائرات
يبقى في الوضع الحالي وبوتيرة الاحتجاجات الحالية و العنف - الذكي - البتستخدمه الحكومة في افشالها ما نعشم في تدخل العالم
من مداخلات الزملاء و بقراءة للحاصل و للتاريخ القريب ممكن نلخص الفوائد المرجوة من حراك الخارج:
بعد ناس ارضاء الضمير و المساهمة و اضعف الإيمان ... إلخ
اول فائدة هي ازعاج النظام
الدعم المعنوي لثوار الداخل - وان كان لي تحفظ عليها
باقي الفوائد رهينة بمدى استخدام النظام للعنف القاتل و سفكه لدماءنا
!!!!!!!!!!
| |
|
|
|
|
|
|
| |
محمد البشرى الخضر
معاوية عبيد الصائم
فايزودالقاضي
عبدالوهاب علي الحاج
جمال الباقر
داليا حافظ
tmbis
aydaroos
معاذ حسن
أبوبكر أبوالقاسم
رشا احمد
أبو ساندرا
عبداللطيف حسن علي
فيس بوك
تويتر
انستقرام
يوتيوب
بنتيريست