|
دعواتكم لزميلنا المفكر د.الباقر العفيف بالشفاء العاجل
|
|
 Re: هذا منبر عام ... (Re: محمد البشرى الخضر)
|
Quote: هذا البوست ليس للرد على زهير تحديدا خاصة وأنّه جبن عن ذكر اسمي مقرونا بتلك الإساءة السخيفة
|
سلامات يا محمد البشرى ..
أشرحوا لينا الوقائع أو ختو لنكات عشان نفهم الحاصل ؟
| |
 
|
|
|
|
|
|
|
|
Re: هذا منبر عام ... (Re: محمد على طه الملك)
|
تحياتي ودالبشرى
حمدت لنفسي انني لم اطلع علي ما خطه زهير قبل التعديل
وحمدت لنفسي انني لم اقرأ موضوع الخلاف
ولم اعرف المقصود
لكني اثق في حكم معاوية الزبير
عموما
اتفق معك متين ما واتت احدهم الجرأة للكتابة ان يتحمل مسؤولية كتابته
وبرضو احسب نفسي صديقا لك من خلال ما تكتبه هنا
واراك موضوعيا جدا وقراي
لا انصح
ولا اقول باركوها
ولكنها رغبة ذاتية مربوطة بالمحب اذا اجدي الحب
ان يتم علاج ما بينك و زهير
فكلاكما لكم محبة في القلب
| |
|
|
|
|
|
|
|
|
|
Re: هذا منبر عام ... (Re: عبدالحفيظ ابوسن)
|
لم اطلع على ما كتب ولا اعرف ما يدور
قرأت موضوعاً فتحه زهير عن مغادرته وطلبت منه أن يبقى ولا يغادر
ثم قرأت هذا الموضوع الآن وتفاجأت بوجود خلاف بينكما لكني لا اعرف ما هو
زي عمي عبد الحفيظ ما ح اقول باركوها ... لكن ح اقول ... شوفو ليها حل
| |
|
|
|
|
|
|
|
|
|
Re: هذا منبر عام ... (Re: Hani Arabi Mohamed)
|
السلام عليكم
الحبيب ود البشرى ...
يعلم الله حتى الان لا اعرف شيء عن ما دار في بوست ما؟ بين الاحبة في المنبر
فقط لمست هناك شيء من مخاشنة بين ابو الزهور واحد "المعاويين"
وذلك من خلال مداخلة الحبيب جلالدونا في بوست توديع ازهري للمنبر ده
والان دخولك انت بهذا البوست .... الحاصل شنو بالظبط وكلكم احباب ؟!
لو في واحد عاوز يفارق اهلو كان - ينبغي علي انا بالذات، لما تعرضت له من تجني وافك
على الرغم من توضيحاتي، لكنهم اخدو بالقول الساير (حتى لو طارت غنماية)
الحاجة المزعجة هي الاصطفاف بدون معرفة وراء موقف او راي ، محبة وارتياح ومناصرة
لصديق او زميل يجري الاستحسان بينهم منهملا !..
في بوست لو اسعفتني الذاكرة - عن الاشياء التي تربط او تفرق بين الزملاء في المنبر -
فعددت نحو عشرة نقاط منها - الشللية والمناصرة والاصطفاف والمخاشنة والمشاححة ... انها تفرق بين الزملاء
فتداخل احدهم وقال بل هذه تقوي الصلة بينهم.
العجيب في الامر بعد ما حصل من مخاشنة بين اثنين منهم ، اقروا ان ما كتبته كان صواب.
فعدم استلطاف، وتسفيه راي من لا ترتاح له بسبب ان له موقف سالب في موضوع يخصك
او يتجاهل مداخلاتك في بوستاته لانك اغضبت صديق له
ويقول : انا لا احب فلان ... يا ما تحبه ولا حاجة وهو زاتو ما قال ليك حبني.. فقط كون عادل معهو ...؟!
ذُكِرَ أنَّ عمرَ بنَ الخطابِ - رضي الله عنه - قال لرجلٍ (وهو أبو مريمَ السلوليُّ): واللهِ لا أحبُّكَ حتى تحبَّ الأرضُ الدمَ.
قالَ: أفتمْنعُني حقًّا؟
قال: لا.
قال: فلا بأسَ؛ إنما يأسفُ على الحبِّ النساءُ.
وقد اقره الخليفة عمر - رضي الله عنه.
تحياتي
| |
|
|
|
|
|
|
|
|
|
Re: هذا منبر عام ... (Re: صلاح جادات)
|
سلامات مرة تانية يا ود البشرى ..
من مداخلات الإخوة هنا وفي بوست زهير فهمت الآتي :
1 - حدثت مخاشنة بينك وبين زهير صم هوير ..
2 - يبدو ان زهير كتب كلام في بوست المغادرة كان جارح وسحبو بناء على طلب المتداخلين ولم أطلع عليه ..
3 - بعد كده مافي داعي أطالبك بالعودة للمربع الأول ..
4 - أقتراح وليس أمر أن يمضي البوست في سياق عام حول ضرورة الالتزام بمعايير النقاش والبعد عن الشخصنة والتلميحات المسيئة كبوست ننويري عام ..
يا صلاح جادات رجاءا لا داعي لاجترار ما دار في بوستات سابقة ..
أترك الرجل يطرح فكرته التي قدم بها هذا البوست .
| |
|
|
|
|
|
|
|
|
|
Re: هذا منبر عام ... (Re: جلالدونا)
|
يا ود البشري
أنا ما جبان و انت عارف كدا كويس المهم أنا لا أنزل لمستوي السباب والقذف الذي كتبته ولي حق سوف أصله من خلال القانون
وسوف تري و نشوف القانون ونحتكم اليه
بعدها نري من الجبان ومن الشجاع الذي يخوض غمار المساحلات الهوائية بلا فائدة
| |
|
|
|
|
|
|
|
|
|
Re: هذا منبر عام ... (Re: زهير عثمان حمد)
|
سلامات يا زهير ..
البعرفو عنك من خلال مشاركاتك في المنبر إنك قليلا ما تعقب على مشاركات الإخوة في بوستاتك ..
بتعرض الموضوع وتترك للناس يشاركوا ..
ما عارفين وين حصلت المخاشنة بينك وود البشرى ولا عايزين نعرفا ..
طلبنا من ود البشرى يسحب ملاحظته والطلب ثناه جلالدونا مشكور ..
ياجماعة الناس بتقدركم الاثنين عشان كده تداخلت عشان نفوسكم تهدا ..
كلنا بشر وبتمر علينا لحظات ترفع درجة حساسيتنا ..
خلاص ود البشرى وصل العايز يقولو للقراء وانت وصلت العايز تقولو للقراء ..
العقلانية والحكمة تفرض عليكم الاثنين تكتفوا بالكتبتوهو هنا ..
أي زيادات بتجي خصما عليكم ..
في رايي الخاص ود البشرى يسحب ملاحظته وإنت تسحب ردك والبوست يمشي في مسار مناقشة عامة زي ما ورد في مقدمته ..
لا دايرين تنزلوا وتتتفشوا في بعض وتقيفوا وسطنا عريانين على كيفكم .
| |
|
|
|
|
|
|
|
|
|
Re: هذا منبر عام ... (Re: زهير عثمان حمد)
|
لا يا زهير أنا ما بعرفك كويّس بل لا اعرفك بتاتا ولا أتشرف
كونك تشتم س من الناس و تصفه بالعهر و السيرة القذرة التي عمّت الدنيا ولا تشير لمن هو دا جبن منك إذن أنت جبـــان
تحلّى ولو بقدر قليل من الشجاعة وقل يا فلان انت كذا وكذا واستعد لتحمّل العواقب, دي الشجاعة و الفراسة البعرفها, حتى في الخطأ يخطئ الشجاع بوضوح و يتحمّل النتائج ولا يلجأ لهذه الطريقة البائسة الجبـــانة!
ثم ها أنت تكذب مرّة أخرى بقولك انّك لن تنزل لمستوى السباب و القذف الذي كتبته, المرة دي الكذبة لإستعطاف الناس و إدّعاء ترفّع كاذب و الزعم بأنّني سببتك وقذفتك!!
جيب السباب والقذف القلت عليه, طبعا كونك حذفت البوست المعنون بـ (عملية المسيح .. أضخم نقل جوي في تاريخ السودان ) لا يعني انه لا توجد نسخ مخبأة وما بديك الحق تدّعي اني سببتك او قذفتك
إمكن تكون حذفته خوفا على ضنبك خاصة وأن المواقع الأخرى نشرت المقال منسوب لك ولا يوجد له مصدر آخر على النت, كان يمكنك حذف مداخلاتي فقط بزعم أنني سببتك أو قذفتك فيها وتبقي على المقال.
وكويّس المرة دي قلت ح تلجأ للقانون أخير من الدورة الفاتت
| |
|
|
|
|
|
|
|
|
|
Re: هذا منبر عام ... (Re: محمد البشرى الخضر)
|
تحية للأصدقاء على المرور من هنا
و معذرة يا مولانا و يا جلّي, سأواصل في البوست كيفما اتفّق ولكن لن أترك أو أحذف الملاحظة التي كتبتها, بل ربّما اواصل في موضوعها وأترك الحديث عن فكرة البوست لمرّة ثانية
شكرا يا ود اب سن لكن الأمر ليس شخصي فأنا أتخيّر, ولا اعطي شرف الخلاف الشخصي من طرف ساكت كدا
تحياتي هاني وحمد و الفاضلابي و جادات ومولانا و جلّي وشكرا على تجشم عناء التعليق
تحياتي حافظ بشير و النفس و الحمد لله بارد بس دلني على محل الختا حتى اتركه, البوست المعني حذفه كاتبه لكن يمكن الوصول للنسخة المخبأة بالطبع
| |
|
|
|
|
|
|
|
|
|
Re: هذا منبر عام ... (Re: محمد البشرى الخضر)
|
أخونا زهير استعجل في حكمه على من سأل أو تساءل عن المصدر ..
وكلنا تابعنا البوست المعني وعلقنا عليه ..
وحتى رد اخونا زهير بالبوست المعني رغم ما فيه لكن برضو فيه شعرة معاوية ..
كلنا اعترضنا على المصدر بل ومشينا بحثنا عن الكلام في مواقع اخرى ..
وأنا شخصياً استشفيت وربما أكون غلطان حسب قراءتي ..
إنه الكلام كاتبه أخونا زهير .. فكان عادي جداً يقول المصدر هو (نفسه) ..
والناس تناقشه عن الكيفية الاتوصل بيها وربط بيها خيوط المسألة دي ..
وحتى لو كانت تخمينات برضو يقول للأخوان إنه هو خمن كذا بناءاً على معلومات لديه ..
وبكده كانت انتهت الحجة والبوست كان سار في مساره الطبيعي بدون زعل ..
لأنه حقيقة والله خبر بالحجم ده ومنقول على صفحات المنبر ..
ما ممكن يكون مطلوق ساي كده في السهلة والناس تمرره دون ان تسأل عن المصدر ..
فلابد له من مرجع وأساس عشان الناس ما تقعد تخمن وتضرب أخماس في أسداس ..
زهير استعجل وربما اتضايق من سؤالنا عن المصدر ولجا لتفاسير ربما كان من الافضل تركها ..
مفروض يقول مصدره ويجاوب أو من قولة تيت يخت المصدر كان هو ولا كان غيره ..
دون اللجؤ للتنقيب والبحث عن نوايا الناس البتسأل لأنه نيات الناس ..
صعب الزول يقدر يتوصل لي كنهها بدون ادلة حتى لو كانت هناك سابقة خلاف ..
برضو حسن الظن جيد ومطلوب في الحالات الزي دي بل هو أكثر فائدة ..
كنوع من الحرص في عدم نبش واسترجاع الخلاف القديم ..
عموما انا شايف زهير اتسرع في حكمة واتضايق بلا داعي ..
فما تقوم تتسرع انت كمان يا ود البشرى ..
وتحكم على أنك انت المقصود لوحدك من زعل زهير وتركه للمنبر ..
انا غايتو شايفك انت ما مقصود براكـ كلنا انتقدنا الخبر المطلوق بدون مرجعية أو مصدر ..
فتبعا لذلك نكون كلنا مقصودين كمشاركين في طلب المصدر الاتسبب في الاشكال ..
ربنا يصلح الحال غايتو ..
واصل يا ود البشرى وكمل كل الجوانب العايز تطرحها لانك المحت لذلك في اول مداخلة ..
ومافي تحسس ومن حقك من حقنا نسأل من المصدر وناخذ اجابة مقنعة لانه ده منبر عام ..
كما تفضلت ..
| |
|
|
|
|
|
|
|
|
|
Re: هذا منبر عام ... (Re: جمال ود القوز)
|
يا جرجير سلام
غياتو الملاحظو أنا انو الأخ زهير دا
ثلاثة أرباع بوستاتو منقولة من مصادر
تانية بعضها يشير له وبعضها لا وما شفتك
يوم واحد طالبتو لا أنت لا غيرك بالمصدر
فما عارف الجديد شنو ؟؟
| |
|
|
|
|
|
|
|
|
|
Re: هذا منبر عام ... (Re: محمد البشرى الخضر)
|
Quote: كونك تشتم س من الناس و تصفه بالعهر و السيرة القذرة التي عمّت الدنيا ولا تشير لمن هو دا جبن منك إذن أنت جبـــان تحلّى ولو بقدر قليل من الشجاعة وقل يا فلان
|
سلامات يا محمد البشرى ..
مع احترامي إذا دي حجتك صدقني أنت منفعل ..
ما دام لم يورد إسمك أو صفتك يبقى أنت لبست الطاقية إفتراضا ..
أو استنتاجا على ضوء مداخلات سابقة ..
بعدين حتى الكلام الغير صريح دا هو مسحو والبوست الحصل فيهو النقاش الأول بتقول حذف..
يبقى الموضوع ما محتاج تسمعوا مره تانية للماسمع .
| |
|
|
|
|
|
|
|
|
|
Re: هذا منبر عام ... (Re: محمد البشرى الخضر)
|
الكتابة في منبر تفاعلي و عام تختلف بالطبع عن الكتابة في مدوّنة خاصة بصاحبها أو في الفيس بووك أو اي من الوسائط التي تختلف طبيعتها عن المنابر العامة, دي واحدة و الثانية وهي الأهم تناول شأن عام يهم الناس كلّها مثل أمور البلد و الحكم و حياة الناس يعطي لكل المعنيين الحق في التعليق و السؤال عن مصدر و مدى صحة المكتوب و تصحيح المعلومات الكاذبة او غير الدقيقة و طرح وجهة نظرهم التي قد تخالف وجهة نظر وزاوية نظر صاحب البوست
الطبيعي ان يتجاوب كاتب الخبر أو التحليل أو ناقله مع التفاعل الإيجابي أو السلبي مع كتابته بالطريقة التي يراها, قد تكون نقاش وجهة النظر و تفنيد المخالف لها واثبات وجهة نظره أو قد يطنّش حتى هذا الطناش هو تفاعل ما بل ومع التحديثات الأخيرة يمكنه حتى أن يمسح ما يراه مزعجا له
حتى هذه الطريقة فيها نوع من التجاوب على الإقل توصل رسالة
لكن غير الطبيعي أن يترك المكتوب و يتعدّاه إلى نيّة الكاتب و يقرأها كما يتوهّم و يفترض انه ما كتب أو سأل إلّا لحاجة في نفسه تتعلّق بإنتمائه السياسي - المفترض برضه - وربّما يستغرق في الوهم ويفترض أن المسالة ليست فقط انتماء سياسي بل لغرض خدمة الأمن عديل كدا!! يا للسذاجة
الشي التاني الإختلاف في الرؤى و زاوية النظر أمر طبيعي وسنة من سنن الله في خلقه الذي خلقنا مختلفين ولم يخلقنا نسخة واحدة متطابقة
فا كوني أرى رأيا مختلفا عن رأيك هذا أمر طبيعي, لا يعني ان تقوم بتصنيفي و تجيير هذا الإختلاف في وجهات النظر وتسبيبه و بإختلاق إنتماء سياسي أو ديني أو أي شيئ آخر
لم لا تقبل ان يختلف معك الآخر فقط لحقه في أن يرى ما لا ترى, لم لا بد أن يكون سبب هذا الإختلاف أو لنقل عدم الإتفاّق حول اي شان ما بسبب أن هذا المختلف كوز أو شيوعي أو صوفي او وهابي أو هلالابي .. إلخ
في رأيي هذا التجيير و التصنيف مردّه إلى العجز عن الدفاع عن وجهة نظرك أو مقارعة الحجج, فاللجوء للحل الأسهل و تفسير أن لفلان أجندةما يخدمها تفسير مريح و يعفيك من عناء النقاش و التحاجج.
لابد أن تنترك مساحة لكل صاحب رأي في أن يختلف إن شا الله لأجل الإختلاف فقط, ما في داع أن نتبع سبي فرعون ولا نري الآخرين إلّا ما نرى!!
نقطة أخرى وهي استدعاء سوابق - حدثت او لم تحدث - في معرض الرد او التعليق على ما كتبته, يعني مثلا جيت تقول رأيك في س موقف يقول ليك ليه زماااااان في ص موقف فعلت او لم تفعل!! يا ابن الحلال انسى من الكاتب و سيرته الذاتية, هل رأيه في الـ س موقف صاح ولا غلط؟ تناوله لوحده بمعزل عن استدعاء مواقف سابقة.
الأدهى و الأمر هي كمان مش فقط استدعاء ما قلته او لم تقله بل كمان جابت ليها افتراضات لمواقف لم تحدث اصلا, يعني يقول ليك اسّي لو حصل ع موقف مش ح تقول كذا وكذا!
ياخي النقاش بالطريقة دي صعب و طفولي إلى حد ما, استغرب أيّما استغراب في من يلجأ إليه كحجة أو كوسيلة لتحييدك أو افحامك!
| |
|
|
|
|
|
|
|
|
|
Re: هذا منبر عام ... (Re: محمد البشرى الخضر)
|
جرجير ما عارف فهمت شنو لكن
كلامي انا أنو الأخ دا ما حصل شفت ليهو بوست
من انتاجو رغم انو أكثر من مرة كتب انو ملاحق
وانو ما عارف شنو لكن ما شفت ليهو كتابة لا في
جريدة ورقية واللا إلكترونية ولا حتي في الأسافير
وكتير قامت الكتاحات هنا بخصوص المصدر إلا
في حالتو هو ما حصل يوم زول قال ليهو مصدرك
شنو مع انو حصل كتير رد على المتداخلين وكأنو
كاتب الموضوع .
من جهة اخري سؤالك عن الكاتب يعني سؤالك عن
المصدر .. الكاتب المجهول هو مصدر الكلام
الإنتقدتو اتا وبالتالي الكاتب هو المصدر ذاتو
| |
|
|
|
|
|
|
|
|
|
Re: هذا منبر عام ... (Re: محمد البشرى الخضر)
|
ممكن تورينى فهمك ليها انها زعّاطة كيف
و ليه ما قريتا من باب انو مشاركات زهير قد تزيد فى اشعال النار
و الناس جارية لى حل وسط بيناتكم يرضيك و يرضيهو
بعدين شنو حكاية شو دى
يعنى الواحد تانى يجيب معاهو مذكرات تفسيرية لى مداخلاتو
زهير تفضّل علينا باستجابتو لينا فى البوست البى غادى
و طمعت فى المزيد
ثم تعال هنا
و زى قولك """ وكت بتفسر مداخلات الناس بى كيفيك و تمسحا كمان""""
ما شايف الكلام ده بيتناقض مع كلامك بتاع التفاعلية و الذى منّو داك
ما لكم كيف تحكمون
ثم تعال هنا برضو
استكت المداخلة . اها معليش بتاعتك دى اعمل بيها شنو
كان تأستكا من سكات ... اها شمّتا فينى صديقى العزيز الدكتور ابوبكر عباس
و دى مناسبة اكرر طلبى تانى للاخ زهير بالابتعاد عى التداخل فى هذا البوست
و له كامل الحق فى قبول هذا الرجاء او رفضه
| |
|
|
|
|
|
|
|
|
|
Re: هذا منبر عام ... (Re: جلالدونا)
|
شو لأنو اصلا ما في خلاف عشان تعمل فيها اجاويد أنا قلت فوق بتخيّر ما بدّي الشرف دا من طرف, ثم هو جبن عن ان يشتم عديل كدا فليس لي عنده شيئ سوى كذبته التي حاول ان يقول اني سببته وقذفته
بعدين مسألة استجاب في البوست البي غادي دي لأنه لازم يعمل كدا هو بستر في عورته الأخرجها على الملأ, الزول يوسّخ و يطرش ولمّا يلم وسخه ويلحس طراشه عايز تعملو بطل و استجاب وتفضّل و بتاع!! دقيييقة ياخ
ثم ياخي هو قال بالواضح ماشي القانون ولاّ ما عارف ايه يعني ما جاي تاني انت عايز تلحق السوق و السلام
فوق انا قلت حتى المسح في نوع من التفاعل و توصيل رسالة , ارجع اقرأ تاني
قصة معليش دي ذوق منّي ساي كان ممكن امسحك واطنّشك
هسّي مداخلتك دي زاتها ح احذفها لكن ح اقتبس جزء من كلامك و احذف الحتة الفيها الشو عشان احافظ على السياق للتوثيق للأجيال الجاية لمّا يمشوا المكتبة :)
Quote: ممكن تورينى فهمك ليها انها زعّاطة كيف
و ليه ما قريتا من باب انو مشاركات زهير قد تزيد فى اشعال النار
و الناس جارية لى حل وسط بيناتكم يرضيك و يرضيهو
بعدين شنو حكاية شو دى
يعنى الواحد تانى يجيب معاهو مذكرات تفسيرية لى مداخلاتو
زهير تفضّل علينا باستجابتو لينا فى البوست البى غادى
و طمعت فى المزيد
ثم تعال هنا و زى قولك """ وكت بتفسر مداخلات الناس بى كيفيك و تمسحا كمان""""
ما شايف الكلام ده بيتناقض مع كلامك بتاع التفاعلية و الذى منّو داك
ما لكم كيف تحكمون
ثم تعال هنا برضو
استكت المداخلة . اها معليش بتاعتك دى اعمل بيها شنو
كان تأستكا من سكات ... اها شمّتا فينى صديقى العزيز الدكتور ابوبكر عباس |
| |
|
|
|
|
|
|
|
|
|
Re: هذا منبر عام ... (Re: جلالدونا)
|
جلّي انت فاهم بتقول في شنو ولاّ بتلفح و تليّس من طرف!!
قلت لي يسقط الإنسان من إنسانيتو لي مدارج شنو... يا النبي نوح :)
طيب ركّزمعاي, أنا لو لبست الطاقية رد فعلي كان ح يكون مختلف عن الشايفه قدّامك دا
دي إدانة عامة للسلوك نفسه بغض النظر عن المقصود منه لأنه زيما قلت فوق احتقر هذا النوع من الجبن والمطاعنة غض النظر عن من المستهدف بها
و بالمناسبة اسمها غرة ما قرة .. القر الـ..... :)
| |
|
|
|
|
|
|
|
|
|
Re: هذا منبر عام ... (Re: محمد البشرى الخضر)
|
إنا لله
يا ود البشرى مسحت مداخلتي ليه
ياخ ابردوا واستهدوا بالله
انت يا ود البشرى نفسك حار مالك الايام دي؟
لموا الموضوع
في ناس بتدخل البنبر دا من وين ووين
عشان تستفيد وتتعلم
فالناس تتسامى وتنسى عشان الحياة محتاجة كدا
غض النظر عن الحاصل
انت بالذات عندك بوست وش اسمو صلوا علي الحبيب
فكدي صلي علي الحبيب
الدنيا مامخبورة
بكرة المنبر دا بتسود بي رحيل واحد ماخد من اخوهو
وتبقى ندامة ولا شنو
مامهم الغلطان
المهم الخوة في مكاناتا
وعليك الله ماتقوم تمسح مداخلتي دي:-)
كلو منك يابكري ابوبكر
| |
|
|
|
|
|
|
|
|
|
Re: هذا منبر عام ... (Re: جلالدونا)
|
هههها كدى شوف البلفح منو
عاين للتعديل بتاع المداخلة .. تم قى الساعة7:04:01 و انت مداخلتك كانت فى الساعة 7:12:59
و الكلام ده بى توقيت قرينتش ... اها كمان عندك راى فى قرينتش؟
| |
|
|
|
|
|
|
|
|
|
Re: هذا منبر عام ... (Re: جلالدونا)
|
ثم تانياً
نحن ما ناس لفح
الخلانى اهّوهو الهوهو ده كلّو المقتبس ده
Quote: سأواصل في البوست كيفما اتفّق ولكن لن أترك أو أحذف الملاحظة التي كتبتها,
بل ربّما اواصل في موضوعها وأترك الحديث عن فكرة البوست لمرّة ثانية |
ثم بعد كل الهوهوة دى كلّها تجلى نقولى
Quote: طيب ركّزمعاي, أنا لو لبست الطاقية رد فعلي كان ح يكون مختلف عن الشايفه قدّامك
دا دي إدانة عامة للسلوك نفسه بغض النظر عن المقصود منه لأنه زيما قلت فوق احتقر هذا النوع من الجبن والمطاعنة
غض النظر عن من المستهدف بها |
ميب دى ما ياها الدايرنها ذاتا انو تسوق الظاهرة من ناحية عامة دون تخصيص
و معاك ادين الاساءة سواء كانت مباشرة او فى شكل مطاعنة
كما و لا يفوتنى ان ادين و بشدّة استكة المداخلات
| |
|
|
|
|
|
|
|
|
|
Re: هذا منبر عام ... (Re: جلالدونا)
|
سلام يا أبو حتوت
تحياتي حافظ بشير و النفس و الحمد لله بارد بس دلني على محل الختا حتى اتركه, البوست المعني حذفه كاتبه لكن يمكن الوصول للنسخة المخبأة بالطبع
أيوا هي أصلها بتبدا ببس دلني و بعديها جيب دليلك و جيب إقتباسك، داير تنشبك فيني أنا كمان!!
الواحد بقى يخاف منك عديل كدا
و الوش الأخدر دا ذاتو أنا ختيتو خوفة منك..
أنا قريت كل البوستات ذات الصلة و المداخلات و الردود عليها في وقتها.. و كتبت مداخلاتي في بوست زهير و المداخلة الفوق ديك و أنا عارف كل التفاصيل و معاني الإشارات و التلميحات ذات الصلة بهذا البوست و ملحوطته.
يا عزيزي أنا ما دخلت البوست دا كحكم، و كتبت الختا و لم أكتب الخطأ لأنو كلمة الختا مربوطة عندي باللوم أكثر مما هي مرتبطة بإصدار حكم موضوعي على سلوك او تصرف معين.
و كان عشمي أنه طالما لم يذكر إسمك صراحة مقرونا بتلك الإساءة و طالما أن الإساءة نفسها قد تم سحبها و إستجابة لطلبات الزملاء في معالجة ما تم، كان عشمي أن تتجاوز ما حدث دون الدخول في تفاصيل حقك في الرد.
دا من ناحية و من ناحية تانية أنت تقول ما لبست الطاقية و في الملحوطة بتاعتك ديك تقول زهير جبن أن يذكر إسمك أنت مقرونا بالإساءة.. إذا إنت ما لبست الطاقية كيف عرفت إنو الإسم الذي لم يُذكر هو إسمك إنت؟
| |
|
|
|
|
|
|
|
|
|
Re: هذا منبر عام ... (Re: Hafiz Bashir)
|
| Quote: أنا قريت كل البوستات ذات الصلة و المداخلات و الردود عليها في وقتها.. و كتبت مداخلاتي في بوست زهير و المداخلة الفوق ديك و أنا عارف كل التفاصيل و |
جنس عدم الشغلة اللتك من الله خلقنى مالاقتنى 😁
| |
|
|
|
|
|
|
| |
محمد البشرى الخضر
محمد على طه الملك
عبدالحفيظ ابوسن
Hani Arabi Mohamed
حمد إبراهيم محمد
Hafiz Bashir
صلاح جادات
عبدالعزيز الفاضلابى
جلالدونا
زهير عثمان حمد
جمال ود القوز
أبوبكر عباس
امجد الجميعابى
Munir
فيس بوك
تويتر
انستقرام
يوتيوب
بنتيريست