|
|
 مساعدة يا شباب لإثبات نظرية عن اختيار الأسماء المستعارة ...
|
لدي نظرية عن كيفية اختيار الأسماء المستعارة وعلاقتها بشخصية صاحبها
اسماء زي سودان ريبل و البرطوشة وكينج (لاير) وجلابي وافتخر و جيفارا و بلو كارد مع معرفتي او تخميني لشخصياتها الحقيقية دعمت نظريتي
عشان كدا عايز مساعدة من الأخوان اي واحد يوريني لو قدر له ان يختار اسم مستعار ح يختار شنو
و نشوف النتيجة هل تدعم او تدحض النظرية
ملحوظة:
لا اعني بإسم مستعار النيك نيم العادي بل أعني اسم مستعار لتخفي بيه شخصيتك الحقيقية
|
|
 
|
|
|
|
|
|
|
 Re: مساعدة يا شباب لإثبات نظرية عن اختيار الأسماء المستعارة ... (Re: محمد البشرى الخضر)
|
اسم مستعار - يعني تم استعارته من شئ ما ... الارجح ليهو علاقة من بعيد او من قريب بالشخص ... او .... لا !
وانت تريد اثبات هذا كنظرية ،،، من خلال تحليل الاسم المستعار ،،، النظرية ممكن تكون صالحة في حالة مستويات الذكاء الدنيا !
اما اسم مستعار زي أحمد حسن (مستوى مخيخ علوي فما فوق) ،،، فما حا تقدر تصل منو لى حاجة !
اولاً ظبط الفرضية عشان تقدر تصل لى نتيجة
أحمد حسن
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: محجوب البيلي)
|
هي يا أيمن مش إثبات بقدر ما هي تحقق من فرضية معينة صدفت مع مجموعة الأسماء المذكورة و غيرها
اسم مستعار زي احمد حسن دا اقرب لإنتحال شخصية عديل, الاسماء الانا قصدتها هي الرمزية و بتحمل داخلها شيئ من شخصية صاحبها أو رسالة أو قيمة ما
لو قلت ليك اختار اسم مستعار على شاكلة الأسماء اعلاه ح تختار شنو؟
حاج العوض هي ملاحظات اكتر منها نظرية و عايز اتحقق منها, ح تختار شنو يا حاااااااااااااج :)
ربنا يديم الضحكة يا بيلي, ما بتفوتك المطايب اصلو ههههههههه
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: العوض المسلمي)
|
تحياتي يا ابوحتوت؛؛؛
تحليلي لاسم:
1/الدرويشة بت ضياء :شخص كبير في السن أباوت 67--70في العمر
عاش شباب عامر بالمغامرات العاطفية وكان بتاع كلو ...
الدروشة الان :تخليص رصيد سابق مع سبحة في اليد يحملها في كل الاوقات
وقد ينساها في مكان ما ولايكترث للرجوع لاخدها
ويكتفي بشرا واحدة جديدة قد يختلف شكلها من الاولي؛
ومرات يحن لايام الشباب ...وعندما يتكّي في السرير ويعاين لسقف الغرفة
يجر سبحته ويردد استغفر الله ...99مرة؛
ويردد دائماً :يالله حسن الختام.
sudan rebel
رايح ليهو الدرب في الموية
وعايز يلحق السوق...بدون إمكانيات لذلك؛
وبرضك شغال بنظرية الما بتلحقوا جدعّو في الفيس بوك.
____
هذا ما لدي حتي الان.
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: بشير أحمد)
|
بما انني من اصحاب الاسماء المستعارة
اسمح لي بان اضيف انا احيانا لا يعدو ان يكون اختيار الاسم مجرد صدفة
مثلا اسم حبيب الكل لم اختاره لدلالة محددة حيث ازكر انه في عام 1998كان هناك موقع شات سوداني طبعا الزمن داك النتة كان شغال بالفحم ههههههههخ
واظنه كان اول تجمع سوداني في النت كان اسمه
Sudannet.net
و كانت به مشكلة في ان اسم الدخول يمكن ان يكرر وكنت في ذلك الوقت معجب بالفنان المرحوم نادر خضر ودخلت الشات تحت اسم حبيبو ولاحقا اتضح ان هناك شخص اخر يستخدم نفس الاسم وهناك شخص اخر يدخل باسم حبيب بلده وثالث باسم حبيب سارة ففضنا للاشتباك مع حبيبو الاخر اقترح احد الاعضاء اسم حبيب الكل وعندما بداء شات سودانيز اون لاين قبل افتتاح المنبر دخلت بنفس الاسم ثم الي المنبر بذات الاسم
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: بشير أحمد)
|
بما انني من اصحاب الاسماء المستعارة
اسمح لي بان اضيف انا احيانا لا يعدو ان يكون اختيار الاسم مجرد صدفة
مثلا اسم حبيب الكل لم اختاره لدلالة محددة حيث ازكر انه في عام 1998كان هناك موقع شات سوداني طبعا الزمن داك النتة كان شغال بالفحم ههههههههخ
واظنه كان اول تجمع سوداني في النت كان اسمه
Sudannet.net
و كانت به مشكلة في ان اسم الدخول يمكن ان يكرر وكنت في ذلك الوقت معجب بالفنان المرحوم نادر خضر ودخلت الشات تحت اسم حبيبو ولاحقا اتضح ان هناك شخص اخر يستخدم نفس الاسم وهناك شخص اخر يدخل باسم حبيب بلده وثالث باسم حبيب سارة ففضنا للاشتباك مع حبيبو الاخر اقترح احد الاعضاء اسم حبيب الكل وعندما بداء شات سودانيز اون لاين قبل افتتاح المنبر دخلت بنفس الاسم ثم الي المنبر بذات الاسم
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: 7abib_alkul)
|
كدا نفّستها لي يا حبيب الكل
لكن انت لما اخترته كـ نيكنيم ما كان بغرض انك تخفي شخصيتك الحقيقية بل كان لغرض الشات
انا بتكلم عن من يختار اسم مستعار يخفي بيه شخصيته الحقيقية لكن في نفس الوقت عقله الباطن بخليه يختار اسم يكشف او ذو دلالة بشخصيته الحقيقية
هسي يا حبيب الكل لو بكري اداك فرصة حساب تاني بجانب حسابك دا, ح تسميه شنو؟
| |
|
|
|
|
|
|
|
|
 Re: مساعدة يا شباب لإثبات نظرية عن اختيار الأسماء المستعارة ... (Re: smart_ana2001)
|
تحياتي ، بتطبيق النظرية قيد الدراسة على شخصي (الضعيف :) ) وجدت الآتي:
استخدامي الدائم للاسم المستعار "حب النيل" nilelove ومن ثم استخدامي للاسم في تسمية موقعي على الانترنت nilelove.org
الاسم يعكس انتماءاً أساسياً لنهر النيل الذي لا استطيع الابتعاد عنه وأجد سلواي وعزائي وفرحي جواره. وأخرج للغربة عدّة مرات وأعود لأسكن شاطئيه :) وأحاول زيارته بشكل شبه يومي.
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: Hani Arabi Mohamed)
|
مريم ذخيرة
ـ
دا طبعا" بعد إذن الزعيم لو سمح لي و..كونو ما يختارها نيكنيم أحبطني إحباط السواد
وأهو منو أترتر بيهو براحتي و...(أغلّف) لساني وأرشكم من تحت والرياحين ماليه دربي لمن تآمنوا
ــ
كنت عايز إختار ترترابي وأفتخر... بس قلت يمكن طلحة حاجزو..
ـ
و..بعيدا" عن النظرية يامعلّم مافيها بوست حتى لايكون الكلام مجاني للسته للرماديين وانصافهم
شايف الكلام أكل جمبة شديّدة مع حمودي الآخر لمّن دمّع
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: فتح الرحمن حمودي)
|
طبعا الاسماء الذكرها في بداية البورد تمثل مضاء لي فئة ابو الدرداق واعوانه من الرماديين، السادة المحللين ماف أي نظرية
لي اختيار اسم مستعار ولا حاجتين، ولا حتصل لي شيء، عندك في سوداننت اشخاص لديهم عدة بروفايلات كمثال بروفايل
يكون اسه أبوفلان لمن يتم حظره يطلع بروفايل بي اسم علان وانون أقرب لميم الملونية، الاتنين لي شخص واحد اها هل توجد
نظرية في الدنا ممكن استنتاجها لي واحد عنده بروفايلين بي اامي مختلفة، الرغبة في التحديد منشأه في انه الواحد بكون عنده
شخصية حقيقية لكن بخااااااااااااااااااااااااااف من الشخصيات البتتخفى وراء بروفايلات وهمي، وحتى البروفايلات الوهمية بتكون بتهاجمه
عشان مواقفه المشينة ولو مافيه إنّه ما كان في زول هبشو،
ولا ما كده؟
جورجق قرداحي:
عندك وسائل للمساعدة شو تختار
أبو الدرداق: الاصال بصديق
أبو الدرداق: ياخ انا ما قدرت اعرف كم بروفايل وهمي ممكن تألف لي نظرية؟ ياخ بروفايلات المعارضة دي عذبتنا عديل كده.
الرمادي: غايته انا بنظر وكان غلبني بستعين بي البروف (بيرقر كمنجة وأوف بهيفير)!!
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: Mutaz Hussien)
|
كيفك ياهندسة
ودعمي كان معانا هنا في امريكا بحضر دكتوراة
اتصل علي طلب مني اذا كان بعرف سودانيين او افارقة متزوجين من نساء غير افريقيات وعندهم عيال منهن ..
عاوز يعرف السبب البخلي الجينات الافريقية اضعف من جينات الشعوب الاخري وبالتالي الاولاد بطلعوا لامهم إذا كانت غير افريقية ولابوهم اذا كانت امهم افريقية.
المرة قالت لي هو ماعارف السبب؟ قلت ليها السبب شنو؟ قالت لي عشان بياكلوا الويكة.
يعني شقي سنين جاءت ادتو الكونكلوشن.
اها اوع نظريتك تطلع زي بتاعة ودعمي ده.
ـــــــــــــــــــــــــــــــــــ
إحتياطيا كده انا اسمي المستعار حايكون: الرضعان فوق الخُلال.
وخالد المنسي اسمه : الككو الفجغ الطين
وشيقوق: المسنوح
يلا ورينا وكان غلبك ممكن تستعين بصاحبك .. بتاع يتبع
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: Mutaz Hussien)
|
| Quote: قيقراوي في بداياتا كان المقصود بيها اخفاء حمودي |
طيب مايها دي الكنتة ياقيقرا
الإسم الاخترت تخفي بيه حمودي فيه دلالة قوية على مسقط رأسك يعني وانت بتخفي اسمك اخترت اسم يشير اليك برضو
سلمى تاور --- نورة
صعّبتيها يا سلمى :)
تحياتي يا هاني
هاني عربي --- nile love
اها دي تدعم بشكل أو بآخر الفرضية
يا أميرنا بلاش حركات, مريم ذخيرة أو ترترابي وافتخر الإتنين حديثات عهد فما تخمنا ساي
كنت حتختار شنو, ولاّ اختار ليك أنا هههههههههه
خد دي مثلا ود الصايم ايام التسجيل في سودانيز بنيك نيمز اختار "حموودي العسل" كنيكنيم, بالغ مش كدا هههههههه
غايتو يا معتز شي فرزتو وشي ما فرزتو شكلك بتكتب من تلفون يمكن
ما علينا.. Quote: الرغبة في التحديد منشأه في انه الواحد بكون عنده
شخصية حقيقية لكن بخااااااااااااااااااااااااااف من الشخصيات البتتخفى وراء بروفايلات وهمي، وحتى البروفايلات الوهمية بتكون بتهاجمه
عشان مواقفه المشينة ولو مافيه إنّه ما كان في زول هبشو، |
افهم من الكلام دا انو غلطان الزول البكتب باسمه الحقيقي و ما خايف ومستعد يتحمل مسؤولية كلامه لأنو في جبناء خايفين من توجيه الكلام ليه بصورة مباشرة وبأسمائهم الحقيقية فا متخفين تحت اسماء مستعارة
ويفهم منه ايضا تاييد لنظرية الخبير الاسكولابي البشاري انو البتهبش دايما بكون اتهبش نتيجة لمواقفه المشينة - حسب شوف الجبناء اصحاب الاسماء المستعارة, ومفروض يمش عدل وما في زول بهبشه - عدل دي حسب شوف واحد جبـــان ما بقدر يكتب باسمه الحقيقي, صاح كدا؟ دا القاصدو؟
هههههههههههه الفهم ما عندك لكن
انعم وأكرم والله, الأخو سكولابي برضك, ترترابي دي عرفناها:)
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: محمد البشرى الخضر)
|
كنت اكتب باسم رومانسي وكان قد نجره لي صديقي في المنبر المريود ابن عم الخواض الذي بالمانيا عضو المنبر ايضا كان مشرف في ذلك الوقت مساعدا للاخ بكري في اول بداية المنبر وساهم معه في الامور الفنية كما اذكر قلت له اختار لي نك نيم فاختار لي رومانسي وعمل لي اسم تسجيل وسلمني له , اها بعد فترة زهجت من قصة رومانسي دي لقيتها ما مقسمة مع امكانياتي "الشريرة" .
بعدها وانا في الماسنجر مع صديقي حبيب الكل اعلاه اقترحت له بعض النك نيم بدلا من رومانسي , اذكر منها , كجنكي مسمار الزنكي  و بعاتي , واساسي , فكان ان ضبح لي صديقي حبيب الكل سماية اساسي واثني عليه وقد كان اساسي من يومها
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: محمد البشرى الخضر)
|
Quote:
فهم من الكلام دا انو غلطان الزول البكتب باسمه الحقيقي و ما خايف ومستعد يتحمل مسؤولية كلامه لأنو في جبناء خايفين من توجيه الكلام ليه بصورة مباشرة وبأسمائهم الحقيقية فا متخفين تحت اسماء مستعارة
ويفهم منه ايضا تاييد لنظرية الخبير الاسكولابي البشاري انو البتهبش دايما بكون اتهبش نتيجة لمواقفه المشينة - حسب شوف الجبناء اصحاب الاسماء المستعارة, ومفروض يمش عدل وما في زول بهبشه - عدل دي حسب شوف واحد جبـــان ما بقدر يكتب باسمه الحقيقي, صاح كدا؟ دا القاصدو؟
هههههههههههه الفهم ما عندك لكن
انعم وأكرم والله, الأخو سكولابي برضك, ترترابي دي عرفناها:)
|
تعرف مرة مشيت الليق في واحد راكل كبير كده اظنه من الجماعة الإياهم صحبه شاغله قال لي انت زي القواني دا في زول اتعود ياخد بيدي، عمك الكبير ما فنجط ونطط انتا منو وما بتتحمل المسؤولية كلامك وما عارف شنو مشىجاب ليه سيخة صغيرة ، الناس ضحكت سألته السيخة دي كنت بتعمل بيها شنو.
تخريمة : الكورة دي كلو كلو مافيها مساعد قون ، شي غريب، لو فيه بسموه ضنبابي.
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: Mutaz Hussien)
|
Quote:
طبعا الاسماء الذكرها في بداية البورد تمثل مضاء لي فئة ابو الدرداق واعوانه من الرماديين، السادة المحللين ماف أي نظرية
لي اختيار اسم مستعار ولا حاجتين، ولا حتصل لي شيء، عندك في سوداننت اشخاص لديهم عدة بروفايلات كمثال بروفايل
يكون اسه أبوفلان لمن يتم حظره يطلع بروفايل بي اسم علان وانون أقرب لميم الملونية، الاتنين لي شخص واحد اها هل توجد
نظرية في الدنا ممكن استنتاجها لي واحد عنده بروفايلين بي اامي مختلفة، الرغبة في التحديد منشأه في انه الواحد بكون عنده
شخصية حقيقية لكن بخااااااااااااااااااااااااااف من الشخصيات البتتخفى وراء بروفايلات وهمي، وحتى البروفايلات الوهمية بتكون بتهاجمه
عشان مواقفه المشينة ولو مافيه إنّه ما كان في زول هبشو،
ولا ما كده؟
جورجق قرداحي:
عندك وسائل للمساعدة شو تختار
أبو الدرداق: الاصال بصديق
أبو الدرداق: ياخ انا ما قدرت اعرف كم بروفايل وهمي ممكن تألف لي نظرية؟ ياخ بروفايلات المعارضة دي عذبتنا عديل كده.
الرمادي: غايته انا بنظر وكان غلبني بستعين بي البروف (بيرقر كمنجة وأوف بهيفير)!! |
رغم اني بفتكر اني بفهم كويس واي خطاب بقدر احلل غوره وسطحه مشفر فاضح وكلو
وقريت مسرح وادب ودراسة وتحليل ونقد وفلسفة وعلم نفس وعلوم الاتصال وكنت فيها من المتفوقين
الا انني اجد نفسي عاجزة عن فهم ما يكتبه هذا الزول؟؟
في عجز تواصل مريع بيني وبين ما يكتبه هذا الزول.
هل فيكم زول ذي ذي في الحتة دي؟؟؟؟
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: omer osman)
|
| Quote: لايقة عليك يا امير الظلام |
ههههههه يازعيم شنو أمير الظلام دي يعني علشان ماسكين خشمنّا علينّا والله الإستنارة
اللتي لو كبيتها هنا البورد دا بق كدا ينوّر ويستنيّر و..الباقي ممكن ينوّر البوردات المجاورة
ــ
وبخصوص لايقة عليّ ...فــأقوول ...أمشي كدا ولا كدا يافريد ووحيدة 
ـ
وباي زا واي ..عملت لينا شنو في موضوع الإعتذارات الما تمت ديك
ــ
يا أبو حتوت إختار..إختار..مادام تمبس قال الرّيس لصقوا فيه وأساسي أختارو ليهو
بس الله يرضى عليك يكون أسم ماتشنغ مع "روحي الحلوة" دي
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: أمير محي الدين محمد)
|
أنا اعتقد أن اللجوء للاسم المستعار في حد ذاته يثير إشكالية على مستوى الهوية والمسؤولية والنظر إلى الذات. والاسم المستعار شكل من أشكال التنكر الذي يتيح للفرد القيام بأفعال كلامية أو سلوكية لا يريد أن يتحمل تبعاتها في الواقع (كالشتم وإلقاء ساقط القول، أو التصرف بكيفية مزمومة وعندما يُدان، يسقط الإدانة على الاسم المستعار وليس على نفسه)؛ وربما يقلل الاسم المستعار من الثقة بالنفس والاعتزاز باقوالها وأفعالها في الحالات الإيجابية، لأن الصورة الذهنية التي يشكلها الآخر عن صاحب الاسم المستعار، قد يصعب ترحيلها لكي تلازم الشخص عندما يظهر على حقيقته. وقد يشير اللجوء للاسم المستعار إلى الجهل بالأبعاد التقنية للفضاء السايبري (المتغطي فيهو عريان)، التي تتيح الوصول للمختبئين بشتى الطرق لمن ملكوا ناصية تقنية المعلومات. إن واقع تقنية المعلومات المعاصر يعزز الإيمان بأن الإنسان مراقب وكل كبيرة أو صغيرة يأتي بها فهي محصية في كتاب، فلا جدوى من الاختباء. الاسم المستعار يقتضي من الآخر أن يخزن في ذاكرته هويتين واسمين للشخص نفسه، وهذا إهدار للقدرات الإدراكية.
ربما كان هناك حل أفضل للتعبير عن الشخصية بإضافة التوقيع للاسم (مثلما يحدث في بعض المنتديات)، بدلا من استخدام الاسم المستعار.
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: محمد الأمين موسى)
|
Quote: أنا اعتقد أن اللجوء للاسم المستعار في حد ذاته يثير إشكالية على مستوى الهوية والمسؤولية والنظر إلى الذات. والاسم المستعار شكل من أشكال التنكر الذي يتيح للفرد القيام بأفعال كلامية أو سلوكية لا يريد أن يتحمل تبعاتها في الواقع (كالشتم وإلقاء ساقط القول، أو التصرف بكيفية مزمومة وعندما يُدان، يسقط الإدانة على الاسم المستعار وليس على نفسه)؛ وربما يقلل الاسم المستعار من الثقة بالنفس والاعتزاز باقوالها وأفعالها في الحالات الإيجابية، لأن الصورة الذهنية التي يشكلها الآخر عن صاحب الاسم المستعار، قد يصعب ترحيلها لكي تلازم الشخص عندما يظهر على حقيقته. وقد يشير اللجوء للاسم المستعار إلى الجهل بالأبعاد التقنية للفضاء السايبري (المتغطي فيهو عريان)، التي تتيح الوصول للمختبئين بشتى الطرق لمن ملكوا ناصية تقنية المعلومات. إن واقع تقنية المعلومات المعاصر يعزز الإيمان بأن الإنسان مراقب وكل كبيرة أو صغيرة يأتي بها فهي محصية في كتاب، فلا جدوى من الاختباء. الاسم المستعار يقتضي من الآخر أن يخزن في ذاكرته هويتين واسمين للشخص نفسه، وهذا إهدار للقدرات الإدراكية.
ربما كان هناك حل أفضل للتعبير عن الشخصية بإضافة التوقيع للاسم (مثلما يحدث في بعض المنتديات)، بدلا من استخدام الاسم المستعار |
.
شكرا للوالد العزيز /محمد الأمين موسى
وأقول للدكتور محمد الأمينأن هناك اسماء مستعارة لم يختارها الشخص لنفسه بل تم اسقاطها عليه من المجتمع حوله.
في قريتنا: قمنا بعمل دراسة لأيجاد شخص ليس لديه اسم مستعار فوجدنا نفرين بس!!! تتصور
ياخ من شدة ما مشت فينا الأسماء المستعارة حتى صار المستعار هو الأصل ويتم اطلاق اسم مستعار آخر على الشخص:
مثلا: حسن: من طفولته اسمو ود البصير وصارت هي الأصل ويطلق عليه بعد كدا بحر الغزال!
محجوب : اسمه بنيش ولكن هو الآن البنو
انا لو تركتهم لأطلقوا علي اسم "مصران"
ومصران اسم شيطان في كتب المطالعة المتوسطة زمااااان قمت بتمثيل دوره فتم اطلاقه على شخصى في ذاك الوقت.
انا احب اطلاق اسم ود الشيخ مع ان والدي هو محمد الأمين موسى!
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: محمد أبوالعزائم أبوالريش)
|
أبو العزائم دا ما المقصود بي البوست، الزول دا جاب اسامي معينة وحتلقى اغلبهم عل خلاف معه ، يعني تصفية حسابات
فهو البعض شايفهم وعارفهم فمحتار داير يعرف الباقي، طبعا أبو الدرداق داك فشل في انه يعرف بعض البروفايلات.
الاسم الستعار لا يتطلب للضرورة التخفي يعني ممكن عاجبه اسم معين داير استخدمه، او هو مناضل ضد الحكومة وداير يخفي شخصيته
لأي داعي أمني (من حقه طبعا) فيبقى مسألت يوريك هو منو بتكون نوع من العوارة والعباطة.
حسي مثلا لو قالوا ي اختار اسم حأختار،
كاسترو حبيب حبوبه.
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: Mutaz Hussien)
|
معتز حسين ...
ياخ يخيل لي إنت حمّلت الموضوع أكتر من حقو.
Quote: الاسم الستعار لا يتطلب للضرورة التخفي يعني ممكن عاجبه اسم معين داير استخدمه، او هو مناضل ضد الحكومة وداير يخفي شخصيته
لأي داعي أمني (من حقه طبعا) فيبقى مسألت يوريك هو منو بتكون نوع من العوارة والعباطة.
|
طبعاً هنا في منبر بكري حكاية (نيك نيم) أو إسم مستعار بقت غير مقبولة، ولازم تديهو إسمك كامل وصورة جواز سفرك عشان يديك العضوية. إستخدام النيكنيم كان في أيام المنبر الأولى، وطبعاً في كل المواقع كان استخدام نيكنيم هو الشائع، ممكن زي ما قلت واحد ناشط وعايز يعمل تأمين لي نفسو أو أي سبب تاني، أو حتى قشرة بي إسم ملفت. لكن المسألة دي لا تنطبق على سودانيز حالياً
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: محمد أبوالعزائم أبوالريش)
|
يا امير الظلام ..
الزيك كمان ظلاميتو وظلمو عاوزة يضووا ليها رتينة؟
Quote:
وباي زا واي ..عملت لينا شنو في موضوع الإعتذارات الما تمت ديك
|
حليلو قبلو!!
ما هو جنس كلامك الساي دا البخلينا (تو قيـv يو نيمس) ذاتو!!
ياخي فتح البوست مجاني -اسأل ود البشرى كان ما بتصدقني انا- توكل على الله اطرح وجهة نظرك (الانا شايفا معكوسة) وحدد معيارك (الانا شايفو مقلوب)
وقسماً بالله ثلاثاً لو اقتنعت بوجهة نظرك لتجدني جصت لايك أ دوغ .. ولا امرغن انفي بالتراب تذللاً لطلب العفو والصفح
غير كدا .. تاني لو طرحت الموضوع دا بضاربك
------
في حتة واااحدة ما عجبتني في طرح د. محمد موسى
وهي حتة التخف للاساءة للناس .. معقولة بس التعميم المخل دا؟
ما ممكن يكون في اعتبارات سياسية او عقدية او فكرية.. او ... او حتى اي تقدير شخصي لمن اختار الكتابة تحت لافتة مستعارة؟
دا احتمال لا يجب اغفاله ..
من زاوية شوفي -وانا واحد منهم- شايف الخير أكتر من الشر في الاسماء المستعارة
ول شنو يا الركاب؟
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: طلحة عبدالله)
|
يا ود البشرى
أنا ما حــــا أختار لنفسي أسم مستعار
لكن أديك انت أسم
مقددا وراقعا ( الاسم المستعار )
وفي الحقيقة أنت ذاك الشاب المهذب الخلوق الهادي هدؤ هبة نسيم صباحية ( وخلقة وأخلاق )
ويشهد كل ذلك ( من عرفك جمعته الايام بك )
دا ما شكر لكن الحقيقة بين ود البشرى الشقي الذي دهن السماء بلون ( أصفخضرزورق ... دي كلمة واحدة ) ممسك بالكي بورد
وودالبشرى علي الطبيعة
تحياتي ومودتي
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: خالد علي محجوب المنسي)
|
تضحك يا شفت, ايامك ههههههه
اها كنت ح تختار شنو اسم مستعار
بالغت يا اساسي, شنو كجنكي دي وبعاتي كمان كتر خير حبيب الكل على اختيار اساسي
وان كان كلهن ما بخدمن غرض للنظرية
Quote: تعرف مرة مشيت الليق في واحد راكل كبير كده اظنه من الجماعة الإياهم صحبه شاغله قال لي انت زي القواني دا في زول اتعود ياخد بيدي، عمك الكبير ما فنجط ونطط انتا منو وما بتتحمل المسؤولية كلامك وما عارف شنو مشىجاب ليه سيخة صغيرة ، الناس ضحكت سألته السيخة دي كنت بتعمل بيها شنو.
تخريمة : الكورة دي كلو كلو مافيها مساعد قون ، شي غريب، لو فيه بسموه ضنبابي. |
فعلا فهم كلامك مشكلة, غايتو لو دي كانت صعلقة فا بالغت معقول لا اسي ما عارف الفرق بين الصعلقة وسيلان الريالة, ما مشكلة بنعلمك و نثقفك فري اوف جارج
اول شي لما تحب تقل ادبك او تتصعلك افخر بيها وقول يا فلان انت كدا في عينو عشان ما تبقى سيلان ريالة مع خوف كمان وخوف من شنو, هنا غايتو لافي زول ماسك ليه عكاز لا قرجة لي زول
فا لاداعي تصغر نفسك على العليها وتتجنب المواجهات باللف و الدوران و الهمز الذي لا يليق برجل يحترم نفسه دا
نجاة محمود ---- بيان
صاح كدا يا دكتورة؟
عمر عثمان ---- بنجوس
لا ما ينفع يا أميرنا لو اخترت ليك ما ح افيد غرض البوست
انت ادينا خيارك وخت في بالك انك ما عايز حد يعرفك
شكرا دكتور محمد الأمين على المحاضرة القيّمة
هههههههههههههه اتوقعتك يا حبشي والله وكنت ناوي اكتب وجعلنا من بين ايديهم سدا
Quote: ياخ كل واحد يسمي نفسو بالطريقة التريحو
وزي ما قالوا البحر رايق وود البشرى متضايق!! |
يا حموودي يا عربي وود البشرى علي اليمين اروق من البحر زاته
ياخي انا ما حميت العايز يسمي روحه اي اسم بطريقته أنا بنظّر فقط
محمد جلال عبدالله ---- عدو الرافضة
مممممم اوكي
وعليكم السلام ابو الريش لا دا ما قصد البوست النيك نيمز القديمة, قصدي الآن لنقول مثلا عايز تخش قروب بتاع مريخاب وانت هلالابي أو العكس ح تختار اسم مستعار شنو؟
Quote: أبو العزائم دا ما المقصود بي البوست، الزول دا جاب اسامي معينة وحتلقى اغلبهم عل خلاف معه ، يعني تصفية حسابات
فهو البعض شايفهم وعارفهم فمحتار داير يعرف الباقي، طبعا أبو الدرداق داك فشل في انه يعرف بعض البروفايلات.
الاسم الستعار لا يتطلب للضرورة التخفي يعني ممكن عاجبه اسم معين داير استخدمه، او هو مناضل ضد الحكومة وداير يخفي شخصيته
لأي داعي أمني (من حقه طبعا) فيبقى مسألت يوريك هو منو بتكون نوع من العوارة والعباطة.
حسي مثلا لو قالوا ي اختار اسم حأختار،
كاسترو حبيب حبوبه. |
اعصابك يا جنا ها, انت اتحسست ولاّ شنو
اولا يا عزيزي مافي شي شخصي دي منابر و اسافير عوالم فيرشوال ما تفرح بيها و تجعلا عالمك الحقيقي و تخلي حاجاتها شخصية
ثم ياخي ما فيها حاجة لو ما فهمت البوست اسأل بنوريك, بالنا طويل وصدرنا رحب و معتادين على جهالة الجهلاء , لكن ما تفترض و تقطع من راسك وتصدق نفسك وتقوم وتقع بلا داع
ياتو حتة في المداخلات الكتبتها قلت انا عايز اعرف من هو صاحب الاسم الفلاني, المذكورين اما عارفهم او مخمنهم بنسبة عالية
يا قيقرا دكتور محمد الأمين لم يعمم او يقول ان التخفي للإساءة دي كانت في معرض ضرب امثلة للعبارة الأولى وهي | Quote: والاسم المستعار شكل من أشكال التنكر الذي يتيح للفرد القيام بأفعال كلامية أو سلوكية لا يريد أن يتحمل تبعاتها في الواقع |
ودي صحيحة على اطلاقها فصاحب الاعتبارات السياسية او العقدية او الفكرية او حتى شخصية لا يريد ان يتحمل في الواقع نتيجة افعاله بالإسم المستعار
تنظير --- هولاكو
باقي المداخلة لا معنى لها كالعادة مجرد حشو وتكرار و مط بلا داع :)
يا منسي لازم تختار وإلا حتكون اوف بوينت بالنسبة لموضوع البوست
وشكرا على المجاملة
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: محمد البشرى الخضر)
|
تسلم يا ابو احمد ابو احمد
اهو بنداقش زي ما شايف
يا عروة عبد الله فرصة سعيدة يا حبيب الكل ههههههههه
اوعىة اكون فهمت غلط
خضر الطيب يا رويبضة ياخوي انت خجلان من روحك وبتنكرها ليه
والله بيني وبينك انت تخجّل و ليك حق تستعر من روحك, لكن تسوي شنو كمان ياهو قدرك كدا اقتنع بيه ياخي وريّح روحك بدل تهبّل بيها كدا
| Quote: يا ود البشري الاسم المستعار ممكن يجيك من الحولك و برضو انعكاس لي حاجات فيك زي حالة قيقاناطي المؤقتة دي |
دي الفكرة يا جلال انو الاسم المستعار - البتختارو انت - ليه علاقة بشكل ما بشخصيتك الحقيقية
سيدا زاتو --- دينا خالد
| |
|
|
|
|
|
|
|
|
|
Re: مساعدة يا شباب لإثبات نظرية عن اختيار الأسماء المستعارة ... (Re: محمد البشرى الخضر)
|
Quote: يا منسي لازم تختار وإلا حتكون اوف بوينت بالنسبة لموضوع البوست
|
ألا يكفي المنسي دي
المنسي دي لزقها فيني بكري أبوبكر لما أنضميت للمنبر
يعني يا ود البشرى المنسي دي ما حقتنا ( وابوي زعلان منها ههههههههه )
====================
| Quote: وشكرا على المجاملة |
حرام عليك يا ود البشرى
نحن ما بنجامل .. والمجاملة هي اما شئ من حياء أو رئا
نحن ما قلنا إلا الحقيقة يا محمد
ولك التحية والتقدير
| |
|
|
|
|
|
|
| |
محمد البشرى الخضر
أيمن محمود
العوض المسلمي
محجوب البيلي
بشير أحمد
7abib_alkul
smart_ana2001
سلمى تاور
Hani Arabi Mohamed
Mutaz Hussien
عبدالعزيز الفاضلابى
وليد محمد المبارك
اساسي
omer osman
محمد الأمين موسى
Mohamed E. Seliaman
MOHAMMED ELSHEIKH
محمد عبد الماجد الصايم
محمد جلال عبدالله
محمد أبوالعزائم أبوالريش
خالد علي محجوب المنسي
فيس بوك
تويتر
انستقرام
يوتيوب
بنتيريست